မက်သဒစ်ကျောင်းသူ

 ဒေါ်အောင်ဆန်းစုကြည် ရန်ကုန် မက်သဒစ်ကျောင်းမှာ ကျောင်း တက်စဉ်တုန်းက အရင်းနှီးဆုံးသူ ငယ်ချင်းက ထက်ထက်မြက်မြက် တရုတ်မလေးဂျင်နီလင်းဖြစ်ပါ သည်။ ဂျင်နီက ရှစ်တန်းမှာ အောင်ဆန်းစုကြည်၏ဘေးမှာ ကပ်ထိုင်ခဲ့သူဖြစ်၏။ ရှစ်တန်း ကျောင်းသူလေး အောင်ဆန်းစု ကြည်က ခပ်ရိုးရိုးပဲဝတ်စားကာ ရှက်တတ်ပြီး မိဘမဲ့ကလေးတစ် ဦးနှင့်တူသည်ဟု ဂျင်နီလင်းက ပြန်ပြောပြပါသည်။


‘‘ဗိုလ်ချုပ်သမီးဆိုပြီး ကောင်း ကောင်းမွန်မွန်ဝတ်စားတာလည်း မရှိပါဘူး။ ကျစ်ဆံမြီးအရှည်ကြီး နဲ့ ခပ်ရိုးရိုးကျောင်းဝတ်စုံပဲဝတ် တယ်။ သူက ကျွန်မကိုပြောဖူး တယ်။ ကျွန်မတို့နဲ့အတူတူကျောင်း တက်ရတဲ့သူတွေမှာ ပိုက်ဆံရှိပေ မယ့် သူ့မှာပိုက်ဆံမရှိဘူးတဲ့’’

ဗိုလ်ချုပ်မိသားစုသည် လူ သိများ ကျော်ကြားသော်လည်း ချမ်းသာသူများ မဟုတ်ကြ။ ဒုတိယကမ္ဘာစစ်အတွင်းဗိုလ်ချုပ် အောင်ဆန်း၏ ဗမာ့လွတ်လပ်ရေး တပ်မတော်ကို ပံ့ပိုးကူညီရန် ဒေါ်ခင်ကြည်က သူ၏လက်ဝတ်ရတနာလေးများကို ရောင်းချခဲ့ရ၏။ ဝန်ကြီးချုပ် ဦးနုက သူတို့ မိသားစုကိုနေထိုင်စရာ အမှတ် (၅၄) တက္ကသိုလ်ရိပ်သာလမ်းအိမ်ကို ပေးခဲ့သော်လည်း ထိုအိမ်မှာ ပရိဘောဂဟူ၍ ရိုးရိုးသစ်သားထိုင်ခုံများနှင့် ခုတင်များသာရှိသည်။

မိခင်ဒေါ်ခင်ကြည်က အလုပ် လုပ်ရသည့်အတွက် အောင်ဆန်း စုကြည်ကို အခြားမိသားစုဝင်များ က ဝိုင်းဝန်းကြည့်ရှုစောင့်ရှောက် ကြသည်။

‘‘ရုပ်ရှင်သွားကြည့်ချင်လို့ သူတို့အိမ်ဝရန်တာကိုကြည့်လိုက် ရင် စုက သူ့ကိုထိန်းတဲ့သူတွေနဲ့ပဲ တွေ့ရတယ်။ သူ့အမေက အလုပ် တွေရှိတော့ သူနဲ့ဘယ်တော့မှ မလိုက်ဘူး’’ဟု ဂျင်နီလင်းက သတိတရ ပြန်ပြောပါသည်။

အစ်ကိုလတ် အောင်ဆန်း လင်းကွယ်လွန်ပြီးနောက် အောင် ဆန်းစုကြည်မှာ ပိုပြီးအထီးကျန် လာခဲ့သည်။ သူ့မှာ ကစားဖော် မရှိတော့။

‘‘သူ့မှာ အစ်ကိုတော့ရှိပါ တယ်။ စုကလည်း သူ့ကို အစ်ကို လိုလေးစားပါတယ်။ ဒါပေမဲ့ သူ က ပြိုင်ဘက်လိုဖြစ်နေပြီ’’

ညီအစ်ကို မောင်နှမတွေ ကြားထဲမှာ ကြီးလာသည့်အခါ နာကျင်စရာတွေ၊ မတူတာတွေရှိ မည်ဆိုလျှင် ငယ်ငယ်ကတည်းက ပင် အချို့အရာတွေမှာ သိသိသာ သာပြနေသည်ဟု လင်းက ပြော ပါသည်။ အောင်ဆန်းဦးက သုန် သုန်မှုန်မှုန်နှင့် စိတ်မှာလုံခြုံမှုမရှိ။ ညီမဖြစ်သူ စုကြည်က စပ်စပ်စုစု နှင့် အဆော့သန်သည်။ သူတို့ ဖခင်ဆုံးပါးသွားပြီးကတည်းက အောင်ဆန်းဦးက မပွင့်မလင်းသာ နေသည်။ သူ့ကို နောက်ပိုင်းတွေ မှာ ဆုံဖူးသူများက ငြီးငွေ့စရာ၊ ပျင်းစရာကောင်းတဲ့သူဟု ပြော လေ့ရှိကြသည်။

မက်သဒစ်ကျောင်းတွင် ဂျင် နီလင်းက စုကြည်၏ သူငယ်ချင်း တိုးတိုးဖော်ဖြစ်လာ၏။ သူတို့နှစ်ယောက်စာသင်ခန်း နောက်ဆုံးခုံ မှာအတူယှဉ်ထိုင်ကြသည်။ သူတို့ သည် တခြားကျောင်းသားများနှင့် မတူဘဲ ကွဲပြားနေသည်ကို သူတို့ ဘာသာသိလာကြသည်။

‘‘အဲဒီတုန်းက အထီးကျန်ပါ တယ်။ ကျွန်မက တရုတ်လူမျိုး ခရစ်ယာန်။ ဒါကြောင့် ကျွန်မက မြန်မာအုပ်စုတွေနဲ့ မရောဘူး။ စုကတော့ ဗိုလ်ချုပ်သမီးမဟုတ် လား။ ကျွန်မကတော့ သူနဲ့ပေါင်း လို့ရမယ်မထင်ခဲ့ဘူး။ ဒါပေမဲ့ သူက ကျွန်မရဲ့အရင်းနှီးဆုံးသူ ငယ်ချင်းဖြစ်လာပါတယ်။ သူကနူးညံ့ယဉ်ကျေးပေမယ့် တချို့လူ တွေနဲ့ဆိုရင်တော့ ခပ်မာမာပဲ’’

မက်သဒစ်ကျောင်း၌ စုကြည်က ဘာသာစကားလေ့လာရာမှာ သူ့အစွမ်းအစကို ပြခဲ့ပါသည်။ သူအကြိုက်ဆုံးအတန်းက မြန်မာစာသင်ချိန်ပဲဖြစ်၏။ သူ့ကိုယ်သူ စာဂျပိုးဟုဝန်ခံထားသူ စုကြည်က အသက် (၁၅)နှစ်တွင် ဘာသာရပ်တိုင်းမှာ အတန်းထဲက ပထမနေရာကို ရအောင်ယူနိုင်ခဲ့သူဖြစ်သည်။

စုကြည်၏ အခြားအတန်း ဖော်တစ်ဦးဖြစ်သူ ရစ်ချတ်ယုခင် က သူတို့ မက်သဒစ်ကျောင်းတက် ချိန်တုန်းက မြန်မာပြည်မှာ ဒီမို ကရေစီအစိုးရလက်ထက်ဖြစ်ပြီး စစ်အာဏာမသိမ်းသေးချိန်ဖြစ် သဖြင့် ကျောင်းသားဘဝက ပျော် စရာကောင်းသည့်အချိန်ဖြစ်ခဲ့ သည်ဟု ဆိုပါသည်။

ဗိုလ်ချုပ်၏ သမီးအနေဖြင့် စုကြည်က မက်သဒစ်ကျာင်း အတန်းထဲမှာ အဆင့်(၁)အမြဲရ အောင်ကြိုးစားခဲ့သည်။ ထို့ ကြောင့် စုကြည်ကို အတန်းခေါင်းဆောင်အဖြစ်ရွေးချယ်ရန် ရစ် ချတ်ယုခင်က အဆိုတင်သွင်းခဲ့ သည်။ သို့သော် စုကြည်မှာ အ တန်းခေါင်းဆောင်မလုပ်လိုက်ရ ပါ။ သူ့အမေ ဒေါ်ခင်ကြည်က ၁၉၆၀ မှာ အိန္ဒိယနှင့် နီပေါဆိုင် ရာသံတမန်အဖြစ် ပြောင်းရွှေ့ တာဝန် ထမ်းဆောင်ရမည်ဖြစ် သည်။ အစ်ကိုအောင်ဆန်းဦးက အင်္ဂလန်မှာ ကျောင်းသွားတက် နေပြီဖြစ်၍ ဆယ်ကျော်သက်သမီး ငယ် စုကြည်က မိခင်နှင့်အတူ အိန္ဒိယသို့လိုက်ရမည်ဖြစ်သည်။

ဒေါ်ခင်ကြည်က ထိုစဉ်က လူမှုဖူလုံရေးဌာနဝန်ကြီးအဖြစ် ကောင်းကောင်း တာဝန်ထမ်း ဆောင်နိုင်ခဲ့ရာ ၁၉၆၀ မှာ သူ့ကို အိန္ဒိယနိုင်ငံသံအမတ်ကြီးအဖြစ် ခန့်အပ်ခံရခြင်းဖြစ်ပါသည်။ နီပေါနိုင်ငံအတွက်လည်း တာဝန်ယူရ မည်ဖြစ်ပြီး ပထမဆုံးမြန်မာအမျိုး သမီးသံအမတ်ကြီးဖြစ်ပါသည်။ မြစ်ဝကျွန်းပေါ်သူ မိန်းကလေး တစ်ဦးအနေဖြင့် အာရှ၏ အရေး ပါဆုံးသံတမန်တာဝန်ကို ကိုင် တွယ်ခဲ့ခြင်းဖြစ်ပါသည်။ သူက တာဝန်အားလုံးကို ဂုဏ်သိက္ခာရှိ စွာ၊ ကျွမ်းကျင်စွာဖြင့် ဆောင်ရွက် နိုင်ခဲ့သည်။

မိခင်က အိန္ဒိယသံအမတ် ကြီးအဖြစ် ပြောင်းရွှေ့တာဝန် ထမ်းဆောင်ရမည်မှာ ဂုဏ်ယူ စရာဖြစ်သော်လည်း စုကြည်က တော့ ရန်ကုန်မက်သဒစ်ကျောင်း နှင့် သူငယ်ချင်းတွေကိုထားခဲ့ရ တော့မည်။ နယူးဒေလီရောက် သောအခါ စုကြည်က နယူးဒေလီ မြို့လယ်က အမျိုးသမီးကွန်ဗင့် ကျောင်းမှာ ကျောင်းတက်သည်။ ထိုကွန်ဗင့်ကျောင်းကလည်း စည်း ကမ်းတင်းကျပ်လှသောကျောင်း ဖြစ်၏။ ကျောင်းသူများမှာ ဒူး အထက်ဖော်ပြီး မဝတ်ဆင်ရ။ သူ တို့ကျောင်းမှာ ယောက်ျားလေး များမရှိသည့်အတွက် ကျောင်း ပြဇာတ်များ ကကြလျှင် မိန်း ကလေးများက ယောက်ျားလေး လိုဝတ်ဆင်ပြီး ကကြရသည်။

စုကြည်က ကျောင်းမှာ အန် ထော်နီနှင့် ကလီယိုပါထရာဇာတ် လမ်းကိုရေးသားခဲ့ပြီး မက်အန် ထော်နီအဖြစ် ဝင်ရောက်ကပြခဲ့ ၏။ ဝတ်စုံအဖြစ် ကျောင်းသူတစ် ယောက်၏ အမေထံကဆာရီကို ဝတ်ဆင်ခဲ့သည်။

အိန္ဒိယဝန်ကြီးချုပ်နေရူးက သူ၏ မိတ်ဆွေဗိုလ်ချုပ်အောင် ဆန်း၏ ဇနီး မြန်မာသံအမတ် ဒေါ်ခင်ကြည်ကို ပတ်ဝန်းကျင် ကောင်းကောင်းက အိမ်ကောင်း ကောင်းမှာ နေရာချပေးထား သည်။ နယူးဒေလီအမှတ် (၂၄) အက္ကဘာလမ်းရှိ အိမ်က ကြီးသ လို လှပသောပန်းခြံလည်း ပါဝင် သည်။ ထိုအိမ်သည် စုကြည်နေခဲ့ ဖူးသမျှအိမ်များတွင် အကောင်း ဆုံးအိမ်ဖြစ်ပါသည်။

စုကနေရာသစ်မှာ အသား ကျလာပြီး ကျောင်းစာကိုပဲလုံး ပန်းသည်။ သူက ဒီမိုကရေစီဆို တာဘာလဲဆိုသည့်ခေါင်းစဉ်နှင့် ကျောင်းမှာ စာတမ်းရေးသားခဲ့ သည်။ အိန္ဒိယခေါင်းဆောင် မဟတ္တမဂန္ဒီ၏ အကြမ်းမဖက်ရေးမူဝါဒ ကို သူက ထဲထဲဝင်ဝင်လေ့လာ ကာ သဘောကျလာသည်။ ၁၉၈၉မှာ အကြမ်းမဖက်ရေးဝါဒနှင့်ပတ် သက်၍ ဒေါ်စုက နယူးယောက် တိုင်းမ်သတင်းစာကို ပြောကြား ရာတွင် ‘‘ကျွန်မအဖေ သေခဲ့ရ တာဟာ နိုင်ငံရေးပြဿနာကို သေ နတ်နဲ့ရှင်းချင်တဲ့လူတွေကြောင့် ပါ’’ဟု ဆိုခဲ့သည်။

စုကြည်က ရန်ကုန်က သူ ငယ်ချင်းဂျင်နီလင်းထံ စာတွေ အများကြီးရေးပို့ခဲ့သည်။ စာတွေ ကတော့ ဆယ်ကျော်သက်များ၏ ထုံးစံအတိုင်းပင်။ ရန်ကုန်က မက်သဒစ်ကျောင်းကို သူဘယ် လောက်သတိရလဲဆိုတာနှင့် သူ ငယ်ချင်းတွေ ဘာတွေလုပ်နေကြလဲအကြောင်းများဖြစ်ပါသည်။

သူစိမ်းတွေ အလယ်မှာ ရောက်နေသော နိုင်ငံခြားကျောင်း သူတစ်ယောက်အနေဖြင့် ဒေါ်စု က သူမြန်မာလူမျိုးဆိုတာကို အခိုင်အမာပြခဲ့သည်။ သူကခပ်ရိုး ရိုး မြန်မာဝတ်စုံများကိုပဲ ဆက် ဝတ်နေသလို တစ်ခါတလေ မြန်မာပြည်ကမိန်းကလေးများလို ပင် သနပ်ခါးကိုလိမ်းပြီး အတန်း တက်၏။

အိန္ဒိယမှာ တခြားကိုးကွယ် ယုံကြည်မှုများ သူ့ဘေးမှာတွေ့ လာရသောအခါ အောင်ဆန်းစု ကြည်က ဗုဒ္ဓဘာသာကိုပိုပြီးလေ့ လာလိုက်စားလာခဲ့သည်။ ရန်ကုန်မှာကတည်းက သူတို့မိသားစုနှင့် ခင်ခဲ့သော ဘုန်းတော်ကြီး ဦးဝီရ သဓမ္မက စုကြည်၏ တရားပြဆရာတော်ဖြစ်လာခဲ့သည်။

(မကြာသေးမီက ဖြန့်ချိခဲ့သော နယူးယောက်တိုင်းမ်သတင်းစာ ဆရာမ Rena Pederson ၏ The Burma Spring စာအုပ် ဒေါ်ခင် ကြည် အမည်ရသောအခန်းမှ ထားထားမြင့် ဘာသာပြန်ခြင်းဖြစ် သည်။)