ကခ်င္ျပည္နယ္ ဝန္ႀကီးခ်ဳပ္သစ္ ျဖစ္လာနိုင္သူ (ကချင်ပြည်နယ် ဝန်ကြီးချုပ်သစ် ဖြစ်လာနိုင်သူ )


သယံဇာတ တူးေဖာ္မွု အပါအဝင္ ကိုင္တြယ္ ေျဖရွင္းရမယ့္ ကိစၥ အမ်ားႀကီးရွိေန
သမၼတနဲ႔ ျပည္နယ္တိုင္း ဝန္ႀကီးခ်ဳပ္ေတြ ဘယ္သူျဖစ္လာ မလဲလို႔ လူအမ်ား သိခ်င္ေနၾက ခ်ိန္မွာ ကခ်င္ျပည္နယ္ ဝန္ႀကီးခ်ဳပ္ အျဖစ္ လ်ာထားသူလို႔ သတင္းေတြ က်ယ္က်ယ္ ျပန္႔ျပန္႔ ထြက္ေနသူက ျမစ္ႀကီးနားၿမိဳ႕နယ္ မဲဆႏၵနယ္ အမွတ္ ၁ က NLD ပါတီရဲ့ ျပည္နယ္ လႊတ္ေတာ္ ကိုယ္စားလွယ္ ေဒါက္တာ ခက္ေအာင္ ျဖစ္ပါတယ္။

အသက္ ၆၈ ႏွစ္ အရြယ္ သြားဖက္ဆိုင္ရာ ဆရာဝန္ ေဒါက္တာ ခက္ေအာင္ဟာ ႀကံ့ခိုင္ဖြံ့ၿဖိဳးေရး ပါတီနဲ႔ မဟာမိတ္ျဖစ္တဲ့ ကခ်င္ျပည္နယ္ စည္းလုံးညီညြတ္ေရးနဲ႔ ဒီမိုကေရစီ ပါတီက လႊတ္ေတာ္ ကိုယ္စားလွယ္ေဟာင္း ဦးခက္ထိန္နန္ရဲ့ အစ္ကို ျဖစ္ပါတယ္။

ေဒါက္တာ ခက္ေအာင္ဟာ ေရြးေကာက္ပြဲ မတိုင္ခင္ကမွ NLD ပါတီထဲ ဝင္ခဲ့တာ ျဖစ္ၿပီး ပါတီဝင္ျဖစ္တာ သိပ္မၾကာေသး ေပမဲ့ NLD ကို ေထာက္ခံ အားေပးခဲ့သူ ျဖစ္တဲ့အျပင္ ၂၀၁၂ ခုႏွစ္က ေဒၚေအာင္ဆန္း စုၾကည္ရဲ့ တတိယ အႀကိမ္ ကခ်င္ျပည္နယ္ ခရီးစဥ္မွာ စတင္ တက္တက္ ႂကြႂကြ ပါဝင္ လွုပ္ရွားခဲ့တယ္လို႔ သူနဲ႔ တၿမိဳ႕တည္းသား ျမစ္ႀကီးနားၿမိဳ႕နယ္ မဲဆႏၵနယ္ အမွတ္၂ က ျပည္နယ္ လႊတ္ေတာ္ ကိုယ္စားလွယ္ ဦးေနဝင္းက ေျပာပါတယ္။

အဲဒီ အခ်ိန္က ေဒၚေအာင္ဆန္းစုၾကည္ရဲ့ ခရီးစဥ္ ျဖစ္ေျမာက္ေရးေကာ္မတီ ဥကၠဌ အျဖစ္ ေဆာင္ရြက္ခဲ့တယ္လို႔ လည္း သူက ေျပာပါတယ္။

ပါတီတြင္းမွာ နိုင္ငံေရးနဲ႔ ပတ္သက္တဲ့ လွုပ္ရွား ေဆာင္ရြက္မွုေတြ သိပ္မရွိလွေပမဲ့ ဘာသာေရး လူမွုေရးပိုင္းမွာ တက္တက္ႂကြႂကြ လုပ္ေဆာင္ခဲ့တာေတြ ရွိတယ္လို႔ လည္း သူက ဆိုပါတယ္။

တိုင္းရင္းသားေပါင္းစုံ စုေပါင္းေနထိုင္တဲ့ ကခ်င္ျပည္နယ္မွာ မူးယစ္ေဆးဝါးျပႆနာ၊ ၿငိမ္းခ်မ္းေရး ျပႆနာနဲ႔ သယံဇာတ တူးေဖာ္ေရး ဆိုင္ရာ ကိစၥေတြနဲ႔ ပတ္သက္လို႔ ကိုင္တြယ္ ေျဖရွင္းတဲ့အခါ ေဒါက္တာ ခက္ေအာင္ အေနနဲ႔ ဘယ္ေလာက္ လူပ္ေဆာင္နိုင္မလဲ ဆိုတာနဲ႔ ပတ္သက္လို႔ေတာ့ သူဟာ လူေတာ္ တစ္ေယာက္ ျဖစ္တဲ့ အတြက္ ပါတိရဲ့ ဦးေဆာင္မွု၊ မူဝါဒေတြ အတိုင္း လိုက္နာၿပီး ကိုင္တြယ္ ေဆာင္ရြက္နိုင္မယ္လို႔ ယုံၾကည္ေၾကာင္း ဦးေနဝင္းက ေျပာပါတယ္။

BBC Burmese
http://www.bbc.com/burmese
..................

သယံဇာတ တူးဖော်မှု အပါအဝင် ကိုင်တွယ် ဖြေရှင်းရမယ့် ကိစ္စ အများကြီးရှိနေ
သမ္မတနဲ့ ပြည်နယ်တိုင်း ဝန်ကြီးချုပ်တွေ ဘယ်သူဖြစ်လာ မလဲလို့ လူအများ သိချင်နေကြ ချိန်မှာ ကချင်ပြည်နယ် ဝန်ကြီးချုပ် အဖြစ် လျာထားသူလို့ သတင်းတွေ ကျယ်ကျယ် ပြန့်ပြန့် ထွက်နေသူက မြစ်ကြီးနားမြို့နယ် မဲဆန္ဒနယ် အမှတ် ၁ က NLD ပါတီရဲ့ ပြည်နယ် လွှတ်တော် ကိုယ်စားလှယ် ဒေါက်တာ ခက်အောင် ဖြစ်ပါတယ်။

အသက် ၆၈ နှစ် အရွယ် သွားဖက်ဆိုင်ရာ ဆရာဝန် ဒေါက်တာ ခက်အောင်ဟာ ကြံ့ခိုင်ဖွံ့ဖြိုးရေး ပါတီနဲ့ မဟာမိတ်ဖြစ်တဲ့ ကချင်ပြည်နယ် စည်းလုံးညီညွတ်ရေးနဲ့ ဒီမိုကရေစီ ပါတီက လွှတ်တော် ကိုယ်စားလှယ်ဟောင်း ဦးခက်ထိန်နန်ရဲ့ အစ်ကို ဖြစ်ပါတယ်။

ဒေါက်တာ ခက်အောင်ဟာ ရွေးကောက်ပွဲ မတိုင်ခင်ကမှ NLD ပါတီထဲ ဝင်ခဲ့တာ ဖြစ်ပြီး ပါတီဝင်ဖြစ်တာ သိပ်မကြာသေး ပေမဲ့ NLD ကို ထောက်ခံ အားပေးခဲ့သူ ဖြစ်တဲ့အပြင် ၂၀၁၂ ခုနှစ်က ဒေါ်အောင်ဆန်း စုကြည်ရဲ့ တတိယ အကြိမ် ကချင်ပြည်နယ် ခရီးစဉ်မှာ စတင် တက်တက် ကြွကြွ ပါဝင် လှုပ်ရှားခဲ့တယ်လို့ သူနဲ့ တမြို့တည်းသား မြစ်ကြီးနားမြို့နယ် မဲဆန္ဒနယ် အမှတ်၂ က ပြည်နယ် လွှတ်တော် ကိုယ်စားလှယ် ဦးနေဝင်းက ပြောပါတယ်။

အဲဒီ အချိန်က ဒေါ်အောင်ဆန်းစုကြည်ရဲ့ ခရီးစဉ် ဖြစ်မြောက်ရေးကော်မတီ ဥက္ကဌ အဖြစ် ဆောင်ရွက်ခဲ့တယ်လို့ လည်း သူက ပြောပါတယ်။

ပါတီတွင်းမှာ နိုင်ငံရေးနဲ့ ပတ်သက်တဲ့ လှုပ်ရှား ဆောင်ရွက်မှုတွေ သိပ်မရှိလှပေမဲ့ ဘာသာရေး လူမှုရေးပိုင်းမှာ တက်တက်ကြွကြွ လုပ်ဆောင်ခဲ့တာတွေ ရှိတယ်လို့ လည်း သူက ဆိုပါတယ်။

တိုင်းရင်းသားပေါင်းစုံ စုပေါင်းနေထိုင်တဲ့ ကချင်ပြည်နယ်မှာ မူးယစ်ဆေးဝါးပြဿနာ၊ ငြိမ်းချမ်းရေး ပြဿနာနဲ့ သယံဇာတ တူးဖော်ရေး ဆိုင်ရာ ကိစ္စတွေနဲ့ ပတ်သက်လို့ ကိုင်တွယ် ဖြေရှင်းတဲ့အခါ ဒေါက်တာ ခက်အောင် အနေနဲ့ ဘယ်လောက် လူပ်ဆောင်နိုင်မလဲ ဆိုတာနဲ့ ပတ်သက်လို့တော့ သူဟာ လူတော် တစ်ယောက် ဖြစ်တဲ့ အတွက် ပါတိရဲ့ ဦးဆောင်မှု၊ မူဝါဒတွေ အတိုင်း လိုက်နာပြီး ကိုင်တွယ် ဆောင်ရွက်နိုင်မယ်လို့ ယုံကြည်ကြောင်း ဦးနေဝင်းက ပြောပါတယ်။

BBC Burmese
http://www.bbc.com/burmese
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)