Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, March 27, 2015

လားရှိုးမြို့က ကိုးကန့် လင်မယား အဆိပ်သောက် သေဆုံး



သျှမ်းပြည်မြောက်ပိုင်း လားရှိုးမြို့၌ အဆိပ်ခတ်ထားသော အရက် သောက် မိသည့် ကိုးကန့် လူမျိုး လင်မယား သေဆုံးခဲ့ သည့် ဖြစ်ရပ်တစ်ခုဖြစ်ပွားခဲ့ေ ကြာင်း သိရသည်။

မတ်ခ်ျလ ၂၅ ရက်နေ့ ညနေပိုင်း လားရှိုးမြို့ ရက်ကွက် (၁) ကျောက်တောင် အပိုင်း၌ နေထိုင်သည့် အသက် ၆၂ နှစ်ရှိ အမျိုးသားနှင့် အသက် ၃၃ နှစ် ရှိ မြန်မာအမျိုးသမီး တို့လင်မယားသည် အဆိပ်ခတ်ထားသည့် အရက် အား သောက်ကာ ပျော်ပွဲစားသည့် အတွက် လင်မယား နှစ်ဦး လုံး သေဆုံး သွားသည်။
“သူ့ယောက်ကျားက လောက်ကိုင်မှာအလုပ်သွားလုပ်တယ်။ ဒီလ၂၄ ရက်နေ့ မှာလားရှိုးမြို့ ကိုပြန်လာတာ။ ၂၅ ရက်နေ့ ညနေပိုင်းတော့ သူတို့အိမ်မှာဘဲ အရက်ထိုင်သောက်ကြတယ် ။ ခရီးက ပြန်လာရင် ဒီတိုင်းဘဲ သောက်နေကျ သူတို့ လင်မယားက။ ” - ဟု အိမ်နီးနားချင်း တဦးက ပြောသည်။

၎င်းကိုယ်တိုင် အရက်အိုးအတွင်း အဆိပ်ခတ်ထားသည့်အဆိုပါ ကိုးကန့် အမျိုးသားက အရက်ပိုသောက်သဖြင့် နေအိမ်မှာပင်သေဆုံးကြောင်း၊ နောင် ဘ၀တွင်ထပ်မံဆုံတွေ့ဖို့အတွက် ထိုသို့ လုပ်ရခြင်းဖြစ်ကြောင်း၊ ၎င်းအားခွင့် လွတ်ပေးပါရန် တောင်းပန်သွားကြောင်း၊ မသေခင်ခင်ပွန်းသည် က တောင်းပန်သည်ဟုလည်း ဇနီးဖြစ်သူက သက်မပျောက်ခင် ပြောပြသွား သည်ဟု ဆေးရုံရောက် မျက်မြင်တဦး က ပြောသည်။

“သူတို့သောက်တဲ့ အရက်ထဲမှာ အဆိပ်ပါတယ်။ အဲဒါ သူ့မိန်းမ ကမသိဘူး တဲ့။ သူတို့မှာ ကလေးနှစ်ယောက်ရှိတယ်လို့ကြားတယ်” ဟု ကျန်းမာရေး ထမ်း တစ်ဦးက ပြောသည်။

အဆိပ်သောက်သေဆုံးသွားသည့် လင်မယားသည် အမျိုးသားဖြစ်သူမှာ တိုက်ပွဲဖြစ်ပွား နေ သည့် ကိုးကန့်ဒေသဘက် စီးပွားရေးလုပ်ငန်းလုပ်ကိုင်ေ နသူတဦးဖြစ်ကြောင်း၊ ဇနီးသည်ကမူ မေမြို့(ပြင်ဦးလွင်)က မြန်မာ အမျိုးသမီးဖြစ်ကြောင်း၊ ၎င်းတို့သေဆုံးမှုသည် ကိုးကန့်အရေး အခင်းနှင့် သက်ဆိုင်သည်မဆိုင်သည်ကိုတော့ မသိရကြောင်း နီးစပ်သည့်အသိုင်း အဝိုင်းက ပြောသည်။

သျှမ်းသံတော်ဆင့်/ဖွေးနွမ်
https://www.facebook.com/Panglong.burmese


No comments:

Post a Comment