ရခိုင်ပြည်နယ် တောင်ကုတ်မြို့မှာ မနှစ်က ဖြစ်ပွားခဲ့တဲ့ မူဆလင် ဘာသာရေး
ခေါင်းဆောင်တွေအပါအ၀င် လူ (၁၀) ယောက် အသတ်ခံခဲ့ရတဲ့အမှု နဲ့ပတ်သက်ပြီး
ဖမ်းဆီးထားသူတွေကို သံတွဲခရိုင်တရားရုံးမှာ အင်္ဂါနေ့က စတင်စစ်ဆေး ခဲ့ပါတယ်။
သူတို့ကို လူသတ်မှု နဲ့ တရားစွဲဆိုထားပြီး၊ လာမယ့် သြဂုတ်လ (၂၆) ရက်နေ့မှာ အမှုကိုစတင်ကြားနာမယ်လို့ ရဲအရာရှိတစ်ဦးကပြောပါတယ်။
ဖမ်းဆီးထားသူ (၆) ဦးလုံး ဗုဒ္ဓဘာသာဝင်တွေဖြစ်ကြပြီး၊ စစ်ဆေး မေးမြန်းပြီးမှ ဖမ်းဆီးခဲ့တာဖြစ်တယ်လို့ ဆိုပါတယ်။
၂၀၁၂ ခုနှစ် ဇွန် ၃ရက်နေ့ က အစ္စလာမ် ဘာသာရေးခေါင်းဆောင်တွေ လိုက်ပါလာတဲ့ ဘတ်စ်ကားတစ်စီးပေါ်က လူ (၁၀) ဦး ကို တောင်ကုတ်မြို့မှာ လူအုပ်စု တစ်စု က ကားပေါ်ကဆွဲချပြီး သတ်ဖြတ်ခဲ့ပါတယ်။
အဲဒီဖြစ်ရပ် ဖြစ်ပွားပြီး တစ်နှစ်ကျော်အကြာ ပြီးခဲတဲ့ဇူလိုင်လ ၁၇ ရက် က ဒီသတ်ဖြတ်မူနဲ့ပတ်သက်ပြီး မသင်္ကာသူ ၆ ဦး ကို ရဲ က ဖမ်းဆီးခဲ့ပြီး၊ သံတွဲအကျဉ်းထောင်ကို ပို့ခဲ့ပါတယ်။
အဲဒီဖြစ်ရပ် ဖြစ်ပွားပြီး တစ်နှစ်ကျော်အကြာ ပြီးခဲ့တဲ့ဇူလိုင်လ ၁၇ ရက် က ဒီသတ်ဖြတ်မူနဲ့ပတ်သက်ပြီး မသင်္ကာသူ ၆ ဦး ကို ရဲ က ဖမ်းဆီးခဲ့ပြီး၊ သံတွဲအကျဉ်းထောင်ကို ပို့ခဲ့ပါတယ်။
တောင်ကုတ်လူသတ်မှု ဖြစ်ပွားအပြီး ရခိုင်ပြည်နယ်မှာ လူမျိုးရေး ဘာသာရေးကို အခြေခံတဲ့ အကြမ်းဖက် ပဋိပက္ခတွေ စတင်ဖြစ်ပွားခဲ့ရာမှာ လူ နှစ်ရာကျော် သေဆုံးခဲ့ပါတယ်။
No comments:
Post a Comment