Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Tuesday, August 1, 2017

DVB မှတင်ဆက်ခဲ့သော ကြားဖြတ်စက်မှဖမ်းယူရရှိခဲ့သည့် အတွင်းရေးမှုး(၂) ဒု-ဗိုလ်ချုပ်ကြီးတင်ဦး၏ ရဟတ်ယာဉ် ပျက်ကျခဲ့ရသည့် အကြောင်းရင်း


DVB မှတင်ဆက်ခဲ့သော ကြားဖြတ်စက်မှဖမ်းယူရရှိခဲ့သည့် အတွင်းရေးမှုး(၂) ဒု-ဗိုလ်ချုပ်ကြီးတင်ဦး၏ ရဟတ်ယာဉ် ပျက်ကျခဲ့ရသည့် အကြောင်းရင်း
——————————————————————
ထက်အောင်ကျော်, DVB
BurmaDemocracy, 23 July 2016

"တော်လှန်ရေးသတင်းသမားတဦးရဲ့ ဒိုင်ယာရီ (၂၆)"
6 September 2014

• ရွာသတင်း၊ တောသတင်းတွေနဲ့ နာမည်ရလာတဲ့ သတင်းဌာန

နိုင်ငံတကာရှိ သတင်းဌာနအတော်များများဟာ နိုင်ငံ့ခေါင်းဆောင်တွေ၊ ကမ္ဘာ့ခေါင်းဆောင်တွေ ဘာ လုပ်ကြသလဲဆိုတဲ့ မိုးပေါ်ကသတင်းကြီးမျိုးတွေကိုသာ ဦးစားပေးလိုက်ကြ၊ တင်ပြကြတာကို သတင်း လေ့လာသူတိုင်း သတိထားမိမှာပါ။ ဒါပေမယ့် DVB ကတော့ အဲဒီထဲမှာ မပါပါဘူး။ မပါဆို DVB သတင်းဌာနအခြေစိုက်တဲ့နေရာနဲ့ မြန်မာစစ်ခေါင်းဆောင်တွေ အခြေစိုက်တဲ့မြို့တော်ဟောင်းရန်ကုန်၊ မြို့တော်သစ်နေပြည်တော်တို့ကြား မိုင်ပေါင်း ၅၀၀၀ ကျော်ကွာဝေးနေပါတယ်။

ဒီလိုပြောလိုက်တော့ စစ်ရုံးချုပ်ဘေးမှာ အခြေစိုက်ထားတဲ့ ရန်ကုန်ကသတင်းဌာနတွေက စစ်ခေါင်း ဆောင်တွေအကြောင်း အသေချာရေးသားဖေါ်ပြနိုင်တယ်လို့ မထင်လိုက်ပါနဲ့။ အဲဒီခေတ်က အခုခေတ် လို အစိုးရပြောခွင့်ရပုဂ္ဂိုလ်တို့၊ သမ္မပြောခွင့်ရပုဂ္ဂိုလ်တို့၊ နိုင်ငံရေးပါတီတွေ၊ အရပ်ဖက်အဖွဲ့စည်းတွေရဲ့ ပြောခွင့်ရပုဂ္ဂိုလ်တို့ဆိုတာမျိုးမရှိပါဘူး။ သတင်းစာရှင်းပွဲဆိုတာကလဲ ထောက်လှမ်းရေးအကြီးအကဲ ဗိုလ်ချုပ်ခင်ညွန်ရဲ့ တကိုယ်တော်ပွဲမှအပ ဘာမှမရှိ။ တက်ရောက်တဲ့သတင်းထောက်တွေကလဲ သူပြော သမျှကို ပြန်ရေးတာကလွဲပြီး ဘာမှမေးမြန်းခွင့်မရှိ။

အဲဒီလိုအခြေနေမျိုးမှာ စစ်တပ်အတွင်းစည်းထဲကသတင်းတွေအပြင် ဘယ်သတင်းဌာန၊ ဘယ်သတင်း ထောက်မှ မရောက်နိုင်တဲ့ ကျေးလက်တောရွာက သတင်းတွေကိုပါ နေ့စဉ်အသံလွှင်နိုင်တဲ့သတင်းဌာန တခုကိုပြောပါဆိုရင် DVB ကို လက်ညှိုးထိုးပြရပါလိမ့်မယ်။

ရန်ကုန်မှာနေတဲ့သတင်းထောက်တွေ မသိနိုင်၊ မသွားနိုင်တဲ့သတင်းတွေကို မိုင်ပေါင်း ၅၀၀၀ ကျော်အ ဝေးမှာအခြေစိုက်တဲ့ သတင်းဌာနက သတင်းထောက်တွေက ဘယ်လိုသိနေတာလဲ။ ဘယ်လိုရနေတာ လဲဆိုပြီးမေးမလို့လား။ အရိုးသားဆုံးဖြေကြားရရင်တော့ နယ်စပ်တကျောရှိ တော်လှန်ရေးအဖွဲ့တွေက ပေးပို့တဲ့ ကြားဖြတ်စက် သို့မဟုတ် Intercept ကနေ ဖမ်းယူရရှိတဲ့သတင်းတွေအပေါ် အခြေခံ အစ ယူပြီး ဆက်လိုက်တဲ့နည်းနဲ့ ရခဲ့တာပါ။

DVB အတွက် သတင်းပို့ပေးနေတဲ့ ကြားဖြတ်စက် ဘယ်နှစ်လုံးရှိသလဲဆိုတာကို အသေးစိပ် ထုတ် ပြောဖို့မလိုပေမဲ့ ABSDF (မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး) မှ တလုံး၊ ထိုင်း-ထောက်လှမ်းရေးတွေနဲ့တွဲပြီး အလုပ်လုပ်နေတဲ့ ABSDF-KNU ရဲဘော်ဟောင်းတဦးဆီက တလုံး နဲ့ တရုတ်-မြန်မာနယ်စပ်ရှိ တော်လှန်ရေးအဖွဲ့တွေဆီက တလုံးတို့ဟာ အရေးပါတဲ့အခန်းက ပါဝင်ခဲ့တာ ကိုတော့ ကျနော်အမှတ်ရနေပါတယ်။

-ဗိုလ်ချုပ်တင်ဦး ရဟတ်ယဉ်ပေါ်မှာ DVB သတင်းထောက် ပါသွားသလား

အဲဒီလို ကြားဖြတ်စက်ကနေဖမ်းယူရရှိတဲ့သတင်းတွေဟာ အလွန်အသေးစိပ်ဆန်ပြီး မီနစ်၊ စက္ကန့်က အစ၊ ဖြစ်စဉ်အသေးစိပ်ကို စစ်သတင်းဆန်ဆန် (တကယ်တော့ စစ်ဖက်သတင်းကို ကြားဖြတ်စက်က နေဖမ်းယူတာပါပဲ) ရလေ့ရှိပါတယ်။ အဲဒီလိုအသေးစိပ်ရထားတဲ့ ကြားဖြတ်စက်သတင်းတွေထဲက လူ သိများ (လူပြောများ) သွားတဲ့သတင်းတပုဒ်ကိုတင်ပြရမယ်ဆိုရင် န၀တ အတွင်းရေးမှုး ၂ လဲဖြစ်၊ စစ်ဦးစီးအရာရှိချုပ် (ကြည်း) လဲဖြစ်တဲ့ ဒုတိယဗိုလ်ချုပ်ကြိးတင်ဦးနဲ့အဖွဲ့ ရဟတ်ယဉ်ပျက်ကျ သေဆုံးတဲ့သတင်းပါပဲ။

ဗိုလ်ချုပ်တင်ဦးနဲ့အဖွဲ့ စီးနင်းလိုက်ပါလာတဲ့ ရုရှားလုပ်စစ်ရဟတ်ယဉ်တစီး ဘားအံမြို့နဲ့အတော်လှမ်း လှမ်းရှိ သံလွင်မြစ်ဘေးက တရုတ်လှရွာအနီးမှာ ပျက်ကျသွားတယ်လို့ ၂၀၀၁ ခုနှစ် ဖေဖေါ်ဝါရီလ ၁၉ ရက်နေ့မှာ သတင်းအသေးစိပ် ကြားဖြတ်စက်ကနေဖမ်းယူရရှိပါတယ်။ အခုခေတ်မှာဆိုရင်တော့ အဲဒီ သတင်းဟုတ်မဟုတ် သမ္မတပြောခွင့်ရပုဂ္ဂိုလ် ပြန်ကြားရေးဝန်ကြီး ဦးရဲထွဋ်ကို တယ်လီဖုန်းနဲ့လှမ်းမေး ရုံပေါ့။ ဒါမှမဟုတ်လဲ နေပြည်တော်ဗျုရိုက သတင်းထောက်တဦးဦး ဦးရဲထွဋ်ရုံးဆီပြေးပြီး လူတွေ့မေး မြန်းပေါ့။ အဆင်ပြေရင် နေပြည်တော်စစ်ရုံးချုပ်က ပြောခွင့်ရပုဂ္ဂိုလ်ကိုတောင် ၀င်မေးလို့ရနိုင်တဲ့ အခြေ နေမျိုးပါ။

ဒါပေမယ့် အဲဒီကာလကတော့ ဒီလိုမေးခွင့်ရဖို့နေနေသာသာ အတွင်းရေးမှုး ၂ လဲဖြစ်၊ စစ်ဦးစီးအရာရှိချုပ် (ကြည်း) လဲဖြစ်တဲ့ ဒီလို အရေးကြီး ပုဂ္ဂိုလ်သေဆုံးတာကိုတောင် အစိုးရက သတင်းထုတ်ပြန် ခြင်း မရှိပါဘူး။ ဘားအံနဲ့အနီးဝန်းကျင်က ရသမျှဖုန်းနံပတ်တွေကိုဆက်ပြီးမေးတော့လဲ ဘယ်သူမှ မသိ ပါဘူး။ ရသမျှဖုန်းလို့အလွယ်ပြောလိုက်ပေမဲ့ တကယ်တော့ ဘာဖုန်းမှမရပါ၊ ရတဲ့ဖုန်းကလဲ DVB ကလို့ ပြောလိုက်တာနဲ့ လိုင်းကျသွားလေ့ရှိပါတယ်။ အဲဒီကာလ နိုင်ငံခြားသတင်းဌာနတွေ သြဇာကြီးပုံများက တော့ DVB ကို လက်ခံပြီးတယ်လီဖုန်းပြောမိရင်တောင် ဖမ်းဆီးထောင်ချခံရတဲ့ခေတ်လေ။

ဒီတော့ ရထားတဲ့စက်သတင်းတွေကိုပဲအခြေခံပြီး ရုပ်လုံးပေါ်အောင်ရေးရတော့တာပေါ့။ ဘယ်လောက် အထိရုပ်လုံးပေါ်သွားသလဲဆိုရင် ရုရှားလုပ် စစ်သုံးရဟတ်ယဉ်ပေါ်မှာ ဗိုလ်ချုပ်တင်ဦးနဲ့အတူ ကမ်းရိုး တန်းတိုင်း တိုင်းမှုး ဗိုလ်ချုပ်သီဟသူရစစ်မောင်၊ ဗိုလ်မှုးကြီးလှဌေးဝင်းအပါဝင် စစ်ဖက်အရာရှိ ၂၀ နီးပါး လိုက်ပါသွားတဲ့အကြောင်း၊ ဗိုလ်ချုပ်တင်ဦးနဲ့ ဗိုလ်ချုပ်စစ်မောင်တို့ကတဖက် တခြားတပ်မှုးတွေကတ ဖက် အခြေတင်စကားများနေစဉ် စစ်ဗိုလ်တဦးက လက်ပစ်ဗုံးကို ပင်-ဖြုတ်ပြီး ခြိမ်းခြောက်မယ်လုပ်တုံး ရုန်းရင်းဆန်ခတ်ဖြစ်ပြီး အဲဒီလက်ပစ်ဗုံးက ရဟတ်ယဉ်ကြမ်းပြင်ပေါ် ပြုတ်ကျသွားတယ်ဆိုပါတယ်။ ဗိုလ်ချုပ်တင်ဦးရဲ့ ကိုယ်ရံတော်က အဲဒီဗုံးကို အချိန်မီကောက်ပြီး အောက်ပစ်ချဖို့ကြိုးစားကြပေမဲ့ အချိန် မမှိတော့ပဲ အဲဒီဗုံးပေါက်ကွဲရာကနေ ရဟတ်ယဉ်ပျက်ကျသွားတယ် စသဖြင့် အသေးစိပ် သရုပ်ပေါ် အောင် အယ်ဒီတာက ရေးထည့်လိုက်ပါတယ်။

န၀တ ဖက်က ဖုံးထားတဲ့သတင်းကို DVB က ဒီလိုအသေးစိပ်လွှင့်လိုက်တော့ အတော်လေး ဟိုးလေး တကျော်ဖြစ်သွားပါတယ်။ ထုံးစံအတိုင်း DVB သတင်းတွေကို မော်နီတာလုပ်နေတဲ့ BBC Monitoring ကလဲ ချက်ချင်း အင်္ဂလိပ်ဘာသာနဲ့ပြန်ရေးတင်ပေါ့။ နောက်တော့ နိုင်ငံခြားသတင်းဌာတွေကနေ န၀တ အစိုးရဆီမေး၊ နယ်စပ်က သူပုန်တွေကိုမေးနဲ့ ဒီသတင်းက အကြီးကြီးဖြစ်သွားပါတယ်။ နောက်တနေ့ ထုတ် အစိုးရသတင်းစာမှာလဲ ဒီသတင်းကိုမဖေါ်ပြပေမဲ့ ဗိုလ်ချုပ်တင်ဦးသေဆုံးတဲ့အတွက် ၀မ်းနည်း ကြောင်း နာရေးကြော်ငြာတပုဒ်ပါရှိလာပါတယ်။

အဲဒီမှာတင် ကျနော်တို့ရဲ့သတင်းဦး သတင်းထူးရနေပုံတွေကို နည်းနည်းမျက်စိနောက်နေပုံရတဲ့ နယ် စပ်နဲ့ပြည်ပရောက်မိတ်ဆွေတချို့က ''မင်းတို့သတင်းတွေက ဟုတ်လှချည်လား၊ သတင်းထောက်ကိုယ် တိုင် အဲဒီရဟတ်ယဉ်ပေါ် ပါသွားတာလား'' ဆိုပြီးမေးတော့တာပါပဲ။ ဘယ်သူမှမသိနိုင်တဲ့အခြေနေ၊ သိသူတွေကလဲ ဘာမှထုတ်မပြောရဲတဲ့ သတင်းအမှောင်ခေတ်မှာ အဲဒီလိုရေးလိုက်ရပေမဲ့ အခုလို ပွင့် လင်းစကာလမှာတော့ မသေပဲကျန်ခဲ့သူတွေက အဲဒီရဟတ်ယဉ်ပေါ် အမှန်တကယ် ဘာတွေဖြစ်ခဲ့သ လဲ၊ ဗိုလ်ချုပ်တင်ဦးတို့ ဘာကြောင့်သေဆုံးခဲ့ရသလဲဆိုတာကို ထုတ်ပြောသင့်ပြီလို့ ထင်မိပါတယ်။

ထက်အောင်ကျော်
6 September 2014