Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, July 21, 2017

ကျပ်သန်း ၂၅ဝ အကုန်အကျခံ ဆောက်လုပ်ထားသည့် တောင်ကုတ်မြို့နယ်မှ ကျေးလက်အိမ်ယာစီမံကိန်း နေအိမ်များ ကွဲအက်ပြိုကျ



စစ်တွေ၊ ဇူလိုင် ၂၁

ရခိုင်ပြည်နယ် တောင်ကုတ်မြို့နယ် တာရဲကျေးရွာတွင် ဒေသခံပြည်သူများအတွက် ကျပ်သန်း ပေါင်း ၂၅ဝ အကုန်အကျခံ တည်ဆောက်ထားသည့် ကျေးလက်အိမ်ယာစီမံကိန်း နေအိမ်များမှာ တစ်နှစ်တောင်မခံဘဲ ကွဲအက် ပြိုကျနေသဖြင့် လူများနေထိုင်ရန် အခက်အခဲများ ကျရောက် ဖြစ်ပေါ်လျက် ရှိနေကြောင်း ဒေသခံများ၏ သတင်း ပေးပို့ချက်အရ သိရသည်။


တောင်ကုတ်မြို့နယ် တာရဲကျေးရွာတွင် မြစ်ရေတိုက်စားပြီး မြစ်ကမ်းများပြိုကျကာ နေအိမ်ခြံ မြေများ ပျက်စီးလာ၍ တာရဲ ကျေးရွာ ဒေသခံများ၏ တောင်းဆိုချက်အရ ၎င်းကျေးရွာ၏ ၃ မိုင်ခန့်အကွာ၊ အရှေ့မြောက်ထောင့်အရပ်၌ ယခင်ဘဏ္ဍာရေးနှစ်မှ စတင်ကာ ပြည်နယ်အစိုးရ ရန်ပုံငွေ ကျပ်သန်း (၅ဝ)ဖြင့် အနံ ပေ(၃ဝ)၊ အလျား(၄၅)ပေရှိသည့် အိမ်ယာမြေကွက် (၁ဝဝ)ကို ဖော်ထုတ်ခဲ့ခြင်းဖြစ်ကြောင်း သိရသည်။


ယင်းနောက် ယခုနှစ်ဘဏ္ဍာရေးနှစ်တွင် ပြည်ထောင်စုနှင့် ပြည်နယ်အစိုးရရန်ပုံငွေ ကျပ်သန်း ၂ဝဝ ဖြင့် အနံ(၁၈)ပေ၊ အလျား(၂၄)ပေ၊ အမြင့်(၉)ပေရှိသည့် အိမ်အလုံး (၄ဝ)ကို Royal Golden Key ကုမ္ပဏီက တာဝန်ယူတည်ဆောက်ခဲ့ခြင်းဖြစ်ကြောင်း ဒေသခံများက ပြောသည်။

ယခုအခါ အဆိုပါ အိမ်အလုံး ၄၀ ထဲမှ တစ်ချို့ အဆောက်အဦးများ၏ နံရံများ၊ အောက်ခြေ အုတ်မြစ် ဖောင်ဒေရှင်းများမှာ ကွဲအက် ပြိုကျလာကြောင်း သိရှိရသည်။

" ယခုလအစောပိုင်းမှစတင်ကာ မိုးသည်းထန်စွာရွာသွန်းတဲ့ အတွက် ပြိုကျလာခြင်းဖြစ်ပါတယ်။ အောက်ခံမြေသားက ခိုင်မာမှုမရှိတဲ့အတွက် ဆောက်လုပ်ပြီးထားတဲ့နေအိမ်တချို့နဲ့ ဆောက်လုပ်ဆဲနေအိမ်တချို့ ပြိုကျနေတာပါ "ဟု အဆိုပါကျေးရွာနေ ဒေသခံတစ်ဦးက ပြောသည်။

လက်ရှိတွင် အဆိုပါနေအိမ်များတွင် ကမ်းပြို၍ပြောင်းရွှေ့လာသည့်ဒေသခံ တချို့နေထိုင် နေကြပြီဖြစ်သော်လည်း ယခုကဲ့သို့ နေအိမ်များပြိုကျလာနေ၍ အခက်အခဲဖြစ်ပေါ် နေကြောင်းလည်း သိရသည်။

အဆိုပါ ကျေးရွာအတွက် အိမ်အလုံးရေ ၂ဝဝ အထိ တိုးချဲ့တည်ဆောက်သွားရန် အစီအစဉ်ရှိပြီး အိမ်များကို အရည်အသွေး ပြည့်မှီအောင် တည်ဆောက်ရန် လိုအပ်ကြောင်း ဒေသခံများက ပြောဆိုသည်။

မာန်ယုကျော် (ရွှေဝမြေ)
https://www.facebook.com/Narinjara