ကမ္ဘာလှည့်ခရီးသည်အမျိုးသမီးထံမှ လုယက်သူအား ဖမ်းဆီးရမိ

ရဲဇာနည်

နေပြည်တော်၊ သြဂုတ် ၁၇

၃-၈-၂၀၁၃ ရက်နေ့ ၁၈၅၀ အချိန် ညောင်ဦးမြို့၊ အမှတ်(၇)၀က်ကြီးအင်းရပ်ကွက်၊ ညောင်ဦး-ပုဂံမြို့သစ်ကားလမ်းတောင်ဘက်ခြမ်းရှိ ဆူးလေကုန်းဘုရားအနီးတွင် ပြင်သစ်နိုင်ငံသူ Miss,Amilic Schaitt (၂၃)နှစ်ထံမှ မြန်မာအမျိုးသားတစ်ဦးက ခါးပတ်အိတ်အားလုယူစဉ် ရုန်းရင်းဆန်ခတ်ဖြစ်ပွားခဲ့ရာ ပြင်သစ်နိုင်ငံသူတွင် ၀ဲမျက်လုံးဖူးရောင်ညိုမဲ၊ လည်ပင်း၊ ၀ဲလက်တို့၌ ပွန်းခြစ်ဒဏ်ရာများရရှိခဲ့ပြီး ပတ်စ်ပို့(၁)အုပ်၊ အမေရိကန်ဒေါ်လာနှင့်မြန်မာငွေများ၊ Credit Card (၁)ခုနှင့်လေယာဉ်လက်မှတ်တို့ ပါသွားခဲ့ကြောင်းကို ၎င်းတည်းခိုနေသည့် View Point တည်းခိုခန်းပိုင်ရှင်က တိုင်တန်းခဲ့သောကြောင့် ညောင်ဦးမြို့မရဲစခန်း(ပ)၉၄/၂၀၁၃၊ ပြစ်မှုပုဒ်မ ၃၈၆ ဖြင့် အမှုဖွင့်စုံစမ်းခဲ့သည်။ ပြစ်မှုကျူးလွန်သူအား ဖမ်းဆီးရမိရေးအတွက် ညောင်ဦးခရိုင်ရဲတပ်ဖွဲ့မှတပ်ဖွဲ့ဝင်များနှင့် ကမ္ဘာလှည့်ခရီးသွားလုပ်ငန်းလုံခြုံရေး ရဲတပ်ဖွဲ့စု(ပုဂံ)မှတပ်ဖွဲ့ဝင်များ ပူးပေါင်းစုံစမ်းဖော်ထုတ်ခဲ့ရာ ပုဂံမြို့ဟောင်းမှချောက်သို့သွားသော လမ်းဆုံတွင် ပြစ်မှု ကျူးလွန်ခဲ့သူ မြောက်ဦးမြို့နယ်၊ မီးလောင်းဖျားမြောက်ရွာနေ ရဲမင်းစိုး(ခ)မျိုးမင်းဦးအား ဖမ်းဆီးရမိခဲ့သည်။ စစ်ဆေးချက်အရ ရဲမင်းစိုးသည် အခင်းဖြစ်နေ့က ဆူးလေကုန်းဘုရားအနီးတွင် နိုင်ငံခြားသူတစ်ဦးအား တွေ့ရှိရ၍ အနီးရှိတုတ်တစ်ချောင်းဖြင့်(၃)ချက်ရိုက်ပြီး အိတ်အားလုယူ ထွက်ပြေးခဲ့ကြောင်း၊ အိတ်အတွင်းမှ အမေရိကန်ဒေါ်လာ(၂၃၄)ဒေါ်လာတွေ့ရှိသဖြင့် (၁၃၄)ဒေါ်လာအား မိတ်ဆွေဖြစ်သူ မချိုနွယ်၏အကူအညီဖြင့် ညောင်ဦးမြို့၊ ဈေးအတွင်းရှိ ဒေါ်စန်းနွဲ့ထံ လဲလှယ်ခိုင်းခဲ့ကြောင်း စစ်ဆေးပေါ်ပေါက်သဖြင့် လဲလှယ်ခဲ့သည့်ဒေါ်လာငွေအား လိုက်လံသိမ်းဆည်းခဲ့သည်။ ထို့ပြင် အခင်းဖြစ်ရပ်တောင်ဘက်(၁)မိုင်ခန့်အကွာတွင် မှုခင်းဖြစ်စဉ်က ပါဆုံးသွားသော Credit Card အား ထပ်မံရှာဖွေသိမ်းဆည်းရမိခဲ့သဖြင့် ပြစ်မှုကျူးလွန်သူ ရဲမင်းစိုး(ခ)မျိုးမင်းဦးအား ထိုက်သင့်သည့်ပြစ်ဒဏ် ရရှိရေး ဆက်လက်ဆောင်ရွက်လျက်ရှိကြောင်း သတင်းရရှိသည်။