မွန်ပြည်နယ်၊ ရေးမြို့နယ်၊ ကုလားကုတ်အောက်ဆိပ်ကျေးရွာမှာ လေပြင်းတိုက်ခတ်ခဲ့လို့ နေအိမ် ၄၀၀ နီးပါး ပျက်စီး ကုန်တယ်လို့ ကျေးရွာသားတွေကို ကူညီပေးနေတဲ့ ရေးမြို့ခံ ကိုဝင်းနိုင်သက်က ပြောပါတယ်။
လေပြင်းကြောင့် လူ ၁၅ ယောက် နီးပါး ထိခိုက်ဒဏ်ရာရပေမယ့် မစိုးရိမ်ရဘူးလို့ သူက ပြောပါတယ်။
ဇန်နဝါရီ ၈ ရက်မှာ တိုက်ခတ်ခဲ့တဲ့ လေပြင်းကြောင့် ကျေးရွာမှာရှိတဲ့ အထက စာသင်ကျောင်းက ကျောင်းဆောင် ၃ ဆောင် အပါအဝင် ဘုန်ကြီးကျောင်းလည်း အမိုးလန် ပျက်စီးတယ်လို့ ဆိုပါတယ်။
အဲဒီကျေးရွာမှာ လူ ၁,၉၀၀ ကျော် နေထိုင်ပြီး ကျောင်းသားကျောင်းသူ ၅၀၀ ကျော်ပါ လေပြင်းဒဏ်ခံရလို့ ကျောင်းသုံးပစ္စည်းတွေနဲ့ ရွာသားတွေ နေထိုင်ရေးအတွက် ခက်ခဲနေတယ်လို့လည်း ကိုဝင်းနိုင်သက်က ပြောပါတယ်။
ကုလားကုတ်အောက်ဆိပ် ကျေးရွာဟာ ကျွန်းပုံစံ သီးခြားတည်ရှိတဲ့ ကျေးရွာလည်းဖြစ်ပြီး ရေးမြို့၊ လမိုင်းကနေ ၁ နာရီကျော် ကြာ ရေလမ်းခရီးနဲ့ ပင်လယ်ကို ဖြတ်ပြီးသွားရလို့ လက်ရှိအချိန် မိုးမရွာတော့ပေမယ့် လှိုင်းကြီးပြီး သွားလာဖို့ အခက်အခဲ ရှိနေတယ်လို့ ဆိုပါတယ်။
BBC Burmese
https://www.bbc.com/burmese
No comments:
Post a Comment