ရှာဖွေသူများ

ကျွန်တော်တို့ ဒဿနိကနောက်ဆုံးနှစ်အတန်းကို တက်နေချိန်ကပါ။ ဆရာက အဲဒီနေ့က အတန်းထဲကို နောက်ကျမှ ရောက်လာတယ်။

“ဆရာတောင်းပန်တယ်ကွာ … စာသင်ဖို့လာရင်း ကိစ္စလေးတစ်ခုပေါ်လာလို့”

ကျွန်တော်တို့က ဒီနေ့ ဆရာဘာသင်မလဲပေါ့

“အချိန် သိပ်မကျန်တော့ဘူးနဲ့တူတယ်။ ဆရာ မင်းတို့ကို တွေးစရာတစ်ခုပြောမယ်” တဲ့

ကျွန်တော်တို့ကလည်း အမှန်ပြောတာ စာသင်တဲ့ဆရာဆိုရင် သိပ်သဘောမကျဘူး။ ပညာသင်တဲ့ ဆရာဆိုရင် အရမ်း သဘောကျတာကြောင့် နားစွင့်နေကြတယ်။

အဲဒီခေတ်က Facebook မပေါ်သေးဘူး။ ဒါပေမဲ့ ဆရာက

“Sharing ဆိုတာ ဘာလဲ နားလည်ကြလား” တဲ့

ကျွန်တော်တို့ ပြန်မဖြေပါဘူး။ ဆရာကပဲ အဖြေကို ပြောသွားတယ်။

“ဆရာဖတ်ဖူးတဲ့ အကြောင်းအရာလေးတစ်ခုပါ။ မင်းတို့ အဲဒီအထဲမှာ ကိုယ်တိုင် ဝင်ပါကြည့်ပါ”

ကျွန်တော်တို့ စိတ်ဝင်စားနေပြီ

“လူတိုင်း မပျော်ချင်တဲ့သူ မရှိဘူး။ ဒါပေမဲ့ ကိုယ့်အပျော်ကို သူ့အပျော်ဖြစ်အောင် မျှဝေလိုစိတ်ထားတတ်တဲ့သူ တော့ လောကကြီးမှာ အလွန်နည်းတယ်။ လူတွေက အရမ်းတွန့်တိုတတ်တယ်။ အတ္တကြီးတယ်။ ဒါကြောင့် အပျော်တွေရှိသာနေတာ မဝေမျှတတ်ကြဘူး။ မဝေမျှတတ်တော့ ဘာဖြစ်သလဲဆိုတော့ အချိန်တွေ ကုန်တာပေါ့”

ကျွန်တော်တို့က ဆရာ ဘာကို ဆိုလိုမှန်းမသိဘူး။ ဆရာက

“ဆရာဖတ်ဖူးတဲ့ ဇာတ်လမ်းလေးတစ်ခုပါ …” တဲ့

တစ်နေ့မှာ ကျောင်းသားတွေ နောက်ဆုံးနှစ် မိတ်ဆုံစားပွဲလေးတစ်ခု ကျင်းပတယ်။ အဲဒီပွဲမှာ ဆရာတွေက ကျောင်းသားတွေကို ဘဝအတွက် ဆုံးမစကားလေးတွေ ပြောကြရတယ်။

ပါမောက္ခကြီးတစ်ယောက်အလှည့်ရောက်လာတယ်။

“ဆရာ စကားသိပ်မပြောတတ်ဘူး” တဲ့

ပါမောက္ခကြီးက စကားကို အစချီပြီးတော့ အခမ်းအနားဖွင့်စဉ်က မိုးပျံပူဖောင်းလေးတွေကို လွှတ်ထားတာ မော့ကြည့်လိုက်တယ်။

“မင်းတို့ တစ်ယောက် တစ်လုံး ပြန်ကိုင်လိုက်ပါလား”

ကျောင်းသားတွေက အခမ်းအနားဖွင့်တုန်းက လွှတ်ထားတဲ့ မိုးပျံပူဖောင်း ကြိုးတန်းလန်းတွေကို တစ်ယောက် တစ်လုံး ပြန်ကိုင်လိုက်ကြတယ်။

“ကဲ … ကိုယ်ကိုင်ထားတဲ့ ပူဖောင်းတွေပေါ်မှာ ကိုယ့်နာမည်လေးတွေ ရေးလိုက်ကြကွာ”

ကျောင်းသားတွေက ဆော့ဖ်ပင်တွေနဲ့ ပူဖောင်းတွေပေါ်မှာ နာမည်တွေ ရေးကြတယ်။

“ကဲလာကြ … ဒီအခန်းထဲကို အဲဒီ ပူဖောင်းတွေ လာလွှတ်ကြ”

ပါမောက္ခကြီးကို အခန်းလွတ်ကြီးတစ်ခန်းက တံခါးကြီးကိုဖွင့်လိုက်ပြီးတော့ ကျောင်းသားတွေကို ပူဖောင်းတွေ လာလွှတ်ခိုင်းလိုက်တယ်။

ကျောင်းသားတွေက ပူဖောင်းတွေကို လွှတ်ပြီးချိန်မှာ ပါမောက္ခကြီးက အခန်းတံခါးကို ပြန်ပိတ်လိုက်တယ်

“မင်းတို့ အားလုံး ခုဆိုရင် အချိန် ၅ မိနစ်ရမယ်။ ကိုယ့်နာမည်နဲ့ ကိုယ့်ပူဖောင်းကို အားလုံးကိုင်ပြီး ပြန်ထွက်လာရမယ်”

ပါမောက္ခကြီးက တံခါးကို ဖွင့်ပေးလိုက်တယ်။ ကျောင်းသားတွေ ပြေးဝင်သွားကြတယ်။ အားလုံး ဟိုဆွဲ သည်ဆွဲ။ တိုက်မိလို့ လဲသူလဲပေါ့။ ၅ မိနစ်ပြည့်သွားပြီး သူတို့ ပူဖောင်းတွေကို ရှာလို့ မပြီးသေးဘူး။ ၁၀ မိနစ်လည်း မပြီးနိုင်သေးဘူး။

“ကဲ … အားလုံးတော်ပြီ … ရပ်လိုက်ကြတော့။ မင်းတို့ မအောင်မြင်ပါဘူး။ အလကား အရှုံးသမားတွေ။ ကိုယ့်နာမည်ကို ကိုယ်မှန်အောင် မရှာနိုင်ကြဘူး”

ကျောင်းသားတွေက မျက်နှာငယ်လေးတွေနဲ့

“အဲဒါ ဘာဖြစ်လို့လဲ သိလား။ မင်းတို့မှာ တစ်ဦးနဲ့တစ်ဦး မျှဝေလိုတဲ့ စိတ်ဓာတ်တွေ မရှိကြလို့”

ကျောင်းသားတွေက တစ်ယောက်ကို တစ်ယောက်ကြည့်နေကြတယ်။

“တကယ်ဆိုရင် ဝင်လိုက်ကတည်းက ကိုယ်ရတဲ့ ပူဖောင်းကို ကိုယ်ယူထားပြီးတော့၊ တစ်ယောက်နဲ့ တစ်ယောက် အပြန်အလှန် ပြန်ပြီး လဲလိုက်ရင် ရသားနဲ့ မင်းတို့ ဦးတည်ချက်က ကိုယ့်နာမည်နောက်ကို တစ်ကောက်ကောက် လိုက်နေတာဆိုတော့ ဘယ်မှာအချိန်တိုအတွင်း ရတော့မှာလဲ”

ကျောင်းသားတွေက မျက်လွှာလေးတွေချထားကြတယ်။

“လောကမှ ဒီအတိုင်းပဲကွ။ လူတိုင်း ကိုယ့်ကိုယ်ကိုယ်ရှာဖို့ပဲ သိတယ်။ ကိုယ့်မှာ သူ့မှာ ရှိတာတွေနဲ့ တစ်ယောက်ကို တစ်ယောက် ပြန်ပြီးတော့ မျှဝေရမယ်မှန်း မသိကြဘူး။ ဒါကြောင့် လောကကြီးက မငြိမ်းချမ်းတာ။ အချိန်တွေကုန်ပြီး ဝရုန်းသုန်းကားဖြစ်နေကြရတာ”

ပါမောက္ခကြီးက ပြောပြီးတော့ အခန်းထဲက ထွက်သွားတယ်။

ကျောင်းသားတွေက သူတို့လက်ထဲမှာ ကိုင်ထားတဲ့ မိုးပျံပူဖောင်းလေးတွေကို ကြည့်နေကြတယ်။

(Ref: Sharing, Sunday Times)

တင်ညွန့်

၈.၆.၂၀၁၈

Read More

အမေ” ချမ်းတယ် သားရယ်

♦အမေ ချမ်းတယ်သား” သားငယ်ငယ်က အမေ့ရင်ခွင်မှာ နွေးထွေးစွာ မှေးစက်ဖူးသလို အခုချိန်မှာ အမေ့အတွက် နွေးထွေးလုံခြုံမှုရှိတဲ့ နေရာလေးတစ်ခု အမေမရနိုင်ဘူးလား သားရယ်”
♦အမေ အဝတ်တွေလဲချင်သေးတယ်သား”
သားငယ်ငယ်က အညစ်အကြေးတွေပေတိုင်း သားအတွက် ညအိပ်ရေးပျက်ပြီး လဲပေးခဲ့တဲ့ အမေ့ရဲ့အိပ်ပျက် ညတွေမှတ်မိသေးရဲ့လား သားရယ်…
♦အမေ ဟိုးအဝေးက ရှုခင်းတွေကို ငေးကြည့်ချင်တယ်သား”
သားငယ်ငယ်က သားသွားချင်တဲ့နေရာလေးတွေ ကြည့်ချင်တဲ့ ပွဲဈေးလေးတွေကို အမေချီပို့ခဲ့သလို အခုချိန်မှာ စိတ်သွားတိုင်း ကိုယ်မပါတော့တဲ့ အမေ့အပေါ် မစာနာနိုင်တော့ဘူးလား သားရယ်”
♦အမေ…..
မသိတဲ့ ဒီခေတ်နည်းပညာလေးတွေ သိချင်တဲ့အခါ အမေ့ကို စိတ်ရှည်ရှည်ရှင်းပြပေးပါသား…
သားငယ်ငယ်က မသိတဲ့အရာတွေ တတွတ်တွတ်မေးတိုင်း အမေမငြိုမငြင်ဖြေခဲ့ဖူးတာလေးကို သတိတရရှိပေးပါသားရယ်”
♦အမေ့ရဲ့ ဘဝနေဝင်ချိန် အမေ့ရဲ့ နောက်ဆုံးအချိန်မှာ အမေ့သားကို အမေမြင်ချင်သေးတယ်သားရယ်”
Wai Yan Moe


အမေ” ချမ်းတယ် သားရယ် **
“””””””””””””””””””””””””””””
♦အမေ ချမ်းတယ်သား” သားငယ်ငယ်က အမေ့ရင်ခွင်မှာ နွေးထွေးစွာ မှေးစက်ဖူးသလို အခုချိန်မှာ အမေ့အတွက် နွေးထွေးလုံခြုံမှုရှိတဲ့ နေရာလေးတစ်ခု အမေမရနိုင်ဘူးလား သားရယ်”

♦အမေ အဝတ်တွေလဲချင်သေးတယ်သား”

သားငယ်ငယ်က အညစ်အကြေးတွေပေတိုင်း သားအတွက် ညအိပ်ရေးပျက်ပြီး လဲပေးခဲ့တဲ့ အမေ့ရဲ့အိပ်ပျက် ညတွေမှတ်မိသေးရဲ့လား သားရယ်…

♦အမေ ဟိုးအဝေးက ရှုခင်းတွေကို ငေးကြည့်ချင်တယ်သား”

သားငယ်ငယ်က သားသွားချင်တဲ့နေရာလေးတွေ ကြည့်ချင်တဲ့ ပွဲစျေးလေးတွေကို အမေချီပို့ခဲ့သလို အခုချိန်မှာ စိတ်သွားတိုင်း ကိုယ်မပါတော့တဲ့ အမေ့အပေါ် မစာနာနိုင်တော့ဘူးလား သားရယ်”

♦အမေ…..

မသိတဲ့ ဒီခေတ်နည်းပညာလေးတွေ သိချင်တဲ့အခါ အမေ့ကို စိတ်ရှည်ရှည်ရှင်းပြပေးပါသား…

သားငယ်ငယ်က မသိတဲ့အရာတွေ တတွတ်တွတ်မေးတိုင်း အမေမငြိုမငြင်ဖြေခဲ့ဖူးတာလေးကို သတိတရရှိပေးပါသားရယ်”

♦အမေ့ရဲ့ ဘဝနေဝင်ချိန် အမေ့ရဲ့ နောက်ဆုံးအချိန်မှာ အမေ့သားကို အမေမြင်ချင်သေးတယ်သားရယ်”

Wai Yan Moe

Read More

သင့်အမေကို လျှော့မတွက်ပါနဲ့။

သင့်အမေကို လျှော့မတွက်ပါနဲ့။
( ၁ မိနစ်လောက်ပဲအချိန်ပေးပြီး ဖတ်ပေးပါ။ အရမ်းကောင်းလို့ မျှဝေပါတယ်)
--------------------------------

သင့်မေမေဟာ သင့်ကို သူ့ဗိုက်ထဲမှာ ကိုးလလွယ်ခဲ့တယ်။
သူမဟာ လေးလကြာအောင် ပျို့အန်ခဲ့ရတယ်။
သူမ ခြေထောက်တွေ ဖောရောင်ခဲ့တယ်။
သူမ အရေပြားတွေ ဆွဲဆန့်ခံခဲ့ရတယ်.။
သူမ လှေကားတွေကို အားစိုက်ပြီး တက်ခဲ့ရတယ်။
သူမ နည်းနည်းလှုပ်တိုင်း အသက်ရှူမ၀ ဖြစ်ခဲ့ရတယ်။
သူမ အိပ်မပျော်တဲ့ ညပေါင်းများစွာကို ဖြတ်ကျော်ခဲ့ရတယ်။
သူမ သင့်ကို လူ့လောကထဲရောက်အောင် ပြင်းထန်တဲ့ ဝေဒနာတွေနဲ့ ရုန်းကန်ခဲ့ရတယ်။

အဲဒီနောက်မှာ သူမဟာ သင့်ရဲ့..

သူနာပြုဆရာမ
စားဖိုမှူး
အိမ်ဖော်
ယာဉ်မောင်း
ပရိသတ်
ဆရာမ
သူငယ်ချင်း ဖြစ်ခဲ့တယ်။

သူမဟာ သင့်အတွက်…

ရုန်းကန်ခဲ့ရတယ်။
ငိုခဲ့ရတယ်။
မျှော်လင့်ခဲ့ရတယ်။
ဆုတောင်းခဲ့ရတယ်။

ကျွန်တော်တို့ အများစုဟာ ကျွန်တော်တို့ရဲ့ မိခင်တွေကို မြင်ခွင့်ရခဲ့တယ်။
မိခင်တွေကို ဆုံးရှုံးခဲ့ရသူတွေ၊ မိခင်တွေကို လုံးဝမြင်တွေ့ခွင့်မရခဲ့တဲ့သူတွေလည်း ရှိကြတယ်။

တကယ်လို့ သင့်မှာ မိခင်တစ်ယောက်ရှိသေးတယ်ဆိုရင်
သင်ဟာ အရမ်း ကံကောင်းတဲ့သူ တစ်ယောက်ဖြစ်တယ်။

သူမကို ဘယ်တော့မှ တန်ဖိုးလျှော့မတွက်ပါနဲ့။

တစ်နေ့မှာ သင်ဟာ သင့်မှာ မရှိတော့တဲ့ သူမကို တမ်းတနေရမှာ မို့လို့ပါ။

အမေတိုင်းအတွက်နဲ့ အမေဖြစ်မယ့်သူတိုင်းအတွက်…

Credit : Original Uploader

Read More

မင်းတုပ်ချမထားတဲ့ တံခါး

စကော့တလန်နိုင်ငံ ဂလပ်(စ)ဂိုမြို့မှာပေါ့။ မိန်းမငယ်လေးတယောက်ဟာ
ကနေ့ဆယ်ကျော်သက် အများစုလိုပဲ အိမ်မှာနေရတာကို စိတ်ဆင်းရဲလာတယ်။ မိဘတွေက ချုပ်ချယ်တယ်လို့လည်း မြင်လာတယ်။ ဘာသာတရားရဲ့ အဆုံးအမအောက်မှာနေရတာကြီးကိုလည်း ညည်းငွေ့လာတယ်။

ဒါနဲ့ “တော်ပြီ၊ အမေတို့နဲ့ မနေချင်တော့ဘူး ကျွန်မလက်လျော့လိုက်ပါပြီ၊ ကျွန်မသွားတော့မယ် ” လို့ကြွေးကြော်ပြီး သကာလ အိမ်ပေါ်ကဆင်းသွားပါတော့တယ်။ အိမ်ပေါ်ကဆင်းသွာပြီးရင်တော့ သူဟာ ကမ္ဘာပေါ်မှာ အတော်ဆုံးမိန်းမတစ်ယောက်ဖြစ်လာမယ်လို့လည်း ခိုင်ခိုင်မာမာယုံကြည်နေတယ်။
ဒါပေမယ့်အိမ်ကဆင်းသွားပြီးလို့ သိပ်မကြာခင်မှာပဲ သူအတော်စိတ်ဓါတ်ကျလာတယ်၊ အလုပ်ကလည်း ရှာလို့မရနိုင်ဘူး၊ သည်လိုနဲ့ နောက်ဆုံးမှာတော့ အဲဒီမိန်းကလေးဟာ လမ်းပေါ်ကိုရောက်သွားပြီး ခန္ဓာကိုယ်ကို ရောင်းစားရတဲ့အထိ အခြေအနေ ဆိုးသွားပါတော့တယ်။

သည်လိုနဲ့ ရာသီတွေ အလီလီပြောင်းသွားတဲ့နောက် အဲဒီကလေးမလေးရဲ့ဖခင်ဟာလည်း တိမ်းပါးသွားသလို ကလေးမလေးရဲ့မိခင်ဟာလေးပဲ အသက်အရွယ် ကြီးရင့်လာပါတော့တယ်။ ကလေးမကိုယ်တိုင်ဟာလည်း ပျက်နေတဲ့ဘဝထဲမှာ ပိုလို့ပိုလို့ နစ်မွန်းပြီးနေလေတော့တယ်။

အဲသလောက်ကြာတဲ့ နှစ်တွေအတောအတွင်း မအေနဲ့သမီးအကြားမှာ ဘာအဆက်အသွယ်မှ မရခဲ့ဘူး။ နောက်ပိုင်းကျတော့မှ သမီးလုပ်တဲ့သူ ဘဝပျက်နေတယ်ဆိုတာ ကြားသိလိုက်ရတဲ့အခါ အခြေအနေမဲ့တွေ ကျင်လည်ကျက်စားရာ ရပ်ကွက်တွေသွားပြီး သမီးကိုရှာဖွေကြည့်ပါသေးတယ်။ အဲဒီရပ်ကွက်မှာရှိတဲ့ မိန်းကလေးများ ကယ်ဆယ်ရေးသာသနာပြုစခန်းများကို ဝင်ပြီးတော့ မအေလုပ်တဲ့သူက ရိုးရိုးလေးပဲ မေတ္တာရပ်ခံရှာပါတယ်။

“သည်ဓါတ်ပုံလေးကိုသည်စခန်းမှာ ကပ်ထားခဲ့ပါရစေရှင်” တဲ့ အဲဒီဓါတ်ပုံကတော့ ဆံပင်တွေ တခေါင်းလုံးဖြူနေပြီဖြစ်တဲ့ မအေ့ဓါတ်ပုံဖြစ်ပြီး ဓါတ်ပုံထဲမှာတော့ အမေ့မျက်နှာက ပြုံးနေပါတယ်။ ဓါတ်ပုံရဲ့ အောက်ခြေမှာတော့ လက်ရေးနဲ့ရေးထားတယ်။ “မေမေ သမီးကို ချစ်နေတုန်းပါပဲ သမီးရယ်၊ အိမ်ကို ပြန်လာခဲ့ပါကွယ်” တဲ့။

လက်လုပ်လက်စားတွေ ၊ ပြန်ကျတွေ၊ အခြေအနေမဲ့တွေ နေတဲ့ အဲဒီမြို့က ရပ်ကွက်တကာရဲ့ အမျိုးသမီးကယ်ဆယ်ရေးသာသနာပြုစခန်းတိုင်းမှာ အဲဒီ ဓါတ်ပုံကိုစေ့အောင်ကပ်ပြီးတဲ့နောက် လပေါင်းများစွာကြာတဲ့အထိ ဘာမှ ထူးမလာခဲ့ပါဘူး။ အဲ.. ဒါပေမယ့် တနေ့မှာတော့ ထမင်းဆာလွန်းမက ဆာလာတာနဲ့ ကယ်ဆယ်ရေးသာသနာပြုစခန်းတခုထဲသို့ ရောက်ချလာတယ်။ သာသနာပြုစခန်းတိုင်းမှာက ထမင်းအလကားကျွေးပေတာကိုး။ မိန်းကလေးဟာ ပထမတော့ သာသနာပြုစခန်းများရဲ့ ထုံးစံအတိုင်း တရားဟောတာ၊ဝတ်ပြုနေတာတွေကို စိတ်မပါစွာနဲ့ ထိုင်နေတယ်။ အဲလိုထိုင်နေရင်း စခန်းနံရံမှာ ကပ်ထားတဲ့ ကြေငြာသင်ပုန်းကို မျက်စိက အမှတ်မထင်ရောက်သွားတယ်။ ဓါတ်ပုံကိုသူ ဖျက်ကနဲ့ မြင်လိုက်တယ်။ မြင်လိုက်တာနဲ့ တပြိုင်နက် သူ့စိတ်ထဲမှာ လှုပ်ခတ်သွားပြီး စဉ်းစားလိုက်မိရပါတယ်။

“အဲဒါ ငါ့အမေများလား ” လို့ပေါ့။ တွေးရင်း တွေးရင်းနဲ့ ဝတ်ပြုပွဲပြီးအောင်သူ မစောင့်နိုင်တော့ဘူး။ နေရာကထ ကြေငြာသင်ပုန်းရှိရာသွာပြီး အနီးကပ်ကြည့်လိုက်မိတယ်။ ဟုတ်ပါတယ် ဓါတ်ပုံက သူ့အမေရဲ့ပုံပါပဲ။
ပြီးတော့လည်း သူဘယ်လိုမှ မလွဲနိုင်တဲ့ သူ့အမေရဲ့ လက်ရေးနဲ့ရေးထားတဲ့ စာတန်းလေးက “ မေမေ သမီးကို ချစ်နေတုန်းပါပဲ သမီးရယ်။ အိမ်ကို ပြန်လာခဲ့ပါကွယ်” တဲ့ ။ ဓါတ်ပုံရှေ့မှာ ရပ်နေရင်းက မိန်းကလေးဟာ မျက်ရည်တွေ တွေတွေကျလာတယ်၊ မယုံနိုင်လောက်အောင်လည်း ဖြစ်နေတယ်။

အချိန်ကအတော်လင့်နေပါပြီ။ မိုးကြီးတောင် စုပ်စုပ်ချုပ်နေပါပြီ။ ဒါပေမယ့် မိန်းကလေးရဲ့ ရင်ထဲမှာ သိပ်ကိုလှုပ်ခတ်လွန်နေတာမို့ မိုးချုပ်နေတာကိုတောင် သတိမထားမိတော့ဘဲ သူ့အိမ်ရှိရာကို ခြေလျင်ပဲ လျှောက်သွားလိုက်မိရပါတော့တယ်။ အိမ်ကိုရောက်တော့ မိုးတောင်လင်းခါနီးနေပြီ။ သူ့ရင်ထဲမှာ စိုးရွံ့မှုတွေ၊ အားငယ်မှုတွေနဲ့ပွေလီနေတာမို့ အိမ်တံခါးဝဆီကို မဝံ့မရဲနဲ့လျှောက်လာခဲပါတယ်။

ဘာလုပ်လို့ ဘာကိုင်ရမယ်မှန်းမသိအောင် ဖြစ်နေပါတယ်။ အိမ်တံခါးကို ခေါက်လိုက်ချိန်မှာတော့ တံခါးက အလိုက်သင့်ပွင့်သွားပါတယ်။ မိန်းကလေးဟာ ချက်ချင်းလိုပဲ ထိတ်လန့်လို့သွားပါတယ်။ သည်အချိန် ဝေလီဝေလင်းမှာ တံခါးမကြီးပွင့်နေပုံ ထောက်ရင် အိမ်ထဲကို သူခိုးများဝင်သွားသလားဆိုတဲ့အတွေးပါ။

အိမ်ထဲရှိနေတဲ့ အမေ့ကိုလည်း ချက်ချင်းစိုးရိမ်သွားမိရတယ်။ ဒါနဲ့ မိန်းကလေးဟာ သူ့အမေအိပ်နေတဲ့ အိပ်ခန်းဆီ အပြေးတပိုင်း ဝင်သွားမိပါတယ်။
အိပ်ရာထဲမှာတော့ သူ့မိခင်ဟာ နှစ်နှစ်ခြိုက်ခြိုက် အိပ်ပျော်နေဆဲပါ။ ကလေးမဟာ မအေလုပ်သူကို လှုပ်နှိုးလိုက်ပါတယ်။ “ မေမေ… သမီးပါ၊ သမီးပါ။ သမီး အိမ်ကို ပြန်ရောက်လာပါပြီ မေမေရယ်။” မအေလုပ်တဲ့သူခမျာမှာတော့ သူ့မျက်လုံးကို သူမယုံနိုင်လောက်အောင် ဖြစ်နေပါတယ်။ နောက်ဆုံးမှာတော့ မအေလုပ်သူက သူ့မျက်ဝန်းက မျက်ရည်စတွေသုတ်လိုက်ပြီး သားအမိနှစ်ယောက်ဟာ တယောက်ကိုတယောက် ဖက်လိုက်ကြတယ်။

သမီးလုပ်သူက ခပ်တိုးတိုးလေးပြောတယ်။ “သမီးဖြင့် ပျာသွားတာပဲ မေမေရယ် ၊ အိမ်တခါးကြီးက ပွင့်နေတော့ အိမ်ထဲ သူခိုးဝင်နေတယ် အောက်မေ့လို့…”
မအေလုပ်သူက ညင်ညင်သာသာ ပြန်ပြောပါတယ်။

“ မဟုတ်ပါဘူး သမီးရယ်၊ သမီးလေး ဒီအိမ်က ထွက်သွားတဲ့နေ့ကစပြီး အဲဒီတံခါးကို ဘယ်တုန်းကမှ မင်းတုပ် ချမထားခဲ့ပါဘူးကွယ်” တဲ့။
Robert Strand ရေးတဲ့ The Unlocked Door ဆိုတဲ့ စာတိုလေးကိုဆီလျော်အောင် ပြန်ဆိုတင်ဆက်လိုက်တာပါ။
ဆရာ အတ္တကျော်၏ ဘယ်ဆီကိုများ ဒုန်းစိုင်းသွားနေစာအုပ်မှ ကူးယူဖော်ပြပါသည်။

Read More

အဲဒါ ငါ့အဖေ ( လယ်တွင်းသား စောချစ် )

ကျွန်တော်ငယ်ငယ်က အဖေ ကျွန်တော့်ကို သိပ်ချစ်တယ်။ အဖေလည်း ကျွန်တော့်ကို သိပ်ချစ်ခဲ့ပါတယ်။ ကျွန်တော်တို့သားအဖ ဆက်ဆံရေးက ပျော်စရာ၊ ကြည်နူးစရာပါ။ အခု ကျွန်တော်ကြီးလာပြီးမှ ခပ်မှန်မှန် ခပ်တန်းတန်း ဆက်ဆံရေး ဖြစ်သွားတာပါ။

အထူးသဖြင့် ကျွန်တော်ဆယ်တန်းအောင်ပြီး တက္ကသိုလ်ရောက်မှ ခုလို အဆင်မပြေ ဖြစ်သွားတာပါ။

ကျွန်တော်ငယ်ငယ်က အဖေကားမ၀ယ်နိုင်သေးဘူး။ သံချည်သံကွေး သံပန်း ကိုယ်ပိုင်လုပ်ငန်းတော့ရှိပြီ။ ကျွန်တော် ကျောင်းသွားရင် အဖေ့ပခုံးပေါ် ခွစီးသွားရတယ်။ အဖေက ကျွန်တော့်လွယ်အိတ်ကိုလွယ်ပြီး ကျွန်တော့် ထမင်းဘူးလေးကို ဆွဲထားသေးတယ်။ အဲဒီရက်တွေကို ကျွန်တော်မမေ့နိုင်ဘူး။ သိပ်သဘောကျတယ်။ အမှန်အတိုင်းပြောရရင် အဲဒီအချိန်မှာ ကားနဲ့ကျောင်းသွားတဲ့ လူတွေကို အားမကျမိဘူး။ အဖေ့ဂုတ်ပေါ်ခွစီးပြီး အားလုံးကို အမြင့်ကြီးကနေ ကြည့်ရမြင်ရတာ သဘောကျတယ်။ ကားလေးတွေကိုလည်း အဖေ့ပခုံးပေါ်ကနေ ကျွန်တော်ငုံ့ကြည့်ရတယ်။

အဖေက ဆယ်တန်းမအောင်ခဲ့ဘူး။ ၇ တန်းအထိပဲကျောင်းနေခဲ့ရတယ်။ ဒါတောင် တောရွာကအလယ်တန်း ကျောင်းမှာ ၇ တန်းအောင်ပြီး ဆင်းရဲလို့ ကျောင်းဆက်မနေနိုင်တာနဲ့ ကြုံရာကျပန်း ရရာအလုပ်ကို လုပ်ရတယ်။ နောက်မှ ရန်ကုန်က ဦးလေးတစ်ယောက် အဆက်အသွယ်နဲ့ သံချည်သံကွေးသံပန်းလုပ်ငန်းတစ်ခုမှာ အလုပ်ရတယ်။ လုပ်ရင်းလုပ်ရင်းနဲ့ လုပ်ငန်းကျွမ်းကျင်ပြီး လခကောင်းကောင်းရလာတယ်။ အရွယ်လေးရတော့ လုပ်ငန်းရှင်က အားကိုးရတဲ့ သံချည်သံကွေး၊ သံပန်း သံတံခါးဆရာ ဖြစ်လာတယ်။

ငွေကလေးစုမိတော့ အဖေက ကိုယ်ပိုင်လုပ်ငန်းခွဲထောင်တယ်။ အမေနဲ့အိမ်ထောင်ကျတော့ အဖေက ကိုယ်ပိုင်လုပ်ငန်းနဲ့ ဖြစ်နေပြီ။ အဖေက ကျွန်တော့်ကို သူ မအောင်ခဲ့တဲ့ ဆယ်တန်းကို အောင်စေချင်တယ်။ သူ မတက်ခဲ့ရတဲ့ တက္ကသိုလ်ကို တက်စေချင်တယ်။

ကျွန်တော်ဆယ်တန်းကို ဂုဏ်ထူး ၃ ဘာသာနဲ့အောင်တယ်။ အဖေ၀မ်းသာလွန်းလို့ အိမ်မှာလူတွေကို ဖိတ်ပြီး ကျွေးမွေးဧည့်ခံတယ်။ ကျွန်တော့်ကိုလည်း ဆုတွေပေးတယ်။ ကျွန်တော်လည်း ပျော်တာပေ့ါ။ အဲဒီအထိ အဖေနဲ့ကျွန်တော် အဆင်ပြေပါတယ်။

တက္ကသိုလ်တက်ပြီးတော့ သူငယ်ချင်းတွေနဲ့ ပေါင်းရသင်းရ၊ သူငယ်ချင်းတွေရဲ့  မိဘတွေနဲ့ တွေ့ရဆုံရ ပြောဆို ရတော့ အဖေ့ရဲ့  နေပုံထိုင်ပုံ၊ ပြောပုံဆိုပုံတွေကို အထင်သေးလာတယ်။

အဖေက အများအားဖြင့် သူ့အလုပ်သမားတွေနဲ့ ပြောရဆိုရတော့ စကားပြောတာ မာတယ်၊ ကြမ်းတယ်၊ သိမ်သိမ်မွေ့မွေ့ သိပ်မရှိဘူး။ ၀တ်တာဆင်တာလည်း အိမ်မှာရော အလုပ်ထဲမှာရော သံဂဟေ၊ သံချည် သံကွေး လုပ်နေရတော့ ခပ်ပေပေ ခပ်နွမ်းနွမ်း ခပ်ကြမ်းကြမ်းအ၀တ်တွေပဲ ၀တ်တယ်။

သားသမီးကို ဆုံးမတာလည်း ထင်ရင်ထင်သလို၊ မထင်ရင်မထင်သလို ပြောတတ်ဆိုတတ်တယ်။ စေတနာရှိတာ သိပေမယ့် ဆုံးမပုံ စနစ်မကျဘူးလို့ ထင်တယ်။

ကွန်ပျူတာတက္ကသိုလ်မှာ အတန်းတူဖြစ်တဲ့ ဇော်မင်းထက် အိမ် လိုက်သွားတဲ့အခါ သူ့အဖေ ဦးအောင်ထက် နေပုံထိုင်ပုံ ပြောပုံဆိုပုံကို သိပ်သဘောကျတယ်။ သူက ဥပဒေဘွဲ့ရ၊ ခရိုင်တရားသူကြီး။ ကျွန်တော့်ကိုလည်း သူ့သားရဲ့  သူငယ်ချင်းအဖြစ်နဲ့ ချစ်ခင်ပါတယ်။

ကျွန်တော့်မိဘ အလုပ်အကိုင်မေးလို့ သံချည်သံကွေး၊ သံပန်း၊ သံတံခါးလုပ်ငန်း လုပ်တာပြောတော့ ကောင်းတာပေ့ါ၊ ကိုယ်ပိုင်အလုပ်ကမှ ကြီးပွားချမ်းသာတာ၊ လွတ်လွတ်လပ်လပ် လုပ်ပိုင်ခွင့်လည်း ရှိတယ်။ ဘယ်သူ့မှ ကြောက်မနေရဘူး။ ကြိုးစားသလောက် တိုးတက်နိုင်တယ်လို့ ပြောတယ်။.

ဒါပေမယ့် ငယ်တုန်းတော့ ပညာကို ကြိုးစားသင်ယူဖို့လိုကြောင်း၊ ဘွဲ့တစ်ခုခုရဖို့ လိုအပ်တဲ့အကြောင်း ပြောပါတယ်။ အင်္ဂလိပ်စကားလုံးတွေ သုံးတဲ့အသံထွက်ကလည်း သိပ်ကောင်းတာပဲ။ ငါ့အဖေလည်း ဒီလိုဖြစ်နေရင် ကောင်းမှာလို့ မိမိဆန္ဒဖြစ်မိတယ်။

အဲဒီနေ့က အိမ်ပြန်ရောက်တော့ မိသားစုအတူစားကြတဲ့ညနေစာ ထမင်းဝိုင်းမှာ ဇော်မင်းထက်အဖေအကြောင်း ချီးကျူးပြောဆိုမိတယ်။ အဖေဘာမှ ပြန်မပြောဘူး။

နောက်တစ်နေ့ ကျောင်းကို အဖေကားနဲ့လိုက်ပို့တော့ လမ်းမှာယာဉ်ထိန်းရဲတွေစောင့်ပြီး စစ်ဆေးနေတာ တွေ့ရတယ်။

အဖေက “ဟ ဆပ်ပလိုင်းချက်တွေနဲ့ တွေ့နေပြီ” လို့ ပြောတယ်။

“အဖေကလည်းဗျာ..ဆပ်ပလိုင်းချက် မဟုတ်ပါဘူး… ဆပ်ပရိုက်ချက် ပါလို့” အင်္ဂလိပ်လို ပီပီသသပြောပြီး ပြင်ပေးလိုက်တယ်။

“မင်းကလည်း ငါသင်ပေးလို့ တက္ကသိုလ်ရောက်တာနဲ့ ကြီးကျယ်မနေစမ်းပါနဲ့၊ လူတိုင်း ဆပ်ပလိုင်းချက်လို့ ပြောနေကြတာပဲ.. ဆပ်ပလိုင်းချက်တော့ ဘာဖြစ်လဲ” ကျွန်တော့်ကို မကျေမနပ် ပြန်ပြောတယ်။

ကျွန်တော်က ဘယ်ခံမလဲ။ “အဖေပြောတာ အသံထွက်မှားနေလို့ ပြင်ပေးတာပဲ.. သူများကြားရင် အဖေ့ကို ရယ်မှာစိုးလို့ စေတနာနဲ့ပြောတာ၊ ကိုယ်မသိရင်မပြောနဲ့ပေ့ါ” လို့ ပြန်ပြောလိုက်တာပေ့ါ။

နောက်တစ်နေ့ကစပြီး အဖေကျွန်တော့်ကို ကျောင်းလိုက်မပို့ဖြစ်တော့ဘူး၊ စကားလည်း သိပ်မပြောတော့ဘူး ကျွန်တော် ဘတ်စ်ကားနဲ့ပဲ ကျောင်းသွားပါတယ်။

အဲဒီနောက်ကတည်းက အဖေနဲ့ကျွန်တော့်ရဲ့  ဆက်ဆံရေးဟာ ခပ်မှန်မှန်ခပ်တန်းတန်း ဖြစ်သွားပါတယ်။ ပြောစရာ ရှိရင် အမေကတဆင့် ပြောကြဆိုကြပါတယ်။

ညီမလေးက ကိုးတန်း၊ ညီမလေးကိုတော့ အဖေ ကားနဲ့ကျောင်းပို့ကျောင်းကြိုလုပ်ပေးပါတယ်။

နောက်တော့ အဖေ အင်္ဂလိပ်လို စကားလုံးအမှားတွေ ပြောနေတာ အများကြီးကြားနေရတယ်။ ဆစ်ကနယ်မီးတို့၊ အော်ဒီဂျင်တယ်တို့လို ဟာမျိုးတွေပေ့ါ.. ရှက်စရာကောင်းတယ်။ ကျွန်တော်ဘာမှ မပြောတော့ပါဘူး.. ကိုယ့်စေတနာကို သူမှ လက်မခံတာပဲ။ ဒါပေမယ့် သူများရှေ့မှာ ကိုယ့်အဖေက မပီမသ မမှန်ကန်တဲ့ အသံထွက်တွေနဲ့ ပြောနေတော့ ရှက်စရာကောင်းလို့ စိတ်ပျက်တာပေ့ါ။

လူကြီးလူငယ်ရဲ့ အားပြိုင်မှု၊ ခေတ်ပညာမတတ်တဲ့ အဖေနဲ့ ခေတ်ပညာတတ်တဲ့ သားသမီးရဲ့ အားပြိုင်မှုလို့ပဲ နားလည်ထားလိုက် ပါတယ်။

ကျွန်တော့်ကျောင်းစရိတ်၊ သွားစရိတ် လာစရိတ်၊ စားတာ၊ ၀တ်တာ၊ ကုန်ကျတာအားလုံးတော့ အဖေကပဲ ပေးနေရတာပါ။ တစ်အိမ်လုံးမှာ စီးပွားရေးဆိုလို အဖေတစ်ယောက်ပဲ ရှိတာကိုး။ ဆည်တဲ့ ကန်သင်းဖြစ်တဲ့ အမေကတော့ အားလုံးအတွက် စီမံခန့်ခွဲ သုံးစွဲရာမှာ ကျွန်တော့်အတွက်လည်း ပါတာပေ့ါ။ ကျွန်တော့်အတွက် ကုန်ကျတာက အများဆုံး တောင် ဖြစ်ချင်ဖြစ်မယ်။

တစ်နေ့တော့ ဇော်မင်းထက်နဲ့ ကျွန်တော် ၀ါးနက်ချောင်းရွာ ဘုရားပွဲကို သွားကြတယ်။ ကျွန်တော်တို့ တစ်တန်းတည်း ကွန်ပျူတာတက်နေတဲ့ အောင်မိုးတို့ရွာပေ့ါ။ အောင်မိုး အတင်းခေါ်လို့ အလည်လိုက်သွားကြတာ။

အောင်မိုးအဖေက လယ်သမား။ လယ်တွေများလို့၊ ကျွဲတွေ၊ နွားတွေလည်း ခြောက်ကောင်လောက်ရှိတယ်။ အိမ်က နှစ်ထပ်အိမ်ပါပဲ။

ဒါပေမယ့် လယ်သမားအိမ်ဆိုတော့ ရှုပ်လို့ပွေလို့။ သူတို့အိမ်နဲ့စာရင်တော့ ကျွန်တော်တို့အိမ်က သပ်သပ်ရပ်ရပ်နဲ့ အဆင့်ရှိ တာပေ့ါ။ ဇော်မင်းထက်တို့အိမ်ကတော့ ဘာမှမဆိုင်ဘူး။ အသပ်ရပ်ဆုံးနဲ့အထက်တန်းအကျဆုံးပဲ။

ဘုရားပွဲထုံးစံအတိုင်း ဧည့်သည်တွေကလည်းများ၊ စားစရာတွေကလည်း စုံလို့။ ကျွန်တော်တို့ကတော့ လူရှင်းရာ အောင်မိုး အခန်းမှာပဲ နေကြတယ်။

အောင်မိုးအခန်းမှာ စာကြည့်စားပွဲနဲ့၊ ခုတင်နဲ့၊ စာအုပ်စင်နဲ့ ကွန်ပျူတာနဲ့ သန့်သန့်ရှင်းရှင်းလည်း ရှိတယ်။

ကျွန်တော်တို့သုံးယောက် စကားပြောနေကြတုန်း အောင်မိုးအဖေ၀င်လာတယ်။ ကုလားထိုင်တစ်လုံးမှာ ၀င်ထိုင်ပြီး ကျွန်တော်တို့စကားပြောတာကို နားထောင်နေတယ်။ ကျွန်တော်တို့ပြောတဲ့အထဲမှာ ကွန်ပျူတာ ဗိုင်းရပ်စ်ဝင်တဲ့ အန္တရာယ်အကြောင်း ပရိုဂရမ်တွေ၊ ဆော့ဖ်ဝဲလ်တွေ ပျက်ကုန်တဲ့အကြောင်း ပြောတော့ အောင်မိုးအဖေက ၀င်မေးလိုက်တယ်။

“အဲဒီ ဗိုင်းရပ်စ် ဆိုတာ ပိုးလား” တဲ့။ အောင်မိုးက “ပိုးတစ်မျိုးပေ့ါ” လို့ ပြောတယ်။ “အဲဒီပိုးကောင်းက ဘယ်လို ရောက်လာပြီး ကျွန်ပျူတာထဲကို ဘယ်အပေါက်က ၀င်တာလဲ..အဲဒီ အပေါက်ကို လုံအောင်ပိတ်ထားလို့ မရဘူးလား..သူ့လယ်မှာ သုံးတဲ့ သြဘာပိုးသတ်ဆေးသုံးရင် မရဘူးလား” .. လို့ မေးတယ်။

့ ကျွန်တော်နဲ့ ဇော်မင်းထက် ပြုံးရုံမကဘူး၊ အသံထွက်ရယ်မိကြတယ်။ ရယ်မိပြီးမှ သတိရလို့ အောင်မိုးကို ကြည့်လိုက်ကြတယ်။

ကျွန်တော် ဆိုရင် “သွားစမ်းပါ.. အဖေကလည်း မသိရင် မသိသလို နေစမ်းပါ၊ ၀င်မပြောစမ်းပါနဲ့” လို့ ရှက်စိတ်လွန်ပြီး ပြောမိမှာပါ.. တကယ်လည်း ရှက်စရာကိုး…။

ဒါပေမယ့် အံ့သြစရာ…။ အောင်မိုးက မျက်နှာ မပျက်ဘူး။ ရှက်လည်း မရှက်ဘူး။ သူပါ ကျွန်တော်တို့နဲ့ အတူရယ်ပြီး ..

“အဲဒါ ငါ့အဖေပဲကွ.၊ လေးတန်းထိပဲ ကျောင်းနေဖူးတယ် ရွှံ့ထဲဗွက်ထဲ ဆင်းဆင်းရဲရဲ ရုန်းကန်လယ်လုပ်ပြီး ငါ့ကို ကွန်ပျူတာ တက္ကသိုလ်ရောက်အောင် ကျောင်းထားပေးတယ်.. အဲဒီ ကွန်ပျူတာကလည်း အဖေ ၀ယ်ပေးထားတာပေ့ါ.. ပြော အဖေ.. ဘာမှ မဖြစ်ဘူး..အဖေထင်တာ ပြောလို့ရတယ်.. ပြော..” တဲ့။ အားတောင် ပေးလိုက်သေးတယ်။ သူ့ အဖေကလည်း သူ့သား အားပေးတာ သဘောကျပြီး ပြုံးလို့ ရယ်လို့၊ မေးချင်တာတွေကို မေးချင်သလို ဆက်မေးနေတာပေ့ါ။ အောင်မိုးက သူ့အဖေ နားလည်အောင် ရှင်းပြတယ်.. ပျော်စရာကြီး။

အဲဒီအချိန်မှာပဲ ကျွန်တော့်ခေါင်းထဲမှာ အသိအမြင်တစ်ခု ဖြစ်သွားတယ်။ အောင်မိုးပြောပုံနဲ့ တွေးပုံမြင်ပုံက ရိုးရိုးလေးပါပဲ။ . ကောင်းလိုက်တာလို့ နားလည်သွားတယ်။ အောင်မိုးရဲ့  စိတ်နေသဘောကိုလည်း လေးစားမိတယ်။

တကယ်လို့သာ ကျွန်တော်တွေးမိသလို.. သွားစမ်းပါဗျာ.. အဖေကလည်း မသိရင် မသိသလိုနေစမ်းပါ.. ။ ၀င်မပြောစမ်းပါနဲ့လို့ ငေါက်လိုက် မာန်လိုက်ရင် အဖေဘယ်လောက်ရှက်ရှာမလဲ။ အခန်းထဲက ထွက်သွားရရင် ဘယ်လောက်စိတ်မကောင်း ဖြစ်လိုက်မလဲ။ သူ သင်ပေးလို့ တတ်တဲ့ ပညာနဲ့ သူ အငေါက်ခံနေရတာလေ။

ကျွန်တော့်အမှားကို ချက်ချင်းနားလည်လိုက်ပါပြီ။ ကျွန်တော့် အဖေပြောတဲ့ အမှားတွေဟာ တကယ်တော့ အောင်မိုး အဖေပြောတာလောက် မဆိုးပါဘူး။ အဖေသင်ပေးလို့ တတ်တဲ့ပညာနဲ့ အဖေ့ကို အထင်သေး စော်ကားနေခဲ့မိတာ ကျွန်တော်စိတ်မကောင်းဖြစ်ရတယ်။

“တောင်းပန်ပါတယ် အဖေ..”

စိတ်ထဲမှာတင် ပြောနေမိတာ။ ဒီကနေ အိမ်ပြန်ရောက်သွားရင် ကျွန်တော့်ဆက်ဆံရေးတွေ ပြောင်းတော့မယ်။ အဖေ့ကို အထင်သေး အမြင်သေး မပြောတော့ပါဘူး။ အဖေ့မေတ္တာကို ပြန်ရအောင် ယူတော့မယ်။

အဖေ အင်္ဂလိပ်အသံထွက်တွေ မှားပြောရင်လည်း..

“ပြော..အဖေ..ဘာမှမဖြစ်ဘူး.. လွတ်လွတ်လပ်လပ်သာ ပြော”

အောင်မိုးတို့ သားအဖကို လှမ်းကြည့်ရင်း ကျွန်တော့်စိတ်ထဲမှာ ပြောနေမိတာပါ။

လယ်တွင်းသားစောချစ်

Read More

4 minute human barrier (The Roger Bannister Effect)

တခေတ် တခါတုန်းက အားကစားပညာရှင်တွေနဲ့ သိပံ္ပပညာရှင်တွေ အကုန်လုံး လက်ခံထားတာတစ်ခုက လူသားဟာ ၄ မိနစ်နဲ့ တစ်မိုင် အကွာအဝေးကို မပြေးနိုင်ဘူး ဆိုတာပါပဲ။

နှစ်ပေါင်းထောင်ချီကြာအောင် ဘယ်လူသားမှ အဲဒီ စံချိန်ကို မရိုက်ချိုးနိုင်ခဲ့ကြဘူး။ ကျွမ်းကျင်ပညာရှင်တွေကလည်း အကယ်၍ ၄ မိနစ်နဲ့ တစ်မိုင်ကို အရောက်ပြေးနိုင်ခဲ့မယ် ဆိုရင် အဲဒီ လူသားရဲ့  ခန္ဓာကိုယ်ဟာ ဆိုးဆိုးရွားရွား ပျက်စီးသွားနိုင်တယ် ဆိုပြီး သက်သေ အမျိုးမျိုး ပြခဲ့ကြတယ်။ အဲဒီ အတွက် လူတိုင်းနီးပါးဟာလည်း လူသားဟာ လ ကမ္ဘာကိုသာ အရောက်သွားရင် သွားနိုင်လိမ့်မယ်။ ၄ မိနစ်အတွင်း တစ်မိုင် အရောက်ပြေးဖို့ဆိုတာ ဘယ်လိုမှ မဖြစ်နိုင်ဘူးဆိုတာ တညီတညွတ်ထဲ လက်ခံထားကြတယ်။

ဒါပေမဲ့ ၁၉၅၄ ခုနစ် မေလ ၆ ရက်နေ့မှာ ရော်ဂျာ ဘန်နီစတာ လို့ခေါ်တဲ့ ဆေးကျောင်းသား ကောင်လေးဟာ British AAA နဲ့ Oxford University တို့ပူပေါင်းကျင်းပတဲ့ အပြေးပြိုင်ပွဲမှာ ၃ မိနစ် ၅၉ စက္ကန့် နဲ့ တစ်မိုင်ကို အရောက် ပြေးနိုင်ခဲ့တယ်။ သူဟာ လူသားတွေ မလုပ်နိုင်လောက်ဘူး ဆိုတဲ့ ကိစ္စ တစ်ခုကို ပြောင်းပြန်လှန်ပြခဲ့တယ်။

ရော်ဂျာ ဘန်နီစတာ စံချိန်တင်ပြီးလို့ တစ်နှစ်အကြာမှာ လူပေါင်း ၂၄ ယောက်ခန့်ဟာ သူလိုပဲ ၄ မိနစ် အတွင်းမှာ ၁ မိုင်ကို အရောက်ပြေးနိုင်ခဲ့ပြီး သူ့စံချိန်ကို ရိုက်ချိုးနိုင်ခဲ့ကြတယ်။

သူ့ မတိုင်ခင် နှစ်ပေါင်း ထောင်ချီကြာအောင် မလုပ်နိုင်ခဲ့တဲ့ အလုပ်တစ်ခုကို သူလုပ်ပြပြီးတဲ့ အချိန်မှာ တခြားသူတွေ ဘာကြောင့် လိုက်လုပ်နိုင်ကြတာလဲ..။

အဲဒါကို 4 minute human barrier လူသားတွေပိုင်းခြားထားတဲ့ ၄ မိနစ် တံတိုင်း အရံအတား လို့လဲ ခေါ်ကြပါတယ်။ လူသားတွေ မလုပ်နိုင်လောက်ဘူး ဆိုတဲ့ အရာတစ်ခုကို လူသား တစ်ယောက်က လုပ်ပြ နိုင်လိုက်တဲ့ အချိန်မှာ ကျန်တဲ့ လူတွေမှာလည်း ငါတို့ လုပ်ရင် ဖြစ်နိုင်မှာပဲ ဆိုတဲ့ ယုံကြည်ချက် ရသွားလို့ပါတဲ့..။

ရော်ဂျာ ဘန်နီစတာဟာ ပြိုင်ပွဲမစတင်ခင်မှာ အပြေးလေ့ကျင့်ရင်း ခန္ဓာကိုယ်အတွက် ပြင်ဆင်သလို စိတ်ထဲကလည်း အကြိမ်ပေါင်းများစွာ ဒီစံချိန်ကို ကျော်ဖြတ်နိုင်တယ်ဆိုပြီး မြင်ယောင်ကြည့် ပါတယ်တဲ့..။

အဲဒီလို သူ့ကိုယ်သူ စိတ်ရော ကိုယ်ပါ ယုံကြည်လာတဲ့ အချိန်မှာ လူသားတွေ မလုပ်နိုင်ဘူးဆိုတဲ့ အရာကို ရိုက်ချိုးဖျက်ဆီးနိုင်ခဲ့တာပါ..။

အခုအချိန်ထိ အားကစားလောကနဲ့ သိပ္ပံပညာလောကမှာပါ The Roger Bannister Effect
ရော်ဂျာ ဘန်နီစတာ သက်ရောက်မှု ဆိုတဲ့ စကားတစ်ခု ပေါ်ပေါက်လာပြီး ကြီးစွာသော တိုးတက်ထွန်းကားမှုတွေ ဖြစ်ခဲ့ရပါတယ်တဲ့..။
ရော်ဂျာ ဘန်နီစတာ ဟာလည်း (Sir) ဆာဘွဲ့ အပါအဝင် တခြားဆုပေါင်း များစွာ ချီးမြှင့် ခံခဲ့ရပါတယ်။

ကျနော်တို့ဘဝမှာလဲ ကိုယ်တစ်ခါမှ မလုပ်ခဲ့ဘူးရင် ဒီဟာ ဖြစ်နိုင်ပါ့မလား ဆိုတဲ့ သံသယတွေ ရှိနေတတ်ကြပါတယ်။ အဲဒီ အတွက် ကိုယ်ကိုယ်ကို ယုံကြည်မှုတည်ဆောက်နိုင်ဖို့ အရမ်းအရေးကြီးပါတယ်။

ကိုယ်လုပ်မဲ့ ကိစ္စတစ်ခု အရမ်းခက်ခဲနေရင် အခု အပေါ်က ပြောခဲ့တဲ့ ရော်ဂျာ ဘန်နီစတာရဲ့  အကြောင်းလေး သတိရပြီး မိမိတို့လိုချင်တဲ့ ပန်းတိုင် အရောက်လှမ်းနိုင်ကြပါစေ။ ။

#ရဲမင်း #စိတ်အဟာရ ရသစာများ
What We Mortals Can Learn From the 4-Minute Mile ကို ဆီလျှော်အောင် ပြန်ဆိုပါသည်။

အိချောပို photo

မြန်မာမလေးများ photo

 မြန်မာမလေးများ video

ဝတ်မှုန်ရွှေရည် Photo

မေသက်ခိုင် photo

စိုးမြတ်သူဇာ photo

စန္ဒီမြင့်လွင် photo

ယုသန္တာတင် photo

 ခင်ဝင့်ဝါ photo

ဝတ်မှုံရွှေရည် Video

ခင်ဝင့်ဝါ video

အိချောပိုဗီဒီယို

လုလုအောင် ရဲ့ အမျိုးသား အားတိုးဆေး ကြော်ငြာ

အပျိုကြီးဖြစ်ရတဲ့အကြောင်းရင်း

အမျိုးသမီးအင်္ဂါကို မလုပ်သင့်သည့်အရာများ (ကျန်းမာရေးအတွက်အရေးကြီးပါသည်)

သင့်ရဲ. အမျိုးသားအဂါင်္ကို လုံးဝမလုပ်သင့်သည့် အချက် (၁၀) ချက် (ဒါတွေ လုပ်မိရင်တော့ ကိုယ့်ထိုက်နဲ့ ကိုယ်ကံပါပဲ)

သမီးဖြစ်သူကို လိမ်လည်သွားသူကိုကိုယ်တိုင်ထောက်လှမ်းခဲ့သောမိခင်

စိုးမြတ်နန္ဒာ ဖဲဝိုင်းတွင်အဖမ်းခံရ

နွယ်မြက်သစ်ပင်ဆေးဖက်ဝင်

Read More

ပန်းရောင် Lamborghini စီးရန် ဆန္ဒပြည့်ခဲ့သူ ကလေးငယ်

Emilia Palmer လို့အမည်ရတဲ့ အင်္ဂလန်နိုင်ငံ အသက် ၈ နှစ်အရွယ် ကလေးမလေး တစ်ဦးပါ။ ဘယ်သူမှ မဖြစ်တဲ့ အသဲနဲ့ ဆက်စပ် ရောဂါ တစ်မျိုး ဖြစ်ပွားပြီး တမလွန်ကို ခရီးသွားဖို့ သေချာနေပြီဖြစ်တဲ့ ကလေး မလေး တစ်ဦး ဖြစ်ပါတယ်။ သူမရဲ့  နောက်ဆုံး ဆန္ဒ တစ်ခုက ဘာလဲ လို့ မေးလိုက်တော့ ပန်းရောင် Lamborghini ပြိုင်ကားပေါ်မှာ တစ်ပတ် လိုက်စီးရရင် တော်ပါပြီတဲ့။

သူ့ဆန္ဒ ပြည့်အောင် ဖြည့်ဆည်းပေးလိုက်သူများကတော့ Rays of Sunshine လို့ အမည်ရတဲ့ ဗြိတိန်အခြေဆိုက် ပရဟိတ အဖွဲ့တစ်ခု ဖြစ် ပါတယ်။ Make A Wish Foundation အဖွဲ့လိုပဲ ကုမရနိုင်တဲ့ ရောဂါ အမျိုးမျိုးကြောင့် ကွယ်လွန်တော့မယ့် ကလေးငယ်များကို ဆန္ဒ လိုက်လံ ဖြည့်ဆည်းပေးနေတဲ့ အဖွဲ့အစည်း တစ်ခု ဖြစ်ပါတယ်။ Rays of Sunshine က ယင်းဆန္ဒကို ဖြည့်ဆည်းပေး ဖို့အတွက် ကားတစ်စီး လှူဒါန်းမှုကို လက်ခံ ရရှိခဲ့ ပါတယ်။ ကားကို ရရှိတုန်းက Lamborghini Aventador အဖြူရောင်ပါ။ ဒီတော့ ပန်းရောင် ဖြစ်အောင် ဝေပ်ရှော့ တစ်ခုမှာ ပြန်လည် ဆေးမှုတ် ပြင်ဆင်ရပါသေးတယ်။

ပြီးတာနဲ့ ကလေးငယ်လေးရဲ့  အိမ်ကို သွားပြီး ကားတစ်ပတ်လိုက်စီး ဖို့ ခေါ်ခဲ့ပါတယ်။ ဒီတော့ ငွေကုန်ကြေးကျ အကုန်ခံပြီး အလုပ်မရှိ လုပ်နေ တယ်လို့ အချို့ က စဉ်းစားပါလိမ့်မယ်။ အမှန်ကတော့ ဒီလို အသက် မသေသင့်ပဲနဲ့ သေဆုံးရမယ့် ကလေးငယ်များ၊ လူသားများကို ကမ္ဘာက ပိုမိုအာရုံစိုက်လာရန်လည်း ပါဝင်ပါတယ်။ သူတို့လေးအတွက် လိုအပ်ချက်က လက်ဆောင်ပစ္စည်းမဟုတ်ပါဘူး။ အမှန်တကယ်က ဆေးဝါးနှင့် ကုသမှု နည်းပညာ ဖြစ်ပါတယ်။ ဒါကို တစ်ကမ္ဘာလုံးက သိရှိလာပြီး စာနာ သနားမှု စိတ်ဓာတ် အပြည့်နဲ့ လှူဒါန်းမှုများ၊ ဖြေဆေး ရှာဖွေဖော်ထုတ်မှု များ ဖြစ်ပေါ် လာစေရန် ဖြစ်ပါတယ်။

Lamborghini Aventador ပန်းရောင်ပေါ်မှာ ပျော်ရွှင်နေတဲ့ ကလေးရဲ့  ဟန်ပန်အမူအရာများကို အောက်ပါ ဗီဒီယိုမှာ လေ့လာ နိုင်ပါတယ်။
.
http://youtu.be/G2XqNMuY0qY

အောင်ခမ်း ( ရိုးရာလေး )

http://www.yoyarlay.com/international-news/europe/38652-lamborghini-pink-is-for-girl

Read More