Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Tuesday, April 18, 2017

ဘုရားဖူးမော်တော်ယာဉ်တစ်စီး လမ်းချော်၍ လမ်းဘေးရှိ ဓါတ်တိုင်အား တည့်တည့် ဝင်ရောက်တိုက်မိ



သုဝဏ္ဏဝတီမြို့ ဧပြီ ၁၈

မွန်ပြည်နယ် သထုံမြို့နယ် သုဝဏ္ဏဝတီမြို့ ဒုံဝန်းကျေးရွာအုပ်စု ကမာစိုင်ကျေးရွာအနီး၌ ဧပြီ ၁၈ ရက် နံနက် ၅နာရီခွဲ အချိန်ခန့်က ဘုရားဖူးမော်တော်ယာဉ်တစ်စီး လမ်းချော်၍ လမ်းဘေးရှိ ဓါတ်တိုင်အား တည့်တည့် ဝင်ရောက်တိုက်မိကြောင်း သိရသည် ။


အခင်းဖြစ်ရာသို့ ဒုံဝန်းရဲစခန်းမှ ရဲကင်းမှူး ရဲအုပ်စံရွှေထွန်း နှင့်တာဝန်ရှိသူများ သွားရောက်စစ်ဆေးရာ ရန်ကုန် - မော်လမြိုင် အဝေးပြေးကားလမ်းမ ပေါ်ရှိ တံတားအမှတ် (၂/၁၃၄) အနီး၌ သထုံမြို့ဘက်မှ ဘီးလင်းမြို့ဘက်သို့ ယာဉ်မောင်း ဦးမျိုးမင်း (ရွှေပြည်ရန်အောင်ရပ်ကွက် ပျော်ဘွယ်မြို့) မောင်းနှင်လာသည့် Hijet အမျိုးအစား အဖြူရောင်ယာဉ် အမှတ် MDY.9M/3673 မော်တော်ယာဉ်သည် အဆိုပါနေရာအရောက်တွင် အိပ်ငိုက်သွား၍ လမ်းဘေးရှိ 33 KV သထုံ-ဘီးလင်း ဓါတ်အားလိုင်းအား ဝင်ရောက်တိုက်မိပြီး ယာဉ်ပေါ်လိုက်ပါလာသူ ၈ ဦးအနက် ၃ဦး ထိခိုက်ဒဏ်ရာ ( မစိုးရီမ်ရ) ရရှိသွားသဖြင့် သုဝဏ္ဏဝတီမြို့ ( Rescue ) အဖွဲ့များက သိမ်ဆိပ်တိုက်နယ်ဆေးရုံသို့ ကူညီပို့ဆောင်ပေးခဲ့ကြောင်း သိရသည် ။


 ပြတ်တောက်သွားသော လျှပ်စစ်ဓါတ်အားလိုင်းအား မြန်မာ့လျှပ်စစ်ဓါတ်အားဖြန့်ဖြူးရေးလုပ်ငန်းမှ အမြန်ဆုံး လျှပ်စစ်မီးပြန်လည်ရရှိရန် ဆောင်ရွှက်နေပြီး ယာဉ်ကို ပေါ့ဆစွာမောင်းနှင်သူ ဦးမျိုးမင်း အား သိမ်ဆိပ်နယ်မြေရဲစခန်းမှ စစ်ဆေး ဆောင်ရွက်နေကြောင်း သိရသည် ။

ခွန်(ဝင်းပ)
Myanmaalinn
https://www.facebook.com/MYANMAALINNNEWS

No comments:

Post a Comment