Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, April 28, 2017

မော်ဒယ်သရုပ်ဆောင် ရွှေမြင့်မိုရ် မူးယစ်ဆေးဝါးမှုဖြင့် ဖမ်းဆီးခံရ


မော်ဒယ် သရုပ်ဆောင် ရွှေမြင့်မိုရ်ကို ဧပြီ ၂၇ နေ့က သူမနေထိုင်ရာ တာမွေမြို့နယ်ရှိ တိုက်ခန်း၌ မူးယစ်ဆေးဝါးမှုဖြင့် ဖမ်းဆီးခံထားရကြောင်း သတင်းရရှိသည်။

ရန်ကုန်တိုင်းဒေသကြီး၊ တာမွေမြို့နယ် နတ်ချောင်းရပ်ကွက်၊ သမိန်ဗရမ်းလမ်းရှိ ရွှေမြင့်မိုရ်နေထိုင်ရာ မ/ ၃၇-၅ လွှာ တိုက်ခန်းသို့ ရဲတပ်ဖွဲ့မှ သတင်းအရ ၀င်ရောက်ရှာဖွေစစ်ဆေးရာ မူးယစ်ဆေးဝါးနှင့် ဆက်စပ်ပစ္စည်းများတွေ့ရှိခဲ့ကြောင်း၊ ရဲတပ်ဖွဲ့က၀င်ရောက်ဖမ်းဆီးချိန်၌ မော်ဒယ်သရုပ်ဆောင် ရွှေမြင့်မိုရ်အတူ အမျိုးသား ၂ ဦးရှိနေခဲ့ကြောင်း၊ ထို့ကြောင့် ရွှေမြင့်မိုရ်အပါအ၀င် ၃ ဦးတို့အား မယ (ပ) ၁၉/၂၀၁၇ ၊ မူးစိတ်ပုဒ်မ ၁၅/၁၆ (ဂ)/၂၁ တို့ဖြင့် အမှုဖွင့်ထားကြောင်း တာမွေမြို့မ ရဲစခန်းမှ သိရသည်။

“သူတို့နေ ထိုင်တဲ့နေအိမ်မကိုသွားရောက်စစ်ဆေးတော့ ဆေးပြားတွေရယ်၊ ကျန်တဲ့သုံးစွဲထားတဲ့ အသုံးအဆောင် ပစ္စ ည်းတွေရယ် တွေ့တယ်။ ဒါကြောင့် အမှုဖွင့် အရေးယူထားတယ်။ တရားရုံးကနေ ရမန်ယူထားတယ်။ လော လောဆယ် ဒီလောက်ပဲပြောလို့ရမယ်” ဟု အထက်ပါ စခန်းမှ တာဝန်ကျရဲအရာရှိက ပြောသည်။

ရွှေမြင့်မိုရ်သည် အနုပညာလှုပ်ရှားမှုအဖြစ် လတ်တလောတွင် Photo Model ပိုင်းကို အာရုံစိုက်လုပ်ကိုင်လျက်ရှိကြော င်း အထူးသဖြင့် Sexy Photo များရိုက်ကူးခြင်းကိုနှစ်သက်ကြောင်း ရုပ်ရှင်တေးကဗျာ မဂ္ဂဇင်းနှင့်အင်တာဗျုးတွင် ပြော ကြားထားသည်။ သူမသည် ၂၀၁၀ ခုနှစ်တွင် Miss Mandalay Queen ဆုကိုရရှိခဲ့ပြီးနောက် အနုပညာလောကထဲသို့ ၀င်ရောက်လာသူဖြစ်သည်။

လင်းလင်းအောင်Photo – ကိုလင်း
News watch





No comments:

Post a Comment