ဆယ်လပိုင်း ဆယ်ရက်နေ့မှာပြောသော အမေရိကန်သမ္မတ အိုဘားမား၏ 10 10 ( Ten Ten ) မိန့်ခွန်း

အားလုံး မင်္ဂလာပါ..
အမေရိကန်နိုင်ငံရဲ့ အလုပ်လက်မဲ့ရာခိုင်နှုန်းဟာ ( ၆ ) ရာခိုင်နှုန်းအောက် ကို ( ၆ ) နှစ်အတွင်းမှာ ပထမဦးဆုံးအကြိမ် ကျဆင်းခဲ့ပါတယ်။ ပြီးခဲ့တဲ့ ( ၄ ) နှစ်ကျော်ကာလအတွင်း ကျွန်တော်တို့ရဲ့ စီးပွားရေးဟာ အလုပ်အကိုင်သစ်ပေါင်း ( ၁ဝ ) သန်းကျော် ဖန်တီးပေးနိုင်ခဲ့တယ်။ ဒါဟာ ပုဂ္ဂလိက ကဏ္ဍ သမိုင်းမှာ အနှောင့်အယှက်ကင်းကင်း နဲ့ အရှည်ကြာဆုံး ထိန်းထားနိုင်ခဲ့တာဖြစ်တယ်။
.
( ၁၉၉၀ ) နောက်ပိုင်း အလုပ်အကိုင်အခွင့်အလမ်းများ မြှင့်တင်နိုင်ခဲ့တာနဲ့အညီ အခြေခံမိသားစုရဲ့ လုပ်အားခကို တိုးပေးနိုင်ခဲ့ခြင်း မရှိခဲ့ပါဘူး။ ပြည်သူတွေဟာ အားအင်တွေ ညှစ်ထုတ်ပြိး ခိုင်းစားခံနေရတယ်လို့ စိတ်ခံစားမှုဖြစ်နေရတာ ကျွန်တော်သိတယ်။ ဒါကြောင့် အလုပ်သစ်တွေ အလျင်အမြန်ဖော်ထုတ်ကြဖို့ မူဝါဒသမားတွေကို ကျွန်တော် တိုက်တွန်းနေသလို နာရီစားလုပ်ခ တိုးပေးဖို့ ပြောနေတာပေါ့။
.
အခြေခံအဆောက်အဦတွေ တည်ဆောက်တဲ့ မူဝါဒတွေ ချမှတ်တဲ့နေရာမှာ အမျိုးသမီးတွေ လုပ်ခတန်းတူရရှိဖို့ သေချာအောင် ဆောင်ရွက်ရမယ်။ ဒီကနေ ရှေ့ဆက်ပြီး လူငယ်ကျောင်းသားတွေရဲ့ စာသင်စားရိတ်ချေးငွေကို အလွယ်တကူ ပြန်လည်ပေးဆပ်နိုင်အောင် လုပ်ရမယ်။ လုပ်အားခ တိုးပေးခြင်းဟာ ပြည်သူတွေ ကြိုတင်စီစဉ်နိုင်အောင် ကူညီဖို့ အလွယ်ကူဆုံးနဲ့ အမြန်ဆုံးနည်းလမ်းဖြစ်တယ်။
.
ပြည်သူများ မိမိကိုယ်ကို မေးကြည့်ကြပါ .. အခြေခံလစာနဲ့ တစ်နှစ်လုပ်အားခ ဒေါ်လာ ( ၁၄၅ဝဝ ) နဲ့ ချို့တဲ့ဆင်းရဲစွာ ရပ်တည်နိုင်သလားလို့။ ဒီလမ်းစဉ်ဟာ မမှန်ပါဘူး။ အလုပ်ကြိုးစားသူဟာ ထိုက်သင့်တဲ့ လုပ်ခ ရရမယ်။
.
လက်ရှိမှာ ဖယ်ဒရယ်အစိုးရသတ်မှတ်ချက်အရ တစ်နာရီကို ( ၇.၂၅ ) ဒေါ်လာ ရကြတယ်။ ( ၁ဝ.၁ဝ ) ဒေါ်လာကို တိုးမြှင့်သတ်မှတ်ပေးဖို့ အချိန်ကျရောက်ပါပြီ။ တစ်ဆယ်ဒေါ်လာ တစ်ဆယ်ဆင့်လို့ပဲခေါ်ခေါ်၊ တစ်ဆယ် တစ်ဆယ် = 10 10( Ten Ten ) လို့ပဲခေါ်ခေါ် ဒီငွေကို တိုးပေးလိုက်ရင် အမေရိကန်ပြည်သူ ( ၂၈ ) သန်း ပေါ်မှာ အကျိုးရှိစေမယ်။ ဟုတ်ပါတယ် လူပေါင်း ( ၂၈ ) သန်းပါ။
.
အသက် ( ၃၅ ) နှစ်တန်းမှာ အများစုက နာရီစားလုပ်ခနည်းတဲ့ အမျိုးသမီးတွေဖြစ်တယ်။ အခုလို အပိုရမယ့်ငွေဟာ မိသားစုရပ်တည်ရေး နဲ့ ကုန်ကျစားရိတ်တွေအတွက် အကူအညီရစေလိမ့်မယ်။ ဒီငွေပို ငွေလျှံထဲကနေ ဒေသန္တရ စီးပွားရေးတွေပေါ်မှာလည်း ပိုသုံးစွဲနိုင်လာပြီး လူတန်းစေ့နေနိုင်ပါစေလိမ့်မယ်။ စီးပွားရေးတိုးတက်မှလည်း လူအများအကျိုးရှိစေနိုင်မယ် မဟုတ်လား။
.
ဒါပေမယ့် ဒါကို အတည်ပြုပေးဖို့ လွှတ်တော်က တင်းခံနေတာ ( ၇ ) နှစ်ရှိပြီ။ ဟုတ်တယ် ( ၇ ) နှစ်တောင် ရှိပြီ။ ဒီနှစ်မှာ လွှတ်တော်မှာ ဆွဲတင်နိုင်ခဲ့သော်ငြားလည်း ရီပတ်ဘလစ်ကန်တွေက ငြင်းပယ်ခဲ့ပြန်တယ်။ ဒါကို လွှတ်တော်မှာ ကျွန်တော်တောင်းဆိုတာနဲ့ တစ်ပြိုင်တည်း ပြည်နယ် ( ၁၃ ) ခု၊ မြို့ကြီး ( ၂၁ ) မြို့နဲ့ ကိုလံဘီယာပြည်နယ်တို့က လိုက်ပြီးတောင်းဆိုခဲ့တယ်။ နောက်ထပ်ပြည်နယ် ( ၅ ) ခုကလည်း နောက်လမှာ အစိုးရကူငွေအပြင် နာရီစားလုပ်ခတိုးပေးဖို့ တောင်းဆိုဖွယ်ရှိနေတယ်။
.
ကုမ္ပဏီအများစုဟာ သူတို့ရဲ့လုပ်သားတွေကို လုပ်ခတိုးပေးဖို့ ပြင်ဆင်နေကြပြီ။ မကြာသေးခင် စစ်တမ်းတစ်ခုအရ အသေးစား စီးပွားရေးလုပ်ငန်းတွေက 10 10 ( Ten Ten ) ဈေးနှုန်း ကို ဖြည်းဖြည်းမှန်မှန်တိုးပေးနေတာ တွေ့လာရတယ်။ ကျွန်တော် တတ်နိုင်သလောက် တိုက်တွန်းခဲ့ပေမယ့်လည်း ဖယ်ဒရယ် ကိုယ်စားလှယ် ကန်ထရိုက်တာများက သူတို့လုပ်သားများကို ( ၁ ) နာရီ 10 10 ပေးပြီး လိုက်ပါဆောင်ရွက်ဖို့ အထူးလိုအပ်နေပါတယ်။
.
ဒီတစ်ပတ် သောကြာနေ့ ( 10-10-2014 ) မှာ စီးပွားရေးအစုအဖွဲ့တွေ၊ အလုပ်လုပ်နေတဲ့ မိခင်တွေ၊ အလုပ်သမား သမဂ္ဂတွေ နဲ့ မြို့တော်ဝန် ( ၆၅ ) ဦးအပါအဝင် လူအုပ်ကြီးက အလုပ်ကြိုးစားတဲ့ အမေရိကန်ပြည်သူတွေကို လုပ်ခတိုးပေးဖို့အဆိုကို အခုလို ဆက်ပြီး ပိတ်ဆို့တင်းခံမထားကြဖို့ ရီပတ်ပလစ်ကန်ကို တောင်းဆိုဖို့ရှိပါတယ်။ အကြောင်းရင်းက အမေရိကန်မြေမှာ အချိန်ပြည့်အလုပ်လုပ်ပြီး အလုပ်ကြိုးစားတဲ့ မည်သူမဆို မိသားစုကို ဆင်းရဲချို့တဲ့စွာ ပျိုးထောင်ဖို့ မလိုပါဘူး။
.
တိုက်ပွဲဆက်ဝင်သွားနေတာနဲ့တစ်ပြိုင်နက် နိုင်ရမယ်ဆိုတာ ကျွန်တော်ယုံကြည်တယ်။ အမေရိကန်နိုင်ငံဟာ အခုအချိန်မှာ ဆုကြေးခံစားရဖို့ ထိုက်တန်တယ်။ အမေရိကားဟာ မိဘပြည်သူတွေရဲ့ အလုပ်ကြိုးစားမှုအတွက် ဆုကြေးခံစားရစေဖို့ အဖိုးထိုက်တန်တဲ့ ထာဝရမြေ ဖြစ်တယ်ဆိုတာ ကျွန်တော်ပြောလိုပါတယ်။
.
ကျေးဇူးတင်ပါတယ်။

သမ္မတ အိုဘားမားမိန့်ခွန်း ( ၁ဝ-၁ဝ-၂ဝ၁၄ ) ဝေါ်ရှင်တန်ဒီစီ
Ref: The White House

ဘာသာပြန်သူ - ကိုညီညီ ( တောင်ကြီး )