မြန်မာ Idol Season 3 ရဲ့ အလွဲတွေကို ထောက်ပြလိုက်တဲ့ ပြည်ပက စာတစောင်
စည်းမျဉ်းနဲ့သတ်မှတ်ချက်တွေကိုလိုသလိုပြောင်းလို့ရတဲ့ နိုင်ငံမှာအနေကြာနေလို့လား မသိဘူး
ဒီညMyanmar Idol ကို ကြည့်ပြီး ပြုံးမိတယ်။
ကိုယ်မြင်တာက ဒါဟာ ပြိုင်ပွဲတစ်ခု၊ voting စနစ်နဲ့ သွားတဲ့ပြိုင်ပွဲမို့ ဘယ်သူရရ Vote များတဲ့သူ ၊ ပြိုင်ပွဲကို အဆုံးထိပြိုင်နိုင်တဲ့သူက winner ပဲ။
ကိုယ်ထင်ထားက ပွဲအစကနေအဆုံးထိ အဆိုပြိုင်ပွဲ။ ကိုရီးယားဇာတ်ကား မဟုတ်ဘူး။
ကျန်းမာရေးကြောင့်ဖြစ်ဖြစ်၊ လူမှုရေးကြောင့်ဖြစ်ဖြစ်၊သတ်မှတ်ချက်အတိုင်း မပြိုင်နိုင်ရင် ပြိုင်ခွင့်မရှိ။
ပြိုင်ခွင့်မရှိဆိုတာက winner ကိုကြေညာပြီးတဲ့အချိန်အထိပြိုင်ပွဲဝင်တိုင်း လုပ်သလိုမလုပ်နိုင်ရင်၊စင်ပေါ်ကို တက်ခွင့်မရှိတာကို ဆိုလိုတာ။
ခုတော့ အဆိုပြိုင်ပွဲဝင်တွေရဲ့ ရွှေရောင်တလက်လက် ဝတ်စုံတွေကြားမှာ ဆေးရုံကနေဖြစ်သလိုဝတ်လာတဲ့တစ်ယောက်က
ဒရမ်မာဆန်ဆန်ရောက်လာ၊သီချင်းဆို၊ လူတွေ ဝိုင်းငို။
အဆိုပြိုင်ပွဲကနေ ကိုရီးယားဒရမ်မာ ဖြစ်ပါလေရော။
ပွဲအစကအဆုံး အကောင်းဆုံးလုပ်နိုင်တဲ့သူကို ဂုဏ်ပြု ရမယ့် အစား နှစ်သိမ့်စကားတွေကပဲ ပလူကိုပျံလို့။
စင်ပေါ်မှာရှိနေတဲ့ တစ်ခြားအဆင့်ဆင့်ကြိုးစားခဲ့သူတွေအားလုံး မှေးမှိန်သွားတဲ့အထိပဲ။
ကိုယ်သာပွဲစီစဉ်သူဆိုရင်၊ဒီဝတ်စုံ၊ ဒီပုံနဲ့လာတဲ့သူဟာ စင်အောက်မှာထိုင်ပြီးအားပေးခွင့်ထက် ပိုလိမ့်မယ် မထင်ဘူး။
ဦးတိမ် – All Credit goes to Myo Zaw Aye
No comments:
Post a Comment