ျမစ္ေရတင္ လယ္ၾကားေျမာင္းအတြင္း အမ်ိဳးသားတစ္ဦး ဓါးဒါဏ္ ရာျဖင့္ ေသဆံုးမႈအား ေရတာရွည္ ရဲတပ္ဖြဲ႕မွ ရက္ပိုင္းအတြင္း ေဖၚထုတ္



ေရတာရွည္ ဧၿပီ ၂၆

ပဲခူးတိုင္းေဒသႀကီး၊ ေရတာရွည္ၿမိဳ႕ အေရွ႕ေတာင္ဘက္(၄)မိုင္ခန္႔အကြာရွိ အင္းဒိုင္းေက်းရြာ ေတာင္ဘက္ (၂)ဖာလံုခန္႔ ျမစ္ေရတင္ေျမာင္း နံေဘး ေရအိုင္ထဲတြင္ ဧၿပီ ၁၇ ရက္ေန႔ နံနက္ပိုင္းက ဓါးဒါဏ္ရာ မ်ားျဖင့္ ေသဆံုးေနေသာ လူသတ္မႈအား ၿမိဳ႕နယ္ရဲတပ္ဖြဲ႕မွဴး ဦးေဆာင္၍ ရက္ပိုင္းအတြင္း ျပစ္မႈက်ဴးလြန္သူ အား ေဖၚထုတ္ဖမ္းဆီးရမိခဲ့ေၾကာင္း သိရသည္။

ၿမိဳ႕နယ္ရဲတပ္ဖြဲ႕မွဴး ရဲမွဴးဥာဏ္ဝင္းႏွင့္အတူ ၿမိဳ႕မရဲစခန္းမွဴး ဒုရဲမွဴး ေက်ာ္ေဇယ် ဦးစီးအဖြဲ႕တို႔က အခင္းျဖစ္သည့္ေနရာအား သြားေရာက္စစ္ေဆးခဲ့ရာ ဓါးဒါဏ္ရာမ်ားျဖင့္ ေသဆံုးေနသူမွာ အင္ဒိုင္းေက်းရြာေန ဦးျမင့္ႀကိဳင္ (၅၆)ႏွစ္ဆိုသူျဖစ္ေၾကာင္း သိရကာ ဦးေခါင္း၊ မ်က္ႏွာ၊ လက္မ်ားတြင္ ဒါဏ္ရာ(၁၅)ခ်က္ ရရွိခဲ့ သည္ကို ေတြ႕ခဲ့ရၿပီး ေသြးစြန္းေနေသာ ႀကံခုတ္ဓါးမ အေကြးတစ္ေခ်ာင္းတို႔ကို ေတြ႕ရွိခဲ့သည္။

ေသဆံုးသူ ဦးျမင့္ႀကိဳင္သည္ အင္းဒိုင္းေက်းရြာ၏အေရွ႕ဘက္ တစ္မိုင္ခြဲ ခန္႔အကြာရွိ လယ္တဲ၌ ေနထိုင္ၿပီး ၄င္းတဲႏွင့္ အနီးဆံုးတဲတစ္တဲမွာ တစ္ရြာတည္းေန သန္းဦး(၄၈)ႏွစ္ဆိုသူျဖစ္ကာ ဧၿပီ ၁၆ ရက္ေန႔ ညေန(၆) နာရီခြဲအခ်ိန္ခန္႔က သန္းဦး၏တဲေပၚတြင္ ဦးျမင့္ႀကိဳင္၊ သန္းဦး၊ မ်ိဳးထြန္းဦးႏွင့္ နန္းသူေအာင္တို႔ ဝိုင္းဖြဲ႕ကာ အရက္ေသာက္စားခဲ့ၿပီးေနာက္ ဦးျမင့္ႀကိဳင္ႏွင့္ သန္းဦးတို႔ ရန္ျဖစ္စကားမ်ားခဲ့ေသးေၾကာင္း ၄င္းေနာက္မွ ဦးျမင့္ႀကိဳင္မွာ ရြာသို႔ ထမင္းစားရန္ ျပန္သြားခဲ့ျခင္းျဖစ္ေၾကာင္း သိရွိရ၍ ဝိုင္းဖြဲ႕အရက္ေသာက္ ရာတြင္ ပါဝင္ခဲ့သူမ်ားကို ရဲစခန္းသို႔ေခၚကာ ဆက္လက္စစ္ေဆးခဲ့သည္။

သန္းဦးက တဲေရွ႕တြင္ ေထာင္ထားသည့္ ေပါက္တူးႏွင့္ ဓါးမကို ဆြဲယူကာ တာေဘာင္အတိုင္း ဦးျမင့္ႀကိဳင္ ျပန္လာမည့္ လမ္းမွ ႀကိဳတင္ေစာင့္ဆိုင္းေနခ်ိန္ ဦးျမင့္ႀကိဳင္က ျမင္ေတြ႕သြားၿပီး ေအာ္ဟစ္ ဆဲဆို ကာ သန္းဦးထံသို႔ ေျပးလာကာ ဓါးျဖင့္ ခုတ္ခဲ့ေၾကာင္း၊ သန္းဦးမွ ေပါက္တူး ရိုးျဖင့္ ခုခံသျဖင့္ ဓါးလြတ္က်သြားရာ ဦးျမင့္ႀကိဳင္အား ဓါးျဖင့္ ဆက္တိုက္ ခုတ္ခဲ့ၿပီး တာေဘာင္ေျမာက္ဘက္ေဘးတြင္ လဲက်သြားစဥ္ ေပါက္တူးျဖင့္ ဆက္ခုတ္ခဲ့ရာမွ ေသဆံုးသြားခဲ့ၿပီး အေလာင္းအား အမ်ားသူငွာ ရုတ္တရက္ မျမင္ေတြ႕ႏိုင္ရန္ ေရေျမာင္း အတြင္းသို ေမွာက္လ်က္ အေန အထားျဖင့္ ထားခဲ့ျခင္းျဖစ္ေၾကာင္း စစ္ေဆးေပၚေပါက္ ခဲ့၍ ေရတာရွည္ၿမိဳ႕မ ရဲစခန္း က ျပစ္မႈက်ဴးလြန္သည့္ သန္းဦးအား (ပ)၉၁/၂၀၁၆ ပုဒ္မ ၃၀၂ ျဖင့္ အမႈဖြင့္အေရးယူထားေၾကာင္း သိရွိရသည္။

ေရတာရွည္(ျပန္/ဆက္)
MOI Webportal Myanmar
https://www.facebook.com/MOIWebportalMyanmar

......................................




ရေတာရှည် ဧပြီ ၂၆

ပဲခူးတိုင်းဒေသကြီး၊ ရေတာရှည်မြို့ အရှေ့တောင်ဘက်(၄)မိုင်ခန့်အကွာရှိ အင်းဒိုင်းကျေးရွာ တောင်ဘက် (၂)ဖာလုံခန့် မြစ်ရေတင်မြောင်း နံဘေး ရေအိုင်ထဲတွင် ဧပြီ ၁၇ ရက်နေ့ နံနက်ပိုင်းက ဓါးဒါဏ်ရာ များဖြင့် သေဆုံးနေသော လူသတ်မှုအား မြို့နယ်ရဲတပ်ဖွဲ့မှူး ဦးဆောင်၍ ရက်ပိုင်းအတွင်း ပြစ်မှုကျူးလွန်သူ အား ဖေါ်ထုတ်ဖမ်းဆီးရမိခဲ့ကြောင်း သိရသည်။

မြို့နယ်ရဲတပ်ဖွဲ့မှူး ရဲမှူးဉာဏ်ဝင်းနှင့်အတူ မြို့မရဲစခန်းမှူး ဒုရဲမှူး ကျော်ဇေယျ ဦးစီးအဖွဲ့တို့က အခင်းဖြစ်သည့်နေရာအား သွားရောက်စစ်ဆေးခဲ့ရာ ဓါးဒါဏ်ရာများဖြင့် သေဆုံးနေသူမှာ အင်ဒိုင်းကျေးရွာနေ ဦးမြင့်ကြိုင် (၅၆)နှစ်ဆိုသူဖြစ်ကြောင်း သိရကာ ဦးခေါင်း၊ မျက်နှာ၊ လက်များတွင် ဒါဏ်ရာ(၁၅)ချက် ရရှိခဲ့ သည်ကို တွေ့ခဲ့ရပြီး သွေးစွန်းနေသော ကြံခုတ်ဓါးမ အကွေးတစ်ချောင်းတို့ကို တွေ့ရှိခဲ့သည်။

သေဆုံးသူ ဦးမြင့်ကြိုင်သည် အင်းဒိုင်းကျေးရွာ၏အရှေ့ဘက် တစ်မိုင်ခွဲ ခန့်အကွာရှိ လယ်တဲ၌ နေထိုင်ပြီး ၄င်းတဲနှင့် အနီးဆုံးတဲတစ်တဲမှာ တစ်ရွာတည်းနေ သန်းဦး(၄၈)နှစ်ဆိုသူဖြစ်ကာ ဧပြီ ၁၆ ရက်နေ့ ညနေ(၆) နာရီခွဲအချိန်ခန့်က သန်းဦး၏တဲပေါ်တွင် ဦးမြင့်ကြိုင်၊ သန်းဦး၊ မျိုးထွန်းဦးနှင့် နန်းသူအောင်တို့ ဝိုင်းဖွဲ့ကာ အရက်သောက်စားခဲ့ပြီးနောက် ဦးမြင့်ကြိုင်နှင့် သန်းဦးတို့ ရန်ဖြစ်စကားများခဲ့သေးကြောင်း ၄င်းနောက်မှ ဦးမြင့်ကြိုင်မှာ ရွာသို့ ထမင်းစားရန် ပြန်သွားခဲ့ခြင်းဖြစ်ကြောင်း သိရှိရ၍ ဝိုင်းဖွဲ့အရက်သောက် ရာတွင် ပါဝင်ခဲ့သူများကို ရဲစခန်းသို့ခေါ်ကာ ဆက်လက်စစ်ဆေးခဲ့သည်။

သန်းဦးက တဲရှေ့တွင် ထောင်ထားသည့် ပေါက်တူးနှင့် ဓါးမကို ဆွဲယူကာ တာဘောင်အတိုင်း ဦးမြင့်ကြိုင် ပြန်လာမည့် လမ်းမှ ကြိုတင်စောင့်ဆိုင်းနေချိန် ဦးမြင့်ကြိုင်က မြင်တွေ့သွားပြီး အော်ဟစ် ဆဲဆို ကာ သန်းဦးထံသို့ ပြေးလာကာ ဓါးဖြင့် ခုတ်ခဲ့ကြောင်း၊ သန်းဦးမှ ပေါက်တူး ရိုးဖြင့် ခုခံသဖြင့် ဓါးလွတ်ကျသွားရာ ဦးမြင့်ကြိုင်အား ဓါးဖြင့် ဆက်တိုက် ခုတ်ခဲ့ပြီး တာဘောင်မြောက်ဘက်ဘေးတွင် လဲကျသွားစဉ် ပေါက်တူးဖြင့် ဆက်ခုတ်ခဲ့ရာမှ သေဆုံးသွားခဲ့ပြီး အလောင်းအား အများသူငှာ ရုတ်တရက် မမြင်တွေ့နိုင်ရန် ရေမြောင်း အတွင်းသို မှောက်လျက် အနေ အထားဖြင့် ထားခဲ့ခြင်းဖြစ်ကြောင်း စစ်ဆေးပေါ်ပေါက် ခဲ့၍ ရေတာရှည်မြို့မ ရဲစခန်း က ပြစ်မှုကျူးလွန်သည့် သန်းဦးအား (ပ)၉၁/၂၀၁၆ ပုဒ်မ ၃၀၂ ဖြင့် အမှုဖွင့်အရေးယူထားကြောင်း သိရှိရသည်။

ရေတာရှည်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)