Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, December 24, 2018

ဇီးပင်ကြီးစစ်တမ်း ရေးသားသူကို ခုံရုံးဖွဲ့စစ်သူတွေကို အရေးယူမည်


ဒေါက်တာ စိုးသူရဇော် ကို တွေ့ရစဉ်/ Photo: Soe Thuya Zaw
အစိုးရ၀န်ထမ်းတွေကို သင်တန်းပေးနေတဲ့ ဇီးပင်ကြီး ဗဟိုဝန်ထမ်းတက္ကသိုလ်ကို ဖေ့စ်ဘွတ်လူမှုကွန်ရက်မှာ ဝေဖန်ရေးသားခဲ့တဲ့ ဒေါက်တာ စိုးသူရဇော်ကို ခုံရုံးဖွဲ့ စစ်ဆေးတဲ့ကိစ္စကို ၀န်ထမ်းစည်းကမ်းအရ အရေးယူမယ်လို့ ကျန်းမာရေးဝန်ကြီး ဒေါက်တာ မြင့်ထွေးက ဒီနေ့ ပြောလိုက်ပါတယ်။

နေပြည်တော်က ကျန်းမာရေးဝန်ကြီးဌာနမှာ သတင်းမီဒီယာတွေက မေးမြန်းချက်အပေါ် ၀န်ကြီး ဒေါက်တာ မြင့်ထွေးက ခုံရုံးဖွဲ့စစ်ဆေးတဲ့ အဖွဲ့နဲ့ပတ်သက်လို့ တာဝန်ရှိသူတွေကို ဒီနေ့မနက်မှာ ခေါ်ယူမေးမြန်းပြီးဖြစ်ကြောင်းနဲ့ ၀န်ထမ်းစည်းမျဉ်းစည်းကမ်းအရ အရေးယူသွားမှာဖြစ်ကြောင်း  ဖြေကြားခဲ့တာဖြစ်ပါတယ်။

ဇီးပင်ကြီး ဗဟိုဝန်ထမ်းတက္ကသိုလ်ကို ဝေဖန်ခဲ့တဲ့ မန္တလေးတိုင်း၊ မိုးကုတ်မြို့နယ်၊ ပြည်သူ့ကျန်းမာရေးဌာနက ဒေါက်တာ စိုးသူရဇော်ကို အရေးယူမှာ မဟုတ်ဘူးလို့လည်း ၀န်ကြီးက ပြောပါတယ်။

ဒေါက်တာ စိုးသူရဇော်ကို ခုံရုံးဖွဲ့စစ်ဆေးတာမှာ ပြည်ထောင်စုဝန်ကြီး၊ ဒုတိယဝန်ကြီးနဲ့ အမြဲတမ်းအတွင်းဝန် နှစ်ဦး မသိရှိဘဲ တခြားဝန်ထမ်းတွေက ခုံးရုံးဖွဲ့စစ်ဆေးခဲ့ခြင်း ဖြစ်တယ်လို့လည်း ပြောပါတယ်။

ဒေါက်တာ စိုးသူရဇော်ကို ခုံရုံးဖွဲ့စစ်ဆေးတဲ့အပေါ် ဝေဖန်မှုတွေရှိသလို လုပ်ဖော်ကိုင်ဖက် ဆရာဝန်တွေကလည်း ဒေါက်တာ စိုးသူရဇော် ဘက်က ရပ်တည်တဲ့အကြောင်း ဖေ့စ်ဘွတ်လူမှုကွန်ရက်မှာ ဖော်ထုတ်ပြသခဲ့ကြပါတယ်။

ဒေါက်တာ စိုးသူရဇော်ဟာ ၂၀၁၇ ခုနှစ် အောက်တိုဘာလကနေ ဒီဇင်ဘာလအထိ ဇီးပင်ကြီး ဗဟိုဝန်ထမ်းတက္ကသိုလ်မှာ တက်ရောက်ခဲ့တာဖြစ်ပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org/burmese
...........................
ဇီးပင်ကြီး စစ်တမ်း ( အပိုင်း တစ် )
http://www.themeltingpot4u.com/2018/12/blog-post_715.html
ဇီးပင်ကြီး စစ်တမ်း ( အပိုင်း နှစ် ) ဝန်ထမ်းသတ်လို့ အစိုးရသေခြင်း
http://www.themeltingpot4u.com/2018/12/blog-post_868.html
ဇီးပင်ကြီး စစ်တမ်း ( အပိုင်း သုံး ) ပလုံ ပလုံ မြည်သွားသော ၂၅၂ သိန်းနှင့် ဖော်ရှိုးနိုင်ငံတော်ကြီးတည်ထောင်တော်မူခဏ်း
http://www.themeltingpot4u.com/2018/12/blog-post_121.html

No comments:

Post a Comment