မိခင်နဲ့ဖခင်မှာဆိုရင် ဖခင်တွေကသာ ကိုယ့်ရဲ့သမီးတွေကို အချိန်ပေး ဂရုစိုက်ရင်း တစ်ဦးနဲ့တစ်ဦး သံယောဇဉ်၊မေတ္တောတွေ အရင်းတည်ကာ ပြုစုပျိုးထောင်ပေးသွားဖို့ ပိုအရေးကြီးတယ်လို့ ဆိုချင်ပါတယ်။ ဘာဖြစ်လို့လဲဆိုတော့ မိခင်တွေကတော့ သားဖြစ်စေ၊ သမီးဖြစ်စေ အနီးကပ် ပြုစုပျိုးထောင် ပြောဆိုသွန်သင်ပေးတတ်ကြပေမယ့် ဖခင်တွေကတော့ စီးပွားရေးအလုပ်တွေကြောင့်၊ လူမှုရေးကိစ္စတွေကြောင့် သားသမီးတွေနား မကပ်ဖြစ်တာများလို့ပါ။ သားနဲ့သမီးမှာမှ ဖခင်တွေဟာ သမီးငယ်လေးတွေကို ငယ်စဉ်ကတည်းက ပိုမိုပြုစုပျိုးထောင် သင်ကြားပေးသွားမယ်ဆို သူတို့ဟာ အရွယ်ရောက်တဲ့အခါ ပိုထူးချွန်ထက်မြက်ကြတယ်လို့ ဆိုပါတယ်၊ ဒါကို အချက် (၄)ချက်နဲ့ ခွဲခြားပြောရမယ်ဆိုရင်
ခန္ဓာကိုယ်အချိုးအစား
၂၀၁၅တုန်းက လေ့လာတွေ့ရှိချက်တစ်ခုကို ခုပြန်ပြောရရင်ဖြင့် ဖခင်နဲ့ ရင်းနှီးချစ်ခင်မှု၊ ဂရုစိုက်မှုတွေ ရရှိနေတဲ့ သမီးတွေဟာ အစားအစာ စားသောက်တဲ့အခါ ကျန်းမာရေးနဲ့ပိုသင့်တာတော်တဲ့ အစားအစာတွေကို ရွေးချယ်စားသောက်တတ်ကြသလို သူတို့ကိုယ်သူတို့ ခန္ဓာကိုယ်ဖွဲ့စည်းမှုအပိုင်းနဲ့ ပတ်သက်ရင်လည်း ယုံကြည်မှုရှိတာ တွေ့ကြရပါတယ်။ သူတို့ဟာ ဖခင်ရဲ့ဂရုစိုက်မှု၊ အလေးပေးခြင်း မခံရတဲ့ သမီးတွေလို အစားအသောက်ကို ဖြစ်သလို စားတာမျိုးတွေလည်း သိပ်မရှိဘူးလို့ ဆိုထားပါတယ်။
လူမှုဘ၀
ကလေးဘ၀တုန်းက ဖခင်နဲ့အတူ ပျော်ပျော်ရွှင်ရွှင် ကစားခဲ့ရတဲ့ မိန်းကလေးတွေဟာ သူတို့အရွယ်နည်းနည်းရောက်လာတာနဲ့အမျှ လူမှုဆက်ဆံရေးအပိုင်းမှာ ကောင်းမွန်စွာ အဆင်ပြေပြေ ဆက်ဆံနိုင်ကြတယ်လို့ Fathering ဂျာနယ်မှာ ဖော်ပြထားပါတယ်။ ဒါဘာဖြစ်လို့လဲဆိုတော့ ငယ်စဉ်ကလေးဘ၀က ဖခင်နဲ့အတူ ဆော့ကစားရင်း ကြီးပြင်းလာတဲ့ သမီးငယ်တွေဟာ သူတို့ရဲ့စိတ်ပျော်ရွှင်မှုအပိုင်း၊ စိတ်လှုပ်ရှားမှု၊ တစ်ခုခုကို လျှင်မြန်စွာ တုံ့ပြန်တတ်မှုအပိုင်း၊ သည်းခံတတ်မှုအပိုင်းတွေကို အဲ့ဒီ ကလေးဘ၀ကတည်းက သင်ယူပြီးခဲ့လို့ပဲ ဖြစ်ပါတယ်။
ဥာဏ်ရည်ထက်မြက်မှု
ကလေးဘ၀တုန်းက ဖခင်နဲ့အတူ စာဖတ်တာတွေ၊ ပြတိုက်တွေအတူတူသွားတာတွေ၊ ဂိမ်းအတူတူဆော့တာတွေ လုပ်ခဲ့တဲ့သမီးငယ်တွေဟာ အသက် ၁၁နှစ်လောက်မှာကတည်းက သူများနဲ့မတူတဲ့ IQကို ရရှိနေပါပြီတဲ့။ ဒါ့ကြောင့် ကလေးဘ၀ကတည်းက ဖခင်ဟာ သမီးငယ်တွေကို ကိုယ့်ရဲ့အသိအမြင်၊ အတွေးစတာတွေကို ဝေမျှပေးတတ်မယ်ဆိုရင် သူတို့ရဲ့ရှေ့ရေးဟာ တော်တော်လေး ဖြောင့်ဖြူးသွားမှာပါ။
အလုပ်အကိုင်
Psychological Science ဂျာနယ်မှာ ဖော်ပြထားချက်အရတော့ အမေနဲ့အတူ အိမ်မှုကိစ္စတွေကို ခွဲဝေလုပ်နေတာကို မြင်တွေ့ရဖန်များတဲ့ သမီးတွေဟာ တစ်ချိန်မှာ အလုပ်အကိုင်နဲ့ ပတ်သက်တဲ့ မြင့်မားတဲ့ ရည်မှန်းချက် ပန်းတိုင်ရှိနေတတ်တယ်လို့ သိရပါတယ်။
TrendMyanmar
No comments:
Post a Comment