MP4 YoU: camera

Showing posts with label camera. Show all posts

Tuesday, November 5, 2019

Mobile Photography အကြောင်းသိကောင်းစရာ

By သတင်းစုံပျော်ဝင်အိုးကြီး November 05, 2019 camera

Mobile Photographyဆိုတာ mobile ဖုန်းတစ်လုံးနဲ့ရိုက်ထားတဲ့ပုံတွေကိုသာမက Cybershot လို အပျော်တမ်းရိုက်Camera တွေနဲ့ရိုက်ခြင်းဖြစ်တဲ့ Photographyတွေကို ဆိုလိုပါတယ်။ဒီ Articleလေးမှာတော့ Smartphone Photography အကြောင်းကိုအဓိက Share လုပ်ပေးသွားမှာပါ.Smartphone တစ်လုံးမှာ ဓာတ်ပုံအရည်အသွေးကောင်းကောင်းရဖို့ ဘာတွေကအရေးကြီးသလဲ.သူ့မှာပါတဲ့ featuresတွေ က ဘာတွေလဲ.camera တစ်လုံးမှာ ဘာတွေပါသလဲ။

✍Aperture, Focal length,exposure,focus,ISOshutter speed ဆိုတာ ဘာတွေလဲ။ ဘယ်လိုအသုံးဝင်သလဲ..ဘယ်လိုတွေလုပ်ဆောင်ပေးသလဲ.... ကျွန်တော်တို့ နည်းနည်းလောက်..ဆွေးနွေးကြတာပေါ့...။
ပထမဆုံးအရေးကြီးတာက ဒီpost က Beginner တွေအတွက်ပါ DSLRလို pro camera သမား တွေ အတွက်မဟုတ်ပါဘူး။..အဲလောက်မနက်နဲလို့ပါ။

✍Megapixel

ဟုတ်ပါတယ်.. လူတော်တော်များများ ရင်နှီးလေ့ရှိတဲ့အရာလေးပါ. Megapixel များရင် camera ကောင်းမယ် လို့ လူတော်တော်များများထင်တတ်ကြပါတယ်..အဲဒါဟာ 20%လောက်ပဲမှန်ပါတယ်. Camera တစ်လုံးကောင်းဖို့ Aperture, sensor size,sensor,တွေ အစရှိသည်ဖြင့် တွေကလည်းအရမ်းကိုအရေးပါပါတယ်.. Megapixel ဆိုတာက ပုံရိပ်ရဲ့ ချဲ့နိုင်အား ကိုအဓိကပြောချင်တာပါ.Megapixel များများနဲ့ရိုက်ထားတဲ့ပုံဟာ ပုံကြီးပိုချဲ့လို့ကောင်းပါတယ်.ဆိုလိုတာက DPI မြင့်မြင့်နဲ့ ပုံထုတ်လို့ရတာပါ.ဥပမာ 1.3mp ရှိတဲ့camera ကနေ ရိုက်လိုက်တဲ့ပုံဟာ 4*3inch ရှိပီး 300dpi ဓာတိပုံတစ်ပုံကိုထုတ်ပေးနိုင်ပါတယ်. Megapixel နဲလေ ထုတ်နိုင်တဲ့ပုံအရွယ်အစားကသေးလေပါ.ဓာတ်ပုံအရည်အသွေးနဲ့အများကြီးသက်ဆိုင်ခြင်းမရှိပါ.ပြောရမယ်ဆိုရင် Iphone 8plus ရဲ့ 12mp နဲ့ရိုက်ထားတဲ့ ပုံဟာ Nova 3i ရဲ့ 16mp ထက် ပုံထွက်အများကြီးပိုကောင်းပါတယ်. megapixel က Nova 3i က ပိုများတာနော်.DSLRလောကမှာဆိုရင် Canon cameraတွေဟာ 12mp ထက် ပိုထုတ်တာရှားပါတယ်.တစ်ခါတလေ 10mp လောက်နဲ့တောင်ထုတ်ပါတယ်.
Nikon နဲ့ Canonမှာ Nikon က megapixel ပိုများများထုတ်ပေးပါတယ်.ဒါ့ကြောင့် ပုံတစ်ပုံကောင်းမကောင်းက Megapixel နဲ့သိပ်ပီးမသက်ဆိုင်ဘူးဆိုတာ သိသာပါတယ် Sensor အဓိကအားဖြင့် Smartphone camera တွေကောင်းမကောင်းကို ဆုံးဖြတ်ပေးတာက Sensorပါ.Smartphoneတွေအကုန်နီးပါးမှာ တပ်ဆင်ထားတာတွေကတော့ Sony sensorတွေပါပဲ IMX series တွေကို ထည့်သွင်းထားလေ့ရှိပါတယ်.IMX 363,IMX 376,IMX 486 စသည်ဖြင့် ထည့်သွင်းပေးထားပါတယ်. အကြမ်းဖြင်းအားဖြင့်တော့ နံပါတ်ကြီးလေ ပိုကောင်းလေပါပဲ. သို့သော် Sensor ကောင်းတိုင်းလည်း photoအရည်အသွေးပိုမကောင်းသွားသေးပါဘူး။

✍Software Optimization

ဟုတ်ပါတယ် Megapixelတွေ sensorတွေ F တွေ တူနေတဲ့ smartphone နှစ်လုံးဟာ ပုံထွက် မတူနိုင်ပါဘူး. Smartphone companyတွေက ပြန်လည် ထည့်သွင်းပေးထားတဲ့ enhance လုပ်ပေးတဲ့ softwareကလည်းအရေးကြီးပါတယ်.ဥပမာ ဂျာမဏီ camera companyကြီးဖြစ်တဲ့ Leica က co-engineer လုပ်ထားတဲ့ Huaweiရဲ့ P seriesတွေဟာ sensorတူညီတဲ့တခြားဖုန်းတွေထက် ပုံထွက်အများကြီးပိုကောင်းတာကိုတွေ့ရမှာပါ. အကြမ်းဖျင်းအားဖြင့် Vivo Oppoဆိုရင် Beauty effပါတဲ့ဘက်ကိုsoftwareနဲ့လုပ်ယူထားမယ်။Iphone တို့ Samsung တို့ဆိုရင် Natural ဘက်ကို သွားမယ်။ဒါကတော့ manufacturer နဲ့ဆိုင်ပါတယ်။

✍Aperture

တွေ့ဖူးပါသလား F1.9, F2.0 ဆိုပီး Smartphone camera specification တွေမှာ?F ဆိုတာ f-stopပါ။
Aperture ဆိုတာက Lens တစ်ခုရဲ့ အကျယ်ပါ.ပြတင်းပေါက်တစ်ခါဆိုပါစို့။ ကျယ်ကျယ်ဖွင့်ထားရင် အလင်းပိုဝင်မယ်ကျဉ်းကျဉ်းလေးဖွင့်ထားရင် အလင်းနဲနဲပဲဝင်မယ်.Apertureဆိုတာလည်း ဒီသဘောပါပဲ. ကျယ်ရင်အလင့းပိုဝင်ပီး အမှောင်ထဲမှာ ဓာတ်ပုံရိုက်လို့ပိုကောင်းပါလိမ့်မယ်။ သတိထားရမှာက F1.8သည် F2.0ထက်ပိုကျယ်ပါတယ်. ဂဏန်းငယ်လေ ပိုကြီးလေ လို့မှတ်ပါ.. Smartphone မှာ အကျယ်ဆုံးဖြစ်တဲ့ F1.5ကို Samsumg Glaxy S9plusမှာတွေ့ပီးဖြစ်ပါတယ်.Aperture ဟာ Focus လုပ်နိုင်စွမ်းမှာလည်းပါဝင်ပတ်သက်ပါသေးတယ်. Wide ဖြစ်ရင် အနောက်ဘက်ကိုဝါးပေးတဲ့ creamyပုံစံကိုရမှာဖြစ်ပီး ကျဉ်းရင်တော့ နဂိုအကြည်အတိုင်းရမှာဖြစ်ပါတယ်....

✍Exposure and shutter speed

Exposure ဆိုတာကတော့ ဓာတ်ပုံတစ်ပုံ ဘယ်လောက်လင်းတယ် ဘယ်လောက်မှောင်တယ်ဆိုတာကိုသတ်မှတ်ပေးတာပါ.အလင်းထဲမှာ အရမ်းမှောင်နေတဲ့ image တစ်ခုကို underexposed ဖြစ်နေတယ်လို့သတ်မှတ်ပါတယ်.သာမန်ထက်အရမ်းလင်းနေတဲ့ imageတစ်ခုကိုတော့overexposed ဖြစ်တယ်လို့သတ်မှတ်ပါတယ်။Exposure ကို Lensရဲ့aperture,ISO,shutter speed တွေနဲ့ ထိန်းချုပ်ပါတယ်. Manual mode ရိုက်လို့ရတဲ့Phone camera တွေမှာ shutter speed ပါပါတယ်. 2s,4s,8s,16s,32sအထိပါလေ့ရှိပါတယ်.Shutter speedဆိုတာ lens ထဲကို အလင်းဝင်တဲ့အချိန်ပမာဏကိုပြောတာပါ.ပြောရမယ်ဆိုရင် shutter speed 4sဆိုရင် အလင်းတွေဟာ 4secလောက် cameraထဲကိုဝင်သွားမယ်လို့ဆိုချင်တာပါ.ကြာလေ လင်းလေပေါ့. Shutter speedကို 2secondထိတင်ရိုက်မယ်ဆိုရင် shutter buttom ကိုနိပ်2secနေမှ Camera က image ကို captureလုပ်မှာဖြစ်ပါတယ် .အလားတူပဲ 32secမှာရိုက်မယ်ဆိုရင်လည်း 32secကြာမှ captureလုပ်မှာဖြစ်ပါတယ်.သတိထားရမှာက Shuuter speed အရမ်းမြင့်မြင့်နဲ့ရိုက်မယ်ဆိုရင်Tripod ကိုသုံးရမှာပါ.လက်ရဲ တည်ငြိမ်မှုနဲ့ရိုက်ဖို့မဖြစ်နိုင်ပါဘူး. ကျနော်တို့သာမန်မျက်စိနဲ့ မမြင်နိုင်တဲ့ အမှောင်ထုထဲမှာ လင်းထိန်စွာနဲ့ ဓာတ်ပုံရိုက်ချင်တယ်ဆိုရင် shutter speedကို 32s လောက်ဖြင့်ရိုက်ရင် မြင်ရပါတယ်.DSLRမှာသာမန်အမှောင်ထဲမှာ ISO မြင့်မြင့်နဲ့ရိုက်လို့ရတယ်ဆိုပေမယ့် Noise တွေအရမ်းများလာပါလိမ့်မယ်.Shutter speedက mobile photographyမှာတော်တော်လေးအရေးပါတယ်လို့မြင်ပါတယ်. Manual Modeကို ကျွမ်းကျွမ်းကျင်ကျင်အသုံးပြုတတ်ရင် ဓာတ်ပုံကောင်းတွေရနိုင်ပါတယ်.ဥပမာ Huawei ရဲ့ Leica cameraတွေဟာ Manual modeနဲ့ရိုက်မယ်ဆိုရင် အရမ်းအဆင်ပြေမှာပါ.... Point and shot အတွက်ကတော့ Google Pixelတွေ Iphone တွေက ပိုအဆင်ပြေပါတယ်.ကျနော် အမှောင်ထဲမှာ auto mode နဲ့ရိုက်ထားတဲ့ပုံနဲ့ shutter speed 32 sec နဲ့ရိုက်ထားတဲ့ပုံနှစ်ပုံကို ယှဉ်ပြထားပါတယ်။အမှောင်ထဲမှာ Still objectတွေကိုရိုက်ဖို့ Exposure ကိုမြင့်မြင့်သုံးနိုင်ပါတယ်.တချို့Pro cameraman တွေကတော့ Landscape တွေရိုက်ဖို့အတွက်လည်း shutter speed မြင့်မြင့်နဲ့LE ရိုက်လေ့ရှိပါတယ်။

✍Digital vs Optical

smartphone တွေမှာ optical zoom ရဖို့နောက်ထပ် tele lens တွေတပ်ပီး 2x zoomဆိုတာကို Iphone 7 plusမှာပထမဆုံးချပြခဲ့ပါတယ်...(ဟာ သားရီး အရင်ကလည်း ဖုန်းတွေမှာ zoomရပါတယ်ဟ..) မဟုတ်ပါဘူး။အရင်ကရတာက image ကို crop လုပ်လိုက်ပီး zoom သဘောမျိုးလုပ်တာပါ။တကယ်zooming လုပ်တာမဟုတ်တဲ့အတွက် blur ဖြစ်သွားတာတွေ ကိုတွေ့ရမှာပါ.Optical zoom lensတွေကို တပ်ထားတဲ့အတွက် 2x zoomကို ကြည်ကြည်လင်လင်ရလာပါတယ်။အခုနောက်ဆုံးထွက်ထားတဲ့ Mate 20 proမှာဆိုရင် 3x optical zoom lens တွေကို ထည့်သွင်းပေးထားပါတယ်။ Digital zoom နဲ့ optical zoomကတော့ Cybershot camera လေးတွေမှာပဲ သိသိသာသာထည့်သွင်းပေးထားတာကိုတွေ့ရပါတယ်. Optical 5x zoomတို့ Digital 50x zoom တို့ဆိုပီးထည့်သွင်းပေးထားတာကိုမြင်ဖူးကြမှာပါ။.ပြောရမယ်ဆိုရင် Digital zoomက software နဲ့လုပ်တာဖြစ်ပီး။ optical zoomကတော့ Hardware zoom lens တွေနဲ့လုပ်ဆောင်ပေးတာပါ။ဒါ့ကြောင့် optical zoomတွေကပိုကောင်းရခြင်းဖြစ်ပါတယ်။

✍ISO

Manual modeမှာ ISO ဆိုတာလည်းပါပါတယ်။ISOဆိုတာကတော့ Camera ကဘယ်လောက် Light ထဲမှာ sensitive ဖြစ်လည်း ဆိုတာ ကို တိုင်းတာတာပါ.ဥပမာ ISO 100ဆိုတာ သိပ် sensitive မဖြစ်ပါဘူး.Normal ISOလို့သတ်မှတ်ထားပါတယ်။ဖုန်းတွေမှာ ISO 3200ထိ အမြင့်ဆုံးပါပါတယ်။.သူကလည်းအမှောင်ထဲမှာရိုက်ဖို့အတွက်အသုံးပြုတာပါ.သူကတော့အချိန်ယူစရာမလိုပါဘူး။ဒါပေမယ့် ISO မြင့်လေ Noise လို့ခေါ်တဲ့အနီစက်လေးတွေများလေပါ.Detailတွေလည်းပျောက်ကုန်လေ့ရှိပါတယ်.ဒါ့ကြောင့် Phone နဲ့ရိုက်မယ်ဆိုရင် ISO တင်ဖို့ထက် Exposure time ကိုမြင့်ပီးရိုက်ဖို့အကြံပေးချင်ပါတယ်။ISOကိုလည်း apertureနဲ့shutter speed က ထိန်းချုပ်ထားပါတယ်။

✍Focal length(F)

ဆယ်တန်း Chap (5) Lens အခန်းမှာ သင်ခဲ့ဖူးကြမှာပါ။Focal length ဆိုတာက Lens နဲ့Objectနဲ့အကွာအဝေးပါ။focal length ကို camera app မှာ F အကြီးနဲ့ပြထားပါတယ်၊mm နဲ့ တိုင်းတာပါတယ်။ 10mm,40mm,400mm စသည်ဖြင့်တိုင်းတာပါတယ်။ဥပမာ Focal length 10mm ဆိုရင် camera နဲ့ 10mm အဝေးမှာရှိတဲ့ objectကိုပဲfocus လုပ်ပေးမှာပါ။အဲထက်ဝေးတဲ့မေရာက အရာဝတ္ထုမှန်သမျှကို blur လုပ်ပေးမှာပါ။Focal lenghth 400mm ဆိုရင်တော့ camera lens နဲ့ 400mm အဝေးကobjကို focus လုပ်ပေးမှာပါ. Focal lengthဆိုတာ focus လုပ်တဲ့အကွာအဝေးကိုပြောတာပါ။

✍White Balance

White balance ဆိုတာကတော့ camera တစ်လုံးရဲ့ color tempတွေ color မှန်ကန်မှုကိုလုပ်ဆောင်ပေးတာဖြစ်ပါတယ်။cool ဖြစ်ပီး အဖြူဘက်များတဲ့ camera တွေ warm ဖြစ်ပီး အဝါဘက်ရောက်တဲ့ camera တွေကိုလည်း smartphone တွေမှာတွေ့ရမှာပါ။အခု နောက်ဆုံးထွက်တဲ့ Iphone XS မှာ တော်တော်လေးwarm ဖြစ်တဲ့ဘက်ကိုရောက်တဲ့photoတွေကိုတွေ့ရမှာပါ။အများအားဖြင့်.Pixelဖုန်းတွေက White balance ကောင်းတဲ့ဖုန်းတွေလို့မြင်မိပါတယ်။

✍Dynamic Range

Dynamic rangeဆိုတာကတော့ darkest ဖြစ်တဲ့နေရာနဲ့Lightest ဖြစ်တဲ့နေရာတွေနဲ့ color tones တွေကို ပြောတာပါ။Dynamic rangeကောင်းတယ်ဆိုတာကတော့ Dark နဲ့ light က ညီမျှတာကိုဆိုလိုပါတယ်။မှောင်နေတဲ့နေရာကလည်း အရမ်း မမှောင်တော့သလို လင်းနေတဲ့နေရာကလည်းအရမ်းမလင်းပဲ objectတွေကို ပြတ်ပြတ်သားသားမြင်ရတာကို Dynamic rangeကောင်းတယ်လို့ပြောတာပါ။Dynamic range ကို stop နဲ့တိုင်းတာပါတယ်။

Credit to TextforTech & Myanmar Web Store
Credit to Maden Group

ဓါတ်ပုံတွေကို အနုပညာ ဖြစ်အောင် လုပ်ပေးတဲ့ Composition အပိုင်း(၁)

By သတင်းစုံပျော်ဝင်အိုးကြီး January 08, 2019 camera

ဓါတ်ပုံပညာ လေ့လာရန်·Saturday, November 3, 2018

ဆရာ (ဦး) Zarni Myo Win ရဲ့ Note ဖြစ်ပါတယ်။ ကျွန်တော်ယခင်က share ထားပေးဖူးပြီးပေမယ့် pdf အတွက် post link တွေ ပြန်ယူဖို့ရှိလို့ page မှာ note အဖြစ် ပြန်တင်ပေးလိုက်တာပါ။ ခုန post က ဓါတ်ပုံတွေ မပါလာလို့ ပြန်ဖျက်လိုက်ပါတယ်။ ကျွန်တော် အချိန်အားရတိုင်း ပြန်ပြန်ဖတ်ဖြစ်နေတဲ့ စာစုတစ်ခုမို့ ဆရာ (ဦး) Zarni Myo Win အားလည်း ကျေးဇူးအများကြီးတင်ပါတယ်ခင်ဗျာ။

*******************************************************************

“My theory of composition ? Simple : Do not release the shutter until everything in the viewfinder feels just right.”

“ကျွန်တော့်ရဲ့ Composition သီအိုရီလား ? ရိုးရိုးလေးပါ။ ကင်မရာ Viewfinder ထဲက အရာအားလုံး အဆင်ပြေပြီလို့ မခံစားရမချင်း Shutter ခလုတ်ကို မနှိပ်တာပဲပေါ့ ……..”

Ernst Hass

ဓါတ်ပုံတစ်ပုံကို အနုသုခုမခံစားမှုပေးနိုင်အောင် ဖန်တီးပြုလုပ်ပေးစေတာကတော့ Composition (အထားအသိုခင်းကျင်းဖွဲ့ စည်းမှု) ပဲဖြစ်ပါတယ်။ Composition ကို အဓိပ္ပါယ်ဖွင့်ဆိုရရင် ပုံတစ်ခုကိုပြုလုပ်ပေးတဲ့ ဖရိန်တစ်ခုအတွင်းက ပါဝင်ဖွဲ့စည်းမှု (element) တွေကို အစီစဉ်ချထားခြင်း ၊ စီမံခန့်ခွဲခြင်းပဲဖြစ်ပါတယ်။ သင်ကဖရိန်တစ်ခုထဲမှာ ဖယ်ထုတ်ပစ်လိုက်မဲ့အရာတွေဟာ သင်ကအဲ့ဒီဖရိန်ထဲကို ထည့်သွင်းမယ့်အရာတွေအတိုင်း အရေးပါတယ်ဆိုတာ သိထားဖို့လိုပါတယ်။

ပုံထဲမှာ ဘယ်အရာတွေက သင့်ရဲ့ဇာတ်လမ်းကို သေချာပြောပြပေးနိုင်မယ့်အရာတွေလဲ ၊ ဘယ်အရာတွေကအနှောင့်အယှက်ဖြစ်စေမဲ့အရာတွေလဲ ဆိုတာ သိထားခြင်းအားဖြင့် သင်က သင်ပြောပြချင်တဲ့ ဇာတ်လမ်းတစ်ခုကို တိတိကျကျရှင်းရှင်းလင်းလင်း ပြောပြပေးနိုင်မှာဖြစ်ပါတယ်။

ဒီနေ့ကင်မရာတွေဟာ ရိုက်ကူးမှုအစိတ်အပိုင်းအတော်များများကို Auto (အလိုအလျောက်) ပြုလုပ်ပေးနိုင်ပီဖြစ်ပေမယ့် လူကပဲ ရွေးချယ်ပြီးပြုလုပ်ပေးနိုင်တာကတော့ Composition ပါ။ Composition နဲ့ပတ်သက်တာတွေ စည်းမျဉ်း (Rules) တွေအတော် များများရှိပါတယ်။ သင်လိုက်နာလိုက လိုက်နာနိုင်သလို မလိုက်နာလို့လဲရပါတယ်။ ဒါပေမယ့် မြင်ကွင်းတစ်ခုထဲမှာ ပါဝင်မယ့် Element (ဖွဲ့စည်းမှုအစိတ်အပိုင်း) တွေကို ဘယ်လိုနေရာချထားပြီး စီစဉ်မလဲဆိုတာကိုတော့ သင်ကိုယ်တိုင်ကပဲ နောက်ဆုံးမှာ ဆုံးဖြတ်ချက်ချရမှာပါ။

Composition ဆိုတာဟာ အဖြေပေးရမယ့် ညဏ်စမ်းပဟေဠိတစ်ခုနဲ့တူပါတယ်။ တခါတရံမှာ သင်ဟာ တွေးဖို့၊ အတွေ့အကြုံ ယူဖို့အချိန်ရတတ်ပေမယ့် သဘာဝတရားနဲ့ပတ်သက်ပြီးရိုက်ကူးရာမှာတော့ အဲ့ဒီလိုအချိန်မရပါဘူး၊ သင့်ရဲ့ခံစားသိမြင်မှုစိတ်နဲ့ ပဲလျင်လျင်မြန်မြန် ဆုံးဖြတ်ချက်ချရတဲ့အခါမျိုးတွေရှိပါတယ်။

Composition Rules (ဖွဲ့စည်းမှုစည်းမျည်းများအကြောင်း)

Rule (စည်းမျည်း) ဆိုလိုက်တဲ့အတွက် လိုက်နာရမယ့်သဘောလို့အမိန့်ပေးသလို ဖြစ်နေပါတယ်။ မျက်စိစုံမှိတ်ပြီးလိုက်နာရ မယ်ဆိုတာဟာ creation ဖန်တီးမှုနဲ့တော့ ဆန့်ကျင်ဘက်အရာပါ။ သတ်မှတ်ထားတဲ့စည်းမျည်းတွေရှိနေပေမယ့် ဒီစည်းမျည်း တွေဟာသင့်ပုံတွေကို ဘယ်လိုဖွဲ့စည်းမလဲဆိုတဲ့အပေါ် ဘောင်ကျည်းတဲ့နည်းလမ်းဆိုတဲ့အမြင်ထက် အသုံးပြုဖို့ အဆင်ပြေမယ့် နည်းလမ်းတွေလို. မြင်သင့်ပါတယ်။

(၁) The Rule of Thirds

လူတိုင်းကြားဖူးတဲ့ Composition စည်းမျည်းတစ်ခုလိုပြောပြရရင်တော့ အဲဒါဟာ “Rule of Third” ပဲဖြစ်ပါတယ်။ ဒီစည်းမျည်းက အရမ်းရိုးရှင်းပြီး ပုံကိုနှစ်သက်ဖွယ်ဟန်ချက်ညီမှု (balance) ဖြစ်စေဖို့အကူအညီပေးနိုင်ပါတယ်။ Rule of Thirds ဖြစ်ဖို့ ပုံကို ဒေါင်လိုက်မျည်း (၂) ကြောင်းနဲ့ အလျားလိုက်မျည်း (၂)ကြောင်းကို အကွာအဝေးတူညီစွာနေရာချသတ်မှတ်ဖို့လိုပါတယ်။ တကယ်လို့သင့်ကင်မရာကို Live View နဲ့ရိုက်ကူးတဲ့အခါမှာလဲ ဒီလိုမျည်းလိုင်းတွေပေါ်နေပါလိမ့်မယ်။ အခြေခံအားဖြင့်ပြောရ ရင်မြင်ကွင်းထဲက အလျားလိုက် (သို့) ဒေါင်လိုက် ပါဝင်ဖွဲ့စည်းတဲ့ အရာဝတ္ထုတွေကို အဲဒီစိတ်ကူးမျဉ်းတွေအတိုင်းအပြိုင်ရှိနေ စေဖို့ ဒါမှမဟုတ် ပုံရဲ့အဓိက Focus point ဟာ အဲဒိမျဉ်းနှစ်ခုဆုံတဲ့ အမှတ်နေရာမှာရှိနေစေဖို့ဖြစ်ပါတယ်။

Landscape ရှုမျှော်ခင်း ပုံတွေကို ဥပမာပေးရရင် ၊ ပုံထဲက မိုးကုတ်စက်ဝိုင်းမျဉ်း (horizon line) ကို Rule of Thirds အရ ဘယ်လိုသတ်မှတ်မလဲဆိုတာမျိုးပါ။ တကယ်လို့မြေကြီးနဲ့ကောင်းကင်ကို တစ်ဝက်စီအညီအမျှပိုင်းပြီး ရိုက်ကူးလိုက်မယ် ဆိုရင်တော့ အဲဒီပုံဟာ စွမ်းအင်တစ်ခုပျောက်ဆုံးသလိုမျိုးဖြစ်သွားမှာပါ။ မိုးကုတ်စက်ဝိုင်းမျည်းကို Rule of Thirds အတိုင်း ထားလိုက်ရင်တော့ ချက်ခြင်းစိတ်ဝင်စားစရာပုံအဖြစ် ပြောင်းသွားမှာဖြစ်ပြီး ၊မြေကြီးကို အဓိကထားမလား ၊ ကောင်းကင်ကို အဓိကဦးစားပေးမလားဆိုတာကိုလဲ ဆုံးဖြတ်ပေးလို့ရသွားမှာဖြစ်ပါတယ်။

(၂) Golden Ratio

Golden Ratio ကတော့ အလွန်အံ့သြဖွယ်ကောင်းတဲ့စိတ်ဝင်စားစရာကိန်းကဏ္ဏန်းတွေပါ။ 1.618 (တခါတရံ ဂရိစာသား Phi/Φ) ဖြစ်ပါတယ်။ ဒီကဏ္ဏန်းတွေဟာ ထင်ရာမြင်ရာကဏ္ဏန်းတွေလို့ ထင်စရာရှိပေမယ့်၊ အရှည်ဆုံးအပိုင်းဖြစ်တဲ့ အပိုင်း (a) ကို တိုတဲ့အပိုင်းဖြစ်တဲ့ (b) နဲ့စား တဲ့အရာက (a)+(b) ကို (a) နဲ့စားတဲ့ အရာနဲ.တူညီတဲ့ကိန်းကဏ္ဏန်းပါ။ သင်္ချာအရခုလိုဖော်ပြပါတယ်။

a/b = a+b/a = 1.618

ဒီကဏ္ဏန်းတွေကိုကြည့်ပြီး စိတ်ရှုတ်ထွေးမသွားပါနဲ့။ ဒီကိန်းကဏ္ဏန်းတွေက သင့်ရဲ့ပုံတွေကို အသုံးချဖို့အရာမှာသိပ်ကိုအရေးမ ကြီးပါဘူး။ ဒီကိန်းကဏ္ဏန်းတွေကိုဖန်တီးပေးတဲ့ ခရုပတ်ပုံသဏ္ဏာန်ကိုပဲ သင်အမှတ်ရနေဖို့ပဲလိုတာပါ။ Golden Ratio ဟာအလွန် ပဲဟန်ချက်ညီမှုကိုဖြစ်စေပါတယ်။ အဲဒီဟန်ချက်ညီမှုကလူသားရဲ့မျက်လုံးကို မျက်စိပသာဒဖြစ်စေတာပါ။ ဒါကြောင့်လဲ ဒီ Golden Ratio က သင်္ချာဘက်ကိုကျော်လွန်ပြီးတော့ အနုပညာဘက်ကို ရောက်လာတာပါ။ Mona Lisa နဲ့ The Last Supper ပန်းချီကားတွေမှာ Golden Ratio ကိုအသုံးချထားပါတယ်။ ဓါတ်ပုံနယ်ပယ်မှာတော့ ကြည့်ရှုသူရဲ့မျက်လုံးကို ပုံရဲ့အစိတ်အပိုင်း အားလုံးကနေပြီး သင့်ရဲ့ အဓိက Subject နေရာဆီကိုဆွဲခေါ်ပြီး သွားနိုင်ပါတယ်။

ဓါတ်ပုံမှာ Golden Ratio ကိုအသုံးချဖို့ သင်္ချာကိန်းကဏ္ဏန်းတွေကို နားမလည်လဲရတာဟာအတော်ကို ကျေးဇူးတင်ရမှာပါ။ သင်ကခရုပတ်တစ်ခုကိုပဲရင်းနှီးကျွမ်းဝင်နေဖို့လိုအပ်တာပါ။ ခရုပတ်တစ်ခုရဲ့ အသေးဆုံးအစိတ်အပိုင်းမှာ သင့်ရဲ့အဓိက စိတ်ဝင်စားစေမဲ့ အရာကိုထားလိုက်ရုံပါပဲ။ လူတွေရဲ့မျက်စိက အလိုအလျောက်ပုံကနေပြီး အဲဒီကို စီးမျှောပြီးရောက်ရှိသွားမှာပါ။ ဒီခရုပတ်ပုံသဏ္ဏာန်ကို ပြောင်းပြန်လှန်တာပဲ ဖြစ်ဖြစ်၊ ဘယ်ညာပြောင်းတာပဲဖြစ်ဖြစ် လုပ်လို့ရပါတယ်။ ဦးတည်ရာလမ်းကြောင်း ကအရေးမကြီးပါဘူး။ ပုံသဏ္ဏာန်နဲ့အဲဒီအကွာအဝေးတွေကပဲ အရေးပါတာပါ။ အဲဒီခရုပတ်ပုံသဏ္ဏာန်မဟုတ်ပဲ Rule of Thirds လို မျည်းတွေအနေနဲ့လဲအသုံးချနိုင်ပါသေးတယ်။ ဒါပေမယ့် မျည်းတွေကို အညီအမျှပိုင်းခြားတာမဟုတ်ပဲ 1:1.618 အချိုးနဲ့ချရ တာဖြစ်ပါတယ်။ Rule of Thirds လိုပဲ အဲဒီမျည်းတွေရဲ့ ဆုံမှတ်နေရာမှာ သင့်ရဲ့ Subject အရာဝတ္ထုကို နေရာချပေးရတာပါ။ ကိုယ်ရိုက်တဲ့ဓါတ်ပုံအနေအထားပေါ်မူတည်ပြီးတော့ ဘယ်လိုပုံစံကို အသုံးချရမလဲဆိုတာက ပြောင်းလဲနိုင်ပါတယ်။ ဥပမာ Landscape ရှုမျှော်ခင်းအတွက် Grid Line မျည်းကြောင်းတွေက ပိုအသုံးဝင်တတ်ပြီး ၊ တခါတရံမှာလူပုံ (Portrait) တွေအတွက်ခရုပတ်ပုံရဲ့အသေးဆုံးအစိတ်အပိုင်းနေရာမှာလူရဲ့မျက်လုံးကို နေရာချပေးတာက ပိုအသုံးဝင်တတ်တာမျိုး ရှိပါတယ်။ Rule of Thirds လိုပဲ Golden Ratio ကလဲ အလွန်ရိုးရှင်းတဲ့ Composition ဖွဲ့စည်းမှုတစ်ခုလို့လဲ ပြောနိုင်ပါတယ်။

(၃) The Golden Triangle

The Golden Triangle ဆိုတာကတော့ ပုံကို အရွယ်အစားမတူညီတဲ့ အနည်းဆုံးတြိဂံ (၃) ခုနဲ့ပိုင်းခြားပေးတာဖြစ်ပါတယ်။ ဒါပေမယ့် ပုံသဏ္ဏန်ကတော့ အတိအကျတူညီကြရမှာပါ။ တြိဂံ (၂) ခုကို ပုံရဲ့ထောင့်တစ်ခုဆီကနေထောင့်တစ်ခုဆီသို့ ဒေါင့်ဖြတ် အလိုက်ပထမအစ ပိုင်းခြားထားပြီး နောက်ထပ်တြိဂံ (၂)ခုက်ို ပထမအစ တြိဂံတစ်ခုနဲ့ ပိုင်းခြားလိုက်ဖြင်းဖြင့် အဲ့ဒီတြိဂံအသစ် တွေရဲ့ပုံသဏ္ဏန်ဟာ ပိုကြီးတဲ့ အဓိကတြိဂံနဲ့ ညီတူတန်းတူဖြစ်သွားပါမယ်။ အဓိကကျတဲ့ ဖွဲ့စည်းမှုအစိတ်အပိုင်း (elements) တွေကို မတူညီတဲ့တြိဂံ တွေရဲ့အထဲမှာ သို့မဟုတ် အနားသတ်လိုင်းတွေအတိုင်း နေရာချထားပေးရပါတယ်။ အဲဒီတြိဂံမျည်းတွေရဲ့ ဆုံမှတ်နေရာမှာ သင့်ရဲ့အဓိက Subject ကို နေရာချပေးခြင်းဟာ Rule of Thirds ရဲ့ ဆုံမှတ်နေရာတွေထက်ပိုပြီးတော့ ပြင်းထန်ထိရောက်တဲ့ ဖွဲ့စည်းမှု Composition ကို ဖြစ်စေပါတယ်။

(၄) အလျားလိုက် (သို့မဟုတ်) ဒေါင်လိုက်ရွေးချယ်ခြင်း

Composition ဖွဲ့စည်းမှုမှာ နောက်ထပ်အရေးကြီးတဲ့ ဆုံးဖြတ်မှုတစ်ခုကတော့ အလျားလိုက် သို့မဟုတ် ဒေါင်လိုက် ပုံစံရွေးချယ် မှုဖြစ်ပါတယ်။ Landscape ရှုမျှော်ခင်းပုံတွေကတော့ အများအားဖြင့် အလျားလိုက်ပုံစံရွေးချယ်လေ့ရှိကြပါတယ်။ ဒါကြောင့်လဲ Landscape Format ပုံစံလို့ ပြောကြတာပါ။ ကျွန်တော်တို့ရဲ့အကြည့်ကို အပေါ်ကြည့်လိုက် အောက်ကိုကြည့်လိုက် ပြုလုပ်တာ ထက် မြင်ကွင်းတစ်ခုကို မျက်စိတစ်ဆုံးငေးမောကြည့်ရှုလေ့ရှိတာကြောင့်လဲ ဖြစ်ပါတယ်။ အမြင့်က နိမ့်ပြီး မြင်ကွင်းကကျယ်တဲ့အတွက် အလျားလိုက်ပုံစံဓါတ်ပုံတွေဟာ ဒေါင်လိုက်ပုံတွေထက်ပိုပြီးတည်ငြိမ်စေပါတယ်။ အလျင်စွမ်းအင်ကိုလည်း လျော့ပါးစေသလို ခံစားစေပါတယ်။ ဒါပေမယ့် ပုံတွေကို အလျားလိုက်ပုံစံလား ဒေါင်လိုက်ပုံစံလားဆိုတာ အတွက် အမှားအမှန် သတ်မှတ်ချက်ရယ်လို့မရှိပါဘူး။ အဓိကဆုံးဖြတ်ရမှာက သင့်ရဲ့Subject နဲ့လိုက်ဖက်ပြီး အံဝင်မှုရှိလားဆိုတာပေါ်မူတည်တာပါ။ တချို့ပုံတွေက အလျားလိုက်ပုံစံသင့်တော်ပြီး တစ်ချို့ပုံတွေက ဒေါင်လိုက်ပုံစံသင့်တော်ကြပါတယ်။ ဒေါင်လိုက်ပုံစံရိုက်ကူးတာ ကတော့ အမြင့်နဲ့ အနက်ထုထည်ကို ပိုပေါ်လွင်ထင်ရှားစေပါတယ်။ သစ်ပင်တစ်ပင်တည်းကို ရိုက်ထားတာက ဒေါင်လိုက်ပုံစံ ရွေးချယ်မှုကပိုကောင်းပြီး ၊ သစ်တောအုပ်ဆိုရင်တော့ အလျားလိုက်ပုံစံ ရွေးချယ်တာက ပိုသင့်တော်ပါတယ်။

(၅) Visual Weight (အမြင်အာရုံအလေးချိန်)

ဓါတ်ပုံတွေထဲက အစိတ်အပိုင်းတွေအားလုံးဟာ မတူညီကြပါဘူး။ ကျွန်တော်တို့ဓါတ်ပုံတစ်ပုံကို ပထမဦးဆုံးကြည့်လိုက်တဲ့အချိန်မှာ ကျွန်တော်တို့မျက်စိတွေဟာ ပုံရဲ့တစ်နေရာကို ပထမဦးဆုံးသဘာဝအလျောက်အကြည့်ရောက်သွားပါတယ်။ ပုံရဲ့တစ်ချို့ အစိတ်အပိုင်းတွေဟာ တစ်ချို့အစိတ်အပိုင်းတွေထက်ပိုပြီး အမြင်အာရုံအရပိုပြီး ဆွဲဆောင်မှုရှိစေပါတယ်။ ကျွန်တော်တို့ကို ဒီလိုကြည့်စေဖို့အတွက် ဆွဲဆောင်စေတဲ့အရာကို Visual Weight (အမြင်အာရုံအလေးချိန်) လို့ခေါ်ပါတယ်။ လူဟာရင်းနှီး ကျွမ်းဝင်မှုရှိတဲ့အရာဝတ္တုသက်ရှိတစ်ခုပါ။ ဒါကြောင့်လူဟာအမြင်အာရုံအလေးချိန်ပိုပါတယ်။ လူရဲ့မျက်နှာအစိတ်အပိုင်းကလဲ အခြားသောခန္ဓာကိုယ်အစိတ်အပိုင်းတွေထက်ပိုပြီးအမြင်အာရုံအလေးချိန်ပိုပါတယ်။ ဒါကြောင့်မို့သင်က Landscape ရှုမျှော်ခင်း ထဲမှာ လူကိုထည့်သွင်းရိုက်ခဲ့ရင် ဘယ်လောက်ပဲအဲဒီရှုမျှော်ခင်းကရင်သပ်ရှုမောဖွယ်ရာဖြစ်နေပါစေ အဲဒီလူကပဲ အဓိက ဆွဲဆောင်မှုသော့ချက်ဖြစ်သွားရပါတယ်။ ဒါကြောင့် ရှုမျှော်ခင်းကိုပဲအဓိကထားပြီးသင်ရိုက်ကူးချင်ခဲ့မယ်ဆိုရင် လူကိုထည့်သွင်း ပြီးမရိုက်ကူးမိစေဖို့ကို သတိပြုရမှာပဲဖြစ်ပါတယ်။

လူကပဲအမြင်အာရုံအလေးချိန်ရှိတာမဟုတ်ပါဘူး တစ်ချို့အရောင်တွေကလဲ အချို့အရောင်တွေထက်ပိုပြီး အမြင်အာရုံအလေးချိန်ပိုရှိကြပါတယ်။ အနီရောင်က အစိမ်း သို့မဟုတ် အပြာရောင်ထက် ပိုပြီး အမြင်အာရုံအလေးချိန်ပိုရှိပါတယ်။ ဒါ့အပြင် ပိုမဲမှောင် ၊ ပိုအရောင်များတဲ့အရာတွေက ပိုလင်းပြီး ၊ အရောင်ဖျော့တဲ့အရာတွေ ထက်ပိုပြီး အမြင်အာရုံအလေးချိန်ပိုကြပါသေးတယ်။ ဒါ့အပြင် အဖြူက အမဲထက်ပိုပြီး အမြင်အာရုံအလေးချိန်ပိုလေးပါသေး တယ်။ Visual weight (အမြင်အာရုံအလေးချိန်) ဟာပုံတစ်ခုရဲ့ Composition ဖွဲ့စည်းမှုဆုံးဖြတ်တဲ့နေရာမှာ အလွန်အရေးကြီး ပါတယ်။ သင်အဓိကပြလိုတဲ့ အရာဝတ္ထုကအခြားအရေးမပါတဲ့အရာဝတ္ထုတွေထက်ပိုပြီး အမြင်အာရုံအလေးချိန်ပိုထားရပါမယ်။ အဲဒီလိုမဖြစ်ခဲ့ဘူးဆိုရင် သင့်ပုံကိုကြည့်တဲ့မည်သူကမျှ သင်ပြလိုတဲ့ အရာ Subject ကို ကရုမပြုမိပဲဖြစ်သွားပါလိမ့်မယ်။

Visual Weight (အမြင်အာရုံအလေးချိန်) ရှိတဲ့ အရာအချို့ကို အောက်ပါအတိုင်းစုစည်းပြီး တင်ပြထားပါတယ်။

(၁) အလင်းအမှောင်ကွဲပြားခြားနားချက်ရှိသောနေရာ (Area’s of contrast)

(၂) Focus ပြတ်သားတဲ့ အရာများ

(၃) တောက်ပတဲ့နေရာများ

(၄) အရောင်လွန်ကဲနေသောအရာများ

(၅) အနွေးအရောင်များ (အနီ / အ၀ါ)

(၆) ကြီးမားသော အရာများ

(၇) လူများ ၊ တိရိစ္ဆာန်များ

(၈) သင့် Subject ရဲ့မျက်လုံးများ

(၉) သင့် Subject ရဲ့ အကြည့်လမ်းကြောင်း (အကယ်၍ဘာမှမရှိတဲ့ နေရာလွတ်တစ်ခုဖြစ်ခဲ့ရင်တောင်မှ visual weight ရှိပါတယ်၊ ဘာကြောင့်လဲဆိုတော့ ကြည့်ရှုသူအနေနဲ့ သင့် Subject ရဲ့အကြည့်အတိုင်းလိုက်ပြီး တော့ ကြည့်ချင်လို့ပဲ ဖြစ်ပါတယ်)

အဖြူရောင်က ပိုပြီး အမြင်အာရုံအလေးချိန်ပိုပါတယ်။ ကျွန်တော်တို့တွေဟာ မဲမှောင်တဲ့နေရာတွေထက်ပိုပြီးတော့ လင်းလက် တဲ့နေရာတွေကို လျင်လျင်မြန်မြန်ပဲ သတိပြုမိတတ်ကြပါတယ်။

(၆) Balance (ဟန်ချက်ညီမှု)

ပုံတွေထဲမှာတကယ့် ရုပ်ပိုင်းဆိုင်ရာအလေးချိန်ဆိုတာ မရှိသော်လည်းပဲ ၊ အမြင်အာရုံအလေးချိန်ပိုပြီးလေးတဲ့အရာတွေက ဟန်ချက်မညီမျှမှုကို ဖြစ်ပေါ်စေပါတယ်။ ဘယ်/ညာ ဟန်ချက်ညီမျှမှုတစ်ခုသာ အရေးပါတာမကပဲ အပေါ်အောက် ဟန်ချက်ညီမျှမှုကလဲ အရေးပါပါတယ်။ ပုံထဲက အပေါ်ပိုင်းနေရာမှာ အမြင်အာရုံအလေးချိန်ပိုတဲ့အစိတ်အပိုင်းတွေကြောင့် အပေါ်ပိုင်းတစ်ခုကြီးလေးလံနေသလိုမျိုးခံစားစေရမှာဖြစ်ပါတယ်။

ဒီပုံထဲမှာမြင်ရတဲ့အတိုင်းပုံရဲ့ အပေါ်ဘက်မှာရှိတဲ့ တောင်ကြီး ကြောင့် ပုံရဲ့ထိပ်ပိုင်းဟာ လေးလံနေသလို ကြည့်ရှုသူကို ခံစားရစေပါတယ်။

ဓါတ်ပုံတွေကို Balance (ဟန်ချက်ညီမျှ) စေဖို.နည်းလမ်းများ

ဓါတ်ပုံတွေကို Balance (ဟန်ချက်ညီမျှ) စေအောင် ကိုယ်ရိုက်မဲ့ ဖရိန်ကို နေရာရွေ့ပေးခြင်း၊ အရာဝတ္ထု Object တွေကို ယှဉ်တွဲခိုင်းနှိုင်းပြသခြင်းအားဖြင့် Tones (ကာလာအနုအရင့်) ၊ အရာဝတ္ထု (Object) ၊ အရောင် (Color) တွေ အမြင်အာရုံ အလေးချိန်ကိုညီမျှစေပြီး ဟန်ချက်ညီမျှမှုဖြစ်စေပါတယ်။ ဓါတ်ပုံတွေကို Balance (ဟန်ချက်ညီမျှ) စေအောင်ပြုလုပ်ဖို့ နည်းလမ်း (၂)ခု ရှိပါတယ်။

သမားရိုးကျ (Formal) နည်းလမ်းနှင့် သမားရိုးကျမဟုတ်တဲ့ (Informal) နည်းလမ်းတို့ပဲ ဖြစ်ပါတယ်။ (အခြားသောနည်းလမ်းကောင်းများလည်းရှိနိုင်ပါသေးတယ်)

အောက်ပါနည်းလမ်းပုံစံ (၅)ခုကို အသုံးပြုပြီး ဓါတ်ပုံတွေကို အနုသုခုမ ခံစားမှုပေးနိုင်ဖို့ ၊ ပိုမိုပြီး အဓိပ္ပါယ်လေးနက်စေဖို့ပြုလုပ်ပေးနိုင်ပါတယ်။

(၁) Symmetrical Balance (ခေါက်ချိုးညီဟန်ချက်ညီမျှမှု)

သမားရိုးကျဟန်ချက်ညီမျှမှု နည်းလမ်းတစ်ခုဖြစ်ပြီး ၊ ဓါတ်ပုံရိုက်ကူးရာမှာအများဆုံးအသုံးပြုတဲ့အရာကတော့ Symmetrical Balance (ခေါက်ချိုးညီ ဟန်ချက်ညီမျှမှု) ပဲဖြစ်ပါတယ်။ ၀ါရင့်ပရိုဓါတ်ပုံဆရာတွေ ၊ ဓါတ်ပုံ workshop တွေမှာ ကိုယ်ပြမဲ့ အရာဝတ္တု (Subject) ကိုရှေ့ဘက်အလယ်ဗဟို (Center) မှာထားပြီး မရိုက်ဖို့အကြံညဏ်ပေးလေ့ရှိကြပါတယ်။ ဒါပေမယ့် အခုလိုပုံစံဓါတ်ပုံမျိုးမှာတော့ အရာဝတ္တု (Subject) ကို အမြင်အာရုံဆွဲဆောင်မှုပိုရှိစေပြီး ၊ ပိုမိုအားကောင်းစေပါတယ်။ ခေါက်ချိုးညီဟန်ချက်ညီမျှနေတဲ့ပုံတွေမှာ ဖရိန်ရဲ့ (၂) ဖက်စလုံးက အလေးချိန်တူညီမှုရှိနေပြီး ကြေးမုံပြင်လိုတစ်ခုနဲ့တစ်ခုထင် ဟပ်နေပါတယ်။ အလျားလိုက် သို့မဟုတ် ဒေါင်လိုက် တစ်ဝက်စီညီမျှစွာပေးထားချိန်မှာ ပြလိုတဲ့ အရာဝတ္ထု (Subject) ကို သေသေချာချာ အလယ်ဗဟိုနေရာကိုရွေးပြီး ချပေးခြင်းအားဖြင့် လုံးဝကို ပြီးပြည့်စုံတဲ့ ခေါက်ချိုးညီဟန်ချက်ညီမျှမှုကို ဖြစ်ပေါ်စေပါတယ်။

(၂) Asymmetrical Balance (အချိုးမညီ ဟန်ချက်ညီမျှမှု)

သမားရိုးကျမဟုတ်တဲ့ (informal) နည်းလမ်းတစ်ခုဖြစ်ပြီး ၊ ဓါတ်ပုံသင်တန်းတွေ၊ workshop တွေမှာ ယျေယူယျအများဆုံး သင်ကြားပေးလေ့ရှိတာကတော့ Asymmetrical Balance (အချိုးမညီဟန်ချက်ညီမျှမှု) ပဲဖြစ်ပါတယ်။ The Rule of Thirds ကိုသုံးပြီး မျည်းကြောင်းတွေထိဆက်နေတဲ့ နေရာလေးခုမှာ အရာဝတ္ထုတွေကို နေရာချပေးခြင်းအားဖြင့် ဒီနည်းလမ်းကို အသုံးပြု နိုင်ပါတယ်။ အောက်ကဓါတ်ပုံထဲမှာမြင်ရတဲ့အတိုင်း ဖရိန်ထဲမှာအရွယ်အစားမတူညီတဲ့အရာဝတ္ထု Subject တွေ (ကျောက်ဆစ်လက် က အရွယ်အစားပိုကြီးပြီး သစ်ပင်က အရွယ်အစားပိုသေးပါတယ်)၊

ဒီပုံမှာတော. အပေါ်ဖက်အပိုင်းက အလင်းတောက်ပနေတဲ့ ကောင်းကင်နဲ့ အောက်ပိုင်းကတော့ မှောင်နေတဲ့ တောင်တန်း တို့ကလဲ မတူညီတဲ့ ဆန့်ကျင်ကွဲပြားတဲ့ အရောင်အနုအရင့် (Contrasting tones) တွေနဲ့ဟန်ချက်ညီမျှအောင်ပြုလုပ်ထားပါတယ်။

(၃) Color Balance (အရောင်များဟန်ချက်ညီမျှမှု)

သမားရိုးကျမဟုတ်တဲ့နည်းလမ်းနဲ့ ဟန်ချက်ညီမျှစေတဲ့အခြားနည်းလမ်းတစ်ခုကတော့ အရောင်(color) တွေကို အသုံးပြုခြင်း ဖြစ်ပါတယ်။ အလွန်တောက်ပတဲ့ အရောင်တွေဖြစ်တဲ့အနီရောင် ၊ အ၀ါရောင် ၊ လိမ္မော်ရောင် စတဲ့အရောင်တွေပါဝင်တဲ့ ဓါတ်ပုံတစ်ပုံဟာ အလွန်အမင်းထူးကဲနေတဲ့ပုံဖြစ်မှာပါ။

ဒါ.အပြင် neutral (ကြားအရောင်) အရောင်နဲ့အရောင်ဖျော့တော့တဲ့ အရောင်တွေရှိတဲ့ဧရိယာအကျယ်ထဲမှာ တောက်ပတဲ့ကာလာအရောင်တွေကို ထည့်သွင်းလိုက်ခြင်းအားဖြင့် ဟန်ချက်ညီမျှမှုကို ဖြစ်စေပါတယ်။

(၄) Tonal Balance (အရောင်အနုအရင့် ဟန်ချက်ညီမျှမှု)

သမားရိုးကျမဟုတ်တဲ့ ဟန်ချက်ညီမျှမှုကိုဖြစ်စေတဲ့ နောက်ထပ်နည်းလမ်းတစ်ခုကတော့ Monochromatic (အရောင်တစ်ခုတည်းရှိသော) ဓါတ်ပုံတွေ ၊ အဖြူအမဲ (Black and white) ဓါတ်ပုံတွေမှာ မတူညီတဲ့အရောင်အနုအရင့် တွေနဲ့ ခွဲဖြားပြီးတော့ ဖြစ်စေတဲ့နည်းလမ်းပါ ၊ အဲဒါကို Tonal Balance လို့ခေါ်ပါတယ်။ ဒီနည်းလမ်းမှာတော့ ဓါတ်ပုံထဲမှာရှိတဲ့ အလင်းရှိတဲ့ အပိုင်းနဲ့ အမှောင်ဖြစ်နေတဲ့အပိုင်း နှစ်ခု ကြားကိုကွဲပြားခြားနားခြင်းအားဖြင့် Tonal Balance ကို မြင်တွေ့ရနိုင်ပါတယ်။ တောက်ပတဲ့အရောင်တွေလိုပဲ မဲမှောင်တဲ့ ဧရိယာတွေဟာ ကျွန်တော်တို့ မျက်စိထဲမှာ လေးလံမှုတွေ ဖြစ်စေပါတယ်။ ပိုပြီးတော့ကြီးတဲ့ ၊ လင်းတဲ့ ဧရိယာ တွေနဲ့ ယှဉ်တွဲပြီး အကောင်းဆုံးဟန်ချက်ညီမျှမှုကိုလဲ ဖြစ်စေပါတယ်။ အောက်ကပုံထဲမှာမြင်ရတဲ့အတိုင်း ရှေ့ဘက် foreground အပိုင်းက မဲမှောင်နေတဲ့ဧရိယာက နောက်ဘက်ကလင်းတဲ့ ဧရိယာနဲ့ ဟန်ချက်ညီမျှမှုကိုဖြစ်စေပါတယ် ။ (ပုံ ၁)

မဲမှောင်နေတဲ့ ရှေ့ဘက် Foreground အရာဝတ္တုကို Rule of Thirds အတိုင်းထားရှိပေးလိုက်ရင် ပိုမိုပြီး အနုသုခုမ ခံစားမှုကိုပေးစွမ်းနိုင်မှာပါ ။

(၅) Conceptual Balance (အမြင်အယူအဆ ဟန်ချက်ညီမျှမှု)

Conceptual Balance (အမြင်အယူအဆဟန်ချက်ညီမျှမှု) ကတော့ ပိုမိုပြီး ဒသနိကဗေဒဆန်တဲ့ သမားရိုးကျမဟုတ်တဲ့ ဟန်ချက်ညီမျှမှုတစ်မျိုးပဲဖြစ်ပါတယ်။ အရာဝတ္တုနှစ်ခုဟာ အရွယ်အစား ၊ ပုံသဏ္ဏန်မတူညီပဲ တစ်ခုကိုတစ်ခု အားဖြည့်ပေးစေတဲ့ အခါမျိုးမှာဖြစ်ပါတယ်။ မတူညီကွဲပြားခြားနားတဲ့ မျက်နှာသွင်ပြင် (Texture) တွေ ၊ အဓိပ္ပါယ်ဦးတည်ချက်မတူတဲ့ အရာဝတ္တု နှစ်ခုရှိတဲ့ အခါမျိုးမှာ conceptual balance ကို ဓါတ်ပုံတွေမှာဖြစ်ပေါ်စေပါတယ်။ ဖရိန်တစ်ခုကို အနည်းငယ်စောင်းပေး လှည့်ပေးပြီး ရိုက်ယုံလောက်နဲ့တော့ ဒီလို ဟန်ချက်ညီမျှမှုမျိုးကို ရရှိဖို့မလွယ်ကူပါဘူး။

ရှေးဟောင်းအဆောက်အဦးနဲ့ မော်ဒန်အဆောက်အဦးနှစ်ခုက ဘယ်ညာတစ်ဖက်စီမှာထားပြီးရိုက်ကြည်.မယ်ဆိုရင် color ၊ Tonal ၊ Conceptual balance တွေကို ဖြစ်ပေါ်စေမှာပါ။

(၆) Rule of Odds (မကဏ္ဏန်းအရေအတွက်)

ဓါတ်ပုံတွေကို အနုသုခုမ ခံစားမှုဖြစ်စေတဲ့စည်းမျဉ်းတစ်ခုထဲမှာ Rule of Odds (မကဏ္ဏန်းအရေအတွက်) ပဲ ဖြစ်ပါတယ်။ Rule of Odds ရဲ့ သဘောကတော့ မကဏ္ဏန်းအရေအတွက်ရှိတဲ့ အရာတွေပါဝင်တဲ့ ဓါတ်ပုံတစ်ခုဟာ ပိုပြီးတော့ ထိရောက်မှုရှိတယ်ဆိုတာပါပဲ။ မကဏ္ဏန်းတွေရဲ့ဆက်နွယ်မှုကိုလေ့လာကြည့်ရင်မကဏ္ဏန်း အရေအတွက် အရာဝတ္တုတွေဟာ သင့်ရဲ့ မျက်စိကို ဓါတ်ပုံရဲ့ ဖရိန်အတွင်းထဲမှာပဲ တ၀ဲဝဲလည်နေစေအောင် ပြုလုပ်ပေးတာ တွေ့ရပါလိမ့်မယ်။

(၇) Horizon Line (မိုးကုတ်စက်ဝိုင်းအနားသတ်မျဉ်း)

သင့်ပုံထဲမှာ Horizon Line (မိုးကုတ်စက်ဝိုင်းအနားသတ်မျဉ်း) ကို ဘယ်နေမှာထားမှာပါလိမ့်? လှပတဲ့တိမ် တွေနဲ့ကောင်းကင်ကို ဦးစားပေးအသားပေးပြဖို့အတွက် အဲဒီ Horizon မျည်းကိုပုံရဲ့အောက်နားမှာ ထားမှာ လား? ဒါမှမဟုတ် မြေပြင်က အရာဝတ္တုကိုပိုမိုဦးစားပေးပြဖို့အတွက် Horizon မျည်းကိုပုံရဲ့အပေါ်နားဆီမှာ ထားမှာလား? ဆိုတာအရေးကြီးတဲ့ Composition တစ်ခုဖြစ်ပါတယ်။ တခါတရံမှာတော့ ကောင်းကင်က တိမ်တွေရယ် ၊ ရေပြင်ထဲကတိမ်တွေရယ်ကို ပြဖို့ဆိုရင် Horizon မျည်းကို ပုံရဲ့အလယ်ဗဟိုမှာထားပြီး အညီအမျှပိုင်းခြားပြတာမျိုးလဲကောင်းတတ်ပါတယ်။ ဒါကြောင့် Horizon Line ကို ဘယ်နေရာမှာထားသင့်သလဲဆိုတာဟာ ပုံတစ်ခုချင်းစီရဲ့ ကိုယ်ပြလိုတဲ့အကြောင်းအရာ (Story)အပေါ်မှာ မူတည်ပြီးတော့ ဆုံးဖြတ်ရမှာ ဖြစ်ပါတယ်။

(၈) Visual Depth (အမြင်အာရုံအနက်ထုထည်)

Visual Depth (အမြင်အာရုံအနက်ထုထည်) ဟာ (၂) ဖက်မြင်ပုံရိပ်တွေကို (၃)ဖက်မြင် (Three Dimensional) အရည်အသွေးဖြစ်အောင် ပြုလုပ်ပေးနိုင်ပါတယ်။ Visual Depth ဟာ ကျွန်တော်တို့ရဲ့ ဓါတ်ပုံတွေထဲကို ခြေလှမ်းပြီးဝင်ရောက်လိုက်သလိုမျိုးခံစားမှုကိုပေးစွမ်းနိုင်ပါတယ်။ Foreground (အရှေ့) ၊ Middle ground (အလယ်) ၊ Back ground (နောက်ခံ) အရာဝတ္တုတွေကိုဖြည့်စွက်ထားခြင်းဖြင့် visual depth ကိုဖြစ်ပေါ်စေပါတယ်။ Visual Depth (အမြင်အာရုံအနက်ထုထည်) ရှိတဲ့ ဓါတ်ပုံတွေဟာ ပုံရဲ့ဇာတ်လမ်းတစ်ခု၊ အကြောင်းအရာတစ်ခုကို ကောင်းကောင်းပြောနိုင်ပါတယ်။ ကြည့်ရှူ့သူအနေနဲ့ ဓါတ်ပုံထဲကပါ ၀င်တဲ့အရာဝတ္တု (elements) တွေဆီကနေ လုံလောက်တဲ့သတင်းအချက်အလက်တွေရရှိနိုင်ပါတယ်။ သင်အခုဘယ်ကိုရောက်နေသလဲ ၊ သင်ကဘာကိုပြောပြနေချင်လဲ စတဲ့အချက်အလက်တွေကို ပြည့်စုံကောင်းမွန် စွာနားလည်စေပါတယ်။ တခြားတဖက်မှာတော့ သင့်ရဲ့အရာဝတ္တု (Subject) ကိုပေါ်လွင်ထင်ရှားစေဖို့ ရိုးရိုးပဲ ဆိုရင်တော့ သိသာမြင်သာတဲ့ foreground (ရှေ့ဘက်) နှင့် background (နောက်ခံ) အရာဝတ္တုတွေကို ထည့်သွင်းဖို့မလိုပါဘူး။

(၉) Point of View

ဓါတ်ပုံပညာမှာ composition ဆိုတာဟာ သင့်ရဲ့အမြင်အာရုံစိတ်ကူးတွေကို အခြားသူတွေကို ဆက်သွယ် ပြောပြဖို့ဆိုတာပါ။ ဒါကြောင့် သင့်ရဲ့ point of view ကဒီလိုဆက်သွယ်ပြောပြဖို့အတွက်အလွန်ကိုအရေးပါပါတယ်။ သင်က အရပ် ၅ပေ ၅လက်မ ရှိတယ်ဆိုရင် သင်က ကမ္ဘာကြီးရဲ့မြင်ကွင်းတွေကို သင့်ရဲ့အမြင့်အတိုင်းပဲအမြဲကြည့်ရှူ့တွေ့မြင်နေရတာပါပဲ။ ဒါပေမဲ့ သင့်ရဲ့ Subject အရာဝတ္တုကကော ဘယ်လိုရှိပါမလဲ? ဥပမာ အမြင့် ၈လက်မ သာသာလောက်ရှိတဲ့ ငှက်တစ်ကောင်ကို ကြည့်ဖို့အတွက်ဘယ်လိုလုပ်ပါမလဲ? မြင်နေကြ တွေ့နေကြအတိုင်းဖြစ်ဖို့ဆိုရင် သင်ကအဲဒီငှက်အတိုင်းမြေပြင်မှာ ၀ပ်ပြီးတော့ ရိုက်ယူမှပဲ ၊သင့်ရဲ့ Subject အရာဝတ္တုကို အခြားသူတွေရဲ့ မျက်စိအမြင်နဲ့တူညီမှုရမှာဖြစ်ပါတယ်။

မူရင်းရေးသားသူ ဆရာ (ဦး) Zarni Myo Win အား လေးစားစွာ credit ပေးပါတယ်။

ဓါတ်ပုံရိုက်နည်း အခြေခံ Tips များ

By သတင်းစုံပျော်ဝင်အိုးကြီး January 06, 2019 camera, Tips

အခုလောလာဆယ် တကယ်ရေးနေတာက တခြား post တစ်ခုပါ။ landscape photography အတွက် knowledge share တစ်ခုရေးနေရင်း ခုတလော messenger မှာ အမေးများနေတဲ့ မေးခွန်းတစ်ခုကို တစ်ယောက်ချင်းစီပြန်ဖြေပေးရမှာထက် post တစ်ခုရေးပေးလိုက်ရင် ပိုအဆင်ပြေမယ် စဉ်းစားမိလို့ ရေးလက်စ စာကိုဖြတ်ပြီး ဒါလေးကို အရင်တင်ပေးလိုက်ပါတယ်။

*** အစ်ကို ကျွန်တော်/ကျွန်မကတော့ ခု ဒီကင်မရာလေးဝယ်ထားပါတယ်။ အဲ့တာ ဓါတ်ပုံဘယ်လိုရိုက်ရမလဲ၊ ပုံကောင်းထွက်အောင် setting တွေဘယ်လိုချိန်ရမလဲပေါ့။

ဓါတ်ပုံရိုက်တာက လွယ်လွယ်လေးပါ။ ကင်မရာကို ရိုက်ချင်တာ ချိန်ပြီး shutter button ကို နှိပ်လိုက်ပေါ့

ကိုယ့်လက်ညှိုးကို ပြန်ချိန်ပြီး shutter ခလုတ်ကို နှိပ်လိုက်လည်း ပုံတစ်ပုံကတော့ထွက်လာမှာပါပဲ။ ရှေ့ကနံရံကို လှမ်းရိုက်လည်း ဓါတ်ပုံကတော့ ဓါတ်ပုံပါပဲ။ ကံကောင်းရင် နံရံမှာ ကပ်နေတဲ့ ယင်ကောင်ကို ရိုက်မိပြီး အကျယ်ချဲ့ကြည့်ရင် Macro ပုံကောင်းတစ်ပုံတောင် စွတ်ရွတ်ဖြစ်ချင်ဖြစ်သွားမှာပါ။ ဓါတ်ပုံရိုက်တာက လွယ်ပါတယ်၊ ဓါတ်ပုံကောင်းတစ်ပုံထွက်လာဖို့ကသာ ခက်တာပါ။ ခု post ဟာ လုံးဝအခြေခံကိုရေးမှာမို့ နည်းနည်းသိနားလည်ပြီးသားသူတွေက ကျော်သွားလို့ရပါတယ်။ အချိန်ပေးနိုင်လို့ ဖတ်မယ်ဆိုလည်း အရှုံးတော့မရှိပါဘူး။ မသိသေးတာ တစ်ခုခု သိသွားရင်တောင် မိတ်ဆွေအတွက် အမြတ်ပါ။

ဓါတ်ပုံကောင်းတစ်ပုံဖြစ်လာဖို့ အခြေခံအနေနဲ့ ....

၁။ Aperture
၂။ Shutter Speed
၃။ ISO
၎။ Metering
၅။ Focus
၆။ White Balance
၇။ Lighting
၈။ Composition

စတဲ့အချက်တွေ ပြည့်စုံဖို့၊ မှန်ကန်စွာ ရွေးချယ် ချိန်ညှိနိုင်ဖို့လိုပါတယ်။

ဘယ်ကျန်းဂန်ထဲကမှ မဟုတ်ပါ။ ခု ကင်မရာကို ကြည့်ရင်းစိတ်ထဲပေါ်လာတာတွေ လက်တန်းချရေးလိုက်တာပါ။ ကျန်ခဲ့တာလည်းရှိကောင်းရှိနိုင်ပါတယ်။ ဒါပေမယ့် အခြေခံစတင်ရိုက်ကူးမယ့်သူတွေအနေနဲ့ကတော့ ဒီအချက်တွေက ပြည့်စုံလုံလောက်မှာပါ။ ကျွန်တော်လည်း ဓါတ်ပုံပညာနဲ့ပတ်သက်ပြီး သင်တန်းမတက်ခဲ့ရပါဘူး။ လမ်းညွှန်ပြသပေးမယ့် ဆရာမရှိခဲ့ပါဘူး။ စာတွေဖတ် youtube ကြည့်ရင်းလေ့လာခဲ့ရတာမို့ သီအိုရီတွေနဲ့ စနစ်တကျ မရှင်းပြတတ်ပါဘူး။ ကိုယ်လေ့လာခဲ့တဲ့ လမ်းကြောင်းအတိုင်း ကိုယ်လိုကြုံတွေ့နေရသူတွေကို ပြန်လည်လက်ဆင့်ကမ်းခြင်းမျှသာဖြစ်ပါတယ်။
*********************************************************************
အပေါ်က (Aperture + Shutter Speed + ISO) 3 ခုကို မှန်ကန်အချိုးကျစွာပေါင်းလိုက်ရင် Exposure ဆိုတာဖြစ်လာပါတယ်။ ကျန်တဲ့ metering တွေ focus တွေကို မှန်ကန်စွာရွေးချယ်ပြီး တင်ပြချင်တဲ့ composition ကောင်းကောင်းနဲ့ဆိုရင်တော့ ကိုယ်ရိုက်လိုက်တဲ့ပုံဟာ ဓါတ်ပုံကောင်းတစ်ပုံဖြစ်လာမှာပါပဲ။ ဒီ post မှာတော့ Theory တွေရေးမှာ မဟုတ်တဲ့အတွက် exposure အကြောင်းကို နောက်မှ သီးသန့်ရေးပေးပါ့မယ်။

အခု beginner တွေအတွက် ဓါတ်ပုံရိုက်တဲ့အပိုင်း၊ camera setting တွေ စဉ်းစားတဲ့အပိုင်းကိုပဲ ရေးပေးပါမယ်။
အရင်ဆုံး ကိုယ်က ဘာကိုရိုက်ချင်တာလဲဆိုတာတော့ သိထားရပါမယ်။ landscape လား၊ portrait လား၊ long exposure လား၊ ငှက်ရိုက်မှာလား စသဖြင့်ပေါ့။

စစချင်းရိုက်တဲ့သူတွေအတွက် Manual Mode (M) မှာ exposure ချိန်ပြီးရိုက်တတ်ဦးမှာမဟုတ်ပါဘူး။ M က professional ကျကျရိုက်လို့ရတာမှန်ပေမယ့် ရုတ်တရတ်အခြေအနေတွေမှာ beginner တွေအတွက် setting မှန်မှန်ချိန်နိုင်ဖို့ အဆင်မပြေပါဘူး။ အဲ့တာမို့ အရင်ဆုံး Auto mode နဲ့ရိုက်လည်းရှက်စရာတော့မဟုတ်ပါဘူး။ ဘယ်သူမှ Auto နဲ့ရိုက်တယ် Manual နဲ့ရိုက်တယ် စိတ်မဝင်စားပါဘူး၊ ထွက်လာတဲ့ ဓါတ်ပုံကောင်းမကောင်းကသာ အဓိကကျတာပါ။ ဒါပေမယ့် auto ကို ပုံမှန်အလင်းရောင်အခြေအနေတွေမှာပဲ သင့်တော်ပါတယ်။ low light တွေမှာ သူ့ရဲ့ချိန်ညှိပေးတာတွေက ကိုယ်လိုချင်တာနဲ့ တလွဲစီဖြစ်နေတတ်လို့ ဖြစ်နိုင်ရင် တခြား mode တစ်ခုခုနဲ့ ရိုက်တတ်အောင် လေ့ကျင့်ယူပါ။ ပြီးတော့ ကိုယ်က portrait ကို နောက်ခံဝါးဝါးလေးလိုချင်လို့ ရိုက်လည်း Auto mode က သူပေးချင်တဲ့ setting နဲ့ သူရိုက်ချင်သလိုရိုက်နေမှာပါပဲ။ ထို့ကြောင့် Mode Dial ထဲက (S / A / M) section မှာထားပြီး ရိုက်မယ့် ဓါတ်ပုံအခြေအနေကိုလိုက်၍ camera setting ထားပုံကို ရှင်းပြပေးပါမယ်။

၁။ လူပုံကို နောက်ခံဝါးဝါးလေးနဲ့ရိုက်ချင်တယ်ဆို ကင်မရာကို aperture priority (A or AV) မှာထားပြီး f-stop ကို lens မှာရှိတဲ့ ကျယ်နိုင်သမျှ အကျယ်ဆုံးဖွင့်ရိုက်ပါ။ ဒါပေမယ့် f/1.4, f/1.8, f/2.8 လောက်ထိ ပွင့်နိုင်မှ အဆင်ပြေပါမယ်။ 50mm, 85mm လို portrait lens တွေနဲ့ ရိုက်ရင်ပိုအဆင်ပြေပါမယ်။ 18-55mm f/3.5-5.6G ED လို kit lens တွေနဲ့ နောက်ခံဝါးဝါးရိုက်လို့ သိပ်အဆင်မပြေပါဘူး။ Aperture ကျယ်ကျယ်ဖွင့်မှ depth of field နည်းနည်းရမယ်ဆိုတဲ့ lens သဘောသဘာဝကြောင့်ပါ။ (ဒါကို အရင်ပြောတာ ဒါပဲ ခဏခဏမေးနေကြလို့ပါ

)

၂။ ကြည်လင်ပြတ်သားတဲ့ ရှုခင်းပုံ လှလှတွေလိုချင်ရင် aperture priority (A or AV) မှာထားပြီး f-stop ကို နံပါတ်ကြီးကြီးတင်ပါ။ f/16, f/18, f/22 စသဖြင့်..။ ဒါပေမယ့် f-stop ကြီးလေ exposure မျှဖို့အတွက် shutter speed ကလည်း လိုက်နှေးသွားမှာမို့ လက်နဲ့ကိုင် (handheld)ရိုက်ဖို့ အဆင်မပြေပါ။ tripod နဲ့ဆို ပိုသင့်တော်ပါမယ်။ shutter release cable သုံးရင်သုံး၊ မဟုတ်လည်း timer နဲ့ရိုက်ပါ။ ဘယ်လိုမှ အဆင်မပြေလည်း လက်နဲ့သာ ကင်မရာကိုမလှုပ်အောင်ကိုင်ပြီး သတိထားနှိပ်ပါ။ အပြင်မှာ အလင်းရောင်များတယ်ဆို shutter speed ထိန်းညှိနိုင်ဖို့အတွက် ISO ကိုလည်း နည်းနည်းတင်လို့ရပါတယ်။ Landscape အတွက် Wide angle lens တွေ အသုံးပြုပြီးရိုက်နိုင်ရင် ပိုကောင်းပါမယ်။

၃။ Street photography ရိုက်ချင်တယ်ဆိုရင် shutter priority (S or TV) မှာထားပြီး shutter speed 1/250th လောက်ကနေစထားရိုက်ပါ။ (street က တစ်ခါတစ်ရံ auto mode နဲ့လည်းအဆင်ပြေတတ်ပါတယ် နေ့လည်ပိုင်းရိုက်လေ့ရှိတာမို့)။ လှုပ်ရှားနေတဲ့ပုံတွေဖြစ်လေ့ရှိတာမို့လည်း shutter speed မြန်နေဖို့လိုပါတယ်။ ကိုယ်ပြချင်တဲ့ subject / background တွေ ကြည်လင်နေဖို့အတွက်လည်း aperture f/8, f/11 လောက်ထားသင့်ပါတယ်။ အထူးသဖြင့် f-stop နံပါတ်အသေးတွေထိ aperture မဖွင့်မိဖို့ သတိထားသင့်ပါတယ်။ နို့မို့ဆို ကိုယ့်ပုံက foreground, background ချိတ်ဆက်မမိပဲ ဘာကို ပြလို့ပြချင်မှန်းမသိ ဖြစ်နေတတ်ပါတယ်။ ။ ကိုယ်က တမင် နောက်ခံဝါးအောင်ရိုက်ချင်ရင်တော့ တစ်မျိူးပေါ့လေ။ ဒါပေမယ့် တင်ပြပုံအရမ်းကောင်းလွန်းမှသာ နောက်ခံဝါးထားတဲ့ပုံတွေက street photography မှာကြည့်ကောင်းပါလိမ့်မယ်။ ပြီးတော့ lens အကြီးကြီးတွေ မသုံးပါနဲ့၊ အထူးသဖြင့် telephoto lens တွေ။ kit lens (18-55mm)၊ 35mm၊ 50mm prime တွေသုံးတာ ပိုသင့်တော်ပါတယ်။ lens အကြီးတွေနဲ့ဆို street ရိုက်တာ အရမ်းသိသာနေရင် ပုံကောင်းတွေ ရဖို့ ခက်သလို မတော်တဆ လှုမှုရေးပြဿနာတွေလည်း ကြုံရတတ်ပါတယ်။

၎။ ငှက်ရိုက်တာ (Wildlife) အတွက်ဆို shutter priority (S or TV) မှာထားသင့်ပါတယ်။ နားနေတဲ့ငှက်၊ ပျံနေတဲ့ငှက်စသဖြင့်ပေါ်မူတည်ပြိး shutter speed 1/250th၊ 1/500th ကနေ 1/1000th 1/4000th လောက်ထိ တင်ရိုက်ပါ။ Telephoto Zoom lens တွေအသုံးပြုသင့်ပါတယ်။ ဒီနေရာမှာ shutter speed အရမ်းတင်ထားရတဲ့အတွက် Camera မှာ " Subject is too dark " လို့ပေါ်နေမယ်ဆို ISO ကို 400 ကနေ 800 / 1000 လောက်ထိတင်ရိုက်ကြည့်ပါ။ နေ့လည် အလင်းရောင်လုံလုံလောက်လောက်ရှိတယ်ဆို ISO ဒီထက်တင်လည်းရပါတယ်။ ကင်မရာကောင်းရင် ကောင်းသလို ISO တင်နိုင်ပါတယ်။ အရမ်းကြီးတော့ မလိုအပ်ပဲ မတင်နဲ့ပေါ့။ noise အရမ်းထသွားရင် အပင်ပန်းခံရိုက်ထားရတဲ့ပုံတွေ ကြည့်ရဆိုးသွားပါလိမ့်မယ်။

၅။ Long exposure အတွက်ကတော့ Manual (M) နဲ့ပဲ ရိုက်ဖို့အကြံပြုချင်ပါတယ်။ ဒီအချိန်မှ M နဲ့ မရိုက်ရင် ဘယ်အချိန် M နဲ့ သွားရိုက်ရတော့မလဲ။ aperture (f/16, f/22 ဝန်းကျင်၊ မဟုတ်လည်း lens က တင်လို့ရသလောက်သာတင်

) ISO ကိုတော့ နည်းနည်းကစထားပြီး shutter speed ကို အနှေးဆုံးထားပါ။ ၅စက္ကန့်၊ ၁၀ စက္ကန့်၊ ၃၀ စက္ကန့် စသဖြင့်ပေါ့။ အချိန်ဘယ်လောက်ကြာကြာထားရင် ပုံက အကောင်းဆုံးဖြစ်နိုင်မလဲ သိနိုင်ဖို့ကတော့ အချိန်မတူအောင်ထားပြီး ၄-၅-၁၀ ပုံလောက်သာ ရိုက်ခဲ့ပါ။ ပြီးမှ အကောင်းဆုံးကိုပြန်ရွေးထုတ်ပေ့ါ။ aperture ကိုလည်း အမျိုးမျိုးပြင်ဆင် ပြောင်းလဲပြီး ရိုက်ကူးသင့်ပါတယ်။ အဲ့တာမှ နောင်အခါ ဘယ်ပုံကိုလိုချင်ရင် stop တွေ ဘယ်လောက်မှာ ထားသင့်တယ်ဆိုတာကို မှန်းဆတတ်လာမှာပါ။ ပြီးတော့ မဖြစ်မနေ Tripod လိုပါတယ်။ အဲ့လောက်အချိန်အကြာကြီး ဘယ် lens ရဲ့ stabilizer ကမှ လက်နဲ့ရိုက်တာကို ငြိမ်အောင်မထိန်းထားပေးနိုင်ပါဘူး။ ခလုတ်ကို လက်နဲ့နှိပ်တာထက် shutter release cable အသုံးပြုနိုင်ရင် ပိုကောင်းပါမယ်။ ကျွန်တော့်ရဲ့ personal အကြံပြုချက်အရ lens ရဲ့ VR / IS (image stabilization) ကို off ပြီးရိုက်ပါ။ tripod သုံးထားပြီမို့ VR off ထားလည်း ပြဿနာမရှိပါ။ lens ရဲ့ sensor က stabilization လိုက်လုပ်ပေးနေဖို့ မလိုတဲ့အတွက် သူ့ရဲ့ဝန်ကို Image အပေါ်မှာ ပိုအာရုံထားနိုင်မယ်လို့ ယူဆပါတယ်။ မဖြစ်မနေ VR OFF ရမယ်မဟုတ်ပါ။ အများစုက VR ON ထားပြီးရိုက်ထားလည်း ကြည့်ကောင်းတဲ့ပုံတွေရနေတာပါပဲ။ နေ့လည်ပိုင်း long exposure ရိုက်ရင် Filter တွေသုံးတတ်ဖို့လိုပါတယ် (ဥပမာ ND filter)။ မဟုတ်ရင် ပုံက အလင်းအရမ်းများပြီး ဖွေးဆွတ် (Burn) နေပါလိမ့်မယ်။ နေ့လည်မှာ long exposure ကို ND filter မပါပဲ ရိုက်နည်းတွေလည်းရှိပါတယ်။ ဒါကတော့ နောက်ကြုံတဲ့အခါ တင်ပေးပါ့မယ်။ ညမှာ long exposure ရိုက်ကျင့်ချင်တဲ့သူတွေတော့ ရန်ကုန်က ဆူးလေဘုရားနားက တံတားပေါ်တက် (ဘုရားဘက်လှည့်လှည့် sakura tower ဘက်လှည့်လှည့်) လက်တည့်သွားစမ်းကြည့်ပါ။ ရိုက်လို့အရမ်းကောင်းပါတယ်။ ကားမီးတွေကို အဓိက ထားချင်လား လမ်းမီးတိုင်တွေကို အဓိက ထားချင်လား setting တွေ အမျိုးမျိုးထားပြီး စမ်းရိုက်ကြည့်ပါ။

တခြား ရိုက်စရာတွေ (macro, bokeh special effects, star trails, steel wool,...) စသဖြင့်အများကြီး၊ အများကြိး ရှိသေးပေမယ့် beginner တွေအတွက် နားရှုပ်စရာ၊ အခက်အခဲဖြစ်စရာက များတာမို့ အဲ့တာတွေကိုတော့ နောက် level တစ်ဆင့်မှပဲ ကျွန်တော်ဆက်ရေးပေးပါ့မယ်။ ခုလည်း တခြားရေးစရာတွေအများကြီးကျန်သေးတာမို့ ခုနပြထားခဲ့တဲ့ photography တွေကိုသာ အရင် စမ်းရိုက်ကြည့်ပေးပါ။
***********************************************************************

*** Metering Modes

ခုတခါ ထပ်ရှင်းပြမှာကတော့ metering mode တွေ နဲ့ focus ရွေးချယ်ပုံပါ။ ကင်မရာမှာ အဓိက metering mode (3) မျိုးရှိပါတယ်။
1. Matrix Metering (Nikon), Canon မှာဆိုရင်တော့ Evaluative Metering ပါ။
2. Center-weighted Metering
3. Spot Metering ပါ။

Matrix Metering ကို landscape photo တွေနဲ့ အလင်းအမှောင်ကွာဟမှု သိပ်မများတဲ့ scene တွေမှာ သုံးသင့်ပါတယ်။ သူက scene တစ်ခုလုံးရဲ့ အလင်းအမှောင်ကို အညီအမျှတွက်ချက်ပြီး result ထုတ်ပေးတာပါ။ street photo တွေမှာလည်းသုံးလို့ရပါတယ်။

Center-weighted Metering ကျတော့ scene တစ်ခုရဲ့ အလည်တည့်တည့်ကိုပဲ အဓိက ထားပြီး တွက်ပေးတာပါ။ subject ကို အလည်မှာထားတဲ့ပုံတွေမှာ သုံးသင့်ပါတယ်။ model ကို ပုံအလည်မှာထားတာမျိုး၊ ငှက်ရိုက်တာမျိုး၊ macro အနီးကပ်ရိုက်တာမျိုးတွေအတွက် သင့်တော်ပါတယ်။

Spot Metering ကတော့ ကိုယ် focus လုပ်လိုက်တဲ့ point ကိုပဲ အဓိက meter ဖတ်ပေးတာပါ။ model (subject) ကို အလည်မှာမဟုတ်ပဲ rule of third ပေါ်မှာ တင်ထားတာမျိုး၊ နေလုံးကို နောက်ခံထားပြီး subject တစ်ခုခုကိုရိုက်တာမျိုး၊ လကိုရိုက်တာမျိုးတို့မှာ အသုံးပြုသင့်ပါတယ်။ ကိုယ်ရွေးလိုက်တဲ့ subject ကို အဓိက exposure မှန်ချင်ရင် အသုံးပြုတာပါ။

*** Focus
Focus မှာတော့ ကိုယ်ရိုက်မယ့်ပုံက ရုပ်သေ(ငြိမ်နေတဲ့ပုံ) ကိုရိုက်မယ်ဆို (portrait လူပုံ၊ ပန်း၊ ရှုခင်းပုံ စသဖြင့်) ရိုက်ရင် focus mode မှာ Single-servo AF (AF-S) for Nikon, One-shot AF for Canon ထားသင့်ပါတယ်။

လှုပ်ရှားနေတဲ့ ဓါတ်ပုံကိုလိုက်ရိုက်မှာ (ငှက်ပျံနေတာ၊ မြင်းစီးနေတာ၊ ဘဲတွေရေကူးနေတာ) စသဖြင့်ကိုရိုက်မယ်ဆို Continuous Servo AF (AF-C) for Nikon, AI Servo AF for Canon မှာ ထားပြီးရိုက်ကူးရမှာပါ။ Tracking Point များတဲ့ ကင်မရာအမျိုးအစားတွေကတော့ ဒီနေရာမှာ အားသာ ပိုအသုံးတည့်ပါတယ်။

အဲ့လိုမှ ထားရတာခက်တယ်ဆိုလည်း Auto Servo AF (AF-A) for Nikon, AI Focus AF for Canon ဆိုတဲ့ Auto Focus Mode ရှိပါတယ်။ သူ့သာ ရွေးထားလိုက်ပါ။ ကိုယ်ရိုက်တဲ့ အခြေအနေပေါ်မူတည်ပြီး focus ကို ကင်မရာက auto လိုက် အလုပ်လုပ်ပေးပါလိမ့်မယ်။

နောက်တစ်ခုကတော့ Manual Focus mode ပါ။ သူကတော့ focus ring ကို လူကလိုက်လှည့်ပြီး focus ဖြတ်ပေးတာပါ။ ကျွမ်းကျင်သွားရင်တော့ ဒါက Pro တွေ အကြိုက်ဆုံး focus mode ပါ။ ကျွန်တော်လည်း အချိန်ရတဲ့အခြေအနေတွေမှာ ရိုက်ပါတယ်။ သူငယ်ချင်းတို့လည်း အေးဆေးအချိန်ရတယ်ဆို စမ်းရိုက်ကြည့်ပေါ့ဗျာ။
*********************************************************************
Metering လည်းပြီးပြီး Focus mode တွေလည်းပြီးပြီဆိုတော့ ခုတခါ White Balance နဲ့ Lighting အကြောင်းပါ။

*** White Balance
White Balance ကိုတော့ အများကြီးမရှင်းပြတော့ပါဘူး။ မိတ်ဆွေက ပုံကို Raw နဲ့ရိုက်ပြီး Lightroom မှာ ပြန် Edit မယ်ဆိုရင် White Balance က နောက်မှကိုယ်ကြိုက်သလို ပြန်ပြင်ဆင်လို့ရတဲ့အတွက် သူက ဓါတ်ပုံရိုက်စဉ် ဘာပဲရွေးထားရွေးထား အဓိက မကျတော့ပါဘူး။ ဒါပေမယ့် ဗဟုသုတအနေနဲ့ နောက်ပြီး JPEG နဲ့ပဲ ရိုက်မယ့်သူတွေအတွက်တော့ နည်းနည်းရှင်းပြချင်ပါတယ်။ White Balance ဆိုတာ ပြင်ပ အလင်းရောင်အခြေအနေတွေပေါ်မူတည်ပြီး ကင်မရာက လိုက်လျောညီထွေဖြစ်အောင် အရောင်လိုက်စပ်ပေးတဲ့ စနစ်ပါ။ ကိုယ်က creative art အနေနဲ့ ဆန်းဆန်းပြားပြားအရောင်တွေနဲ့ ရိုက်ချင်လည်းသုံးနိုင်ပါတယ်။ သူ့မှာ အရောင်ကို လူက လိုက်စပ်ပေးလို့ရသလို ကင်မရာက သတ်မှတ်ပေးထားတဲ့ presets လေးတွေလည်းရှိပါတယ်။

- Incandescent
- Fluorescent
- Direct sunlight:
- Flash
- Cloudy
- Shade
- Preset Manual စသဖြင့်ပါ။
Preset Manual ကတော့ လူကစိတ်ကြိုက်အရောင်စပ်ပေးတာပါ။ ဒါကတော့ Color Theory တွေ နားလည်မှ အဆင်ပြေပါလိမ့်မယ်။ White Balance မှာAuto လည်းရှိသမို့ ကျွန်တော်ကတော့ Auto မှာပဲ အမြဲထားပါတယ်။ ပြီးတော့ ကျွန်တော်က Raw နဲ့လည်းရိုက်လို့ပါ။ မိတ်ဆွေတို့လည်း White Balance အတွက် ခေါင်းရှုပ်မခံချင်ဘူးဆိုရင် Auto မှာပဲ ထားထားလိုက်ပါ။ များသောအားဖြင့် အဆင်ပြေပါလိမ့်မယ်။

*** Lighting
Lighting အပိုင်းမှာတော့ ကိုယ်က Portrait photography ပိုင်းကိုပိုစိတ်ဝင်စားတယ်။ pre wedding တွေ၊ wedding တွေ၊ ဘွဲ့မှတ်တမ်းဓါတ်ပုံတွေ တခြား model ပုံတွေ ဘာညာရိုက်ချင်တယ်ဆို ဦးစားပေးလေ့လာထားသင့်ပါတယ်။ Speedlight, Softbox စသဖြင့် lighting equipment တွေကို ကျွမ်းကျွမ်းကျင်ကျင် ကိုင်တွယ်နိုင်ဖို့ ကင်မရာနဲ့ Lighting တွေရဲ့ ဆက်နွယ်မှုကို သေသေချာချာ လေ့လာနားလည်ထားဖို့ လိုပါတယ်။ ဒီ post မှာတော့ အဲ့ဒီ equipment အကြောင်းမဟုတ်ပဲ Natural light နဲ့ရိုက်တတ်ဖို့ကိုပဲ လမ်းညွှန်သွားမှာပါ။ lighting ပိုင်းမနိုင်ဘူးဆိုလည်း သိပ်တော့မစိုးရိမ်ပါနဲ့။ ကျွန်တော်ဆိုလည်း သဘာဝအလင်းနဲ့ပဲ ဖန်တီးရိုက်နေကျပါ။ အရင်ဆုံးကိုယ်ရိုက်မယ့်နေရာမှာ အလင်းရောင်ရနိုင်စရာ ဘာရှိလဲ အရင်လိုက်ကြည့်ပါ။ model ရိုက်ချင်လို့ အခန်းတွင်းအလင်းအားနည်းနေရင် အပြင်ထွက်ရိုက်ပါ(ရှင်းသွားတာပဲ

) ပြတင်းပေါက်ဖွင့်လိုက်တာဖြစ်ဖြစ်။ ပြတင်းပေါက်နားကပ်ရိုက်တာဖြစ်ဖြစ် သဘာဝအလင်းရောင်များများရတဲ့နေရာမှာပဲ ရိုက်ပါ။ တစ်ခါတလေ model ပေါ်အရိပ်တစ်ဝက်ကျနေတဲ့ ပုံတွေကလည်း အနုပညာဆန်ဆန် လှပတတ်ပါတယ်။ တစ်ခုသတိပြုရန်မှာ လူပုံ(Subject) နားအရမ်းကပ်ပြီး ကင်မရာရဲ့ pop up flash ကိုဖွင့်မရိုက်မိဖို့ပါပဲ။ မျက်နှာမှာ အဆီပြန်သလို အလင်းကွက်တွေ ဖြစ်လာပါလိမ့်မယ်။ ဒါပေမယ့် အဲ့လိုမဖြစ်အောင် pop up flash ရှေ့မှာ ကာထားတဲ့ soft light accessory လေးတွေရှိပါတယ်။ ကင်မရာအရောင်းဆိုင်တွေမှာ ရှာဝယ်ကြည့်ပါ။ (ပုံမှာလည်း နမူနာပြထားပါတယ်) တခါတလေ ဖုန်းတွေမှာပါတဲ့ flash မီးနဲ့ပဲ lighting ပြုလုပ်ပြီး ရိုက်ကူးလို့ရပါသေးတယ်။
**********************************************************************

*** Composition

Composition ကတော့ ချဲ့ရင် ချဲ့သလောက် ကျယ်ပြန့်တာမို့ ရှိသမျှအကုန် မရှင်းပြတော့ပဲ အဓိက အချက်လေးတွေပဲ ဒီ post မှာ ရေးပေးပါမယ်။ အရင်ဆုံးက rule of third ပါ။

*** Rule of thirds ဆိုတာ ဓါတ်ပုံတစ်ပုံကို ဒေါင်လိုက် မျဉ်း (၂) ကြောင်း အလျားလိုက် မျဉ်း (၂) ကြောင်းနဲ့ အပိုင်း (၉) ပိုင်း ညီညီမျှမျှ ပိ်ုင်းပြီး မိမိပြချင်တဲ့ အဓိက subject ကို ဓါတ်ပုံရဲ့ အလည်တည့်တည့်မှာ မထားပဲ ဘေးနားတစ်ဖက်ရဲ့ မျဉ်း (၂) ကြာင်း ဆုံတဲ့နေရာကို တင်ထားတာဖြစ်ပါတယ်။ ဓါတ်ပုံရိုက်တဲ့အခါ ကိုယ်က composition ဘယ်လိုထားရမှန်းမသိလို့ မရိုက်တတ်ဖြစ်နေရင် rule of third ပေါ်သာ တင်ထားလိုက်ပါ။ ပုံကောင်းတစ်ပုံမဟုတ်တောင် ဆိုးဆိုးရွားရွားပုံတစ်ပုံတော့ မဖြစ်လာနိုင်ပါဘူး။ ဒါပေမယ့် အားနေ rule of third နဲ့ချည်းပဲတော့ ရိုက်မနေနဲ့ပေ့ါ။ rule of third က portrait အတွက်ရော landscape အတွက်ရော သုံးလို့အဆင်ပြေပါတယ်။

*** နောက်တစ်ခုက rule of third နဲ့ဆန့်ကျင်ဘက် Symmetrical Balance ခေါ်တဲ့ ခေါက်ချိုးတူညီမျှတမှုပါ။ ပြချင်တဲ့ subject ကိုပုံရဲ့အလည်တည့်တည့်မှာ ထားပြီး ဘယ်ညာ အပေါ်အောက် ခေါက်ချိုးညီဟန်ချက်ညီမျှမှု ကိုပုံဖော်ထားတဲ့ ဓါတ်ပုံတွေပါ။

*** Framing ကတော့ ပြချင်တဲ့ subject ကို frame တစ်ခုခုထဲကို ထည့်ထားလိုက်တာပါ။ landscape ရော portrait မှာပါအသုံးပြုလို့ရပါတယ်။ ပြတင်းပေါက်ဘောင်ဖြစ်ဖြစ်၊ ဘုရားပုထိုးတွေရဲ့ မုဒ်ဦးတွေဖြစ်ဖြစ် frame အဖြစ်သုံးပြီးရိုက်လို့ရပါတယ်။ နောက်ဆုံး မျက်မှန်၊ သစ်ရွက်လိပ်လေးကိုတောင် frame အဖြစ်သုံးပြီး ရိုက်လို့ရပါသေးတယ်။

*** Line ကတော့ မျက်စိထဲ မြင်တဲ့ line တွေကို leading line တွေအဖြစ် ပုံဖော်အသုံးပြုလိုက်တာပါ။ မျဉ်းကွေး (curve) တွေလည်းအကျုံးဝင်ပါတယ်။ line တွေကိုအသုံးပြုပြီး ကိုယ်ပြချင်တဲ့ subject ဆီကို ကြည့်ရှုသူရဲ့ အမြင်အာရုံကို ဆွဲယူသွားစေတာပါ။

*** Patterns ကတော့ သံဇကာကွက်လိုမျိုး၊ ကြာခွက်လိုမျိုး၊ ပျားအုံလိုမျိုး ထပ်တူညီဖြစ်နေတဲ့ အကွက်တွေကို ပုံဖော်ရိုက်ကူးတဲ့ ဓါတ်ပုံတွေဖြစ်ပါတယ်။

Compositional technique တွေက အများကြီးရှိတာမို့ ဒီ post မှာတော့ အခြေခံအားဖြင့် ဒီလောက်ပဲ ရေးပေးပါမယ်။ နောက်ထပ် post တွေမှသာ Composition အကြောင်းသက်သက်ထပ်ရေးပေးပါ့မယ်။
(Composition အတွက် Sample ပုံတွေလည်းထည်ပေ့းထားပါတယ်။ ကြည့်ရှု့လေ့လာနိုင်ပါတယ်)။

ဒီနေရာမှာ ပြောချင်သေးတာ တစ်ခုက အစပိုင်းမှာရှင်းပြခဲ့တဲ့ Camera Setting တွေက Technical ပိုင်းတွေပါ။ ဘောင်ကန့်သတ်ထားတာတွေ သတ်မှတ်ထားတာတွေရှိပါတယ်။ Composition ပိုင်းကျ အနုပညာဖန်တီးမှုဖြစ်သွားပြီမို့ မိမိ ဈာန်ဝင်စားရင် ဈာန်ဝင်စားသလို ပုံဖော်လို့ရပါတယ်။ သတ်မှတ်ဘောင်တွေထဲက ဖောက်ထွက်ပြီး ပုံဖော်ခွင့်လည်းရှိပါတယ်။ ဒါပေမယ့် စည်းကမ်းကိုချိုးဖောက်ချင်ရင် ကိုယ်က စည်းကမ်းတွေကိုတော့ အရင်သိထားဖို့လိုပါလိမ့်မယ်။ အဲ့တာအတွက်တော့ နောင်ခါများမှ ရေးပေးပါတော့မယ်။

*** RAW ဖြင့်ရိုက်ပါ။

မိတ်ဆွေတို့ ဓါတ်ပုံရိုက်တဲ့ အခါ ကင်မရာရဲ့ဆက်တင်ထဲမှာ file format ကိုရွေးတဲ့ အခါ Raw နဲ့သာရွေးရိုက်ပါ။ memory card က နေရာလွတ်များလို့ အဆင်ပြေတယ်ဆို Raw + Jpeg fine နဲ့ရိုက်ပါ။ ဘာလို့ Raw နဲ့ ရိုက်ခိုင်းလဲဆို Raw နဲ့ရိုက်ထားတဲ့ ဓါတ်ပုံတွေက ကိုယ်ရိုက်ထားတဲ့ Detail တွေအကုန်ပါပါတယ်။ အဲ့အတွက် file size လည်းကြီးပါတယ်။ ကိုယ်ရိုက်တုန်းက နည်းနည်းမှောင်နေတာ၊ အလင်းများနေတာ ဘာပဲဖြစ်ဖြစ် သိပ်ကြီးမဆိုးရွားရင် Raw နဲ့ဆို ပြန်ဆယ်လို့ရပါတယ်။ JPEG ကျတော့ processing လုပ်ပြီးတဲ့ ပုံဖြစ်သွားပြီမို့ ပြန် Edit လုပ်တဲ့အခါ Raw လောက် detail တွေမပါတဲ့အတွက် သိသိသာသာ ပြင်ဆင်ပြောင်းလဲလို့မရတော့ပါဘူး။ အဲ့တာကြောင့် Raw နဲ့ Jpeg ဘယ်လိုရွေးရိုက်ရမလဲကို အကြံပေးရရင် ကိုယ်ကရိုက်ပြီး social media ပေါ်တန်းတင်ချင်တာမျိုး၊
exposure အကြောင်း ကျွမ်းကျင်နားလည်နေပြီမို့ editing သိပ်လုပ်ဖို့မလိုတော့ဘူးဆိုရင် ပေါ့ပေါ့ပါးပါးနဲ့ ခေါင်းမရှုပ်ရတဲ့ JPEG နဲ့သာရိုက်ပါ။ ဒါပေမယ့် လုံးဝ Serious photo တွေ၊ Landscape photo တွေဆိုရင်တော့ Raw နဲ့သာရိုက်ပါလို့အကြံပေးချင်ပါတယ်။

ဓါတ်ပုံရိုက်လို့ Quality ရွေးတဲ့ အခါ မှာလည်း ၂ ခါပြန်မစဉ်းစားပါနဲ့ အမြဲ Quality အမြင့်ဆုံးကိုသာ ရွေးပါ။ အဲ့လို Quality ကောင်းကောင်းလိုချင်လို့လည်း ကိုယ့်ကင်မရာကို ဈေးကြီးပေးရွေးဝယ်ထားရတာပဲ မဟုတ်ပါလား။
Video ရိုက်ဖို့ Video Qualiy ရွေးတဲ့ နေရာမှာတော့ ပြန်စဉ်းစားစရာရှိပါသေးတယ်။ ကင်မရာက 4K support လုပ်လို့ အမြဲ 4K နဲ့ရိုက်နေတာကိုတော့ အားမပေးပါ။ ကိုယ်တကယ် 4K resolution လိုရဲ့လား။ Social media ပေါ်တင်ရုံပဲဆို 4K နဲ့ ရိုက်ပြီးမှ File size မတရားကြီးနေလို့ Compress ပြန်လုပ်လိုက်တယ်ဆိုလည်း Resolution က ကျသွားမှာမို့ အစကတည်းက 720p , 1080p နဲ့ ရိုက်ခဲ့တာက ပိုကောင်းပါမယ်။ ရွေးချယ်ထားတဲ့ resolution ပေါ်မူတည်ပြီး တဆက်တည်း video ရိုက်နိုင်တဲ့ အချိန် အနည်း အများကွာသွားတာကိုလည်း သတိပြုပါ။

နောက်ပြီး Dslr camera နဲ့ Video ရိုက်ချင်လို့ ကိုယ်က Video Manual Setting တွေ မချိန်တတ်သေးဘူးဆိုရင် camera ကို Program Auto (P) မှာထားပြီး ISO ကို auto sensitivity မှာထားပြီးရိုက်ပါ။ အလင်းအမှောင်လိုအပ်ချက်ကို ကင်မရာက တွက်ချက်ပြီး သူ့ဘာသာ ဆောက်ရွက်ပေးသွားပါလိမ့်မယ်။ တစ်ခုသတိပြုရန်မှာ focus ကိုတော့ ထည့်သွင်းစဉ်းစားဖို့လိုပါတယ်။ ကိုယ်က အင်တာဗျူးလို သတင်းကြေငြာတာလို ရုပ်သေကိုရိုက်မှာလား လူလမ်းလျှောက်နေတာလို စက်ဘီးစီးနေတာလို ဘဲတွေရေကန်ထဲ ကူးနေတာလို လှုပ်ရှားမှုကိုရိုက်မှာလား ဒါမှမဟုတ် မြင်းစီး၊ဆိုင်ကယ်စီးနေတဲ့သူကို ရိုက်မှာလား စသဖြင့် သက်ဆိုင်ရာ focus mode ကိုရွေးချယ်တတ်ဖို့လိုပါတယ်။ Focus Mode တွေကတော့ အပေါ်မှာ ရေးပေးထားတဲ့အတိုင်းပါပဲ။ ပြီးတော့ Video Quality ကိုလည်း ကိုယ်လိုအပ်တဲ့အတိုင်း ရွေးချယ်နိုင်ပါတယ်။ 4K လား။ 1920x1080/30fps။ 1280x720/24fps လား ကိုယ်နှစ်သက်သလိုရွေးချယ်နိုင်ပါတယ်။

ဒီနေရာမှာ beginner user တွေအနေနဲ့ ကိုယ့်ကင်မရာရဲ့ menu setting တွေကို နှံ့နှံ့စပ်စပ်လေ့လာထားဖို့ အကြံပေးချင်ပါတယ်။ ဓါတ်ပုံရိုက်ချင်လို့ လိုအပ်တဲ့ setting ချိန်တဲ့အခါမှာ metering က ဘယ်မှာလဲ focus က ဘယ်နားမှာ သွားကြည့်ရမှာလဲ စသည်ဖြင့် နေရာတွေ မသိရင် အချိန်တွေကြာ စိတ်ညစ်ရပါလိမ့်မယ်။ ဒါပေမယ့် ကင်မရာအများစုမှာ အဲ့လိုအရေးကြီးတဲ့ setting တွေကို Body ပေါ်မှာ ခလုတ်လေးတွေနဲ့ စီစဉ်ပေးထားတာရှိပါတယ်။ ကိုယ့်ကင်မရာကို ပြန်ကြည့်ပြီး လိုက်နှိပ်ကြည့်ပါ။ မသိရင် Manual Book ကို တစ်ခေါက်လောက်တော့ ဖတ်ကြည့်ပေးပါ။

အခုဆိုရင် beginner တွေ ဓါတ်ပုံဘယ်လိုရိုက်ရမယ်ဆိုတာ ကိုယ့်ဘာသာ စဉ်းစားလို့နားလည်သွားပြီထင်ပါတယ်။ ကျွန်တော်လည်း စဉ်းစားမိသမျှ နေ့လည်မှာ note လေးတွေ မှတ်ထားရင်း ညကျမှ ပြန်ပြန်ရေးရတာမို့ ပြည့်စုံသလောက် နီးနီးတော့ဖြစ်နေပါပြီ။ ကျန်ခဲ့တာ ထပ်ဖြည့်ချင်တာရှိရင် နောက်များမှ ထပ်ဖြည့်ပါတော့မယ်။

ကျွန်တော့်ကို တစ်ချို့က မေးကြပါတယ် အစ်ကိုဘာလို့ Sony / fujifilm နဲ့ဆိုင်တဲ့ Tutorial တွေမရေးတာလဲပေါ့။ တကယ်က ကျွန်တော် Sony ရော fujifilm ကိုပါမသုံးဖူး၊ မကလိဖူးလို့ပါ။ ကျွန်တော်နားလည်ထားတာ လေ့လာထားတာ စာတွေ့ပဲရှိတာမို့ ကိုယ်တကယ်မစမ်းဖူးပဲ စမ်းမရိုက်ဖူးပဲ ကျွန်တော် သိသလို တတ်သလို မရေးချင်လို့ပါ။ ပြီးတော့ တစ်ခါတလေ ကျွန်တော့်ကို Mirrorless ကင်မရာတွေအကြောင်းမေးလို့ သိပ်မရှင်းပြနိုင်တာလည်း ခုနလို ကျွန်တော်မသုံးဖူးသေးလို့ပါ။ ကျွန်တော်လည်း စိတ်ကရှိပေမယ့် အကုန်လိုက်ဝယ်ဖို့က မဖြစ်နိုင်တာမို့ အဲ့တာလေးကိုတော့ နားလည်ဖြည့်တွေးပေးစေချင်ပါတယ်။ ကျွန်တော်အသုံးပြုဖြစ်တဲ့အခါ သေချာမှတ်ထားပြီးပြန်ရေးပေးမှာပါ။ ခု မဖြေနိုင်တာကို စိတ်လည်းမကွက်ပါနဲ့။ သိတဲ့သူရှိရင်လည်း ဝင်ဖြေပေးသွားရင် အများကြီး ကျေးဇူးတင်မိမှာပါ။

ဒီ Post မှာ ကျွန်တော် အဓိက ပြောချင်တာက beginner တွေအတွက် ဘယ်ဓါတ်ပုံအမျိုးအစားကိုရိုက်ချင်ရင် ဘယ်လို ကင်မရာ ဆက်တင်ချရမလဲကို Tips ပေးတဲ့သဘောပါ။ ကျွန်တော် ပြောထားတဲ့အတိုင်း တသဝေမတိမ်း လိုက်ရိုက်ဖို့မဟုတ်ပါဘူး။ လိုက်ရိုက်လည်း လူတိုင်းထပ်တူကျတဲ့ပုံတွေ ထွက်လာမှာ မဟုတ်ပါဘူး။ အဲ့တာကိုလည်း နားလည်စေချင်ပါတယ်။ ဆက်စပ်လေ့လာရန် post များကိုလည်း အောက်မှာ ကျွန်တော် link တွေထည့်ပေးထားပါတယ်။ အချိန်အားရတိုင်း ကျွန်တော်လည်း ကျွန်တော်သိတာလေးတွေ မျှဝေပေးမှာမို့ page ကို see first လေးသာ လုပ်ထားပေးပါ။ တခြားရေးစရာတွေ အများကြီး ကျန်ပါသေးတယ်။ လူက မအားလို့သာ။ ဒီနေရာမှာ လူသစ်မိတ်ဆွေများကို ပြောချင်တာက ကျွန်တော် ခုလို စာတွေရေးနေတာ like လိုချင်လို့ share လိုချင်လို့မဟုတ်ပါဘူး။ like and share လုပ်သည်ဖြစ်စေ မလုပ်သည်ဖြစ်စေ ကျွန်တော်မကြည့်သလို စိတ်လည်းမဝင်စားပါဘူး။ ဟိုးယခင် like ၂၀၀ လောက်ကတည်းက ကျွန်တော်ရေးချင်တာလေးတွေ ရေးပေးနေတာပါ။ ဓါတ်ပုံပညာကို စိတ်ဝင်စားပြီး သင်တန်းတက်ရန်အခက်အခဲဖြစ်နေတဲ့သူတွေ ကိုယ်တိုင်လေ့လာဖို့ခက်နေသူတွေကို knowledge share လုပ်ပေးတဲ့သဘောပါ။ မည်သည့်အကျိုးအမြတ်အတွက်မှ မဟုတ်ပါဘူး။ like and share လုပ်ဖို့မလိုပါဘူး။ ဒီ page က မိတ်ဆွေအတွက် တစ်ခုခု အကျိုးရှိတယ်ဆို see first လေးပဲ လုပ်ထားပေးပါ။ ကျွန်တော်လည်း post တွေ ဗလပွ အမြဲတင်နေတဲ့သူမဟုတ်ပါဘူး။ အချိန်အားရတိုင်းတော့ တစ်ခုခုရေးပေးနေမှာပါ။ မိတ်ဆွေများအားလုံး ဓါတ်ပုံပညာမှာ ဆရာတစ်ဆူဖြစ်နိုင်ကြပါစေဗျာ။

#how_to_take_a_photo

#photography_tips

#mode_dial #metering #focus #composition

#knowledge_share

#admin

https://www.facebook.com/ptgpNotes/

----------------------------------------------------------

DSLR / Mirrorless Camera တွေရဲ့ Mode Dial အကြောင်း
DSLR ကင်မရာတွေရဲ့ Metering Mode အကြောင်း

Rule of Thirds Sample Photos

Golden Ratio

Lenses နှင့် Lens ရွေးချယ်မှုများ (Lens အသစ်ဝယ်မယ်လို့ စဉ်းစားနေရင်ဖတ်ပါ)

ဓါတ်ပုံသမားတွေအတွက် အသုံးလိုသော Photo Editing Software များ