CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
 |
| အတိုင်ပင်ခံရုံး ဝန်ကြီး ဦးကျော်တင့်ဆွေ( ဝဲ )၊ ဘင်္ဂလားဒေ့ရှ် နိုင်ငံခြားရေးဝန်ကြီး A H Mahmood Ali (ယာ) |
ဘင်္ဂလားဒေ့ရ်ှနိုင်ငံခြားရေးဝန်ကြီး အဘူလ်ဟက်ဆန်မာမွတ်အလီဟာ ရခိုင်အရေးဆွေးနွေးဖို့အတွက် မြန်မာနိုင်ငံကို ဒီကနေ့ ( သြဂုတ် ၉ ရက်နေ့ )နေ့လယ်မှာ နေပြည်တော်ကိုရောက်ရှိလာတယ်လို့ နိုင်ငံခြားရေးဝန်ကြီးဌာန ဒုတိယအမြဲတန်း အတွင်းဝန်ဦးအောင်ကျော်ဇံက ဘီဘီစီကိုပြောပါတယ်။
ဘင်္ဂလားဒေ့ရ်ှနိုင်ငံခြားရေးဝန်ကြီးဟာ မြန်မာနိုင်ငံဘက်ကဖိတ်ခေါ်မှုအရ လာရောက်တာဖြစ်ပြီး သူ့ရဲ့ ခရီးစဉ်အတွင်းမှာ နိုင်ငံတော်အတိုင်ပင်ခံရုံး ဝန်ကြီး ဦးကျော်တင့်ဆွေခေါင်းဆောင်တဲ့အဖွဲ့၊ ပြည်ထောင်စု ဝန်ကြီး ဒေါက်တာဝင်းမြတ်အေးခေါင်းဆောင်တဲ့ ရခိုင်ပြည်နယ်အတွင်း လူသားချင်းစာနာမှုအကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း (UEHRD) ကော်မတီတို့နဲ့ တွေ့ဆုံ ဆွေးနွေးသွားဖို့ရှိတယ်လို့ သိရပါတယ်။
' ' ဒီခရီးစဉ်ကတော နှစ်နိုင်ငံအကြား ဘင်္ဂလားဒေ့ရ်ှဘက်ကလူတွေ ပြန်လည်လက်ခံရေးအတွက် အဓိက ကျောရိုးအနေနဲ့လာတာပဲလေ။ UN အဖွဲ့အစည်းတွေနဲ့ လက်မှတ်ရေးထိုးထားတာရှိတယ်၊ နှစ်ဖက်ပေါ့ ။ အဲဒီလုပ်ငန်းစဉ်တွေကိုလေ့လာတဲ့အပိုင်းလည်းပါတယ်။ နှစ်ဖက်သဘောတူ ဆောင်ရွက်ရမဲ့ကိစ္စတွေလည်း ရှိတယ်။ ရခိုင်ဘက်ကိုလည်းသွားဖို့ရှိပါလိမ့်မယ်။'' လို့ ဘင်္ဂလားဒေ့ရ်ှနိုင်ငံခြားရေးဝန်ကြီးရဲ့ မြန်မာနိုင်ငံ ကိုလာရောက်တဲ့ခရီးစဉ်အကြောင်းနဲ့ပတ်သက်ပြီး နိုင်ငံခြားရေးဝန်ကြီးဌာန ဒုတိယအမြဲတန်း အတွင်းဝန် ဦးအောင်ကျော်ဇံက ပြောပါတယ်။
ဘင်္ဂလားဒေ့ရ်ှဝန်ကြီးရဲ့ ၄ ရက်ဝန်းကျင်ကြာမြင့်မဲ့ ဒီခရီးစဉ်အတွင်း ရခိုင်ကိုသွားဖို့ကတော့ သေချာ သလောက်ရှိပြီး ဘယ်နေရာတွေသွားမယ်၊ ဘာတွေလုပ်မယ်ဆိုတဲ့ခရီးစဉ်အသေးစိတ်ကတော့ မနက်ဖြန် (သြဂုတ် ၁၀ ရက်နေ့ ) မှာ နိုင်ငံတော်အတိုင်ပင်ခံရုံးဝန်ကြီး ဦးကျော်တင့်ဆွေခေါင်းဆောင်တဲ့အဖွဲ့နဲ့ တွေ့ဆုံဆွေးနွေးပြီးမှသာ အသေးစိတ်ကို ထုတ်ပြန်နိုင်မှာ ဖြစ်တယ်လို့ ဦးအောင်ကျော်ဇံက ပြောပါတယ်။
ဘင်္ဂလားဒေ့ရ်ှက ဒုက္ခသည်တွေ ပြန်လာနိုင်ရေးအတွက် ပံ့ပိုးကူညီဖို့ မြန်မာအစိုးရနဲ့ ကုလသမဂ္ဂ ဒုက္ခသည် များဆိုင်ရာ မဟာမင်းကြီးရုံး UNHCR ၊ ကုလသမဂ္ဂဖွံ့ဖြိုးမှု အစီအစဉ် UNDP တို့အကြား နားလည်မှု စာချွန် လွှာကို ဇွန်လ ၆ ရက်နေ့က လက်မှတ်ရေးထိုးထားပြီးလည်းဖြစ်ပါတယ်။
 |
| ဘင်္ဂလားဒေ့ရှ် ဒုက္ခသည် စခန်းတနေရာ |
မြန်မာအစိုးရဘက်က ကုလသမဂ္ဂဝန်ထမ်းတွေကို ရခိုင်ကိုသွားခွင့်မပြုတဲ့အတွက် လွတ်လွတ် လပ်လပ် သွားလာ ခွင့်ရဖို့အရေး UNDP နဲ့ UNHCR တို့က သြဂုတ်လ ၈ ရက်နေ့ မှာ စာထုတ်ပြန်ပြီး တောင်း ဆိုခဲ့ပါတယ်။
ကုလသမဂ္ဂ အဖွဲ့အစည်းတွေဘက်က စာထုတ်ပြန်အပြီးမှာပဲ ဒီကနေ့ သြဂုတ် ၉ရက်နေ့မှာတော့ UNHCR နဲ့ UNDP ကဝန်ထမ်းတွေကို ရခိုင်ပြည်နယ်မြောက်ပိုင်းက မောင်တောနဲ့ ဘူးသီးတောင်မှာရှိတဲ့ ကျေးရွာ ၂၃ ရွာကို ပထမအဆင့်အနေနဲ့ ကွင်းဆင်းစစ်ဆေးတာတွေလုပ်နိုင်ဖို့ သွားခွင့်ပြုမယ်လို့ မြန်မာအစိုးရဘက်က ပြန်လည်ထုတ်ပြန်လာခဲ့ပါတယ်။
BBC Burmese
https://www.bbc.com/burmese
 |
| ARSA အကြမ်းဖက်သမားတွေ ဖမ်းဆီးခေါ်ဆောင်သွားတဲ့ ဟိန္ဒူဘာသာဝင် အမျိုးသမီး ၈ ဦးနဲ့ ကလေး ၈ ဦး မြန်မာနိုင်ငံကို ပြန်လည်ရောက်ရှိလာစဉ်။ Photo: Information Committee |
ရခိုင်ပြည်နယ် မောင်တောဒေသက အကြမ်းဖက်မှု ဖြစ်စဉ်တွေကြောင့် ဘင်္ဂလားဒေ့ရှ် နိုင်ငံဘက်ကို ထွက်ပြေးနေရတဲ့ ဟိန္ဒူဘာသာဝင်တွေကို ပြန်ခေါ်ဖို့ စီစဉ်နေတယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန အမြဲတမ်းအတွင်းဝန် ဦးမြင့်ကြိုင်က ပြောပါတယ်။
အဲဒီလို ပြန်ခေါ်ဖို့အတွက် နိုင်ငံခြားရေး ၀န်ကြီးဌာနက ဘင်္ဂလားဒေ့ရှ် တာဝန်ရှိသူတွေနဲ့ ညှိနှိုင်းနေပြီး ၁၉၉၃ ခုနှစ် နှစ်နိုင်ငံ သဘောတူညီချက်ပါ စည်းမျဉ်းစည်းကမ်းတွေနဲ့အညီ ပြန်ခေါ်မှာဖြစ်တယ်လို့ ဦးမြင့်ကြိုင်က ပြောပါတယ်။
"အကြမ်းဖက်ဖြစ်စဉ်လေးတွေ ဖြစ်ပွားပြီးနောက်ပိုင်းမှာ ဟိန္ဒူဘာသာဝင်တွေအနေနဲ့ ဘင်္ဂလားဒေ့ရှ် နိုင်ငံဘက်ကို ထွက်ပြေးတိမ်းရှောင်နေရတာတွေ ရှိပါတယ်ဗျ။ သူတို့ကလည်း ဒီလိုပဲ ရိုးရိုးသားသား အကြမ်းဖက်ဖြစ်စဉ်တွေ အန္တရာယ်ကြောင့် ပြေးရတာဖြစ်တဲ့အတွက် သူတို့ကို ကျနော်တို့ရဲ့ မူအတိုင်း၊ ၉၃ မူအတိုင်းပေါ့နော် သေချာစိစစ်လက်ခံဖို့ အစီအစဉ်တော့ ရှိပါတယ်ဗျ။ အဲဒါကတော့ နိုင်ငံခြားရေး ၀န်ကြီးဌာနကနေပြီးတော့ ညှိနှိုင်းဆောင်ရွက်နေပါတယ်ခင်ဗျ"
ရခိုင်အကြမ်းဖက်မှုဖြစ်စဉ်တွေကြောင့် မောင်တောဒေသက ဟိန္ဒူဘာသာဝင် ၄ ထောင်ဝန်းကျင်လောက် နေရပ်စွန့်ခွာ ထွက်ပြေးနေရတာဖြစ်ပြီး အဲဒီအထဲက ၅၀၀ ကျော်ဟာ ဘင်္ဂလားဒေ့ရှ် နိုင်ငံဘက်ကို ထွက်ပြေး တိမ်းရှောင်နေရတာ ဖြစ်ပါတယ်။
ဒါ့အပြင် အဲဒီ အကြမ်းဖက်မှုဖြစ်စဉ်တွေအတွင်း ဟိန္ဒူဘာသာဝင် ၅၂ ယောက် သေဆုံးပြီး ၁၉၀ ကျော် ပျောက်ဆုံးနေတယ်လို့လည်း အစိုးရက ပြီးခဲ့တဲ့ စက်တင်ဘာ လကုန်ပိုင်းက ထုတ်ပြန်ထားပါတယ်။
ရခိုင်ပြည်နယ် မောင်တောဒေသမှာ သြဂုတ်လ ၂၅ ရက်နေ့က ရဲကင်းစခန်းတွေကို တိုက်ခိုက်ခံခဲ့ရတာ ဖြစ်ပါတယ်။ အဲဒီ တိုက်ခိုက်မှုနောက်ပိုင်းမှာ မောင်တောဒေသမှာ နေထိုင်သူအတော်များများ နေရပ်စွန့်ခွာ ထွက်ပြေးခဲ့ကြ ရတာဖြစ်ပါတယ်။
ရခိုင်၊ မြို၊ ခမီ၊ ဒိုင်းနက်လူမျိုးတွေနဲ့ ဟိန္ဒူဘာသာဝင် အများစုကတော့ စစ်တွေ၊ မောင်တောနဲ့ ဘူးသီးတောင် မြို့ပေါ်တွေကို ထွက်ပြေးတိမ်းရှောင်ခဲ့ရတာဖြစ်ပြီး ဟိန္ဒူဘာသာဝင်အချို့နဲ့ မွတ်စလင်တွေကတော့ ဘင်္ဂလားဒေ့ရ်ှနိုင်ငံဘက်ကို ထွက်ပြေးတိမ်းရှောင်နေကြတာ ဖြစ်ပါတယ်။
RFA Burmese
http://www.rfa.org/burmese
 |
| ပြည်ထောင်စုသမ္မတမြန်မာနိုင်ငံနှင့် ဘင်္ဂလားဒေ့ရ်ှပြည်သူ့သမ္မတနိုင်ငံ၏ နယ်စပ်ဒေသ လုံခြုံရေးနှင့် တရားဥပဒေ စိုးမိုးရေးပူးပေါင်းဆောင်ရွက်မှု တိုးမြှင့်ရေး ဆိုင်ရာ ပြည်ထဲရေးဝန်ကြီးဌာန၊ ဝန်ကြီးအဆင့် အစည်း အဝေး နှင့် အဆင့်မြင့်အရာရှိကြီးများအစည်းအဝေးကျင်းပ (MOI) |
ဘင်္ဂလားဒေ့ရ်ှနဲ့ မြန်မာ ၂ နိုင်ငံကြားမှာ ဘင်္ဂလားဒေ့ရ်ှဖက်ရောက်နေသူတွေကို အမြန်ဆုံးပြန်ခေါ်ဖို့နဲ့ ရခိုင်ဒေသမှာ သူတို့ကို အမြန်ဆုံးပြန်လည်နေရာချထားဖို့ အပါအဝင် အချက် ၁၀ ချက်ကို သဘောတူခဲ့ကြပါတယ်။ ၂ နိုင်ငံ ပြည်ထဲရေးဝန်ကြီးတွေ နေပြည်တော်မှာ တွေ့ဆုံခဲ့ပြီးခုလိုသဘောတူခဲ့တာဖြစ်ပါတယ်။ ဒါ့အပြင် နားလည်မှုစာချွန်လွှာ ၂ ခုကိုလည်း လက်မှတ်ထိုး ခဲ့ပါတယ်။ ဒီသတင်းကိုဗွီအိုအေ မြန်မာပိုင်းကမေခပေးပို့ထားတာပါ။
မြန်မာနိုင်ငံမှာရောက်နေတဲ့ ဘင်္ဂလားဒေ့ရှ် ပြည်ထဲရေးဝန်ကြီး အာဆတ်ဒူ ဇာမန်ခန် နဲ့ မြန်မာပြည်ထဲရေး ဝန်ကြီး ဒုတိယဗိုလ်ချုပ်ကြီးကျော်ဆွေတို့ နှစ်နိုင်ငံ နယ်စပ်ဒေသကြားမှာ ရှိတဲ့ ကိစ္စများကို နေပြည်တော်မှာ ဒီကနေ့ တွေ့ဆုံဆွေးနွေးခဲ့ကြတာဖြစ်ပါတယ်။ ဆွေးနွေးမှုကနေ သဘောတူညီချက်တွေရခဲ့သလို နားလည်မှု စာချွန်လွှာ တွေ အသီးသီးလက်မှတ်ထိုးနိုင်ခဲ့ကြပါတယ်။
ဆွေးနွေးမှုမှာ မြန်မာဘက်က အချက် ၅ချက် အဓိကထားဆွေးနွေးပြီး ဘင်္ဂလားဒေ့ရှ် ဘက်ကတော့ အချက် ၃ချက်ကို အဓိကထားဆွေးနွေးတယ်လို့ ဆွေးနွေးပွဲအပြီး သတင်းစာရှင်းလင်းပွဲမှာ ပြည်ထဲရေး ဝန်ကြီးဌာန အမြဲတမ်းအတွင်းဝန် ဦးတင်မြင့်က အခုလိုပြောခဲ့တာပါ။
“နံပတ် ၁ ကတော့ ၂ နိုင်ငံ နယ်စပ်ဒေသ တရားဥပဒေစိုးမိုးရေးနဲ့ လုံခြုံရေး ပူးပေါင်းဆောင်ရွက်မှု တိုးမြှင့်ဆောင်ရွက်ခြင်း၊ အကြမ်းဖက်မှု တိုက်ဖျက်ရေး ပူးပေါင်းဆောင်ရွက်ခြင်း ၊ နယ်စပ်ဆက်ဆံရေးရုံးများ ထူထောင်ဖွင့်လစ်နိုင်ရေးတွေဖြစ်ပါတယ်။ တရားမ၀င် နယ်စပ်ဖြတ်ကျော်မှုနဲ့ လူဝင်/လူထွက် စစ်ဆေးခြင်း ၊ နိုင်ငံသား စိစစ်လက်ခံရေး၊ မူးယစ်ဆေးဝါးတားဆီနှိမ်းနင်းရေး ကျနော်တို့ ဒါတွေကို အဓိကထားဆွေးနွေးခဲ့ပါတယ်။ ဘင်္ဂလားဒေ့ရ်ှနိုင်ငံဘက်ကတော့ နယ်စပ်ဒေသ တည်ငြိမ်အေးချမ်းရေး ထိန်းသိမ်းခြင်း ၊ လုံခြုံရေးအခန်းကဏ္ဍနဲ့ နယ်စပ်ဒေသတလျောက် ပူးပေါင်းဆောင်ရွက်ခြင်းနဲ့ နားလည်မှု မြင့်တင်ပေးခြင်း ၊ အကြမ်းဖက်မှု တိုက်ဖျက်ရေး ပူးပေါင်းဆောင်ရွက်ချက်နဲ့ မူးယစ်ဆေးဝါး တရားမ၀င် ကူးသန်းရောင်းဝယ် တိုက်ဖျက်ရေး၊ နယ်စပ်ဖြတ်ကျော်သည့် မူခင်းများ တိုက်ဖျက်ရေးနဲ့ နယ်စပ်ဒေသတလျောက်တရားမ၀င် လှုပ်ရှားမှုများ၊ နယ်စပ်ဆက်ဆံရေးရုံးများထူထောင်ခြင်း တွေကို ဆွေးနွေးခဲ့ပါတယ်။”
နယ်စပ်ဒေသ တရားဥပဒေစိုးမိုးရေးနလုံခြုံရေး ပူးပေါင်းဆောင်ရွက်နိုင်ရေး၊ အကြမ်းဖက်မှု တိုက်ဖျက်ရေး၊ နယ်စပ်ဒေသ ဆက်ဆံရေးရုံးများ ထူထောင်နိုင်ရေး၊ တရားမဝင် နယ်စပ်ဖြတ်ကျော်မှုနှင့် လူဝင်/လူထွက် စစ်ဆေးရေး၊ နိုင်ငံသား စိစစ်လက်ခံရေး၊ မူးယစ်ဆေးဝါး တားဆီနှိမ်းနင်းရေး၊ ဘင်္ဂလားဒေ့ရ်ှနိုင်ငံသို့ ရောက်ရှိနေတဲ့ ဒုက္ခသည်တွေ ပြန်လည် လက်ခံနိုင်ရေး စိစစ်မှုများ ပြုလုပ်ပြီး လုပ်ထုံးလုပ်နည်းနဲ့အညီ ပြန်လည် လက်ခံနိုင်ရေးတို့ အပါအဝင် အချက် ၁၀ ချက်ကို သဘောတူညီခဲ့တာနဲ့ပတ်သတ်လို့ ဦးတင်မြင့်က အခုလိုပြောခဲ့တာပါ။
“အကြမ်းဖက်မှု တိုက်ဖျက်ရေး ပူးပေါင်းဆောင်ရွက်ရေးနဲ့ ဆိုင်ပြီး သဘောတူညီချက်လက်မှတ် ရေးထိုးဖို့ စဉ်းစားသုံးသပ်ပြီးတော့ ဆောင်ရွက်သွားဖို့ ဖြစ်ပါတယ်။ အမှတ်စဉ် ၇ ကတော့ ဘင်္ဂလားဒေ့ရ်ှနိုင်ငံသို့ မြန်မာနိုင်ငံသားများ ၀င်ရောက်မှု ချက်ချင်းရပ်တန့်ရန် ၊ ဘင်္ဂလားဒေ့ရ်ှနိုင်ငံသို့ရောက်ရှိနေတဲ့ မြန်မာနိုင်ငံသားများအား စောနိုင်သမျှ အစောဆုံး ပြန်လည်နေရာချထားရေးအတွက်၊ ဒေသအတွင်း ပုံမှန်အခြေအနေပြန်လည်ရောက်ရှိအောင်ဆောင်ရွက်ရန်ဖြစ်ပါသည်။”
ဆွေးနွေးမှုမှာ ရခိုင်ပြည်နယ်မြောက်ပိုင်းကနေ ဘင်္ဂလာဒေရှ့်နိုင်ငံဖက် သြဂုတ် ၂၅ ရက်နေ့ နောက်ပိုင်း ထွက်ပြေးရောက်ရှိနေတဲ့ မွတ်ဆလင်တွေကို ပြန် လည် လက်ခံရေးဆိုင်ရာ ကိစ္စရပ်ပါဝင်ပေမယ့် ဒီအချက်ကတော့ နိုင်ငံတော်အဆင့်ဆက်လက်လုပ်ဆောင်မှာ ဖြစ် တာမို့ ဒီတခေါက်ဆွေးနွေးမှုကနေ အသေးစိတ်အဖြေမထွက်ခဲ့ပါဘူး။
ဘင်္ဂလာဒေ့ရ်ှနိုင်ငံဖက် ထွက်ပြေးရောက်ရှိနေတဲ့ မွတ်ဆလင်တွေပြန်လည် လက်ခံရေးနဲ့ပတ်သတ်လို့ ဆွေးနွေးတာမှာ သူတို့အနေနဲ့ ဒီဘက်မှာနေထိုင်ခဲ့တာမှန်ကန်တယ်ဆိုရင် ပြန်ခေါ်မယ်ဆိုတဲ့ အချက်ကို အဓိကထားဆွေးနွေးတာဖြစ် တယ် လို့ နယ်စပ်ဖြတ်ကျော်မှုခင်းဌာန ကြီးမှုး ရဲမှုးချုပ် အောင်ဌေးမြင့်ကပြောပါတယ်။
“ဆွေးနွေးတဲ့ အဓိကအချက်က မြန်မာဘက်မှာ နေထိုင်ခံဖူးတဲ့ အထောက်အထားခိုင်လုံတဲ့လူတွေကို ဒီအကြမ်းဖက်တိုက်ခိုက်မှု ဖြစ်စဉ်ကြောင့် ဘင်္ဂလာဒေ့ရ်ှဘက်ကို ရောက်ရှိနေတာတွေကို ဒီဘက်မှာ နေထိုင်ခဲ့တဲ့အထောက်အထားပါလာလို့ရှိရင် ပြန်ခေါ်တဲ့အနေအထား မြန်မာနိုင်ငံသား ဆိုပြီးတော့ ကျနော်တို့ ပြန်ခေါ်တာမဟုတ်ဘူး၊ ဒုက္ခသည် ဆိုတာ ပြန်ခေါ်တာမဟုတ်ဘူး၊ ဒုက္ခသည်နဲ့ ပတ်သက်တဲ့ Process တွေကို မဆွေးနွေးသေးဘူး။ တချက်ပဲ ကျနော်တို့ အဲဒီမှာ ဆွေးနွေးတယ်ဆိုတာက နေရပ်ပြန်ရေးဆိုတာမြန်မာနိုင်ငံမှာ အခြေတကျနေထိုင်တဲ့သူများ ဒီအကြမ်းဖက်တိုက်ခိုက်မှု ဖြစ်စဉ်ကြောင့် ဘင်္ဂလာဒေ့ရ်ှဘက်ကို ရောက်ရှိနေတာတွေကို ပြန်လည်စိစစ်ပြီး ကျနော်တို့ လက်ခံဖို့အစီအစဉ်ကို ဆွေးနွေးတာပဲ ဖြစ်ပါတယ်။ ကျနော်မှားမှာဆိုလို့ ပြန်ရှင်းတာဖြစ်ပါတယ်။”
ဘင်္ဂလားဒေ့ရှ် နိုင်ငံဘက်ကို ထွက်ပြေးသွားတဲ့ အစ္စလမ်ဘာသာဝင် တွေကို ပြန် လည်လက်ခံရေး ပိုင်းက လက်ရှိချိန်မှာ အစိုးရဘက်ကတော့ ၁၉၉၃ ခုနှစ် သဘောတူညီချက်နဲ့သာလက်ခံ သွားမယ်လို့ ပြောထားပါတယ်။ ဘင်္ဂလားဒေရှ့်ဘက်ကတော့ ၁၉၉၃ သဘောတူညီချက်ဟာ လက်တွေ့ကာလနဲ့ မကိုက်ညီတော့ ဘူးလို့ စောဒက တက်ထားတာ ရှိနေပါတယ်။ ခုချိန်ထိကတော့ ဒီအချက်နဲ့ပတ်သတ်ပြီး ဒီဆွေးနွေးပွဲမှာ ဆွေးနွေးတာမရှိတာမို့ ပြန် လည်ခေါ်ယူရေးကိစ္စကတော့ ဘယ်ချိန်ဖြစ်မလဲ မသိသေးပါဘူး။
ဘင်္ဂလားဒေ့ရှ် ပြည်ထဲရေးဝန်ကြီး အာဆတ်ဒူ ဇာမန်ခန် ခေါင်းဆောင်တဲ့ ကိုယ်စားလှယ်တွေ ဟာအောက်တိုဘာလ ၂၅ ရက်နေ့အထိ မြန်မာနိုင်ငံမှာရှိနေမှာဖြစ်ပါတယ်။
မေခ / ဗွီအိုအေ (မြန်မာပိုင်း)
https://burmese.voanews.com
ဘင်္ဂလားဒေ့ရ်ှက ရိုဟင်ဂျာဒုက္ခသည်စခန်းတွေမှာ မိဘမဲ့ကလေးအဖြစ် စာရင်းဝင်နေတဲ့ ကလေးပေါင်း ၁၅,၀၀၀ ကျော်ရှိနေပြီဖြစ်ကြောင်း ဘင်္ဂလားဒေ့ရှ် တာဝန်ရှိသူတွေက ဗွီအိုအေကိုပြောပါတယ်။
ရိုဟင်ဂျာဒုက္ခသည် သန်းတ၀က်ကျော်မှာ ကလေးအရေအတွက် ၆၀% ကျော်ရှိနေပြီး အဲဒီထဲက မိဘမဲ့ကလေး အရေအတွက်ကို သူတို့ ကောက်ခံရာမှာ အချက်အလက်အမှန်ရဖို့ အခက်အခဲတွေရှိပေမယ့် စနစ်တကျဖြစ်အောင် ဘင်္ဂလားဒေ့ရ်ှအစိုးရက ဆောင်ရွက်နေတယ်လို့လည်း ဆိုပါတယ်။
VOA သတင်းထောက်တွေဖြစ်တဲ့ Joe Freeman နဲ့ Muktadir Rashid တို့ ပေးပို့ထားတဲ့ သတင်းကို မအင်ကြင်းနိုင်က ပြောပြမှာပါ။
မိဘအုပ်ထိန်းသူ မပါပဲ ရောက်လာကြတဲ့ ရိုဟင်ဂျာကလေးတွေကို ဒုက္ခသည်စခန်းအတွင်း စာရင်းပြုစုရာမှာ တဦးချင်းစီရဲ့ ပြောဆိုချက်ကို မှန်မမှန်အတည်ပြုနိုင်ရေး အချက်အလက်တွေ ထပ်ပြီးရဖို့ အခက်အခဲတွေရှိပေမယ့် လက်ရှိ စာရင်းကောက်ယူတဲ့ အရေအတွက်အရ မိဘမဲကလေးပေါင်း ၁၅,၀၀၀ အထက်မှာ ရှိနိုင်ကြောင်း ဘင်္ဂလားဒေ့ရ်ှနိုင်ငံ Cox’s Bazar ခရိုင် လူမှုဖူလုံရေးဌာန ရဲ့ လက်ထောက်ညွန်ကြားရေးမှူး Pritam Kumar Chowdhury က ပြောပါတယ်။
“ဘင်္ဂလားဒေ့ရ်ှဘက်မှာ မိဘမဲ့ကလေးအဖြစ် သတ်မှတ်မယ်ဆိုရင် ကျနော်တို့ တာဝန်ရှိသူတွေက သူတို့ရဲ့ တဲအိမ်တွေဆီသွားပြီး အတည်ပြုချက်ယူပါတယ်။ ဒါပေမယ် သူတို့ပြောတဲ့ အချက်အလက် မှန်မမှန် စုံစမ်းနိုင်ဖို့ မြန်မာဘက်အခြမ်းကို သွားလို့ မဖြစ်နိုင်ပါဘူး။ ဒါကြောင့် သူတို့ပြောသမျှအချက်အလက်တွေကိုပဲ ကျနော်တို့က စုဆောင်းကောက်ယူရပါတယ်။”
မိဘမဲ့ကလေးအဖြစ် စာရင်းကောက်ယူရာမှာ အဲဒီကလေးနဲ့အတူ မြန်မာနိုင်ငံကနေ ထွက်ပြေးလာတဲ့ လူတွေ အပြင် အနီးအနားဝန်းကျင်က လူတွေကိုလည်း ဘင်္ဂလားဒေ့ရ်ှတာဝန်ရှိသူတွေက စုံစမ်းမေးမြန်းတယ်လို့ Pritam Kumar Chowdhury ကဆိုပါတယ်။
“တကယ်လို့ သက်သေအထောက်အထားမရှိဘူးဆိုရင် နှုတ်နဲ့ပြောဆိုချက်တွေအပေါ်မှာ အခြေခံပြီး အချက်အလက်ကောက်ယူပါတယ်။ တရားဝင်လုပ်ထုံးလုပ်နည်း အတိုင်းပြည့်စုံအောင် ကျနော်တို့ရဲ့ နည်းဗျူဟာကို ထိန်းသိမ်းထားပါတယ်။ ၁၀၀% ပြည့် မှန်ကန်မှုရှိတယ်လို့ ကျနော်တို့ မပြောနိုင်ပေမယ့် အားလုံးကတော့ အချက်အလက်တွေ မမှားဘူးဆိုတာကိုတော့ ပြောနိုင်ပါတယ်။”
UNICEF ပြောခွင့်ရပုဂ္ဂိုလ် Jean-Jacques Simon က ဗွီအိုအေကို အီးမေးလ်ကတဆင့်အကြောင်းပြန်ကြားရာမှာ ဘင်္ဂလားဒေ့ရ်ှအစိုးရက စာရင်းကောက်ယူထားတဲ့ ရိုဟင်ဂျာမိဘမဲ့ကလေးပေါင်း ၁၄,၇၄၀ ရှိနေကြောင်း အတည်ပြုထားပါတယ်။ စီစစ်သုံးသပ်လို့ ပြီးစီးသွားတဲ့ အရေအတွက် တ၀က်ကျော်ကို ဘင်္ဂလားဒေ့ရှ် လူမှုဖူလုံရေးဝန်ကြီးဌာနရဲ့ database ကွန်ပြူတာ နည်းပညာနဲ့ အချက်အလက် သိမ်းဆည်းတဲ့ စာရင်းထဲ ထည့်သွင်းထားတယ်လို့လည်း ဆိုပါတယ်။
လက်ရှိ အခြေအနေအရ စခန်းတွေထဲမှာ တယောက်ထဲသီးခြားစီနေတဲ့ ကလေးငယ် ၁၅ ဦး စာရင်းရရှိထားပြီး အခု သူတို့ဘယ်နေရာတွေမှာရှိနေလဲ၊ သူတို့ကို အသေအချာ အကာအကွယ်ပေးဖို့ ဒေသဆိုင်ရာ ဘင်္ဂလားဒေ့ရ်ှအစိုးရ အာဏာပိုင်တွေကို ဆက်သွယ်ပြောဆိုထားကြောင်း UNICEF ကပြောပါတယ်။
ဘင်္ဂလားဒေ့ရှ် အရှေ့တောင်ပိုင်းနယ်စပ်က ယာယီဒုက္ခသည်စခန်းတွေမှာ ကလေးတွေနဲ့ ပြည့်ကျပ်နေတာပါ။ လူကြီးတွေနဲ့ အတူနေထိုင်တဲ့ ကလေးတချို့ ရှိနေသလို အုပ်ထိန်းသူလုံးဝ မရှိတဲ့ ကလေးတွေလည်း ရှိနေပါတယ်။ ပရမ်းပတာနဲ့ ၀ရုန်းသုန်းကားဖြစ်နေတဲ့ အခြေအနေတွေဟာ ကလေးတွေအပေါ် နှိပ်စက်ဖို့ အပြင် အခြား အန္တရာယ်တွေကျရောက်စေဖို့ အားနည်းချက်လို ဖြစ်နေပါတယ်။
ဒုက္ခသည် မိဘမဲ့ကလေးတွေအတွက် အဆောက်အဦးဆောက်လုပ်ဖို့ ဘင်္ဂလားဒေ့ရ်ှအစိုးရက စဉ်းစားနေပြီး ဒီအတွက် အထောက်အကူပေးရေး အဖွဲ့အစည်းတွေနဲ့ ဒီသတင်းပတ်အတွင်း ဆွေးနွေးခဲ့ကြောင်း ဘင်္ဂလားဒေ့ရ်ှအခြေစိုက် NGO အဖွဲ့တခုဖြစ်တဲ့ BRAC ရဲ့ ညွန်ကြားရေးမှူး Dr. Erum Mariam ကပြောပါတယ်။
အသစ်ထပ်မံရောက်ရှိလာတဲ့ ရိုဟင်ဂျာဒုက္ခသည် ကလေးတွေရဲ့ ကျန်းမာရေး အတွက်လည်း အရေးပေါ် အကူအညီတွေ အလွန်လိုအပ်နေကြောင်း UNICEF က အင်္ဂါနေ့က ကြေညာချက် ထုတ်ပြန်ထားပါတယ်။
သြဂုတ်လ (၂၅)ရက်နေ့က ရခိုင်ပြည်နယ်မြောက်ပိုင်းမှာ တကျော့ပြန်ဖြစ်လာတဲ့ အကြမ်းဖက်မှုတွေတွေကြောင့် ဘင်္ဂလားဒေ့ရ်ှဘက်ကို ရိုဟင်ဂျာဒုက္ခသည် သိန်းနဲ့ချီပြီး ထွက်ပြေးရာမှာ အဓိက ကလေးတွေဖြစ်ကြပြီး အများအပြားဟာ သူတို့ရဲ့ မိဘတွေကို မြန်မာနိုင်ငံဘက်အခြမ်း ဒါမှမဟုတ် ထွက်ပြေးလာတဲ့ လမ်းမှာ ဆုံးရှုံးခဲ့ကြတာဖြစ်ပါတယ်။ သူတို့ကြုံခဲ့ရတဲ့ အဖြစ်အပျက်တွေအကြောင်း ကလေးငယ်တွေကိုယ်တိုင် ပုံဖေါ်ရေးဆွဲထားတဲ့ ပန်းချီတွေကိုကမ္ဘာ့ကလေးများ ရန်ပုံငွေအဖွဲ့ UNICEF က စုဆောင်းပြသရာမှာ အလွန်ထိတ်လန့်တုန်လှုပ်ဖွယ်ကောင်းတဲ့ ဖြစ်ရပ်တွေကို နိုင်ငံတကာအသိုင်းအ၀ိုင်းက မြင်ခဲ့ကြရပါတယ်။
အင်ကြင်းနိုင် / ဗွီအိုအေ (မြန်မာပိုင်း)
https://burmese.voanews.com
 |
| သူတို့ အနေနဲ့ လူနည်းနည်း ပဲ ကျန်တော့ တောကြောင့် လုံခြုံရေး စိုးရိမ် ရတယ်လို့ ဆိုပါတယ် |
ရခိုင်ပြည်နယ် မြောက်ပိုင်းက မွတ်ဆလင် တွေဟာ မဖြစ် မနေ ဘင်္ဂလားဒေ့ရှ် ဘက်ကို ထွက်သွားရ မယ်လို့ ARSA အစွန်း ရောက် အဖွဲ့ရဲ့ ခြိမ်းခြောက် မှုတွေ ကြောင့် သွားရတာ ဖြစ်ကြောင်း သူတို့ ကိုယ်တိုင်က ပြောဆို ပါတယ်။
ဒါမှ သူတို့ရဲ့ အောင်ပွဲ ရရှိမှာ ဖြစ်တယ်လို့ ARSA က ပြောတယ်လို့ ဆိုပါတယ်။
အောက်တိုဘာ ၈ ရက်နေ့ ညနေပိုင်းက ရခိုင် ပြည်နယ် ဘူးသီးတောင် ဒေသ ဝန်းကျင်က မွတ်ဆလင် ၅၀၀၀ လောက် ဘင်္ဂလားဒေ့ရှ် ကို သွားဖို့ ထွက်လာ ကြတာကို အာဏာပိုင် တွေက တားဆီး မေးမြန်း ခဲ့တာ ဖြစ်ပါတယ်။
ထွက်ပြေးလာ သူတွေရဲ့ အဆိုအရ ဘင်္ဂလားဒေ့ရှ် ဘက်ကို ရောက် ရှိသူတွေ များနေပြီး သူတို့ အနေနဲ့ လူနည်းနည်း ပဲ ကျန်တော့ တောကြောင့် လုံခြုံရေး စိုးရိမ် ရတယ်လို့ ဆိုပါတယ်။
အာဏာပိုင်တွေက လုံခြုံရေး အရရော စားနပ်ရိက္ခာ အတွက်ပါ အကူအညီ အပြည့် အဝ ပေးမယ်လို့ ပြောပေမယ့် သွားကို သွားရ မယ် ဆိုပြီး သူတို့ ဆန္ဒ အတိုင်း ထွက်ခွာ သွားကြ တာလို့ မောင်တော် မြို့နယ် မဲဆန္ဒနယ်မြေ ပြည်သူ့ လွှတ်တော် ကိုယ်စားလှယ် ဦးလှထွန်းကျော်က ဘီဘီစီကို ရှင်းပြ ပါတယ်။
ဒေသခံ မွတ်ဆလင်တွေ အနေနဲ့ စားရေး သောက်ရေး အခက် အခဲ ရှိတယ်၊ ဒုက္ခဖြစ် နေတယ်၊ ပြောခဲ့ရင် အာဏာပိုင် တွေက အဲဒီ ဒုက္ခရောက်နေ တဲ့ နေရာတွေကို ထိထိ မိမိ သွားရောက် အကူ အညီ ပေးနေတာကို သူကိုယ်တိုင် တွေ့မြင် နေတာ ဖြစ်တယ် လို့ ဦးလှထွန်းကျော် ပြောပါတယ်။
BBC Burmese
http://www.bbc.com/burmese
ရိုဟင်ဂျာလို့ဆိုသူများသည် ၁၄၃၀ခုနှစ်တွင် ဘင်္ဂလားဒေ့ရ်ှမှ ရခိုင်ပြည်နယ်သို့ရွှေ့ပြောင်းနေထိုင်လာခဲ့သူများဖြစ်ပြီး
၁၉၄၈ခုနှစ်တွင် ရခိုင်ပြည်နယ်ကိုခွဲထုတ်ကာ အရှေ့ပါကစ္စတန်နှင့်ပူးပေါင်းလိုသူများဖြစ်ကြောင်း စသဖြင့်
အိန္ဒိယ သတင်းဌာန HW News မှ စက်တင်ဘာ ၁၇ရက်နေ့က Rohingya True Story ဆိုတဲ့ခေါင်းစဉ်နဲ့ ထုတ်လွှင့်ခဲ့တာဖြစ်ပါတယ်။
#rohingyamuslims
 |
| မိသားစုနဲ့ ကွဲပြီး ရောက်နေတဲ့ ကလေး တသောင်းခွဲလောက် ရှိ |
ဘင်္ဂလားဒေ့ရ်ှကို မြန်မာဘက်က ဝင်လာတဲ့ ရိုဟင်ဂျာ ဒုက္ခသည်တွေ အရေးမှာ ဘင်္ဂလားဒေ့ရှ် အစိုးရကို ကူညီဖို့ စစ်တပ်တွေ ခေါ်ထားပါတယ်။
ဒုက္ခသည် အရေအတွက် လေးသိန်း သုံးသောင်း လောက် တလအတွင်း နယ်စပ်ဖြတ်ပြီး ဝင်လာကြတာ ဖြစ်ပါတယ်။
ဒီမှာ မိသားစုနဲ့ ကွဲပြီး ရောက်နေတဲ့ ကလေး တသောင်းခွဲလောက် ရှိပြီး ၃ နှစ်သားထိ ပါတယ်လို့ ကုလသမဂ္ဂက ပြောပါတယ်။
ရောက်လာသူ အများစုဟာ ချုံးချုံးကျပြီး ထိခိုက် ခံစားလာရသူတွေ ဖြစ်တယ်လို့လည်း ဆိုပါတယ်။
မိုးဆက်တိုက် ရွာနေတဲ့ အတွက် လူစုပြုံနေတဲ့ ဒုက္ခသည် စခန်းတွေမှာ ရောဂါတွေ ဖြစ်မှာ စိုးရိမ်ရတယ်လို့ ကူညီရေး အဖွဲ့တွေက ဆိုပါတယ်။
 |
| မြေမြှုပ်မိုင်းထိလို့ ဆေးကုသနေရတဲ့ ဒုက္ခသည် ကလေးငယ် |
မြေမြှုပ်မိုင်းတွေ ချ
နောက်ပြီး ဘင်္ဂလားဒေ့ရှ် နယ်စပ် တလျှောက်မှာ မြန်မာ အစိုးရ တပ်တွေက မြေမြှုပ်မိုင်းတွေ ချထားတာကလည်း ထွက်ပြေး လာတဲ့ ရိုဟင်ဂျာတွေ အတွက် အဓိက အန္တရာယ် ဖြစ်တယ်လို့ လူ့အခွင့်အရေး စောင့်ကြည့် အဖွဲ့က ပြောပါတယ်။
ဒီသီတင်းပတ်တွေ အတွင်း ဒီမြေမြှုပ်မိုင်းတွေ ချထားခဲ့တယ် ဆိုတဲ့ သက်သေ အများအပြား ရရှိထားတယ်လို့လည်း ဒီအဖွဲ့က ဆိုပါတယ်။
ဘင်္ဂလားဒေ့ရှ် အစိုးရ ဘက်က အရင်ကတည်းက ဒီကိစ္စကို ကန့်ကွက်ခဲ့ပါတယ်။
မြန်မာ ဘက်ကတော့ ဒီမိုင်းတွေကို ရိုဟင်ဂျာ လက်နက်ကိုင်တွေ ချထားတာ ဖြစ်မယ် လို့ပဲ စွပ်စွဲချက်တွေကို ကန့်ကွက် ပယ်ချ ခဲ့ပါတယ်။
BBC Burmese
http://www.bbc.com/burmese
 |
| ဘင်္ဂလားဒေ့ရှ် ဝန်ကြီးချုပ် ရှိတ်ဟာဆီနာ |
မြန်မာပြည်က ထွက်ပြေးသွားတဲ့ သိန်းနဲ့ချီတဲ့ ရိုဟင်ဂျာတွေကို ပြန်ခေါ်ဖို့ မြန်မာ အစိုးရကို ဘင်္ဂလားဒေ့ရှ် ဝန်ကြီးချုပ် ရှိတ်ဟာဆီနာက ထပ်ပြီး တောင်းဆိုလိုက်ပါတယ်။
နယူးယော့မြို့ ကုလသမဂ္ဂ အထွေထွေ ညီလာခံမှာ ပြောဆိုခဲ့တာ ဖြစ်ပါတယ်။
မြန်မာ ပြည်က နိုင်ငံတော် အတိုင်ပင်ခံ ဒေါ်အောင်ဆန်းစုကြည်က သူတို့ ပြန်နိုင်အောင် ကူညီပေးချင်တယ်လို့ အင်္ဂါနေ့က ပေးတဲ့ မိန့်ခွန်းမှာ ပြောကြား ခဲ့ပါတယ်။
ဒါပေမယ့် မြန်မာဘက်က ဒီလို ပြန်ခေါ်မယ့် အစီအစဉ်တွေ မစသေးဘူးလို့ မစ္စ ဟာဆီနာက ဆိုပါတယ်။
မြန်မာ အစိုးရ လူမှု ဝန်ထမ်း ကယ်ဆယ်ရေးနဲ့ ပြန်လည် နေရာချထားရေး ဝန်ကြီး ဒေါက်တာ ဝင်းမြတ်အေးကတော့ ဘင်္ဂလားဒေ့ရ်ှကို ပြေးသွားသူတွေဟာ ရိုဟင်ဂျာ စစ်သွေးကြွတွေကို ထောက်ခံသူတွေလို့ ဘီဘီစီနဲ့ တွေ့ဆုံခန်းမှာ ပြောကြား ခဲ့ပါတယ်။
BBC Burmese
http://www.bbc.com/burmese
နုိုင်ငံ့တာဝန်နဲ့ ဘ၀ပေးအတွေ့အကြုံ (၁)
ဒီနေ့ နားထောင်ရတဲ့ နုိုင်ငံတော် အတုိုင်ပင်ခံပြောတဲ့ မ်ိန့်ခွန်းမှာ
Verification ဆုိုလုို့ ကျွန်တော် ၂၀၁၃ က ဘင်္ဂလားဒေ့ရှ် ကုိုတာဝန်နဲ့သွားရတုန်းက ရှိတ်ဟာဆီနာ နဲ့ တွေ့ခဲ့ရတဲ့ အဖြစ်ကုို ပြန်သတိရမိပါတယ်။
ခရီးစဉ်ကတော့ ရေတပ်ဦးစီးချုပ်က အပြန်အလှန်ဖိတ်ကြားလုို့ သွားရောက်ရတဲ့ ခရီးဖြစ်ပါတယ်။ ဒီတုန်းက ကျွန်တ်ာတုို့ ရေတပ်မှာ ကုလားလေး လုို့ ခေါ်တဲ့ ဒီ ဘင်္ဂလားဒေရှ့် နဲ့ ကျွန်တော်တုို့ နှစ်နိုင်ငံအကြားက ရေပုိုင်နက် အငြင်းပွားမှုကိစ္စ အပြည်အပြည်ဆုိုင်ရာရာ အနုညာတ ခုံရုံးမှာ ဖြေရှင်းပြီးစကာလဖြစ်ပါတယ်။
ဘင်္ဂလားရေတပ်နဲ့ ကျွန်တော်တုို့ ရေတပ် တင်းတင်းမာမာ ရင်ဆုိုင်ခဲ့ တဲ့ အဖြစ်အပျက်တွေလဲ မမေ့ကြသေးတဲ့ အချိန်လည်းဖြစ်ပါတယ်။ ဒီတုန်းက ဘင်္ဂလား ရေတပ်ဦးစီးချုပ်က ဒုဗုိုလ်ချုပ်ကြီး ဖါရိဒ် ဟာဘစ်ပါ သူနဲ့ အရင် နုိုင်ငံတကာရေတပ်ပွဲတွေမှာ ဗုိုလ်မှူးကြီးအဆင့်လောက်တဲက သိကြတာမုို့ တွေ့ ဆုံ ဆွေးနွေးကြတအခါ လူချင်း အထူးအထွေမိတ်ဆက်စရာမလုိုပဲ သိနေကြတဲ့ လူချင်းမုို့ ပွင့်ပွင့်လင်းလင်းပဲ ပြောဖြစ်ပါတယ်။
ကျွန်တော်က ဘင်္ဂလားဒေ့ရှ် မီဒီယာတွေမှာ ရေပုိုင်နက်ကိစ္စ အငြင်းပွားမှုမှာ မြန်မာကုို ပြတ်ပြတ်သားသား အနုိုင်ရပြီးနောက် လုို့ မကြာခဏ သုံးနှုန်းနေတာ အခု နုိုင်ငံတကာ မီဒီယာမှာတောင် ဒီအတုိုင်းပါနေတယ်
တစ်ကယ်တော့ ခင်ဗျားတုို့လုိုချင်တဲ့ မုိုင် ၂၀၀ ထွက်ပေါက် ခင်ဗျားတုို့ ရတယ် ခင်ဗျားတုို့ လာပြီး ကန့်ကွက်တဲ့ ရေနံလုပ်ကွက် အေဒီ ၇ နဲ့ ကမ်းနီးရေပြင်မှာ ကျွန်တော်တုို့ အဆုိုပြုတဲ့အတုိုင်း ရတယ် တကယ်တော့ နုိုင်ငံတကာ အတွက် ဥပမာကောင်းဖြစ်တဲ့ Win Win Solution, Peaceful Solution ပဲဖြစ်ပါတယ်။ ခင်ဗျားတုို့ မီဒီယာတွေပြောနေတာတွေ အထူးသဖြင့် ခင်ဗျားတုို့ နုိုင်ငံခြားရေးဝန်ကြီး ပြောတဲ့ We Won ဆုိုတာကြောင့် ဒီလုိုဖြစ်ကုန်တာ လုို့ ပြောလုိုက်ပါတယ်။
ဟာဘစ် ကပြန်ပြောတာတော့ ခင်ဗျားပြောတာ ကျွန်တော်လုံးဝသဘောတူပါတယ်။ တကယ်လည်း Win Win Situation ပါ။ မီဒီယာတွေကတော့ ခင်ဗျားသိတဲ့အတုိုင်းပါပဲ ကျွန်တော်တုို့ နုိုင်ငံမှာ ရဲကုို လူတွေအတော်ကြောက်ပါ တယ် ကျွန်တော်ပြောတာ သဘောပေါက်လားတဲ့ လက်ညှိုးနဲ့ လက်မ၀ုိုင်းပြတယ် ပြီးမှ ရဲကြောက်ရတာရှိသေးတယ် အဲဒါ မီဒီယာပဲ တဲ့။ နုိုင်ငံခြားရေးဝန်ကြီးကတော့ နုိုင်ငံရေးသမားပဲ သူက ဒီလုိုပဲပြောရမှာ မဟုတ်ရင် အတုိုက်အခံ က အိမ်အပြန်မှာ ဆီးတွယ်ဖုိ့ စောင့်နေတာလုို့ ဆုိုပါတယ်။
တကယ်လဲ ဒီ အနုညာတခုံရုံးမှာ ပါခဲ့တဲ့ လူတွေကုို ပြန်မေးကြည့်တော့ ဆုံးဖြတ်ချက်ချပြီးတဲ့အခါ ဘင်္ဂလားဒေ့ရှ် ဘက်က ဒီကိစ္စမှာအစဉ်အဆက် မာစတာဘရိမ်းလုို အဓိက ပါတဲ့ ဗုိုလ်ချုပ် ခူရှက်အလမ် (ဗုိုလ်မှူးကြီးနဲ့ အငြိမ်းစားယူပြီး ဗုိုလ်ချုပ်ရာထူးပြန်ပေးကာ နုိုင်ငံခြားရေးဝန်ကြီးဌာနမှာခန့်ထား) တုို့ မျက်နှာသိပ်မသာယာပါဘူး အငြင်းပွားခဲ့တဲ့ အဓိကနေရာ အေဒီ ၇ က လွတ်လွတ်ကျွတ်ကျွတ် မြန်မာဘက်ပေးလုိုက်ရလုို့ (2015 က အဲဒီ အေဒီ ၇ အကွက်မှာ သဘာဝဓါတ်ငွေ့ သိုက်တွေ့ပါတယ်)အေဒီ ၇ တွင်မကဘူး မြန်မာ့ စွမ်းအင်ဝန်ကြီးဌာနက ကြေငြာထားတဲ့ မည်သည့် ရေနံကွက်မှ သူတုို့ မရဘူး။ ဒါ့အပြင် အခု အုန်းကျွန်းလုို့ အများသိကြတဲ့ စိန့်မာတင် ကျွန်းကုို enclave လုပ်ပြီးရေပုိုင်နက်ကုို ဆွဲဖုို့ ဆုံးဖြတ်တဲ့အတွက်ကြောင့် အုန်းကျွန်းနဲ့ တောင်ပုိုင်းကုို ဗထက်ချိုက်ပုံစံ ၀ုိုက်ပြီး မြန်မာကုို ပေးလုိုက်ရလုို့ အဓိကနှစ်ချက်ပါ။ သူတုို့ ရသွားတာကတော့ နုိုင်ငံ၇ဲ့ ပထ၀ီအနေအထားကြောင့် မြန်မာနဲ့ အိန္ဒိယ နှစ်နုိုင်ငံတွေက အကွားဝေးတူ ဥပဒေသနဲပ ရေပုိုင်နက်မျဉ်းဆွဲရင် သူတုို့ ရေပုိုင်နက်ကုို မုိုင် ၂၀၀ မရောက်ခင် ပိတ်ပြီး စီးပွားရေးဇုန် မုိုင် ၂၀၀ မရပဲ ပိတ်နေရာက ခုံရုံးက နှစ်နုိုင်ငံရေပုိုင်နက်မျဉ်းကုို ရေနက်ပုိုင်းမှာ အနည်းငယ် တောင်ဘက်ကုို တိမ်းစောင်းပေးဖုို့ ဆုံးဖြတ်လုိုက်တာကြောင့် မုိုင် ၂၀၀ ထွက်ပေါက်အပြင် နောင် ဆက်ရမဲ့ ကမ်းလွန်ရေတိမ် Continental Shelf Claim အတွက်ပါ အခွင့်အရေးတွေရတာဖြစ်ပါတယ်။ ဒါကုိုတော့ သူတုို့ အတော်ကြေနပ်ပါတယ်။
အဓိကပြသနာက မီဒီယာပါဘဲ သူတုို့က သူတုို့ မီဒီယာတွေလဲ ဂျာမဏီက ခုံရုံးကုို ခေါ်လာပြီး ဆုံးဖြတ်ချက်ပြီးတာနဲ့ မီဒီယာနဲ့ တန်းတွေ့တော့တာ နုိုင်ငံတကာ မီဒီယာတွေလဲ စောင့်နေကြတဲ့ အချိန်မှာ သူတုိ့ခေါင်းဆောင် နုိုင်ငံခြားရေးဝန်ကြီး ဒေါက်တာ ဒီပူမွန်နီ က We Won လုို့တန်းပြောတော့တာလုို့ သိရပါတယ်။ မြန်မာကုိုယ်စားလှယ်ခေါင်းဆောင်ကတော့ မီဒီယာတွေနဲ့ တွေ့ဖုို့ ငြင်းလုိုက်တယ်လုို့ သိရပါတယ်။ အဲဒီ ပါးနပ်တဲ့ နုိုင်ငံရေးသမား ဒီပူမွန်နီရဲ့ We Won ဟာ အခုထိ ပဲတင်ထပ်နေဆဲပါပဲ ။ မဟုတ်လဲမဟုတ် မခံလဲမခံချင်ပဲနဲ့ ခံနေရတုန်းပါပဲ။ ရှိတ်ဟာဆီနာအစုိုးရကုို ထောက်နေတဲ့ သတင်းစာ တစ်စောင်ကတော့ ကျွန်တော်တုို့ မြင်သလုိုပဲ အငြင်းပွားတဲ့ ဟာက ဘာများ ရလုို့ We Won ဖြစ်ရသလဲလုို့အချက်အလက်နဲ့ မေးခွန်းထုတ်ပါတယ်။ ဒါပေမဲ့ ဘင်္ဂလားဒေ့ရှ် ပြည်သူလူထုနဲ့ နုိုင်ငံတကာကတော့ ပူဒီမွန်နီရဲ့ We Won ကုိုပဲ ဖေါ်ပြကြဆဲပါ နောင်လဲ ဒီအတုိုင်း သမုိုင်းဝင်သွားပါပြီ။
ဆက်ဆွေးနွေးကြတော့ နတ်မြစ်မှာ ကင်းလှည့်ဖုို့ ဆွေးနွေးပါတယ် သူတုို့က ခုိုးဝင်နေတဲ့ မူးယစ်ဆေးကုို ပြောသလုို ကျွန်တော်တုို့ကလဲ ခုိုးဝင်နေတဲ့ လူတွေ နတ်မြစ်ကုို ဖြတ်ပြီး ကူးသန်းနေတဲ့ နယ်စပ်ပြသနာတွေကုို ပြောပါတယ် အဆုံးတော့ ခရီးစဉ်အပြီးမှာ ဘင်္ဂလား ရေတပ်နဲ့ ညှိပြီး နှစ်ပေါင်း ၄၅ နှစ်လောက် ရေတပ်သင်္ဘော မရောက်ခဲ့တဲ့ နတ်မြစ်ထဲကုို အမြန်သွားတုိုက်ခုိုက်ရေးရေယာဉ်တစ်စီး ၀င်ရောက်ကင်းလှည့် နုိုင်ခဲ့ပါတယ် သူတို့ နုိုင်ငံခြားရေး ဌာနနဲ့ မီဒီယာက ပူညံပူညံလုပ်လုပ်လုိုက်ပေမဲ့ အဲဒီ Gun boat diplomacy လုို့ ဆုိုနုိုင်တဲ့ ကိစ္စကြောင့် နောက်ပုိုင်း အရင်က မလုပ်နုိုင်ိခဲ့တဲ့ နတ်မြစ် စုိုးမုိးရေးကိစ္စတွေ ကုိုယ့်ဘက်က ပုိုင်ပုိုင်နုိုင်နုိုင်နုိုင် ဆောင်ရွက်နုိုင်ခဲ့ပါတယ်။
ဒီကိစ္စတွေ ပြောကြတော့ ဟာဘစ်က သူ့ဝန်ကြီးချုပ်နဲ့ တွေ့ဖုို့ စီစဉ်ထားကြောင်း အဆုိုပြုပါတယ်။ အခြားကိစ္စတွေ ဆွေးနွေးစရာမရှိပဲ ဂရ၀ပြုတွေ့ဆုံခြင်းလောက်ဆုိုရင်တော့ တွေ့မယ်လုို့ ကျွန်တော် အဖြေပေးလုိုက်ပါတယ်။
အဲဒီမှာ ကျွန်တော် ပြင်ဆင်ရတော့တာပေါ့ ဒီတုန်းက သံအမတ်ကြီးက ဦးမျုိုးမြင့်သန်းပါ ကျောင်းမှာ တစ်ခွဲထဲ ဖြစ်တဲ့အပြင် ရေတပ်မှာလဲအတူတာဝန်ထမ်းဆောင်ခဲ့ရတဲ့ လေးစားရတဲ့ စီနီယာတစ်ယောက်ပါပဲ။ အကုိုကြီး ရေတပ်ကိစ္စ ရေကြောင်းလုံခြုံရေးကိစ္စ ကတော့ ကျွန်တော် အလွတ်ပြောလုို့ရပါတယ် မဆုိုင်ပေမဲ့ ပြောလာရင် ဖြေရခက်မဲ့ ပြသနာ ဘာရှိလဲ လုို့ မေးတဲ့အခါ ကုိုမျိုးမြင့်သန်းက
ဒီအဖွားကြီး ပြောနုိုင်တာကတော့ သူတုို့ဆီမှာ ရှိနေတဲ့ ဒုက္ခသည် တစ်သိန်း ကျော်ကုို ပြန်ခေါ်ဖုို့ ပြောနုိုင်တယ်။ ဒါပေမဲ့ ကျွန်တော့ကိစ္စ မဟုတ်တဲ့အတွက် ကျွန်တော်နဲ့ မဆုိုင်ကြောင်းပြောပြီး ရှောင်နုိုင်ကြောင်းပြောပါတယ်။
ကျွန်တော်က ဒီထက် ကောင်းတဲ့ မငြင်းနုိုင်တဲ့ အချက်ပြန်ပြောစရာမရှိဘူးလားမေးတဲ့အခါ ရှိတဲ့အကြောင်း ၁၉ ၉ ၃ သဘောတူညီချက်အကြောင်းပြောပြပါတယ်
ဒီသဘောတူညီချက်ထဲမှာ နှစ်ဘက်လက်မှတ်ထုိုးပြီး သဘောတူထားတဲ့ အခြေခံလေးချက်ပါပါတယ် (ကျွန်တော်မှတ်မိသလောက်)
(၁) မြန်မာပြည်မှာနေခဲ့တဲ့ အထောက်အထား ခုိုင်ခုိုင်မာမာ တင်ပြနုိုင်ရမယ်။
(၂) မြန်မာပြည်မှာ မွေးတဲ့ လူတွေဖြစ်ရမယ် အထောက်အထား ပြနုိုင်ရမယ်။
(၃) မြန်မာနုိုင်ငံကုို ဆန့်ကျင်တုိုက်ခုိုက်နေတဲ့ လူတွေမဖြစ်ရဘူး။
(၄) သူတုို့ကုိုယ်တုိုင် မြန်မာပြည်ကုို ပြန်လာချင်တဲ့ လူတွေဖြစ်ရမယ်
(ယျေဘူယျပဲ မှန်နုိုင်ပါတယ် စာလုံးအတိအကျမဟုတ်ပါဘူး)
ဆုိုတာတွေပဲဖြစ်ကြောင်းပြောပါတယ် ကျွန်တော်က သဘောတူညီချက်ဖြစ်လုို့ မူလ အင်္ဂလိပ်စာလုံးနဲ့ မူရင်းကော်ပီလုိုချင်ကြောင်းပြောလုို့ ကုိုမျုိုးမြင့်သန်းကရှာပေးပါတယ် ကျွန်တော့ ဖုန်း နဲ့ ဓါတ်ပုံရုိုက်ထားလုိုက်ပါတယ်။
နောက်နေ့ ၀န်ကြီးချုပ် ရှိတ်ဟာစီနာကုို ဂရ၀ပြု သွားတွေ့တော့ ဘင်္ဂလားဒေ့ရှ် ကြည်းတပ်က စကားပြန် မရမာလူမျိုး ဗုိုလ်မှူးကြီးတစ်ယောက်၊ ရေတပ်က ဆက်ဆံရေးအရာရှိ ဗုိုလ်ချုပ် တစ်ယောက်၊ သံအမတ်ကြီး ဦးမျိုးမြင့်သန်းတုို့ပါပါတယ်။
စကားပြန် မာရမာလူမျိုးက တကယ့် မြန်မာအတုိုင်းပါပဲ သူတုို့ ပြောတဲ့ စကားနဲ့ မြန်မာစကားနဲ့ အတော်ဆင်လုို့ ဘာသာပြန်လုပ်တာကြာပါပြီ မြန်မာနာမည် လည်းရှိပါတယ်။ ကျွန်တော်က မြိတ်ထားဝယ်မှာ နှစ်ပေါင်းများစွာ တာဝန်ထမ်းဆောင်ဘူးလုို့ မြိတ်လုို ထားဝယ်လုို နားလည်ပါတယ် သူပြောတဲ့ စကားကျွန်တော် နားလည်ကြောင်းပြောတဲ့အခါ သူက မယုံဘူး သူ့မိန်းမကုို ဖုန်းဆက်ပြီး သူဘာပြောလဲပြန်မေးပါတယ်။ အိမ်ရှေ့ခန်းက စာပွဲအောက်က စာအုပ် လာယူရင်ပေးဖုို့ လုို့ နားလည်တဲ့အတုိုင်းပြောတဲ့အခါ သူအတော်သဘောကျပြီး ဘင်္ဂလားက မရမာတွေ သက်(Chakma) တွေအကြောင်း ပြောပြပါတော့တယ် သူလဲ မရမာမုို့ ဒီ ဗုိုလ်မှူးကြီးထက် ရာထူးမတက်တော့ကြောင်းပြောပါသေးတယ်။ တစ်လမ်းလုံး စကားပြန်က ရှင်းပြသွားတာ နားထောင်ရပါတယ် ဒါကာမှာ ကန်တုိုးမင့် တပ်မြေထဲပဲ သပ်သပ်ယပ်ယပ်ရှင်းရှင်းလင်းလင်းရှိကြောင်း မြို့ထဲတော့ လမ်းပေါ်မှာ လမ်းဘေးမှာ သစ်ပင်အောက်မှာ တံတားပေါ်မှာ တံတားအောက်မှာ ဘတ်စကားပေါ်မှာ ရထားအပေါ် အမုိုးပေါ်ကအစ ပြွတ်သိပ်နေတဲ့ လူတွေကြီးပါပဲ ဘယ်ကြည့်ကြည့် လူပဲတွေ့ရမယ်လုို့ အပြောင်အနောက်ပြောပါသေးတယ် တကယ်လဲ စိတ်ပျက်လောက်အောင် သံတမန်ရပ်ကွက်နဲ့ အစုိုးရအိမ်တွေ ကလွဲလုို့ လူတွေချည်းအပြည့်အသိပ်ပါပဲ။ ဒါ့ကြောင့်လဲ ဗုိုလ်ချုပ် ဟာဘစ် အရင်က ဦးစီးချုပ် ဗုိုလ်ချုပ် အူဒင် မြန်မာပြည်လာတော့ မင်းတုို့တုိုင်းပြည်ကတော့ ကံကောင်းတယ်ကွာ မြေတွေကုို အများကြီးပဲ ငါတုို့မှာတော့ လူတွေချည်းဘဲ လုို့ ဆုိုပါတယ် သူပြောတဲ့စကားကုိုပဲ ကျွန်တော် ဘင်္ဂလားဒေ့ရ်ှရောက်တဲ့အခါ အရာရှိကြီးတုိုင်းက ပြောကြပါတယ်။ သူတုို့စိတ်ထဲ မြန်မာပြည်က မြေတွေများနေတယ် လုို့ ထင်တာကုို ကျွန်တော် မကြိုက်ပါဘူး ငါတုို့မှာ လူတွေရှိတယ် မင်းတုို့မှာ မြေတွေရှိတယ်ဆုိုတဲ့ ဒီ ဘင်္ဂါလီ တွေရဲ့ အတွေးအခေါ်ဘယ်ကလာလဲဆုိုတာ စဉ်းစားသုံးသပ်ဖုို့သင့်ကြောင်း ခရီးကုိုပြန်ရောက်တဲ့အခါ လူကြီးကုို သတင်းပုို့ ခဲ့ပါသေးတယ်။
ဝန်ကြီးချုပ်နေတဲ့ အိမ်က လုံခြုံရေးအတော် တင်းကြပ်ပါတယ် ဂိတ် လေးဂိတ် ဖြတ်ရပြီး အတော်လည်းစောင့်ရပါတယ် ထောင်ထဲဝင်ရတဲ့အတုိုင်းပါပဲ နုိုင်ငံရေးပါတီ မိန်းမခေါင်းဆောင်နှစ်ယောက် တစ်ယောက်နဲ့ တစ်ယောက် အပြီချနေကြတာ မကြာသေးခင်က ဗုံးခွဲလုပ်ကြံမှုတွေ ဆက်တုိုက်ဖြစ်ထားလုို့ လုံခြုံရေးတင်းကြပ်ရတကုို ခွင့်လွတ်ဖုို့ အတူပါတဲ့ ဆက်ဆံရေးအရာရှိက တောင်းပန်ပါတယ်။
ဝန်ကြီးချုပ် က၀ါရင့် ပညာတတ် အမျုိုးသမီးကြီးပီသပါတယ် စကားပြောလဲ ကောင်းပါတယ် သာကြောင်းမာကြောင်း ပြီးခဲ့တဲ့ နှစ်နုိုင်ငံရေပုိုင်နက် ကိစ္စမှာ Win Win Situation နဲ့ ဖြေရှင်းနုိုင်ခဲ့လုို့ ၀မ်းမြောက်ကြောင်း နှစ်နုိုင်ငံရေတပ်အကြားဆောင်ရွက်မဲ့ ကိစ္စတွေ ကုို မြန်မာလုို စကားပြန်ကတစ်ဆင့် အပြန်အလှန် ပြောဆုိုပြီးတဲ့အခါ
အတူပါလာတဲ့ ဆက်ဆံရေအရာရှိရေတပ်ဗုိုလ်ချုပ်ကုို ဒီဗုိုလ်ချုပ်ကြီး အင်္ဂလိပ်လုို ပြောတတ်တယ်မဟုတ်လားလုို့ ဘင်္ဂါလီလုို လှမ်းမေးပါတယ်။ (မရမာစကားပြန်က စကားပြန်လုို့ သိရတာပါ) ဟုိုက ပြောတတ်ကြောင်း ပြန်ကြားပုံရပါတယ် ကျွန်တော့ ကုိုတုိုက်ရုိုက်ပြောပါတော့တယ်
ဘင်္ဂလားဒေ့ရ်ှနုိုင်ငံဟာ နှစ်နုိုင်ငံ အကျိုးကုို အမြဲလုိုလားကြောင်း။ မြန်မာဘက်ကလဲ ဒီလုိုဘဲဆုိုတာသိကြောင်း သုို့သော်လည်း ဒီ နှစ်နုိုင်ငံအကြားမှာ ဒုက္ခသည်တွေကိစ္စနဲ့ ပြသနာခဏခဏ တက်နေရကြောင်း အစဉ်အဆက် နှစ်ဘက် ညှိနှုိုင်း လက်ခံ ဆောင်ရွက်ခဲ့ပြီး အခုလောလော ဆယ် လူ တစ်သိန်းကျော်လောက်ကျန်နေကြောင်း ဘင်္ဂလာဒေ့ရှ် အစုိုးရအနေနဲ့ လူတစ်သိန်းကျော်ကုို မကျွေးနုိုင်မထောက်ပံ့နုိုင်လုို့မဟုတ်ကြောင်း သူ့ပြည်သူ သန်း ၁၆၀ ကုိုတောင် ၀အောင်ကျွေးထားနုိုင်တာ ဒီလူ တစ်သိန်းကျော်တော့ ကျွေးနုိုင်ကြောင်း သုို့သော် လည်း သည် နည်းနည်းလေးကျန်တဲ့ ဒုက္ခသည် ကိစ္စကုိုအကြာင်းပြုပြီး အမေရိကန်အပါအ၀င် အနောက်နုိုင်ငံတွေနဲ့ ကုလသမဂ္ဂအပါအ၀င် အင်ဂျီအုိုတွေ ခြေရှုပ်နေလုို့ မြန်မာနဲ့ ဘင်္ဂလားဒေ့ရှ် ဆက်ဆံရေးကို အမြဲထိခုိုက်နေကြောင်း ဒါ့အပြင် မြန်မာနုိုင်ငံကုို ဆန့်ကျင်တုိုက်ခုိုက်နေတဲ့ အဖွဲ့အစည်းတွေကပါ ဒါကုို အခွင့်ကောင်းယူလာကြောင်း သူ့အနေနဲ့ တော့လက်ကျန် ဒုက္ခသည်တွေကုို မြန်မာနုိုင်ငံက လက်ခံလုိုက်ရင် ဒီပြသနာတွေ ရှင်းသွားပြီးတော့ မြန်မာ နဲ့ ဘင်္ဂလားဒေ့ရ်ှလဲ ကောင်းမွန်တဲ့ ဆက်ဆံရေးတွေ ဆက်လုပ်လုို့ ရမှာဖြစ်ကြောင်း သက်ဆုိုင်ရာ အာဏာပုိုင်တွေကုို တင်ပြပေးစေလုိုကြောင်း ချည်ပြီးတုပ်ပြီး ကောက်ပင်ရိပ်လှီး စကားကုိုဆုိုပါတော့တယ်။
ကျွန်တော်က ကျွန်တော်ဟာ ရေတပ်ဦးစီးချုပ်မျှသာဖြစ်လုို့ ဒီကိစ္စတွေ ကျွန်တော်နဲ့ တုိုက်ရုိုက်မသက်ဆုိုင်ကြောင်း သုို့သော်လည်း ဒီ ဒုက္ခသည်လုို့ ပြောတဲ့လူတွေကုို ကုို ကျွန်တော်တုို့ နှစ်နုိုင်ငံ အကြိမ်ကြိမ် စိစစ်လွှဲပြောင်းထားပြီး ကျွန်တော် သိရသလောက် ၁၉ ၉၃ နှစ်နုိုင်ငံ သဘောတူညီချက်က Verification မူလေးချက်နဲ့ မကုိုက်ညီတဲ့လူတွေသာဖြစ်တယ်လုို့ ကြားဖူးကြောင်း ပြောပြီး မှားသွားမှာစုိုးလုို့ မှတ်တမ်းပြန်ကြည့်ပါရစေလုို့ ခွင့်တောင်းပြီး ကျွန်တော်မှတ်ထားတဲ့ ကျွန်တော့ Smart phone note ကုို ယူပြီး ခုန ဦးမျိုးမြင့်သန်းဆီက ယူခဲ့တဲ့ မှတ်တမ်းကုို ဖတ်ပြလုိုက်ပါတယ်။ နောက်ဆုံးအချက်ကုို အရင်ဖတ်ပြတာပါ။
အဖွားကြီးက အလွန်ပါးနပ်ပါတယ် အရင်ဖတ်ပြတဲ့ အချက်ကုို ကြားတာနဲ့ ဒီလုိုတော့လဲ ဒီလူတွေဘယ်ပြန်ချင်ပါ့မလဲ သူတုို့က ဟုိုလူတွေ အကူအထောက်အပံ့နဲ့ အနေချောင်နေတာလုို့ ရေရွတ်သလုို ပြောပါတယ် ကျွန်တော်ကတော့ သံတမန် ကျင့်ဝတ် အရ ကျွန်တော်နဲ့ တုိုက်ရုိုက်မပတ်သက်ပေမဲ့ သက်ဆုိုင်ရာကုို ကျွန်တော်ပြန်ရောက်ရင် ၀န်ကြီးချုပ်ပြောတာကုို ပြန်တင်ပြပေးပါမယ်လုို့ ပြောရတာပေါ့။
သူလဲစကားလမ်းကြောင်းပြောင်းပြီး သူ့အဖေအကြောင်းရောက်သွားပါတယ် ကျွန်တော့ကုို သူ့အဖေ လုပ်ကြံခံရတဲ့ အိမ်ကုို ပြတုိုက်လုပ်ထားတာကုို ဆက်ဆက်သွားကြည့်ဖုို့ မှာပြီး သူ့အဖေရေးလုို့ မပြီးခဲ့ပေမဲ့ ဒီအတုိုင်းပဲ ပုံနှိပ်ထုတ်ဝေထားတဲ့ The Unfinished Memoirs စာအုပ်လက်ဆောင်ပေးလုိုက်ပါတယ်။
ဒီနေရာမှာပြောချင်တာက အဲဒီ စီစစ်လက်ခံရေး ၁၉ ၉ ၃ သဘောတူညီချက်ပါပဲ။ ဒီနေ့ နုိုင်ငံတော် အတုိုင်ပင်ခံ ပြောသွားတဲ့အထဲမှာပါပါတယ် ဒုက္ခသည်တွေကုို စိစစ်လက်ခံရေးဆုိုင်ရာ ၁၉ ၉ ၃ သဘောတူညီချက်အတုိုင်း စိစစ်လက်ခံသွားဖုို့ အမြဲအသင့်ရှိတယ်လုို့ ဟုိုဘက်က သုံးသိန်းကျော်ဖြစ်လုိုက် လေးသ်ိန်းဖြစ်လုိုက် ကုိုယ်ဝန်ဆောင် ၇၀၀၀၀ ဖြစ်လုိုက်နဲ့ သခွပ်ပင်က မီးတကျည်ကျည် လုပ်နေတဲ့ ဘင်္ဂလားကုလားမကြီးကုို ပြန်ပြီး တုန့်ပြန်တဲ့ အချက် ပါဘဲ Verification မှာ ဟုိုလေးချက်သာ ပြောလုိုက်ရင် အကုန်ညိကုန်မဲ့ သဘောလုို့ပြောချင်တာပါ။
အချုပ်ကတော့ ဒီဘင်္ဂလီ လူမျိုးတွေဟာသူတုို့နုိုင်ငံအတွက်ဆုို လူရည်အလွန်လယ်တယ် လျင်တယ်ဆုိုတာပါပဲ ပထမ ရေပုိုင်နက်ကိစ္စ လုိုချင်တာမရခင် အောက်ကျို့ဖုို့ ၀န်မလေးသလုို ရပြီးရင်လဲ အပေါ်စီးက လေကျယ်တတ်ပါတယ်။ လတ်တလော အကျိုးထက် ရေရှည်ရလဒ် အကျိုးအမြတ်ကုို တွက်ချက်ပြီး လုပ်တတ်ပြောတတ်တဲ့ လူတွေများတယ်။ ဆင်းရဲမွဲတေပြီး မောင်တောက လူမျိုးတွေလုို စားစရာမရှိတဲ့ လူမျိုးတွေရှိသလုို အနောက်နုိုင်ငံမှာ စာသွားသင်ပြီး ပေါက်ပေါက်ရောက်ရောက်ရှိတဲ့ ဘင်္ဂလီတွေလည်း အများကြီးရှိပါတယ် အထူးသဖြင့် အင်္ဂလန်နုိုင်ငံနဲ့ ပေါက်ရောက်ကြတဲ့လူတွေများပါတယ်။ ဒီလူတွေနဲ့ ရင်ဆုိုင်တဲ့အခါ မဟာဗျူဟာအမြင်မရှိပဲ ရင်ဆုိုင်လုို့မရသလုို မဟာဗျူဟာ လက်ဦးမှု (Strategic Initiative) ကုို ဆုပ်ကုိုင်မထားပဲ ဆက်ဆံလုို့ မရဘူလုို့ ကျွန်တော်မြင်ပါတယ်။ ကျွန်တော့် ခေါင်းထဲက မထွက်တဲ့ စကားကတော့ သူတုို့ မဟာဗျူဟာအဆင့်လူတွေ ပါးစပ်ထဲရောက်နေတဲ့ ငါတုို့မှာ လူတွေအများကြီး မင်းတုို့မှာ မြေတွေအမြားကြီးဆုိုတဲ့စကားပါပဲ။
စာကြွင်း
( အင်တာနက်မှာ ပါတဲ့ အဲဒီ ကျွန်တော် ၀န်ကြီးချုပ် ရှိတ်ဟာဆီနာ ကုို Smart phone Note ကိုဖွင့်ပြီး ဖတ်ပြနေတဲ့ပုံကုို တင်ပြီး ကာကွယ်ရေးဦးစီးချုပ်ရေ သံတမန်စည်းကမ်း ချီုးဖေါက်ဆုိုပြီး ၀န်ကြီးချုပ်နဲ့တွေ့ရာမှာ မုိုဘုိုင်းဖုန်းဖွင့်နေတယ် ဆုိုပြီး ကျွန်တော်တုို့ သတင်းစာတစ်စောင်က စာလုံးမဲကြီးနဲ့ အပုပ်ချသေးသဗျ။ သူတုို့ ကုိုးကားမေးမြန်းထားတဲ့ သံအမတ်ကြီးဟောင်း အခု လုံခြုံရေးအကြံပေး ဦးသောင်းထွန်း ကုိုလဲ အခြားနုိုင်ငံမှာ နုိုင်ငံခေါင်းဆောင် လူကြီးတွေနဲ့ တွေ့တဲ့အခါ ဒီလုို မုိုဘုိုင်းဖုန်းဖွင့်လုို့ ရလား လုို့ မေးထားသေးတယ် သံအမတ်ကြီး ဦးသောင်းထွန်းကတော့ ပါးနပ်ပါတယ် ဘယ်လုိုအခြေအနေမှန်းမသိပေမဲ့ တွေ့တုန်း တယ်လီဖုန်းပြောတာတော့ မကောင်းဘူးလုို့ ဖြေထားပါတယ် ဒါပေမဲ့ သတင်းစာမှာ ၀ါရင့် သံအမတ်ကြီး ကတောင် ဒီလုိုပြောကြောင်းကပါသေးသဗျ။ကျွန်တော် သံတမန်စည်းကမ်းဖေါက်သလား နုိုင်ငံအတွက် တာဝန်ထမ်းဆောင်ခဲ့သလား ဆုိုတာ ကုိုယ့်ဟာကုိုယ်ပဲ ဆုံးဖြတ်ကြပါ။)
https://www.facebook.com/Adm.Thurathetswe/posts/1485298851555878
"မြန်မာ-ဘင်္ဂလားဒေ့ရှ် နယ်စပ်ခြံစည်းရိုးကာရံခြင်း
လုပ်ငန်းအတွက် ၂၀၀၉-၂၀၁၀ ခုနှစ်မှ ၂၀၁၇-၂၀၁၈ခုနှစ် အထိ ဘဏ္ဍာရေးနှစ်များအတွင်း နှစ်စဉ်မူလခန့်မှန်းခြေ ငွေစာရင်းနှင့် ဖြည့်စွက် ခွင့်ပြုငွေ စုစုပေါင်း ငွေကျပ်ဘီလီယံ ( ၁၉၀ ) ကျော်ကို ပြည်ထဲရေး ဝန်ကြီးဌာနသို့ ခွင့်ပြုပေးခဲ့ပြီး ပြည်ထဲရေးဝန်ကြီးဌာနမှ ကာကွယ်ရေးဝန်ကြီးဌာန၊ စစ်အင်ဂျင်နီယာညွှန်ကြားရေးမှူးရုံးသို့ လုပ်ငန်း အပ်နှံဆောင်ရွက်ခဲ့ပြီး ဖြစ်ပါသည်။
၂၀၁၇-၂၀၁၈ ဘဏ္ဍာရေးနှစ်တွင် ခြံစည်းရိုးကာရံခြင်းနှင့် ဆက်စပ်လုပ်ငန်းများ အတွက် ငွေကျပ် ( ၆ ) ဘီလီယံကျော်ကို ခွင့်ပြုပေးခဲ့ပြီး ပြည်ထဲရေးဝန်ကြီးဌာနမှ ငွေအပ်လုပ်ငန်းအဖြစ် ကာကွယ်ရေးဝန်ကြီးဌာနသို့ အပ်နှံဆောင်ရွက်ထားပြီး ဖြစ်ပါသည်။ ထို့အပြင် ဖြည့်စွက်ခွင့်ပြုငွေအဖြစ် ငွေကျပ် ( ၂ ) ဘီလီယံကျော်ကို ထပ်မံသုံးစွဲနိုင်ရေး ဆောင်ရွက်လျက် ရှိပါသည်။
ယခုကာလအတွင်း ခြံစည်းရိုးကာရံခြင်းလုပ်ငန်းများ ချက်ချင်းဆောင်ရွက်နိုင်ရေး အတွက် ပထမအဆင့် အနေဖြင့် ငွေကျပ် ( ၂၀ ) ဘီလီယံကို နိုင်ငံတော် အစိုးရက လက်ငင်း ဖြည့်ဆည်းပေးသွားမည် ဖြစ်ပါကြောင်းနှင့် နယ်စပ်ခြံစည်းရိုး ကာရံခြင်းလုပ်ငန်းအား ယခင်ဆောင်ရွက်သည့်အတိုင်း ပြည်ထဲရေးဝန်ကြီးဌာနမှ ရန်ပုံငွေ တင်ပြတောင်းခံ၍ ကာကွယ်ရေးဝန်ကြီးဌာနသို့ လုပ်ငန်းအပ်နှံ ဆောင်ရွက်သွားစေမည် ဖြစ်ပါသည်။ "
Source: အတိုင်ပင်ခံရုံး
နိရဉ္စရာ၊ စက်တင်ဘာ ၁၄
ဘင်္ဂလာဒေ့ရ်ှနိုင်ငံတွင် မြန်မာဘက်မှ ၀င်ရောက်လာသူ ဘင်္ဂလီလူမျိုး ၄ ဦးအား မြန်မာ သတင်းပေး ထောက်လှမ်းရေး ဖြစ်သည်ဟု သံသယဖြင့် ဘင်္ဂလာအာဏာပိုင်များက ဖမ်းဆီးလိုက်သည်။
ဖမ်းဆီးခံရသူ ၄ ဦးမှာ အဏ္ဍ၀ါဟူစိန် (၄၀) နှစ်၊ ဇာဖာအာလောင် (၄၅) နှစ်၊ မူဟာမတ်အာဇမဲလ် ဟူစိန် (၄၀) နှစ်နှင့် မူဟာမတ် ကာလူမျာ (၆၀) နှစ်တို့ ဖြစ်ကြသည်။ သူတို့ လေးဦးစလုံးမှာ မောင်တောမြို့ အမ်တာလီ ဖာကီယာ ဘဇားမှ ဖြစ်ကြောင်း Dhaka Tribune ၌ သတင်းဖော်ပြသည်။
သူတို့ လေးဦးထဲမှ တစ်ဦးကို နတ်ချောင်းဆရီမြို့နယ် အတွင်း ဖမ်းမိပြီး ကျန် သုံးဦးကို ခေါင်တုံးနယ်မြေတွင် လွန်ခဲ့သော အင်္ဂါနေ့ညနေက ဖမ်းမိကြောင်း သိရှိရသည်။
သူတို့၏ သွားလာလှုပ်ရှားမှုအား သံသယ ဖြစ်မိရာမှ ဖမ်းဆီးခြင်း ဖြစ်ကြောင်း၊ ကနဦးစစ်ဆေးချက်များအရ ဘင်္ဂလာဒေ့ရှ် နယ်ခြားစောင့် တပ်ဖွဲ့များ၏ လူပ်ရှားမှု သတင်းများအား စုဆောင်းပြီး မြန်မာနိုင်ငံသို့ ပြန်ပို့သည့် အထောက်အထားများ ရရှိကြောင်း BGB နယ်ခြားစောင့်တပ်ရင်း အမှတ် (၃၁) တပ်ရင်းမှူး ဗိုလ်မှူးချုပ် Anwarul Azim ပြောကြောင်း သတင်းတွင် ဖော်ပြထားသည်။
သူတို့လေးဦးအား ပိုမို စစ်ဆေးမှုများပြုလုပ်ရန် ဘင်ဒရိုဘင် (ရွာတော်) မြို့သို့ ပို့ဆောင်လိုက်သည်ဟု သတင်းတွင် ဖော်ပြထားသည်။
(Photo: Dhaka Tribune)
Narinjara
https://www.facebook.com/Narinjara
ကိုSwe Yuရေးသည်။
*******
မြန်မာနိုင်ငံဆိုင်ရာ ဘင်္ဂလားဒေ့ရှ် စစ်သံမှူးသို့!
"ဘင်္ဂလားဒေ့ရ်ှဟာ လူဦးရေပေါက်ကွဲပြီး ရခိုင်ပြည်နယ်အတွင်း ၀င်ရောက်လုပ်ကိုင် စားသောက်နေကြတယ် ဆိုတဲ့အချက်ကို ပြန်လည်သုံးသပ်စေလိုတယ်" လို့ Discussion on Finding Solutions ဆိုတဲ့ ရခိုင်အရေးနဲ့ ပတ်သက်တဲ့ ဆွေးနွေးပွဲမှာ ခင်ဗျား မတော်မတရား ပြောလိုက်တာနဲ့ ပတ်သက်ပြီး...
တက်ရောက်ဆွေးနွေးကြတဲ့ ဦးကိုကိုလှိုင်၊ သမ္မတဦးသိန်းစိန် အစိုးရ အကြံပေးတွေဖြစ်တဲ့ ဒေါက်တာရင်ရင်နွယ်၊ ဒေါက်တာနေဇင်လတ်၊ ဒေါက်တာအေးချမ်း တို့အနေနဲ့ ပြန်ချေပချိန် မရလိုက်ဘူးလို့ ယူဆတာကြောင့် ကျွန်တော်ကပဲ ပြန်ရှင်းလိုပါတယ်။
.
.
.
ခင်ဗျားက "ဘင်္ဂလားဒေ့ရ်ှနိုင်ငံဟာ ကမ္ဘာမှာ ၂၂ ခုမြောက် စီးပွားရေး အကြီးဆုံး နိုင်ငံဖြစ်ပြီး လူဦးရေ အလွန်သိပ်သည်းသော်လည်း စီးပွားရေး တိုးတက် ကောင်းမွန်နေတယ်" လို့ ပြောတယ်နော်။
တကယ်တော့ ခိုးဝင်ပြဿနာဟာ နယ်နမိတ်ချင်း ထိစပ်နေတဲ့ နိုင်ငံတွေ ကြုံနေကျ ပြဿနာဖြစ်တယ်။ ကိုယ့်နိုင်ငံက စီးပွါးရေးကောင်းနေရင်တောင် အိမ်နီးချင်းနိုင်ငံမှာ ပိုချောင်လည်မယ် ယူဆသူတိုင်း တရားဝင်ရော တရားမဝင်ရော နယ်စပ်ဖြတ်ကျော်ကြပါတယ်။ တော်တန်ရုံ အရေအတွက်ဆိုရင် မထောင်းတာလှပေမဲ့ အလွန်များပြားလာရင်တော့၊ တရားမဝင် ခိုးကူးလာတာလည်း ဖြစ်ရင်တော့ ပြဿနာက ကြီးပါပြီ။
အဲဒီလို ပြဿနာက ကြီးမားလာတဲ့ အချိန်မှာမှ ကိုယ့်တာဝန် ကိုယ်မယူဘဲ "ဘင်္ဂလားဒေ့ရ်ှနိုင်ငံဟာ စီးပွါးရေးပမာဏ ကြီးမားတာမို့ မြန်မာနိုင်ငံဘက်ကို ကျွန်တော်တို့ နိုင်ငံသားတွေ ခိုးဝင်သွားတာ မဖြစ်နိုင်ဘူး" လို့ ခင်ဗျားက ကောက်ချက်ဆွဲပြတာက လူရယ်စရာ ဖြစ်နေပါတယ်။
စီးပွါးရေးပမာဏ ကြီးမားတိုင်းသာ အိမ်နီးချင်းနိုင်ငံတွေကို ခိုးဝင်တာမျိုး မရှိကြေးဆိုရင် မက္ကဆီကို နိုင်ငံသားတွေ အမေရိကန်နိုင်ငံကို ခိုးဝင်စရာအကြောင်း လုံးဝ မရှိတော့ပါဘူး။
ဘာလို့လဲဆိုရင် မက္ကဆီကိုရဲ့ GDP ဟာ ကမ္ဘာ့အဆင့် ၁၅ မှာ ရှိပြီး ပမာဏအားဖြင့် ၁၀၄၆ ဘီလျံ ဒေါ်လာ ရှိတာမို့...
GDP ကမ္ဘာ့အဆင့် ၄၅ ဖြစ်ပြီး ပမာဏအားဖြင့် ၂၂၁ ဘီလျံသာရှိတဲ့ ဘင်္ဂလားဒေ့ရှ် စီးပွါးရေးထက် လေးဆခွဲကျော် ပိုပြီး ကြီးမားချမ်းသာတဲ့ မက္ကဆီကိုနိုင်ငံသားတွေ အမေရိကန်ကို ခိုးဝင်ကြတာ နှစ်နိုင်ငံ ပြဿနာဖြစ်ရတဲ့ အထိပါပဲ။
ဒီလိုပြောရင် ခင်ဗျားဘက်ကလည်း "အမေရိကန်စီးပွါးရေးက ကမ္ဘာ့နံပါတ် ၁ မို့လို့ မက္ကဆီကန်တွေက ခိုးဝင်တာလေ။ ငါတို့ နိုင်ငံက မင်းတို့ နိုင်ငံထက် စီးပွါးရေး ကြီးတယ်ကွ" လို့ ပြန်ငြင်းချင်မယ် ထင်ပါတယ်။
ဟုတ်ပါတယ်။ မြန်မာနိုင်ငံရဲ့ GDP ဟာ ကမ္ဘာ့အဆင့် ၇၂ ဖြစ်ပြီး ပမာဏအားဖြင့် ၆၇ ဘီလျံ ဒေါ်လာပဲရှိလို့ ဘင်္ဂလားဒေ့ရှ် စီးပွါးရေးအောက် သုံးဆခွဲကျော် သေးငယ်ပါတယ်။ ဒီတော့ နိုင်ငံစီးပွါးရေးပမာဏနဲ့ စဉ်းစားရင် ဘင်္ဂလားဒေ့ရ်ှက ဘင်္ဂါလီတွေက မြန်မာဘက်ကို ခိုးကူးစရာအကြောင်း မရှိသလိုလိုပါပဲ။
ဒါပေမဲ့ ခိုးဝင်ချင်စရာ အကြောင်းခြင်းရာတွေကို ကျွန်တော် ထုတ်ပြပါ့မယ်။
၁)
ခင်ဗျားက နိုင်ငံလုံး စီးပွါးရေးပမာဏကို နှိုင်းယှဉ်တဲ့ GDP ကိုသာ ကိုယ်လိုရာဆွဲ ပြောနိုင်ဖို့ ထည့်သွင်းရည်ညွှန်းပြီး၊ လူတစ်ဦးချင်း ကြွယ်ဝချမ်းသာမှုနဲ့ လူနေမှုအဆင့်အတန်းကို နှိုင်းယှဉ်ဖော်ပြနိုင်တဲ့ GDP per capita တို့ Per Capita Income တို့ကို ဘာလို့ ချန်ထားခဲ့တာပါလဲ။
GDP (Gross Domestic Product) ဆိုတာက အလွယ်ပြောရရင် တစ်နှစ်အတွင်း တစ်နိုင်ငံလုံးမှာ ရှိသူတွေရဲ့ ဝင်ငွေအားလုံးပေါင်း ဒါမှမဟုတ် တိုင်းပြည်ရဲ့ ကုန်ထုတ်လုပ်မှုအားလုံး (သယံဇာတတွေ ထုတ်ရောင်းတာမျိုး အပါအဝင်) စုစုပေါင်းပါ။
GDP per capita ဆိုတာက GDP ကို လူဦးရေနဲ့ စားထားတာပါ။ ပျမ်းမျှ လူတစ်ဦး ရှာနိုင်တဲ့ ငွေဖြစ်ပြီး ဒါက လူနေမှု အဆင့်အတန်းကို ဖော်ပြပါတယ်။
ဒီတော့ လူတစ်ချင်းရှာနိုင်တဲ့ ငွေပမာဏ တူရင်တောင် လူဦးရေ ပိုများတဲ့ နိုင်ငံဟာ GDP ပိုများမှာ ဘာမှ မဆန်းပါဘူး။
ဥပမာ ကမ္ဘာပေါ်မှာ လူဦးရေအများဆုံးနိုင်ငံဖြစ်တဲ့ တရုတ်ရဲ့ GDP သို့မဟုတ် စီးပွါးရေးဟာ ကမ္ဘာ့ဒုတိယအကြီးဆုံး ဖြစ်ပေမယ့် လူတစ်ချင်းရှာနိုင်တဲ့ ငွေပမာဏ GDP per capita မှာတော့ နိုင်ငံသားတစ်ဦး တစ်နှစ်ဝင်ငွေ ဒေါ်လာ ၈၁၀၀ နဲ့ ကမ္ဘာ့အဆင့် ၆၆ ပဲ ရှိတာ တွေ့ရမှာပါ။
ဆိုလိုတာက လူဦးရေများလွန်းလို့ တိုင်းပြည်တစ်ပြည်လုံး ပေါင်းထားတဲ့ စီးပွါးရေးက ကြီးမားပေမယ့် လူတစ်ဦးချင်း ကြွယ်ဝမှု အဆင့်အတန်းအရ ကြည့်လိုက်တော့ တရုတ်တစ်ဦးချင်းဟာ သိပ်မချမ်းသာသေးပါ။
အဲဒီလိုပဲ လူဦးရေ ၁၆၃ သန်းရှိတဲ့ ဘင်္ဂလားဒေ့ရ်ှရဲ့ GDP က လူဦးရေ ၅၅ သန်းသာရှိတဲ့ မြန်မာ့ GDP ထက် သုံးဆခွဲကြီးပေမယ့်...
GDP per capita အရ ကြည့်ရင်တော့ ဘင်္ဂလားဒေ့ရှ် တစ်ယောက်ရဲ့ တစ်နှစ်ဝင်ငွေက ၁၃၆၀ ဒေါ်လာ နဲ့ မြန်မာတစ်ယောက်က ၁၂၇၅ ဒေါ်လာမို့ ဘာမှ မကွာပါဘူး။
ဒါ့အပြင် ဒီလူနေမှုအဆင့်ပြ GDP per capita ဟာ တစ်တိုင်းပြည်လုံးကို ခြုံငုံပြီး ပျမ်းမျှရှာထားတဲ့ အချက်အလက်ဖြစ်လို့ နယ်စပ်ဒေသက လူတွေရဲ့ စီးပွါးရေးကို ကွက်တိဖော်ပြချင်မှ ဖော်ပြနိုင်ပါလိမ့်မယ်။
ဒီတော့ ခိုးဝင်ကိစ္စ ဖြစ်နိုင် မဖြစ်နိုင်ကို ဘင်္ဂလားဒေ့ရှ် - မြန်မာနယ်စပ်ရဲ့ ဟိုဘက်ခြမ်းနဲ့ ဒီဘက်ခြမ်းမှာ ဘယ်ဘက်က လုပ်စားကိုင်စားသမားတွေအဖို့ အနေ အစား ပိုချောင်သလဲ ဆိုတာက ဆုံးဖြတ်မှာ ဖြစ်ပါတယ်။
၂)
အနေချောင်မှု။
နိုင်ငံအကျယ်အဝန်း ၇၅၈၄၀၀ စတုရန်းမိုင်ရှိပြီး လူဦးရေ ၁၂၃ သန်းသာရှိလို့ လူဦးရေ သိပ်သည်းဆအားဖြင့် တစ်စတုရန်းမိုင်မှာ ၁၆၃ ယောက်သာ ရှိတဲ့အပြင် ပျမ်းမျှတစ်ဦးချင်း တစ်နှစ်ဝင်ငွေ ၈၂၀၀ ဒေါ်လာ (၈၁၀၀ ဒေါ်လာရတဲ့ တရုတ်ထက်တောင် များပြား) ရနေတဲ့ မက္ကဆီကိုကနေ အမေရိကန်ကို ခိုးဝင်နေသူတွေ ရှိတယ်ဆိုရင်...
နိုင်ငံအကျယ်အဝန်း ၅၆၉၇၇ စတုရန်းမိုင်ရှိပြီး လူဦးရေ ၁၆၃ သန်းရှိလို့ လူဦးရေ သိပ်သည်းဆအားဖြင့် တစ်စတုရန်းမိုင်မှာ၂၉၃၄ ယောက်တောင်ရှိလို့ အနေကျပ်တယ်ထင်တဲ့ ဘင်္ဂလားဒေ့ရှ် နိုင်ငံသားအချို့ဟာ...
နိုင်ငံအကျယ်အဝန်း ၂၆၁၂၂၈ စတုရန်းမိုင်ရှိပြီး လူဦးရေ ၅၅ သန်းသာရှိလို့ တစ်စတုရန်းမိုင်မှာ ၂၀၇ ယောက်ပဲ အသက်ရှုချောင်ချောင် နေနေကြတဲ့ တစ်ဦးချင်းဝင်ငွေလည်း မကွာတဲ့ မြန်မာနိုင်ငံဘက်ကို ကူးမဝင်ချင်စရာ အကြောင်း ဘာမှ မရှိပါဘူး။
နိုင်ငံဧရိယာအရ မြန်မာဟာ ဘင်္ဂလားဒေ့ရ်ှထက် လေးဆခွဲကျော် ပိုကျယ်ပြီး...
လူဦးရေကျတော့ မြန်မာ့လူဦးရေက ဘင်္ဂလားဒေ့ရှ် လူဦးရေရဲ့ သုံးပုံတစ်ပုံပဲရှိလို့...
"ဘယ်နိုင်ငံမှာ အနေချောင်မလဲ" ဆိုတာကို ကလေးတောင် သိနိုင်ပါတယ်။
၃)
အစားချောင်မှု။
Per capita income ကို လူအဖွဲ့အစည်း တစ်ခုနဲ့ တစ်ခုကြား ချမ်းသာကြွယ်ဝမှု ဒါမှမဟုတ် ဆင်းရဲမွဲတေမှုကို နှိုင်းယှဉ်ဖို့ ကျယ်ကျယ်ပြန့်ပြန့် အသုံးပြုကြပါတယ်။
ဒီနေရာမှာ အထက်မှာ နှိုင်းယှဉ်ပြခဲ့တဲ့ GDP per capita ဟာ ရိုးရိုး GDP ကို သုံးပြီး တွက်ထားတာပါ။
တကယ်တော့ စီးပွါးရေး ပညာရှင်တွေအနေနဲ့ နိုင်ငံတွေအကြား စီးပွားရေးအင်အားကို နှိုင်းယှဉ်ရာမှာ ဒါမှမဟုတ် တစ်ဦးချင်း ၀င်ငွေကြွယ်ဝမှုကို နှိုင်းယှဉ်ရာမှာ အားနည်းချက်တွေရှိတဲ့ GDP နဲ့ GDP per capita တွေထက် GDP (PPP) နဲ့ GDP per capita (PPP) ကိုသုံးတာ ပိုမိုတိကျမှန်ကန်တယ်လို့ ယူဆကြပါတယ်။
ဘာလို့လဲဆိုရင် Purchasing Power Parity လို့ခေါ်တဲ့ (PPP) ဟာ နိုင်ငံတွေအကြား လူနေမှုအဆင့်၊ နေထိုင်ကုန်ကျစရိတ်၊ တွက်ချက်တဲ့နှစ်ရဲ့ ငွေလဲလှယ်နှုန်းများနဲ့ ငွေကြေးဖောင်းပွမှုနှုန်းတွေကိုပါ ထည့်သွင်းစဉ်းစားပြီး ရိုးရိုးဒေါ်လာ မဟုတ်တဲ့ နိုင်ငံတကာဒေါ်လာ (int$) နဲ့ ဖော်ပြတာ ဖြစ်ပါတယ်။
အလွယ်ရှင်းပြရရင် နိုင်ငံနှစ်နိုင်ငံရဲ့ GDP per capita ချင်း တူရင်တောင် (ဥပမာ လူတစ်ယောက် ဒေါ်လာ ၁၀၀၀ စီ ဝင်ငွေ ရှိတယ်ထားပါ) အဲဒီနှစ်နိုင်ငံက နိုင်ငံသားတွေ ချမ်းသာမှုနဲ့ လူနေမှုအဆင့် တူတယ်လို့ ပြောလို့မရပါဘူး။ သက်ဆိုင်ရာ နိုင်ငံတွေရဲ့ ပြည်တွင်း ကုန်ဈေးနှုန်းနဲ့ နေထိုင်ကုန်ကျစရိတ်၊ ငွေကြေးဖောင်းပွမှုနှုန်းတွေပေါ် မူတည်ပြီး အဲဒီ ဒေါ်လာ ၁၀၀၀ စီရဲ့ တန်ဖိုးချင်း မတူသလို အဲဒီ ဒေါ်လာ ၁၀၀၀ ရဲ့ ဝယ်ယူသုံးစွဲနိုင်စွမ်း (Purchasing Power) လည်း ကွာပါတယ်။
ဒါကြောင့် PPP အပေါ် အခြေခံတွက်ချက်ထားတဲ့ GDP per capita (PPP) ကို အသုံးပြုခြင်းဟာ နိုင်ငံတွေကြား ဆင်းရဲ ချမ်းသာ ကွာခြားချက်တွေကို နှိုင်းယှဉ်ရာမှာ ပိုမှန်ကန်ပြီး ပိုအသုံးဝင်ပါတယ်။
၂၀၁၆ GDP per capita (PPP) အချက်အလက်တွေအရဆိုရင်...
မြန်မာနိုင်ငံသား တစ်ဦးဟာ တစ်နှစ်ဝင်ငွေ ဒေါ်လာ ၆၀၀၀ (int$) ချမ်းသာပြီး...
ဘင်္ဂလားဒေ့ရ်ှနိုင်ငံသား တစ်ယောက်ဟာ တစ်နှစ် ၃၉၀၀ ဒေါ်လာ (int$) သာ ဝင်ငွေရှိတာမို့...
"ဘယ်နိုင်ငံမှာ အစားချောင်မလဲ" ဆိုတာကို ပညာမတတ်သူတောင် တွက်တတ်မယ်ထင်ပါတယ်။
.
.
.
အခုလောက်ဆိုရင်ကို ဘင်္ဂါလီအချို့ မြန်မာနိုင်ငံဘက် ခိုးဝင်ဖို့ အကြောင်းပြချက်တွေ လုံလောက်ပြီထင်ပါတယ်။
ဒါကိုမှ ကျား ကျား မီးယပ်လုပ်ပြီး ဘင်္ဂလားဒေ့ရှ် အစိုးရဘတ်ဂျက်က မြန်မာထက် ၈ ဆ များတယ်တို့၊ စီးပွားရေး ဖွံ့ဖြိုးတိုးတက်မှုနှုန်းက ဘယ်လောက် ရှိတယ်တို့၊ နိုင်ငံဧရိယာရဲ့ ၉၀ ရာခိုင်နှုန်းဟာ လျှပ်စစ်မီး ရရှိနေပြီး ကျေးလက်ဒေသများတွင်ပါ ကောင်းမွန်တဲ့ အင်တာနက် ချိတ်ဆက်မှုနဲ့ မိုဘိုင်းဖုန်းကွန်ရက်တွေ ရှိကြောင်း မဏ္ဍပ်တိုင် တက်ပြဦးမယ်ဆိုရင်လည်း ကျွန်တော့်ဘက်က ချေပစရာရှိပါတယ်။
ဒီလို ဘတ်ဂျက်များတာ၊ အခြေခံအဆောက်အအုံတွေ မြန်မာနိုင်ငံထက် ပြည့်စုံတာဟာ ခင်ဗျားတို့ အစိုးရက ဒီနိုင်ငံက ကိုယ်ကျိုးရှာ စစ်အာဏာရှင်အစိုးရ အဆက်ဆက်ထက် အခွန်ကောက်ခံနိုင်မှု၊ အုပ်ချုပ်မှုနဲ့ စီမံခန့်ခွဲမှု ကောင်းမွန်တာကိုပဲ ပြောပြနေပြီး...
အထက်မှာ ပြောခဲ့သလို အခုလက်ရှိ စီးပွါးရေး၊ ပထဝီပိုင်နက် အကျယ်အဝန်းနဲ့ လူဦးရေအနေအထားအရ မြန်မာနိုင်ငံဟာ ဆင်းရဲချို့တဲ့တဲ့ ဘင်္ဂါလီအချို့အတွက် အနေချောင် အစားချောင်တဲ့ နိုင်ငံဆိုတာကိုတော့ ငြင်းလို့ မရပါဘူး။
ဒီလို အနေအစားချောင်ဖို့ မျှော်လင့်ချက်တွေနဲ့ မြန်မာနိုင်ငံထဲကို ခိုးဝင်လာပြီးတော့မှ အခြားဒေသတွေကို ကူးသန်းမရဘဲ ရခိုင်ဒေသမှာပဲ ပိတ်မိပြီး မျိုးအပွါးလွန် လူဦးရေပေါက်ကွဲနေတာက ဒီနေ့ ရခိုင်က ခိုးဝင်ပြဿနာရဲ့ ရေသောက်မြစ်ပါပဲ။
.
.
.
မူလကတော့ ခင်ဗျားတို့ နိုင်ငံသားတွေဟာ တရားဝင် နေခွင့်ရရင်လည်း ဒီနိုင်ငံမှာပဲ နိုင်ငံသားခံယူပြီး အေးအေးသက်သာ လုပ်ကိုင်စားသောက်ကြဖို့ ရည်ရွယ်ထားကြပုံပါ။
ဒါပေမဲ့ ထင်သလို ဖြစ်မလာတဲ့ အခြေမလှသူအချို့က နိုင်ငံတကာကို ထွက်ပြေးပြီး အဖိနှိပ်ခံအဖြစ် မျက်ရည်ချူပြီး ချမ်းသာတဲ့နိုင်ငံတွေမှာ ခိုလှုံခွင့်ရသွားရာကနေ...
အဲလိုလုပ်တာဟာ မြန်မာထက် အပြတ်အသတ်သာတဲ့ တိုးတက်ပြီးသား နိုင်ငံတွေကို သွားရောက် အခြေချနိုင်ဖို့ အကောင်းဆုံးနည်းအဖြစ် လမ်းပွင့်သွားတဲ့ နောက်ပိုင်းမှာ...
ဘင်္ဂါလီတွေဟာ မြန်မာကိုတောင် မဝင်တော့ဘဲ ဘင်္ဂလားဒေ့ရ်ှကနေ ရိုဟင်ဂျာအဖြစ် တိုက်ရိုက်ထွက်ပြေးကြရာက နိုင်ငံတကာမှာ ရိုဟင်ဂျာအမည်ခံ နိုင်ငံစွန့်ခွာ ဘင်္ဂါလီ လေးသန်းကျော်အထိ ပျော်ပျော်ကြီး ပွဲခံနေထိုင်နိုင်ကြတဲ့ အခြေအနေကို ရောက်လာတာပါ။
ဒီ လေးသန်းကျော်ဟာ သူတို့ရောက်ရှိနေထိုင်ရာ နိုင်ငံတွေရဲ့ ကရုဏာကို ချူယူဖို့ ရခိုင်က ဖြစ်ရပ်အချို့ကို ပုံကြီးချဲ့ရာက ဒီကနေ့ ကမ္ဘာက စုတ်တသပ်သပ် ဖြစ်နေရတဲ့ နိုင်ငံမဲ့ ရိုဟင်ဂျာ ဇာတ်လမ်းတွေ ဖြစ်လာရတာပါပဲ။
ဒီဇာတ်လမ်းတွဲ နိုင်ငံတကာမှာ ပေါက်သွားမှန်းသိတာနဲ့ တိုက်ရိုက်ထွက်ပြေး ဘင်္ဂါလီတွေ၊ မြန်မာကတစ်ဆင့် ထွက်ပြေးတဲ့ ဘင်္ဂါလီတွေ၊ ရခိုင်မှာ ပိတ်မိနေတဲ့ ဘင်္ဂါလီတွေ အားလုံး ရိုဟင်ဂျာတွေ ဖြစ်ကုန်ပြီး...
နိုင်ငံသား တောင်းတဲ့ အဆင့်ကနေ တိုင်းရင်းသားအစစ်တွေပါလို့ ဗြောင်လိမ်တဲ့ အဆင့်ကို တက်သွားရုံသာမက အကြမ်းဖက် တိုက်ခိုက်ပြီး လွတ်မြောက်နယ်မြေ ထူထောင်ဖို့အထိ ရည်မှန်းလာတဲ့ အခြေအနေတွေ ဖြစ်လာပါပြီ။
အခု ရိုဟင်ဂျာ ဘာညာ အသံတွေ အတင်းထွက်ပြနေတဲ့ တက်ကြွလှုပ်ရှားသူ၊ မီဒီယာနဲ့ ရိုဟင်ဂျာ ကိုယ်စားလှယ်တွေ အားလုံးဟာ ငွေရရှိရေး သို့မဟုတ် ရှင်သန်နေထိုင်နိုင်ရေးအတွက် ဒါမှမဟုတ် နှစ်ခုလုံးအတွက် လုပ်နေတာပါ။
သူတို့ကသာ အော်ပေးနေတာ... တကယ်တမ်းမှာ ပြည်တွင်းက ထွက်မရလို့ ပိတ်မိနေတဲ့ တစ်သန်းမျှသော ဘင်္ဂါလီတွေကလွဲရင် နိုင်ငံတကာကို ရောက်နေပြီးသား ရိုအမည်ခံတွေကတော့ ရခိုင်ကို လာနေဖို့ တရားဝင် ပြန်ခေါ်ကြည့်ရင်တောင် တစ်ယောက်မှ ပြန်မလာစေရဘူးလို့ လောင်းကြေးထပ်ရဲပါတယ်။ သူတို့ မွေးရပ် ဘင်္ဂလားဒေ့ရ်ှထက်ရော၊ မြန်မာထက်ရော သာတဲ့ နိုင်ငံတွေကို ရောက်နေပြီကိုး။ ဒီလောက်ကို ယုတ်မာတဲ့ကောင်တွေပါ။
တကယ်တော့ ပြည်ပကို ထွက်ပြေးခိုလှုံတဲ့ ရိုဟင်ဂျာ ၄ သန်းကျော် ရှိနေဖို့ဆိုရင် အစက ရခိုင်ပြည်နယ်မှာ ရိုဟင်ဂျာ ၅ သန်း နေခဲ့ဖူးရပါမယ်။ ဘယ်သမိုင်းစာအုပ်၊ ဘယ်စာတမ်းတွေထဲမှာများ ဘယ်ခေတ်က ရိုဟင်ဂျာ ၅ သန်း ရခိုင်ပြည်မှာ နေခဲ့ဖူးတယ်လို့ ကြားဖူးပါသလဲ။ ဒီလိုမဖြစ်နိုင်တာတွေကို အတင်းလိမ်ညာပြောဆိုပြီး ခင်ဗျားတို့ နိုင်ငံသားတွေကို မြန်မာပြည်က ရိုဟင်ဂျာတွေပါလို့ ပုံချစွပ်စွဲနေတာတောင် အင်မတန် အောက်တန်းကျလွန်းနေပါပြီ။
ဒီထက် ပိုဆိုးတာက ဒီ ရိုဟင်ဂျာအရေး လှုပ်ရှားသူ ဆိုသူတွေဟာ နိုင်ငံတကာက ရွံရှာစက်ဆုပ်တဲ့ အစွန်းရောက် အကြမ်းဖက်အဖွဲ့တွေနဲ့ရော၊ အကြမ်းဖက်အဖွဲ့တွေကို ပြောင်ပြောင်တင်းတင်းရော ခိုးကြောင်ခိုးဝှက်ရော အားပေးနေတဲ့ ပင်လယ်ကွေ့က ကြောင်သူတော် အစ္စလာမ်နိုင်ငံတွေနဲ့ရော ချိတ်ဆက်ပြီး ရခိုင်မှာ အကြမ်းဖက် သူပုန်ထအောင် စီမံကြတာပါ။
အခု ကာတာနိုင်ငံကို အကြမ်းဖက်အဖွဲ့တွေကို အားပေးမှုနဲ့ ဝိုင်းပယ်တယ်ဆိုတဲ့ ဆော်ဒီခေါင်းဆောင်တဲ့ နိုင်ငံတွေဟာလည်း အစ္စလာမ္မစ် အကြမ်းဖက်အဖွဲ့တွေကို ရက်ရက်ရောရော ငွေလှူနေတဲ့ နိုင်ငံတွေပါ။ သူတို့ ဆွန်နီ ရှီးအိုက် ဘာသာရေးအရ ဒါမှမဟုတ် နိုင်ငံရေးအရ မတည့်လို့သာ တစ်နိုင်ငံနဲ့ တစ်နိုင်ငံ အကြမ်းဖက်အားပေးအဖြစ် အပြစ်ပုံချနေပေမဲ့ အဲဒီ ပင်လယ်ကွေ့နိုင်ငံ အားလုံး နီးပါးဟာ ကိုယ့်နည်းကိုယ့်ဟန်နဲ့တော့ တကယ့် ကမ္ဘာ့အကြမ်းဖက်အဖွဲ့အားလုံးရဲ့ ရေသောက်မြစ်နိုင်ငံတွေပါ။
ဒီနိုင်ငံတွေက ငွေအားနဲ့ မီဒီယာတွေနဲ့ရော၊ ကုလသမဂ္ဂကိုပါ အုပ်စီးပြီးနောက်မှာ ရခိုင်က အကြမ်းဖက်ခံ တိုင်းရင်းသားတွေဟာ အကြမ်းဖက်သမားအဖြစ် တန်ပြန် ပုံဖော်ရှုတ်ချခံရတဲ့ ဘဝကို ရောက်ရရှာပါတယ်။
.
.
.
ဒါတွေကို ကမ္ဘာကြေသော်လည်း ဥဒါန်းမကြေပါဘူး။
ဒါကြောင့် ကျုပ်တို့ပြောနေတာတွေဟာ မှားနေလို့ ပြန်သုံးသပ်ပါဆိုတဲ့ ဘင်္ဂလားဒေ့ရှ် စစ်သံမှူးရေ...
ဒီခိုးဝင်ပြဿနာဟာ အမေရိကန်လို ချမ်းသာတဲ့ နိုင်ငံအတွက်တောင် ခေါင်းခဲစရာမို့ သမ္မတ ထရမ့်က နယ်ခြားတံတိုင်းကာဖို့ တံတိုင်းကာရံစရိတ်ကို မက္ကဆီကိုက ပေးရမယ်လို့တောင် ပြောခဲ့တာဖြစ်ပါတယ်။
သူပြောတာက ရယ်စရာကောင်းသလို ထင်ရပေမဲ့ တကယ်တမ်း စဉ်းစားကြည့်ရင် ခိုးဝင်တွေရဲ့ မိခင်နိုင်ငံဟာ ကိုယ့်နိုင်ငံသားတွေကို ထိန်းထားဖို့ တာဝန်ရှိပါလျက်နဲ့ မထိန်းနိုင်ဘူးဆိုရင် ခိုးဝင်သွားတဲ့ ကိုယ့်နိုင်ငံသားတွေကို ကိုယ်ပြန်ခေါ်သွားရုံမက နောက်လည်း ခိုးကူးမသွားနိုင်အောင် နယ်ခြားတံတိုင်း တည်ဆောက်ရေးစရိတ်တွေကိုလည်း အချိုးကျ တာဝန်ယူ ထည့်ဝင်သင့်ကြောင်း ရူးချင်ယောင်ဆောင်နေတဲ့ ခင်ဗျားတို့ အစိုးရကို သိအောင်ပြောလိုက်စေချင်ပါတယ်ဗျာ!
 |
| ဘင်္ဂလားဒေရှ့် နိုင်ငံက ရိုဟင်ဂျာ ဒုက္ခသည်စခန်း။ |
ပြီးခဲ့တဲ့နှစ် အောက်တိုဘာလတုန်းက မြန်မာလုံခြုံရေးတပ်ဖွဲ့တွေကို ၀င်ရောက် တိုက်ခိုက်ခဲ့တဲ့ မူဆလင် အစွန်းရောက်အဖွဲ့နဲ့ ဆက်သွယ်မှု ရှိတယ်ဆိုပြီး ဘင်္ဂလားဒေ့ရှ် ရဲတပ်ဖွဲ့က ဖမ်းဆီးခဲ့တဲ့ ရိုဟင်ဂျာ အမျိုးသားတဦးကို အာမခံနဲ့ ပြန်လွှတ်ပေးခဲ့ပြီး သူက အခု ဘင်္ဂလားဒေ့ရ်ှမှာ ရှိတဲ့ ဒုက္ခသည် စခန်းတခုမှာ ရှိနေတယ်လို့ဘင်္ဂလားဒေ့ရှ် ပြည်ထဲရေး ၀န်ကြီးက ဇူလိုင်လ ၁၈ ရက်နေ့မှာ သတင်း မီဒီယာကို ပြောလိုက်ပါတယ်။
အသက် ၃၈ နှစ် အရွယ် မူဆလင် တရားဟောဆရာ Manzurul Islam မန်ဇူရို အစ္စလာမ်က ရခိုင်ပြည်နယ် အနောက်မြောက်ပိုင်းမှာ ဖြစ်ပွါးခဲ့တဲ့ အကြမ်းဖက်မှုနဲ့ ပတ်သက်လို့အစွန်းရောက် အဖွဲ့နဲ့အဆက်အစပ် မရှိကြောင်း ရိုက်တာစ် သတင်းဌာနနဲ့ ဆက်သွယ်မေးမြန်းမှုမှာ ငြင်းဆိုခဲ့ပါတယ်။
မန်ဇူရို အစ္စလာမ်ဟာ ရဲအရာရှိ ၉ ဦး သေဆုံးခဲ့တဲ့ အောက်တိုဘာလ ၉ ရက် ရခိုင်ပြည်နယ် မောင်တောအနီး မြန်မာနယ်ခြား ရဲစခန်းကို ၀င်ရောက်စီးနင်း တိုက်ခိုက်ခဲ့တဲ့ Harakah Al- yaqin ဟာရခါ အလ် ရာကင်း အစွန်းရောက် အုပ်စု အဖွဲ့ဝင်တဦး ဖြစ်တယ်လို့ဘင်္ဂလားဒေ့ရှ် ရဲဘက်ဆိုင်ရာ ထောက်လှမ်းရေး သတင်းတွေက ဆိုပါတယ်။
ဘင်္ဂလားဒေ့ရှ် ပြည်ထဲရေးဝန်ကြီး Asaduzzaman Khan အဇာဒူဇမန် ခန်းက မန်ဇူရို အစ္စလာမ်ကို မသင်္ကာတာကြောင့် လုံခြုံရေးတပ်ဖွဲ့ဝင်တွေက အနီးကပ် စောင့်ကြည့် ခဲ့ကြပြီး တလ်လီဖုန်း ပြောဆိုမှုတွေကိုလည်း ကြားဖြတ် အသံဖမ်းယူ ခဲ့ပါတယ်။ မန်ဇူရို အစ္စလာမ်ဟာ တရားမ၀င်တဲ့ လှုပ်ရှားမှုတွေနဲ့ဆက်စပ်မှု ရှိကြောင်း တွေ့ရှိခဲ့တယ်လို့ ပြောပါတယ်။
မန်ဇူရို အစ္စလာမ်ကို ကော့ဇ်ဘဇားမြို့မှာ ၃ လကြာ ဖမ်းဆီးထားပြီး အခု လောလောဆယ် အာမခံနဲ့ပြန်လွှတ်ထား ပေးတယ်လို့ဘင်္ဂလားဒေရှ့် ပြည်ထဲရေးဝန်ကြီးက ပြောပေမဲ့ အသေးစိတ် အချက်အလက် တွေတော့ မသိရပါဘူး။
မန်ဇူရို အစ္စလာမ်ကို နိုဝင်ဘာလ ၂၃ ရက်နေ့ တုန်းက ကော့ဇ်ဘဇား ဒေသ ကူတူးပါလောင် ယာယီ ဒုက္ခသည် စခန်းအနီးက ဈေးတခုမှာ ဖမ်းဆီးခဲ့တာပါ။ သူ့ကို မဖမ်းခင် ၂ ပတ် အလိုက စခန်းအနီးက တောအတွင်းမှာ ဒုက္ခသည် အယောက် ၃၀ လောက်ကိုလည်း သင်တန်းပေးခဲ့တယ် လို့လည်း ဘင်္ဂလားဒေ့ရှ် ရဲတပ်ဖွဲ့က ယုံကြည်တဲ့ အကြောင်း သတင်းတွေမှာ ဖေါ်ပြထားပါတယ်။
ဗွီအိုအေ (မြန်မာပိုင်း)
https://burmese.voanews.com
နိရဉ္စရာ၊ မေ ၁၅
ယနေ့ နံနက် ၁၁ နာရီ ၄၅ မိနစ်က ဘင်္ဂလာဒေ့ရ်ှနိုင်ငံမှ လေယာဉ် တစ်စင်းသည် မြန်မာနိုင်ငံ ပိုင်နက်ထဲကို ၀င်ရောက်ပြီး အနိမ့်ပိုင်းမှ ဖြတ်ကျော် ပျံသန်းသွားခဲ့သည်ဟု သတင်းရရှိသည်။
“ ပျံသန်းတာက နိမ့်နိမ့်က ပျံသန်းတာဆိုတော့ အသံတွေကို မြည်ဟီးပြီး လူတွေက အထိတ်တစ်လန့် ဖြစ်သွားကြပါတယ်။ လူတွေက အပြင်ထွက်ကြည့်ကြတော့ ဘင်္ဂလာဒေ့ရ်ှဘက်က ခရီးသည်တင် လေယာဉ် ဖြစ်နေတာကို တွေ့ရပါတယ်” ဟု မျက်မြင် ဒေသခံ တစ်ဦးက ပြောသည်။
၎င်းလေယာဉ်သည် မီးတိုက်ကျေးရွာနှင့် နံ့သာတောင် ကျေးရွာအကြား ကိုက် ၅၀၀ ခန့် မြန်မာပြည်ပိုင်နက်ထဲ ၀င်ရောက် ပျံသန်းသွားခဲ့သည်ဟု ဆိုသည်။
“ ဒီကိစ္စကိုတော့ တောင်ပြိုနယ်ခြားစောင့် တပ်ကနေ အထက်ကို အကြောင်းကြားတယ်လို့ သိရပါတယ်။ အထက်က ဘယ်လို ဆောင်ရွက်မလဲဆိုတာကို မသိရသေးဘူး” ဟု အမည် မဖော်လိုသူ အစိုးရ၀န်ထမ်း တစ်ဦးက ပြောသည်။
ဘင်္ဂလာဒေ့ရ်ှဘက်တွင် ရာသီဥတု ဆိုးရွားနေရာမှ မြန်မာဘက်သို့ ယခုလို နယ်နမိတ်ကျော်လွန် ၀င်ရောက်လာခြင်း ဖြစ်နိုင်သည်ဟု သုံးသပ်မိကြောင်း ၎င်း အစိုးရ ၀န်ထမ်းက ပြောကြားသည်။
Narinjara
https://www.facebook.com/Narinjara
