Latest News

CREDIT

သတင္းစံုေပ်ာ္၀င္အိုးၾကီးတြင္ ေဖာ္ျပထားသည့္ သတင္း၊ဓာတ္ပံုမ်ားသည္ သက္ဆိုင္သူမ်ား၏မူပိုင္သာျဖစ္ေၾကာင္း အသိေပးအပ္ပါသည္။

Thursday, February 25, 2016

ႏိုင္ငံပိုင္ေျမ၊ စက္ရံု၊ လုပ္ငန္းမ်ား အလ်င္စလို ငွားရမ္း ေရာင္းခ် ေနျခင္းအား စိစစ္ဟန္႔တားရန္ အဆိုတင္ကုိ ကုိယ္စားလွယ္ ၁၃၂ ကန္႔ကြက္ေသာ္လည္း အဆုိေအာင္ျမင္ခဲ့


ႏိုင္ငံေတာ္အစိုးရအေနျဖင့္ ႏိုင္ငံပိုင္ေျမ၊ ႏိုင္ငံပိုင္စက္ရံု၊ ႏိုင္ငံပိုင္စီးပြားေရး လုပ္ငန္းမ်ားကို အလ်င္စလိုငွားရမ္း ေရာင္းခ် လႊဲေျပာင္းမႈ၊ စီမံကိန္းမ်ား အေဆာတလ်င္ ခြင့္ျပဳေနမႈ က်ဴးေက်ာ္မ်ားအား အဓမၼဖယ္ရွားေနမႈ၊ ႏိုင္ငံပိုင္ သယံဇာတမ်ားကို လိုအပ္ေသာ သေဘာတူညီမႈမ်ား မျပဳလုပ္ဘဲ အစိုးရတာဝန္ မလႊဲေျပာင္းမီ အလ်င္အျမန္ စီမံံခန္႔ခြဲေနမႈတို႔ကို စိစစ္ထိန္းေက်ာင္းေပးရန္ အစိုးရအား တိုက္တြန္းေၾကာင္း အေရးႀကီးအဆို တစ္ရပ္ကို ပုလဲမဲဆႏၵနယ္ ျပည္သူ႔လႊတ္ေတာ္ ကိုယ္စားလွယ္ ေဒၚခင္စန္းလွိဳင္က ျပည္သူ႔လႊတ္ေတာ္တြင္ တင္သြင္းခဲ့သည္။

“၂၀၁၅ ေရြးေကာက္ပြဲၿပီး ေနာက္ပိုင္းတြင္ ပိုမိုအလ်င္စလို လုပ္ေဆာင္လာတဲ့ လုပ္ငန္းမ်ားအနက္ ဥပမာအခ်ိဳ႕ တင္ျပလိုပါတယ္” ဟု အဆိုရွင္က ေျပာသည္။

တိုးခ်ဲ႕ရန္ ျပင္ဆင္စီစဥ္လ်က္ရွိေသာ ရန္ကုန္ေဆး႐ံုးႀကီးအနီး ေျမေနရာ ၄ ဒသမ ၃ ဧကအား ျပည္တြင္းလုပ္ငန္း ရွင္အခ်ိဳ႕ႏွင့္ ဖက္စပ္လုပ္ေဆာင္မည့္ စင္ကာပူေဆးရံုတစ္ခုအား အသံုးျပဳခြင့္ေပးျခင္း၊ ရပ္ဆိုင္းခဲ့ရေသာ ဒဂံုစီးတီး စီမံကိန္းဝင္ ကုမၸဏီမ်ားကို ရန္ကုန္ၿမိဳ႔ေတာ္ရွိ ေျမေနရာေကာင္းမ်ား (Merga Landmark ကုမၸဏီအား ကမၻာဇ ဘုရားလမ္းေပၚရွိ ေျမဧရိယာ ၁၇ ဒသမ ၇ ဧကက်ယ္ေသာ သိပၸံႏွင့္ နည္းပညာဝန္ႀကီး ဌာနပိုင္ေျမ) အားအစား ထုိးေပးခဲ့ေၾကာင္း ၄င္းကေျပာသည္။

ရွမ္းျပည္နယ္ သံလြင္ျမစ္ေၾကာင္း တစ္ေလွ်ာက္ ေရကာတာေပါင္း ၁၈ ခုအား သေဘာတူ လက္မွတ္ထိုးခဲ့သည္ဟု သတင္းထြက္ေပၚေနျခင္း၊ စံုစမ္းစစ္ေဆးေရး ေကာ္မရွင္၏ အစီရင္ခံစာအေပၚ မွန္ကန္စြာ လိုက္နာက်င့္သံုးျခင္းမရွိဘဲ ေဒသခံျပည္သူတို႔ႏွင့္ ျပသ၁နာမ်ားစြာ ျဖစ္ပြားလ်က္ရွိေသာ လက္ပန္းေတာင္းေတာင္ ေၾကးနီစီမံကိန္းမွ လာမည့္ ေမလတြင္ သတၱဳရိုင္း စတင္ထုတ္လုပ္ရန္ ရွိျခင္းမ်ားကို ေဒၚခင္စန္းလွိဳင္က ေျပာသည္။

“ယေန႔အခ်ိန္ကာလသည္ ၂၀၁၀ ခုႏွစ္၏ အေရြးေကာက္ခံ ႏိုင္ငံေတာ္သမၼတ ဦးသိန္းစိန္ ဦးေဆာင္သည့္ အစိုးရ သည္ ဒီမိုကေရစီ စံခ်ိန္စံညြန္းမ်ားနဲ႔အညီ ႀကိဳးစားျပင္ဆင္ေပးခဲ့ေၾကာင္း သမိုင္းမွတ္တမ္း တင္ရမည့္ အခ်ိန္ကာလ ျဖစ္ပါတယ္” ဟု ၄င္းကဆိုသည္။
အစိုးရသစ္အေနျဖင့္ လုပ္ငန္းတာဝန္မ်ားကို ေခ်ာေမြ႔စြာ ဆက္လက္ ထမ္းေဆာင္ႏိုင္ရန္အတြက္ စနစ္တက် လႊဲေျပာင္းျခင္းကို အာရံုစိုက္ ညွိႏိႈင္းေဆာင္ရြက္ရမည္ ျဖစ္ေၾကာင္းလည္း ၄င္းက တိုက္တြန္းေျပာၾကားသည္။
ေဒၚခင္စန္းလွိဳင္ တင္သြင္းသည့္ အေရးႀကီးအဆိုအား ဆိပ္ႀကီးခေနာင္တို မဲဆႏၵနယ္ ျပည္သူ႔လႊတ္ေတာ္ ကိုယ္စားလွယ္ ဦးတင္ထြန္းႏိုင္က ေထာက္ခံဆႏၵျပဳ ေဆြးေႏြးခဲ့သည္။

အဆိုႏွင့္ပတ္သက္ၿပီး လႊတ္ေတာ္တြင္ လက္ခံေဆြးေႏြးရန္ မဲခြဲဆံုးျဖတ္ရာ မဲေပးပိုင္ခြင့္ရွိသူ ဦးေရ ၄၃၂ ဦးရွိၿပီး ေထာက္ခံမဲ ၂၇၈ မဲ၊ ကန္႔ကြက္မဲ ၁၃၂ မဲ၊ ၾကားေနမဲ ၃ မဲရွိကာ ေထာက္ခံမဲ မ်ားသည့္အတြက္ အဆိုအား ေဆြးေႏြးရန္ လႊတ္ေတာ္က အတည္ျပဳေပးခဲ့သည္။

သတင္း - ကိုေပါက္
The Ladies News
https://www.facebook.com/News.TheLadies/
..........


နိုင်ငံတော်အစိုးရအနေဖြင့် နိုင်ငံပိုင်မြေ၊ နိုင်ငံပိုင်စက်ရုံ၊ နိုင်ငံပိုင်စီးပွားရေး လုပ်ငန်းများကို အလျင်စလိုငှားရမ်း ရောင်းချ လွှဲပြောင်းမှု၊ စီမံကိန်းများ အဆောတလျင် ခွင့်ပြုနေမှု ကျူးကျော်များအား အဓမ္မဖယ်ရှားနေမှု၊ နိုင်ငံပိုင် သယံဇာတများကို လိုအပ်သော သဘောတူညီမှုများ မပြုလုပ်ဘဲ အစိုးရတာဝန် မလွှဲပြောင်းမီ အလျင်အမြန် စီမံံခန့်ခွဲနေမှုတို့ကို စိစစ်ထိန်းကျောင်းပေးရန် အစိုးရအား တိုက်တွန်းကြောင်း အရေးကြီးအဆို တစ်ရပ်ကို ပုလဲမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြည်သူ့လွှတ်တော်တွင် တင်သွင်းခဲ့သည်။

“၂၀၁၅ ရွေးကောက်ပွဲပြီး နောက်ပိုင်းတွင် ပိုမိုအလျင်စလို လုပ်ဆောင်လာတဲ့ လုပ်ငန်းများအနက် ဥပမာအချို့ တင်ပြလိုပါတယ်” ဟု အဆိုရှင်က ပြောသည်။

တိုးချဲ့ရန် ပြင်ဆင်စီစဉ်လျက်ရှိသော ရန်ကုန်ဆေးရုံးကြီးအနီး မြေနေရာ ၄ ဒသမ ၃ ဧကအား ပြည်တွင်းလုပ်ငန်း ရှင်အချို့နှင့် ဖက်စပ်လုပ်ဆောင်မည့် စင်ကာပူဆေးရုံတစ်ခုအား အသုံးပြုခွင့်ပေးခြင်း၊ ရပ်ဆိုင်းခဲ့ရသော ဒဂုံစီးတီး စီမံကိန်းဝင် ကုမ္ပဏီများကို ရန်ကုန်မြို့တော်ရှိ မြေနေရာကောင်းများ (Merga Landmark ကုမ္ပဏီအား ကမ္ဘာဇ ဘုရားလမ်းပေါ်ရှိ မြေဧရိယာ ၁၇ ဒသမ ရ ဧကကျယ်သော သိပ္ပံနှင့် နည်းပညာဝန်ကြီး ဌာနပိုင်မြေ) အားအစား ထိုးပေးခဲ့ကြောင်း ၄င်းကပြောသည်။

ရှမ်းပြည်နယ် သံလွင်မြစ်ကြောင်း တစ်လျှောက် ရေကာတာပေါင်း ၁၈ ခုအား သဘောတူ လက်မှတ်ထိုးခဲ့သည်ဟု သတင်းထွက်ပေါ်နေခြင်း၊ စုံစမ်းစစ်ဆေးရေး ကော်မရှင်၏ အစီရင်ခံစာအပေါ် မှန်ကန်စွာ လိုက်နာကျင့်သုံးခြင်းမရှိဘဲ ဒေသခံပြည်သူတို့နှင့် ပြသ၁နာများစွာ ဖြစ်ပွားလျက်ရှိသော လက်ပန်းတောင်းတောင် ကြေးနီစီမံကိန်းမှ လာမည့် မေလတွင် သတ္တုရိုင်း စတင်ထုတ်လုပ်ရန် ရှိခြင်းများကို ဒေါ်ခင်စန်းလှိုင်က ပြောသည်။

“ယနေ့အချိန်ကာလသည် ၂၀၁၀ ခုနှစ်၏ အရွေးကောက်ခံ နိုင်ငံတော်သမ္မတ ဦးသိန်းစိန် ဦးဆောင်သည့် အစိုးရ သည် ဒီမိုကရေစီ စံချိန်စံညွန်းများနဲ့အညီ ကြိုးစားပြင်ဆင်ပေးခဲ့ကြောင်း သမိုင်းမှတ်တမ်း တင်ရမည့် အချိန်ကာလ ဖြစ်ပါတယ်” ဟု ၄င်းကဆိုသည်။
အစိုးရသစ်အနေဖြင့် လုပ်ငန်းတာဝန်များကို ချောမွေ့စွာ ဆက်လက် ထမ်းဆောင်နိုင်ရန်အတွက် စနစ်တကျ လွှဲပြောင်းခြင်းကို အာရုံစိုက် ညှိနှိုင်းဆောင်ရွက်ရမည် ဖြစ်ကြောင်းလည်း ၄င်းက တိုက်တွန်းပြောကြားသည်။
ဒေါ်ခင်စန်းလှိုင် တင်သွင်းသည့် အရေးကြီးအဆိုအား ဆိပ်ကြီးခနောင်တို မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးတင်ထွန်းနိုင်က ထောက်ခံဆန္ဒပြု ဆွေးနွေးခဲ့သည်။

အဆိုနှင့်ပတ်သက်ပြီး လွှတ်တော်တွင် လက်ခံဆွေးနွေးရန် မဲခွဲဆုံးဖြတ်ရာ မဲပေးပိုင်ခွင့်ရှိသူ ဦးရေ ၄၃၂ ဦးရှိပြီး ထောက်ခံမဲ ၂၇၈ မဲ၊ ကန့်ကွက်မဲ ၁၃၂ မဲ၊ ကြားနေမဲ ၃ မဲရှိကာ ထောက်ခံမဲ များသည့်အတွက် အဆိုအား ဆွေးနွေးရန် လွှတ်တော်က အတည်ပြုပေးခဲ့သည်။

သတင်း - ကိုပေါက်
The Ladies News
https://www.facebook.com/News.TheLadies/

No comments:

Post a Comment