Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Monday, May 22, 2017

မအူပင်အကျဉ်းထောင်တွင် အကျဉ်းသားတစ်ဦး စအိုအတွင်းမှ စိတ်ကြွဆေးပြားများ တွေ့ ရှိ သိမ်းဆည်းရမိ


ဧရာဝတီတိုင်းဒေသကြီး၊ မအူပင်မြို့၊ အမှတ်(၃) ရပ်ကွက်၊ ကမ်းနားလမ်းရှိ မအူပင်အကျဉ်းထောင်တွင် မေလ ၂၁ ရက်နေ့ မနက် ၁၁ နာရီ ခွဲ ခန့် က အကျဉ်းထောင်တာဝန်ရှိသူများက အကျဉ်းသားများအား စစ်ဆေးရာမှာ ထောင်ဒဏ်(၁၃)နှစ်(၃)လ ကျခံလျက်ရှိသော အကျဉ်းသားထောင်ဝင်အမှတ် အစ/၁၄/၁၂၁၅၈/က သူရလွင်(ခ)သန်းတိုးအောင်၊ (၂၂)နှစ်၊ အမှတ်(၂၂)ရပ်ကွက်၊ လှိုင်သာယာမြို့နယ် နေသူ၏ စအိုအတွင်းမှ အနီရောင်နှာရူဗူး အတွင်း ထည့်ထားသော WYစာတမ်းပါ စိတ်ကြွရူးသွပ်ဆေးပြား (၁၃) ပြားအား စစ်ဆေးတွေ့ရှိကြောင်း သိရပါသည်။


အဆိုပါ အကျဉ်းသားအား မအူပင်မြို့မရဲစခန်းမှ ရဲတပ်ဖွဲ့ဝင်များနှင့် မူးယစ်ဆေးဝါး တားဆီးရေးရဲတပ်ဖွဲ့စုမှ တပ်ဖွဲ့ဝင်များနှင့်အတူ သွားရောက် စစ်ဆေးရာ နှာရှုဗူးအနီရောင်(၁)ဗူး၊ WY စာတမ်းပါ ပန်းရောင်စိတ်ကြွရူးသွပ်ဆေးပြား(၁၂)ပြား၊ အလေးချိန်(၁.၀၈)ဂရမ်၊ တန်ဖိုး (၆၀၀၀၀ိ/-)၊ WY စာတမ်းပါ အစိမ်းရောင်စိတ်ကြွရူးသွပ်ဆေးပြား(၁)ပြား၊ အလေးချိန်(၀.၀၉)ဂရမ်၊ တန်ဖိုး(၅၀၀၀ိ/-)တို့အားတွေ့ရှိ သိမ်းဆည်းမိခဲ့သည်။

မူးယစ်ဆေးဝါး လက်ဝယ်ထားရှိသူ  အကျဉ်းသား သူရလွင် (ခ) သန်းတိုးအောင်အား မအူပင်မြို့မရဲစခန်း မယ(ပ) ၄/၂၀၁၇၊ မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများ ဆိုင်ရာဥပဒေပုဒ်မ ၁၅/၁၆(ဂ) ဖြင့် အမှုဖွင့် အရေးယူဆောင်ရွက် လျက်ရှိကြောင်း ဧရာဝတီတိုင်းဒေသကြီးရဲတပ်ဖွဲ့မှူးရုံးမှ သတင်းထုတ်ပြန်ချက်အရ သိရပါသည်။

သစ်ထူးလွင်

No comments:

Post a Comment