နွေတည ( ၃ )
ဝေသည် ကျနော်နှင့်အတူ လူအုပ်ကြီးကြားမှ ဖြတ် သန်းတိုးဝှေ့ နေသည်။ သူသည်အ၀ါရောင် အောက်ခံတွင် အညှိုရောင် ပွင့်ခက်များ ခြယ်ထားသည့် ထမီကို တိုတို လုံးစည်းစွာ ၀တ်ထား၍ ကြက်သွေးရောင်တောက်နေသော အင်္ကျီကြောင့် သူ့ အသားမှာ ပို၍ ၀င်းညက် ထင်ပေါ်နေသည်။ ဆံပင်နှစ်ခွ ဖွတ်မြီးကျစ်သည် ကြက်သွေးရောင် အင်္ကျီ၏ကျောပြင်ပေါ်ဝယ် လူးလှိမ့်နေသည်။ တနေ့ ကမှ ဆိုင်က ၀ယ်ယူလိုက်သည့် ဆွဲကြို့းလေး၏ ကျောက်စိမ်းပြားသည် သူ့ ရင်သားအထက်၌ လှုပ်ယမ်းနေသည်။ ဈေး အလယ်လောက်တွင် လူကြားထဲ၌ ဝေ့ အရပ်ပုပု ကလေးမှာ ပျောက်ကွယ်နေရစ်ခဲ့လေသည်။ ပြန်လှည့်ကြည့်သော အခါတွင် သူ့ ကို မမြင်မတွေ့ ရတော့ပေ။
ဝေသည် အိမ်ထောင်ပစ္စည်း တခုခုကို ၀ယ်နေရစ်ခဲ့ သဖြင့် ကျန်နေခဲ့သည်ထင်၏။ ထူထောင်ခါစအိမ်ထောင်၌ အိမ်ထောင်ပစ္စည်းများမှာ ၀ယ်၍ အဆုံးသတ်နိုင်သည် မရှိဘဲ ပြည့်စုံပြီဟု ထင်မိသော်လည်း တခုခုသည် အစဉ်သဖြင့် လိုအပ်နေတတ်လေသည်။ ကျနော်သည် ဈေးထိပ် ကားလမ်းအတက်မှ ပျားပန်းခတ်သွားလာ လှုပ်ရှားနေသူများကို လှမ်းမျှော် ကြည့်နေသည်။ ထိုနေရာမှနေ ကြည့်လျှင် ဈေးသည် ပန်းချီးကား တချပ်ကို မြေပြင်ပေါ်တွင် ဖြန့် ခင်းပေးထားသကဲ့သို့  လှနေသည်။ လူများ အပေါ်မှ အညှိုရောင် မိုးစက်မိုးမှုန်များ ဆိုင်းနေကာ ဝေ ဈေးအလယ်၌ ရပ်နေသည်ကို မြင်တွေ့ ရသည်။ အဝေးကြီးမှပင် ကြွေရုပ်ကလေးလို လှပနေသော ဝေ့ မျက်နှာ အပေါ်မှ အပြုံးရိပ်များကို လှမ်းမြင်တွေ့ နေရသည်။ သူသည် ဘေးပတ်လည် လှည့်ပြီးကြည့်နေသည်။ ထို့ နောက် လက်ဆွဲခြင်းကိုယမ်းလျက်လူများကို တိုးဝှေ့ ပြီး တနေရာသို့  ပြေးလွှားသွားလေသည်။ သူသည် ဈေးအလယ်ဘက် ကွက်လပ်ထိပ်တွင် လူတယောက်၏ ပခုံးကို လိုက်၍ပုတ်လေသည်။ ထိုသူသည် သူ့ ဘက်သို့ ပြန်လှည့်လိုက်၏။
ထိုသူ၏မျက်နှာကို ကျနော်သည် အဝေးမှ လှမ်းမြင်နေရသည်။ သူသည် ဝေ့ ကိုလျင်မြန်ဖျတ်လတ်စွာ ပြုံးပြနှုတ်ဆက်လေသည်။ သူတို့ သည် မျက်နှာချင်းဆိုင် ရပ်နေ၏။ လူများတိုးဝှေ့ နေသဖြင့် သူတို့ ချင်း ပို၍ နီးကပ်သွားပြီး ထိစပ်သွားခမန်း ဖြစ်နေပေသည်။ အိမ်ထောင်သက်ဆယ့်နှစ်ရက်။ ဝေနှင့်ကျနော့် အိမ်ထောင်သက်မှာ နုနယ်လှသေးသည်။ လူကြီးများဖြင့် တောင်းရမ်း ရသေးသည် မဟုတ်၍ သူနှင့် ကျနော့် အိမ်ထောင်သက်ကို အိမ်ထောင်သက်ဟု ခေါ်ဆို၍ ရချင်မှရဦးမည်။ ဤဆယ့်နှစ်ရက်တာ အချိန်တိုကလေး၌ပင် ကျနော့် စိတ်နှလုံး ကြည်လင် ချမ်းမြေ့နေသည်တို့ ကို တခုခုသည် ပဋိပက္ခပြုရန် ပေါ်လာတော့မည်ထင်သည်။ ဝေနှင့်စကားပြောနေသူမှာ မော်တော်ကားသမားလောကတွင် မ်ိန်းမမှု၌ နာမည်အကြီးဆုံး ကားသမားတဦးဖြစ်လေသည်။ သူ့ မျက်နှာပုံပန်း ပြုံးရယ်ပုံမှအစ သူ၏ မိန်းမမှုပွေသော အကျင့်စာရိတ္တကို ဖေါ်ပြပေးနေသလို ယခု ဝေသည် ထိုသူနှင့်ရယ်မော၍ အချိန်ပေါင်းများစွာကုန်အောင် စကားပြောဆိုနေသည်။ ထို့ နောက် အချိန်များစွာကြာမှ ထိုသူသည် ပြုံးရယ် နှုတ်ဆက်ပြီး သူ့ လမ်းသူ ဆက်လျှောက်သွားပြီး ဝေသည် ဈေးထိပ်ဘက်သို့  လျှောက်လာသည်။
ဝေ့ကိုယ်လုံးကလေး ရွေ့ လျားလှုပ်ရှားဟန်မှာ တပ်မက် ချစ်စဖွယ်ဖြစ်နေ၍ ဝေ့ မျက်နှာပေါ်တွင် ရွန်းလက် တောက်ပသော အပြုံးမှာ ဝေနေဆဲ ဖြစ်လေသည်။ ထိုနောက်သူသည် အတက်ဖက်၌ ကျနော့်ကို လှမ်းတွေ့ ပြီးအပြေးတပိုင်း တက်လာသည်။ သူသည် ကျနော့် နံဘေးသို့ ရောက်လာပြီး ကျနော့် လက်ကိုလှမ်းဆုပ်ကိုင်လိုက်လေသည်။ ̒ ကိုကို ဘာလို့ ခင်ဝေ့ ကိုမစောင့်တာလဲ၊ လူကြားထဲမယ် ပျောက်သွားတယ် ̓ သူက ပြောသည်။ ကျနော်သည် ပြန်၍ ပြုံးပြနေသည်။ ̒ စားရတော့သာ ဘာမှ မဟုတ်တာနော် ကိုကို၊ ဈေးထဲမယ်ရှောက်ဝယ်ရတော့ ငွေကုန်တာ စိတ်မောလိုက်တာ၊ ငွေတဆယ်သာ ဖျက်ကနဲ ကုန်သွားတယ်၊ ၀ယ်လို့ ပါလာတာ ကျတော့လဲ ဘာမှ မဟုတ်ဖူး။ အမဲသား အစိတ်သား၊ ဆီ သုံးဆယ်သား၊ ခင်ဝေ ဟိုဘက်ဒေါင့်က အထည်ဆိုင်ပေါ်က အထည်တခု ကြိုက်လိုက်တာ၊ နီညိုရောင်ထဲမယ် ရွှေရောင် အပြောက်ကလေးတွေ ပတ်ထားသလိုဘဲ၊ မနက်ဖြန် ရှိသေးရင် ခင်ဝေ ၀ယ်မယ်နော် ̓ သူနှင့် ကျနော် လမ်းမအတိုင်း ပြန်လျှောက် လာကြသည်။ အစောက မိုးရွာထားသဖြင့် လမ်း၏ အနိမ့်ကွက်များ၌ ရေအိုင်ကွက်ကလေးများ ထင်ကျန်နေရစ်ခဲ့ပြီး ယခု သာယာသော နေခြည်များ တောက်ပလာသောအခါ ရေအိုင် ကွက်ကလေးများသည် မှန်သားလို ရောင်ပြန် ထတောက်နေသည်။
အစောပိုင်းက မိုးသားနှင့် နေခြည်သည် ပဋိပက္ခဖြစ်နေပြီး နေခြည်သည် မိုးသားတို့ ကို တစချင်း ဖယ်ရှားလွှင့်ပစ် အနိုင်ယူခဲ့သည်။ ကျနော်သည် စိတ်နှလုံးထဲ၌ ရုတ်တရက် ပေါ်လာသည့် အရှုပ် အထွေးများကို မောင်းနှင် ထုတ်နေသည်။ ဝေသည် ကလေးစ်ိတ်၊ ကလေးဝမ်း၊ ကလေးအတွေး၊ ကလေးအပြုအမှုဖြင့်သာ ပြုတတ်သော အရွယ်ရောက်စ မိန်းကလေး။ ဝေ့ ၌ အစဉ်းစား အဆင်ခြင်တုံတရား မရှိသေး၊ လိမ်လည် လှည့်ဖျားကောက်ကျစ်တတ်မှု မရှိသေးသော၊ ဖြူစင် သန့် စင်သော အရွယ် ကလေးဖြစ်၏။ သို့ သော် ဝေ သည်ထိုသူနှင့် မည်သည့်စကားများ ပြောဆိုခဲ့သနည်း။ မည်သည့် အချိန်အခါမှစ၍ ထိုသူနှင့် သိကျွမ်းနေခဲ့သနည်း။ မည်သို့ မည်ပုံ သိကျွမ်းခဲ့သနည်း။ ဤသံသယတို့ သည် ဝေ့ ကိုချစ်သည့်စိတ်ကြောင့် မနာလို ၀န်တိုကာ ပေါက်ဖွားလာနေသည်။ ဝေ့ အမေ၏ စိတ်ဓာတ်များသည်လည်း ဝေ့ ကိုကူးစက်ခဲ့ပြီ ဖြစ်နိုင်သည်။ ဝေ့ အမေ၏ ယခု နောက်ဆုံးအိမ်ထောင်သည်မှာလည်း အသက်ငယ်ရွယ်သူ တဦးဖြစ်၍ မ်ိန်းမမှုတွင် မည်သည့် မိန်းမကိုမျှ မရှောင်ရှားတတ်သော စာရိတ္တ ချွတ်ယွင်းလွန်းနေသူတဦးဖြစ်သည်။ ဝေနှင့်ထိုပထွေးသည် ကျဉ်းကျပ်သော တန်းလျား၏ အခန်းငယ်ကလေးထဲတွင် အိပ်ရာချင်း နီးစပ်လျက် အချိန်ပေါင်းများစွာ အတူတကွ နေခဲ့ရ၏။ ဝေ၌ ထိုကဲ့သို့  တွေးဝံ့စရာမရှိသော နောက်ကြောင်း အရှုပ်အထွေးများ မရှိနိုင်ဘူးလား။ သို့ သော် ဝေကို ကျနော်သည် ယုံကြည်နေ၏။
ယုံကြည်မှုနှင့် သံသယတို့ သည် ကျနော့် စိတ်နှလုံးသားထဲ၌ ပဋိပက္ခ ဖြစ်နေသည်။
။ ̒ ဟင်းချက်ဖို့  ဒယ်အိုးတလုံးတောင် ၀ယ်ရမယ် ကိုကို၊ အိမ်ထောင်ပစ္စည်းအတွက် ၀ယ်ရတဲ့ ငွေတွေကို ခင်ဝေတော့ နှမြောလာဘီ၊ ၀ယ်လို့ ကို ကုန်နိုင်တော့တယ် မရှိဘူး၊ တခုဝယ်ပီး ပြည့်ဘီလို့ ထင်နေရုံရှိသေးတယ်၊ နောက် မ၀ယ်မဖြစ်တဲ့ တခုခုက ပေါ်ပေါ်လာတာဘဲ၊ မနက်ဖြန် ကိုကို တောသွားဘို့  ၀တ်ဖို့ ယူနီဖောင်းတောင် မလျှော်ရသေးဘူး၊ ဒါနဲ့ ခင်ဝေတို့ ပြောင်းရခါနီးလာရင် အိမ်ထောင် ပစ္စည်းတွေ သိပ်မ၀ယ်တာ ကောင်းမယ် ထင်တယ်နော်၊ လေးငါးဆယ်ရက်နေတာ ဖြစ်သလိုဘဲ နေကြတာပေါ့နော်၊ မပြောင်းခင် အမေတို့ ဆီ ပြန်အပ်တာ ဘာညာလဲ လုပ်အုံးမှနော်၊ အဲဒါကလဲ ငွေကုန် အုံးမှာဘဲ၊ ခင်ဝေတော့ အဟုတ်စိတ်ညစ်လာဘီ ̓ ကျနော်တို့ နေသည့်အိမ်ကို လမ်းထိပ်မှ လှမ်းမြင်ရလေသည်။
အိမ်ရှေ့ လမ်းကြားသဲမြေများမှာ မိုးရွာပြီးလျှင် ပြန်၍ခြောက်သွေ့ သွားလျက် မိုးရွာဆဲခဏ၌သာ ရေတင်နေတတ် လေသည်။ အိမ်တံခါးကို ဖွင့်နေစဉ်၌ ဝေသည် သီချင်းတပုဒ်ကို တီးတိုးညည်းနေသည်။ ကျနော့် စိတ်များ ရှုပ်ထွေးနေလျက် သူနှင့် ပဋိပက္ခ စဖြစ်ရတော့မည်ကို စိုးရိမ်နေသည်။ အစောက ကိစ္စကို အေးအေးငြိမ်းငြိ်မ်း ပြီးသွားစေချင်သည်။ ဝေ့ ကိုမေးလျှင် ဝေသည်အေးအေးဆေးဆေးပင် သူနှင့်ထိုသူ မည်ကဲ့သို့ စကားများ ပြောဆိုခဲ့သည်ကို ရယ်ပြုံးရင်း ပြန်ပြော ပါလိမ့်မည်။ သူ့ သီချင်းသံများကို ကျော်လွန်၍ ညို့ နေသောမိုးသည် ရုတ်တရက် သွန်းရွာချလို်က်ပြီး သွပ်အမိုးပေါ်သို့ မိုးရေစက် ထိမှန်သံများ ဆူညံသွားသည်။ သို့ သော်သူသည်သီချင်းကို ပို၍ အော်ဟစ်ဆိုလိုက်ပြန်သည်။ အိမ်တံခါးပွင့်သွားပြီး ကျနော်သည် သူ့ နောက်မှ လှမ်းဝင်လိုက်သည်။ သူသည် တံခါးရွက်အကွယ်တွင် သူ့ ကိုယ်ကလေးကို ရုတ်တရက် ကျနော့် ရင်ခွင်ထဲသို့ ပူးကပ် တိုးဝင်လိုက်လျက် သူ့ ပါးကို ထိုးပေးလိုက်သည်။
ကျနော်သည် သူ့ ကိုယ်လုံးကလေးကို စိတ်မပါစွာဖြင့် ၀တ္တရားကျေဖက်လိုက်ပြီး ပြန်၍လွှတ်လိုက်သည်။ သူသည်ကျုန်နေသော သီချင်းတပိုင်းး တစကို ဆက်ဆိုကာ လက်ဆွဲခြင်းကို ကြောင်အိမ်ပေါ် တင်ပြီး မီးများဖွင့်လိုက်လေသည်။ အိမ်တခုလုံးမှာ မီးပွင့်များ ထိန်လင်းသွားလျက် သူ့ သီချင်းသံကလေးဖြင့်သာယာချမ်းမြေ့ဖွယ် ဖြစ်နေသည်။ ̒ ဝေ ̓ ဟု ကျနော်သည် တိုးတိုးခေါ်ပြီး သူ့ နောက်သို့ လျှောက်သွားလျက် ဧည့်ခန်းအလယ်တွင် နှစ်ယောက် မျက်နှာချင်းဆိုင် ရပ်နေမိကြသည်။ ကျနော်သည် သူ့ မျက်နှာ တခုလုံးကို အထပ်ထပ်လွှာပြီး ကြည့်နေသလို့ ကြည့်နေသည်။
သူ့ ပခုံးပေါ်သို့ ကျနော်သည် လက်ကို လှမ်းတင်လိုက်ပြီး ဖျစ်ညစ်ဆုပ်ကိုင်လိုက်သည်။ ကျနော့်မျက်နှာမှာ ငြိမ်သက် နေလျက် မဲညို့ နေပြီးကျနော့် လက်ချောင်းများမှာ မသိမသာ တုန်ယင်နေသည်။
̒ကိုယ်စကားပြောစရာရှိလို့ ဝေ၊ အခုလောလောဆယ်ဆယ်ပူပူနွေးနွေးဘဲ မေးရပြောရမှာဘဲ၊ ကိုယ် လေးလေးနက်နက်မေးတာ ပြောတာလို့ မင်းသတိထားပါ၊ တိုတိုနဲ့ လိုရင်းဘဲ တိုက်ရိုက်ဘဲမေးမယ်၊ ဝေနဲ့ ဈေးလယ်ခေါင်မယ် ပူးပူးကပ်ကပ် ရယ်လားမောလား စကားပြောတာ ဘယ်သူလဲ၊ ဘာစကား ပြောကြတာလဲ ̓ ထိုအခါတွင် ရုတ်တရက် သူ့ မျက်နှာပေါ်မှအပြုံး မှန်သမျှ ပျောက်ကွယ်သွားပြီး သူသည် ဆွံ့ အနေသူ ကဲ့သို့ ပင် ကျနော့် မျက်နှာကို ငေး၍ ကြည့်နေသည်။
သို့ သော် သူ့ မျက်နှာ၌သွေးရောင် လျှမ်းသွားနေသည်။
̒ ပြောလေ ဝေ၊ အဲဒါ ဘယ်သူလဲ၊ သူနဲ့  ဝေနဲ့  ဘာကိစ္စအတွက် စကားပြောကြတာလဲ၊ ဘယ်လိုစကားမျိုး ပြောကြတာလဲ၊ သူနဲ့ စကားပြောချင်လို့  ဝေကိုယ့်ကို တမင် မျက်ခြေဖြတ်ခဲ့တာလား၊ သူနဲ့ ဝေနဲ့  သိတာ ဘယ်လောက် ကြပလဲ၊ ပြောလေ ပြော၊ အဲဒီလူဟာ ဘယ်လို လူစားလဲဆိုတာ ကိုယ်သိတယ်ဝေ၊ ဝေဟာ အရင်ကလို လွတ်လွတ် လပ်လပ် မဟုတ်တော့ဘူးဆိုတာ အမြဲတမ်း သတိထားရမယ်၊ အိမ်ထောင်သည်တဦးဆိုတာ ပိုပြီးသတိထားရမယ်၊အပေါင်း အသင်းဆိုတာ လုပ်သင့်တဲ့လူ၊ လုပ်ထိုက်တဲ့လူကိုမှ လုပ်ရမယ်၊ ကိုယ်နဲ့ ပေါင်းသင်းနေချိန်မယ် ဝေဟာ ဟိုတုန်းက မိခင်ဝေ မဟုတ်တော့ဘူး၊ ဟိုတုန်းကလို ပြောလို့ နေလို့  မဖြစ်တော့ဘူး၊ တောအုပ်ကလေးတဦးရဲ့ ဇနီးသယ် ဖြစ်နေဘီ၊ ဒါကို စိတ်ထဲ အမြဲထည့်သွင်း စဉ်းစားထား၊ ကဲ ပြောလေဝေ၊ မင်းတို့  ဘယ်လိုစကားမျိုး ပြောခဲ့ကြတာလဲ၊ ကိုယ့်ပြောပြစမ်းပါအုံး ̓ ကျနော်သည် သူ့ ပခုံးကို ကိုင်လှုပ်နေလျက်၊ သူသည် အရုပ်ကလေးတခုကို ကိုင်အလှုပ်ခံနေရသလို လှုပ်ရားနေသည်။ သို့ သော် ရုတ်တရက် သူသည် သူ့ ကိုယ်ကို ရုန်းထွက်လိုက်လေသည်။
̒ အခု ဘာစကားပြောတာလဲ....̓ ဟု အော်လိုက်လျက်သူ့ အော်ဟစ်လိုက်သံမှာ မိုးသံနှင့် ရောထွေး ဆုညံသွားပြီး သူ့ ကိုယ်လုံးမှာ တဆတ်ဆတ် တုန်ယင်သွားသည်။
̒ စကားပြောတာ ကြည့်ပြောရတယ်၊ လူတယောက်ကို ပြေပြေပြစ်ပြစ် မပြောဘဲနဲ့ တရားခံလို အောက်မေ့နေလို့ ဘယ်ရမလဲ၊ တရားခံလိုစစ်နေလို့  ဘယ်ရမလဲ၊ စက်ထဲက အလုပ်သမားဆိုပီး သက်သက် အထင်သေး နှိမ်ပီး စော်ကားနေတာ ̓ ̒ မအော်ပါနဲ့ ၊ ဘေးအိမ်ကြားမှာ မင်း မရှက်တတ်ပေမယ့် ကိုယ်ရှက်တယ်၊ ကိုယ်မေးတာသာ ဖြေစမ်း ဝေ ̓ ̒ ပြောပြရမလား ̓ ̔ ကွေ့ လယ်ရှောင်ပတ် လုပ်မနေစမ်းပါနဲ့ ၊ ကိုယ်မေးတာသာ ပြောစမ်းပါ၊ အဲဒီလို လူစားမျိုးနဲ့ အပေါင်း အသင်းဖြစ်တဲ့ မိန်းမဆိုရင် ကိုယ်ကတင် အထင်သေးတာ မဟုတ်ဖူး၊ လူတိုင်းက ပါအထင်သေးတယ်။ မင်း အဲဒီလို လူမျိုးနဲ့ စကား ပြောချင်ရင် လူရှေ့ သူရှေ့  လူတွေအများကြီးထဲမယ် မပြောရဘူးဝေ၊ ကိုယ်မင်းကို အထင်မသေးချင်လို့  မေးနေတာလေ၊ အထင်သေးချင်တယ်ဆိုရင် မေးနေဘို့ တောင် မလိုဘူး၊ ကဲ...မေးတာသာ ဖြေစမ်း ဝေ ̕ ̔ ပြောပြရမလား၊ အဲဒါ ကျမနဲ့ တွေ့ ဘို့ ချိန်းတာ၊ မနက်ဖြန် ရှင် တောဘက်ထွက်ရင် ဒီအိမ်မယ် လာတွေ့ ပါလို့ ချိန်းတာ၊ ကျမနဲ့ ဖြစ်နေတာ ကြာဘီ၊ သူ့ မယ် သားမယားကြီး ရှိနေလို့  ယူလို့ မဖြစ်ကြတာနဲ့  ရှင့်ကိုယူရတာ၊ ရှင်းသွားပလား၊ ရှင့်ကိုပါးရိုက်မိလို့ သနားပြီးလိုက်လာတာ၊ သေရပါတော့မယ်ဆိုလို့ သနားပီး လိုက်လာတာ၊ အခု ရှင်က လူစကား မပြောဘူး၊ လူလို မမေးဘူး၊ လူလိုမပြောဘူး ̕ သူ့ အသံမှာ အထိန်းအချုပ်မရှိဘဲ ဆူညံသွားလျက် ပဋိပက္ခ တို့ ကို ပေါက်ကွဲစေရန် မီးရှို့ ပေးလိုက်လေသည်။
သူသည် ရင်ကိုကော့ပြီး ခါးကို ထောက်ပစ်လိုက်၏။
̒ တော် ̓̓ ဟု ကျနော်သည် သံကုန် အော်ဟစ်လိုက်ပြီး ဒေါသ မွှန်ထူစွာဖြင့် နှုတ်ခမ်းကိုက်ထားသည့် သူ့ မျက်နှာပေါ်သို့  လက်သီး အားကုန် ပစ်ထိုးလိုက်လေသည်။ လက်သီးနှင့် သူ့ မျက်နှာ ထိသွားသည်ကို သိလိုက်ပြီး သူသည် နောက်သို့  ပက်လက်လန် ပစ်လဲ ကျသွားသည်။ သူသည် ထိုနေရာမှ လူးလဲထပြီး ပါးစပ်မှအထိန်းအကွပ်မရှိ ဆဲရေး တိုင်းထွာ လိုက်လေသည်။ ရုန့် ရင်းကြမ်းထမ်းသော စက်ဆုပ်ဖွယ်ရာ သူ့ စကားများသည် အိမ်ပေါ်၌ ဆူညံနေသည်။
̒နင် ငါ့ကို တမင် နှိပ်စက်တာ၊ နင်ပြောင်းရတော့မှာမို့ လို့ ငါ့ကိုအိမ်ပေါ်က ဆင်းသွားအောင် တမင်နှိပ်စက်တာ ̕ ဟုလည်း အော်ပြော နေ၏။ ထို့ နောက် တိုး၍ ဆဲရေးနေ၏။ ကျနော်သည် သူ့ ကိုယ်ကိုဆွဲထူလိုက်ပြီး မျက်နှာကို တချက်ပြီးတချက် ဖြတ်ရိုက် နေမိသည်။ ထို့ နောက် သူ့ ကိုတွန်းလှဲပြီး ထားပစ်ခဲ့၏။ ကျနော်သည် တံခါးကို ဆောင့်ဖွင့်လိုက်ပြီး အိမ်ပေါ်မှ အပြေးဆင်းလာခဲ့၏။ ဤ စိတ်မကောင်းဖွယ်ရာ အဖြစ်အပျက်သည် စိတ်နှလုံးထဲ၌ ပြင်းထန်စွာ လှုပ်ရှား ရိုက်ခတ်နေသည်။
( ၄ )
ကျနော်သည်အိပ်ခန်းဝ၌ ရပ်နေရင်း နေ့ လယ်ကပင် ရလာသည့်ရုံးမှ ပြောင်းရွှေ့ အမိန့် စာကို သတိရနေသည်။ အညာသစ်တောဒေသကို ကျနော်ပင်လျှင် ပြောင်းရွှေ့ ခွင့် လိုလိုချင်ချင် လျှောက်ထားခဲ့လျက် ယခု အမိန့် စာမှာ မနက်ဖြန်ကာ ပြောင်းရွှေ့ ရတော့မည် ဆိုသောအခါ၌ စိတ်ထဲတွင် တမျိုးဖြစ်နေသည်။ ပြောင်းရွှေ့ ရာ၌ သည်အတိုင်းဆိုလျှင် ဝေ ပါလာ နိုင်တော့မည် မဟုတ်ပေ။ ဝေ အိမ်ပေါ်မှ ဆင်းသွားခဲ့သည်မှာ ဆယ်ရက်ပင် ရှိလေပြီ။ ပြက်ချော်ချော်လိုနှင့် ဇာတ်လမ်း ကလေးတခုမှာ အလွယ်ကလေးနှင့် ဖြစ်ပျက်လိုက်ပြီး သစ်သီးမှည့် ကြွေသလို အလွယ် ကလေးနှင့် ဆုံးခန်းတိုင် သွားတော့မည် ထင်သည်။ အိပ်ခန်း ခုတင်ပေါ်တွင် ခြင်ထောင်ကြိုးစများ ပြတ်တောက်နေ၍ ခြင်ထောင်သည် တွဲလဲကျနေသည်။ ခေါင်းအုံး၊ စောင်၊ အ၀တ်အစားများ ကစဥ့်ကရဲ ရှုပ်ပွနေသည်။ ခုတင်အောက်မှ ဝေ့ သေတ္တာကလေးမှာ အဖုံး ပွင့်နေလျက်သား။ သူ အနှစ်သက်ဆုံး အ၀ါတန်းထဲတွင် ရွှေမျှင်များ ယက်ရှယ်ထားသည့် နိုင်လွန်ပိုးသား အင်္ကျီကလေးနှင့် နောက်ဆုံးနေ့ က ဈေးထဲတွင် ၀ယ်ခဲ့သည့် အ၀တ်အစားများ အားလုံးမှာ သေတ္တာထဲ၌ ကျန်ခဲ့သည်။ လက်ကောက် ပါးကလေးနှင့်ဆွဲကြိုးကလေးမှာလည်း သေတ္တာအောက်၌ စက္ကူနှင့် ထုပ်ပြီး ပစ်ထားသည်။ အိမ်ပေါ်ရောက်မှ ၀ယ်သည့် ပစ္စည်းများကို တခုမျှ ယူမသွားဘဲ သူ့ ထမီအနွမ်း အင်္ကျီစုတ် ကလေးကိုသာ ၀တ်ဆင်၍ ခေါင်း၌ တဘတ်ရစ်ပတ်ပြီး ဂျပန်ဖိနပ်အိုကလေးကိုစီးလျက် အိမ်ပေါ်မှ ဆင်းသွားခဲ့လေပြီ။ ရန်ဖြစ်သည့်နေက ကျနော် ပြန်လာသော အခါတွင် အိမ်ပေါ်၌ သူ့ ကိုမတွေ့ ရတော့ပေ။ ဆွဲကြိုးဝယ်သည့် နေက သူသည် ဆွဲကြိုးကို လည်းပင်၌ ဆွဲထားပြီး ၀မ်းသာရွှင်မြူးစွာ ကလေး ကလေးတယောက်ကဲ့သို့ ပင် ကျနော့် လည်ပင်း ယီးလေးခိုလျက် ပါးနှစ်ဖက်အား နမ်းခဲ့သည်ကို ယခုသတိရဖြစ်နေသည်။
ကျနော့် ရင်ထဲတွင် ဒေါသလိုလို ဒေါသမဟုတ်သော မီးတောက်များသည် တောက်လောင်နေ၏။ ဝေသည် ဗီဇမမှန် အညှာလွယ်လွန်းသော မိန်းကလေး။ သူသည် ကားသမားနှင့် တကယ်ပင်ဖြစ်ခဲ့ပြီး စွဲလမ်းနေခဲ့မည်။ သူ့ မိဖအိမ်သို့ ပြန်သွားခြင်း ဟုတ်ချင်မှဟုတ်မည်။ မိဖအိမ် မရောက်မီ လေးငါးရက် ကားသမား၏ရင်ခွင်တွင် ခိုလှုံနေမည်။ သူသာ ရိုးရိုးသားသားဆိုလျှင် ပြေပြေပြစ်ပြစ်နှင့်ပြောပြလိမ့်မည်။ ယခုကားသူသည် ဒေါသဖြစ်ပြလျက်သူ့ အပြစ်များကို ဖုံးကွယ်ရန် ကြိုးစားခဲ့သည် ထင်သည်။ မိမိသည် မည်သည့် အတွက်ကြောင့် ဤဗီဇမမှန် သောမိန်းမတဦးကိုမှ ရွေးချယ်စွဲလမ်းနေရမည်နည်း။ ̔ ယောက်ျားဆိုတာ ပြတ်ပြတ်သားသား ဆုံးဖြတ်နိုင်ရမှာပေါ့၊ တင်းမာနိုင်ရမှာပေါ့ ဟု ကျနော်သည် စိတ်ကို လှည့်စားနေသည်။ သို့ သော် ဤအခန်းဝ၌ တနေ့ တွင် ဝေ က‚ နေသည်ကို ကြည့်ခဲ့ဘူးသည်ကို ပြန်၍သတိရမိသောအခါ ဝေသည်ကလေးစိတ်ကလေးနှင့် မနှိုင်းမချိန် ပြောဆိုလုပ်ကိုင်ခဲ့ခြင်း ဖြစ်လိမ့်မည် ဟုတဖက်က ဖြေလျော့တွေးနေသည်။ သူသည် ရိုးရိုးသားသား ပြောဆိုရန် တခုခုရှိ၍ ပြောဆိုခြင်းသာဖြစ်လိမ့်မည်။ သူ့ အပေါ်တွင် ထားရှိသည့် မိမ်ိ၏ ချစ်စိတ်များက သ၀န်တိုစိတ် ပေါ်က်ဖွားလျက် သံသယ ၀င်လာခြင်းသာ ဖြစ်လိမ့်မည်။
ထို့ နေက မိမိမေမြန်းနေပုံသည်လည်း သူ့ ကိုအထင်သေးလွန်းပြီး သူပြောသည့် အတိုင်း တရားခံစစ် စစ်ဆေးနေခဲ့၍သာ သူကပြန်လှန်ရွဲ့ စောင်းသွားခြင်း ဖြစ်မည်။ အကယ်၍ မိမိကသာ ပြေပြေပြစ်ပြစ် မေးခဲ့လျှင် ဝေသည် အကြောင်းစုံကို ရေရေလည်လည် ပြောပြလိမ့်မည်ဟု တွေးမိပြန်သည်။ ကျနော်သည် အိပ်ခန်းဝမှ လှည့်ထွက် လာပြီး ဧည့်ခန်း ကုလားထိုင်ပေါ်တွင် ငြိမ်သက်စွာထိုင်လိုက်ကာ ပြတင်းပေါက်တံခါးကို ဖွင့်လိုက်လေသည်။ အပြင်ဘက်၌ လွန်ခဲ့သော ရက်နှစ်ဆယ်ကျော်ကျော် သူ့ ကိုခိုးပြေး လာခဲ့သည့် ညကလိုပင် မိုးမှုန်များ ကျနေလျက် အပြင်ဘက် သဲလမ်း ပေါ်တွင်လည်း မိုးစက်များခုန်ပေါက် ကျနေသည်။ ပြတင်း၏ဘောင်ကို ထိမှန်ပြီး စဉ်လာသည့်မိုးစက်များသည် ကျနော့် မျက်နှာကို ပြေးလာမှန်နေကြလေသည်။ ပြတင်းပေါက်ကို ပိတ်ပစ်ရန် စိတ်ကူးရသော်လည်း သည်အတိုင်း ထားလိုက်သည်။ ဖြစ်လိုရာ ဖြစ်စေ၊ သည်အတိုင်းကြည့်နေတတ်သော စိတ်နှလုံးသားမျိုးရှိနိုင်ရမည်။ တခါတရံ မခံမရပ်နိုင်တော့အောင် ဆိုးရွားလွန်းလာသော အခြေအနေတွင် လူသည်ဘ၀ကို ဖြစ်လိုရာဖြစ်စေတော့ဟု ပစ်ထားနိုင်သောသဘောထားမျိုး ရှိနိုင်ရပေမည်။ သူ့ အပေါ်၌ မိမိချစ်မိသည့်စ်ိတ်၊ မိမိချစ်မိသည့် မေတ္တာ၊ ကျနော်သည် ရင်ထဲ၌ တင်းကျပ် နေသမျှတို့ ကို တဖြည်းဖြည်းဖြေလျော့ချနေသည်။ ကျနော့် စိတ်နှလုံးသားတို့ ကို ဝေ၏ ကလေးဆံမှု အပေါင်းက အနိုင်ယူနေသည် ထင်မှတ်ရ၏။
မည်မျှလောက်အထိ ကလေးဆံပါသနည်း။ တညနေကို ကျနော် သတိရပြန်သည်။ထိုညနေက ဝေသည် ကျနော့် အနား ပြတင်းဝတွင် ရပ်ပြီး သီချင်းတပုဒ်ကို တီးတိုးဆိုနေသည်။ အိမ်ရှေ့ လမ်းကြားထဲတွင် ဈေးသွားဈေးပြန်များ ရယ်မောပြီး စကားပြောဆို သွားနေကြသည်။ သူသည်သီချင်း ဆိုနေရင်းမှ ကျနော့် လည်ပင်းကို ရုတ်တရက် ယီးလေး ခိုလိုက်သည်။ သူ့ ကိုယ်လုံး အလေးချိ်န်ကြောင့် ရုတ်တရက်ကျနော့် ကိုယ်မှာ ထိုင်သွား လေသည်။
လမ်းပေါ်မှ အမျိုးသမီးများ၏မျက်နှာမှာ ပြုံးသွားကြလျက် သူ တို့ သည် ခေါင်းငုံ့ သွားကြ၏။
̔ ဝေကလဲ ပြတင်း ပေါက်ကြီးမယ်၊ ဖယ်စမ်းပါအုံး၊ လမ်းပေါ်ကလူတွေ ကြည့်သွားကြတယ်၊ ရှက်စရာ မကောင်းဘူးလား ̕ သူသည်လည်းပင်းခိုထားသောလက်ကိုမလွှတ်သေးဘဲ ကလေးငယ်ကဲ့သို့ အသံကိုဖွင့်ပြီးရယ်လိုက်သည်။
̒ ကြည့် ကြည့်လေ၊ ကြည့်တော့ဘာဖြစ်သေးသလဲ၊ သူတို့ က မနာလိုလို့ လား၊ ဟုတ်လား၊ ကိုယ့်ယောက်ျားကိုယ်ဖက်တာဘဲ၊ ဘယ်သူ့ မျက်နှာ ထောက်ညှာနေရအုံးမှာလဲ၊ မောင်ကိုကို်ဆိုတာ ခင်ဝေ့ ယောက်ျားလေ၊ ခင်ဝေ့ လင်၊ ပြတင်းပေါက် မှာဘဲဖက်ဖက်၊ အိမ်ထဲက အိပ်ယာထဲမှာဘဲဖက်ဖက်၊ ဒါအဆန်းလား၊ ဘာလဲကိုကိုက လူမြင်မခံချင်တာ သူ့ ကိုယ်သူ လူပျိုလုပ်နေချင်းသေးလို့ ထင်တယ်၊ ဟိုအထဲမယ် ကိုကို့ အဆက် တယောက်ယောက်တော့ ပါတယ်ထင်တယ်၊ ဟိုခေါင်းငုံ့ သွားတဲ့ ကောင်မလားဟင်၊ အလှသားဘဲ၊ ကြည့်နေနော်၊ ဖက်ပြရုံတင်မှုတ်ဖူး၊ နမ်းကိုနမ်းပြလိုက်မယ်၊ နမ်းတော့မယ်ဗျို့ လို့ အော်ပီးကို နမ်းပြလိုက်မယ်၊ အော်လိုက်တော့မယ်နော်၊ နမ်းပါတော့မယ်ဗျို့  ̓
သူသည် တကယ်ပင် အော်လိုက်လေသည်။
ကျနော်သည် ̒ ဟေ့  ̓ ဟု အော်၍ ဟန့် တား လိုက်၏။
သူသည် ကျနော့် လည်ပင်းကို နှိမ်ပြီး ရယ်နေသော သူ့ မျက်နှာကို ဇွတ်ရှေ့ တိုးလိုက်လေသည်။
ကျနော်လည်း ရယ်ပြီးပြတင်းဝမှ လျင်မြန်စွာ ထိုင်လိုက်ရလေသည်။ သူသည်လည်း ကျနော်နှင့်အတူ ပြတင်းရှေ့ ပြောင်လက်နေသော ကြမ်းပြင်ပေါ်သို့ လဲကျလာသည်။ ̒ ဒုက္ခဘဲ၊ ဝေဟာခလေးမဟုတ်တော့ဘူး၊ ဇွတ်မပြောရဘူး၊ တော်ကြာ က္ကုနြေ္ဒမရှိတဲ့ မိန်းမလို့ ဝိုင်းထင်သွားကြမှာဘဲ၊ မင်းနဲ့ တော့ခက်ပါတယ်၊ အိမ်ထောင်ရှင်မဖြစ်လာရင် အပျိုစင်ထက် ဆယ်ဆလောက် က္ကုနြေရှိ်မှ တန်ရုံကျတယ်၊ အပျိုစင် ဆိုတာဖြစ်စရာ တကြောင်းထဲရှိပေမယ့် အိမ်ထောင်ရှင်ကျတော့ ဖြစ်စရာအကြောင်းတွေ အများကြီးရှိတယ် ̕ ကျနော့် အသံမှာလည်း ရယ်သံပါနေသည်၊ ကျနော်သည် နုထွေးနေသည့် သူ့ ပါးကလေးကို လိမ်ဆွဲလိုက်သည်။ သူသည် ထရပ်ပြီး သမင်မကလေးတကောင်၏ လျင်မြန် သွက်လက်မှုမျိုးဖြင့် မီးဖိုချောင်ဘက်သို့ ဝင်ပြေးသွားလေသည်။
သူ့ ရွှင်ရွှင်ပျပျရယ်မောသံမှာ တအိမ်ထောင်လုံး၏ လိုအပ်နေသမျှ ကွက်လပ်များကို ဖြည့်တင်းပေးလိုက်သကဲ့သို့ ရှိလေသည်။ အိမ်ထောင်သက် ဆယ့်နှစ်ရက်အတွင်းမှ သူ့ လှုပ်ရှားမှုအပေါင်းမှာ နုပျိုသော သမင်မလေး တကောင်၏ လှုပ်ရှားမှု၊ ပျော်မြူးတတ်သော ကလေးကလေးတဦး၏ ဆော့ကစားမှုမျိုး များသာဖြစ်နေလျက် ချစ်နှစ်သက်ဖွယ် ကောင်းလေသည်။ ပြတင်းဝမှ ခုန်ဝင်လာနေသည့် မိုးစက်များမှာ လျော့နည်းလာပြီး အပြင်ဖက်၌ မိုးသည် စဲစ ပြုလေပြီ။ ကျနော်သည် ကုလားထိုင်ပေါ်မှ ထရပ်လိုက်လျက် ခုတင်ဘက်သို့ လျှောက်သွားပြီး အိပ်ရာထက်၌ ညင်သာစွာ လှဲ အိပ်လိုက်လေသည်။ ၀ယ်ပြီးစဖြစ်သည့် ဖွင့်ထားသော သူ့ သားရေ သေတ္တာမှ သားရေစိမ်းနံ့ သည့် ဤအခန်းကလေးထဲ၌ လှိုင်ပျံ့ နေသည်။ ကျနော့် ခြေထောက်သည် ခြင်ထောင်ကြိုးတချေင်းကို ကန်လိုက်မိလျက် ခြင်ထောင်တဖက်မှာ ပြုတ်ကျသွားပြန်သည်။ ကျနော်သည် ခြင်ထောင်ကို သည်အတိုင်းပင် ထားလိုိက်၏။ မနက်ဖြန်တွင် ဝေပါမလာတော့ဘဲ ကျနော်သွားရတော့မည်။
သူ့ ကိုသူ့ မိဖထံတွင် တောင်းရမ်းယူခဲ့ရသည် မဟုတ်သောကြောင့် လိုက်ခေါ်၍လည်းမဖြစ်၊ သူ့ ကိုပြန်၍ ခိုးယူရန်လည်း သူက ကျနော့်ကို မုန်းတီးရွံ့ ရှာသွားလေပြီ။ သူသည် မျိုးရိုးဗီဇ မမှန်ကန်သော မိန်းကလေးဖြစ်သည်ဟု ကျနော်သည် စိတ်ကိုတင်း၍ ဖျောက်ဖျက်ပစ်နေပြန်သည်။ ထိုအခါ ကုတင်ပေါ်၌ လက်ဝဲဘက်မှ အိပ်ရာကလေး တတောင့်ထွာမှာ ကွက်လပ်ဖြစ်နေသည်ကို မြင်မိပြန်သည်။ ကွက်လပ်နေရာကလေးသည် မလှုပ်မယှက် ငြိမ်သက်နေသည်။ စင်စစ်၌ အိမ်၏နေရာတကာတွင် ကွက်လပ်များဖြစ်နေသည်။ ကျနော့်စိတ်အတွင်းတနေရာ၌လည်း ကွက်လပ်ဖြစ်လျက် မပြည့်မစုံ ဖြစ်နေသည်။
အကယ်၍ သူသည် ရိုးရိုးသားသား စိတ်ကောက် ဆင်းသွားခြင်းဖြစ်လျှင် ကျနော်ထိုးကြိတ် ရိုက်နှက်လိုက်သည်ကို ကလေးစိတ်ဖြင့် သူ့ အမေအား ငိုယိုတိုင်ကြားလိမ့်မည်။ အခုအချိန်တွင် သူ့ ကိုသူ့ ပတ်ဝန်းကျင်မှ အများက လူကျော်တန်တား တခုလပ်မကလေးအဖြစ် မလေးမခန့် ပြုကြတော့မည်။ သူသည် စိတ်ဆိုးတခဏ အိမ်ပေါ်မှ ဆင်းလာခဲ့သော်လည်း ကျနော် လိုက်ခေါ်လိမ့်မည်ဟု ယုံထားပြီး ကျနော် လိုက်အခေါ်ကို နေ့ စဉ်နေ့ ဆက် မြှော်လင့် တမ်းတနေတော့မည်။ တနေ့ တွင် ကျနော် လာခေါ်နိုးနိုးဖြင့် ည တိုင်း သူ တို့ ၏ တန်းလျားနောက်ဖက်၌ တိတ်တဆိတ် ငိုယိုနေလိမ့်မည်။ ထိုသို့ ဆိုလျှင် ကျနော် လိုက်ခေါ်လျှင် သူသည် ဟန်ဆောင်ပြီး တန်းလျားဘက်သို့  ပြေးဝင်သွားလျက် တန်းလျားရှေ့ မှ မသိမသာ ပြုံးပြလိမ့်မည်။ သို့ သော် သူသည် အသက်ငယ်ငယ်ရွယ်ရွယ်နှင့် ရှုပ်ရှုပ်ထွေးထွေး အစားထဲမှလည်း ဖြစ်နိုင်လေသည်။ ကျနော့် ဆီမှ သူ့ မိဖအိမ်ကို်မပြန်ဘဲ တနေရာ၌ ၀င်ရောက်ခိုနားချင် နားနေလ်ိမ့်မည်။
No comments:
Post a Comment