Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, December 7, 2018

ရေနံ​ချောင်းတွင်​ ဆရာ​တော်​ကြီး ၁ ပါး ပျားတုပ်​ခံရ၍ ပျံလွန်​​တော်​မူ

မကွေးတိုင်း၊ ရေနံချောင်းမြို့၊ ပြည်သူဆေးရုံမှာ ဒီဇင်ဘာ ၆ ရက် ညပိုင်းက သက်တော် ၇၀ နှစ်ခန့်ရှိ ဆရာတော်တပါး ပျားတုတ်ခံရပြီး ပျံလွန်တော်မူသွားပါတယ်။

လူတရပ်အရွယ်လောက်ရှိတဲ့ပျားအုံကြီး (ဒေသအခေါ် လှည်းဘီးပျား အမျိုးအစား)က ပျားတွေ အတုပ်ခံရပြီး ဆေးရုံအရောက်မှာ ပျံလွန်သွားတာလို့ ဒေသခံ ကိုအောင်ကျော်ဦးက ပြောပါတယ်။
“ကျနော်ဆေးရုံရောက်တော့ ဆရာတော်က အရမ်းတုန်နေတာပဲ။ ရေအရမ်းဆာ နေတယ်ထင်တယ်။ ရေသာအတင်းသောက်နေတယ်။ ဆရာတော် ခန္ဓာကိုယ်အနှံ ပျားတုပ်ဒဏ်ရာတွေချည်းပဲ ဖုရောင်နေတာပဲ။ မျက်ခွံတွေဆိုဖုရောင်နေတယ်။ ကျနော့်အထင်တော့ မျက်လုံးက သွေးတွေထွက်နေတယ် ထင်မိတယ်”
ရေနံချောင်းမြို့နယ်၊ ရွှေကြာငုံရပ်ကွက်ရှိ မဲထီးကျောင်းဆရာတော် ဦးကေလာသဟာ ဖောင်ကတောကျေးရွာက ဆွမ်းစားဖိတ်ထားလို့ ဒီဇင်ဘာ ၅ ရက်မနက်ပိုင်းက ဆိုင်ကယ်နဲ့ ဆွမ်းစားကြွချိန် ထန်းတောထဲက ပျားအတုပ်ခံရတာလို့ ဒေသခံ အမျိုးသမီးတဦးက ပြောပါတယ်။

“တကိုယ်လုံးပဲအတုပ်ခံရတာ။ ဆရာတော်နားကို ဘယ်သူမှ မကပ်ရဲကြဘူး။ ကျမက အနွေးထည်ကလည်း အထူကြီးဝတ်ထားတာ။ ခေါင်းကိုလည်းအဝတ်ခြုံပြီး လက်တဖက်က အဝတ်နဲ့ရမ်းပြီး ဆရာတော်ကို ဇွတ်ဆွဲခေါ်ထုတ်လာရတယ်”

ဆရာတော်ရဲ့ ရုပ်ကလာပ် ဒီကနေ့ ညနေ ၄ နာရီခွဲမှာ သဂြိုင်္လ်မယ်လို့ သိရပါတယ်။

ကိုလင်း(ချောက်)
DVB TV News

No comments:

Post a Comment