Tao သည် EXO အဖွဲ့မှ ထွက်ခွာခဲ့ပြီးနောက် မကြာမီ တစ်ကိုယ်တော် အဆိုတော်အဖြစ် မီနီအယ်လ်ဘမ်ကို ပွဲဦးထွက် ထုတ်ဝေခဲ့ခြင်းဖြစ်သည်။ Tao ၏ တေးသီချင်း ဗီဒီယိုအယ်လ်ဘမ်သစ် ကို You Tube က တစ်ရက်အတွင်း အများပြည်သူများသို့ ပြသခဲ့ရာမှ အများပြည်သူများသို့ ပြသခွင့် ကို ပိတ်ပစ်ခဲ့သည်။
“SM ဖျော်ဖြေရေးအေဂျင်စီက အဆိုပါ တေးသီချင်းဟာ ခိုးကူးသီချင်းဖြစ်တယ်လို့ ပြောခဲ့တယ်။ အဲ့ဒီ အတွက် You Tube မှာ တင်တာကို ပိတ်ပင်ခဲ့တာ ဖြစ်ပါတယ်” ဟု You Tube စာမျက်နှာတွင် ဖော်ပြထား သည်။ Tao သည် SM ဖျော်ဖြေရေး အေဂျင်စီနှင့် စာချုပ်ကိစ္စကို ဆွေးနွေးမှုများ ပြုလုပ်လျက်ရှိကြောင်းနှင့် ယင်းကြောင့် SM ဖျော်ဖြေရေး အေဂျင်စီက Tao ၏ တေးသီချင်း ဗီဒီယိုကို ခိုးကူးသီချင်းဟု ပြောဆို ခဲ့ပုံရသည်။
mizzima
No comments:
Post a Comment