ဒုက္ခသည်စခန်းတွေမှာ ရာဇ၀တ်မှု ရှောင်ရှားကြဖို့ အာဆာ ပြော

ARSA အဖွဲ့ဝင်တွေကို တွေ့ရစဉ် / Photo: ARSA Twitter

ရခိုင်ပြည်နယ် ပဋိပက္ခတွေအတွင်း ဘင်္ဂလားဒေ့ရ်ှနိုင်ငံကို ထွက်ပြေးသွားခဲ့ကြတဲ့ မွတ်ဆလင်တွေ ခိုလှုံရာ ဒုက္ခသည်စခန်းတွေမှာ ရာဇ၀တ်မှုတွေ ရှောင်ရှားကြဖို့ အာဆာအဖွဲ့က သူ့ရဲ့အဖွဲ့ဝင်တွေကို တိုက်တွန်းလိုက်ကြောင်း ရိုက်တာသတင်းက ဖေါ်ပြပါတယ်။

ပြီးခဲ့တဲ့ သတင်းပတ်တွေအတွင်း ဘင်္ဂလားဒေ့ရှ် ဒုက္ခသည်စခန်းတွေမှာ အာဆာအဖွဲ့ဝင်တွေက လူသတ်မှုတွေ၊ ပြန်ပေးဆွဲမှုတွေ ကျူးလွန်နေတယ်ဆိုတဲ့ သတင်းတွေ ပေါ်ထွက်လာခဲ့ပြီးတဲ့နောက် အာဆာ က တိုက်တွန်း ပြောဆိုလိုက်တာပါ။

အဲဒီလုပ်ရပ်တွေ ကျူးလွန်သူတွေဟာ ဘင်္ဂလားဒေ့ရ်ှအစိုးရကို ဆန့်ကျင်နေရုံသာမက၊ သူတို့ကျုးလွန်ခဲ့တဲ့ ရာဇ၀တ်မှုတွေအတွက် အာဆာအဖွဲ့အပေါ် တာဝန်ရှိရာရောက်သွားစေကြောင်း၊ သူတို့လုပ်ရပ်တွေကြောင့် ကမ္ဘာ့အလယ်မှာ အာဆာအဖွဲ့တခုလုံး ဂုဏ်သိက္ခာ ထိခိုက်ရကြောင်း၊ အာဆာအနေနဲ့ မိမိတို့ရဲ့ တရားဝင် အခွင့်အရေးတွေအတွက် မြန်မာအကြမ်းဖက်အစိုးရနဲ့ လူမျိုးဖြုတ် စစ်တပ်ကို ဆက်လက်ဆန့်ကျင်သွား မှာဖြစ်ကြောင်း တွစ်တာ လူမှုကွန်ရက်မှာ ဗီဒီယိုကတဆင့် ပြောဆိုခဲ့ပါတယ်။

ရခိုင်ပြည်နယ်မှာ ၂၀၁၆ ခုနှစ်က ဘင်္ဂလားဒေ့ရ်ှနယ်စပ်မှာရှိတဲ့ နယ်ခြားစောင့်တပ်စခန်းတွေကို ၀င်ရောက် တိုက်ခိုက်ခဲ့ရာက အာဆာကို လူသိများလာခဲ့ပြီး၊ မြန်မာအစိုးရကလည်း အာဆာကို အကြမ်းဖက်အဖွဲ့အဖြစ် သတ်မှတ်ခဲ့ပါတယ်။

RFA Burmese
https://www.rfa.org/burmese

Read More

နယ်ခြားစောင့် ရဲတပ်ဖွဲ့ မော်တော်ယာဉ်အား ARSA အကြမ်းဖက် အဖွဲ့က ချောင်းမြောင်း ပစ်ခတ်

မောင်တောမြို့နယ်၌ နယ်ခြားစောင့် ရဲတပ်ဖွဲ့ဝင် လိုက်ပါလာသော မော်တော်ယာဉ်အား ARSA အကြမ်းဖက် အဖွဲ့က ချောင်းမြောင်း ပစ်ခတ်၊ ၆ ဦးဒဏ်ရာရရှိ / ရခိုင်ပြည်နယ် မောင်တောမြို့နယ်၌ နယ်ခြားစောင့် ရဲတပ်ဖွဲ့ဝင်များ လိုက်ပါလာသော မော်တော်ယာဉ်အား ARSA အကြမ်းဖက် အဖွဲ့က ဇန်န၀ါရီ ၁၆ ရက် မွန်းလွဲပိုင်းက လက်နက်ငယ်များဖြင့် ချောင်းမြောင်းပစ်ခတ်သဖြင့် ရဲတပ်ဖွဲ့ဝင် ၆ ဦး ဒဏ်ရာရရှိခဲ့ကြောင်း သိရှိရသည်။

ဖြစ်စဉ်မှာ အမှတ် (၂) နယ်ခြားစောင့် ရဲကွပ်ကဲမှုဌာနချုပ်မှ ရဲတပ်ဖွဲ့ဝင်များ လိုက်ပါလာသော မော်တော်ယာဉ်အား ဇန်န၀ါရီ ၁၆ ရက် မွန်းလွဲ ၁ နာရီ ၅ မိနစ်ခန့်တွင် မောင်တောမြို့နယ် ၀က်ကျိန်းကျေးရွာ တံတားအနီး၌ ARSA အကြမ်းဖက်အဖွဲ့ အင်အား ၁၀ ဦးခန့်က လက်နက်ငယ်များဖြင့် ချောင်းမြောင်းပစ်ခတ်ခဲ့ခြင်း ဖြစ်ကြောင်း၊ ဒဏ်ရာရရှိသူများအား တပ်မတော်ဆေးရုံ (ဘူးသီးတောင်) သို့ ပို့ဆောင်၍ ကုသမှုခံယူစေလျက် ရှိကြောင်းသိရသည်။

ဖြစ်စဉ်နှင့် ပတ်သက်၍ ရရှိသော အထောက်အထားများအရ ယခုဖြစ်စဉ်မှာ ARSA အကြမ်းဖက်အဖွဲ့က လုပ်ဆောင်ခဲ့ခြင်းဖြစ်ပြီး ARSA အကြမ်းဖက်အဖွဲ့သည် မေယုတောင်တန်း၏ အနောက်ဘက်ခြမ်းတွင် လည်းကောင်း ၊ AA သောင်းကျန်းသူ အဖွဲ့သည် မေယုတောင်တန်း၏ အရှေ့ဘက်ခြမ်းတွင် လည်းကောင်း နှစ်ဖွဲ့ ညှိနှိုင်းချက်ဖြင့် နယ်မြေပိုင်းခြား လှုပ်ရှားနေခြင်း ဖြစ်နိုင်သည်ဟု မြန်မာနိုင်ငံ ရဲတပ်ဖွဲ့က သုံးသပ်ထားကြောင်း သိရသည်။

MOI Webportal Myanmar

Unicode

မောင်တောမြို့နယ်၌ နယ်ခြားစောင့် ရဲတပ်ဖွဲ့ဝင် လိုက်ပါလာသော မော်တော်ယာဉ်အား ARSA အကြမ်းဖက် အဖွဲ့က ချောင်းမြောင်း ပစ်ခတ်၊ ၆ ဦးဒဏ်ရာရရှိ / ရခိုင်ပြည်နယ် မောင်တောမြို့နယ်၌ နယ်ခြားစောင့် ရဲတပ်ဖွဲ့ဝင်များ လိုက်ပါလာသော မော်တော်ယာဉ်အား ARSA အကြမ်းဖက် အဖွဲ့က ဇန်နဝါရီ ၁၆ ရက် မွန်းလွဲပိုင်းက လက်နက်ငယ်များဖြင့် ချောင်းမြောင်းပစ်ခတ်သဖြင့် ရဲတပ်ဖွဲ့ဝင် ၆ ဦး ဒဏ်ရာရရှိခဲ့ကြောင်း သိရှိရသည်။

ဖြစ်စဉ်မှာ အမှတ် (၂) နယ်ခြားစောင့် ရဲကွပ်ကဲမှုဌာနချုပ်မှ ရဲတပ်ဖွဲ့ဝင်များ လိုက်ပါလာသော မော်တော်ယာဉ်အား ဇန်နဝါရီ ၁၆ ရက် မွန်းလွဲ ၁ နာရီ ၅ မိနစ်ခန့်တွင် မောင်တောမြို့နယ် ဝက်ကျိန်းကျေးရွာ တံတားအနီး၌ ARSA အကြမ်းဖက်အဖွဲ့ အင်အား ၁၀ ဦးခန့်က လက်နက်ငယ်များဖြင့် ချောင်းမြောင်းပစ်ခတ်ခဲ့ခြင်း ဖြစ်ကြောင်း၊ ဒဏ်ရာရရှိသူများအား တပ်မတော်ဆေးရုံ (ဘူးသီးတောင်) သို့ ပို့ဆောင်၍ ကုသမှုခံယူစေလျက် ရှိကြောင်းသိရသည်။

ဖြစ်စဉ်နှင့် ပတ်သက်၍ ရရှိသော အထောက်အထားများအရ ယခုဖြစ်စဉ်မှာ ARSA အကြမ်းဖက်အဖွဲ့က လုပ်ဆောင်ခဲ့ခြင်းဖြစ်ပြီး ARSA အကြမ်းဖက်အဖွဲ့သည် မေယုတောင်တန်း၏ အနောက်ဘက်ခြမ်းတွင် လည်းကောင်း ၊ AA သောင်းကျန်းသူ အဖွဲ့သည် မေယုတောင်တန်း၏ အရှေ့ဘက်ခြမ်းတွင် လည်းကောင်း နှစ်ဖွဲ့ ညှိနှိုင်းချက်ဖြင့် နယ်မြေပိုင်းခြား လှုပ်ရှားနေခြင်း ဖြစ်နိုင်သည်ဟု မြန်မာနိုင်ငံ ရဲတပ်ဖွဲ့က သုံးသပ်ထားကြောင်း သိရသည်။

MOI Webportal Myanmar

Read More

ဟိန္ဒူတွေကို ARSA သတ်ဖြတ်မှု AI ဆက်လက်အတည်ပြု

journalist in Maungdaw where the 45 Hindu corpses buried (တပ်မတော်ကာကွယ်ရေးဦးစီးချုပ်ရုံး)

ရခိုင်ပြည်နယ်မြောက်ပိုင်း မောင်တောဒေသမှာ ဟိန္ဒူဘာသာဝင်တွေ အစုလိုက်အပြုံလိုက်သတ်ဖြတ်ခံရမှုအပေါ် AI နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးရဲ့ အစီရင်ခံစာနဲ့ပတ်သက်လို့ သူတို့ သတ်ဖြတ်ခဲ့တာမဟုတ်ကြောင်း ARSA ရိုဟင်ဂျာအကြမ်းဖက်အဖွဲ့က ပြန်လည်ငြင်းဆိုတဲ့ ကြေညာချက်ကို မနေ့ သောကြာနေ့က ထုတ်ပြန်လိုက်ပါတယ်။ AI ကတော့ သူတို့ရဲ့အစီရင်ခံစာအပေါ် အခိုင်အမာ ရပ်တည်ပြီး ARSA ရဲ့တုံ့ပြန်ချက်ဟာ မြန်မာစစ်တပ်က တုံ့ပြန်တဲ့ပုံစံအတိုင်း ဖြစ်နေတယ်လို့ ပြောဆိုလိုက်ပါတယ်။ စုံစမ်းမေးမြန်းထားတဲ့ မအင်ကြင်းနိုင်က အပြည့်အစုံ တင်ပြပေးထားပါတယ်။

AI လူ့အခွင့်အရေးအဖွဲ့ကြီးကတော့ သူတို့ရဲ့ အစီရင်ခံစာအပေါ် အခိုင်အမာရပ်တည်ကြောင်းနဲ့ ARSA အကြမ်းဖက်အဖွဲ့ရဲ့ အခုလို ငြင်းဆို တုံ့ပြန်ချက်ဟာ မြန်မာစစ်တပ်လိုပဲ တဖက်သတ်ငြင်းဆိုတဲ့ ပုံစံမျိုးဖြစ်နေကြောင်း AI အစီရင်ခံစာကို ပြုစုရေးသားခဲ့သူတဦးဖြစ်တဲ့ Matthew Wells က ဗွီအိုအေကိုပြောပါတယ်။

“ရခိုင်ပြည်နယ်မြောက်ပိုင်းမှာ ဟိန္ဒူ အမျိုးသား၊ အမျိုးသမီးနဲ့ကလေးတွေ သတ်ဖြတ်ခဲ့တဲ့ လုပ်ရပ်နဲ့ ပတ်သက်လို့ ဒီကနေ့ ARSA ရဲ့ ငြင်းဆိုချက်ဟာ ပြီးခဲ့တဲ့နှစ် သြဂုတ်လ ၂၅ ရက်ကစပြီး နောက်ပိုင်း ရိုဟင်ဂျာတွေကို ညှင်းပန်းနှိပ်စက်သတ်ဖြတ်ခံရမှုကို မြန်မာ စစ်တပ်က ငြင်းဆိုသလိုမျိုး ပုံစံတူနေတာကို စိတ်မကောင်းဖြစ်ရပါတယ်။ အခုချိန်မှာ လိုအပ်နေတာက ရခိုင်ပြည်နယ်မြောက်ပိုင်းမှာ နှစ်ဘက်စလုံး ကျူးလွန်တဲ့ ရာဇ၀တ်ပြစ်မှုတွေအတွက် တာဝန်ရှိသူအားလုံးကို တရားစီရင်ပြီး အပြစ်ပေးအရေးယူနိုင်ဖို့ လွတ်လပ်ပြီး ယုံကြည်စိတ်ချရတဲ့ နိုင်ငံတကာစုံစမ်းစစ်ဆေးရေးအဖွဲ့ သွားရောက် စုံစမ်းခွင့်ပေးဖို့ဖြစ်ပါတယ်။”

ဒါပေမယ့် မေလ ၂၅ ရက်နေ့ရက်စွဲနဲ့ ARSA အကြမ်းဖက်အဖွဲ့ ခေါင်းဆောင် Ata Ullah က လက်မှတ်ရေးထိုးပြီး သူတို့ရဲ့ twitter အကောင့်မှာ ထုတ်ပြန်ထားတဲ့ ကြေညာချက်ထဲမှာတော့ AI အစီရင်ခံစာပါအချက်တွေဟာ မှန်ကန်မှုမရှိတဲ့ စွပ်စွဲချက်တွေသာဖြစ်တယ်လို့ ဖေါ်ပြထားပါတယ်။ ရိုဟင်ဂျာတွေကို တိုက်ခိုက်မှုမရှိတဲ့ ဟိန္ဒူတွေကို ရိုဟင်ဂျာတွေက သတ်ဖြတ်ခဲ့တယ်ဆိုတဲ့ စွပ်စွဲချက်မျိုးဟာ ကျိုးကြောင်း ခိုင်လုံမှုမရှိဘူးလို့လည်း အဲဒီကြေညာချက်မှာဖေါ်ပြထားပါတယ်။

ဒါ့အပြင် ARSA အပေါ် စွပ်စွဲချက်တွေ မှန်ကန်ကြောင်း သက်သေပြဖို့ AI အဖွဲ့အနေနဲ့ သူတို့ရဲ့ မျက်မြင်သက်သေတွေ၊ အထောက်အထား၊ အချက်အလက်တွေကို နိုင်ငံတကာ စုံစမ်းစစ်ဆေးရေးအဖွဲ့တွေဆီကိုလည်း တင်ပြခွင့်ပေးသင့်ကြောင်း ကြေညာချက်က ဆိုပါတယ်။ ရခိုင်ပြည်နယ်မြောက်ပိုင်းမှာ ARSA ပဲဖြစ်ဖြစ်၊ မြန်မာစစ်တပ်ပဲဖြစ်ဖြစ်၊ ရခိုင်အစွန်းရောက်တွေပဲဖြစ်ဖြစ် ပြစ်မှုကျူးလွန်ခဲ့တယ်ဆိုတဲ့ စွပ်စွဲချက်တွေကို စုံစမ်းစစ်ဆေးဖို့အတွက် လွတ်လပ်ပြီး ယုံကြည်စိတ်ချရတဲ့ နိုင်ငံတကာစုံစမ်းစစ်ဆေးရေးအဖွဲ့တွေကို သူတို့ဘက်က ပေါင်းဆောင်ရွက်ဖို့ အမြဲတမ်းအဆင်သင့်ရှိနေကြောင်းလည်း ရေးသားထားပါတယ်။

Matthew Wells ဟာ AI အစီရင်ခံစာအတွက် သူကိုယ်တိုင် ဘင်္ဂလားဒေ့ရ်ှနဲ့မြန်မာ နှစ်နိုင်ငံလုံးကို သွားရောက်ပြီး မျက်မြင်သက်သေတွေကို တွေ့ဆုံမေးမြန်းခဲ့တာပါ။ ဒါကြောင့် ARSA ရိုဟင်ဂျာအကြမ်းဖက်အဖွဲ့ကိုရော တွေ့ဆုံမေးမြန်းခွင့်ရခဲ့ပါသလားဆိုတဲ့ ဗွီအိုအေရဲ့ အမေးကိုတော့ သူကအခုလို တုံ့ပြန်ခဲ့ပါတယ်။

“ARSA အဖွဲ့နဲ့ တိုက်ရိုက် တွေ့ဆုံမေးမြန်းနိုင်ဖို့ ကျနော်တို့ အကြိမ်များစွာကြိုးပမ်းခဲ့ပါတယ်။ ဒါပေမယ့် အခုချိန်ထိ ကျနော်တို့ကို တုံ့ပြန် ဖြေဆိုခြင်း မရှိသေးပါဘူး။ ကျနော်တို့ရဲ့ တွေ့ရှိချက်တွေကိုလည်း သူတို့ဆီ တိုက်ရိုက်ပို့ပေးဖို့ အဆင့်သင့်ရှိနေပါတယ်။ မြန်မာနဲ့ ဘင်္ဂလား ဒေ့ရှ် နှစ်ဘက်လုံးမှာရှိတဲ့ ကျနော်တို့ ပြုစုခဲ့တဲ့အချက်အလက်တွေအရ ခမောင်းဆိပ်ရွာကိုဝင်ပြီးဝိုင်းတာ၊ ဟိန္ဒူတွေကို အစုလိုက်အပြုံလိုက် သတ်ဖြတ်တာ၊ အမျိုးသမီးတွေကို ဘင်္ဂလားဒေ့ရ်ှဘက် ပြန်ပေးဆွဲသွားတာ စတဲ့ပြစ်မှုကျူးလွန်မှုတွေမှာ ARSA တိုက်ခိုက်ရေးသမားတွေမှာ တာဝန်ရှိနေတယ်ဆိုတာ ရှင်းရှင်းလင်းလင်းဖေါ်ပြနေတာပါ။”

ပြီးခဲ့တဲ့နှစ် သြဂုတ်လ ၂၅ ရက်နေ့က မောင်တောဒေသမှာရှိတဲ့ လုံခြုံရေးစခန်းတွေကို ARSA ရိုဟင်ဂျာအကြမ်းဖက်အဖွဲ့ ၀င်ရောက် တိုက်ခိုက်ပြီးနောက် အဲဒီနေ့မှာပဲ ခမောင်းဆိပ်ဆိုတဲ့ ဟိန္ဒူဘာသာဝင်အများစု နေထိုင်တဲ့ရွာကို ၀င်ရောက်ပြီး အမျိုးသား၊ အမျိုးသမီးနဲ့ ကလေး စုစုပေါင်း ၁၀၀ နီးပါးကို အစုလိုက်အပြုံလိုက်သတ်ဖြတ်ခဲ့တယ်လို့ AI အဖွဲ့ရဲ့ အစီရင်ခံစာမှာ ဖေါ်ပြထားတာပါ။ ဒီအတွက်လည်း ရာနဲ့ချီတဲ့ မျက်မြင်သက်သေတွေကို တွေ့ဆုံမေးမြန်းခဲ့ကြောင်း အစီရင်ခံစာက ဆိုပါတယ်။ အခုလို AI အဖွဲ့ကြီးရဲ့ အစီရင်ခံစာ ဖေါ်ထုတ် ချက်ကို ကြိုဆိုကြောင်း တပ်မတော်ကာကွယ်ရေး ဦးစီးချုပ်ရုံးကလည်း မေလ ၂၄ ရက်နေ့ရက်စွဲနဲ့ ကြေညာချက်ထုတ်ပြန်ခဲ့သလို မြန်မာ အစိုးရပိုင် သတင်းဌာနတွေမှာလည်း AI အစီရင်ခံစာ သတင်းတွေကို အကျယ်တ၀င့် ဖေါ်ပြခဲ့ပါတယ်။ ဒါနဲ့ပတ်သက်လို့ AI အဖွဲ့ရဲ့ အမြင်ဘယ်လိုရှိပါသလဲလို့ Matthew Wells ကိုမေးကြည့်ပါတယ်။

“ဟိန္ဒူတွေ အစုလိုက်အပြုံလိုက်သတ်ဖြတ်ခံရမှု AI ရဲ့အစီရင်ခံစာအပေါ် မြန်မာအာဏာပိုင်တွေဘက်က တုံ့ပြန်ချက်ဟာ လုံးဝ မရိုးသား ပါဘူး။ အဓိကအချက်ကတော့ ရခိုင်ပြည်နယ်မြောက်ပိုင်း ၀င်ရောက်စုံစမ်းခွင့်ကို မြန်မာအာဏာပိုင်တွေက ပိတ်ပင်ထားခဲ့တာပါ။ အဲဒါ ကြောင့်လည်း ဟိန္ဒူတွေ အစုလိုက်အပြုံလိုက်သတ်ခံရမှုကို စုံစမ်းစစ်ဆေးရာမှာ ကျနော်တို့ အလွန်ကို ခက်ခဲခဲ့ပါတယ်။ ရခိုင်ပြည်နယ် မြောက်ပိုင်းမှာ ဘာတွေဖြစ်ခဲ့သလဲဆိုတဲ့ အဖြစ်အပျက်အားလုံးအတွက် အမှန်တရားကို အာဏာပိုင်တွေဘက်ကလိုလားတယ်ဆိုရင် သူတို့အနေနဲ့ AI အပါအ၀င် ကုလသမဂ္ဂ အချက်အလက်ရှာဖွေရေးအဖွဲ့ စတဲ့ လွတ်လပ်တဲ့စုံစမ်းစစ်ဆေးရေးအဖွဲ့တွေကို ၀င်ရောက်ခွင့် ပြုရမှာဖြစ်ပါတယ်။ နောက်ပြီး မြန်မာစစ်တပ်အပါအ၀င် အခြားသူတွေ ကျူးလွန်ခဲ့တဲ့ ပြစ်မှုအားလုံးအတွက် ကျနော်တို့ကို လွတ်လွတ် လပ်လပ် စုံစမ်းစစ်ဆေးခွင့်ပြုရမှာပါ။ ရိုဟင်ဂျာတွေအပေါ် မြန်မာစစ်တပ်ရဲ့ ဖိနှိပ်မှုဟာ လူသားမျိုးနွယ်အပေါ် ကျူးလွန်တဲ့ပြစ်မှု မြောက်တယ်ဆိုတာ ကျနော်တို့ သိပါတယ်။”

၂၀၁၇ခုနှစ် သြဂုတ်လနောက်ပိုင်း ရခိုင်ပြည်နယ်မြောက်ပိုင်းမှာ မြန်မာလုံခြုံရေးတပ်တွေရဲ့ အင်အားသုံးနယ်မြေရှင်းလင်းမှုကြောင့် အိမ်နီးချင်း ဘင်္ဂလားဒေ့ရ်ှဘက်ကို ထွက်ပြေးလာတဲ့ ရိုဟင်ဂျာဒုက္ခသည် ၇ သိန်းနီးပါးရှိခဲ့တာပါ။ ဒီအခြေအနေကို လူမျိုးစုအလိုက် ရှင်းလင်း ဖယ်ရှားမှုအဖြစ် ကုလသမဂ္ဂက ခေါ်ဝေါ်ခဲ့ပေမယ့် မြန်မာအစိုးရကတော့ ငြင်းဆိုထားသလို မြန်မာစစ်တပ်ရဲ့ သတ်ဖြတ်မှု၊ အတင်းအဓမ္မ ပြုကျင့်မှု စတဲ့ ဘင်္ဂလားဒေ့ရှ် စခန်းတွေမှာရှိနေတဲ့ ဒုက္ခသည်တွေရဲ့ ထွက်ဆိုချက်တွေကိုလည်း ငြင်းပယ်ထားပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
https://burmese.voanews.com

Read More

AI အစီအရင်ခံစာပါ လူသတ်မှုများကို ARSA ငြင်းဆို

အာရကန်ရိုဟင်ဂျာကယ်တင်ရေးတပ် ARSA အဖွဲ့ဝင်တွေကို တွေ့ရစဉ်/ Photo Courtesy: Amnesty International

၂ဝ၁၆ စက်တင်ဘာလ ရခိုင်ပြည်နယ်မြောက်ပိုင်း ပဋိပက္ခတွေအတွင်း အာရကန်ရိုဟင်ဂျာ ကယ်တင်ရေးတပ် ARSA အဖွဲ့ဝင်တွေက ဟိန္ဒူဘာသာဝင် ၉၉ ဦးကို အစုလိုက်အပြုံလိုက် သတ်ဖြတ်ခဲ့ကြောင်း မေလ ၂၂ ရက်နေ့က ထုတ်ပြန်ခဲ့တဲ့ အပြည်ပြည်ဆိုင်ရာ လွတ်ငြိမ်ချမ်းသာခွင့်အဖွဲ့ကြီး AI ရဲ့ အစီအရင်ခံစာပါ အချက်တွေကို ငြင်းဆိုကြောင်း ARSA အဖွဲ့က ဒီနေ့ ကြေညာချက်ထုတ်ပြန် ပြောကြားလိုက်ပါတယ်။

ARSA အဖွဲ့ရဲ့ ရည်ရွယ်ချက်ဟာ ရခိုင်ပြည်နယ်က ရိုဟင်ဂျာမွတ်စလင်တွေကို ကာကွယ်စောင့်ရှောက်ဖို့နဲ့ အကာကွယ်ပေးဖို့သာဖြစ်ကြောင်းလည်း ကြေညာချက်မှာ ဖော်ပြထားပါတယ်။

AI အဖွဲ့အစီအရင်ခံစာမှာ  စုံစမ်းစစ်ဆေးချက် အသစ်တွေအရ မောင်တောမြို့နယ် မြောက်ပိုင်း၊ ခမောင်းဆိပ်ကျေး ရွာမှာ ကလေးငယ်တွေ အများစုပါဝင်တဲ့ ဟိန္ဒူဘာသာဝင် ၅၃ ဦး အစုလိုက် အပြုံလိုက် သတ်ဖြတ်ခံခဲ့ရတယ်ဆိုတာ အတည်ပြုနိုင်ခဲ့ပါတယ်။ ARSA အဖွဲ့ဝင်တွေအနေနဲ့ ဟိန္ဒူကလေး၊ အမျိုးသမီးနဲ့ အမျိုးသားတွေကို ရွာအပြင်ထုတ် ရက်ရက်စက်စက် မသတ်ဖြတ်ခင် ဖမ်းဆီးချုပ်နှောင် ခြိမ်းခြောက်ခဲ့ကြောင်း၊ အမျိုးသားတွေကို သတ်ပြီး အမျိုးသမီး တချို့ကို အတင်းကြပ် အစ္စလာမ်ဘာသာကို ကူးပြောင်းခိုင်းပြီး ခေါ်ဆောင်သွားကြောင်းလည်း အစီရင်ခံစာမှာ ဖော်ပြထားပါတယ်။

RFA Burmese
https://www.rfa.org/burmese

Read More

ARSA က လူအစုလိုက်အပြုံလိုက် သတ်ဖြတ်ခဲ့ကြောင်း AI ထုတ်ပြန်

အာရကန်ရိုဟင်ဂျာကယ်တင်ရေးတပ် ARSA အဖွဲ့ဝင်တွေကို တွေ့ရစဉ်/ Photo Courtesy: Amnesty International

ရခိုင်ပြည်နယ်မြောက်ပိုင်း ဘူးသီးတောင်နဲ့ မောင်တောမြို့နယ်တွေမှာ မနှစ်က အကြမ်းဖက် ပဋိပက္ခတွေ ဖြစ်ပွား ခဲ့စဉ်အတွင်း ရိုဟင်ဂျာမွတ်စလင် စစ်သွေးကြွတွေက ဟိန္ဒူကျေးရွာတွေကို တိုက်ခိုက်ခဲ့ပြီး၊ ကလေးသူငယ်တွေ အပါအဝင် လူပေါင်း ၉၉ ဦးကို အစုလိုက်အပြုံလိုက် သတ်ဖြတ်ခဲ့တယ်လို့ AI ခေါ် နိုင်ငံတကာ လွတ်ငြိမ်း ချမ်းသာခွင့် အဖွဲ့က ဒီကနေ့ အစီရင်ခံစာ ထုတ်ပြန်ပါတယ်။

အာရကန် ရိုဟင်ဂျာကယ်တင်ရေးတပ် ARSA လို့ အမည်ပေးထားတဲ့ ရိုဟင်ဂျာ စစ်သွေးကြွအဖွဲ့ဝင်တွေဟာ အစိုးရ နယ်ခြားစောင့် ရဲကင်းစခန်း ၃ဝ ကျော်ကို တပြိုင်နက် ၀င်ရောက်တိုက်ခိုက်ခဲ့တဲ့ ၂၀၁၇ ခုနှစ် သြဂုတ်လ ၂၅ ရက်နေ့ မှာပဲ၊ အနောက်ခမောင်းဆိတ်၊ ရဲဘော်ကျနဲ့ မြို့သူကြီးကျေးရွာတွေကို တိုက်ခိုက်ခဲ့ပြီး ဟိန္ဒူဘာသာဝင်တွေကို အပြစ်ပေးသတ်ဖြတ်တဲ့ ပုံစံနဲ့ အစုလိုက်အပြုံလိုက် သတ်ဖြတ်ခဲ့တာလို့ အစီအရင်ခံစာမှာ အသေးစိတ်ဖော်ပြ ထားပါတယ်။

ပြီးခဲ့တဲ့ ၂ဝ၁၇ စက်တင်ဘာလမှာ သတင်းထောက်တွေကို မြန်မာ့တပ်မတော်က ခေါ်ဆောင်ပြီး အစုလိုက် အပြုံလိုက် မြှုပ်နှံထားတဲ့ ဟိန္ဒူအလောင်းတွေကို ပြသခဲ့ပါတယ်။ ဒါပေမဲ့ ARSA အကြမ်းဖက်အဖွဲ့က သူတို့ လက်ချက် မဟုတ်ကြောင်း အဲဒီအချိန်က ငြင်းဆိုခဲ့ပါတယ်။ ဒါပေမဲ့ နိုင်ငံတကာ လွတ်ငြိမ်းချမ်းသာခွင့်အဖွဲ့ရဲ့ စုံစမ်းစစ်ဆေးချက်အသစ်တွေအရ မောင်တောမြို့နယ် မြောက်ပိုင်း၊ ခမောင်းဆိပ်ကျေးရွာမှာ ကလေးငယ်တွေ အများစုပါဝင်တဲ့ ဟိန္ဒူဘာသာဝင် ၅၃ ဦး အစုလိုက်အပြုံလိုက် သတ်ဖြတ်ခံခဲ့ရတယ်ဆိုတာ အတည်ပြုနိုင်ခဲ့ပါတယ်။ ARSA အဖွဲ့ဝင်တွေ အနေနဲ့ ဟိန္ဒူကလေး၊ အမျိုးသမီးနဲ့ အမျိုးသားတွေကို ရွာအပြင်ထုတ် ရက်ရက်စက်စက် မသတ်ဖြတ်ခင် ဖမ်းဆီးချုပ်နှောင် ခြိမ်းခြောက်ခဲ့ကြောင်း၊ အမျိုးသားတွေကို သတ်ပြီး အမျိုးသမီးတချို့ကို အတင်း ကြပ် အစ္စလာမ်ဘာသာကို ကူးပြောင်းခိုင်းပြီး ခေါ်ဆောင်သွားကြောင်းလည်း အစီရင်ခံစာမှာ ဖော်ပြထားပါတယ်။

ဒါ့ပြင် အဲဒီ ၂၀၁၇ ခုနှစ် သြဂုတ်လ ၂၅ ရက်နေ့မှာပဲ၊ ခမောင်းဆိပ်ရွာအနီးက ရဲဘော်ကျရွာမှာလည်း ဟိန္ဒူ အမျိုးသား၊ အမျိုးသမီးနဲ့ ကလေးငယ် စုစုပေါင်း ၄၆ ယောက် ပျောက်ဆုံးသွားခဲ့ပါတယ်။ ဒေသခံ ဟိန္ဒူတွေကတော့ အဲဒီပျောက်ဆုံးသွားသူတွေကို ARSA အကြမ်းဖက်အဖွဲ့က သတ်ဖြတ်လိုက်ပြီလို့ ယုံကြည်နေကြတယ်လို့ သိရပါတယ်။

လောလောဆယ် ရိုဟင်ဂျာ ဒုက္ခသည်ပြဿနာနဲ့ပတ်သက်ပြီး မြန်မာနိုင်ငံဟာ နိုင်ငံတကာရဲ့ ပြစ်တင်ဝေဖန်မှု ဖိအားတွေနဲ့ ရင်ဆိုင်နေရပြီး ဒီဖိအားတွေဟာ ARSA အကြမ်းဖက်အဖွဲ့ရဲ့ လုပ်ရပ်တွေကို ပံ့ပိုးပေးနေသလို မဖြစ်ဖို့ အရေးကြီးကြောင်း ပြောဆိုထားပါတယ်။

မြန်မာ့အရေးလေ့လာသူ ဒေးဗစ်မက်သီဆန်ကတော့ အခု ထုတ်ပြန်လိုက်တဲ့ AI အဖွဲ့ရဲ့ အစီရင်ခံစာဟာ၊ မြန်မာအနေနဲ့ ရခိုင်ပြဿနာအပေါ် လွတ်လပ်တဲ့ စုံစမ်းစစ်ဆေးမှုတွေ ဆောင်ရွက်ခွင့်ပြုဖို့ တွန်းအားတရပ် ဖြစ်သင့်ပါတယ်၊ လူသားချင်းစာနာကူညီရေးအဖွဲ့တွေ၊ သုတေသီတွေနဲ့ သတင်းထောက်တွေကို ၀င်ခွင့်မပြုနိုင် ဘဲဖြစ်နေရင်၊ နိုင်ငံတကာအမြင်မှာ ယုံကြည်မှုကင်းမဲ့စရာ ဆက်ဖြစ်နေဦးမှာပါလို့ ပြောဆိုပါတယ်။

RFA Burmese
https://www.rfa.org/burmese

Read More

ဘင်္ဂလားဒေ့ရ်ှရောက် ဟိန္ဒူတို့အတွက် မရေရာတဲ့ အနာဂတ်

ဘင်္ဂလားဒေ့ရ်ှရောက် ဟိန္ဒူတို့အတွက် မရေရာတဲ့ အနာဂတ်
————————————————————————
Joe Freeman/ Myanmar Now
BurmaDemocracy, 9 October 2017

ရခိုင်ပြည်နယ်ကနေ ထွက်ပြေးလာတဲ့ ဟိန္ဒူဘာသာဝင်တွေဟာ ဘင်္ဂလားဒေ့ရ်ှ ယာယီဒုက္ခသည်စခန်းတွေမှာ ခိုလှုံနေ ကြပါတယ် (ဓာတ်ပုံများ - Joe Freeman/Myanmar Now)

ကော့ဘဇား၊ ဘင်္ဂလားဒေ့ရှ် (Myanmar Now) —

ဘင်္ဂလားဒေ့ရ်ှနိုင်ငံတွင်းက ယာယီစခန်းတစ်ခုမှာရောက်နေတဲ့ ဟိန္ဒူဒုက္ခသည်တွေဟာ မြန်မာနိုင်ငံမှာ နေစဉ် သူတို့နဲ့ ရိုဟင်ဂျာမွတ်စလင်တွေ အကြား ညီညီညွတ်ညွတ် နေထိုင်ခဲ့ ကြတဲ့ အခြေအနေတွေကို သတိရနေကြပါတယ်။

“ကျွန်တော်တို့ ပွဲတော်တစ်ခုခုကျင်းပတိုင်း သူတို့ကို ဖိတ်လေ့ရှိသလို သူတို့ပွဲရှိရင်လည်း ကျွန်တော်တို့ကို ဖိတ်ပါတယ်” လို့ ရခိုင်ပြည်နယ် မောင်တောမြို့၊ ဆီယွန်ဆူရီရွာ မြန်မာဘာသာနဲ့ဆိုရင် အလယ်သံကျော်ရွာက ထွက်ပြေးလာသူလို့ ဆိုတဲ့ အသက် ၆ဝ အရွယ် ဘိုလာရန်ရှီက ပြောပါတယ်။

Arakan Rohingya Salvation Army (ARSA) အဖွဲ့နဲ့ တပ်မတော်အကြား သြဂုတ် ၂၅ ရက် ကစလို့ တိုက်ပွဲတွေ ဖြစ်ပွားပြီးတဲ့ နောက်ပိုင်းမှာ သူတို့အသိုင်းအဝိုင်းနှစ်ခု ဆက်ဆံရေး ပျက်စီးသွားတာပါ။ ဒီအခြေအနေဟာ တစ်သက် လုံးလည်း ဖြစ်သွားနိုင်ပါတယ်။

သူတို့ရွာနဲ့ နီးတဲ့ ရဲဘောက်ကျ ရွာက ဟိန္ဒူတွေကတော့ ARSA အဖွဲ့ဝင်တွေဟာ ရဲစခန်းနဲ့ စစ်တပ်ကင်းစခန်းတွေကို တိုက်ခိုက်ပြီး မရှေးမနှောင်းမှာဘဲ သူတို့ဆွေမျိုးအများအပြားကို သတ်ဖြတ်ခဲ့တယ်လို့ ပြောကြပါတယ်။ အခုဆိုရင် ဟိန္ဒူဘာသာဝင် အများအပြားလည်း ပျောက်ဆုံးနေပါတယ်။ ARSA အဖွဲ့ကတော့ ဒါဟာ သူတုိ့လက်ချက် မဟုတ်ဘူးလို့ ဆိုပါတယ်။ မြန်မာအစိုးရကတော့ ARSA လက်ချက်လို့ စွပ်စွဲထားပြီး နယ်စပ်ကို ဖြတ်ပြီးထွက်ပြေးသွားတဲ့ ကျန်ရစ်သူ ဟိန္ဒူတွေကိုလည်း ပြန်ခေါ်ထားပါတယ်။

နေရပ်စွန့်ခွာ ထွက်ပြေးလာတဲ့ ဟိန္ဒူတွေဟာ ရခိုင်ဒေသမှာ အစိုးရက စီစဉ်ပေးထားတဲ့ ဒုက္ခသည်စခန်းမှာပဲ ခိုလှုံနေကြရပါတယ်။ ဘင်္ဂလားဒေ့ရ်ှဘက်ကို ထွက်ပြေးလာကြတဲ့ ဟိန္ဒူဘာသာဝင်တွေကတော့ ရိုဟင်ဂျာတွေနဲ့ နေရတဲ့ ဒုက္ခသည် စခန်းမှာ နှိပ်စက်ခံရမှုတွေ၊ ပစ်ပယ်ခံထားရမှုတွေ၊ မရေရာ တဲ့ အနာဂတ် အခြေအနေတွေနဲ့ ရင်ဆိုင်နေရတယ် လို့ ဆိုပါတယ်။

အများစုကတော့ နေရပ်ကို ပြန်ရကောင်းနိုးနိုး၊ မပြန်ရကောင်းနိုးနိုးနဲ့ ချီတုံချတုံဖြစ်နေကြတာပါ။

“ဘင်္ဂလားဒေ့ရ်ှက မွတ်စလင်နိုင်ငံဖြစ်လို့ အိန္ဒိယကိုပဲသွားချင်တယ်” လို့ ၅၅ နှစ်အရွယ် စီတရိုရန်ဂျွန်ပါးလ်က ပြောပါတယ်။

• အရင်တုန်းကတော့ သူငယ်ချင်းတွေ

ရခိုင်ပြည်နယ်မြောက်ပိုင်းမှာ သူတို့ကိုယ်သူတို့ ရိုဟင်ဂျာလို့ ခေါ်ပြီး မြန်မာအများအပြားက ဘင်္ဂါလီလို့ ခေါ်ဆိုသူတွေကို တွေ့နိုင်ပါတယ်။ အဲဒီမှာ ရိုဟင်ဂျာတွေထက်စာရင် ဟိန္ဒူဘာသာဝင်တွေက ပိုပြီး လွတ်လွတ်လပ်လပ် သွားလာနိုင်ပေမယ့် တချို့ကိစ္စတွေမှာတော့ အနှိမ်ခံရတာချင်း အတူတူပါပဲ။ ဆီယွန်ဆူရီရွာကို ARSA ဝင်လာတဲ့အခါ ဟိန္ဒူဘာသာဝင် တွေနဲ့ မွတ်စလင်တွေ အကြား စိတ်ဝမ်းကွဲသွားကြပါတယ်။

ရိုဟင်ဂျာ/ဘင်္ဂါလီတွေရဲ့ တိုက်ခိုက်မှုတွေဟာ အရင်ကလည်း ရှိနေခဲ့ပေမယ့် ကြာကြာမခံခဲ့သလို အောင်မြင်မှုလည်း မရှိခဲ့ပါဘူး။

ရခိုင်ပြည်နယ်ထဲမှာနေထိုင်တဲ့ ဘင်္ဂါလီ တစ်သန်းကျော်ကို ကန့်သတ်တင်းကျပ်၊ အဲဒီထဲက တစ်သိန်းခွဲကို ပြည်တွင်းက ဒုက္ခသည်စခန်းတွေကို ပို့လိုက်တာကြောင့် ဗုဒ္ဓဘာသာတွေနဲ့ မွတ်စလင်တွေ အကြား တိုက်ခိုက်မှုတွေ ၂ဝ၁၂ မှာ ဖြစ်ပွား ပြီးနောက်ပိုင်း ARSA အဖွဲ့ပေါ်လာပါတယ်။

ပါကစ္စတန်မှာ မွေးတဲ့ ရိုဟင်ဂျာအမျိုးသား အက်တူလာဆိုသူ ဦးဆောင်တဲ့ ARSA အဖွဲ့က လွန်ခဲ့တဲ့နှစ် အောက်တိုဘာ ၉ ရက်မှာ ပထမဆုံး တိုက်ခိုက်ခဲ့ပါတယ်။ အဲဒီတုန်းကအဖွဲ့ရဲ့ အမည်က Harakat Al-Yakin ခေါ် ဘာသာရေးလှုပ်ရှားမှု ဖြစ်ပါတယ်။ တပ်မတော်နဲ့ ပထမအကြိမ် တိုက်ခိုက်ပြီး နောက်ပိုင်းမှာ အဲဒီအဖွဲ့ဟာ လူအင်အား ပိုများလာသလို တပ်မတော်က မုဒိမ်းကျင့်တယ်၊ ဥပဒေဘောင် အပြင်ဘက်က သတ် ဖြတ်မှုတွေ လုပ်တယ်၊ ရွာတွေကို မီးရှို့တယ်လို့ စွပ်စွဲခဲ့ပါတယ်။

အဲဒီအဖွဲ့ဟာ ရွာထဲမှာ လူစုနေတာကို တွေ့ခဲ့ရတယ်၊ လူငယ်တွေနဲ့ သူသိတဲ့သူ တချို့ ပါသွားတယ်လို့ ပါးလ်က ပြောပါတယ်။

“သူငယ်ချင်းတချို့လည်း ARSA ထဲ ဝင်လိုက်ကြတယ်” လို့ ပါးလ်က ဆိုပါတယ်။ ဘာကြောင့် ဒါမျိုးလုပ်ရတာလဲလို့ သူက မေးပါတယ်။ လွတ်မြောက်မှုကို ရချင်တာကြောင့်လို့ သူတို့က ဖြေပါတယ်။

အဲဒီထဲမှာ တစ်ယောက်က သူ့နဲ့ နီးနီးကပ်ကပ်ပေါင်းတဲ့ သူငယ်ချင်းပါ။

“ကျွန်တော်တို့ အတူတူကြီးပြင်းခဲ့တာပါ။ သူ့ကိုရော၊ သူ့ အမည်ကိုရော၊ သူ့အဖေအမည်ကိုရော သိပါတယ်” လို့ ပါးလ်က ပြောပါတယ်။

ဒီပြဿနာမှာ ဝင်မပါဖို့နဲ့ အစိုးရက ဘာဖြစ်ဖြစ် လုပ်ရင်ခံရ မယ်လို့ ပါးလ်က သူ့သူငယ်ချင်းကို တိုးတိုးတိတ်တိတ် တားပါသေးတယ်။ ပါးလ်အနေနဲ့ ဒီကိစ္စကို မကြိုက်ဘူးဆိုလည်း ဘယ်သူ့ကိုမှ အသိမပေးဖို့နဲ့၊ အခြားသူတွေ သိသွားရင် ပြဿနာ ရှိတယ်ဆိုတာ သူ့သူငယ်ချင်းက ပြောခဲ့ပါတယ်။ ARSA တွေဟာ အစိုးရသတင်းပေးတွေကို ပစ်မှတ်ထားနေတာကြောင့် ပါးလ်အနေနဲ့ ဒီကိစ္စကို ရေငုံနှုတ်ပိတ် နေလိုက် ပါတော့တယ်။

သြဂုတ် ၂၅ တိုက်ခိုက်မှုဖြစ်ပွားပြီးနောက်ပိုင်းမှာ ARSA အဖွဲ့ဝင်တွေဟာ မျက်နှာကို အဝတ်နက်တွေစည်း၊ ရွာထဲ လှည့်သွားနေပြီး ရွာသားတွေကို မနှောက်ယှက်ဘူးလို့ ပြောပါတယ်။ တချို့က ပါးလ်ကို ချက်ပြုတ် စားစရာတွေနဲ့ စီးကရက် တွေကိုတောင် ပေးသွားကြပါတယ်။

ဒါပေမယ့် ဆွေမျိုးတစ်ယောက်က သူ့ကိုခေါ်ပြီး ARSA တွေက ဟိန္ဒူဘာသာဝင်တွေကိုပါ သတ်မယ့်အကြောင်း ကြားထားတာ ပြောသလို သူ့ကိုလည်း ထွက်ပြေးဖို့ ပြောပါတယ်။

“အဲဒီမှာ ကျုပ်စပြီး ကြောက်သွားတာပဲ”လို့ သူက ပြောပါတယ်။ အဲဒီကတည်းက ဘင်္ဂလားဒေ့ရှ် ဘက်ကို ထွက်ပြေးလာ ပြီး သူ့သူငယ်ချင်းကိုလည်း ပါးလ် မတွေ့ရတော့ပါဘူး။

• တိုက်ခိုက်မှု

ဘင်္ဂလားဒေ့ရ်ှဘက်ကို ဟိန္ဒူဘာသာဝင် ငါးရာကျော်ထွက်ပြေးခဲ့ပါတယ်။ ဒါဟာ ရိုဟင်ဂျာအရေအတွက် ငါးသိန်း ဆိုတဲ့ ကိန်းဂဏန်းနဲ့ယှဉ်ရင် အဆမတန် ကွာဟနေတာပါ။ ဟိန္ဒူဒုက္ခသည်တွေကို သူတို့ဘုရားကျောင်း အနီးမှာရှိတဲ့ ကြက်ခြံတစ်ခုထဲမှာ သီးသန့်ထားပါတယ်။ သူတို့နေရတဲ့ နေရာက ရိုဟင်ဂျာတွေကို ထားတဲ့ နေရာလောက် ဆိုးဆိုးရွားရွား မဟုတ်ပေမယ့် သူတို့နေခဲ့တဲ့ အိမ်နဲ့တော့ တူနိုင်မှာ မဟုတ်ပါဘူး။

ဘင်္ဂလားဒေ့ရ်ှကို ရောက်ပြီး တစ်ပတ်လောက်အကြာမှာ ဆီယွန်ဆူယီ ရွာသားတွေဟာ အရင်က အိမ်နီးနားချင်းတွေကို ဆက်သွယ်မိပါတယ်။

သူတို့ပြောပြချက်အရ ဟိန္ဒူတွေက သူတို့အိမ်နီးချင်းတွေကို ရောင်းခဲ့တဲ့ တိရိစ္ဆာန်ဖိုးတွေကို သွားတောင်းချင်တယ်။

အဲဒီကိစ္စ ဘယ်လိုဆက်ဖြစ်တယ် မသိပေမယ့် ဟိန္ဒူအမျိုးသားနှစ်ယောက် ပြောတာကတော့ သူတို့ကို မွတ်စလင် ၁၁ ယောက်က လမ်းမှာခြိမ်းခြောက်ပြီး သစ်သားတုတ်၊ သံတုတ်တွေနဲ့ ဝိုင်းရိုက်ပါတယ် တဲ့။

ဟိန္ဒူဘာသာဝင် တစ်ယောက်ကတော့ အရိုက်ခံထားရတဲ့ လက်မောင်း၊ တင်ပါးပေါ်က ဒဏ်ရာတွေကို ပြပါတယ်။

အဲဒီဒုက္ခသည်စခန်းတွေရှိရာ ကော့ဘဇား ခရိုင်ရဲစခန်းအောက်မှာရှိတဲ့ အူခီးယားရဲစခန်းမှူး မိုဟာမက်ကိုင်ကီစလူအင်းက အဲဒီရန်ပွဲက စက်တင်ဘာ ၁၂ ရက်ဝန်းကျင်လောက်က ဖြစ်ခဲ့ပြီး မြန်မာနိုင်ငံကတည်းက ပါလာတဲ့ ရန်ငြိုးရန်စ ဖြစ်တယ်လို့ ပြောပါတယ်။

ရိုက်နှက်တဲ့ အုပ်စုထဲမှာ ပါတဲ့သူအချို့ကို ဒုက္ခသည်စခန်းကနေ တောထဲကို မောင်းထုတ် အပြစ်ပေးလိုက်ပြီလို့ ရဲအရာရှိက ပြောပါတယ်။

“အဲဒီလူအုပ်က ဒီလူနှစ်ယောက်လက်ကို ကြိုးတွေနဲ့ တုပ်ပြီး ရိုက်တာပါ” လို့ အရိုက်ခံရသူတွေရဲ့ တိုင်ကြားချက်ကို သူက ပြောပါတယ်။

ရိုက်ခဲ့သူများမှာ ထွက်ပြေးလွတ်မြောက်သွားပြီး ပြန်မလာတော့ကြောင်း ဟိန္ဒူဒုက္ခသည်တွေက ပြောပါတယ်။

ကိုင်ကီစလူအင်းက သူတို့ရဲတပ်ဖွဲ့အနေနဲ့ လူသေအလောင်း နှစ်လောင်းကို ရှာဖွေတွေ့ခဲ့ပေမယ့် ရုပ်ပျက်ဆင်းပျက် ဖြစ်နေတဲ့အတွက် ယခုဖြစ်စဉ်နဲ့ ပတ်သက်မှုရှိ၊ မရှိ ကောက်ချက် မချနိုင်ကြောင်း ပြောပါတယ်။ မိသားစုဝင်တစ်ဦးက အလောင်းတစ်လောင်းကို လာကြည့်ပြီး သူတို့လူဖြစ်ကြောင်း ပြောခဲ့ပေမယ့် တာဝန်ရှိသူများက သံသယရှိနေကြတာပါ။

“ဒီအလောင်းနှစ်လောင်းကို ဘယ်သူဘယ်ဝါဆိုတာ ဘယ်သူမှ အတည်မပြုနိုင်သေးပါဘူး” ဟု ကိုင်ကီစလူအင်းက ပြောပါတယ်။

အဆိုပါ ကိစ္စရပ်ကို စုံစမ်းနေဆဲဖြစ်ပြီး ရှေ့နောက်မညီတဲ့ ထွက်ဆိုချက်များ ရှိနေကြောင်း ရဲအရာရှိ တစ်ဦးက ပြောပါတယ်။ ပျောက်သွားတယ်လို့ ပြောတဲ့တစ်ယောက်ကို နောက်ပိုင်းမှာ ပြန်တွေ့ခဲ့တာမျိုး ဖြစ်ခဲ့ဖူးတာကို သူက ဥပမာ ပေးပါတယ်။

ဒီဖြစ်စဉ်ကို လူသတ်မှုလို့ပဲ သတ်မှတ်ထားကြောင်း ရဲအရာရှိကိုင်ကီစလူအင်းက ပြောပါတယ်။

• အလောင်းမြှုပ်တဲ့နေရာ

ဂျာဂါဒစ်ရ်ှပါးဟာ သူရဲ့ ဖိနပ်ကိုချွတ်၊ မြစ်ကမ်းဘက်ကို သွားပြီး မြေစာပုံ အသစ်ပေါ်ကို လျှောက်သွားပါတယ်။

သူ့အဖေ ရာဘင်ဒရာပါးကို မြှုပ်ဖို့ ဖြစ်သလိုတူးထားရတဲ့ တွင်းနားမှာ သူဆုတောင်းပါတယ်။ ဟိန္ဒူအယူအဆမှာ ဖခင်သေရင် သားဖြစ်သူ ခေါင်းတုံးတုံးရပါတယ်။

အဲဒီတွင်းကို ဟိန္ဒူတွေအတွက် ယာယီဒုက္ခသည်စခန်းထဲမှာပဲ တူးလိုက်တာပါ။ ဘာအမှတ်အသားမှလည်း မရှိပါဘူး။ တူးတဲ့နေရာက ဗုဒ္ဓဘာသာ သင်္ချိုင်းနဲ့တော့ နေရာ ကန့်ထားပါတယ်။ သင်္ချိုင်းနှစ်ခုစလုံးက တောနံဘေး၊ ဟင်းလင်းပြင်ကွင်းထဲမှာပါ။

ငွေသိမ်းဖို့ သွားခဲ့ပြီး အိမ်ပြန်မလာနိုင်တော့တဲ့ ဟိန္ဒူ ဘာသာဝင် ၁ဝ ယောက်ထဲမှာ သူ့အဖေလည်း ပါတယ်လို့ ပါးလ်က ပြောပါတယ်။ စခန်းမှာရှိသူတွေကလည်း ရုပ်အလောင်းမှာ

ပတ်ထားတဲ့ လက်ပတ်ကို ကြည့်တာနဲ့ ဟိန္ဒူဘာသာဝင် ဖြစ်တယ်ဆိုတာ ခွဲခြားနိုင်တယ်လို့ ပြောပါတယ်။

ပါးလ်နဲ့ သူ့ညီအစ်ကို မောင်နှမ ၆ ယောက်ဟာလည်း ဒီဒုက္ခသည်စခန်းမှာ နေကြပြီး သူ့အမေကတော့ မြန်မာနိုင်ငံဘက် မှာ ကျန်နေတယ်လို့ ဆိုပါတယ်။ ပါးလ်ကတော့ အရင်တုန်းက စစ်တကောင်းမှာ ဆံသဆရာ တစ်ဦးအဖြစ် အလုပ်လုပ်ခဲ့သူပါ။

သူ့အနေနဲ့ နိုင်ငံသားအဖြစ် အသိအမှတ်ပြုခံရပြီး ရန်ကုန်မှာ နေခွင့်ရမယ်ဆိုရင် မြန်မာနိုင်ငံဘက်ကို အပြီးပြန်သွားချင်ကြောင်း ပါးလ်က ပြောပါတယ်။

“ကျုပ်တို့ တစ်ရွာတည်းမှာ သူတို့နဲ့ အတူနေလို့ မဖြစ်တော့ဘူး။ ဘင်္ဂလားဒေ့ရ်ှမှာလည်း မနေချင်ဘူး” လို့ သူက ပြောပါတယ်။

အိန္ဒိယကိုတော့ နေသင့်တဲ့နေရာလို့ သူက ဆိုပါတယ်။

“ကျုပ်တို့အတွက်တော့ ဒီဒုက္ခသည်စခန်းရှိတဲ့နေရာက မလုံခြုံပါဘူးဗျာ”

Myanmar Now မှကူးယူဖော်ပြပါသည်။

Read More

ARSA အစွန်းရောက်တွေနဲ့ စကားပြော ဖို့မရှိ

ARSA သတ်ဖြတ်ခဲ့တဲ့ ဟိန္ဒူ ဘာသာဝင် တချို့ရဲ့ မိသားစု ဝင်များ

ARSA စစ်သွေးကြွအဖွဲ့နဲ့ စေ့စပ် ဆွေးနွေးဖို့ အစီအစဉ် မရှိဘူးလို့ ကာကွယ်ရေး ဝန်ကြီးဌါန ပြည်ထောင်စု ဝန်ကြီး ဒုတိယ ဗိုလ်ချုပ်ကြီး စိန်ဝင်း ကပြောဆိုလိုက်ပါတယ်။

ARSA အဖွဲ့ အနေနဲ့ မြန်မာ အစိုးရနဲ့ စေ့စပ်ညှိ နှိုင်းမူ့တွေ လုပ်ဖို့ အဆင့်သင့် ရှိနေပြီလို့ ပြောဆိုလာ ချိန်မှာပဲ ကာကွယ်ရေး ဝန်ကြီးက အခုလိုပြောလိုက်တာ ဖြစ်ပါတယ်။

ARSA စစ်သွေးကြွ အဖွဲ့ အနေနဲ့ပြီးခဲ့တဲ့ လကုန်ပိုင်းက ဘူးသီးတောင် မောင်တော ဒေသက ရဲစခန်း ၃၀ ကျော်ကို အကြမ်းဖက် တိုက်ခိုက်ခဲ့ပါတယ် ဒါအပြင် ဒေသခံ ဟိန္ဒူ ဘာသာဝင် အချို့ကို လည်း သတ်ဖြတ် ခဲ့ပါတယ်။

အကြမ်းဖက် တိုက်ခိုက်မူတွေပြုလုပ်ပြီးတဲ့ နောက်မှာတော့ ဘူးသီးတောင် မောင်တောနဲ့ရသေ့ တောင်မြို့ နယ်တွေမှာ နေထိုင်တဲ့ မွတ်ဆလင် တွေဟာ ဘင်္ဂလားဒေရှ် နိုင်ငံကို သိန်းချီ ထွက်ပြေးခဲ့ကြ ပါတယ်။

အဲဒီလို ထွက်ပြေးပြီးတဲ့ နောက်မှာတော့ ရခိုင်ပြည်နယ် အတွင်း လူသားချင်းစာနာမူ အကူအညီတွေ ပေးနိုင်ဖို့ အတွက် တစ်လ တိတိ အပစ်အခတ်ရပ်စဲ ထားမယ်လို ARSA ကြေငြာခဲ့တာ အခုလို တလ ပြည့်ခါနီး ပါပြီ အဲဒီလို တစ်လပြည့် ခါနီးမှာပဲ အစိုးရနဲ့ စေ့စပ် ညှိနှိုင်းရေးတွေ လုပ်ဖို့ အဆင့်သင့်ဖြစ်ပြီလို့ARSA အဖွဲ့ ကပြောဆိုလာတာပါ။

အဲဒီလိုပြောဆိုလာတဲ့နဲ့ပတ်သက်လို့ ကာကွယ်ရေးဝန်ကြီးဌါန ပြည်ထောင်စု ဝန်ကြီး ဒုတိယ ဗိုလ်ချုပ်ကြီး စိန်ဝင်းက အကြမ်းဖက် အဖွဲ့တွေကို ဘယ်အစိုးရ ကမှ စကားပြောတာ မဟုတ်ဘူးလို့ သတင်းထောက်တွေကို ပြောခဲ့ပါတယ်။

နယ်မြေ ဧရိယာ ကြယ်ဝန်းတဲ့ အတွက် ARSA အဖွဲ့ အနေနဲ့ အကြမ်းဖက် လုပ်ရပ်တွေ ထပ်မံ မလုပ်ဘူးလို့တော့ မပြောနိုင်ပေမဲ့ သူတို့ဘက် ကတော့ ထိခိုက်မူ နည်းအောင် တော့ အတတ်နိုင်ဆုံး လုပ်ဆောင် နေတယ် လို့လည်း ဝန်ကြီးက ဆိုပါတယ်။

အစိုးရနဲ့ ARSA အဖွဲ့ ကြား စေ့စပ် ညှိနှိုင်းမူတွေ ဖြစ်မလာခဲ့ရင် ဘယ်လို ဆက်ဖြစ်လာနိုင်မလဲလို့ မကြာ သေးခင်ရက်ပိုင်းက မောင်တော ဒေသက ပြန်လာ ခဲ့တဲ့ တိုင်းရင်းသား အရေးလေ့လာသူ စာရေးဆရာ ဦးမောင်မောင်စိုးကိုမေးကတော့ လက်ရှိမှာ တော့ နယ်မြေ အခြေအနေ က တည်ငြိမ်စ ပြုလာပြီဖြစ်တဲ့ အတွက် အကြမ်းဖက် တိုက်ခိုက်မူ ဖြစ်ပွါး တဲ့ အချိန်က မြို့ပေါ် တိမ်းရှောင် လာတဲ့ ဒေသခံ အချို့ဟာ ကိုယ်ရပ်ရွာ ကို ပြည်လည် သွားရောက်သူ အချို့ရှိလာပါပြီ။

သို့သော်လည်း ဒေသခံ အများစုက တော့ နောက်ထပ် အကြမ်းဖက်မူတွေ ထပ်ဖြစ်လာမှာ ကိုတော့ စိုးရိမ်မူတွေ ရှိနေကြပါတယ်။

BBC Burmese
http://www.bbc.com/burmese

Read More

ARSA အစွန်းရောက် အကြမ်းဖက်သမားများ ရက်စက်စွာ သတ်ဖြတ်မြုပ်နှံခဲ့သည့် ဟိန္ဒူဘာသာဝင်များ၏ ရုပ်အလောင်းများအားတွေ့ရှိ

အကြမ်းဖက်သမားတွေက ဟိန္ဒူဘာသာဝင်တွေကို ရက်ရက်စက်စက် သတ်ဖြတ်ရုံမက အမျိုးသမီးတွေကိုပါ မုဒိန်းကျင့်တယ်။ ကလေးတွေကိုလည်း ရက်ရက်စက်စက် သတ်ဖြတ်ထားတယ်။ (အာရှီးကူးမား)

မောင်တောမြို့နယ် ရဲဘော်ကျကျေးရွာအနီး၌ ARSA အစွန်းရောက် အကြမ်းဖက်သမားများ ရက်စက်စွာ သတ်ဖြတ်မြုပ်နှံခဲ့သည့် ဟိန္ဒူဘာသာဝင်များ၏ ရုပ်အလောင်းများအား ဟိန္ဒူဘာသာဝင်များ၏ သတင်းပေးချက် အရ တာဝန်ရှိသူများက ပြန်လည်တူးဖော်ခဲ့ရာ စက်တင်ဘာ ၂၄ ရက်တွင် ရုပ်အလောင်း ၂၈ လောင်း၊ စက်တင်ဘာ ၂၅ ရက်တွင် ရုပ်အလောင်း ၁၇ လောင်း တို့ အား တူးဖော်တွေ့ရှိခဲ့သည်။

ARSA အစွန်းရောက် အကြမ်းဖက်သမားများ ရက်စက်စွာ သတ်ဖြတ်မြုပ်နှံခဲ့သည့် ဟိန္ဒူဘာသာဝင်များ၏ ရုပ်အလောင်းများအား ပြန်လည်တူးဖော်ရာနေရာသို့ ရောက်ရှိနေသည့် သေဆုံးသွားသူများ၏ ကျန်ရစ်သူ မိသားစုဝင်များနှင့် တွေ့ဆုံကာ သေဆုံးခဲ့ရမှုနှင့်စပ်လျဉ်းပြီး တွေ့ဆုံမေးမြန်းထားသည်များကို တင်ပြ လိုက်ရပါသည်။
ရွန်နီ (မောင်တောမြို့နယ်၊ သစ်တုံးနားခွဆုံအုပ်စု၊ အိုးထိန်းကျေးရွာ)
ပထမတူးဖော်လို့ရတဲ့ အလောင်း(၂၈)လောင်းထဲမှာ ကျွန်တော် အစ်ကိုရဲ့ အလောင်းပါတယ်။ အစ်ကို နာမည်က ဟန်နူး ပါ။ အစ်ကိုက သစ်တုံးနားခွဆုံကျေးရွာမှာ မိသားစုနဲ့ နေတာပါ။ သေတဲ့အလောင်းတွေကို စစ်ကြည်တော့ အစ်ကိုဝတ်နေကျ အင်္ကျီကိုတွေ့ပြီး ကျွန်တော် အစ်ကို ဆိုတာသိရတာပါ။ ခမောင်းဆိပ်မှာရှိတဲ့ သူရဲ့သမီး ဆီကို ညအိပ်အလည်သွားတယ်။ ပြဿနာဖြစ် တဲ့နေ့မှာ ခမောင်းဆိပ်မှာရှိတဲ့ ကျွန်တော်တို့ ဟိန္ဒူဘာသာဝင်တွေကို အကြမ်းဖက်တွေ ဖမ်းဆီး ခေါ်ဆောင်သွားတဲ့အထဲ အစ်ကိုပါသွားပြီး လမ်းမှာ သတ်ပစ် လိုက်တာပါ။ ဟိန္ဒူဘာသာဝင် မိန်းကလေး ရှစ်ယောက်နဲ့ ကလေးတွေကို ဘင်္ဂလားဒေ့ရ်ှဘက် ဖမ်းခေါ်သွားပြီး မိန်းမတွေကို မုဒိန်းကျင့်ပါတယ်။ အဲ့ဒီ မိန်းမတွေနဲ့ ကျွန်တော်တို့ အဆက်အသွယ်ရခဲ့တယ်။ အစ်ကိုရဲ့ မိန်းမနဲ့ ကလေးတွေလည်း သေလား ရှင်လားမသိရသေးဘူး။ တော်တော်များများကို အကြမ်းဖက်တွေက သတ်ပစ် လိုက်တယ်လို့ သိရတယ်။ ကျွန်တော်တို့ ဟိန္ဒူဘာသာဝင်တွေနေတဲ့ ခမောင်းဆိပ်ကျေးရွာ ပတ်ပတ်လည်မှာက ဘင်္ဂါလီရွာတွေပါ။
အာရှီးကူးမား (မောင်တော ၄ ရပ်ကွက်)
ကျွန်တော်က မောင်တောမြို့မှာ မိသားစုနဲ့ နေတာပါ။ အသတ်ခံရတဲ့အထဲမှာ ကျွန်တော် မိန်းမရဲ့ မိဘတွေပါသွားတယ်။ သူတို့က ခမောင်းဆိပ်တောင်ရွာမှာ နေတာပါ။ ကျွန်တော် သမီးလေးက မိန်းမရဲ့ မိဘတွေဆီမှာ နေပါတယ်။ အသတ်ခံရတဲ့အထဲမှာ ကျွန်တော် သမီးရယ် မိန်းမရဲ့ အဖေ၊ အမေနဲ့ ယောက်ဖ ပါသွားတယ်။ အခုတူးဖော်လို့ရတဲ့ အလောင်းတွေထဲမှာ မိန်းမအမေအလောင်းရယ် ယောက်ဖ အလောင်းရယ် ပါတယ်။ ကျွန်တော်သမီးနဲ့ မိန်းမအဖေက ရှာလို့ မတွေ့သေးဘူး။ သမီးလေးက ၆ နှစ်ဘဲ ရှိသေးတယ်။ မိန်းမက သူ့သမီးနဲ့ သူ့မိဘတွေ အသတ်ခံရလို့ စိတ်ကစင့်ကလျားဖြစ်နေပါတယ်။ အသတ်ခံရတဲ့ သူတွေအကုန်လုံးက လည်ပင်း လှီးပြီး ရက်ရက်စက်စက် သတ်ဖြတ်ခံထားရတာပါ။ တစ်ချို့ ခြေတွေလက်တွေ ခုတ်ဖြတ်ထားတာ တွေ့ရတယ်။ သမီးလေးကို မြန်မြန်ရှာတွေချင်ပါတယ်။ အသတ်ခံရလို့ သမီးလေးအလောင်း အရိုးကျ နေရင်တောင် ကျွန်တော်သမီးကို မှတ်မိပါတယ်။ သမီးလေး နောင်ဘ၀ ဒီလိုအဖြစ်ဆိုး မျိုးနဲ့ မကြုံရပါစေနဲ့လို့ ဆုတောင်းပါတယ်။ အကြမ်းဖက်သမားတွက ဟိန္ဒူဘာသာဝင်တွေကို ရက်ရက်စက်စက် သတ်ဖြတ်ရုံမက အမျိုးသမီးတွေကိုပါ မုဒိန်းကျင့်တယ်။ ကလေးတွေကိုလည်း ရက်ရက်စက်စက် သတ်ဖြတ်ထားပါတယ်။
ဆလ်မွန်ဘာလာ (ကြိမ်ချောင်းကျေးရွာ)
တူးဖော်လို့ရတဲ့ အလောင်းတွေထဲမှာ ကျွန်မယောက်ျားရဲ့ ညီနှစ်ယောက်ပါတယ်။ ဘစ်စနီးယားနဲ့ ဟန်မွန်တီပါ။ နှစ်ဦးစလုံးက ကျွန်မနဲ့ မတ်တော် ပါတယ်။ သူတို့ရဲ့ အမျိုးသမီးတွေနဲ့ ကလေးတွေလည်း အသတ်ခံလိုက်ရပါတယ်။ မိသားစု တစ်စုက သားသမီးနှစ်ဦး၊ ကျန်တစ်စုက ကလေး သုံးဦးရှိပါတယ်။ အဲဒီ ကလေးတွေနဲ့ သူတို့မိန်းမတွေလည်း ရှာလို့မတွေ့သေးပါဘူး။ ဘင်္ဂလားဒေ့ရ်ှနိုင်ငံဘက်ကို ကလေးတစ်ယောက် ပါသွားတယ်လို့ သိရတယ်။ အဲဒီသတင်းတွေ က သူများဆီက တစ်ဆင့်ကြားရတာပါ။ ကျွန်မက အခု ကြိမ်ချောင်းရွာမှာ နေပါတယ်။ ကျွန်မယောက်ျားရဲ့ ညီနှစ်ယောက်က ခမောင်းဆိပ်မှာ ပန်းဘဲဖို လုပ်တာပါ။
မာဒူးရီ (ခမောင်းဆိပ်တောင်ရွာ)
အသတ်ခံရတဲ့ထဲမှာ ကျွန်မညီမရယ် သူ့ယောက်ျားနဲ့ သားနှစ်ယောက် ပါသွားတယ်။ ဒီဖြစ်စဉ်မဖြစ်ခင်မှာ ကျွန်မက သမန်းသားရွာ ရောက်နေလို့ အသက်ရှင်ခဲ့ပါတယ်။ အခု တူးဖော် လို့ရတဲ့ အလောင်းတွေထဲမှာ ညီမအလောင်း ပါတယ်။ ကျွန်မ ညီမလက်မှာ လက်ကောက်ဝတ် ထားတယ်။ သူဝတ်နေကျ လက်ကောက်ကို ကြည့်ပြီး ညီမအလောင်းပါလို့ ပြောလို့ရတာပါ။ ကျွန်မညီမ ယောက်ျားနဲ့ သူ့သားနှစ်ယောက် အလောင်းကတော့ အခုအချိန်အထိ ရှာလို့ မတွေ့သေးဘူး။
အော်နိုဗာလာ (ခမောင်းဆိပ်ကျေးရွာ)
တူးဖော်လို့ရတဲ့ အလောင်းတွေထဲမှာ ကျွန်မယောက်ျားနဲ့ သားနှစ်ယောက်ပါတယ်။ အဲဒီနေ့က ကျွန်မယောက်ျားဝတ်သွားတဲ့ အ၀တ်အစားတွေ၊ သားတွေ ၀တ်ထားတဲ့ အ၀တ်အစား တွေကို မှတ်မိနေတဲ့အတွက် ကျွန်မယောက်ျားနဲ့ ကျွန်မသားတွေဆိုတာ ခွဲခြားနိုင်ခဲ့တယ်။ အလောင်းတွေမှာ လည်ပင်းလှီးပြီး ခြေတွေလက်တွေကို ဓားနဲ့ခုတ်ထားတဲ့ ဒဏ်ရာတွေ တွေ့ရ တယ်။ တစ်ချို့ခြေထောက်တွေဆို ပြတ်လုနီးပါးဖြစ်နေတယ်။ အဲ့ဒီအခင်းဖြစ်တဲ့အချိန်မှာ ကျွန်မ က မောင်တော ရောက်နေလို့ အသက်ရှင်ခဲ့ပါတယ်။ ကျွန်မဆွေမျုိုး ၁၅ ယောက်လောက်လည်း ပျောက်တေယ်။ အခုအချိန်အထိ ရှာလို့မတွေ့သေးဘူး။ ကျွန်မတို့ ခမောင်းဆိပ်ရွာက ဟိန္ဒူ ဘာသာဝင်တွေကို အကြမ်းဖက်သမားတွေက သတ်ဖြတ်ခဲ့တာပါ။
မီနု(မောင်တော ၄ ရပ်ကွက်)
ကျွန်မက မောင်တောမှာနေပါတယ်။ ခမောင်းဆိပ်တောင်ရွာမှာ သားနှစ် ယောက်ရယ် သမီးရယ် နေပါတယ်။ သားအကြီးနဲ့ သမီးက အိမ်ထောင်နဲ့ပါ။ သားတစ်ယောက်က လူပျိုပါ။ သား တွေက ခမောင်းဆိပ်မှာ ပန်းထိမ်လုပ်ငန်းလုပ်ပါတယ်။ မနေ့က နောက်ထပ် အလောင်းဖော် တဲ့ထဲမှာ သားနှစ်ယောက် အလောင်းတွေ ပါလာပါတယ်။ သားအကြီးရဲ့ မိန်းမနဲ့ ကလေးရယ်၊ ကျွန်မသမီးနဲ့မြေးကို အကြမ်းဖက်သမားတွေက ဘင်္ဂလားဒေရှ့်ဘက်ကို ဖမ်းခေါ်သွားတယ်။ ဟိုဘက်မှာရှိတဲ့ ကျွန်မတို့ ဟိန္ဒူဘာသာဝင်တွေနဲ့တွေလို့ ခေါ်ထားတယ်လို့ သိရတယ်။ သမီးနဲ့ ချွေးမတို့နဲ့လည်း ဖုန်းအဆက်အသွယ်ရပါတယ်။ သားတွေ ဖွင့်ထားတဲ့ ပန်းထိမ် လုပ်ငန်းက ရွှေ တွေကို အကြမ်းဖက်သမားတွေ ယူသွားတယ်လို့ သိရပါတယ်။
Information Committee

Read More

မေယုတောင်ခြေ၌ ARSA အစွန်းရောက် ဘင်္ဂါလီအကြမ်းဖက် သမားများ သိုဝှက်ထားသည့် လက်လုပ်မိုင်းများ တွေ့ရှိသိမ်းဆည်းရမိ

ရသေ့တောင်မြို့နယ်၊ မြစ်နားကျေးရွာအနီးရှိ မေယုတောင်ခြေ၌ ARSA အစွန်းရောက် ဘင်္ဂါလီအကြမ်းဖက် သမားများ သိုဝှက်ထားသည့် လက်လုပ်မိုင်းများ တွေ့ရှိသိမ်းဆည်းရမိ

နေပြည်တော်၊ စက်တင်ဘာ - ၂၃

ရခိုင်ပြည်နယ်၊ ရသေ့တောင်မြို့နယ်အတွင်း နယ်မြေလုံခြုံရေးနှင့် နယ်မြေစိုးမိုးရေး လုပ်ငန်းများ ဆောင် ရွက်နေသည့် လုံခြုံရေးတပ်ဖွဲ့ဝင်များသည် စက်တင်ဘာလ ၂၃ ရက်နေ့ ယနေ့မွန်းလွဲ ၁ နာရီ ၁၀ မိနစ်ခန့်တွင် မြစ်နားကျေးရွာ၏ အရှေ့မြောက်ဘက် မီတာ ၈၀၀ ခန့်အကွာ၌ ကောက်ရိုး နှင့်ပလတ်စတစ်များဖြင့် ဖုံးအုပ်ထားသည့် မြေကျင်း အတွင်းမှ ARSA အစွန်းရောက်ဘင်္ဂါလီ အကြမ်းဖက်သမားများ သိုဝှက်ထားသည့် အလျား ၉ လက်မ၊ အချင်း ၄ လက်မခွဲရှိ ကားပစ်စတင်ဖြင့်ပြုလုပ်ထားသော လက်လုပ် မိုင်း ၂ လုံးနှင့် အလျား ၉ လက်မ၊ အချင်း ၄ လက်မခန့်ရှိ သံပိုက်ဖြင့်ပြုလုပ်ထားသည့် လက်လုပ်မိုင်း ၅ လုံး၊ စုစုပေါင်း လက်လုပ်မိုင်း ၇ လုံးတို့ကို တူးဖော်တွေ့ရှိ သိမ်းဆည်းရမိခဲ့သည်။

အဆိုပါ နေရာတစ်ဝိုက်အား လုံခြုံရေးတပ်ဖွဲ့ဝင်များက နယ်မြေရှင်းလင်းရေး လုပ်ငန်းများ ဆက်လက်ဆောင် ရွက်လျက်ရှိကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး
https://www.facebook.com/Cincds

Read More

မောင်တောဖြစ်စဉ်တွင် အကြမ်းဖက်သမား ၄၀၀၀ နီးပါးပါဝင်၊ ၆၉ ဦးကို ဖမ်းဆီးထားသည်ဟု တပ်မတော်ကာကွယ်ရေးဦးစီးချုပ်ပြော

နိရဉ္စရာ၊ စက်တင်ဘာ ၂၁

ရခိုင်ပြည်နယ် မြောက်ပိုင်း မောင်တောဒေသ၌ သြဂုတ်လ ၂၅ ရက်နေ့က စတင်ဖြစ်ပွားခဲ့သည် ဘင်္ဂါလီ အစွမ်းရောက်အကြမ်းဖက်သမားများ၏ အကြမ်းဖက်လုပ်ငန်းတွင် ပါဝင်သူ ၄၀၀၀ နီးပါးရှိပြီး အကြမ်းဖက်သမား ၆၉ ဦးကို ဖမ်းမိထားသည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

စက်တင်ဘာလ ၂၁ ရက်နေ့ နေ့လယ်ပိုင်းက ရခိုင်ပြည်နယ် စစ်တွေမြို့ ဦးဥတ္တမခန်းမတွင် ပြုလုပ်ခဲ့သော ရခိုင်ပြည်နယ်အတွင်း နိုင်ငံတော်လုံခြုံရေးနှင့် ကာကွယ်ရေးတာဝန်များကို သက်စွန့်ကြိုးပမ်း ဆောင်ရွက်နေသည့် လုံခြုံရေးတပ်ဖွဲ့ဝင်များ၊ ဌာနဆိုင်ရာဝန်ထမ်းများနှင့် ARSA အစွန်းရောက် ဘင်္ဂါလီ အကြမ်းဖက်သမားများ၏ အကြမ်းဖက်တိုက်ခိုက်မှု ဖြစ်စဉ်များကြောင့် နေရပ်စွန့်ခွာ တိမ်းရှောင်နေရသည့် ဒေသခံပြည်သူများအား ထောက်ပံ့ပစ္စည်း ပေးအပ်ခြင်းနှင့် နယ်စပ်ခြံစည်းရိုး ကာရံရန်အတွက် တတိယအကြိမ် အလှူငွေ ပေးအပ်ပွဲအခမ်းအနားတွင် ယင်းသို့ ပြောကြားခဲ့ခြင်းဖြစ်သည်။

“အကြမ်းဖက်ဆောင်ရွက်တဲ့သူ အားလုံး ၆၉ ယောက် မိထားတာရှိပါတယ်။ ကျနော်တို့ အထောက်အထားတွေနဲ့ ဗွီဒီယိုမှတ်တမ်းတွေနဲ့ စစ်ပြီးတော့ ရပြီးဖြစ်ပါတယ်။ စစ်တဲ့အခါမှာ သူတို့ အကြမ်းဖက်လုပ်ငန်းမှာ ပါဝင်တဲ့လူပေါင်း ၄၀၀၀ နီးပါးလောက်ရှိတယ်ဆိုတာကို ကျနော်တို့ ဖော်ထုတ်လို့ရပါတယ်”ဟု တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

အကြမ်းဖက်မှု ဖြစ်စဉ်အတွင်း ယနေ့အချိန်ထိ တိုက်ခိုက်မှုဖြစ်စဉ်ပေါင်း ၉၃ ကြိမ်ရှိခဲ့ပြီး၊ မိုင်းထောင်ဖောက်ခွဲမှု ၈ နေရာဖြစ်ပွားခဲ့ကာ တပ်မတော်သား ၂ ဦးကျဆုံး၍ ၅ ဦး ဒဏ်ရာရရှိကာ၊ တစ်ဦးပျောက်ဆုံးနေပြီး၊ ထိုတစ်ဦးလည်း သေဆုံးပြီဟု ယူဆကြောင်း ပြောသည်။

ရဲတပ်ဖွဲ့ဝင် ၁၁ ဦးကျဆုံးပြီး၊ ၁၀ ဦးဒဏ်ရာရရှိကာ၊ လ၀က၀န်ထမ်းနှင့် အခြားဝန်ထမ်း ၂ ဦးသေဆုံးခဲ့၍ တိုင်းရင်းသားအားလုံး သေဆုံးသူ ၁၂ ဦးစာရင်းရရှိထားပြီး၊ ၂၀ ရက်နေ့ စာရင်းအရ တိုင်းရင်းသား သေဆုံးသူ နောက်ထပ် ၆ ဦးတိုးလာကြောင်း၊ သို့သော်အတည်မပြုနိုင်သေးကြောင်း ပြောသည်။

အကြမ်းဖက်မှုများကို နှိမ်နင်းရာတွင်လည်း အထူးသတိထား၍ ဆောင်ရွက်ခဲ့ရသည်ဟု ဆိုသည်။

“အကြမ်းဖက်တိုက်ခိုက်မှုတွေကို အကောင်းဆုံးဖြစ်အောင် ဖြေရှင်းဆောင်ရွက်ခဲ့ရပါတယ်။ ဒီဖြစ်စဉ်တွေကို အထူးသတိထားပြီး ဆောင်ရွက်ခဲ့ရပါတယ်။ အကြမ်းပတမ်းဆောင်ရွက်လို့ရတဲ့ ကိစ္စတော့ မဟုတ်ပါဘူး။ ဖြစ်စဉ်ဖြစ်တဲ့အခါ ဒီထက် ဆိုးဆိုးဝါးဝါးမဖြစ်အောင် ဘယ်လိုလုပ်မလဲ အနေအထားတွေကို ထိန်းနိုင်ဖို့ ကြိုးစားခဲ့ရပါတယ်”ဟု ကာကွယ်ရေးဦးစီးချုပ်က ပြောသည်။

အဆိုပါ အကြမ်းဖက်မှု မဖြစ်ပွားမီ နယ်မြေရှင်းလင်းရန် လိုအပ်သည့်အတွက် တပ်မတော်ကာကွယ်ရေး ဦးစီးချုပ် အစီအစဉ်ဖြင့် တပ်မတော်အင်အားအများအပြားကို မောင်တောဒေသသို့ စေလွှတ်ဖြည့်တင်းခဲ့သည်ဟု ဆိုသည်။

“တကယ်တမ်း ဖြစ်လာတဲ့အချိန်ကျတော့ တပ်တွေ အင်အားတောင့်တောင့်တင်းတင်းနဲ့ ဆောင်ရွက်နိုင်ခဲ့ပါတယ်။ ဒါပေမယ့် ဒီနေရာတွေက သွားရေးလာရေး ခက်ခဲတဲ့နေရာတွေဖြစ်ပါတယ်။ ဒီတစ်ကြိမ်မှာ ကျနော်တို့အနေနဲ့ ကိုယ်လုပ်ချင်တဲ့ဟာကို ကျနော်တို့က အရမ်းကာရော လုပ်လို့မရဘူးဆိုတာကို ကျနော်တို့ နားလည်ဖို့ လိုပါတယ်”ဟု ၄င်းက ဆက်ပြောသည်။

စစ်ဆင်ရေး ဆောင်ရွက်မှုများကို ဥပဒေ စည်းကမ်းနှင့်အညီ ထိန်းထိန်းသိမ်းသိမ်း လုပ်ဆောင်ခဲ့သည်ဟုဆိုသည်။

ယနေ့အလှူငွေ ပေးအပ်သည့်အခမ်းအနားသို့ ဆရာတော်ကြီးများ၊ တပ်မတော်ကာကွယ်ရေး ဦးစီချုပ်၊ တပ်မတော် ကြည်း၊ ရေ၊ လေ ကာကွယ်ရေးဦးစီးချုပ်များ၊ တပ်မတော်၏ အခြားထိပ်ပိုင်း ဦးစီးအရာရှိများ၊ ရန်တိုင်းဒေသကြီး ရခိုင်တိုင်းရင်းသားရေးရာဝန်ကြီး ဦးဇော်အေးမောင်နှင့် ရခိုင်ပြည်နယ်အစိုးရအဖွဲ့၏ ၀န်ကြီးတစ်ချို့၊ အလှူရှင်များနှင့် စစ်တွေမြို့တွင်ရောက်ရှိနေသော နယ်ရပ်စွန့်ခွာလာသူများ စုစုပေါင်း ၆၀၀ ခန့် တက်ရောက်ခဲ့ကြသည်။

အဆိုပါအခမ်းအနားတွင် အလှူရှင်များမှ လှူဒါန်းငွေ စုစုပေါင်း သိန်းပေါင်း နှစ်သောင်းကျော် ရရှိခဲ့သည်ဟု သိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara

Read More

ARSA အစွန်းရောက်အဖွဲ့ လှုပ်ရှားမှုအပေါ် ကျွမ်းကျင်သူတွေရဲ့အမြင်

ရခိုင်မြောက်ပိုင်းကို ARSA အစွန်းရောက်အဖွဲ့များ တိုက်ခိုက်စဉ်

ရခိုင်ပြည်နယ်မြောက်ပိုင်းမှာ လုံခြုံရေးတပ်ဖွဲ့တွေကို အကြမ်းဖက် တိုက်ခိုက်ခဲ့တဲ့ ARSA အစွန်းရောက် အဖွဲ့ဟာ၊ ဒေသတွင်း အကြမ်းဖက် အဖွဲ့အစည်းတွေနဲ့ ဆက်နွယ်နေပြီး၊ မြန်မာနိုင်ငံအပါအ၀င် ဒေသတွင်းမှာ သြဇာချဲ့ထွင်ဖို့ ရည်ရွယ်နေတယ်လို့ မြန်မာ့အရေး ကျွမ်းကျင်သူတွေ ယူဆနေကြပါတယ်။ အစ္စလာမ်အစွန်းရောက် ARSA အဖွဲ့အနေနဲ့ အင်အားများများစားစား မရှိပေမဲ့ ရခိုင်ပြည်နယ်က တိုက်ခိုက်မှုတွေမှာတော့ စနစ်တကျ စီစဉ်ခဲ့တယ်လို့လည်း ယုံကြည်ထားကြတာပါ။ ရခိုင်ပြည်နယ်က တကျော့ပြန် အကြမ်းဖက်မှုတွေကို အစပြုခဲ့တဲ့ ARSA အဖွဲ့အပေါ် မြန်မာ့အရေး ကျွမ်းကျင်သူတွေရဲ့ အမြင်တွေကိုတော့ ကိုဝင်းမင်းက စုစည်းတင်ပြပေးမှာပါ။

ဒီ ARSAလို့ခေါ်တဲ့ အစွန်းရောက်တပ်ဖွဲ့အနေနဲ့ သူတို့ကို အကြမ်းဖက်အဖွဲ့လို့မသတ်မှတ်ပဲ တခြားတိုင်းရင်းသားအဖွဲ့တွေလို သဘောထားဖို့ပြောပေမယ့် အခုလိုသုံးသပ်ဖို့ ခက်တယ်လို့ သုံးသပ်သူတွေက ဆိုနေပါတယ်။ ထိုင်းနိုင်ငံအခြေစိုက် မြန်မာ့အရေးသုံးသပ်သူနဲ့ မြန်မာပြည်အကြောင်း စာအုပ်တွေ အများကြီးရေးခဲ့တဲ့ စာရေးဆရာ Bertil Lintner က ဒီ ARSA အဖွဲ့ခေါင်းဆောင်ဟာ ပါကစ္စတန်မှာ ကြီးပြင်းခဲ့သူဖြစ်ပြီး အာရပ်ကမ္ဘာက စစ်သွေးကြွအုပ်စုအဖွဲ့တွေနဲ့ ကောင်းကောင်းအဆက်အသွယ်ရှိခဲ့သူဖြစ်တယ်လို့ ထုတ်ပြောလိုက်ပါတယ်။

ဒါပေမယ့် လက်တွေ့မှာက ဒီ ARSA အဖွဲ့ဟာ လူနည်းနည်းပဲရှိပြီး စနစ်တကျ လက်နက် စုဆောင်းတပ်ဆင်ထားတာမရှိဘူးလို့ Bertil ကထောက်ပြပါတယ်။

“ပထမအချက်က ဒီအဖွဲ့က လူအရေအတွက် ရာအနည်းငယ်ပဲရှိတဲ့ တကယ့်ကို သေးငယ်တဲ့အဖွဲ့ပါ။ သူတို့က မြန်မာနိုင်ငံအထဲက တခြားလက်နက်ကိုင်တိုင်းရင်းသား သူပုန်အဖွဲ့တွေလို၊ ဥပမာ ကချင်ပြည်နယ်နဲ့ ရှမ်းပြည်နယ်တွေလို စနစ်တကျ ဖွဲ့စည်းထားတာ မဟုတ်ပါဘူး။ တခြားအဖွဲ့တွေမှာက ယူနီဖောင်းတွေ လက်မောင်းအမှတ်အသားတွေ အမိန့်ပေးစနစ်တွေ၊ Automatic လက်နက်ကောင်းတွေရှိပါတယ်။ ARSA ကတော့ အရပ်သားတွေနဲ့ ရောနေတယ်။ အရပ်သားအ၀တ်ပဲဝတ်တယ်၊ အရပ်သားတွေကို လူစုတိုက်တယ်၊ တိုက်ပြီးတော့ နယ်စပ်ကိုပါ ကျော်ပြီးတော့ ထွက်ပြေးတယ်လေ။”

ဒီ ARSA အဖွဲ့ကပြောသလို ရိုဟင်ဂျာအခွင့်အရေးတွေကို ကာကွယ်ပေးဖို့ ဖြစ်နိုင်မလားဆိုတာ မေးရာမှာတော့ Bertil Lintner ကဆက်ပြီး။

“အခုလို အစိုးရ လုံခြုံရေးတပ်ဖွဲ့တွေ၊ ရဲစခန်းတွေကို ARSA ကတိုက်ခိုက်ခဲ့တာကြောင့် ရိုဟင်ဂျာအခွင့်အရေးကို ကာကွယ်ပေးနိုင်မယ်လို့ လုံဝစဉ်းစားကြည့်လို့မရပါဘူး။ နောက်သူတို့မှာက ၅၀၀ လောက်ပဲ အင်းအားရှိတာလေးနဲ့ လက်နက်ကလည်း ကောင်းကောင်းမရှိတော့ သူတို့ပြောနေတဲ့ ရိုဟင်ဂျာကာကွယ်ရေးကို သူတို့ ဘယ်လိုလုပ်နိုင်မှာလဲ။ သူတို့အခုလိုတိုက်တာကြောင့် တန်ပြန်ပြင်းပြင်းထန်ထန်တိုက်ခိုက်ခံရတဲ့ ဆိုးကျိုးတွေပဲ ဖြစ်လာတာပေါ့လေ။ အခုလိုဖြစ်လာမှာကို ARSA က ကြိုမသိထားဘူးလားလို့ တွေးဖို့ ခက်ပါတယ်။"

ဒါပေမယ့် အမေရိကန်အခြေစိုက် ဟာဝိုင်ယီ တက္ကသိုလ်ကအာရှရေးရာလေ့လာရေးဌာန ပါမောက္ခ Michael Aung-Thwin ကတော့ ဒီအဖွဲ့က လက်နက်အားနည်းပေမယ့် အသေအချာတော့ ပြင်ဆင်ခဲ့တယ်လို့ ဆိုပါတယ်။

“လုံခြုံရေးတပ်ဖွဲ့တွေကို နည်းပရိယာယ်တွေ သုံးတိုက်ခဲ့တဲ့ ARSAအဖွဲ့ဟာ တကယ့်ကိုပြင်ဆင်ပြီးလုပ်ခဲ့တဲ့အဖွဲ့လို့ ကျနော်ယူဆပါတယ်။ ပြီးတော့ သူတို့လုပ်ရပ်ကြောင့် ဘယ်လိုတုံ့ပြန်မှုတွေဖြစ်လာမလဲဆိုတာ သိထားပြီးသားအသေအချာကြိုတွက်ပြီးသားဖြစ်မှာပါ။ ဒါကြောင့်လည်း လုံခြုံရေးတပ်ဖွဲ့တွေရဲ့ ကြမ်းကြမ်းတမ်းတမ်းတုံ့ပြန်မှုတွေ တွေ့လာရတာပါ။”

အဲဒီတော့ ဒီARSAအဖွဲ့တိုက်ခိုက်မှုမှာ ဘယ်လိုရည်ရွယ်ချက်တွေရှိနိုင်ပါသလဲလို့မေးရာမှာ Michael Aung-Thwin ကတော့အခုလိုဆက်ပြီး ခြေကုတ်ရဖို့လုပ်တာပါလို့ ဆိုပါတယ်။

“ကျနော်ထင်ပါတယ် အရှေ့တောင်အာရှမှာ နောက်ထပ်ခြေကုတ်နေရာ ရဖို့ပါ ။ ဒီနေရာက အခုလို ခြေကုတ်ယူဖို့အခြေအနေပေးတဲ့ အားနည်းချည့်နဲ့တဲ့နေရာဖြစ်နေလို့ပါ။ ဘာကြောင့်လဲဆိုတေ့ာ လူ့အသိုင်းအ၀ိုင်း၂ ခုအကြားဆန့်ကျင်မုန်းတီးမှုတွေက ရှိထားပြီးသားပါ။ နောက်လူမှုစီးပွားအခြေအနေကလည်း အင်မတန်မှကို ဆင်းရဲနိမ့်ကျနေပါတယ်။ ရခိုင်ပြည်နယ်ဟာ မြန်မာပြည်မှာ အဆင်းရဲဆုံးပြည်နယ်တွေထဲကလည်းတခု ဖြစ်ပါတယ်။"

စာရေးဆရာ Bertil Lintner က ဒီARSAအဖွဲ့ရဲ့ အခုလိုတိုက်ခိုက်တဲ့ ရည်ရွယ်ချက်က နိုင်ငံတကာမှာ ရိုဟင်ဂျာအရေး လူတွေပိုသိလာပြီး အာရတ်ကမ္ဘာမှာ ထောက်ခံမှု ပိုရလာကာ မြန်မာနိုင်ငံမှာလည်း ထွက်ပေါက်ပိတ်မိနေတဲ့ ရိုဟင်ဂျာတွေကို လူစုဖို့ဖြစ်တယ်လို့ ပြောပါတယ်။

ဒါ့အပြင် Bertil Lintner က ဒီARSAအဖွဲ့ရဲ့ ရှေ့ရေးအလာအလာကတော့ ဘင်္ဂလားဒေ့ရ်ှမှာ ရှိတဲ့အစိုးရအပေါ်မူတည်တယ်၊ လက်ရှိအစိုးရကတော့ သူတို့အပေါ်နိမ်နင်းလိုတယ်၊ မြန်မာအစိုးရနဲ့ ပူးတွဲစစ်ဆင်ရေးတွေလုပ်ဖို့တောင် ကမ်းလှမ်းထားတာရှိတယ်၊ ဒါပေမယ့် အဲဒါတွေက အခုအချိန် မှာဖြစ်မလာသေဘူး။ ဒါပေမယ့် အတိုက်အခံပါတီ အမျိုးသားရေးပါတီက လာမယ့်နှစ်ရွေးကောက်ပွဲမှာ အနိုင်ရလာရင်တော့ ရိုဟင်ဂျာအစွန်းရောက်တွေအနေနဲ့ လုပ်ပိုင်ခွင့်တွေ ပိုရလာနိုင်တယ်လို့ သုံးသပ်ပါတယ်။

ဝင်းမင်း  / ဗွီအိုအေ (မြန်မာပိုင်း)
https://burmese.voanews.com

Read More