ကြယ်တွေကြွေတိုင်းလွမ်းရရောပဲလား

 လကျာ်လင်းနိုင်
လှိုင်းသစ် Magazine ဇွန်လ ၂၀၁၁
(၁)
တစ်ဘ၀လုံးဟာ အိပ်မက်ရှည်ကြီးပါကွာလို့တစ်ယောက်ယောက် က လှစ်ကနဲကပ်ပြောသွားခဲ့တယ်၊ ရယ်စရာကောင်းတယ်ရုတ်တရက်ထင်ခဲ့ပေမယ့်မရယ်ပစ်ခဲ့ဘူး၊အခန်းတံခါးကိုတွန်းဖွင့်ပစ်ခဲ့တယ်၊ သစ်ရွက်တွေ တဖြောဖြောကြွေလို့၊ ဒါမှမဟုတ်လည်းရှပ်တိုက်ရွေ့လျားလို့၊ နေရောင်စူးစူးရရြဲက သစ်ရွက်စိမ်းတွေကို ဆက်တင်မီးလိုထိုးထားတယ်၊ စိမ်း……..လို့၊ မရည်ရွယ်ခဲ့ပေမယ့်သက်ပြင်းရှည်ကြီးကိုချပစ်ခဲ့တယ်၊ လေအဝှေ့မှာ ကပ်ပါလာတဲ့ ရွက်ခြောက်တွေကို ဘာသိဘာသာ စိတ်နဲ့ တံမြက်စည်းလှဲခဲ့တယ်၊ ခိုင်မာရိုးသားရှင်သန်နေရမယ့်အချိန်ပိုင်းတွေမှာ လူနာတွေကိုအမြဲကူညီနိုင်ခဲ့တာချည်းပဲ လို့ကိုယ့်ကိုယ်ကိုခဏခဏမောင်းတင်ခဲ့တယ်၊ စိတ်ကိုစိတ်နဲ့ကုဖို့ဆိုတာ အင်မတန်နုးညံ့သိမ်မွေ့တဲ့ကစားပွဲပဲ၊ လေတစ်ချက်ထပ်ဝေ့လာတယ်၊ အခန်းတံခါးဟာနည်းနည်းဟသွားသလိုစိတ်ကထင်ရတယ်၊ တစ်ယောက်ယောက်ကဆွဲဖွင့်ဖို့အားယူလိုက်တာလည်းဖြစ်ချင်ဖြစ်နေမယ်၊ မျက်စိလည်လာတဲ့ရွက်ခြောက်ကြွလေးတစ်ရွက်က တံခါးဝမှာဖျတ်ကနဲပေါ်လာတယ်၊ စနေနေ့ခင်းနေ့လည်တွေမှာ အခန်းပြတင်းတံခါးဖွင့်ထားတော့လည်း ရွက်ခြောက်တွေဝင်လာမစဲတသဲသဲ၊ အချိန်တွေကလူတွေကိုစောင့်ခဲ့ရတာလား၊ လူကအချိန်တွေကိုစောင့်ခဲ့ရတာလား၊ ကျွန်တော့စိတ်ထဲကစကားမဆုံးခင်မှာ ခြေသံစကြားလာရတယ်၊ စနေနေ့ရဲ့ဧည့်သည်တစ်ယောက်ဟာ အရင်ရက်သတ္တပတ်တွေလိုပဲ ရွက်ခြောက်ကြွေတွေမနင်းမိအောင်လျှောက်ရင်း ကျွန်တော့အခန်းတံခါးကိုဆွဲဖွင့်လိုက်တယ်၊ ဆံပင်ရှည်တွေကိုဝေ့ကနဲမြင်လိုက်ရတယ်၊ ကျွန်တော်ကသက်ပြင်းကိုတစ်ချက်ဘာရယ်မဟုတ်ပဲရှိုက်လိုက်မိတယ်၊ ရွက်ခြောက်တစ်ရွက်ကစားပွဲပေါ်ဖျတ်ကနဲခုန်အတက်၊ ကျွန်တော့ရှေ့ကကုလားထိုင်ပေါ်မှာဆံပင်ရှည်ရှည်လေးက စွေ့ကနဲ ၀င်ထိုင်လိုက်ပြီ၊ သနပ်ခါးနံ့တွေ အခန်းထဲမှာရုတ်တရက်မွှန်ထူလာခဲ့ပေါ့၊ တစ်ဘ၀လုံးဟာ အိပ်မက်ရှည်ကြီးပါကွာလို့တစ်ယောက်ယောက် က လှစ်ကနဲကပ်ပြောသွားခဲ့တယ်။
“ဆရာမမေးခင်အရင်ကြိုပြောထားချင်တာတွေရှိတယ်နော်၊ညတွေကောင်းကောင်းအိပ်ပျော်ပါတယ်၊ ဆေးတွေမှန်မှန်သောက်ဖြစ်ပါတယ်၊ မနက်တိုင်းလည်းတရားထိုင်ဖြစ်တယ်၊ အစားမှန်မှန်စားဖြစ်ပြီး တခြားဘယ်သူကမှဂရုမစိုက်မယ့် ကိုယ့်ကျန်းမာရေးကိုကိုယ်ဂရုစိုက်ဖြစ်ပါတယ်ဆရာ”
“ဟုတ်ပြီလေ၊ ဒီတစ်ပတ်တော့ အိပ်မက်တွေအကြောင်းပြောကြတာပေါ့”
ကျွန်တော့အသံတွေထဲမှာမလိုလားအပ်တဲ့စကားလုံးအမှုန်အမွှားတွေမပါစေရဘဲသက်ပြင်းကိုလေးလေးနက်နက် ရှိုက်လိုက်တယ်၊လူနာမျက်လုံးတွေထဲမှာပေါ်နေတဲ့ စိတ်ရဲ့အငွေ့အသက်တွေကိုအာရုံစိုက်ထား၊ဒီအချိန်မှာအရေးအကြီးဆုံးကလူနာရဲ့ လွတ်လပ်သွားတဲ့ ငှက်လှောင်အိမ်ထဲက ငှက်ကလေးလိုဖြစ်နေတဲ့စိတ်ကို ကြိုးတွေနဲ့မချည်မိစေနဲ့၊ လူနာဟာ အမှောင်ထုကြီးထဲလမ်းလျှောက်နေတဲ့အခါ ကိုယ် ကမီးအိမ်လေးအဖြစ်လမ်းပြရုံသက်သက်ဆိုတာ ကိုလည်းမမေ့နဲ့ ။
“အိပ်မက်တွေထဲမှာတော့ ကျွန်မကအမြဲလေပေါ်မှာချည်း လွင့်ပါနေတာမျိုးပဲဆရာရဲ့၊ စိတ်တွေလည်းလွင့်လို့၊ကျွန်မဆံပင်ရှည်ရှည်တွေလည်းလွင့်လို့ပေါ့၊ အိပ်မက်တွေကလည်းအမြဲတမ်း ဆောင်းတွင်းအိပ်မက်တွေလိုအရှည်ကြီး ၊ အကြာကြီးထင်ရတယ်၊ ကျွန်မကလေထဲလွင့်နေတာဆိုတော့ရှုခင်းတွေကို အမြင့်ကြီးကနေမြင်ရတယ်၊ သစ်ပင်စိမ်းစိမ်းညို့ညို့ တောအုပ်တွေ၊ ရေကန်တွေမှာလှုင်းကြက်ခွပ်လေးတွေ လူးလွန့်နေတာမျိုးတွေ ၊ စိတ်တွေထဲအသည်းတအေးအေးနဲ့၊ တချို့ငှက်အုပ်တွေကကျွန်မအောက်နားကတင် ပျံသွားကြတာ၊ ရောင်စုံတောအုပ် ကြီးလေထဲပျံနေသလိုမျိုးပေါ့၊ ကျွန်မမမြင်ဖူးတဲ့အကောင်ပလောင် တောကောင်တိရစ္ဆာန်တွေလည်းမြင်ရတယ်ဆရာ၊ ကျွန်မမြင်ဖူးပေမယ့်လည်း ရာဇ၀င်ဖတ်စာနဲ့ ဘုရားမှာမြင်ရတဲ့အကောင်မျိုးကြီးတွေလည်းမြင်ရတယ်၊ တိုးနယားလိုအကောင်မျိုးကြီးတွေပေါ့ဆရာ၊ ဒါပေမယ့်နည်းနည်းလေးမှကိုမကြောက်မိဘူး၊ အားလုံးဟာပါးစပ်ကနေ အသံတစ်ခုမှမထွက်ဘဲနဲ့ အလိုအလျောက်တစ်ယောက်စိတ်တစ်ယောက်သိနေတာမျိုးကတော့ ဆန်းတာပေါ့ဆရာ၊ အားလုံးတိတ်တိတ်ဆိတ်ဆိတ်နဲ့ထုလိုက်ထည်လိုက်ကြီးရွေ့လျားပျံသန်းလို့၊ အသည်းတွေအေးလိုက်တာဆရာရယ်၊ တစ်သက်လုံး မြေကြီးပေါ် ပြန်မဆင်းဖြစ်တော့ပါလားလို့ထင်လာတဲ့အထိကို လေထဲအကြာကြီးပျံနေရတာ”
စနေနေ့ညနေဟာတဖြည်းဖြည်းပါးလျားဖျော့တော့လာခဲ့တယ်၊ အရင်ရက်သတ္တပတ်တွေအတိုင်းပဲရွက်ခြောက်ကြွေတွေကိုရှောင်ရင်းကျွန်တော့အခန်းလေးထဲက ဆံရှည်မလေးထွက်သွားခဲ့ပြန်တယ်၊ဆံပင်ရှည်ရှည်တွေ ဝေ့ကနဲ အခန်းအပြင်လွင့်သွား၊ တံခါးချပ်ကနဲပိတ်၊ စိတ်ဆိုတာ အင်မတန်ထိန်းရသိမ်းရခက်တဲ့လေ ၊ လူတွေဟာ ကျိုးကြောင်းဆင်ခြင်မှုနဲ့ဝေးကွာလေစိတ်ကိုထိန်းသိမ်းရခက်လေ၊ အတိတ်ကပြုခဲ့တဲ့အပြစ်တွေလည်းရှိခဲ့မှာပေါ့၊ ဘာပဲဖြစ်ဖြစ် ကျွန်တော့အတွက်တော့ ကျွန်တော်ဂရုစိုက်ရမယ့်ကျွန်တော့လူနာပဲ၊ လူနာတစ်ယေညာက်ချင်းစီရဲ့စိတ်အသွားအလာကို အမြဲတမ်းအလွတ်ရနေအောင်ဂရုစိုက်ရမှာ ကျွန်တော့တာဝန်ပဲပေါ့ ၊ ညနေစောင်းခဲ့ပြီ ၊ ပြတင်းပေါက်ကမြင်ရတာ အရိပ်ရှည်ရှည်တွေနဲ့ စိတ်တုန်တုန်ရင်ရင်ဖျော့တော့တော့ လူတွေ ၊ ပြတင်းပေါက်ကိုပိတ်လိုက်ပြီ ၊ မီးတွေလည်းပိတ် ၊အခန်းတံခါးကိုချက်ထိုး,သော့ခတ်၊ ပြီးတော့ ပါးလျရီဝေဖျော့တော့နေတဲ့ညနေခင်းထဲမှာ လူရောစိတ်ရောစိမ်ရင်းအိမ်ပြန်ခဲ့တော့တယ် ၊ ကျွန်တော့ အလုပ်ခန်း ဒါမှ မဟုတ် စိတ်ကုသ အလုပ်ရုံကလေးကတော့ နောက်တစ်ပတ်စနေနေ့ရဲ့ လူနာတစ်ယောက်ကိုတွေးမိနေတော့ မယ်။
လူတွေမှာကိုယ်ပိုင်အိပ်မက်တွေရှိကြတာချည်းပဲ ၊ တစ်ယောက်အိပ်မက်နဲ့ တစ်ယောက်အိပ်မက်ဆိုတာလည်း တစ်မိုးတည်းအောက်မှာ အိပ်၊ တစ်ခန်းတည်းမှာနေ၊ ကုန်ကုန် ပြောရရင် တစ် အိပ်ရာတည်းအိပ်ရင်တောင်တူချင်မှတူတတ်တာမျိုး၊ ကျွန်တော့အတွေးတွေကလည်း ၀ရန်တာကလှမ်းမြင်နေရတဲ့လရောင်ထဲမှာမှ ပိုပြီးလေးလံနေသလားမပြောတတ်တော့ဘူး၊ ဒီညနေနေ၀င်သွားတာ သိပ်မြန်လိုက်တာလို့တွေးနေမိတော့တာ ၊ သောက်လက်စကော်ဖီခွက်ကိုစားပွဲပေါ်တင်ထားခဲ့ပြီး ၀ရန်တာဘက်ထွက်ရပ်မိတော့တယ် ၊ လရောင်ကအိမ်ဝိုင်းလေးတ၀ိုက်ဖြာကျလို့၊ ပတ်ဝန်းကျင်ကငြိမ်တိတ်လွန်းတော့လည်း ပိုးပရစ်မွှားလေးတွေရဲ့အော်သံကိုတောင်ကြားလာရတယ် ၊ ကော်ဖီရဲ့ခါးခါးသက်သက် အရသာလေးကိုရုတ်တရက်ပြန်သတိရလာခဲ့တယ် ၊ ခပ်ငယ်ငယ်ကတည်းကအဖွားနဲ့ မေမေ ကော်ဖီသောက်ရင်ကျွန်တော့ကိုကော်ဖီခွက်အောက်ခံပြားလေးထဲ မေမေကကော်ဖီငှဲ့ပေးတာ ခုထိ သတိရတုန်း၊ ကြီးကောင်ဝင်လာတော့ ကိုယ့်စိတ်ကြိုက်ကော်ဖီကိုကိုယ်ရွေးသောက်တတ်လာခဲ့တယ်၊ ကျွန်တော်ကတော့ကော်ဖီရဲ့ ခါးခါးသက်သက် အရသာလေးနဲ့မှ အိပ်ရာဝင်တတ်လာခဲ့တယ်၊ ခပ်ငယ်ငယ် ကတည်းကဆိုပါတော့ ၊ အိပ်မက်တွေလည်းမက်မက်စက်စက် မက်တတ်လာခဲ့တယ်၊ အထက်တန်းကျောင်းသားဘ၀ကကျွန်တော့ ကိုအထ်ိတ်တလန့်ဖြစ်စေခဲ့တဲ့ ပန်းချီကားတစ်ချပ်ကိုလည်းဒီညတော့ ပြန်သတိရခဲ့ရတော့တယ်၊ ကျွန်တော့အိပ်မက်တွေကိုခေါင်းလောင်းထိုးခဲ့တဲ့ပန်းချီကားပေါ့၊ ကောင်လေးကကောင်မလေးကိုအမှတ်တရ မွေးနေ့ပန်းစည်းလေးကိုယ်တိုင်ကိုယ်ကျသွားပေးခဲ့ရင်းအနမ်းချင်းဖလှယ်မိကြတဲ့ သိပ်ရိုးစင်းတဲ့ဇာတ်လမ်း လေးတစ်ပုဒ်ကို မက်ရှားဂေါလ်ကကင်းဗတ်စပေါ်မျာ ပီပီပြင်ပြင်တင်ဆက်ခဲ့တယ်လေ၊ ဒါပေမယ့်ကျွန်တော့ကိုလန့်ဖျတ်သွားစေခဲ့တာကတော့ ကောင်လေးကအခန်းအပြင်ဘက်ကစင်္ကြန်လေထုထဲမှာလွင့်နေတော့တာ ၊ တကိုယ်လုံးလေထဲမှာမြောက်နေတဲ့ကောင်လေးကမွေးနေ့ရှင်ကောင်မလေးကို လေထဲကနေမွေးနေ့ပန်းစည်းလှမ်းပေးနေခဲ့တာ ကနေကျွန်တော့အိပ်မက်တွေအစပြုခဲ့တာပဲ၊ မက်ရှားဂေါလ်ရဲ့တခြားပန်းချီကားတွေကြည့်ခဲ့ရတော့လည်း လူတွေတိရစ္ဆာန်တွေဟာ သူ့ပုံစံနဲ့သူလေထဲလွင့်ရင်း မျိုးစုံဖြစ်ပျက်နေတော့တာ ၊ ကျွန်တော့အိပ်မက်တွေလည်းအစပြုခဲ့တယ်၊ ဆာရီယယ်လ်လစ်ဇင်ပန်းချိဟာ ကျွန်တော့အိပ်မက်တွေကိုရှည်ရှည်လျားလျားဆွဲဆန့်ခဲ့တယ်၊ ကျွန်တော့ရဲ့အိပ်မက်တွေထဲမှာ ကျွန်တော်ကလေထဲမှာလွင့်နေခဲ့တော့တာ ၊ ကျွန်တော့အိမ်ထဲမှာကျွန်တော်ကပျံလို့၊ ထမင်းစားခန်းထဲမှာပျံနေလို့မေမေက ထိုင်ခုံမှာထိုင်ပြီးထမင်းစားဖို့ ဆူနေတာမျိုး ၊ ဒါမှမဟုတ်လည်း သူငယ်ချင်းတွေနဲ့ပျော်ပွဲစားခရီးက်ုကျွန်တော် က လေထဲလွင့်ရင်းလိုက်သွားမိတဲ့အိပ်မက်မျိုးတွေပေါ့၊ ဒီညတော့ကျွန်တော်အိပ်မက်မက်မိဦးမှာလားမသိ၊ ကျွန်တော့အိပ်မက်ထဲမှာ ကျွန်တော့ လူနာတွေရော လေထဲလွင်နေမှာပဲလား၊ တစ်ခါတစ်ခါတော့စိတ်ထဲမှာ လွင့်နေတဲ့အရသာမျိုး ကျွန်တော့လူနာတွေကိုမြည်းစမ်းကြည့်စေချင်တဲ့ စိတ်မျိုးတော့ပေါ်ပေါက်လာတတ်ပါတယ်၊ သိပ်ကိုရှားတောင့်ရှားပါးတစ်ခါတစ်လေမျိုးပေါ့၊ အထူးသဖြင့်,စိတ်ထွက်ပေါက်မရှိတော့တဲ့လူနာမျိုးတွေ။
(၂)
ဒီတစ်ပတ်စနေနေ့ကတော့ ရောက်တာနှေးလိုက်တာထင်ရတယ်၊ ဆံပင်ရှည်လေးရဲ့ အသားအရေတွေပဲဖျော့တော့လွန်းနေတာလား၊ ပိန်သွားတယ်ထင်ရတယ်၊ ဆေးတွေမှန်မှန်သောက်ဖြစ်ပါ့မလားမသိ၊ စိတ်ညစ်စရာတွေများများမတွေးပါနဲ့မှာထားရဲ့သားနဲ့၊ ပြီးတော့စိတ်ရှုပ်နေတာပဲလား၊စကားကိုမြန်မြန်,မြန်မြန်ပြောချင်နေပုံလည်းရနေတယ်။
“ဆရာ့ကိုပြီးခဲ့တဲ့တစ်ပတ်ကအိပ်မက်တွေအကြောင်းပြောလိုက်မိတာ အိပ်မက်အဟောင်းတွေနဲ့ပတ်သက်ပြီး အကုန်ဖြစ်ညှစ်ထုတ်လိုက်သလိုပါပဲဆရာ၊ စိတ်ထဲမှာ ဘာမှကိုမကျန်တော့တာ၊ ဒါပေမယ့်ကျွန်မအိပ်မက်အသစ်တွေထပ်မက်ခဲ့တယ်ဆရာ၊ ဒီအိပ်မက်တွေလည်းကုန်သွားအောင် ကျွန်မဆရာ့ကိုဖွင့်ပြောမှဖြစ်တော့မယ်ဆရာ၊ အခုမက်တဲ့အိပ်မက်တွေထဲမှာ ကျွန်မကအမြဲတမ်း ကုတင်ပေါ်မှာနာတာရှည်လှဲနေရတဲ့ လူနာမျိုးပေါ့ဆရာ၊ ကျွန်မအိပ်မက်ထဲမှာကိုယ့်ကိုယ်ကိုပြန်မြင်ရရင်အိပ်ပျော်နေသလိုထင်နေရတာချည်းပဲ၊ထူးဆန်းတာကကျွန်မကိုယ်ထဲက သစ်ပင်တေါထွက်လာတာပဲဆရာ ၊သစ်ပင်တွေကစိမ်းလိုက်တာလွင်နေတာပဲ၊ ဆူးတွေတော့မပါကြဘူး၊ သစ်ပင်စိမ်းစိမ်း ပျော့ပျော့တွေ ကျွန်မကိုယ်ကပေါက်လာတာဆရာရေ၊ နာတဲ့ကျင်တဲ့စိတ်ခံစားမှုမျိုးတော့မရှိဘူး၊ တစ်မျိုးပဲ၊ သစ်ပင်တစ်ပင်ပေါက်လာတိုင်းပျော်နေမိတော့တာပဲ၊ ကျွန်မတကိုယ်လုံးကိုသစ်ပင်တွေဖုံးသွားတော့တာကိုးဆရာရဲ့၊ အရွက်လေးတွေကသေးသေးလေးတွေ၊ ဒီအိပ်မက်ကိုပျော်စရာလို့ထင်ခဲ့မိပေမယ့် ကုန်သွားအောင်တော့ဆရာ့ကိုဖွင့်ပြောပြလိုက်တာပဲကောင်းပါတယ်လေ၊ သစ်ပင်ပျော့ပျော့စိမ်းစိမ်းတွေတစ်ပင်ပြီးတစ်ပင်ပေါက်လာလိုက်တာခုဆို ကျွန်မတကိုယ်လုံးသစ်ပင်တွေဖုံးသွားပြီ၊ ဘာဆက်ဖြစ်မလဲဆိုတာမသိသလို ဆက်မမက်ရဲတဲ့အိပ်မက်မျိုးပေါ့ဆရာ၊ အစပိုင်းမှာပျော်စရာကောင်းခဲ့ပြီ ဇာတ်သိမ်းပိုင်းမှစိတ်ဒုက္ခရောက်ရတာမျိုးဆိုရင် ကျွန်မစိတ်ညစ်ရတော့မယ်ဆရာ၊ဆရာပေးထားတဲ့အိပ်ဆေးတွေ မသောက်ဘဲနှစ်ရက်လောက်နေကြည့်တော့ ညအိပ်မပျော်တော့ဘူးဆရာ၊ ဒီအိပ်မက်ရဲ့ အဆုံးပိုင်းကိုဆက်မမက်ရဲတော့လို့ တစ်ညလုံးမအိပ်ဘဲထိုင်နေခဲ့ရတယ်ဆရာ၊ ဒါပေမယ့်ဆရာ့က်ုဖွင့်ပြောလိုက်ပြီးပြီဆိုတော့ လည်းဒီညအိပ်ပျော်သွားမှာပါဆရာ”
ဖျော့တော့တော့ကိုယ်ခန္ဒာလေးက ကျွန်တော့ဆီကတစ်ပတ်စာဆေးတွေယူပြီးထွက်သွားခဲ့ပြီ၊ ဒီစနေညဟာလည်းကျွန်တော့အတွက် အိပ်မက်တွေအကြောင်းနဲ့စိုထိုင်းနေတော့မယ်၊ ကျွန်တော်ငယ်ငယ်တုန်းကတော့ သနားစရာအကောင်ဆုံးပန်းချီဆရာမတစ်ယောက်ကိုတွေ့ရှိခဲ့တယ်၊ ဆာရီရယ်လစ်ဇငပန်းချီ်ရေစီးကြောင်းထဲလွင့်နေတဲ့ ပန်းချီမိန်းမသားတစ်ဦးအဖြစ် သူ့ပန်းချီကားတွေကြည့်ခဲ့ရပြီးသူ့ဘ၀ဇာတ်ကြောင်းကိုသိခဲ့ရချိန်မှာတော့ ကျွန်တော်လေးလေးနက်နက်ကိုယ်ချင်းစာပြီးသူ့ပန်းချီကားတွေကို ထူးဆန်းထွေလာသဘောမျိုးထက်ပိုတဲ့ အမြင်သစ်တစ်မျိုးနဲ့ စူးစူးနင့်နင့်ကြည့်ခဲ့ရတယ်၊ “ဖရီဒါခါလို” ဟာ သေတဲ့အထိခါးအောက်ပိုင်းသေဝေဒနာနဲ့ မချိမဆန့်စိတ်နာကျင်မှုကိုခံစားခဲ့ရတယ်၊အိမ်ထောင်ရေးစိတ်ဒုက္ခ အစုအပြုံကြီးကိုခံစားရင်းနဲ့ ပဲ ကုတင်ပေါ်မှုအိပ်မက်ပန်းချီတွေရေးခဲ့တယ်၊ သိပ်သနားစရာကောင်းတဲ့ မိန်းမတစ်ယောက်ရဲ့ နာကျင်မှုနဲ့ အထီးကျန်မှုတွေဟာ ပန်းချီကားတွေကိုအသက်ဝင်စေခဲ့တယ်၊ ကုတင်ပေါ်အိပ်ပြီးလဲလျောင်းနေတဲ့ မိန်းမရဲ့ ကုတင်ဘေးနဲ့အမိုးတွေပေါ်မှာနွယ်ပင်တွေပေါက်ရောက်ရှင်သန်လို့၊ တစ်ခါတစ်ခါတော့လည်းပလာစတာစည်းထားတဲ့ လူနာပုံစံတွေနဲ့ သူ့ရဲ့အိပ်မက်ထဲကနာကျင်မှုကိုဆွဲထုတ်ပြခဲ့တယ်၊ကျွန်တော်တို့ရောနာကျင်မှုကိုသေရာပါကြောက်ခဲ့ကြသူတွေမဟုတ်လား၊ လူနာတွေရဲ့နာကျင်မှုဟာဆရာဝန်တွေဆီကိုအမြဲစီးဆင်းပါတယ်၊ ဆရာဝန်တွေကပဲလူနာတွေရဲ့နာကျင်မှုကိုအမြဲဖြေရှင်းပေးကြရတယ်၊ လူနာတွေရဲ့နာကျင်မှုကို ကိုယ်တိုင်ကိုယ်ချင်းစာပြီး ပြုစုကုသနိုင်ပြီဆိုမှပဲဆရာဝန်တစ်ယောက်ဖြစ်လာတယ်လို့ ကျွန်တော်ကအမြဲတမ်းစိတ်ထားခဲ့တယ်၊ လူနာရင်ဘတ်အောင့်နေရင်ကိုယ်လည်းအောင့်နေတယ်လို့ခံစားလာရတဲ့ဆရာဝန် ,လူနာဖျားနေရင်ကိုယ်လည်းဖျားနေပြီလို့ ခံစားလာရတဲ့ဆရာဝန်မျိုးမှသာ ကိုယ့်ကိုယ်ခန္ဒာနဲ့ ကိုယ်ချင်းစာပြီးကုသပေးနိုင်မှာပေါ့၊ ဒီညတော့ကော်ဖီမသောက်ဖြစ်ခဲ့တော့ဘူး၊ပြီးတော့ညတာလည်းရှည်ခဲ့ရတယ်လေ။
(၃)
ဒီစနေကျတော့မိုးသားတွေညို့လို့၊ လေကငြိမ်နေတယ်၊ ပါးပါးလှပ်လှပ်ကိုယ်လေးကိုမြင်ရတော့ စိတ်ထဲထင့်သွားသေးတယ်၊ သူပြုံးတာကနွမ်းနွမ်းယဲ့ယဲ့၊ ဆံပင်ရှည်လေးတွေအရောင်မတောက်တော့ဘူး၊ ခြေလှမ်းတွေလေးတိလေးကန်၊ သူထိုင်ခုံမှာဝင်ထိုင်လိုက်တော့ ဘာမှန်းမသိတဲ့သစ်ရွက်စိမ်းနံ့တစ်မျိုးကိုကျွန်တော်ရလာတယ်။
“ ပြီးခဲ့တဲ့တစ်ပတ်ကအိပ်မက်တော့ထပ်မမက်တော့ဘူးဆရာ၊ ဒါပေမယ့်အိပ်မက်အသစ်ကိုထပ်တလဲလဲ မက်နေတယ်၊ သစ်ပင်တွေစိမ်းညို့နေတဲ့တောအုပ်ကြီးထဲမှာ ကျွန်မရပ်နေတဲ့အိပ်မက်မျိုးပေါ့ဆရာ၊ ဘာသံမှမကြားရဘူ၊ လေတိုက်တာမျိုးလည်းမရှိဘူး၊ အသက်ရှူကျပ်တာမျိုးလည်းမရှိဘူး၊ ပန်းနံ့တွေမွှေးနေတာမျိုးလည်းမရှိတဲ့တောအုပ်ကြီးပဲဆရာ၊ ပထမစမက်တဲ့ညတုန်းကတော့ပျော်နေသေးတာ၊ နောက်နေ့မနက်ခြံဝင်းထဲကပန်းပင်တွေတောင် အိပ်ခန်းထဲထည့်အိပ်သေးတယ်၊ အိပ်မက်ထဲမှာပန်းနံ့တွေရအောင်ပါဆရာရယ်၊ ဒါပေမယ့်နှစ်ရက်သုံးရက်ကြာတော့ကျွန်မအရင်အပတ်တွေကလိုကြောက်လာတယ်ဆရာ၊ဆေးတွေပုံမှန်သောက်ပေမယ့် ညလယ်လောက်ဆိုလန့်လန့်နိုးနေတတ်တယ်ဆရာ၊ တောအုပ်ကြီးကဘာတွေထွက်လာမှာလဲ၊ ဘာလို့တစ်ယောက်တည်းရပ်နေရတာလဲ၊ ကျွန်မပုံကဘာဖြစ်လို့အိပ်မက်ထဲမှာအမြဲတမ်း ၀မ်းနည်းတဲ့ပုံဖြစ်နေရတာတဲ့လဲ”
သူ့စကားသံလေးကတိုးညှင်းသွားပြန်တယ်၊ သူဆက်ပြောနေတဲ့စကားသံကတိုးလွန်းတော့ သူပြောနေတာဘာရယ်လို့သဲသဲကွဲကွဲမသိရပြန်တော့ဘူး၊အဲဒီညနေကသူပြန်သွားတဲ့ပုံကိုကျွန်တော်အမြဲတမ်းအမှတ်ရနေမိတော့တာပါပဲ၊ သောက်ဆေးတွေထပ်တိုးပေးလိုက်ပေမယ့်လည်းအိမ်သူအိမ်သားတွေရဲ့အနီးကပ်ဂရုစိုက်တာမခံရတဲ့ လူနာတစ်ယောက်ကိုကျွန်တော်ဘယ်လိုဒီထက်ပိုကူညီနိုင်တော့မှာလဲ။
ကျွန်တော်ငယ်ငယ်တုန်းကလည်း တောအုပ်တွေထဲသူငယ်ချင်းတွေနဲ့ပျော်ပွဲစားထွက်ကြတယ်၊စမ်းချောင်းတွေ၊ငှက်တွေကိုတွေ့တယ်၊ကြားရတယ်၊ ကျွန်တော်တို့ရဲ့စသံနောက်သံစကားပြောသံတွေကိုပါထည့်ပြောရရင်တော့ဆူညံနေတော့တယ်၊ဆူညံနေတဲ့တောအုပ်တွေပေါ့၊ စိမ်းညို့နေတဲ့တောအုပ်တွေ၊ဒါပေမယ့် တိတ်ဆိတ်နေတဲ့အိပ်မက်ထဲကတောအုပ်တွေကိုပန်းချီကားတစ်ကားမှာစကြည့်ဖူးခဲ့တဲ့ညကတော်တော်နဲ့ အိပ်မပျော်နိုင်ခဲ့
ဘူး၊ပြီးတော့တောအုပ်စိမ်းစိမ်းညို့ညို့မှာမှလကသာချင်တိုင်းသာနေတော့တယ်၊ပြီးတော့အိပ်မက်ထဲမှာလိုငြိမ်သက်တိတ်ဆိတ်လို့၊ အိပ်မက်မက်ကောင်းနေတဲ့ဂျစ်ပဆီတစ်ယောက်ကိုခြင်္သေ့ကအိပ်မက်ဆန်ဆန်နမ်းလို့၊ ဒါမှမဟုတ်လည်းအနံ့ခံလို့၊ သစ်တောတွေထဲကအိပ်မက်နဲ့အဖြစ်အပျက်တွေကို ပန်းချီကားပေါ်ဆွဲတင်ခဲ့တဲ့“ဟင်နရီရူးဆိုးဓဟာလည်းကျွန်တော့အတွက်ဆာရီယယ်လ်လစ်ဇင်ပန်းချီနဲ့ပတ်သက်တဲ့အိပ်မက်တွေကိုတံခါးဖွင့်ပေးခဲ့ပါတယ်၊ အဖြစ်အပျက်သဘောမျိုးဆန်တဲ့အိပ်မက်ပြကွက်တွေကို ရူးဆိုးကအမိအရပိတ်ကားပေါ်ပစ်တင်ခဲ့တယ်လေညဘက်မှာတောအုပ်တွေဟာ တိတ်ဆိတ်လှို့ဝှက်ပြီးအသိရခက်တယ်ဆိုတာရူးဆိုးရဲ့ပန်းချီကားတွေကနေတဆင့်ကျွန်တော်သိခဲ့တယ်။
(၄)
ရက်သတ္တပတ်တွေတစ်ပတ်ပြီးတစ်ပတ်ကုန်လာခဲ့သလို ဆံရှည်မလေးဟာလည်း အလင်းဓာတ်တွေလျော့လာခဲ့တယ်၊ မျက်တွင်းဟောက်ပက်နဲ့ဆံရှည်မလေးကို သုံးပတ်ကျော်မှပြန်ဆုံခဲ့ရတော့ ပိန်လှီနေခဲ့ပြီ။
“ ဆရာ့ဆေးတွေကိုမသောက်ဖြစ်တော့တာကြာပြီဆရာ၊ အစ်မကဒီဆေးတွေသောက်လို့ဒီလိုဖြစ်နေတာဆိုပြီး ဆေးတွေသိမ်းထားတယ်ဆရာ၊ပြီးတော့အခန်းထဲမှာပဲပိတ်ထားပြီးအပြင်ပေးမထွက်ဘူးဆရာ၊ ခုအိမ်မှာအစ်မမရှိတုန်းလစ်ထွက်လာခဲ့ရတာဆရာရေ့၊ခုဒီတစ်ပတ်ဘာအကြောင်းပြောရမှာလည်းဆရာ၊ကျွန်မကတော့ထူးထူးဆန်းဆန်း ဒီသုံးပတ်ထဲမှာ အိပ်မက်တွေတော့မမက်တော့ဘူးဆရာ၊ ည ဘက်တွေတော့တစ်ညလုံးထိုင်နေပြီးတစ်နေလုံးအိပ်ဖြစ်နေလို့လားတော့မသိဘူးဆရာ”
ဆံရှည်မလေးရဲ့အသံတွေခြောက်ကပ်အက်ကွဲနေခဲ့တယ်၊ကျွန်တော့အတွက်တော့သူ့ရဲ့ပုန်းကွယ်နေတဲ့စိတ်အေးငြိမ်းရာကို ရှာတွေ့အောင်ဖော်ထုတ်ရတော့မယ်၊ ပြည်တည်နေတဲ့အနာကိုပြည်တွေဖောက်ထုတ်ရသလိုမျိုးပေါ့၊ မဟုတ်ရင်တော့စိတ်ထဲတဆစ်ဆစ်ကိုက်ခဲနေတော့မှာ။
“ဒီတစ်ပတ်တော့ မင်းရဲ့ပန်းချီဆရာအကြောင်းကိုပြောကြမယ်ကွာ”
“ပန်းချီဆရာဘ၀၊ ဆရာကကျွန်မကိာဘာကြောင့်ပန်းချီဆရာလို့ပြောရတာလည်းဆရာ”
“ဘာလို့လဲဆိုတော့မင်းဒီကိုမလာခဲ့တဲ့သုံးပတ်ထဲမှာမင်းအိမ်လိပ်စာအတိုင်းလာခဲ့ရင်းနဲ့ မင်းရဲ့စတူဒီယိုကိုရောက်ခဲ့ရလို့ပဲ၊ မင်းတစ်ယောက်တည်းနေတာပါဆိုတာလည်းသိခဲ့ရသလို မင်းအမဆိုတာမင်းငယ်ငယ်ကတည်းကဆုံးသွားပြီဆို”
“ဟုတ်ပါတယ်ဆရာ၊အစ်မကငယ်ငယ်ကတည်းက မိဘတွေကွဲပြီးကတည်းကကျွန်မကိုစောင့်ရှောက်ရင်းညီအစ်မနှစ်ယောက် သီလရှင်ကျောင်းမှာခိုကပ်နေရင်းဆုံးခဲ့တာပါ၊ ကျွန်မသိတတ်လာတဲ့အရွယ်မှာတွယ်တာအားကိုးစရာအစ်မတစ်ယောက်တည်းရှိခဲတာပါ၊ ကျွန်မအရွယ်ရောက်လာတော့ ပန်းချီဆွဲဖြစ်ခဲ့တယ်၊ အစ်မငယ်ငယ်ကနေခုထိ အသက်တစ်နှစ်ပြီးတစ်နှစ်ကြီးကြီးလာတဲ့ပုံကို နှစ်တိုင်းအစ်မရဲ့မွေးနေ့မှာဆွဲခဲ့တာပဲဆရာ၊ အစ်မကကျွန်တော့ကိုအရမ်းချစ်တယ်ဆရာ ၊ တစ်ခါတစ်ခါ သူ့အိမ်ကိုအိပ်မက်ထဲမျာမြင်ရတယ်၊ သူ့ကိုအိပ်မက်ရင်သူကကြယ်တွေထဲမှာတဲ့ဆရာရယ်၊ ခုရက်ပိုင်းမှာတော့ကျွန်မအစ်မနဲ့ညတိုင်းစကားပြောဖြစ်ပါတယ်၊ ဒီဆေးတွေဆက်မသောက်ဖို့နဲ့ အစ်မဆီလိုက်နေဖို့ အမြဲခေါ်နေခဲ့တာ၊ ကြယ်တွေဆိကိုပေါ့ဆရာရယ်၊ ဒါနဲ့ဆရာ့ကိုမေးချင်တာတစ်ခုရှိတယ်၊ ဆရာဖြေနိုင်မလားမသိဘူး၊ ပန်းချီကားတစ်ကားကိုကြည့်မိရင်အသံတွေတောင် ကြားလာရတယ်ဆိုတာဆရာဘယ်လိုနားလည်ထားလဲဆိုတာသိချင်တယ်၊ ဒါမှကျွန်မပြောချင်တဲ့လှို့ဝှက်ချက်ကိုပြောလို့ရမှာမို့ပါဆရာ။ဒီအချက်ကိုဆရာဖြေပေးနိုင်မလား၊ လက်ခံနားလည်ထားသလား”
”ပန်းချီကားတစ်ကားကိုကြည့်မိရင်အသံတွေကြားလာရတယ်ဆိုတာကျွန်တော်လက်ခံပါတယ်၊ကျွန်တော်ငယ်ငယ်ကတည်းကပန်းချီကားတွေကြည့်ရင်းအသံတွေကြားခဲ့ရတယ်၊ ဥပမာ-ဗင်းဆင့်ဗန်ဂိုးရဲ့ အာလူးစားသူများထဲမှာ ဆင်းရဲမွဲတေနေတဲ့အလုပ်သမားကျောမွဲလူတန်းစားရဲ့ ညည်းသံညူသံတွေကြားနေရတယ်၊ အက်ဒွပ်မွန့်ခ်ျရဲ့အော်သံထဲမှာရော၊အာခေါင်ခြစ်ပြီးငယ်သံပါအောင်စူးစူးရဲရဲအော်နေတဲ့အော်သံကိုကြားလာရတယ်၊ ဖရန်စစ်ဗေကွန်ရဲ့ပန်းချီကားတွေထဲမှာရောထိတ်လန့်အံ့သြဖို့ကောင်းတဲ့လူ့အနိဋ္ဌာရုံအပျက်အစီးပုံကြီးကညည်းတွားအော်ဟစ်သံတွေကြားလာရတယ်၊ အက်ဂါဒေးဂါးစ်ရဲ့ ကချေသည်ပုံတွေထဲမှာကချေသည်တွေရဲ့ဖိနပ်ခွာသံကိုပါကြားနေရတယ်၊ပီကာဆိုရဲ့ မြင်းခေါင်းပုံကြီးမှာရော လျှာကြီးချွန်တန်းပြီးပါးကြီးတွေဖောင်းကားနေတဲ့ မြင်းတစ်ကောင်ရဲ့အတွင်းသားလှုက်စားသွားတဲ့ဟီသံကိုကြားခဲ့ရတယ်၊ ဆရာပေါ်ဦးသက်ရဲ့ ရိုးရာ ကြက်ပပန်းချီကားကိုရောကြည့်ခဲ့ဖူးသလား၊ အမွှေးတွေချွန်ထက်ထောင်ထပြီးမျက်ဲလုံးတွေပြူးကျယ်နေတဲ့ ရေကုန်ရေခန်းပ၀ါမကူရေမရှူကြေးခွပ်ကြတဲ့တိုက်ပွဲကိုကြည့်ခဲ့ရတယ်၊ ခြေသည်းလက်သည်းနဲ့ခြေအတက်တွေချွန်မြလို့နောက်ခံအနီရောင်ကကြက်ခွပ်ပွဲအရှိန်ကိုအမြင့်ဆုံးပို့ခဲ့တယ်၊ ပန်းချီကားထဲကဖုန်မှုန့်တွေနဲ့ကြက်တောင်မွှေးတွေဖွာထွက်လာတော့မှာလားဆိုတဲ့စိုးရိမ်စိတ်နဲ့တိုက်ကြက်တွေရဲ့မာန်သွင်းသံ၊တိုက်ပွဲခေါ်သံနဲ့ အော်သံတွေပါကြားခဲ့ရတာပေါ့၊ဒီလောက်ဆိုကျွန်တော့အနေနဲ့ ပန်းချီကားတွေကနေအသံတွေကြားရတာကိုလက်ခံပါတယ်ဆိုတာယုံပေးနိုင်ပြီပေါ့”
“ဒါဆိုရင်ဆရာ့ကိုကျွန်မလှို့ဝှက်ချက်တစ်ခပြောပြရတော့မယ်ဆရာ၊ ဆရာယုံပါ့မလားမသိဘူး၊ ကျွန်မညညအိမ်စတူဒီယိုကိုရောက်ရင် အမြဲတမ်းကျွန်မပန်းချီကားတွေ စကားပြောပြောနေသံကြားရတယ်ဆရာ၊ကျွန်မအစ်မပုံကတော့စကားအပြောနိုင်ဆုံးပေါု ၊ ပထမဆုံးစကြားရတဲ့ညတုန်းကအိပ်မက်မက်တယ်ထင်လိုက်မိသေးတယ်၊နောက်တော့သူတို့စကားပြောတာကိုမှောင်ထဲမှာကြားလာရတယ်ဆရာရေ၊နောက်နေ့ညနေကျွန်မပြန်လာတော့သူတို့စကားဝိုင်းကအရှိန်တော်တော်ကောင်းနေပြီဆရာ၊ ကျွန်မတံခါးရွက်ကြားမှာငြိမ်နားထောင်နေမိတယ်၊ စူးစူးနင့်နင့်နဲ့ကိုယ့်စိတ်ဝိညည်ပါထည့်ပြီးဆွဲခဲ့တဲ့ပန်းချီကားတွေဟာအသက်ဝင်နေတတ်တယ်ဆရာ၊ ဥပမာ-ကျွန်မအစ်မရဲ့ပုံပေါ့၊ သူ့ကိုချစ်တဲ့စိတ်၊မျှော်လင့်တဲ့စိတ်နဲ့ ကိုယ်ရောစိတ်ပါနှစ်ပြီးဖိဖိစီးစီးရေးခဲ့တဲ့ပန်းချီကားကစပြီးအသက်ဝင်လာခဲ့တယ်ဆရာ၊ သူ့ပုံတူဘေးမှာဆွဲပေးထားတဲ့ပန်းအိုးထဲကပန်းတွေနဲ့ ကျွန်မကိုလှမ်းပေါက်လိုက်တာကိုလန့်သွားလိုက်တာဆရာရယ်၊ သူကတော့ရယ်နေတယ်၊ ဇော်မွှားပန်းလေးတွေပေါ့၊ ပျော်လွန်းလို့သူ့ဆံပင်တွေကြားထဲထိုးထားသေးတယ်၊ သူ့ပုံကိုလည်းဒီထက်အသက်ပိုကြီးတဲ့ပုံမဆွဲပါနဲ့တော့တဲ့၊ ဒီအရွယ်ဟာအလှဆုံးနဲ့ ပျော်စရာအကောင်းဆုံးအရွယ်ပေါ့လေ၊သူပျော်နေတော့လည်းကျွန်မလည်းလိုက်ပျော်နေမိတာပေါ့နော်၊အဲဒီညကစပြီးအရင်ညတွေကတော့စိတ်ထဲကပဲကြားနေရတဲ့အစ်မရဲ့စကားသံတွေကိုနားနဲ့ဆတ်ဆတ်ကြားခဲ့ရတော့တာပဲ၊ သူကနေဟိုပန်းချီကားမှာ ဘယ်နေရာကိုဘာဆေးတို့လိုက်၊ဘာအရောင်ဖြည့်လိုက်ပြောပေးတာနဲ့ပန်းချီကားတွေတဖြည်းဖြည်းအသက်ဝင်လာခဲ့တယ်ဆရာ၊အရာဝတ္တုတစ်ခုခု ဥပမာ-လိမ္မော်သီး၊ဓာတ်ဘူး၊ရွက်သင်္ဘောတွေ၊အဲဒါမျိုးအရာဝတ္တုတစ်ခုခုကိုထပ်ဖြည့်ဆွဲရတာမဟုတ်ဘူးနော်ဆရာ၊ဆွဲပြီးသားကားကိုဆေးလေးတို့ရုံအရောင်လေးသွင်းပေးရုံနဲ့အသက်ဝင်လာတော့တာ၊ဆရာယုံပါ့မလားမသိ”

အဲဒီညနေကတိမ်တွေဟာ ကျွန်တော်တစ်ခါမှမမြင်ဖူးတဲ့အရောင်အသွေးတွေနဲ့ လှနေကြတယ်၊ ပုစွန်ဆီရောင်ဖျော့တော့လေးမှာမှ ခရမ်းသွေးလေးစွတ်ရုံစွတ်ထားတာမျိုး၊ အိမ်ပြန်လမ်းတစ်လျှောက်တိမ်တွေကိုငေးလာမိခဲ့တယ်၊တိမ်တွေကိုအရောင်တစ်ခုခုထပ်ဖြည့်ဖို့ ကျွန်တော့ကိုတစ်ယောက်ယောက်ကပြောနေတာကိုကြားလာရတယ်၊ အိမ်ဝရန်တာရောက်တော့လည်းတိမ်တွေကိုပဲငေးနေမိတော့တယ်၊ အဲဒီညနေကစပြီးတိမ်တွေကိုငေးတတ်လာခဲ့တယ်၊ ရက်သတ္တပတ်တွေကုန်သွားခဲ့ပေမယ့်လည်းဆံရှည်မလေးရောက်မလာခဲ့တော့ဘူး၊ သူ့စတူဒီယိုကိုလည်းသူရောင်းခဲ့တယ်၊ ဒီလိုနဲ့သစ်ရွက်တွေကြွေခဲ့ပြန်ပြီ၊ လေရူးတွေကသစ်ရွက်ကြွေတွေကို ကျွန်တော့စားပွဲပေါ်ပွေ့ပွေ့တင်သွားနေကျ၊ တစ်မနက်တော့ကျွန်တော်ဆံရှည်မလေးကိုထူးထူးခြားခြားသတိရနေမိတယ်၊ အဲဒီမနက်ကစပြီး ကျွန်တော်ပန်းချီဆေးတွေနဲ့ ဘောင်ကျက်ပြီးသားကင်းဗတ်တွေဝယ်ခဲ့တယ်၊ ကျွန်တော့နှလုံးသားထဲကအော်သံကိုကျွန်တော်ဖွင့်ဖောက်ထုတ်ရတော့မယ်၊ ကျွန်တော့ကိုတိမ်တွေချည်းပဲရေးနေတယ်လို့ တချို့ကပြောတယ်၊တိမ်ျေတွချည်းပဲရေးတတ်တယ်လို့လည်းတချို့ကပြောတယ်၊ကျွန်တော်ဆွဲတဲ့တိမ်အရောင်တွေကိုတစ်ခါမှမမြင်ဖူးဘူးလို့လည်းတချို့ကပြောတယ်၊တိမ်အရောင်တွေမှာတစ်ခုခုထပ်ဖြည့်လိုက်ပါလို့လည်းတစ်ယောက်ယောက်ကပြောပြောလာတယ်၊ကျွန်တော်တိမ်တွေပဲမက်မက်စက်စက်ဆွဲခဲ့တယ်။
(၅)
တစ်နေ့မှာပေါ့၊ သစ်ရွက်တွေကြွေနေတုန်း ၊ တိမ်တွေကလည်းကျွန်တော့စိတ်တွေနဲ့တပြေးညီစုတ်တံဖျားမှာအရှိန်အဟုန်နဲ့ရွေ့နေကြတုန်း၊ စာပို့သမားဆီကစာတစ်စောင်လက်ခံရရှိခဲ့တယ်၊စာတစ်စောင်တည်းပါပဲ၊ စာကလည်းနှုတ်ဆက်ရုံမည်ကာမတ္တပါပဲ၊တစ်ကြောင်းတည်း၊ “ကျွန်မနဲ့ပြန်မတွေ့တော့ရင်ကြယ်တွေဆီပြန်သွားတယ်ပဲသဘောထားလိုက်ပါဆရာ”
ကျွန်တော်မရေမရာပြုံးမိတယ်ထင်တယ်၊ ပြီးတော့လည်းတိမ်တွေကိုဆက်ဆွဲနေခဲ့တယ်၊ရွက်ခြောက်တွေတဖြောဖြောကြွေလို့၊ ကျွန်တော့မုတ်ဆိတ်မွှေးနှုတ်ခမ်းမွှေးတွေလည်ူရှည်လျားလာခဲ့တယ်၊ ဒီအဖြစ်အပျက်တွေလည်းကြာခဲ့ပြီပေါ့၊ နောက်ထပ်လူနာတွေတစ်ယောက်မှထပ်မရောက်လာခဲ့တော့ဘူး၊ ကျွန်တော်ကတော့တိမ်တွေကိုပဲဆက်ရေးနေတော့တယ်၊ကြယ်တွေဆီပြန်သွားတယ်တဲ့လား၊သြော် ကြယ်တွေဆီပြန်သွားတယ်တဲ့လား၊ ဘ၀ဆိုတာ အိပ်မက်ရှည်ကြီးတစ်ခုပါကွာလို့ တစ်စုံတစ်ယောက်ကလှစ်ကနဲကပ်ပြောသွားခဲ့တယ်။
The End