အဆိုပါ Live Show ခွေနဲ့ ပတ်သက်ပြီး ရာဇာနေဝင်းက“ဒီ Live Show ခွေကို ကိုယ် ကိုယ်တိုင် ဒါရိုက်တာ လုပ်ပြီး ရိုက်ထားတာပါ။ အဆိုပိုင်းကတော့ ပြီးနေပြီ။ ဟာမိုနီတွေ ဆိုဖို့ပဲ ကျန်တော့တယ်။ သီချင်းတွေ ကျတော့ Copy တွေပါပဲ။ တေးရေးတွေကတော့ စောခူဆဲ၊ စောဖိုးခွား၊ ဇဝါ၊ ဟဲလေး၊ သြရသ တို့က ရေးပေးထားတယ်။ ဒီခွေကို ပရိသတ် အတွက် အကောင်းဆုံး ဖြစ်အောင် ကြိုးစား ထားပါတယ်။ ထွက်ဖို့ကတော့ ရာသီဥတု အခြေအနေ ကောင်းတာနဲ့ ဒီတစ်လ၊ နှစ်လအတွင်း ထွက်မှာပါ”လို့ ပြောပါတယ်။
ရာဇာနေဝင်းက ပရိသတ်နဲ့ အကြာကြီး အဆက်ပြတ်နေခဲ့တာက အနုပညာ အလုပ်တွေ မလုပ်ဖြစ်ဘဲ ရပ်နားထားခဲ့တာ ကြောင့်ပါလို့ ပြောပါတယ်။ ယခုအခါမှာတော့ ပရိသတ်တွေနဲ့ ပြန်လည် ထိတွေ့ခွင့် ရဖို့အတွက် ဇာတ်ကားတွေ ပြန်ရိုက်နေကာ ဟာသဇာတ်ကား နှစ်ကား ရိုက်ကူးပြီးသွားပါပြီလို့ ဆိုပါသေးတယ်။
The Voice Weekly
No comments:
Post a Comment