သူတို့ ၃ ဦးကို ၆/၈၈ အသင်းအပင်းဥပဒေနဲ့ နတ္တလင်းမြို့နယ်ရဲစခန်းက တရားစွဲဆိုထားတာဖြစ်ပြီး ဒီနေ့ရုံးချိန်းဟာ ၁၉ ကြိမ်မြောက်ဖြစ်ပါတယ်။
သူတို့ ၃ ဦးကို ပေါင်းတည်အကျဉ်းထောင်ထဲမှာ ပြီးခဲ့တဲ့ဇွန်လကတည်းက ထိန်းသိမ်းထားပြီး အခုအချိန်ထိ အချိန်ဆွဲနေတာကြောင့် အစာငတ်ခံဆန္ဒပြသွားမယ်လို့ ဒေါ်မြင့်မြင့်အေးက နတ်တလင်းမြို့နယ် တရားရုံးမှာရှိနေစဉ် RFA ကို အခုလိုပြောပါတယ်။
“ကျမတို့ကို ၆/၈၈ နဲ့ တရားစွဲတယ်၊ အခုပေါင်းတည်ထောင်ထဲကို ကျမတို့ရောက်တာ ဒီကနေ့ဆိုရင် ၆ လတိတိပြည့်ပါပြီ၊ ကျမတို့ဖြစ်စေချင်တာက စွဲချက်တင်သင့်တယ်ဆိုရင်လည်းတင်ပါ၊ ကျမတို့ကိုစစ်ပါ၊ ထောင်ချရင်လည်းချပါ၊ စွဲချက်မတင်သင့်ဘူးဆိုရင်လည်း သူတို့လွှတ်ရမှာပေါ့နော်၊ မနက်ဖြန်နဲ့ သဘက်ခါ နှစ်ရက်စောင့်ပြီးတော့မှ သောကြာနေ့အထိအောင်မှ စွဲချက်တင်သင့် မတင်သင့်ဆိုတဲ့ အမိန့်တစ်ခုခုကို ပဲခူးတိုင်းတရားရုံးက ချမပေးဘူးဆိုလို့ရှိရင် ပေါင်းတည်ထောင်ထဲမှာ အစာငတ်ခံဆန္ဒပြသွားမှာဖြစ်ပါတယ်”
ဒေါ်မြင့်မြင့်အေးတို့ ဖွဲ့စည်းထားတဲ့ ကွန်ရက်အဖွဲ့ဟာ တရားဝင်အဖွဲ့အစည်း မဟုတ်တဲ့အတွက် အခုလို ဖမ်းဆီးအရေးယူထားတာဖြစ်တယ်လို့ နတ်တလင်းမြို့နယ် ရဲစခန်းက တာဝန်ကျအရာရှိ တစ်ဦးက RFA ကို အရင်က ဖြေကြားခဲ့ဖူးပါတယ်။
RFA
No comments:
Post a Comment