Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Thursday, May 25, 2017

အင်းဝအပ်ချုပ်ဆိုင်အမှု မိသားစု ၆ ဦးလုံးကို စွဲချက်တင်

အိမ်အကူမိန်းကလေးနှစ်ဦးကို ညှဉ်းပန်းနှိပ်စက်ခဲ့တဲ့ အင်းဝအပ်ချုပ်ဆိုင်ပိုင်ရှင်တွေကို အောက်တိုဘာလ ၆ ရက်နေ့ ရန်ကုန်တိုင်း အနောက်ပိုင်းခရိုင်တရားရုံးမှာ ရုံးထုတ်စဉ်။ Photo: Htet Arkar/RFA
အိမ်​အကူမိန်းက​လေး ၂ ဦး ကို ညှဉ်းပန်းနှိပ်စက်ခဲ့တာနဲ့ ပါတ်​သက်​ပြီး အင်းဝအပ်​ချုပ်​ဆိုင်​ပိုင်​ရှင်​မိသားစု ၆ ဦးကို အ​နောက်​ပိုင်းခရိုင်​တရားရုံးက တစ်​ဦးချင်းစီ ဆက်​လက်​ရင်​ဆိုင်​ရမယ့်​ ပုဒ်​မ​တွေနဲ့ ဒီနေ့ စွဲချက်​တင်​လိုက်​ပါတယ်​။

ဒေါ်တင်သူဇာ​၊ ဦးကိုကိုလတ်နဲ့ ဒေါ်သီရိလတ်တို့ရဲ့ရှေ့နေ့ တရားလွှတ်တော်ရှေ့နေ ဦးသန်းမြင့်က ဒီကနေ့ အမှုစစ်ဆေးရာမှာ တစ်ယောက်ယောက်တော့ လွတ်မယ်လို့ထင်ထားခဲ့ပေမယ့် တရားရုံးက အားလုံးကို စွဲချက်တင်လိုက်တယ်လို့ ပြောပါတယ်။

"ဒီနေ့ စွဲချက်တင်တာကတော့ အမှုမှာတရားခံအားလုံးကို စွဲချက်တင်တယ်၊  ရှေ့နေတွေကတော့ ပြုတ် သင့်ပြုတ်ထိုက်တဲ့သူ ပြုတ်မယ်လို့မှန်းတယ်၊ ဒါပေမဲ့ တရားသူကြီးက သူ့သုံးသပ်ချက်နဲ့သူ အမှုအားလုံးမှာ တရားခံအားလုံးကို စွဲချက်တင်တယ်၊ တို့ရှေ့နေတွေကတော့ သုံးသပ်တာ ဒီစွဲချက်အဆင့်မှာ ဦးကိုလတ် နဲ့ ဒေါ်သီရိလတ်က ကြိမ်းသေပြုတ်ရမယ်လို့ ရှေ့နေအားလုံးက မျော်မှန်းကြတယ်၊ဘာလို့လဲဆိုတော့ သူတို့ကကိုယ်ထိ လက်ရောက်လည်း လုပ်တာမဟုတ်ဘူး၊ တစ်ခုရှိတယ် တစ်အိမ်တည်းနေတယ်၊ မတားဘူးဆိုတာကတော့ အိမ်ဘေးကလူတွေပါ ဆွဲထည့်ပါလား၊ ဒါမျိုးပေါ့ ဥပမာပြရင် အနီးနားမှာရှိတာနဲ့ အားပေးကူညီတယ် ပြောလို့မရဘူး၊ ဘေးနားမှာရှိတဲ့သူသည် အားပေးကူညီတာ ကာယကံ၊ ဝစီကံ၊ မနောကံ တို့နဲ့ အားပေးမှ အားပေးကူညီမှုမြောက်တယ်၊ အခုတော့ မဟုတ်ဘူး ဦးကိုလတ်တို့ ဒေါ်သီရိလတ် တို့က ဘေးနားမှာရှိတယ်ဆိုပြီး စွဲချက်တင်တယ်၊ ဒါနဲ့ပတ်သက်ပြီး ရန်ကုန်တိုင်း တရားလွှတ်တော်ကို တက်သင့်မတက်သင့်ကို အမှုသည်တွေနဲ့တိုင်ပင်ပြီးမှ ပြောလို့ရမယ်၊ ဒီကနေ့ကတော့ တရားသူကြီးက အမှု ၅ မှုလုံးကို စွဲချက်တင်လိုက်တယ်"

အင်းဝ အပ်​ချုပ်ပ်ဆိုင် ပိုင်​ရှင်​မိသားစု ၆ ဦး လုံးထဲက ဒေါ်သီရိလတ်​နဲ့ ဦးကိုကိုလတ်​ကို လူကုန်​ကူးမှု တာဆီးကာကွယ်​​ရေး ဥပ​ဒေပုဒ်မ၊ အား​ပေးကူညီမှုပုဒ်​မ​တွေနဲ့ စွဲချက်တင်လိုက်တာ ဖြစ်​ပါတယ်။

ကျန်တဲ့ ဦးတင်​ကိုလတ်​၊ ဦးရာဇာထွန်း၊​ ဒေါ်သီရိလတ်​၊​ ဒေါ်ဆုမွန်​လတ်​တို့ကိုတော့ လူကုန်​ကူးမှု တာဆီးကာ ကွယ်​​ရေးပုဒ်မ၊ က​လေးသူငယ်​ညှဉ်းပန်းနှိပ်စက်မှု ဥပ​ဒေပုဒ်မ၊ ခြိမ်း​ခြောက်​ဟန့်​တားမှု ဥပဒေပုဒ်မ၊ ညှဉ်းပန်းနှိပ်​စက်​မှု ဥပ​ဒေပုဒ်မတွေနဲ့ ဆက်​လက်​ရင်​ဆိုင်​ဖို့ တရားရုံးက စွဲချက်တင်လိုက်ပါတယ်​။

လာမယ့် ဇွန်​လ ၈ရက်​​နေ့မှာ မိသားစုဝင် ၆ ဦးစလုံးကို ရုံးထုတ်​မှာဖြစ်​ပြီး အဲဒီနေ့မှာ ပြန်ခေါ်သက်သေတွေကို စစ်​​ဆေး​မှာဖြစ်​ပါတယ်​။

ဒီအမှုနဲ့ ပတ်​သက်​ပြီး တရားလို တရားခံရဲ့နှစ်​ဖက်​ သက်​​သေ ၁၃ ဦးစလုံးကို စစ်​​ဆေးခဲ့ပြီးဖြစ်​ပါတယ်။

RFA Burmese
http://www.rfa.org/burmese

No comments:

Post a Comment