အမ်ပီသရီးဘက္ထရီ အားသွင်းထားရာမှ အပူလွန်ကဲပြီး မီးလောင်မှုဖြစ်ပွား



တောင်တွင်းကြီး စက်တင်ဘာ (၉)

မကွေးတိုင်းဒေသကြီး၊ တောင်တွင်းကြီးမြို့တွင် အမ်ပီသရီးဘက္ထရီအားသွင်းထားရာမှ အပူလွန်ကဲပြီး မီးလောင်မှုတစ်ခု ယနေ့ စက်တင်ဘာ(၉)ရက် နံနက် (၁)နာရီ (၅၅)မိနစ်အချိန်ခန့်က ဖြစ်ပွားခဲ့ကြောင်း သိရသည် ။

အဆိုပါ မီးလောင်မှု ဖြစ်ပွားသည့်နေရာမှာ အုန်းတော(၂)ရပ်ကွက် ၊ ထနောင်းရိပ်လမ်းနေ (ဘ) ဦးစန်းမြင့်၏သမီး (သ)၃၈ နှစ်ရှိ ဒေါ်ဖြူဖြူထိုက် ပိုင်ဆိုင်သော အုန်းတော(၁)ရပ်ကွက် ၊ အပိုင်း(၄) ၊ ပြည်လမ်း ၊ အိမ်အမှတ်(၂၉၄)ရှိ တံခွန်ထမင်းဆိုင်တွင်ဖြစ်ပြီး အမ်ပီသရီးဘက္ထရီ အားသွင်းထားရာမှ အပူလွန်ကဲပြီး (၃)ပင်ပတ်လည် ၊ အုတ်ညှပ် ၊ သွပ်မိုး ၊ နှစ်ထပ်အဆောက်အဦးတစ်လုံး၏ အတွင်းပိုင်း မီးလောင်မှုဖြစ်ပွားခဲ့ခြင်းဖြစ်ကြောင်း မှတ်တမ်းများအရ သိရသည် ။


မီးလောင်မှုဖြစ်ပွားရာသို့ မြို့နယ်အုပ်ချုပ်ရေးမှူး ဦးသိန်းဇော်ဝင်း ၊ မြို့နယ်ရဲတပ်ဖွဲ့မှူး ယာယီရဲမှူး ၀င်းနိုင်မော် ၊ မြို့နယ်မီးသတ်ဦးစီးမှူး ဦးမောင်မောင်ထွေးနှင့် သန္ဓေမီးသတ်တပ်ဖွဲ့ဝင်(၁၈)ဦး၊
အရန်မီးသတ် ဒုတိယတပ်ရင်းမှူး ဦးရဲမြင့်မောင်နှင့် တပ်ဖွဲ့ဝင်(၅၀)ဦး၊ မီးသတ်ယာဉ်(၇)စီး၊ ရေသယ်ယာဉ် (၁)စီးနှင့် ဒေသခံပြည်သူများ ၀ိုင်းဝန်းငြိမ်းသတ်ခဲ့ကြ သဖြင့် နံနက် (၂)နာရီ (၅)မိနစ်အချိန်ခန့် မီးညွန့်ကျိုးခဲ့ပြီး (၂)နာရီ (၂၅)မိနစ်အချိန်ခန့်တွင် မီး လုံးဝငြိမ်းသတ်နိုင်ခဲ့ကြောင်း သိရသည် ။


မီးလောင်မှုဖြစ်ပွားစဉ်အတွင်း အဆိုပါဈေးဆိုင်တွင် အလုပ်လုပ်ကိုင်ပြီး ညအိပ်နေထိုင်သူ(၄)ဦးအနက် ရွှေအိုး(၁)ရပ်ကွက် ၊ စိန်ရတနာဆီစက်လမ်းနေ (ဘ) ဦးမောင်သူ၏ သမီး (သ) ၂၂ နှစ်ရှိ မဇင်မာနှင်းသည် နေအိမ်အပေါ်ထပ် ပြူတင်းပေါက်မှ ခုန်ချစဉ် ခါးနာဒဏ်ရာ ( မစိုးရိမ်ရ ) ရရှိကာ မြို့နယ်ပြည်သူ့ဆေးရုံတွင် ဆေးကုသမှုခံယူလျှက်ရှိပြီး အခြားလူနေအိမ် ၊ အဆောက်အဦးများသို့ ကူးစက်လောင်ကျွမ်းခြင်းမရှိခဲ့ကြောင်း ၊ ဆုံးရှုံးမှုတန်ဖိုး ငွေကျပ် ( ၄၅၀၀၀၀ိ /- ) ခန့်ဆုံးရှုံးခဲ့ရကြောင်းနှင့် မီးလောင်မှုနှင့်ပတ်သက်၍ ဈေးဆိုင်ပိုင်ရှင် ဒေါ်ဖြူဖြူထိုက်အား တောင်တွင်းကြီး မြို့မရဲတပ်ဖွဲ့စခန်း (ပ) ၁၂၄၂ / ၂၀၁၆ ၊ ပြစ်မှုဆိုင်ရာ ဥပဒေပုဒ်မ ၂၈၅ အရ အမှုတွဲဖွင့်လှစ် အရေးယူဆောင်ရွက်လျှက်ရှိကြောင်း သတင်းရရှိသည် ။

ဗိုလ်ပြည့် ( တောင်တွင်းကြီး )
https://www.facebook.com/bopyae.taungdwingyi
Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)