Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Friday, April 21, 2017

သိန်း ၇၀ ပေးပြီး ဇနီးကို သတ်ခိုင်းတယ်ဆိုတဲ့အမှု အမိန့်ချလိုက်ပြီ


သိန်း ၇၀ ပေးပြီး ဇနီးကို သတ်ခိုင်းတယ်ဆိုတဲ့အမှုနဲ့ပတ်သက်ပြီး တရားခံသုံးဦးကို အနောက်ပိုင်းခရိုင်တရားရုံးက ပြစ် ဒဏ်အသီးသီးချမှတ်ခဲ့ပါတယ်။

အဆိုပါအမှုဟာ ၂၀၁၅ ခုနှစ် ဇွန်လ ၇ ရက်နေ့က လသာမြို့နယ်မှာ ဖြစ်ပွားခဲ့တာဖြစ်ပြီး တရားခံကျော်မင်းထွေး(ခ) ဖက် တီးဟာ ဇနီးဖြစ်သူနဲ့ အိမ်ထောင်ရေးအဆင်မပြေတာကြောင့် တရားရုံးမှာ ကွာရှင်းဖို့ တရားရင်ဆိုင်နေရချိန်မှာ လူမိုက် ငှားရမ်းခဲ့တာ ဖြစ်ပါတယ်။

အမှုစစ်ဆေး ပေါ်ပေါက်ချက်အရ ပြစ်မှုကျူးလွန်ကြောင်း ထင်ရှားတာကြောင့် တရားခံသိန်းထွန်းအောင်ကို ရာဇသတ် ကြီးဥပဒေပုဒ်မ ၃၀၇ အရ အလုပ်နဲ့ ထောင်ဒဏ် ၁၀ နှစ်၊ ပုဒ်မ ၃၂၆ အရ အလုပ်နဲ့ ထောင်ဒဏ်ရှစ်နှစ် ကျခံစေဖို့ အမိ န့်ချမှတ်ခဲ့ပြီး ပြစ်ဒဏ်နှစ်ခုကို တစ်ပေါင်းတည်း ကျခံရမှာဖြစ်တယ်လို့ Kumudra ရဲ့ သတင်းတစ်ရပ်မှာ ဖော်ပြထားပါ တယ်။

တရားခံ မျိုးသိန်းကိုတော့ ရာဇသတ်ကြီးဥပဒေပုဒ်မ ၃၀၇/ ၁၀၉ အရ အလုပ်နဲ့ထောင်ဒဏ်ရှစ်နှစ်နဲ့ ပုဒ်မ ၃၂၆/၁၀၉ အရ အလုပ်နဲ့ ထောင်ဒဏ်ခြောက်နှစ်ကို တစ်ပေါင်းတည်း ကျခံစေဖို့ အမိန့်ချခဲ့တာ ဖြစ်ပါတယ်။ တရားခံ ကျော်မင်းထွေး (ခ) ဖက်တီးကိုလည်း တရားခံမျိုးသိန်းရဲ့ပုဒ်မတွေအတိုင်း ပြစ်ဒဏ်တူ ချမှတ်ခဲ့ပါတယ်။

တရားခံ ကျော်မင်းထွေး (ခ) ဖက်တီးကို ဇနီးသည်အား လက်ကျိုးအောင်ရိုက်မှုနဲ့ ပတ်သက်ပြီး ပြစ်မှုကျူးလွန်ကြောင်း ထင်ရှားတာကြောင့် မန္တလေးတိုင်းဒေသကြီးအတွင်းက မဟာအောင်မြေမြို့နယ် တရားရုံးက ထောင်ဒဏ်နှစ်နှစ် ချမှ တ်ထားတာလည်း ဖြစ်ပါတယ်။

Photos & Source: Kumudra, လူမွန်

No comments:

Post a Comment