Latest News

CREDIT

သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။

Wednesday, April 19, 2017

တက္ကသိုလ်ဝင်တန်း ဖြေဆိုထားသည့် ကျောင်းသူ တစ်ဦး ကျောက်တော်မြို့နယ်တွင် ကြိုးဆွဲချသေဆုံး


စစ်တွေ၊ ဧပြီ ၁၉

ရခိုင်ပြည်နယ် ကျောက်တော်မြို့နယ် ကန်စောက်ကျေးရွာတွင် ဧပြီလ ၁၉ ရက်နေ့ ယနေ့ နေ့လယ်ပိုင်းက အသက် ၁၆ နှစ်အရွယ် တက္ကသိုလ် ၀င်တန်း စာမေးပွဲ ဖြေဆိုထားသည့် မိန်းကလေးငယ်တစ်ဦး ကြိုးဆွဲချ သေဆုံးသွားကြောင်း သတင်း ရရှိသည်။

သေဆုံးသွားသည့်အမျိုးသမီးငယ်မှာ ကန်စောက်ကျေးရွာနေ ဦး လှထွန်းသာနှင့် ဒေါ်မအေးခင်တို့၏ သမီး မအေးအေးအောင် (၁၆ နှစ်)ဖြစ်သည်ဟု အပေါက်ဝရဲစခန်းမှူး ရဲအုပ်ဌေးဇော်က နိရဉ္စရာသို့ အတည်ပြု ပြောကြားသည်။

"အဲဒီကောင်မလေးဟာ ညတို့၊ နေ့ခင်းတို့မှာ သူငယ်ချင်းတွေနဲ့သွားပြီး ထမင်းချက်စားတယ်၊ ညအချိန်မတော်မှ အိမ်ကိုရောက်တော့ သူ့အမေက နည်းနည်းဆူတယ်တဲ့။ နင် အပျိုမလေး တစ်ယောက်မဟုတ်ဘူး။ ဒီလောက်တောင်မှ သွားရလားဆိုပြီး ဆူတယ်၊ အမေတစ်ယောက်အနေနဲ့ ပြောဆိုဆုံးမတာကို သူက စိတ်ဆိုးပြီးတော့ ဒီကနေ့ မနက် ထမင်းစားပြီးကတည်းကနေ အိမ်ပေါ်က မဆင်းဘူးတဲ့။ သူငယ်ချင်းတွေက လာခေါ်တော့ သူ့အစ်မက အိမ်အပေါ်ကို တက်ကြည့်တော့ အိမ်နောက်ဖေးအခန်းမှာ ဆားဗစ်ဝိုင်ယာကြိုးနဲ့ ကြိုးဆွဲချပြီးသေနေတာတွေ့တာပဲလို့ပြောပါတယ်"ဟု အပေါက်ဝရဲစခန်းမှူး ရဲအုပ်ဌေးဇော်က နိရဉ္စရာသို့ပြောသည်။

သေဆုံးသွားသည့်အမျိုးသမီးငယ်မှာ ကန်စောက်အထက်တန်းကျောင်းတွင် တက္ကသိုလ်ဝင်တန်း ဖြေဆိုထားသူတစ်ဦးဖြစ်ပြီး သူ့အလောင်းအား လက်ရှိတွင် အပေါက်ဝ တိုက်နယ်ဆေးရုံ၌ ထိန်းသိမ်းထားသည်ဟု သိရသည်။

ယခုဖြစ်စဉ်နှင့်ပတ်သက်ပြီး အပေါက်ဝရဲစခန်းတွင် သေမှုသေခင်းအမှတ် ၃/၂ဝ၁၇ ဖြင့် အမှုဖွင့်ထားသည်ဟုလည်း စခန်းမှူးက ပြောသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara

No comments:

Post a Comment