10 Women In Myanmar 2016

ပုခက်လွှဲသောလက်များ အဖြစ်သာ ရှိနေခဲ့သော အမျိုးသမီးများ၏ အခန်းကဏ္ဍမှာ ကျား၊ မ တန်းတူညီမျှရေးမူ ရှေ့တန်းရောက်လာချိန်မှ စတင်ကာ ကမ္ဘာပေါ်တွင် ထင်ရှားကျော်ကြားသည့် အမျိုးသမီးများစွာ ပေါ်ထွက်လာခဲ့သည်။ မြန်မာနိုင်ငံတွင်လည်း အမျိုးသမီးများ တန်းတူညီမျှရေး အသိအမှတ်ပြု လုပ်ဆောင်လာသည်နှင့်အမျှ အရည်အချင်းရှိသည့် မြန်မာအမျိုးသမီး စွမ်းဆောင်ရှင်များစွာ ပေါ်ထွက်လာနေပြီ ဖြစ်သည်။ထူးချွန်ထက်မြက်ပြီး စွမ်းဆောင်နိုင်စွမ်း ရှိသော မြန်မာအမျိုးသမီးများ ယခုထက် ပိုမိုပေါ်ထွက်လာစေရေးအတွက် များစွာ အလေးအနက်ထားသည်နှင့်အညီ နယ်ပယ်အသီးသီးတွင် ဦးဆောင်နေသော မြန်မာအမျိုးသမီးများစွာထဲမှ ၁၀ ဦးကို ရွေးချယ်ကာ 10 Women In Myanmar 2016 ကဏ္ဍတွင် ဖော်ပြလိုက်ပါသည်။

ဒေါ်အောင်ဆန်းစုကြည်

မြန်မာနိုင်ငံ၏ ဒီမိုကရေစီစနစ်သို့ ပြောင်းလဲရေးတွင် အရေးပါသည့် ၂၀၁၅ ရွေးကောက်ပွဲအလွန် ကာလ၌ တာဝန်ထမ်းဆောင်မည့် နိုင်ငံတော်သမ္မတကို ဖန်ဆင်မွေးဖွားသူ (Presidential Maker) အဖြစ် ပြောင်မြောက်စွာ ဆောင်ရွက်ခဲ့ရုံသာမက တပ်မတော် ခေါင်းဆောင်များ စိတ်တိုင်းကျ အချိန်ယူ ရေးဆွဲခဲ့သည် ၂၀၀၈ အခြေခံဥပဒေ၏ ဂယ်ပေါက် ပုဒ်မ ၂၁၇ ကို အသုံးပြုကာ အစိုးရအဖွဲ့ကို ဦးဆောင်မှု ပေးနိုင်သော နိုင်ငံတော်၏ အတိုင်ပင်ခံ ရာထူးသစ်ကို ဖန်တီးရယူနိုင်ခဲ့ခြင်းများကြောင့် The Voice Daily ၏ 10 Women In Myanmar 2016 အဖြစ် ရွေးချယ်ရခြင်း ဖြစ်သည်။

ဒေါ်အောင်ဆန်းစုကြည်မှာ နိုင်ငံတော်အတိုင်ပင်ခံ ရာထူးအပြင် မြန်မာနိုင်ငံရေးသမိုင်းတွင် သာမက ဒီမိုကရေစီ အသွင်ကူးပြောင်းရေးတွင်ပါ အရေးကြီးသော အခန်းကဏ္ဍတွင် ရှိသည့် တပ်မတော်နှင့် ဆက်ဆံရေး ကောင်းမွန်စေရန် အလို့ငှာ ကာကွယ်လုံခြုံရေးကောင်စီတွင် အဖွဲ့ဝင် ဖြစ်သော နိုင်ငံခြားရေးဝန်ကြီး ရာထူးကိုပါ ထပ်မံရယူကာ စစ်ဘက်၊ အရပ်ဘက် ဆက်ဆံရေး ကောင်းမွန်ရန် ဆောင်ရွက်နေသူ ဖြစ်သည်။

ကမ္ဘာပေါ်တွင် အရှည်ကြာဆုံး ပြည်တွင်းစစ် ဖြစ်ပွားနေသော မြန်မာနိုင်ငံတွင် ငြိမ်းချမ်းရေး ပြန်လည်ရရှိရေးနှင့် ဖက်ဒရယ်ပြည်ထောင်စုစနစ် တည်ဆောက်ရေးတို့တွင် ကနဦးခြေလှမ်း ဖြစ်သည့် ပင်လုံညီလာခံ ကျင်းပရေးကို ဦးစီးဆောင်ရွက်ပေးခဲ့ခြင်းသည်လည်း ၂၀၁၆ ခုနှစ်အတွင်း သမိုင်းမှတ်တမ်းတင်ရမည့် ဒေါ်အောင်ဆန်းစုကြည်၏ ဆောင်ရွက်ချက်တစ်ခု ဖြစ်သည်။

နိုင်ငံခြားရင်းနှီးမြှုပ်နှံမှုနှင့် ပြည်ပကုန်သွယ်ရေးတွင် အဓိက အဟန့်အတား ဖြစ်နေသော အမေရိကန်ပြည်ထောင်စု၏ စီးပွားရေး ပိတ်ဆို့မှု ရုပ်သိမ်းရေး၊ နိုင်ငံခြားရင်းနှီးမြှုပ်နှံမှုများ ပြန်လည်ဝင်ရောက်လာစေရေးနှင့် လမ်းတံတား၊ လျှပ်စစ် စသော အခြေခံအဆောက်အဦများ တည်ဆောက်ရေးတို့အတွက် လိုအပ်သော အထောက်အပံ့ချေးငွေများ ရရှိစေရေးအတွက်  အမေရိကန်ပြည်ထောင်စု၊ ဗြိတိန်၊ တရုတ်၊ ဂျပန် စသော G 20 နိုင်ငံများသို့ ၂၀၁၆ ခုနှစ်အတွင်း သွားရောက်ခဲ့ရာ တိုင်းပြည်ဖွံ့ဖြိုးရေးအတွက် အသက် ၇၀ ကျော်အရွယ် ရောက်ရှိနေသော  အမယ်အိုတစ်ဦး၏ မိုင်ထောင်ချီ ခရီးစဉ်အဖြစ် မှတ်တမ်းတင်ရမည် ဖြစ်သည်။

လူမျိုးရေး ပဋိပက္ခများ ဖြစ်ပွားနေသော ရခိုင်ပြည်နယ်အရေးတွင် နိုင်ငံတကာ အသိုင်းအဝိုင်း၏ ယုံကြည်မှု ရရှိစေရန် ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်ကို ရခိုင်ပြည်နယ် အကြံပေးကော်မရှင် ဥက္ကဋ္ဌအဖြစ် ခန့်အပ်ခဲ့ခြင်းနှင့် ဘင်္ဂါလီများကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ UNHCR အကူအညီရယူ၍ နိုင်ငံသားစိစစ်ခြင်း လုပ်ငန်းများ ဆောင်ရွက်ရန် စီစဉ်ခဲ့ခြင်းများမှာ ဒေါ်အောင်ဆန်းစုကြည်ထံတွင် ရှိသော သံတမန်ရေးရာ စွမ်းဆောင်နိုင်မှု ဖြစ်သည်။

မြန်မာ့လွတ်လပ်ရေး ဗိသုကာ၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ သမီးဖြစ်သူ ဒေါ်အောင်ဆန်းစုကြည်မှာ ၁၉၈၈ လူထုအုံကြွမှု ကာလမှ စတင်၍ မြန်မာ့နိုင်ငံရေး ဖြစ်ပေါ်ပြောင်းလဲမှုများတွင် ပါဝင်လာခဲ့သူ ဖြစ်သည်။ ယခင်တပ်မတော်အစိုးရ လက်ထက်တွင် နေအိမ်အကျယ်ချုပ် ၃ ကြိမ်  (၁၃ နှစ်နီးပါး) ကျခံခဲ့ရသည်။

သို့သော် ၂၀၁၅ ရွေးကောက်ပွဲတွင် ကော့မှူးမြို့နယ် မဲဆန္ဒနယ်မှ ဝင်ရောက်ယှဉ်ပြိုင် အရွေးချယ်ခံခဲ့ရပြီး မြန်မာနိုင်ငံ၏ တစ်ဦးတည်းသော နိုင်ငံတော်၏ အတိုင်ပင်ခံပုဂ္ဂိုလ်အဖြစ် ဥပဒေ ပြဋ္ဌာန်းကာ ရွေးချယ်တင်မြှောက်ခံခဲ့ရသူလည်း ဖြစ်သည်။                                            

ဒေါ်နန်းလိုင်းခမ်း

ကမ္ဘောဇ အနာဂတ်အလင်းတန်း မြန်မာဖောင်ဒေးရှင်း (BFM) ၏ ဥက္ကဋ္ဌအဖြစ် တာဝန်ယူထားသူဖြစ်ပြီး နိုင်ငံတစ်ဝန်းရှိ လိုအပ်နေသော ဒေသများတွင် အကူအညီများ ထိရောက်စွာ ပံ့ပိုးပေးနိုင်အောင် ဦးဆောင်နိုင်သူ ဒေါ်နန်းလိုင်းခမ်းကို The Voice Daily ၏ 10 Women In Myanmar 2016 အဖြစ် ရွေးချယ်ဖော်ပြလိုက်ပါသည်။

၂၀၁၆ ခုနှစ် အတွင်းတွင် မလေးရှားနိုင်ငံရှိ ထိန်းသိမ်းရေးစခန်း ၁၁ ခုတွင် အကြောင်းအမျိုးမျိုးကြောင့် ထိန်းသိမ်းခံနေကြရသော မြန်မာနိုင်ငံသား စုစုပေါင်း ၂၂၉၄ ဦးကို အသုတ်ခွဲ၍ မြန်မာနိုင်ငံသို့ ပြန်လည်ခေါ်ဆောင်နိုင်ရန် ပါဝင်လုပ်ဆောင်ပေးခဲ့ခြင်းနှင့် ရှမ်းပြည်နယ်ရှိ ရေရှားပါးသော ဒေသများတွင် ၂၀၁၄ ခုနှစ်မှစ၍ ၂၀၁၆ ဒီဇင်ဘာလအထိ စက်ရေတွင်းပေါင်း ၁၈၄ တွင်း တူးဖော်လှူဒါန်းခဲ့ခြင်းတို့မှာ ဒေါ်နန်းလိုင်းခမ်း၏ ယခုနှစ်အတွင်း ထင်ရှားသော လုပ်ဆောင်မှုများ ဖြစ်သည်။

ထို့အပြင် စစ်ဘေးသင့်ဒေသများ၊ သဘာဝဘေးအန္တရာယ် ကျရောက်ရာ ဒေသများတွင် ကူညီကယ်ဆယ်ရေး လုပ်ငန်းများ ဆောင်ရွက်ခြင်း၊ ပညာရေးကဏ္ဍအတွက် ပံ့ပိုးကူညီမှုများနှင့် မသန်စွမ်းများ ဘဝတိုးတက်လာစေရေး ကူညီပံ့ပိုးခြင်းတို့ကိုလည်း ဆောင်ရွက်ခဲ့သည်။

အစိုးရသစ် စတင်တာဝန်ယူသည့် ၂၀၁၆ ခုနှစ်အတွင်း မြန်မာနိုင်ငံ အမျိုးသမီးရေးရာအဖွဲ့ချုပ်က ရွေးချယ်ပေးအပ်သည့် ‘ထူးချွန်အမျိုးသမီး ဂုဏ်ပြုဆု’ နှင့် လူမှုဝန်ထမ်း ကယ်ဆယ်ရေးနှင့်  ပြန်လည်နေရာချထားရေး ဝန်ကြီးဌာနက ပေးအပ်သည့် ‘မသန်စွမ်းသူများ အလုပ်အကိုင် အခွင့်အလမ်းဖန်တီးမှု စွမ်းဆောင်ရည်ဆု’ တို့ကိုလည်း ရရှိခဲ့သည်။

မြန်မာနိုင်ငံတွင်း နာဂစ်မုန်တိုင်း ကျရောက်ချိန်တွင် မုန်တိုင်းသင့်ဒေသများရှိ ပြည်သူများအတွက် ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို ကမ္ဘောဇဘဏ်လီမိတက်၏ အမှုဆောင် ဒါရိုက်တာတစ်ဦးလည်း ဖြစ်သူ ဒေါ်နန်းလိုင်းခမ်းက ဦးဆောင်ကာ ကမ္ဘောဇဘဏ် ဝန်ထမ်းများနှင့် လူမှုကူညီရေး လုပ်ငန်းများ စတင်လုပ်ဆောင်ခဲ့သည်။

ယင်းမှအစပြုကာ ကမ္ဘောဇ အနာဂတ်အလင်းတန်းမြန်မာ ဖောင်ဒေးရှင်း (BFM) ကို စတင်ဖွဲ့စည်းတည်ထောင်ခဲ့ပြီး၊ စတင်တည်ထောင်သည့် ၂၀၀၇ ခုနှစ်မှ ယခု ၂၀၁၆ ခုနှစ် ဒီဇင်ဘာလ အထိ နိုင်ငံအတွင်း လိုအပ်သည့် ဒေသအနှံ့အပြားတွင် လူမှုကူညီရေး လုပ်ငန်းများအတွက် စုစုပေါင်း ကျပ်ငွေ ၁၁၀ ဒသမ ၆၈၂ ဘီလီယံကျော် လှူဒါန်းခဲ့ခြင်းတို့ကြောင့် ယခုကဲ့သို့ ရွေးချယ်ဖော်ပြရခြင်း ဖြစ်သည်။            

ဒေါက်တာစင်သီယာမောင်

၁၉၉၀ ခုနှစ်ခန့်မှ စတင်ပြီး မြန်မာ-ထိုင်းနယ်စပ် မဲဆောက်မြို့ အခြေစိုက်ကာ ထိုင်းနိုင်ငံသို့ ထွက်ပြေးတိမ်းရှောင်လာသော နိုင်ငံရေးဒုက္ခသည်များ၊ မြန်မာရွှေ့ပြောင်းလုပ်သားများ၊ စစ်ပြေးဒုက္ခသည် တိုင်းရင်းသားများကို ကျန်းမာရေး စောင့်ရှောက်မှု ပေးနိုင်ရန် မယ်တော်ဆေးခန်း တည်ထောင်ကာ ဘဝတစ်ခုလုံး မြှုပ်နှံကုသပေးနေသူ ဒေါက်တာစင်သီယာမောင်ကို The Voice Daily ၏ 10 Women In Myanmar 2016 အဖြစ် ရွေးချယ်လိုက်ပါသည်။

မယ်တော်ဆေးခန်းသည် မြန်မာ-ထိုင်းနယ်စပ် မဲဆောက်မြို့တွင် တည်ရှိသည်။ လွန်ခဲ့သည့် နှစ်ပေါင်း ၂၀ ကျော် ကတည်းကပင် ဒေါက်တာစင်သီယာမောင် တစ်ယောက် မယ်တော်ဆေးခန်းကို ခက်ခက်ခဲခဲ တည်ထောင်ခဲ့သည်။ သိန်းနှင့်ချီသော ထိုင်းနိုင်ငံရောက် မြန်မာရွှေ့ပြောင်း အလုပ်သမားများအတွက် ယင်းဆေးခန်းမှာ အဓိက အားထားရာ ဖြစ်ခဲ့သည်။

မယ်တော်ဆေးခန်းရောက် ရွှေ့ပြောင်းလုပ်သားများအနက် ဒဏ်ရာပြင်းထန်သူများကို ယခင်က မဲဆောက်ဆေးရုံနှင့် ဘန်ကောက်ဆေးရုံကြီးသို့ ပို့ပေးခဲ့သည်။ ၂၀၁၆ ခုနှစ်တွင် မြဝတီဆေးရုံ၌ လွှဲပြောင်းကုသနိုင်ရန် ဒေါက်တာစင်သီယာမောင် တစ်ယောက် ကြိုးစားခဲ့သည်။

ဒေါက်တာစင်သီယာမောင်၏ ၂၀၁၆ ခုနှစ် ထူးခြားသော လုပ်ဆောင်ချက်မှာ ယခင်ဆေးခန်းကို ခုတင် ၁၄၀ ဆံ့ ဆေးခန်းအဖြစ် မဲဆောက်မြို့ အတွင်း၌ပင် မေလ ၂၈ ရက်နေ့တွင် နေရာပြောင်းရွှေ့ ဖွင့်လှစ်နိုင်ခဲ့ပြီး ကျန်းမာရေး စောင့်ရှောက်မှု ပေးနိုင်ခဲ့ခြင်း ဖြစ်သည်။

ဝေးလံခေါင်သီသည့် အရပ်ဒေသများရှိ ကိုယ်ဝန်ဆောင် အမျိုးသမီးနှင့် ကလေးငယ်များ အတွက်လည်း နယ်လှည့်ဆေးကုသရေး အဖွဲ့များကို ၂၀၁၆ ခုနှစ်အတွင်း စေလွှတ်ခဲ့သည်။ ထို့ပြင် လူတစ်ဦးအတွက် တစ်နှစ်လျှင် ကျန်းမာရေး အသုံးစရိတ် အမေရိကန်ဒေါ်လာ ၂၀ ခန့်သာ သုံးသည့် မြန်မာ့အစိုးရ၏ ကျန်းမာရေးဘတ်ဂျက် တိုးမြှင့်ရန်လည်း ဒေါက်တာစင်သီယာမောင်က အစဉ်အစိုက် တောင်းဆိုခဲ့သည်။

အထက်ပါ စွမ်းဆောင်မှုများအပြင် ထိုင်းနိုင်ငံရောက် မြန်မာရွှေ့ပြောင်း လုပ်သားများကို မြန်မာဆေးရုံများတွင် လွှဲပြောင်းကုသနိုင်ရေး၊ လူတိုင်းလက်လှမ်းမီသည့် ကျန်းမာရေးစနစ် ပေါ်ပေါက်လာရေးတို့ကိုပါ ကြိုးစားအကောင်အထည်ဖော်ခဲ့သူ ဖြစ်ပြီး နိုင်ငံတကာ ပရဟိတအဖွဲ့ တစ်ဖွဲ့ ဖြစ်သော (AidEx) အဖွဲ့က ၂၀၁၆ ခုနှစ် လူသားချင်း စာနာထောက်ထားမှုဆိုင်ရာ လူစွမ်းကောင်းဆု အပါအဝင် နိုင်ငံတကာဆုပေါင်း ၂၀ ကျော် ရရှိထားသူဖြစ်သည်။

ဒေါ်ဝင်းဝင်းတင့်

မြန်မာနိုင်ငံ မြို့ကြီးများ၌ City Mart Supermarket၊ Ocean Super Center၊ City Express စသည်ဖြင့် ကုန်တိုက်နှင့် လက်လီအရောင်း ဆိုင်ခွဲပေါင်း ၁၈၀ ကျော် ဖွင့်လှစ်ထားနိုင်သည့် စီးတီးမတ် ဟိုးလ်ဒင်းကို ၁၉၉၆ ခုနှစ်ကတည်းက အောင်မြင်စွာ ဦးဆောင်လုပ်ကိုင်နေသော ဒေါ်ဝင်းဝင်းတင့်ကို The Voice Daily ၏ 10 Women In Myanmar 2016 အဖြစ် ရွေးချယ်လိုက်ပါသည်။

၂၀၁၆ ခုနှစ် ဇန်နဝါရီလအတွင်းက ကမ္ဘာ့ဘဏ်အုပ်စုဝင် အပြည်ပြည်ဆိုင်ရာ ဘဏ္ဍာရေးကော်ပိုရေးရှင်း (IFC) က City Mart Holdings Co., Ltd. ၏ လုပ်ငန်းတိုးချဲ့မည့် စီမံကိန်းများအတွက် အမေရိကန်ဒေါ်လာ၂၅ သန်း ရင်းနှီးမြှုပ်နှံမည်ဟု သဘောတူခဲ့သည်။ ယင်းရင်းနှီးမြှုပ်နှံငွေများဖြင့် လာမည့်သုံးနှစ်အတွင်း ဆူပါမားကက်နှင့် ဟိုက်ပါမားကက်ပေါင်း ၂၀ ကျော် ထပ်မံတိုးချဲ့လာနိုင်ဖွယ် ရှိနေသည်။

ထို့ပြင် ဒေါ်ဝင်းဝင်းတင့်မှာ ကမ္ဘာကျော် Forbes မဂ္ဂဇင်းကြီးက ရွေးချယ်သော ၂၀၁၅ ခုနှစ် အာရှ၏ အင်အားအကြီးမားဆုံး စီးပွားရေးလုပ်ငန်းရှင် အမျိုးသမီး အယောက် ၅၀ စာရင်း၌လည်း ပါဝင်ခဲ့ဖူးသည်။ ထူးခြားမှုတစ်ခုအဖြစ် ၂၀၁၆ ခုနှစ်အတွင်း၌ ရန်ကုန်မြို့ မြေနီကုန်းရှိ စီးတီးမတ် ဆိုင်ခွဲကို ၂၄ နာရီ စတင်ဖွင့်လှစ်နိုင်ခဲ့ပြီး အခြားဆိုင်ခွဲအချို့ကိုလည်း ၂၄ နာရီ ဖွင့်လှစ်နိုင်ရန် ပြင်ဆင်လျက်ရှိသည်။

၂၀၂၁ ခုနှစ် အရောက်မှာ စီးတီးမတ်ကုမ္ပဏီက ပြည်တွင်းပစ္စည်းရောင်းချသူများထံမှ အမေရိကန်ဒေါ်လာ သန်း ၁၅၀ တန်ဖိုးခန့်အထိ ဝယ်ယူနိုင်မည်ဟု ခန့်မှန်းမှုများလည်း ရှိသည်။ ထိုအခါ ကုမ္ပဏီက လက်ရှိပစ္စည်းဝယ်ယူမှု ပမာဏထက် ခြောက်ဆ ပိုမိုဝယ်ယူနိုင်မည် ဖြစ်ပြီး အမျိုးသမီးများအတွက် အလုပ်အကိုင် အခွင့်အလမ်း ၄၀၀၀ ခန့် ထပ်မံ ဖန်တီးပေးနိုင်လာမည် ဖြစ်သည်။

၂၀၁၆ ခုနှစ်၏ ASEAN Business Awards စာရင်း၌လည်း လူငယ်စီးပွားရေး လုပ်ငန်းရှင်ဆုကို ဒေါ်ဝင်းဝင်းတင့် ဦးဆောင်သော City Mart Holdings Co., Ltd. က ရရှိခဲ့သည်။

ဒေါ်ခင်လေး

မြန်မာနိုင်ငံ အမျိုးသမီး အခွင့်အရေး လှုပ်ရှားမှုများကို ရှေ့တန်းမှ တစိုက်မတ်မတ် ဆောင်ရွက်နေသည့် တက်ကြွလှုပ်ရှားသူတစ်ဦး ဖြစ်ပြီး Triangle Women အဖွဲ့ ဦးဆောင်ထူထောင်သူတစ်ဦး ဖြစ်သူ ဒေါ်ခင်လေးကို The Voice Daily ၏ 10 Women In Myanmar 2016 အဖြစ် ရွေးချယ်လိုက်ပါသည်။

ဒေါ်ခင်လေးသည် အမျိုးသမီးများအပေါ် အကြမ်းဖက်မှုများ ပပျောက်ရန်နှင့် သက်ငယ်မုဒိမ်းမှုများ ထိရောက်စွာ အရေးယူ ဆောင်ရွက်ရေး လှုပ်ရှားမှုများ၊ အသိပညာပေး ဖျော်ဖြေပွဲများကို ၂၀၁၆ ခုနှစ်အတွင်း ရန်ကုန်အပါအဝင် နယ်မြို့များတွင် ဒေသခံများနှင့် ပိုမိုပူးပေါင်းလုပ်ဆောင်ခဲ့သူလည်း ဖြစ်သည်။

ယခုနှစ်အတွင်း  ကျင်းပသည် ၂၁ ရာစု ပင်လုံညီလာခံ မတိုင်မီတွင် ဒေါ်ခင်လေးသည် ငြိမ်းချမ်းရေး လုပ်ငန်းစဉ်များတွင် အမျိုးသမီးထု ပိုမိုပါဝင်နိုင်ရေးကို အထူးအလေးပေး ဆောင်ရွက်ခဲ့သည်။

နယ်ပယ်အသီးသီး၏ ဦးဆောင်သူနေရာတွင် အမျိုးသမီးများ ပိုမိုပါဝင်လာနိုင်ရေးကို အထက်မှ အောက်ခြေအထိ ရောက်ရှိစေရန် ဦးဆောင် လှုံ့ဆော်မှုများကြောင့် ဒေါ်ခင်လေးကို ပို၍ လူသိများလာခဲ့သည်။

ထို့အပြင် ဒေါ်ခင်လေးသည် Triangle  ၏  ဦးဆောင်ဒါရိုက်တာ အနေနှင့် ကျန်းမာရေးဆိုင်ရာ အသိပညာများ (TB၊ HIV၊ မျိုးဆက်ပွား ကျန်းမာရေး၊ ဇီကာဗိုင်းရပ်စ်)၊ ကျား မ တန်းတူညီမျှရေး၊ အမျိုးသမီးနှင့် မိန်းကလေးငယ်များအပေါ် အကြမ်းဖက်မှု တိုက်ဖျက်ရေး စသည်တို့နှင့် ပတ်သက်သော အသိပညာပေး လုပ်ငန်းများကို အောက်ခြေလူထုနှင့် ပိုမိုနီးစပ်လာစေရန် စည်းရုံးဆော်သြပေးနိုင်ခဲ့သည်။ ထို့အပြင် အမျိုးသမီး ခေါင်းဆောင်မှု သင်တန်းများကိုပါ ပို့ချပေးလျက်ရှိသည်။

အထူးသဖြင့် ဒေါ်ခင်လေးသည် ဆုံးဖြတ်ချက်ချသည့် နေရာများတွင် အမျိုးသမီးများ ဦးဆောင်ပါဝင်ရေး ဟောပြောပို့ချမှုများကို မြန်မာနိုင်ငံအရပ်ရပ်မှ နိုင်ငံရေးပါတီများ၊ အရပ်ဘက် အဖွဲ့အစည်းများမှ အမျိုးသမီးများအထိ ရောက်ရှိပျံ့နှံ့စေရန် စွမ်းဆောင်ပေးနိုင်ခဲ့သည့်အပြင်  မြန်မာလူ့အဖွဲ့အစည်းတွင် အမျိုးသမီးများ ပါဝင်ရေး ပိုမိုလိုအပ်မှု ရှိကြောင်း သူ၏ လှုပ်ရှားမှုများက မီးမောင်းထိုးနိုင်သည့်အတွက် ယခုကဲ့သို့ ရွေးချယ်ဖော်ပြရခြင်း ဖြစ်သည်။                                

ဒေါ်မြတ်သက်မွန်

ခွေးကောင်ရေ ၂၀၀ နီးပါးကို စနစ်တကျ ဂေဟာဖွင့်ကာ စောင့်ရှောက်နေသူ ဖြစ်သည့် ဒေါ်မြတ်သက်မွန်၏ လုပ်ဆောင်ချက်များကြောင့် The Voice Daily ၏ 10 Women In Myanmar 2016 အဖြစ် ရွေးချယ်လိုက်ခြင်း ဖြစ်သည်။

မြန်မာနိုင်ငံရှိ ပရဟိတလုပ်ငန်းများတွင် လေလွင့်ခွေးများ ကာကွယ်စောင့်ရှောက်မှုပေးခြင်းမှာ စေတနာ ထူးကဲသည့် လုပ်ဆောင်မှုဖြစ်ပြီး လူအများစု စိတ်ဝင်စားမှု မရှိလှသည့် ပရဟိတ လုပ်ငန်းကို ကိုယ်ပိုင်ငွေကြေး စိုက်ထုတ်ကာ စတင်လုပ်ဆောင်ခဲ့သူလည်း ဖြစ်သည်။

လေလွင့်ခွေးများ အဆိပ်ကျွေး သုတ်သင်မည့် သတင်းကြောင့် ဒေါ်မြတ်သက်မွန်မှာ ၂၀၁၆ ခုနှစ်အတွင်း ခွေးလေခွေးလွင့် ကယ်ဆယ်ရေး လုပ်ငန်းများကို ပိုမိုလုပ်ကိုင်ခဲ့သည်။

၂၀၁၆ ခုနှစ် စက်တင်ဘာလတွင် သန်လျင်မှ ခွေးများကို လှည်းကူးဂေဟာသို့ ရွှေ့ပြောင်းခြင်း၊ သဘာဝတရားရိပ်သာရှိ ခွေးများ၊ အင်းစိန်ဆေးရုံရှိ လေလွင့်ခွေး ၄၀၊ ၅၀ ခန့်ကို ဂေဟာတွင် စောင့်ရှောက်ပေးခြင်းများအပြင် ရောဂါပေါင်းစုံရှိသည့် ခွေးများ၊ လမ်းဘေးပစ်ထားသည့် ခွေးများ၊ ဓားခုတ်ခံရသည့်ခွေးများ၊ ကားတိုက်ခံရသည့် ခွေးများကိုလည်း ကယ်တင်စောင့်ရှောက်ကာ ဆေးဝါးကုသပေးခဲ့သည်။

တရုတ်ပြည်ပို့မည့် ခွေး ၁၃၉ ကောင်ကို ၂၀၁၃ ခုနှစ်တွင် စတင်ကယ်ဆယ်ခဲ့ရာမှ ရန်ကုန်တိုင်း သန်လျင်မြို့နယ်၊ ကျောက်တန်းရွှေပြောက်ကြီးတွင် ခွေးဂေဟာ နှစ်လခန့်ဖွင့်လှစ်ခဲ့ပြီး ထိုမှ ထမလုံရွာသို့ ပြောင်းရွှေ့ဖွင့်လှစ်ခဲ့သည်။

ယခုအခါ ခွေးကောင်ရေ များပြားလာသောကြောင့် လှည်းကူးသို့ ပြောင်းရွှေ့ရန် စီစဉ်လျက်ရှိပြီး ပြင်ဆင်ဆောင်ရွက်ရမည့် အခြေအနေများကြောင့် လက်ရှိတွင် အဆိုပါ နေရာအနီးတွင် ယာယီဂေဟာဖွင့်လှစ်ပြီး ခွေးကောင်ရေ နှစ်ရာနီးပါးကို စောင့်ရှောက်လျက်ရှိသည်။                

ဒေါ်ဖြူအိသိမ်း

ဒေါ်ဖြူအိသိမ်းသည် မြန်မာနိုင်ငံတွင် တိမ်မြုပ်ပျောက်ကွယ်လု ဖြစ်နေသည့် မြန်မာရက်ကန်းပညာကို ဆယ်စုနှစ်တစ်ခုနီးပါး အချိန်ယူေ ဖ်ာထုတ်ရန် ကြိုးပမ်းခဲ့သူဖြစ်သည်။ ထို့အပြင် သူသည် ဓာတုဗေဒနည်း မသုံးဘဲ သဘာဝဆိုးဆေး အသုံးပြုချည်ထည်များကို ဖော်ထုတ်ပြီး ဂျပန်နိုင်ငံသို့ မြန်မာ့ချည်ထည်များ ပထမဆုံး တင်ပို့နိုင်ခဲ့သူလည်း ဖြစ်သည်။

၂၀၀၄ ခုနှစ်မှ စတင်၍ ဂျပန်နိုင်ငံသို့ သဘာဝဆိုးဆေးဖြင့် အသုံးပြု ထုတ်လုပ်ထားသော မြန်မာချည်ထည်များ တင်ပို့ခဲ့ပြီး ၂၀၁၃ ခုနှစ်တွင် သူ၏လုပ်ငန်းကို ရန်ကုန်တွင်ရုံးဖွင့်၍ စတင်လုပ်ကိုင်ခဲ့သည်။

၂၀၁၄ ခုနှစ်တွင် ဂျာမနီနိုင်ငံမှ ဂျီအိုင်ဇတ် (GIZ) အဖွဲ့ကြီးက ပေးအပ်သည့် ၂၀၁၄ ခုနှစ်အတွင်း မြန်မာစွန့်ဦးတီထွင်လုပ်ငန်းများအတွက် အရှိန်အဟုန်မြှင့်တင် ပေးနိုင်သူဆုကို ရရှိခဲ့သည်။ သူ၏ ချည်ထည်များကို ညောင်ရွှေမြို့တွင် သဘာဝဆိုးဆေးဖြင့် ထုတ်လုပ်လျက်ရှိပြီး ရိုးရာရက်ကန်းဖြင့် ချည်ထည်များ၊ အမှတ်တရ ပစ္စည်းများလည်း ထုတ်လုပ်လျက်ရှိသည်။

ထို့အပြင် ဒေါ်ဖြူအိသိမ်းသည် မြန်မာ့ရိုးရာရက်ကန်းပညာ ပိုမိုလူသိများ ကျယ်ပြန့်လာရေး အတွက်လည်း ကြိုးစားနေသူ ဖြစ်သည်။ အများနှင့် မတူသော သူ၏ ရိုးရာရက်ကန်းနှင့် သဘာဝ ချည်ထည်ထုတ်လုပ်မှုကြောင့် မြန်မာနိုင်ငံမှ ချည်ထည်များ ဂျပန်ဈေးကွက်အထိ တင်ပို့နိုင်သည့်အပြင် ထိုချည်ထည်များကို အခြေခံကာ အမှတ်တရ လက်ဆောင်ပစ္စည်းများလည်း ထုတ်လုပ်လျက်ရှိသည်။

မြန်မာနိုင်ငံထုတ် အမှတ်တရ ပစ္စည်းရောင်းချသည့် ဈေးကွက်ကလည်း ယခုနှစ်အတွင်း ပိုမိုကျယ်ပြန့်စွာ လူသိများလာခြင်းကြောင့် The Voice Daily ၏ 10 Women In Myanmar 2016 အဖြစ် ရွေးချယ်လိုက်ခြင်းဖြစ်သည်။  
    
အက်စ်သာထုဆန်

အက်စ်သာထုဆန်သည် မြန်မာနိုင်ငံမှ ပထမဆုံး ပူလစ်ဇာဆုရ ရှိသည့် အမျိုးသမီး သတင်းထောက် ဖြစ်သည်။ ကချင်တိုင်းရင်းသူ အက်စ်သာထုဆန်သည် အေပီသတင်းဌာနတွင် လုပ်ကိုင်ရင်း ၂၀၁၆ ခုနှစ်အတွက် ကမ္ဘာ့သတင်းလောက၏ အမြင့်ဆုံးဆုဟု ခေါ်ဆိုရမည့် ပူလစ်ဇာဆုကို အခြားလုပ်ဖော်ကိုင်ဖက် အမျိုးသမီး ၃ ဦးနှင့်အတူ ရရှိခဲ့ခြင်း ဖြစ်သည်။

သူရေးသားခဲ့သည့် သတင်းကြောင့် ထိုင်းငါးဖမ်းလှေများ၊ လူကုန်ကူးမှုကြောင့် ကျွန်အဖြစ် ဖမ်းဆီးခံနေရသူ မြန်မာနိုင်ငံသားများ အပါအဝင် ရေလုပ်သား ၂၀၀၀ ကျော်ကို ကယ်တင်နိုင်ခဲ့သည်။ အက်စ်သာထုဆန်သည် ၂၀၁၄ ခုနှစ်တွင်း လုပ်ဖော်ကိုင်ဖက်                                                       သတင်းထောက် ၃ ဦးနှင့်အတူ ထိုင်းနိုင်ငံပိုင် ငါးဖမ်းသင်္ဘောများပေါ်နှင့် အင်ဒိုနီးရှားနိုင်ငံက လူသူအရောက်အပေါက် နည်းသော ကျွန်းများပေါ်တွင် ကျွန်ပြုခံနေရသည့်  ရေလုပ်သားများအကြောင်းကို စတင်စုံစမ်းခဲ့သည်။ ထိုသတင်းကို ဖော်ထုတ်နိုင်ရန် ကြိုးစားနေစဉ် ကာလအတွင်း အက်စ်သာနှင့် လုပ်ဖော်ကိုင်ဖက် သတင်းထောက်တို့သည် ငါးဖမ်းကုမ္ပဏီများဘက်မှ စပိဘုတ်ဖြင့် လိုက်ခြင်း၊ ကုန်ကားများ၏ နောက်ပိုင်းအတွင်း ပုန်းအောင်းကာ သတင်းလိုက်ခြင်း၊ ဒေသခံ လက်နက်ကိုင် လူမိုက်များ၏ ခြိမ်းခြောက်မှုတို့နှင့် တွေ့ကြုံခဲ့ရသော်လည်း ထိုသတင်းကို အောင်မြင်စွာ ဖော်ထုတ်နိုင်ခဲ့ကြသည်။

အရှေ့တောင်အာရှနိုင်ငံများမှ ရေထွက်ကုန် အဓိက တင်သွင်းနေသော အမေရိကန်ပြည်ထောင်စုသည် ထိုကဲ့သို့ မတရား ကျွန်ပြုခံရသူများက အမေရိကသို့ အစားအသောက် တင်ပို့သည့် လုပ်ငန်း လုပ်ကိုင်နေရသည့် သတင်းက အကြီးအကျယ် ဂယက်ရိုက်သွားခဲ့သည်။ ထိုကိစ္စနှင့် ပတ်သက်၍ အမေရိကန် အောက်လွှတ်တော်တွင် ဥပဒေတစ်ခု ပြဋ္ဌာန်းနိုင်ရေး အထိပင် သက်ရောက်ခဲ့သည်။

တစ်နှစ်ကျော် အချိန်ယူ စုံစမ်းဖော်ထုတ်ရေးသားခဲ့ပြီးနောက် မြန်မာနိုင်ငံသား အများစု ပါဝင်သည့် ကျွန်ပြုခံ ရေလုပ်သား၂၀၀၀ ကျော် ပြန်လည်လွတ်မြောက်လာခဲ့ခြင်း၊ ယင်းအတွက် သတင်းစာပညာဆိုင်ရာ အမြင့်မားဆုံး ကမ္ဘာကျော် ပူလစ်ဇာဆုကို မြန်မာနိုင်ငံမှ သတင်းထောက် အမျိုးသမီး ကချင်တိုင်းရင်းသူ အက်စ်သာထုဆန် လက်ခံရရှိခဲ့ခြင်းတို့ကြောင့် The Voice Daily ၏ 10 Women In Myanmar 2016 အဖြစ် ရွေးချယ်လိုက်ရခြင်း ဖြစ်သည်။

ဒေါ်သိန်းသိန်းအေး

မြန်မာ့ဘောလုံးသမိုင်းတွင် ကမ္ဘာ့အဆင့် ဘောလုံးပြိုင်ပွဲကို ပထမဆုံး သွားရောက်ကြီးကြပ်ခွင့်ရသူတစ်ဦး ဖြစ်ပြီး ကမ္ဘာ့အဆင့် သတ်မှတ်ခံရသော ပထမဆုံး မြန်မာလူမျိုး ဒိုင်လူကြီးတစ်ဦးအဖြစ် မှတ်တမ်းဝင်ခဲ့သည့် ဒေါ်သိန်းသိန်းအေးကို The Voice Daily ၏ 10 Women In Myanmar 2016 တွင် ရွေးချယ်ဖော်ပြလိုက်ပါသည်။

ဖီဖာအသိအမှတ်ပြု ဒိုင်လူကြီးဟု မြန်မာအားကစားကလောင်ရှင်များ အကြား ရေပန်းစားခဲ့သည့် ဒေါ်သိန်းသိန်းအေးမှာ ၂၀၁၆ ခုနှစ်တွင်  ပါပူဝါနယူးဂီနီနိုင်ငံတွင် ကျင်းပခဲ့သည့် ကမ္ဘာ့ဖလား ယူ-၂၀ အမျိုးသမီး ဘောလုံးပြိုင်ပွဲတွင် ကွင်းလယ်ဒိုင်အဖြစ် တာဝန်ယူခဲ့ရသည်။

ဒေါ်သိန်းသိန်းအေးသည် ဘောလုံးဒိုင်လူကြီးအဖြစ် ၂၀၀၅ ခုနှစ်က စတင်ထမ်းဆောင်ခဲ့ပြီး ၂၀၀၇ ခုနှစ်တွင် ပြည်နယ်နှင့်တိုင်း အမျိုးသမီး ဘောလုံးပြိုင်ပွဲကို စတင်တာဝန်ယူခဲ့ကာ ဗီယက်နမ်နိုင်ငံ၌ ၂၀၀၈ ခုနှစ်တွင် ကျင်းပသည့် အာဆီယံ ချန်ပီယံရှစ် အမျိုးသမီး ဘောလုံးပွဲတွင် တာဝန်ထမ်းဆောင်ခွင့် ရခဲ့သည်။

မန္တလေးမြို့တော်ရှိ မန္တလာသီရိအားကစားကွင်း၌ ဇူလိုင်လ အတွင်းက ကျင်းပခဲ့သည့် နဝမအကြိမ်မြောက် အာဆီယံ ချန်ပီယံရှစ် အမျိုးသမီးဘောလုံးပြိုင်ပွဲ၌ ပြိုင်ပွဲတစ်လျှောက်လုံး ဆုံးဖြတ်ချက် ပြတ်သားခဲ့သောကြောင့် ထိုင်းအသင်းနှင့် ဗီယက်နမ်အသင်းတို့ ယှဉ်ပြိုင်မည့် ဗိုလ်လုပွဲတွင် ဒေါ်သိန်းသိန်းအေး ကွင်းလယ်ဒိုင်အဖြစ် တာဝန်ယူခွင့် ရခဲ့သည်။

အဆိုပါပွဲစဉ်နှင့် ပတ်သက်၍ ဒေါ်သိန်းသိန်းအေး၏ ဆုံးဖြတ်ချက်များကို မကျေနပ်သောကြောင့် ဗီယက်နမ်အသင်းက အာရှဘောလုံးအဖွဲ့ချုပ် (AFC) ထံ တိုင်ကြားခဲ့သော်လည်း AFC က ဒေါ်သိန်းသိန်းအေး၏ ဆုံးဖြတ်ချက်များကို အသိအမှတ်ပြုခဲ့သည်။

အာရှဘောလုံးအဖွဲ့ချုပ် (AFC) ၏ အသိအမှတ်ပြု ထောက်ခံမှုကြောင့်လည်း ဒေါ်သိန်းသိန်းအေး အနေနှင့် ဖီဖာယူ ၂၀ ကမ္ဘာ့ဖလား အမျိုးသမီးဘောလုံးပြိုင်ပွဲ၌ ကွင်းလယ်ဒိုင်အဖြစ် တာဝန်ယူခွင့်ရခဲ့ခြင်း ဖြစ်သည်။

ဒေါ်သိန်းသိန်းအေးသည် ကမ္ဘာ့ဖလား ယူ-၂၀ အမျိုးသမီး ဘောလုံးပြိုင်ပွဲ၏ အုပ်စုပွဲစဉ်များအနက် အိမ်ရှင် ပါပူဝါနယူးဂီနီအသင်းနှင့် ဆွီဒင်အသင်းတို့ ယှဉ်ပြိုင်သောပွဲကို ကွင်းလယ်ဒိုင်အဖြစ် တာဝန်ယူခဲ့ရပြီး မြန်မာဒိုင်လူကြီးများအကြား ဂုဏ်ယူစရာ ဖြစ်စေခဲ့ခြင်း၊ မြန်မာအမျိုးသမီး ဒိုင်လူကြီးများအနက် ဖီဖာအသိအမှတ်ပြု ဒိုင်လူကြီးတစ်ဦး ဖြစ်ခဲ့သော ဒေါ်ကော့ဂျာမှာ အိုလံပစ်ပြိုင်ပွဲတွင်သာ တာဝန်ယူခဲ့ဖူးပြီး ဒေါ်သိန်းသိန်းအေးကမူ ကမ္ဘာ့ဖလားပြိုင်ပွဲတွင် တာဝန်ထမ်းဆောင်ခွင့်ရသည့် ပထမဆုံး မြန်မာအမျိုးသမီး ဒိုင်လူကြီးတစ်ဦးအဖြစ် မှတ်တမ်းဝင်ခဲ့သူလည်း ဖြစ်သောကြောင့် ယခုကဲသို့ ရွေးချယ်ရခြင်း ဖြစ်သည်။                                                                            

စံပယ်ဖြူနု

ကချင်ပြည်နယ် စစ်ဘေးရှောင် ဒုက္ခသည်စခန်းများအကြောင်း နောက်ခံထားသော မိသားစု မေတ္တာဖွဲ့ ဇာတ်လမ်းကို ‘မြောက်ဖျားက အလွမ်းရာသီ’ အမည်ဖြင့် ပထမဆုံး လုံးချင်းဝတ္ထုအဖြစ် လက်ရာမြောက်စွာ ရေးဖွဲ့ထားခြင်းကြောင့် အမျိုးသားစာပေဆု ရရှိထားသူ စံပယ်ဖြူနုကို The Voice Daily ၏ 10 Women In Myanmar 2016  အဖြစ် ရွေးချယ်လိုက်ပါသည်။

ယင်းဝတ္ထုတွင် စစ်ဘေးဒုက္ခသည်များ၏ ခံစားမှုများ၊ ဝမ်းနည်းနာကျင်မှုများ၊ မိသားစု အခက်အခဲများကို နောက်ခံထားကာ ဖအေတူ၊ မအေကွဲ ညီမဖြစ်သူကို လိုက်လံရှာဖွေသည့် အကြောင်းကို ဇာတ်လမ်း၊ အနိမ့်အမြင့် အတက်အကျများဖြင့် ဆွဲဆောင်ရေးသားထားနိုင်သည်ကိုလည်း တွေ့ရှိရသည်။

စံပယ်ဖြူနုသည် တက္ကသိုလ်ကျောင်းသူဘဝ ကတည်းက ဝတ္ထုတိုနှင့် ကဗျာများကို စတင်ရေးသားခဲ့ပြီး ရွှေအမြုတေ၊ ကလျာ၊ ရနံ့သစ် စသည့် လစဉ်ထုတ်မဂ္ဂဇင်းများတွင် စာမူများ ဖော်ပြခံခဲ့ရသည်။ စံပယ်ဖြူနု ကလောင်အမည်ဖြင့် ၂၀၀၆ ခုနှစ်တွင် စာပေလောကကို စတင်ဝင်ရောက်ခဲ့ပြီး လက်ရှိအချိန်အထိ မြောက်ဖျားက အလွမ်းရာသီ၊ ခေတ်ရယ်အချစ်ရယ်၊ ရှေးရှေးတုန်းက ကံ့ကော်ပွင့်တွေ၊ လှပ်၍ လွင့်သောကမ္ဘာ စသည့် လုံးချင်းဝတ္ထုရှည် လေးအုပ်၊ မဂ္ဂဇင်းဝတ္ထုတိုများ စုစည်းမှု တစ်အုပ်နှင့် ကလေးစာပေ အမျိုးအစား တစ်အုပ်တို့ကို ရေးသားထုတ်ဝေထားပြီး ဖြစ်သည်။

စံပယ်ဖြူနုသည် သတင်းမီဒီယာလောကတွင် ရှစ်နှစ်ကြာ ကျင်လည် ခဲ့ပြီးမှ စာပေလောကသို့ ဝင်ရောက်ခဲ့ခြင်းပြီး ငယ်စဉ်ကပင် စာရေးဆရာ ဖြစ်ချင်သည့် ရည်မှန်းချက် ရှိခဲ့သော်လည်း ရန်ကုန်မြို့သို့ ရောက်ရှိလာသည့်အခါ စာရေး၊ စာဖတ် လုပ်နေရသည့် အလုပ်တစ်ခုကိုသာ လုပ်ချင်သည့်အတွက် သတင်းထောက်အလုပ်ကို ရွေးချယ်ခဲ့ခြင်း ဖြစ်သည်။

ရေးသားမည့် အကြောင်းအရာကို ကျွမ်းကျင်ပိုင်နိုင်မှု ရှိစေရန် ကြိုတင်လေ့လာ စူးစမ်းလေ့ရှိပြီး မြောက်ဖျားက အလွမ်းရာသီဝတ္ထု ရေးဖွဲ့ရန် ကချင်ပြည်နယ်ရှိ စစ်ဘေးရှောင်စခန်းများသို့ ကိုယ်တိုင်သွားရောက် လေ့လာရေးသားခဲ့ခြင်း၊ စာရေးသက် နုနယ်သေးလင့်ကစား သူရေးသားသည့် ဝတ္ထုအနည်းငယ်အနက် အမျိုးသားစာပေဆုရ ဝတ္ထုရှည် ဖြစ်သည့် ‘မြောက်ဖျားက အလွမ်းရာသီ’ နှင့် နောက်ဆုံး ထွက်ရှိထားသည့် ‘လှပ်၍လွင့်သောကမ္ဘာ’ ဝတ္ထုရှည်တို့ကို ရုပ်ရှင်ရိုက်ကူးရန် စီစဉ်လျက်ရှိခြင်း၊ မြန်မာ့စာပေလောကအတွက် အား ကာင်းသည့် ကလောင်တစ်ချောင်းအဖြစ် သတ်မှတ်နိုင်ခြင်းတို့ကြောင့် ယခုကဲ့သို့ ရွေးချယ်ရခြင်း ဖြစ်သည်။          

Sources; The Voice