ေမးခြန္းေပါက္ၾကားမႈ အေရးႀကီး အဆုိ မေကြးလႊတ္ေတာ္အတည္ျပဳ

ေမးခြန္းေပါက္ၾကားခဲ့တဲ့ မေကြးတုိင္း ရွစ္တန္းစာေမးပြဲ ေမးခြန္းလႊာကို ေတြ႕ရစဥ္
ၿပီးခဲ့တဲ့ ေဖေဖာ္၀ါရီလအတြင္း တစ္ႏုိင္ငံလံုးမွာ စစ္ေဆးခဲ့တဲ့ ၄ တန္း နဲ႔ ၈ တန္း အစိုးရစစ္ အတန္းတင္စာေမးပြဲ ေမးခြန္းေတြ မေကြးတိုင္းေဒသႀကီးမွာ ႀကိဳတင္ေပါက္ၾကားခဲ့တာနဲ႔ပတ္သက္တဲ့ အေရးႀကီးအဆိုအေပၚ တုိင္းေဒသႀကီး လူမႈေရး၀န္ႀကီးက တိုင္းေဒသႀကီးလႊတ္ေတာ္မွာ ဒီကေန႔ ျပန္လည္ေျဖၾကားဖို႔ ပ်က္ကြက္ခဲ့တာေၾကာင့္ ကိုယ္စားလွယ္ ၃ဦး ေဆြးေႏြးၿပီးေနာက္ အတည္ျပဳလိုက္ပါတယ္။

လႊတ္ေတာ္အစည္းအေ၀း အစီအစဥ္မွာ မေကြးတုိင္း လူမႈေရး၀န္ႀကီး လာေရာက္ေျဖၾကားဖို႔ လ်ာထားခ်က္ပါေပမယ့္ လႊတ္ေတာ္ကို တက္ေရာက္လာျခင္း မရွိခဲ့ဘူးလို႔ အဲဒီအေရးႀကီးအဆုိ တင္သြင္းခဲ့တဲ့ မင္းဘူးၿမိဳ႕နယ္ မဲဆႏၵနယ္ အမွတ္ (၂) တိုင္းေဒသႀကီးလႊတ္ေတာ္ကိုယ္စားလွယ္ ဦးေနမ်ိဳးေက်ာ္က ေျပာပါတယ္။

"ဒီလိုမ်ိဳးအေရးႀကီးအဆိုမွာပါဝင္တဲ့ က်ေနာ္တို႔ရဲ႕တိုက္တြန္းခ်က္အေပၚမွာ ဒီေန႔အစည္းအေဝးအစီအစဥ္မွာ မေကြးတိုင္းေဒသႀကီး ပညာေရးဌာနရဲ႕ဝန္ႀကီး က လာေရာက္ၿပီးေျဖဆိုဖို႔ အစီအစဥ္ပါေသာ္လည္း တိုင္းေဒသႀကီးအစိုးရရဲ႕ဝန္ႀကီး လာေရာက္ေျဖၾကားျခင္းမရွိတဲ့အတြက္ လႊတ္ေတာ္တစ္ရပ္လံုးရဲ႕ဆံုးျဖတ္ခ်က္ ကို လႊတ္ေတာ္ဥကၠဌကေတာင္းပါတယ္၊ ဒါဆိုရင္ ဒီအဆိုကိုအတည္ျပဳဖို႔ လႊတ္ေတာ္ကသေဘာတူပါလားလို႔ေျပာတဲ့အခါမွာ တပ္မေတာ္သားကိုယ္စားလွယ္ အပါအဝင္ လႊတ္ေတာ္ကိုယ္စားလွယ္ ၆၈ ဦးလံုးက အားလံုးသေဘာတူ အတည္ျပဳ တဲ့အတြက္ ဒီအဆိုက အတည္ျပဳပါတယ္"

တိုင္းေဒသႀကီးအစိုးရအဖဲြ႔မွာ လူမႈေရး၀န္ႀကီးက ပညာေရး၊ က်န္းမာေရး၊ လူမႈ၀န္ထမ္း ကယ္ဆယ္ေရးနဲ႔ ျပန္လည္ေနရာခ်ထားေရးဆုိင္ရာ လုပ္ငန္းေတြကို တာ၀န္ယူရတာ ျဖစ္တဲ့အတြက္ လူမႈေရး၀န္ႀကီးကို ဖိတ္ၾကားခဲ့တာျဖစ္တယ္လို႔ သိရပါတယ္။

အဲဒီအေရးႀကီးအဆိုကို ၿပီးခဲ့တဲ့ ေဖေဖာ္၀ါရီလ ၂၆ ရက္ေန႔က တုိင္းေဒသႀကီး လႊတ္ေတာ္မွာ ဦးေနမ်ဳိးေက်ာ္က တင္သြင္းခဲ့တာျဖစ္ပါတယ္။

ဒီေန႔ ေဆြးေႏြးရာမွာ စာေမးပဲြေမးခြန္းေတြေပါက္ၾကားတာနဲ႔ ပတ္သက္ၿပီး အမွန္တကယ္ အျပစ္က်ဴးလြန္သူေတြကို အေရးယူႏုိင္ဖို႔၊ ေနာက္ေနာင္ အလားတူ ကိစၥေတြ မေပၚေပါက္ေစဖို႔ ၊ အရန္ေမးခြန္းေတြ ျပင္ဆင္ထားဖို႔နဲ႔ လတ္တေလာ စစ္ေဆးအေရးယူမႈေတြကို ရွင္းလင္းအသိေပးဖို႔တို႔ကို ကိုယ္စားလွယ္ ၃ ဦးနဲ႔ အဆုိတင္သြင္းတဲ့ ကိုယ္စားလွယ္ ဦးေနမ်ဳိးေက်ာ္တုိ႔က လႊတ္ေတာ္မွာ တင္ျပခဲ့ၾကတယ္လို႔ သိရပါတယ္။

အဲဒီအဆုိကို လႊတ္ေတာ္ကိုယ္စားလွယ္အားလံုးက ေထာက္ခံတာေၾကာင့္ အတည္ျပဳလိုက္တာျဖစ္ပါတယ္။ ၄ တန္းနဲ႔ ၈ တန္း အစိုးရစစ္စာေမးပြဲကို ၿပီးခဲ့တဲ့ ေဖေဖာ္၀ါရီလ ၁၅ ရက္ေန႔ကေန ၂၀ ရက္ေန႔အထိ တစ္ႏုိင္ငံလံုးမွာ ျပဳလုပ္ခဲ့တာ ျဖစ္ပါတယ္။

RFA Burmese
http://www.rfa.org/burmese

.............................................................

မေးခွန်းပေါက်ကြားခဲ့တဲ့ မကွေးတိုင်း ရှစ်တန်းစာမေးပွဲ မေးခွန်းလွှာကို တွေ့ရစဉ်
ပြီးခဲ့တဲ့ ဖေဖော်ဝါရီလအတွင်း တစ်နိုင်ငံလုံးမှာ စစ်ဆေးခဲ့တဲ့ ၄ တန်း နဲ့ ၈ တန်း အစိုးရစစ် အတန်းတင်စာမေးပွဲ မေးခွန်းတွေ မကွေးတိုင်းဒေသကြီးမှာ ကြိုတင်ပေါက်ကြားခဲ့တာနဲ့ပတ်သက်တဲ့ အရေးကြီးအဆိုအပေါ် တိုင်းဒေသကြီး လူမှုရေးဝန်ကြီးက တိုင်းဒေသကြီးလွှတ်တော်မှာ ဒီကနေ့ ပြန်လည်ဖြေကြားဖို့ ပျက်ကွက်ခဲ့တာကြောင့် ကိုယ်စားလှယ် ၃ဦး ဆွေးနွေးပြီးနောက် အတည်ပြုလိုက်ပါတယ်။

လွှတ်တော်အစည်းအဝေး အစီအစဉ်မှာ မကွေးတိုင်း လူမှုရေးဝန်ကြီး လာရောက်ဖြေကြားဖို့ လျာထားချက်ပါပေမယ့် လွှတ်တော်ကို တက်ရောက်လာခြင်း မရှိခဲ့ဘူးလို့ အဲဒီအရေးကြီးအဆို တင်သွင်းခဲ့တဲ့ မင်းဘူးမြို့နယ် မဲဆန္ဒနယ် အမှတ် (၂) တိုင်းဒေသကြီးလွှတ်တော်ကိုယ်စားလှယ် ဦးနေမျိုးကျော်က ပြောပါတယ်။

"ဒီလိုမျိုးအရေးကြီးအဆိုမှာပါဝင်တဲ့ ကျနော်တို့ရဲ့တိုက်တွန်းချက်အပေါ်မှာ ဒီနေ့အစည်းအဝေးအစီအစဉ်မှာ မကွေးတိုင်းဒေသကြီး ပညာရေးဌာနရဲ့ဝန်ကြီး က လာရောက်ပြီးဖြေဆိုဖို့ အစီအစဉ်ပါသော်လည်း တိုင်းဒေသကြီးအစိုးရရဲ့ဝန်ကြီး လာရောက်ဖြေကြားခြင်းမရှိတဲ့အတွက် လွှတ်တော်တစ်ရပ်လုံးရဲ့ဆုံးဖြတ်ချက် ကို လွှတ်တော်ဥက္ကဌကတောင်းပါတယ်၊ ဒါဆိုရင် ဒီအဆိုကိုအတည်ပြုဖို့ လွှတ်တော်ကသဘောတူပါလားလို့ပြောတဲ့အခါမှာ တပ်မတော်သားကိုယ်စားလှယ် အပါအဝင် လွှတ်တော်ကိုယ်စားလှယ် ၆၈ ဦးလုံးက အားလုံးသဘောတူ အတည်ပြု တဲ့အတွက် ဒီအဆိုက အတည်ပြုပါတယ်"

တိုင်းဒေသကြီးအစိုးရအဖွဲ့မှာ လူမှုရေးဝန်ကြီးက ပညာရေး၊ ကျန်းမာရေး၊ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဆိုင်ရာ လုပ်ငန်းတွေကို တာဝန်ယူရတာ ဖြစ်တဲ့အတွက် လူမှုရေးဝန်ကြီးကို ဖိတ်ကြားခဲ့တာဖြစ်တယ်လို့ သိရပါတယ်။

အဲဒီအရေးကြီးအဆိုကို ပြီးခဲ့တဲ့ ဖေဖော်ဝါရီလ ၂၆ ရက်နေ့က တိုင်းဒေသကြီး လွှတ်တော်မှာ ဦးနေမျိုးကျော်က တင်သွင်းခဲ့တာဖြစ်ပါတယ်။

ဒီနေ့ ဆွေးနွေးရာမှာ စာမေးပွဲမေးခွန်းတွေပေါက်ကြားတာနဲ့ ပတ်သက်ပြီး အမှန်တကယ် အပြစ်ကျူးလွန်သူတွေကို အရေးယူနိုင်ဖို့၊ နောက်နောင် အလားတူ ကိစ္စတွေ မပေါ်ပေါက်စေဖို့ ၊ အရန်မေးခွန်းတွေ ပြင်ဆင်ထားဖို့နဲ့ လတ်တလော စစ်ဆေးအရေးယူမှုတွေကို ရှင်းလင်းအသိပေးဖို့တို့ကို ကိုယ်စားလှယ် ၃ ဦးနဲ့ အဆိုတင်သွင်းတဲ့ ကိုယ်စားလှယ် ဦးနေမျိုးကျော်တို့က လွှတ်တော်မှာ တင်ပြခဲ့ကြတယ်လို့ သိရပါတယ်။

အဲဒီအဆိုကို လွှတ်တော်ကိုယ်စားလှယ်အားလုံးက ထောက်ခံတာကြောင့် အတည်ပြုလိုက်တာဖြစ်ပါတယ်။ ၄ တန်းနဲ့ ၈ တန်း အစိုးရစစ်စာမေးပွဲကို ပြီးခဲ့တဲ့ ဖေဖော်ဝါရီလ ၁၅ ရက်နေ့ကနေ ၂၀ ရက်နေ့အထိ တစ်နိုင်ငံလုံးမှာ ပြုလုပ်ခဲ့တာ ဖြစ်ပါတယ်။

RFA Burmese
http://www.rfa.org/burmese

Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)