တပ်​မ​တော်​ကာကွယ်​​ရေးဦးစီးချုပ်​ကို ဘယ်​သူကခန့်​မှာလဲ ?

မရှုပ်မရှင်း အခြေခံဥပဒေပုဒ်မ ၃၄၂

သရဝဏ်​(ပြည်​)

မြန်မာ့နိုင်ငံရေးလောကမှ လူအပေါင်းသည် ပုဒ်မ ၅၉(စ) နှင့် ပုဒ်မ ၄၃၆ စသည်တို့တွင် မဲနေသော်လည်း ပုဒ်မ ၃၄၂ ၏ အားနည်းချက်များကို ပြောသူမရှိသလောက် မေ့လျော့နေကြသည်။

ထိုပုဒ်မ ၃၄၂ တွင်လည်း မရှုပ်မရှင်းဖြစ်နေသော၊ တိကျရေရာမှုမရှိသော ယေဘုယျဆန်လွန်းသော ပြဋ္ဌာန်းချက်များ ပါဝင်နေသည်ကို ထောက်ပြလိုပါသည်။

၂၀၀၈ တွင် အတည်ပြုလိုက်သော ပြည်ထောင်စု မြန်မာနိုင်ငံ ဖွဲ့စည်းပုံအခြေခံဥပဒေ အခန်း (၇) သည် တပ်မတော်ဟူသော အခန်းဖြစ်ပါသည်။ ထိုအခန်း (၇) ပုဒ်မ ၃၄၂ တွင် နိုင်ငံတော်သမ္မတသည် အမျိုးသားကာကွယ်ရေးနှင့် လုံခြုံရေးကောင်စီ၏ အဆိုပြု ထောက်ခံချက်ဖြင့် တပ်မတော်ကာကွယ်ရေး ဦးစီးချုပ်ကို ခန့်အပ်တာဝန်ပေးရမည်ဟု ပါဝင်ပါသည်။

ဆက်ဖတ်ကြည့်သောအခါ တိုင်းပြည်ကာကွယ်ရေးနှင့် လွှတ်တော်နိုင်ငံရေးအတွက် အရေးအကြီးဆုံးဖြစ်သည့် တပ်မတော်ကာကွယ်ရေး ဦးစီးချုပ် ဖြစ်သင့်ဖြစ်ထိုက်သည့် အရည်အချင်း သတ်မှတ်ချက်ကို လုံးဝမတွေ့ရှိရသည်မှာ အလွန်ထူးဆန်း၍ ဖွဲ့စည်းပုံအခြေခံဥပဒေ၏ လစ်ဟာမှုကြီး (သို့မဟုတ်) တမင်သက်သက် အသာစီးယူထားသော အချက်ကြီး ဖြစ်နေပါသည်။

နိုင်ငံအတွက် အရေးအပါဆုံး ပုဂ္ဂိုလ်ဖြစ်သော သမ္မတရာထူးရွေးချယ်ရာတွင် ပုဒ်မ ၅၉(က) မှ (ဆ) အထိ အချက်ခုနစ်ချက် အသေးစိတ် ရေပက်မဝင်အောင် ပြဋ္ဌာန်းထားသော်လည်း တပ်မတော် ကာကွယ်ရေး ဦးစီးချုပ်ဖြစ်ထိုက်သည့် လူတစ်ယောက်၏ အရည်အချင်း သတ်မှတ်ချက်များကို စာရွက်ပေါ်တွင် တိတိကျကျ ဘာမှရေးထားခြင်း မရှိဘဲ ကာလုံအဖွဲ့ကိုသာ လွှဲချထားလေသည်။ ထိုကာကွယ်ရေးနှင့် လုံခြုံရေးအဖွဲ့တွင် အဖွဲ့ဝင် (၁၁) ဦးရှိရာတွင်လည်း စစ်ဘက်မှတင်သော ဒုသမ္မတတစ်ယောက်၊ ကာကွယ်ရေးဝန်ကြီး၊ နယ်စပ်ရေးရာဝန်ကြီး ၊ ပြည်ထဲရေးဝန်ကြီးဟူသော တပ်မတော်မှ လူ (၆) ယောက်က အဓိကထား ဆုံးဖြတ်မည်ဖြစ်သဖြင့် တပ်မတော် ကာကွယ်ရေးဦးစီးချုပ်ကို တပ်မတော်က ခန့်ခွင့်ရှိသလိုသာ ဖြစ်နေပါသည်။

သမ္မတက ခန့်ခွင့် ရှိသည်ဆိုခြင်းမှာ ဟန်ပြသာဖြစ်နေသည်။

ကာလုံအဖွဲ့တွင် လူ (၁၁) ယောက်သာ ရှိသည့် အနက် ကာကွယ်ရေးဦးစီးချုပ်ပါပြီးပါလျက် ဒုတိယကာကွယ်ရေးဦးစီးချုပ်ကို ထည့်ထားခြင်းမှာလည်း လူထပ်လိုနေသလိုရှိကာ တမင်စစ်ဘက်မှလူများကို လူဦးရေအသာရအောင် လုပ်ထားသလို ဖြစ်နေပါသည်။

အဆိုးဆုံးအချက်မှာ ကာကွယ်ရေးဦးစီးချုပ်အဖြစ် ခန့်အပ်ခံရမည့် သူ၏
(က) အသက်ကန့်သတ်ချက်
(ခ) ပညာအရည်အချင်း ကန့်သတ်ချက်
(ဂ) အငြိမ်းစားယူရမည့်သက်တမ်း
(ဃ) ပြည်ထောင်စု၏ သဘောတူညီချက်
(င) အခြားအရည်အချင်းကန့်သတ်ချက်များ
(စ) ကာကွယ်ရေးဦးစီးချုပ်၏ရာထူးသက်တမ်း
(ဆ) ရာထူးမှ ဆက်လက်မထမ်းဆောင်သင့်သော စွပ်စွဲပြစ်တင်မှုများကို ဖွဲ့စည်းပုံအခြေခံဥပဒေတွင် လုံးဝထည့်သွင်းပြဋ္ဌာန်းထားခြင်း မရှိချေ။

ထိုအခါ တပ်မတော် ကာကွယ်ရေး ဦးစီးချုပ်ကို မည်သည့် စံသတ်မှတ် ချက်များဖြင့် ရွေးမည် (ဥပမာ ဗိုလ်သင်တန်း အမှတ် စဉ် ရှေ့နောက်စီနီယာ အရ ရွေးမည်လား၊ ဗိုလ်ချုပ်မှူးကြီး၊ ဒုတိယ ဗိုလ်ချုပ်မှူးကြီး ဖြစ်မှပဲ ရွေးမည်လော၊ သို့မဟုတ် အထက်လူကြီးဟောင်း များ၏ အကြံဥာဏ် ထောက်ခံချက်ဖြင့်သာ ရွေးမည်လား၊ သမ္မတက ခန့်ထားခွင့် ရှိသည်ဟု ပြောထားရာ သမ္မတ တကယ်ကြိုက်နှစ်သက်သူ ကို ရွေးချယ်ခွင့်ရမည်လား) ဟူ၍ မေး စရာကိစ္စတွေ ရှိပေသည်။

ထို့အပြင် သမ္မတသည် ကာကွယ်ရေးဦးစီးချုပ်ကို ခန့်အပ်ရမည်ဟု ဆိုရာ၌

- သမ္မတ တစ်ခါတက်တိုင်း ကာကွယ်ရေးဦးစီးချုပ် တစ်ကြိမ်ခန့်အပ် ရမည်လား၊
- အငြိမ်းစားတပ်မတော်အရာရှိဟောင်းတစ်ဦးကို ကာကွယ်ရေး ဦးစီးချုပ်လောင်းအဖြစ် သမ္မတမှ အမည်တင်သွင်းခွင့် ရှိ မရှိ၊
- ကာလုံအဖွဲ့က လက်ရှိရွေးချယ်ထားသော ကာကွယ်ရေးဦးစီးချုပ် ကို နောက်တက်လာသော ကာလုံအဖွဲ့က အသစ်ပြန်ရွေးချယ်ပေးနိုင်ခွင့် ရှိမရှိ

စသည့် အချက်များသည် ဖွဲ့စည်းပုံ အခြေခံဥပဒေတွင် လည်းမပါ၊ တပ်မတော်က တရားဝင်ထုတ်ပြန်ကြေညာမှုလည်းမရှိသော မရှုပ်မရှင်း ကိစ္စများဖြစ်သည်။ ထိုကိစ္စများကို လွှတ်တော်တွင် တရားဝင်မေးမြန်းကာ ဥပဒေခိုင်မာအောင် ပြုသင့်ပါသည်။

ထိုသို့မဟုတ်ပါက သမ္မတများ၊ လွှတ်တော်ကိုယ်စားလှယ်များ၊ ပြည်ထောင်စုတရားသူကြီးချုပ်၊ ပြည်ထောင်စု ရှေ့နေချုပ်၊ ပြည်ထောင်စုစာရင်းစစ်ချုပ် ရာထူးတို့အတွက် စစ်စစ်ပေါက်ပေါက် စဉ်းစားသလောက် နိုင်ငံ၏ အာဏာဗဟိုချက် ဖြစ်နေသော ကာကွယ်ရေးဦးစီးချုပ်ရာထူး အရည်အချင်း သတ်မှတ်ချက်မှာ ပျောက်ကွယ် လစ်ဟာနေပါသည်။

ပြီးခဲ့သော ရက်ပိုင်းက တပ်မတော်လေးလပတ် အစည်းအဝေးအပြီး ဗိုလ်ချုပ်မှူးကြီးနှင့် ဒုတိယ ဗိုလ်ချုပ်မှူးကြီးနေရာများအတွက် အငြိမ်းစား ယူရမည့် သက်တမ်းမှာ (၆၅) နှစ်အထိ တိုးမြှင့်လိုက်ကြောင်း သတင်းများထွက်လာပေသည်။

လက်ရှိ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ အသက်မှာလည်း မကြာခင် (၆၀) ပြည့်တော့ မည်ဖြစ် သဖြင့် သက်ပြည့်ပင်စင် ယူခါနီးမှ ထိုသို့ (၅) နှစ် ထပ်တိုးလိုက်ခြင်းကို ပြည် သူလူထုက ဝေဖန်နေကြသည်။

အမှန်စင်စစ် ရာထူးမှ အငြိမ်းစားယူသည့် သက်တမ်း၊ ရာထူးစတင်ခန့်ထားနိုင်သည့် အငယ်ဆုံး သက်တမ်းနှင့် အခြား အရည်အချင်း သတ်မှတ်ချက်များကို ဖွဲ့စည်းပုံအခြေခံ ဥပဒေတွင်သာ တရား ၀င်ရေးဆွဲ ပြဋ္ဌာန်းထားသင့်ပေသည်။ သို့မဟုတ် ပြည်ထောင်စု လွှတ်တော်ကသာ အတည်ပြု ပြဋ္ဌာန်းပေးရပေလိမ့်မည်။

၅၉(စ) သည် ပြင်ဆင်ရန် အလွန်ခက်အောင် ပုဒ်မများစွာဖြင့် ချုပ်နှောင်ထားသော်လည်း၊ ပုဒ်မ ၃၄၂ မှာ ဘာမှရှင်းအောင် ရေးမထား သဖြင့် သက်ဆိုင်ရာပုဂ္ဂိုလ်များက ဘာပဲထပ်ထည့်ချင်သည်ဖြစ်စေ ငှက်ပျောသီးအခွံနွှာ စားသလို လွယ်ကူလွန်းနေသည့် ဟာကွက်ကြီး ဖြစ်ပေါ်နေပါကြောင်း ။

သရဝဏ် (ပြည်)
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)