နွေတည ( ၁၂ )

နွေတည ( ၁၂ )
 ဟေမန်တွင်အနေကြာလာသောအခါအလုပ်ပြန်ရ၍ ဟေမန်မှ ထွက်ခွာသွားရလျှင် ကျနော်သည် စ်ိတ်ထိခိုက်မိလိမ့်မည် ထင်သည်။ တညတွင် ကျနော်သည် ထိုအကြောင်းကို ဝေ့ အားပြောပြလေသည်။ ဝေသည် မီးလင်းဖို နံဘေး အိပ်ရာထဲတွင်ငြိမ်သက် နားထောင်နေပြီး ရွှင်လန်းစွာ ပြုံးနေခဲ့၏။ ဟေမန်တွင်ပင် တသက်လုံး နေသွားရန် သူသည် ရယ်မောရင်း ပြောနေပြန်သည်။ “ဘာလဲ ကိုကို့ကို ခင်ဝေ အမြဲလုပ်ကျွေး နေနိုင်ပါတယ်၊ ဒီကိုယ်ဝန်က အတော်ကြာရင် ပေါက်တော့မှာဘဲနော် ကိုကိုရယ်၊ အဲဒီကျရင် ဒီထက် အလုပ် လုပ်နိုင်မှာပေါ့၊ ကိုယ်ဝန်က ဒီအတိုင်းချည်းဘဲ နေမှာမှ မှုတ်ဖဲ” ဝေသည် အတွေးပေါက်သွားပြီး တခစ်ခစ် ရယ်မောနေပြန်သည်။

“တကယ်လို့ များနော် ဒီ ကိုယ်ဝန်ကြီးဟာ ဘယ်တော့မှမမွေးဘဲ ဒီလိုဘဲ ဆက်ဆက်ပီး ကြီးလာရင်နော်၊ နောက်လေးငါးနှစ်ဆိုရင် ဒီတဲကလေးလောက်တော့ ရှိလာမယ်၊ အဲဒီကျရင်ဘယ့်နှယ် လုပ်မလဲ ကိုကို”

ထိုညက ကျနော်သည်ပင် သူ့ နဖူးကို မနာမကျင်ထုကာ နှစ်နှစ်ခြိုက်ခြိုက် ရယ်မိလိုက်လေသည်။ ဤရက်များအတွင်းက အမှန်ပင် ကျနော်သည် မြို့ ကြီးသို့ သွားလို စိတ်လည်း မရှိတော့ပေ။ ဝေ့ ရွှေတို ရွှေစများကိုပေါင်နှံကာ အလုပ်ကိစ္စအတွက် ထိုက်သင့်သလို စီမံခဲ့ပြီးသော်လည်း ကျနော်ကား အလုပ်ပြန်မရလျှင်လည်း အရေးမကြီးတော့ဟု ထင်တွေးထားခဲ့မိ၏။ ရွှေတို ရွှေစအားလုံးကို ပေါင်းနှံလိုက်သဖြင့် ဝေ့နား၌ နားတောင်းပင် မရှိတော့။

 ဝေသည် အကြော်ဆိုင်သို့ ထွက်လျှင် နားပေါက်ချည်း သက်သက်ပင်။ ဆောင်းလယ်သို့ ရောက်ကာ လယ်ကြား လမ်းများ ပေါ်ပေါက်လာပြီ ဖြစ်သောကြောင့် မြစ်ဆိပ်၌ပင် ပို၍ စည်ကားလာခဲ့ရာ ဝေ့အကြော်ဆိုင်မှာလည်း ညနေဘက်ရော၊ နံနက်ခင်းပါ ဖွင့်ထားရ၏။ ကုန်များကို လှည်းဖြင့် သယ်ယူနေသဖြင့် ကုန်ထမ်းရန်လည်း မလိုတော့ပေ။ ကျနော်သည် ဟေမန်ကို တွယ်တာလာရုံမျှမက ဈေးအရောင်းအဝယ်တွင်လည်း စိတ်အား ထက်သန်လာသည်။ နံနက်ပိုင်းတွင် အကြော်ဆိုင်၌ လက်မလည်အောင်ရောင်းရသောအခါ ကျနော်သည်ပင် ပျော်လာလေသည်။ မြို့ သို့ ဈေးအဝယ်လည်း ထွက်နေကျဖြစ်လာသဖြင့် ကျနော့်အတွက် ရှိုးတိုး ရှန့်တန့် ဖြစ်မနေတော့ပေ။
 ဈေးမှ အပြန်တွင်လှည်းပေါ်၌ ကုန်းပစ္စည်းများတင်ပြီး ကောက်ရိုခင်း မွေ့ရာထက်တွင် ပက်လက်လှန် အိပ်ကာ ကောင်းကင်ပြာကြီးကို မော့ကြည့်လာရခြင်း၌ ကျနော်သည် နှစ်ခြိုက်လာခဲ့၏။ လှည်းလမ်းကြမ်းမျှသာ ပေါက်သေးသဖြင့် လမ်းသည်ရိုးပြတ်လယ်ကြားထဲတွင် ကောက်ကွေ့နေသည်။ တချို့ လယ်တောများမှာ စိမ်းစိုနေဆဲ၊ အချို့ လယ်တောများမှာ ရိတ်သိမ်းနေဆဲ၊ အချို့ ကား ရွှေဝါရောင် သန်းနေဆဲ။ လှည်းဖြတ်မောင်းလျှင် လှည်းသည် ကန်သင်း ခုံမြင့်ကြီးများကို ကျော်တက်ပြီး ဒိုင်းကနဲ ပစ်ဆောင့်ပြန်ကျတတ်၏။ ထိုအခါ၌ ဝေ့ကိုယ်သည် လှည်းပေါ်တွင် ယိမ်းယိုင်သွားတတ် လေသည်။

 “လည်းဆရာရေ့ ကန်သင်းခုံတွေကျရင် ထိန်းဆင်းပါနော်၊ တော်ကြာရင် အထားအသို မတတ်တာတွေ ပြုတ်ကျကုန်ပါ့မယ်”

 ဝေသည် သူ့ ဗိုက်ပေါ် လက်တင်ပြီး ပြောကာရယ်နေတတ်ပြန်သည်။
ကျနော်က အလုပ်ပြုတ်လျှင်လည်း ဟေမန်တွင်ပင်နေတော့မည်ဟု ပြောသဖြင့် ဝေသည် ကြည်နူးနှစ်သိမ့်နေသည်။ တခါတရံ၌ ဝေသည် လှည်းပေါ်တွင် ထိုင်ရင်း ဟေမန်တွင်နေလျှင်ဘာလုပ်မည် ညာလုပ်မည်စသည့် စိတ်ကူးအစီအစဉ်များ ရေးဆွဲလာရင်း သူဖာသာ ကျေနပ်လေသည်။

“ကိုကို့ကို ဟေမန်သား ဖြစ်လာအောင် လယ်ထွန်တာ ပျိုးနှုတ်တာလဲ သင်ပေးရမယ်၊ စပါးရိတ်တာကော၊ ဒါမှအကျဉ်အကျပ်ကျရင် မိန်းမကို စာရင်းငှါးလုပ်ပီး လုပ်ကျွေးနိုင်မှာပေါ့၊ ပြီးတော့ ဟေမန်သားနဲ့ တူသွားအောင် လှေလှော်တာလဲသင်ပေးရမယ်”
“ လှေတော့ မလှော်ဝံ့ဘူး မိဖုရားရေ့ ” ဟု ကျနော်သည် တခါက လှေလှော်မိသဖြင့် မြစ်ထဲ၌ ချာချာလည်နေရာ ဝေနှင့်ဟေမန်သူတဦး အခြားလှေတစင်းဖြင့် လှေချင်းလိုက်တွဲခဲ့ရပုံကို ရည်ညွန်းပြောနေမိလေသည်။
လှည်းပေါ်တွင် ကျနော်သည် ညိုပြာရောင် သန်းနေသောကောင်းကင်းပြင်ကြီးထဲတွင် ဖြူဆွတ်သော တိမ်တတိုက်ရွေ့ လျားနေသည်ကိုလည်းကောင်း၊ အဝေးမှ ငှက်ကလေးများ ကောင်းကင်တိမ်တိုက်အောက်မှ ဖြတ်သန်း ပျံသွားနေကြသည်ကိုလည်းကောင်း ငေးစိုက်ကြည့်နေစဥ့်တွင် ဝေသည် သူဝယ်လာခဲ့သည့် ကုန်စာရင်းများကို လက်ချိုးရေတွက် နေပြန်သည်။ သူ့ကိုအိမ်ကျမှ တွက်ရန် ပြောသော်လည်း သူသည် ကြိုးပမ်းကာ တွက်မြဲ တွက်နေလေသည်။ သူ့ စာရင်းမှာ မနည်းရှင်းယူရသည့် စာရင်းများ ဖြစ်၏။ ညတိုင်လျှင် သူသည် ဘူးသီးကြော်ဆိုင်မှ စာရင်းနှင့် အိမ်ဆိုင်စာရင်း၊ စပါးရရန်စာရင်း အကြွေးစာရင်းများကို တထပ်ကြီးတွက်ခိုင်းသည်။ သူက နှုတ်ဖြင့် တွက်လျှက် ကျနော်စာရွက်နှင့် တွက်ပြီး ကျနော့် စာရင်းကို မှားနေသည်ဟုလည်း သူသည်မရမက ကုပ်ကပ် ငြင်းနေတတ်ပြန်သည်။

“ဒါနဲ့ များကွယ် သူ့ကိုယ်သူ ဆယ့်တစ်တန်းလေး ဘယ်လောက်လေးနဲ့ ရှက်ဖို့ တောင် ကောင်းပါတယ်” ဟု သူသည် သူ့ လက်ချိုးရေတွက်သည့် စာရင်းကို အမှန်ပြုကာ ကျနော့် ကို ရှုတ်ချနေတတ်ပြန်သည်။
တခါတရံတွင် သူသည် မီးဖွားရက်များကို အိပ်ရာထဲတွင် လက်တဖြောက်ဖြောက်ချိုးပြီးရေတွက်နေ၏။ သူ့ဖာသာရေတွက်ရင်းသူ့ ဖာသာမှားနေပြန်ကာ မကျေမနပ် ဖြစ်ချင် ဖြစ်နေ၏။ ထိုအခါတွင်ကား အိပ်ရာပေါ်တွင် မှန်အိမ် မီး ရောင်လဲ့လဲ့အောက်၌ သူ၏ လန်းဆန်းသော အပြုံးများမှာ မမွေးဖွားသေးသော သားငယ်ကို ချစ်သည့်ဇောများလည်း ရောရှက်နေတတ်သည် ထင်သည်။
သူ့ မီးဖွားရက်ပို၍ နီးကပ်လာပြီဖြစ်သော နွေဦးရောက်စရက်များတွင်မူ ကျနော် မမာကျန်းသဖြင့် သူသည် သောကများ ပွေလာခဲ့ရ၏။ သူ၏ ဈေးဆိုင်ကလေးကို ပိတ်လိုက်ရသဖြင့်ညတွင် စာရင်းဇယား အလုပ်လည်း မရှုပ်နိုင်တော့ပေ။ ကျနော် တဲအိမ်ကလေးပေါ်တွင် ကိုယ်ပူရှိန်ကြီးရာမှလက်မောင်းနှင့် ရင်အုံများတွင် ကျောက်ပေါက်နာ အပိမ့်ကလေးများပေါ်လာသောအခါ ဝေသည် ခြေမကိုင်မိ၊ လက်မကိုင်မိဖြစ်ပြီး ကျနော် မသိအောင် ကွယ်ရာ၌ ငိုလေသည်။ နေ့တွင်းချင်း ကိုယ်ဝန်ကြီးတကားကားဖြင့် ရှစ်မိုင်မျှ ဝေးသည့်နတ္တလင်းရွာမှ ဆေးဆရာကြီးကိုသွားပင့်သည်။ သူ ဆရာပင့်ပြီးပြန်ရောက်လာသည့် ညနေခင်းတွင် ကျနော့်ကို ရွာထဲမှ တဲတွင် မတွေ့ရတော့သောအခါ သူသည် မူးမှိုင်သွားပြီး တဲတိုင်ကိုမှီကိုင်ကာ ခလေးကလေးလို တရှုံ့ရှုံ့ ငိုခဲ့ရသည်။ ထိုညနေ၌ ကျနော်ကား ဟေမန်တာရိုးကြီး နံဘေးကွေ့ထဲရှိ ငှက်ပျောဥယျာဉ်အလယ်တွင် ရွားသားများ ချက်ခြင်းဆောက်ပေးလိုက်သော လူမမာ တဲကလေး၌ ရွားသားများ ပို့ ပေးသဖြင့်ရောက်ရှိနေသည်။ ကျနော့်ကို ပြုစုရန် ရွာသားများထဲမှ ကျောက်ပေါက်ဖူးပြီးသား လူနှစ်ယောက်လည်း အသင့်ရောက်ရှိနေသည်။ ဝေနှင့် ဆေးဆရာကြီး လူမမာတဲသို့ ရောက်ချိန်တွင်မူ ကျနော်သည် ပူလွန်းလှသဖြင့် တဲအတွင်း၌ ကပြောင်းကပြန်လူးလှိမ့်နေရသည်။

ကျနော်လည်း ပါးစပ်မှ တတွတ်တွတ် “ဝေမလာတော့ဘူးလား” ဟုမေးနေဆဲ ဝေရောက်လာခဲ့သည်။ ဝေ တဲအတွင်းသို့ ပြေးဝင်လာပြီး ကျနော့်ကို သိမ်းဖက်ကာ ထိန်းမနိုင်သိမ်းမရ ငိုသည်ကိုကား ကျနော်သည်ကယောင်ကတမ်းဖြင့် သိနေ၏။ ကျနော်သည် ဝေ့ကို ကျောမှ သိမ်း၍ကယောင်ကတမ်း ဖက်ထားမိသည်။

“ ဝေရှိပါတယ်၊ ဝေဘယ်တော့မှ မသွားပါဘူး ကိုကိုရဲ့ ၊ ကိုကို့ အနားမှာ ရှိပါတယ်” ဟု သူ၏ ရှိုက်ငို
ရင်းပြောသံကို ကယောင်ကတမ်း ကြားနေခဲ့သည်။ ကျနော့်ကို ပွေ့ထူပြီး လည်ချောင်းထဲ ပူဆင်းသွားသည့် ဆေးပူကြီးတခွက်ကို တိုက်သည်။ တကိုယ်လုံးမှာ အပြင်းအထန်ဆုံးပူလာသဖြင့် ကျနော်သည် တအဉ်အဉ် ညည်းနေစဉ်၌ ဝေသည်လည်း တဲအပြင်သို့ ပြေးထွက်သွားခဲ့လေသည်။ ဝေ ငှက်ပျောဥယျာဉ်ထဲ၌ အော်ဟစ် ငိုသည်ကိုလည်း ကျနော်သည်မသိ။ ဝေ့ ကို ကိုမြလေးသည် နှစ်သိမ့်နေရ၏။
ဆရာကြီးက စိုးရိမ်ရန် မရှိကြောင်း ပြောသည်ကိုလည်း ဝေလည် မယုံ။

“ကိုကို သေတော့မှာ ဟုတ်လားဟင်၊ ကျမကို အမှန်ပြောကြစမ်းပါ”ဟု သူသည် အော်ပြောပြီး ငိုယိုနေခဲ့ လေသည်။ ကျနော်သည် အတန်ကြာလျှင် ချွေးများသွန်ထွက်လာကာ မောပန်းလာပြီး နှစ်နှစ်ခြိုက်ခြိုက် အိပ်ပျော်သွားခဲ့၏။ အိပ်ရာမှနိုးလာလျှင် ဝေ့ ကိုသိမ်းဖက်ထားနေမိသည်ကို သတိထားမိလိုက်လေသည်။ ကျနော်သည် ဝေ့ကို ရောဂါကူးစက်လိမ့်မည် တွေးလိုက်မိသည်။

 “ကိုကို အားမငယ်နဲ့နော် ခင်ဝေရှိတယ် ဆရာကြီး ဆေးတွေလဲ အများကြီးပေးခဲ့တယ်၊ ခင်ဝေ့ ကိုလဲ မကူးစက်အောင်ဆိုပီး ဆေးတွေ ပေးထားတယ်၊ ကိုကို ပျောက်ကိုပျောက်မှာလို့  ဆရာကြီးပြောတယ်၊ မပျောက်ရင် ဇက်အဖြတ်ခံမယ်တဲ့ကိုကို”ဟူ၍ သူသည် တတွတ်တွတ် ပြောနေခဲ့၏။
 ကျနော်သည်လည်း ဝေ့ကို တွန်းလွှတ်ထားလေသည်။ ဝေ့မျက်နှာလေးကို ပီသလာအောင် မှန်အိမ်မီးရောင်ဖြင့် ကြည့်နေမိ၏။ ဝေ့မျက်နှာမှာ ကျနော့် မျက်လုံးအမြင်၌ တလှပ်လှပ် ဖြစ်နေပြန်သည်။ ဝေ့ ကိုယ်ဝန်ကိုမူ ထင်ထင်ရှားရှား မြင်နေရသည်။ ရင်ထဲတွင် ပူလောင် လာပြန်သည်။ မှန်အိမ်မီးရောင်သည် မျက်လုံးအိမ်ထဲတွင် စူးနစ်ဝင်နေ၏။
“ မှန်အိမ်ကြီးကဘာလို့  ဒါလောက်လင်းနေရတာလဲ၊ မှိန်စမ်းပါ”ဟု ကျနော်သည် အော်ဟစ်နေမိပြန်သည်။
 “ဟိုဘက် ကွပ်ပျစ်မှာ အိပ်ပေါ့” သူ့ကို လှမ်းပြောလိုက်၏။ ညဉ်နက်လာလျှင် ကျနော်သည် ငှက်ပျော ဥယျာဉ်ထဲမှ ငှက်ပျောရွက်ချင်းခတ်သံများကို လက်ကွင်းတီးသံဟု ထင်နေပြန်သည်။
 မြို့ ကြီး၌ ကျောက်ရောဂါဆိုးကြီး ဝင်ရောက်လာစဉ်တွင် လူသေအလောင်းများကို တသယ်ထဲ သယ်ထုတ်နေသည်ကို သတိရနေပြန်သည်။ ကျနော်သည် တညလုံး အိပ်မပျော်တချက် ပျော်တချက်ဖြင့် အမေကို တကာ ညည်းညူတိုင်း ဝေသည် တဖက်ကွပ်ပျစ်မှ ကိုယ်လေးလက်ဝန်ကို ဖြည်းဖြည်းလေးလေး သယ်ကာ ကျနော့် အိပ်ရာနံဘေးသို့ လာသည်။ ဖြစ်စ ရက်များတွင်ဝေသည်တဲအတွင်းမှ မထွက်တော့ပေ။သူသည် ကျနော့်ကို ပွေ့ထူ၊ ဆေးတိုက်၊ အဝတ်လဲ အမြဲ လုပ်ပေးနေခဲ့ကာ သူ့ မျက်နှာပင် ချောင်ကျလာသည်။

“ခင်ဝေ မကူးပါဘူး၊ ဆေးသောက်ထားတာဘဲ” ဟု သူအမြဲပြောသည်။ ဝေက ကျနော်၏ ပြည်အလူးလူး ကပ်နေသော အဝတ်ကို လျှော်ရန်သော်လည်းကောင်း၊ အိမ်ဈေးဆိုင် ကလေးအတွက်လည်းကောင်း၊
ခဏတဖြုတ်ထွက်သွားသည့် အခိုက်ကလေး၌ပင် ကျနော်သည်လည်း ဝေ့ ကိုအထပ်ထပ် မျှော်နေမိသည်။ တခါတရံ၌ သူဆန်ပြုတ်ကို ဇွန်းနှင့်ခပ်ပြီး တိုက်နေစဉ်တွင် ကျနော့် စိတ်နှလုံးသား၌ ဝေ့ကို ဇနီးမယားလို မထင်တော့ပေ။ ထိုခံစားမှုမှာ နှလုံးသားအောက်ခြေရှိ နက်ရှိူင်းလှသော ဒေသမှာ လာခဲ့ဟန်တူသည်။
ကျနော်သည် ဝေ့မျက်နှာကလေးကို ကြည့်နေရင်း ဝေ့ ကို အမေလိုဘဲဟု တွေးနေမိတတ်ကာ “အမေ”ဟု ခေါ်လိုက်ချင်စိတ်များပင် ပေါ်လာမိပြန်သည်.။ ဝေ မရှိလျှင် မောင်ချစ်ထူးလည်း တဲအပြင်ဘက်ငှက်ပျောပင်ရိပ်တခုတွင် ထိုင်နေတတ်၏။ ကျနော်သည် ဝေ ကြာလျှင်မောင်ချစ်ထူးကို မကြာမကြာ ခေါ်ခေါ် ပြီး မေးမိလေသည်။
 “မလာသေးဘူး ဦင်္းလေး၊ ခဏဆိုပီး သွားတာ ကျနော် တာပေါ်က တက်ကြည့်လိုက်အုံးမယ်”ဟု
 ပြောပြီး ခလေးသည် တဲအတွင်းမှ ထွက်ကာ တဖုတ်ဖုတ် ပြေးသွားလေသည်။ ထိုအခါတွင်ကား ငှက်ပျောဥယျာဉ် တခုလုံးသည် ညနေဆည်းဆာဝယ် ဝမ်းနည်းခြင်း အထိမ်းအမှတ်ဖြင့် ငြိမ်သက်နေ
သည်ဟု ကျနော့် စိတ်တွင် ခံစား တွေ့ ထိလာရပြန်သည်။ တဲတံခါးပေါက်ဝမှ ဝေကိုယ်ဝန်ကြီး တခွဲသားနှင့်  လေးလေးပင်ပင် လမ်းလျှောက်ဝင်လာသည်ကို တွေ့ ရလျှင် ကျနော်သည် ငေးစင်းကြည့်နေ
မိတတ်ပြန်သည်။ ဝေသည် လက်နှစ်ဖက်၌ ရေနွေးဖြင့် ပြုတ်လျှော်ထားသော ကျနော့် ပြည်ပေကျံနေသည့် အဝတ်များကို တဖက်သူ့ကွပ့်ပျစ်ပေါ်တွင် လှန်းလိုက်ပြီး ကျနော့် ကိုလှမ်းကြည့်ကာ ပြုံးလေသည်။

 “သားကြီးကလဲကွယ် အမေခဏကလေး မရှိရင် တကြော်ကြော် ဖြစ်တော့တာဘဲ” ဟု ပြောပြီး ရယ်သည်။ သူသည် ကျနော့် ကို မောင်ချစ်ထူး အကူအညီဖြင့် ပွေ့ထူ၊ အဝတ်လဲ။ ဆေးတိုက်ပြီးလျှင်
ပက်လက်လှန် အိပ်ခိုင်းပြီး ကျနော့် မျက်လုံးကိုလက်ဖြင့် အသာအယာဖွင့်ကာ ကျောက်တိမ်မစွဲစေရန် သူ့လျှာဖြင့် လျှက်ပေးသည်။ ထိုအခါ၌ ကျနော်သည် သူ့ကျောပြင်ကို မမှီမကမ်း ဖက်ထားသည်။
သူ့ ကိုယ်ဝန်သည် ကျနော့် လက်မောင်းပေါ်၌ နွေးအိစွာ ပိကျနေသည်။ ဤသို့ ပြုမူရသည်ကို သူဘယ်က ရလာသည်မသိ။ သားငယ်များ ကျောက်ရောဂါဖြစ်လျှင် မိခင်များကထိုအတိုင်းပြုမူတတ်သည်ကိုသာ ကျနော်သည် တွေးနေမိခဲ့၏။ ဤသို့ ပြုမူသည်မှာ ကျနော် နေကောင်းလာသည့်အထိပင်။
ကျန်းမာလာပြီး နောင်၌လည်း ကျနော်တို့ ၏ အကြော်ဆိုင်ကို ပြန်မဖွင့်ဖြစ်တော့။ ဝေသည် ဟေမန်ရွာလယ်ရှိစိမ်းလန်းသော ငှက်ပျောပင်များပတ်လည် ဝိုင်းနေသည့် ကျနော်တို့ ၏တဲကလေးပေါ်တွင်
သမီးလေး စပယ်ခိုင်ကို မွေးဖွားရပြန်သည်။ ထိုနောက် များမကြာမီ အလုပ်ပြန်ခန့်စာရကာ ကျနော်တို့  ဟေမန်ကို စွန့်ခွာလာခဲ့ကြရသည်။ နောက်တွင်ကား မည်သည့် အခါတွင်မှ ကျနော်တို့ သည်
 ဟေမန်သို့  တဖန်ပြန်၍ မရောက်နိုင်ကြတော့ပြီ။
နိုင်ဝင်းဆွေ

Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)