ဗုိလ္ခ်ဳပ္မွဴးႀကီး မင္းေအာင္လႈိင္ ထုိင္းႏုိင္ငံခ်စ္ၾကည္ေရးခရီးထြက္

ဗိုလ္ခ်ဳပ္မွဴးႀကီးမင္းေအာင္လိႈင္ ထိုင္းႏိုင္ငံသို႔ ထြက္ခြာ (FB-Senior General Min Aung Hlaing)
တပ္မေတာ္ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီးမင္းေအာင္လိႈင္ ဦးေဆာင္တဲ့ တပ္မေတာ္ ခ်စ္ၾကည္ေရးကိုယ္စားလွယ္အဖြဲ႔ ခ်စ္ၾကည္ေရးခရီးစဥ္တခုနဲ႔ ဒီကေန႔ ထုိင္းႏုိင္္ငံကို ထြက္ခြာသြားတယ္လို႔ ဗိုလ္ခ်ဳပ္မွဴးႀကီးမင္းေအာင္လိႈင္ရဲ႕ တရား၀င္ ေဖ့စ္ဘုတ္ စာမ်က္ႏွာမွာ ေဖာ္ျပထားပါတယ္။ ထိုင္းဘုရင့္တပ္မေတာ္ ကာကြယ္ေရးဦးစီးခ်ဳပ္ ဗိုလ္ခ်ဳပ္ႀကီး Sommai Kaotira ရဲ႕ဖိတ္ၾကား ခ်က္နဲ႔ သြားတာလို႔ ဆုိပါတယ္။

ခရီးစဥ္ဟာ ဘယ္ႏွရက္ၾကာမယ္ဆိုတာ အဲဒီသတင္းထဲမွာ ေဖာ္ျပမထားေပမဲ့ ျပည္တြင္းနဲ႔ေဒသတြင္းက တျခားသတင္းေတြမွာ ေတာ့ သံုးရက္ၾကာမယ္လို႔ ေဖာ္ျပၾကပါတယ္။ ခရီးစဥ္အတြင္း ထိုင္းႏုိင္ငံအစိုးရနဲ႔ ထိုင္းဘုရင့္တပ္မေတာ္တို႔က အႀကီးအကဲေတြနဲ႔ ေတြ႔ဆံုေဆြးေႏြးမယ္လုိ႔ ဗိုလ္ခ်ဳပ္မွဴးႀကီးရဲ႕ ေဖ့စ္ဘုတ္စာမ်က္ႏွာသတင္းမွာ ေဖာ္ျပထားပါတယ္။

ဗိုလ္ခ်ဳပ္မွဴးႀကီးမင္းေအာင္လိႈင္ဟာ ထိုင္းဘုရင့္အတိုင္ပင္ခံေကာင္စီဥကၠဌ ဗုိလ္ခ်ဳပ္ႀကီးေဟာင္း ပရမ္မ္တင္ ဆူလာႏြန္ဒါနဲ႔ ရင္းႏွီး ခင္မင္ၿပီး ဗိုလ္ခ်ဳပ္ႀကီးေဟာင္း ပရမ္မ္က ဗိုလ္ခ်ဳပ္မွဴးႀကီးမင္းေအာင္လိႈင္ကို သားအျဖစ္ ေမြးစားထားတယ္လုိ႔ သတင္းေတြမွာ ေရးသားေဖာ္ျပၾကတာေတြ ရွိဖူးပါတယ္။ ဒီအေတာအတြင္းမွာပဲ အေရွ႕ေတာင္အာရွႏိုင္ငံမ်ားအဖြဲ႔ ASEANက ကာကြယ္ေရး ဆုိင္ရာ တာ၀န္ရွိသူေတြရဲ႕ ႏွစ္စဥ္ အစည္း အေ၀းတရပ္ကို လက္ရွိအာဆီယံအလွည့္က်ဥကၠဌ လာအိုႏုိင္ငံ၊ ဗီယန္က်င္းၿမိဳ႕ေတာ္ မွာ ဒီကေန႔က်င္းပပါတယ္။ ေဒသတြင္း လံုျခံဳေရးမွာ ရင္ဆိုင္ေနရတဲ့စိန္ေခၚမႈေတြကို အခုအစည္းအေ၀းမွာ အဓိက ေဆြးေႏြးၾက မယ္လို႔ ခန္႔မွန္းၾကပါတယ္။ ဒါ့အျပင္ ေတာင္တ႐ုတ္ပင္လယ္ ေရပိုုင္နက္ အျငင္းပြားေနတဲ့ကိစၥဟာလည္း အဓိကေဆြးေႏြးမယ့္ အေၾကာင္းအရာထဲ ပါမယ္လုိ႔ ခန္႔မွန္းၾကပါတယ္။

  ဗြီအိုေအ (ျမန္မာပုိင္း)
http://burmese.voanews.com

..................................................


ဗိုလ်ချုပ်မှူးကြီးမင်းအောင်လှိုင် ထိုင်းနိုင်ငံသို့ ထွက်ခွာ (FB-Senior General Min Aung Hlaing)
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဦးဆောင်တဲ့ တပ်မတော် ချစ်ကြည်ရေးကိုယ်စားလှယ်အဖွဲ့ ချစ်ကြည်ရေးခရီးစဉ်တခုနဲ့ ဒီကနေ့ ထိုင်းနိုင််ငံကို ထွက်ခွာသွားတယ်လို့ ဗိုလ်ချုပ်မှူးကြီးမင်းအောင်လှိုင်ရဲ့ တရားဝင် ဖေ့စ်ဘုတ် စာမျက်နှာမှာ ဖော်ပြထားပါတယ်။ ထိုင်းဘုရင့်တပ်မတော် ကာကွယ်ရေးဦးစီးချုပ် ဗိုလ်ချုပ်ကြီး Sommai Kaotira ရဲ့ဖိတ်ကြား ချက်နဲ့ သွားတာလို့ ဆိုပါတယ်။

ခရီးစဉ်ဟာ ဘယ်နှရက်ကြာမယ်ဆိုတာ အဲဒီသတင်းထဲမှာ ဖော်ပြမထားပေမဲ့ ပြည်တွင်းနဲ့ဒေသတွင်းက တခြားသတင်းတွေမှာ တော့ သုံးရက်ကြာမယ်လို့ ဖော်ပြကြပါတယ်။ ခရီးစဉ်အတွင်း ထိုင်းနိုင်ငံအစိုးရနဲ့ ထိုင်းဘုရင့်တပ်မတော်တို့က အကြီးအကဲတွေနဲ့ တွေ့ဆုံဆွေးနွေးမယ်လို့ ဗိုလ်ချုပ်မှူးကြီးရဲ့ ဖေ့စ်ဘုတ်စာမျက်နှာသတင်းမှာ ဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်ဟာ ထိုင်းဘုရင့်အတိုင်ပင်ခံကောင်စီဥက္ကဌ ဗိုလ်ချုပ်ကြီးဟောင်း ပရမ်မ်တင် ဆူလာနွန်ဒါနဲ့ ရင်းနှီး ခင်မင်ပြီး ဗိုလ်ချုပ်ကြီးဟောင်း ပရမ်မ်က ဗိုလ်ချုပ်မှူးကြီးမင်းအောင်လှိုင်ကို သားအဖြစ် မွေးစားထားတယ်လို့ သတင်းတွေမှာ ရေးသားဖော်ပြကြတာတွေ ရှိဖူးပါတယ်။ ဒီအတောအတွင်းမှာပဲ အရှေ့တောင်အာရှနိုင်ငံများအဖွဲ့ ASEANက ကာကွယ်ရေး ဆိုင်ရာ တာဝန်ရှိသူတွေရဲ့ နှစ်စဉ် အစည်း အဝေးတရပ်ကို လက်ရှိအာဆီယံအလှည့်ကျဥက္ကဌ လာအိုနိုင်ငံ၊ ဗီယန်ကျင်းမြို့တော် မှာ ဒီကနေ့ကျင်းပပါတယ်။ ဒေသတွင်း လုံခြုံရေးမှာ ရင်ဆိုင်နေရတဲ့စိန်ခေါ်မှုတွေကို အခုအစည်းအဝေးမှာ အဓိက ဆွေးနွေးကြ မယ်လို့ ခန့်မှန်းကြပါတယ်။ ဒါ့အပြင် တောင်တရုတ်ပင်လယ် ရေပိုုင်နက် အငြင်းပွားနေတဲ့ကိစ္စဟာလည်း အဓိကဆွေးနွေးမယ့် အကြောင်းအရာထဲ ပါမယ်လို့ ခန့်မှန်းကြပါတယ်။

  ဗွီအိုအေ (မြန်မာပိုင်း)
http://burmese.voanews.com
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)