Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, December 14, 2018

ဝ တပ်ဖွဲ့ဖျက်ဆီးလိုက်သည့် မိုင်းဖုန်းဆရာတော်ကျောင်းဆောင်အား ပြန်ဆောက်ရန် တြိဂံတိုင်းမှူး သွားရောက်စစ်သည့်နောက် ပြန်လည်တည်ဆောက်ပေးမည်ဟု ၀တပ်ဖွဲ့ခေါင်းဆောင်ပြော

မိုင်းတုံမြို့နယ်အတွင်းရှိ မိုင်းဖုန်းဆရာတော် ဦးဉာဏသံဝရ ခူးဝါးဝန်းစုမ့် ၏ တရားဟောကျောင်း ဆောင်အား တောင်ပိုင်း ၀ တပ်ဖွဲ့ UWSA မှ ဖျက်ဆီးလိုက်သည့်နောက်ပိုင်း တြိဂံတိုင်းမှူး ဗိုလ်ချုပ် ခင်လှိုင်မှ သွားရောက်စစ်ဆေးကာ ကျောင်းဆောင်ပြန်လည်တည်ဆောက်ရန် ကျပ် ၅ သိန်း ကမကထ ပြုလှူဒါန်းသည့်နောက် ပြန်လည်တည်ဆောက်မည်ဟု ၀ တပ်ဖွဲ့ အကြီးအကဲက မြို့နယ်သံဃနာယက ထံ သွားရောက်တောင်းပန်လျှောက်ထားသည်ဟုသိရသည်။
Photo By Mong Tong Youth / မိုင်းတုံမြို့ သံဃာတော်များအား ၀ တပ်ဖွဲ့မှ ၀န်ချတောင်းပန်ကန်တော့နေစဉ်
တောင်ပိုင်းဝ တပ်ဖွဲ့အကြီးအကဲတဦးဖြစ်သော ဦးယန်ကော်ကျုံးဦး ဆောင်သည့် အဖွဲ့သည် မိုင်းဖုန်းဆရာတော်၏ ကျောင်းဆောင်အား ဒီဇင်ဘာလ ၁၁ ရက်နေ့က ဖျက်ဆီး ခဲ့သည်။ ထိုဖြစ်စဉ်အား ကြားသိသည့် တြိဂံတိုင်းစစ်ဌာချုပ် တိုင်းမှူးက ဒေသ အတွင်း ကွင်းဆင်းစစ်ဆေး ကာ ကျောင်းဆောင်ပြန်လည်တည်ဆောက်ရန် ညွှန်ကြားခဲ့အပြင်၊ ဖျက်ဆီးမိန့်ညွှန်ကြားသည့် ၀ တပ်မှူး အားလည်း ဆင့်ခေါ် တွေ့ဆုံသည်။

“မိုင်းတုံမြို့အတွင်း ဆရာတော်တပါးက – ဒီဇင်ဘာလ ၁၃ ရက် မနေ့က မနက်ပိုင်းက မြို့နယ်သံဃာတော်တွေ၊ ဂေါပကတွေ၊ ရပ်မိရပ်ဖတွေနဲ့ UWSA ကအကြီးအကဲတွေတွေ့ဆုံကြတယ်။ ဆွေးနွေးကြတယ်။ ပြီးတော့ ၀ ဘက်ကအကြီးအကဲက တောင်းပန် ကြောင်း ပြောပြီး သံဃာတော်တွေကိုဆွမ်းကပ်တယ်။ ဒီနေ့တော့ မိုင်းဖုန်းဆရာတော် ကျောင်းဆောင်ဆောက်မယ့်နေရာမှာမြေတွေကိုသွားပြီး မျက်နှာပြင်ညှိပေးနေတယ်။ ပြီးတော့ ကျောင်းဆောင်ဆောက်ပြီးသည်အထိ ပါဝင်ကူညီ လုပ်ဆောင်သွားမယ်လို့ပြောတယ် ”- ဟု မိန့်တော်မူသည်။
Photo By Mong Tong Youth / ကျောင်းဆောင်နှင့်စေတီတော်တည်ဆောက်ရန် ၀ တပ်ဖွဲ့တပ်သားများ မြေနေရာရှင်းလင်းနေစဉ်
မိုင်းဆတ်ခရိုင် မိုင်းတုံမြို့တောင်ဘက်တည့်တည့် ရှိ မိုင်းဟန်အုပ်စုအတွင်းတွင်တည်ရှိပြီး အဆိုပါမြေ နေရာသည် ယခင်က ၀ တပ်ဖွဲ့မိသားစုဝင်များ၏ ပြောင်းခြံများ ဖြစ်ခဲ့သော်လည်း ယမန်နှစ်က မိုင်းဖုန်းဆရာတော်မှ အလှူခံသဖြင့် ၀ တပ်ဖွဲ့အကြီးအကဲကိုယ်တိုင်အဆိုပါနေရာပါဝင်သော မြေဧက ၅၀ ကျော်အား မိုင်းဖုန်းဆရာတော်ထံ ရေစက်သွန်းချ လှူဒါန်းပေးခဲ့ပြီးဖြစ်ကြောင်း မြို့နယ်သံဃာတော်များက မိန့်တော်မူပါသည်။
Photo By Mong Tong Youth / ၀ တပ်ဖွဲ့အကြီးအကဲများနှင့် မိုင်းတုံဒေသခံ ရပ်မိရပ်ဖ များ သံဃာတော်များ တွေ့ဆုံနေကြစဉ်
“သူတို့လာဖျက်ရတဲ့အကြောင်းရင်းကတော့ နားလည်မှုလွဲသွားတာကြောင့်ဖြစ်တာလို့ပြောပါတယ်။ အစ က တရားဟောကျောင်းဆောင်ဘဲဆောက်ခွင့်ပေးထားတယ် ၊ တခြားဟာမပါဘူး လို့ပြောလာတယ်။ ဒါမယ့် ဖျက် ဆီးတယ် ဆိုတဲ့သတင်းတွေလည်းတက်လာရော သူတို့လူကြီးတွေက ဒါပြန်လုပ်ပေးသင့်တယ်လို့ ဆင့်လာလို့ အခု ကျောင်းပြန်ဆောက်ဖို့ မြေပြန်ညှိပေးနေကြတယ် ။ စေတီတော်ကိုလည်း ပြန်တည် ဆောက်ပေးမယ်လို့ပြောတယ် ”- ဟု လည်း ဆရာတော်က ဆက်လက်မိန့်တော်မူသည်။

အဆိုပါနေရာတွင် ထိုင်းနိုင်ငံ၏ ဘုရင်မင်းမြတ်တပါးဖြစ်သော ဗြနရာဇ်မင်း (ဖရနရေးဆွန်) ၏ အုဋ်ဂူတည်ရှိသောနေရာအနီးတွင်တည်ရှိပြီး စေတီတော်မှာလည်း အဆိုပါအုဋ်ဂူအနီးတွင် ပင်တည်ထားကိုးကွယ်မည်ဖြစ်ကြောင်းသိရပါသည်။

သျှမ်းသံတော်ဆင့်၊ ဟွမ်ဟိန်း
https://burmese.shannews.org/