ဖြစ်စဉ်ကို ပျဉ်းမနားမြို့နယ်၊ သာသနာတော်ထိန်းသိမ်းစောင့်ရှောက်ရေးအဖွဲ့ ဥက္ကဋ္ဌကခေါ်ယူစစ်ဆေးရာ ဦးကောဝိဒသည် ၀ိနည်းတော်နှင့် အညီနေထိုင်ခြင်းမရှိဘဲ အလှူခံငွေများလိုက်လံ ခံယူနေကြောင်းစစ်ဆေးတွေ့ရှိခဲ့ရသည်ဟုဆိုသည်။ အဆိုပါသံဃာတော်သည် သာသနာ့ဘောင်အတွင်း ၀င်ရောက်လာသည်မှာ မကြာမြင့်သေးဘဲ ခွင့်မပြုထားသော အလှူငွေကောက်ခံမှု၊ ၀ိနည်းတော်နှင့် အညီ နေထိုင်ခြင်းမရှိမှုနှင့် အလှူခံမထည့်သောအိမ်ရှင်အား ဆဲဆိုကြိမ်းဝါးမှုတို့ ကျူးလွန်၍ ဥပဒေအရအရေးယူပေးပါရန် တိုင်ကြားခဲ့ရခြင်းဖြစ်သည်။
ဖြစ်စဉ်နှင့်ပတ်သက်၍ ပျဉ်းမနားမြို့မရဲအရေးမပိုင်မှု အမှတ်စဉ် ၄၂/၂၀၁၃ ပြစ်မှုပုဒ်မ ၂၉၅ (က)(သာသနာညစ်နွမ်းစေမှု) အရ အမှုဖွင့်ထားကြောင်း သတင်းရရှိသည်။ သင်္ကန်းဝတ်ဖြင့် မိမိသဘောအလျောက် လိုက်လံအလှူခံခွင့်အား တားမြစ်ထားသည်ဖြစ်ရာ သင်္ကန်းဝတ်ဖြင့်လိုက်လံ၍ ငွေကြေးများအလှူခံနေသော အလှူခံအဖွဲ့၊ သံဃာတု၊ ကိုရင်အတုများကို လိုက်လံဖမ်းဆီးကာ အရေးယူထားမှုမှာ ၂၀၁၃ ခုနှစ်အတွင်း ၁၀ မှုခန့်ရှိပြီဖြစ်ကြောင်း ရဲမှတ်တမ်းအရသိရသည်။
7day Daily
No comments:
Post a Comment