နာဂဒေသမှာ ချောင်းဆိုးပြီး လူ ၁၄ ဦးသေဆုံး


နာဂကိုယ်ပိုင်အုပ်ချုပ်ခွင့်ဒေသအတွင်း ရွာတရွာမှာ အပြင်းအထန်ချောင်းဆိုးရောဂါကြောင့် ကလေးတစ်ဦးအပါအ၀င် လူ ၁၄ ဦးသေဆုံးသွားပါတယ်။

သေဆုံးသူအများစုမှာ သက်ကြီးပိုင်းတွေဖြစ်ကြပြီး ဘာကြောင့်ဖြစ်တယ် ဆိုတာတော့ကျမ်းမာရေးဝန်ထမ်းတွေ မသွားနိုင်သေးတာကြောင့် အတိအကျမသိရသေးဘူးလို့နာဂကိုယ်ပိုင်အုပ်ချုပ်ခွင့်ဒေသဥက္ကဌ ဦးကေစိုင်းက ပြောပါတယ်။

ရောဂါဖြစ်ပွားတဲ့ ရွာဟာ တွေးထွေနောက်ကုန်းအုပ်စုလောနောကုန်းကုန်းရွာမှာဖြစ်ပြီး ဖေဖော်ဝါရီိလကုန်ပိုင်းနဲ့ မတ်လဆန်းပိုင်းတွေမှာသေဆုံးခဲ့တာလို့ ဥက္ကဌ ဦးကေစိုင်းက ပြောပါတယ်။

"အရင်ကတော့မဖြစ်ဘူးဗျ၊ ကပ်ရောဂါသဘောမျိုးလည်းမဟုတ်ဘူး၊ ပုံမှန်ဖြစ်တဲ့အနေအထားပဲထင်တယ်၊ ပြောပုံအရတော့ ချောင်းဆိုးတယ်၊ ရင်ကြပ်တယ်အဲ့ပုံစံမျိုး၊ နောက်လေပြွန်ရောင်တဲ့ရောဂါပုံစံမျိုးပေါ့၊ လူကြီးပိုင်းတွေများပါတယ်၊ ကလေးက ၂ နှစ်ကျော်ကျော် တစ်ယောက်ပါပါတယ်"

ခုလိုရောဂါဖြစ်ပွားတာကို မတ်လ၂ ရက်နေ့ကမှ သတင်းရရှိတာဖြစ်ပြီးရှေ့ပြေးအဖွဲ့တဖွဲ့ စေလွတ်ထားတယ်လို့ ဆိုပါတယ်။ ဒီကနေ့ မတ်လ ၄ ရက်နေ့မှာကျန်းမာရေးဌာနက ဆရာဝန်ဆရာမများသွားရောက်ဖို့ရှိပါတယ်။ ခုလိုရောဂါဖြစ်ပွားမူကိုအနီးအနားရွာတွေမှာ သတင်းမကြားရသေးဘူးလို့ ဆိုပါတယ်။

လောနေကုန်းကုန်းရွာဟာ လဟယ်မြို့က နေ မိုင် ၅၀ ခန့်ဝေးပြီး မော်တော်ဆိုင်ကယ်နဲ့သွားလာနိုင်တယ်လို့ ဥက္ကဌ ဦးကေစိုင်းကပြောပါတယ်။

RFA Burmese
http://www.rfa.org/burmese
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)