ျမစ္ဆံုစီမံကိန္း ျပန္စဖို႔ တ႐ုတ္ႀကိဳးပမ္းမည္


ကန္႔ကြက္ဆႏၵျပမႈေတြနဲ႔ အႀကီးအက်ယ္ ႀကံဳခဲ့ရၿပီးေနာက္ ရပ္ဆုိင္းထားခဲ့ရတဲ့ ကခ်င္ျပည္နယ္တြင္းက ျမစ္ဆုံေရကာတာ စီမံကိန္းကုိ အစုိးရသစ္ လက္ထက္ မွာ ျပန္စႏုိင္ေအာင္ တ႐ုတ္ႏုိင္ငံက ဆက္ႀကိဳးပမ္းသြားမယ့္အေၾကာင္း အဆင့္ျမင့္ သံတမန္ တဦးက ဒီကေန႔ပဲ ထပ္မံေျပာဆုိလုိက္ပါတယ္။ မၾကာေသးခင္ ရက္ေတြအတြင္း စီမံကိန္းျပန္စႏုိင္ေရး တ႐ုတ္အစုိးရ အဆင့္ျမင့္ အရာရွိေတြ ဆက္တုိက္ ဆုိသလုိ ေျပာဆုိမႈေတြ ထြက္ေပၚလာေနတဲ့အတြက္ အမ်ဳိးသား ဒီမုိကေရစီအဖဲြ႔ခ်ဳပ္ (NLD) ပါတီ ဦးေဆာင္မယ့္ အစုိးရအတြက္ စိန္ေခၚမႈတခု လည္း ျဖစ္လာႏုိင္ပါတယ္။ အေၾကာင္းစုံကုိေတာ့ ကုိေအာင္လြင္ဦး ကေျပာျပေပးမွာျဖစ္ပါတယ္။

ပတ္၀န္းက်င္ နဲ႔ ေဒသခံ လူမႈအသုိင္းအ၀ုိင္းကုိ ထိခုိက္ႏုိင္တယ္ဆုိၿပီး ကန္႔ကြက္မႈေတြ ေပၚေပါက္ခဲ့ၿပီးေနာက္ သမၼတဦးသိန္းစိန္ အစုိးရက ၂၀၁၁ ခုႏွစ္ကတည္းက ဆုိင္းငံ့ထားတဲ့ စီမံကိန္းကုိ ျပန္စဖုိ႔ အစုိးရသစ္နဲ႔ ေဆြးေႏြးမယ္လုိ႔ တ႐ုတ္ႏုိင္ငံက ထပ္ေျပာလုိက္တာ ျဖစ္ပါတယ္။ ေဒၚလာသန္းေပါင္း ၃,၆၀၀ အကုန္အက်ခံၿပီး တ႐ုတ္ႏုိင္ငံက ေဆာက္လုပ္မယ့္ စီမံကိန္းအတြက္ သေဘာတူညီခ်က္ေတြဟာ အခုအခ်ိန္အထိ မပ်က္ျပယ္ေသးဘူးလုိ႔လည္း တ႐ုတ္ဒုတိယႏုိင္ငံျခားေရး၀န္ႀကီး Liu Zhenmin က ေဘဂ်င္းၿမိဳ႕ သတင္းစာရွင္းလင္းပဲြမွာ ေျပာဆုိလုိက္တာပါ။

“၂၀၁၁ ခုႏွစ္မွာ ျမန္မာအစုိးရက စီမံကိန္းကုိ ရပ္လုိက္တာဟာ အင္မတန္မွ စိတ္မေကာင္းစရာပါ။ ဒါေပမဲ့လည္း စာခ်ဳပ္က အသက္၀င္ေနဆဲ ျဖစ္ပါတယ္။ စီမံကိန္း ေရွ႕ဆက္ႏုိင္ေအာင္ ပူးေပါင္းေဆာင္ရြက္ဖုိ႔က ၂ ႏုိင္ငံစလုံးအတြက္ အေရးႀကီးပါတယ္။ လက္ရွိအစုိးရအေနနဲ႔ စီမံကိန္းကုိ ျပန္စဖုိ႔ အခ်ိန္မရွိေတာ့ဘူးလုိ႔ ထင္ပါတယ္။ အစုိးရသစ္ တက္လာတဲ့ အခ်ိန္က်ရင္ေတာ့ စီမံကိန္းျပန္စႏုိင္ေအာင္ တ႐ုတ္အစုိးရက ဆက္ၿပီးေဆြးေႏြးသြားမွာပါ။”

ျမစ္ဆုံေရကာတာ စီမံကိန္း ရပ္ဆုိင္းထားရတဲ့အတြက္ နစ္နာမႈေတြ ရွိခဲ့တဲ့အေၾကာင္း တ႐ုတ္ႏုိင္ငံျခားေရး ၀န္ႀကီး Wang Yi ကလည္း ၿပီးခဲ့တဲ့ သီတင္းပတ္ထဲ ကပဲ ေျပာဆိုခဲ့သလုိ၊ ဒီမတုိင္ခင္မွာလည္း ျမန္မာႏုိင္ငံဆုိင္ရာ တ႐ုတ္ သံအမတ္ႀကီး က ျပန္စႏုိင္ဖုိ႔ ေျပာဆုိခဲ့တာပါ။ ဒါေပမဲ့လည္း ေရြးေကာက္ပဲြမွာ တခဲနက္ အႏုိင္ရခဲ့တဲ့ NLD အစုိးရသစ္ အေနနဲ႔ကေတာ့ လူထုရဲ႕ ဆႏၵကုိ အေလးထား စဥ္းစားဆုံးျဖတ္မွာ ျဖစ္တဲ့ အေၾကာင္း NLD ပါတီရဲ႕ ကခ်င္ျပည္နယ္ ဖားကန္႔ၿမိဳ႕နယ္ အမ်ဳိးသားလႊတ္ေတာ္ ကုိယ္စားလွယ္ ဦးခင္ေမာင္ျမင့္ ကေျပာပါတယ္။

“NLD က ေျပာေရးဆုိခြင့္ရွိတဲ့ ေဒါက္တာေဇာ္ျမင့္ေမာင္ ကေျပာၿပီေလ၊ ျပည္သူေတြ ရဲ႕ လုိလားခ်က္နဲ႔သာ လုပ္ပါမယ္ဆုိတာ သူေျပာၿပီေလ။ ဘာေၾကာင့္လဲဆုိေတာ့ တ႐ုတ္က လုပ္ခ်င္တုိင္း လုပ္လုိ႔မရေတာ့ဘူးေလ။ ဘာေၾကာင့္လဲဆုိေတာ့ လူထုေတြက မႀကိဳက္ဘူးဆုိရင္ေတာ့ ဒါကုိ လုပ္ဖုိ႔ေတာ့ NLD ကေတာ့ အစီအစဥ္ရွိမွာ မဟုတ္ပါဘူး။ တဖက္သတ္ က်ေနာ္တုိ႔ကုိေတာ့ ဒီလုိအႏုိင္က်င့္လုိ႔ ရမယ္ေတာ့ မထင္ပါဘူး။ ဘာျဖစ္လုိ႔လဲဆုိေတာ့ ႏုိင္ငံတကာ ဥပေဒေတြလည္းရွိတယ္။ က်ေနာ္တုိ႔ ေနာက္မွာလည္း ဟုိတုန္းကလုိ အစုိးရမဟုတ္ေတာ့ဘူး၊ က်ေနာ္တုိ႔ရဲ႕ အစုိးရေနာက္မွာလည္း ကမာၻတခုလုံး ရပ္တည္ေနၿပီဆုိေတာ့ ကမာၻတခုလုံး က်ေနာ္တုိ႔ ေျဖရွင္းတဲ့အထဲမွာ ပါလာမွာပဲေလ။”

ျမန္မာႏုိင္ငံအေပၚ ႏုိင္ငံေရး၊ စီးပြားေရးအရ ၾသဇာေညာင္းၿပီး အရင္စစ္အစုိးရေတြနဲ႔ ရင္းရင္းႏွီးႏွီးဆက္ဆံတယ္လုိ႔ အမ်ားက ယူဆထားတ့ဲ တ႐ုတ္ႏုိင္ငံ အေနနဲ႔ မၾကာေသးခင္ ႏွစ္ေတြကစလုိ႔ NLD နဲ႔ ဆက္ဆံေရး တည္ေဆာက္ႏုိင္ဖုိ႔ ႀကိဳးပမ္းတဲ့ လကၡဏာေတြလည္း ေတြ႔ရပါတယ္။ ၿပီးခဲ့တဲ့ႏွစ္ထဲမွာ တုန္းကလည္း NLD ပါတီ ဥကၠ႒ ေဒၚေအာင္ဆန္းစုၾကည္ ကုိ တ႐ုတ္သမၼတ Xi Jinping ေဘဂ်င္းၿမိဳ႕ေတာ္မွာ လက္ခံေတြ႔ဆုံခဲ့သလုိ၊ NLD က ေရြးခ်ယ္ထားတဲ့ ဦးထင္ေက်ာ္ ကုိ ဒီသီတင္းပတ္ထဲ သမၼတသစ္အျဖစ္ လႊတ္ေတာ္က တင္ေျမႇာက္လုိက္တဲ့ အေပၚမွာလည္း တ႐ုတ္သမၼတက ၀မ္းေျမာက္ဂုဏ္ယူေၾကာင္း ေျပာဆုိခဲ့တာပါ။ ျမန္မာအစုိးရသစ္နဲ႔ ဆက္ဆံေရး ခုိင္မာေအာင္ လုပ္ရမယ့္ အခ်ိန္မ်ဳိးမွာ တ႐ုတ္အစုိးရ အေနနဲ႔ ျမစ္ဆုံေရကာတာ စီမံကိန္း ျပန္စဖုိ႔ ဖိအားေပးလာမယ္ဆုိရင္ေတာ့ ထိခုိက္မႈေတြ ႀကံဳရႏုိင္တယ္လုိ႔ ျမန္မာ့ႏုိင္ငံေရး သုံးသပ္သူ ေဒါက္တာရန္မ်ဳိးသိမ္း က သတိေပးပါတယ္။

“က်ေနာ့္အျမင္ကေတာ့ေလ၊ ေဒၚေအာင္ဆန္းစုၾကည္ ရဲ႕ ေခါင္းေဆာင္မႈေအာက္မွာ ဖဲြ႔စည္းခဲ့တဲ့ သမၼတဦးထင္ေက်ာ္ ဦးေဆာင္တဲ့ အစုိးရအဖဲြ႔၊ တနည္းအားျဖင့္ ေျပာ ရင္ေတာ့ NLD အစုိးရအဖဲြ႔ လက္ထက္မွာ တ႐ုတ္ျပည္သူ႔ သမၼတႏုိင္ငံ အပါအ၀င္ ႏုိင္ငံတကာက စီမံကိန္းႀကီးေတြကုိ စနစ္တက် ျပန္လည္ သုံးသပ္ၿပီးေတာ့ ျပည္သူလူထုရဲ႕ ဆႏၵသေဘာထားနဲ႔အညီ ေဖာ္ေဆာင္တာမ်ဳိးကုိ စိစစ္ၿပီးေတာ့လုပ္ဖုိ႔ ျပင္ဆင္ေနၿပီလုိ႔ က်ေနာ္နားလည္တယ္။ အဲဒီအတြက္ေၾကာင့္မုိ႔လုိ႔ တ႐ုတ္ျပည္သူ႔ သမၼတႏုိင္ငံ အစုိးရနဲ႔ တ႐ုတ္ျပည္သူ႔ သမၼတႏုိင္ငံ ကုမၸဏီေတြ အေနနဲ႔ ဒီစီမံကိန္း လုပ္ငန္းေတြကုိ အစုိးရသစ္ လက္ထက္မွာ ဖိအားေပး၊ တြန္းအားေပး ေဆာင္ရြက္လာမယ္ဆုိရင္ ပထမအဆင့္ အေနနဲ႔ေတာ့ ျမန္မာျပည္သူ လူထု တရပ္လုံးနဲ႔ေတာ့ ထိပ္တုိက္ေတြ႔လာႏုိင္တဲ့ အေနအထားမ်ဳိး ရွိၿပီးေတာ့၊ အဲဒီကေန ဆက္စပ္ၿပီး တ႐ုတ္-ျမန္မာ ဆက္ဆံေရးပါ ထိခုိက္ပြန္းရွ လာႏုိင္တဲ့ အေနအထားမ်ဳိး ရွိတယ္လုိ႔ က်ေနာ္ကေတာ့ သုံးသပ္ပါတယ္။”

စစ္အစုိးရေတြ လက္ထက္မွာ သေဘာတူညီခ်က္ ရရွိခဲ့ၾကတဲ့ ျမစ္ဆုံစီမံကိန္း အပါအ၀င္ ျမန္မာႏုိင္ငံတြင္း တ႐ုတ္ႏုိင္ငံက ၀င္ေရာက္ လုပ္ကုိင္ေနတဲ့ စီမံကိန္းေတြဟာ ပြင့္လင္းျမင္သာမႈေတြ အားနည္းတယ္လုိ႔လည္း အမ်ားက ေထာက္ျပေနၾကတာပါ။ စစ္ကုိင္းတုိင္း မုံရြာခ႐ုိင္က လက္ပံေတာင္းေတာင္ ေၾကးနီစီမံကိန္း၊ ရခုိင္ျပည္နယ္ ေက်ာက္ျဖဴဆိပ္ကမ္းကေန တ႐ုတ္ႏုိင္ငံ ယူနန္ျပည္နယ္ထဲကုိ ေရနံနဲ႔ ဓာတ္ေငြ႔ ပုိက္လုိင္း ေဖာက္လုပ္မယ့္ စီမံကိန္းေတြမွာလည္း ေျမယာသိမ္းဆည္းမႈေတြ၊ ပတ္၀န္းက်င္ ထိခုိက္မႈေတြ ရွိတယ္ဆုိၿပီး ဆန္႔က်င္ကန္႔ကြက္မႈေတြနဲ႔ ႀကံဳေနရဆဲ ျဖစ္ပါတယ္။

ကိုေအာင္လြင္ဦး / ဗြီအုိေအ (ျမန္မာပုိင္း)
http://burmese.voanews.com/
.............


ကန့်ကွက်ဆန္ဒပြမှုတွေနဲ့ အကြီးအကျယ် ကြုံခဲ့ရပြီးနောက် ရပ်ဆိုင်းထားခဲ့ရတဲ့ ကချင်ပြည်နယ်တွင်းက မြစ်ဆုံရေကာတာ စီမံကိန်းကို အစိုးရသစ် လက်ထက် မှာ ပြန်စနိုင်အောင် တရုတ်နိုင်ငံက ဆက်ကြိုးပမ်းသွားမယ့်အကြောင်း အဆင့်မြင့် သံတမန် တဦးက ဒီကနေ့ပဲ ထပ်မံပြောဆိုလိုက်ပါတယ်။ မကြာသေးခင် ရက်တွေအတွင်း စီမံကိန်းပြန်စနိုင်ရေး တရုတ်အစိုးရ အဆင့်မြင့် အရာရှိတွေ ဆက်တိုက် ဆိုသလို ပြောဆိုမှုတွေ ထွက်ပေါ်လာနေတဲ့အတွက် အမျိုးသား ဒီမိုကရေစီအဖွဲ့ချုပ် (NLD) ပါတီ ဦးဆောင်မယ့် အစိုးရအတွက် စိန်ခေါ်မှုတခု လည်း ဖြစ်လာနိုင်ပါတယ်။ အကြောင်းစုံကိုတော့ ကိုအောင်လွင်ဦး ကပြောပြပေးမှာဖြစ်ပါတယ်။

ပတ်ဝန်းကျင် နဲ့ ဒေသခံ လူမှုအသိုင်းအဝိုင်းကို ထိခိုက်နိုင်တယ်ဆိုပြီး ကန့်ကွက်မှုတွေ ပေါ်ပေါက်ခဲ့ပြီးနောက် သမ္မတဦးသိန်းစိန် အစိုးရက ၂၀၁၁ ခုနှစ်ကတည်းက ဆိုင်းငံ့ထားတဲ့ စီမံကိန်းကို ပြန်စဖို့ အစိုးရသစ်နဲ့ ဆွေးနွေးမယ်လို့ တရုတ်နိုင်ငံက ထပ်ပြောလိုက်တာ ဖြစ်ပါတယ်။ ဒေါ်လာသန်းပေါင်း ၃,၆၀၀ အကုန်အကျခံပြီး တရုတ်နိုင်ငံက ဆောက်လုပ်မယ့် စီမံကိန်းအတွက် သဘောတူညီချက်တွေဟာ အခုအချိန်အထိ မပျက်ပြယ်သေးဘူးလို့လည်း တရုတ်ဒုတိယနိုင်ငံခြားရေးဝန်ကြီး Liu Zhenmin က ဘေဂျင်းမြို့ သတင်းစာရှင်းလင်းပွဲမှာ ပြောဆိုလိုက်တာပါ။

“၂၀၁၁ ခုနှစ်မှာ မြန်မာအစိုးရက စီမံကိန်းကို ရပ်လိုက်တာဟာ အင်မတန်မှ စိတ်မကောင်းစရာပါ။ ဒါပေမဲ့လည်း စာချုပ်က အသက်ဝင်နေဆဲ ဖြစ်ပါတယ်။ စီမံကိန်း ရှေ့ဆက်နိုင်အောင် ပူးပေါင်းဆောင်ရွက်ဖို့က ၂ နိုင်ငံစလုံးအတွက် အရေးကြီးပါတယ်။ လက်ရှိအစိုးရအနေနဲ့ စီမံကိန်းကို ပြန်စဖို့ အချိန်မရှိတော့ဘူးလို့ ထင်ပါတယ်။ အစိုးရသစ် တက်လာတဲ့ အချိန်ကျရင်တော့ စီမံကိန်းပြန်စနိုင်အောင် တရုတ်အစိုးရက ဆက်ပြီးဆွေးနွေးသွားမှာပါ။”

မြစ်ဆုံရေကာတာ စီမံကိန်း ရပ်ဆိုင်းထားရတဲ့အတွက် နစ်နာမှုတွေ ရှိခဲ့တဲ့အကြောင်း တရုတ်နိုင်ငံခြားရေး ၀န်ကြီး Wang Yi ကလည်း ပြီးခဲ့တဲ့ သီတင်းပတ်ထဲ ကပဲ ပြောဆိုခဲ့သလို၊ ဒီမတိုင်ခင်မှာလည်း မြန်မာနိုင်ငံဆိုင်ရာ တရုတ် သံအမတ်ကြီး က ပြန်စနိုင်ဖို့ ပြောဆိုခဲ့တာပါ။ ဒါပေမဲ့လည်း ရွေးကောက်ပွဲမှာ တခဲနက် အနိုင်ရခဲ့တဲ့ NLD အစိုးရသစ် အနေနဲ့ကတော့ လူထုရဲ့ ဆန္ဒကို အလေးထား စဉ်းစားဆုံးဖြတ်မှာ ဖြစ်တဲ့ အကြောင်း NLD ပါတီရဲ့ ကချင်ပြည်နယ် ဖားကန့်မြို့နယ် အမျိုးသားလွှတ်တော် ကိုယ်စားလှယ် ဦးခင်မောင်မြင့် ကပြောပါတယ်။

“NLD က ပြောရေးဆိုခွင့်ရှိတဲ့ ဒေါက်တာဇော်မြင့်မောင် ကပြောပြီလေ၊ ပြည်သူတွေ ရဲ့ လိုလားချက်နဲ့သာ လုပ်ပါမယ်ဆိုတာ သူပြောပြီလေ။ ဘာကြောင့်လဲဆိုတော့ တရုတ်က လုပ်ချင်တိုင်း လုပ်လို့မရတော့ဘူးလေ။ ဘာကြောင့်လဲဆိုတော့ လူထုတွေက မကြိုက်ဘူးဆိုရင်တော့ ဒါကို လုပ်ဖို့တော့ NLD ကတော့ အစီအစဉ်ရှိမှာ မဟုတ်ပါဘူး။ တဖက်သတ် ကျနော်တို့ကိုတော့ ဒီလိုအနိုင်ကျင့်လို့ ရမယ်တော့ မထင်ပါဘူး။ ဘာဖြစ်လို့လဲဆိုတော့ နိုင်ငံတကာ ဥပဒေတွေလည်းရှိတယ်။ ကျနော်တို့ နောက်မှာလည်း ဟိုတုန်းကလို အစိုးရမဟုတ်တော့ဘူး၊ ကျနော်တို့ရဲ့ အစိုးရနောက်မှာလည်း ကမ္ဘာတခုလုံး ရပ်တည်နေပြီဆိုတော့ ကမ္ဘာတခုလုံး ကျနော်တို့ ဖြေရှင်းတဲ့အထဲမှာ ပါလာမှာပဲလေ။”

မြန်မာနိုင်ငံအပေါ် နိုင်ငံရေး၊ စီးပွားရေးအရ သြဇာညောင်းပြီး အရင်စစ်အစိုးရတွေနဲ့ ရင်းရင်းနှီးနှီးဆက်ဆံတယ်လို့ အများက ယူဆထားတဲ့ တရုတ်နိုင်ငံ အနေနဲ့ မကြာသေးခင် နှစ်တွေကစလို့ NLD နဲ့ ဆက်ဆံရေး တည်ဆောက်နိုင်ဖို့ ကြိုးပမ်းတဲ့ လက္ခဏာတွေလည်း တွေ့ရပါတယ်။ ပြီးခဲ့တဲ့နှစ်ထဲမှာ တုန်းကလည်း NLD ပါတီ ဥက္ကဋ္ဌ ဒေါ်အောင်ဆန်းစုကြည် ကို တရုတ်သမ္မတ Xi Jinping ဘေဂျင်းမြို့တော်မှာ လက်ခံတွေ့ဆုံခဲ့သလို၊ NLD က ရွေးချယ်ထားတဲ့ ဦးထင်ကျော် ကို ဒီသီတင်းပတ်ထဲ သမ္မတသစ်အဖြစ် လွှတ်တော်က တင်မြှောက်လိုက်တဲ့ အပေါ်မှာလည်း တရုတ်သမ္မတက ၀မ်းမြောက်ဂုဏ်ယူကြောင်း ပြောဆိုခဲ့တာပါ။ မြန်မာအစိုးရသစ်နဲ့ ဆက်ဆံရေး ခိုင်မာအောင် လုပ်ရမယ့် အချိန်မျိုးမှာ တရုတ်အစိုးရ အနေနဲ့ မြစ်ဆုံရေကာတာ စီမံကိန်း ပြန်စဖို့ ဖိအားပေးလာမယ်ဆိုရင်တော့ ထိခိုက်မှုတွေ ကြံုရနိုင်တယ်လို့ မြန်မာ့နိုင်ငံရေး သုံးသပ်သူ ဒေါက်တာရန်မျိုးသိမ်း က သတိပေးပါတယ်။

“ကျနော့်အမြင်ကတော့လေ၊ ဒေါ်အောင်ဆန်းစုကြည် ရဲ့ ခေါင်းဆောင်မှုအောက်မှာ ဖွဲ့စည်းခဲ့တဲ့ သမ္မတဦးထင်ကျော် ဦးဆောင်တဲ့ အစိုးရအဖွဲ့၊ တနည်းအားဖြင့် ပြော ရင်တော့ NLD အစိုးရအဖွဲ့ လက်ထက်မှာ တရုတ်ပြည်သူ့ သမ္မတနိုင်ငံ အပါအဝင် နိုင်ငံတကာက စီမံကိန်းကြီးတွေကို စနစ်တကျ ပြန်လည် သုံးသပ်ပြီးတော့ ပြည်သူလူထုရဲ့ ဆန္ဒသဘောထားနဲ့အညီ ဖော်ဆောင်တာမျိုးကို စိစစ်ပြီးတော့လုပ်ဖို့ ပြင်ဆင်နေပြီလို့ ကျနော်နားလည်တယ်။ အဲဒီအတွက်ကြောင့်မို့လို့ တရုတ်ပြည်သူ့ သမ္မတနိုင်ငံ အစိုးရနဲ့ တရုတ်ပြည်သူ့ သမ္မတနိုင်ငံ ကုမ္ပဏီတွေ အနေနဲ့ ဒီစီမံကိန်း လုပ်ငန်းတွေကို အစိုးရသစ် လက်ထက်မှာ ဖိအားပေး၊ တွန်းအားပေး ဆောင်ရွက်လာမယ်ဆိုရင် ပထမအဆင့် အနေနဲ့တော့ မြန်မာပြည်သူ လူထု တရပ်လုံးနဲ့တော့ ထိပ်တိုက်တွေ့လာနိုင်တဲ့ အနေအထားမျိုး ရှိပြီးတော့၊ အဲဒီကနေ ဆက်စပ်ပြီး တရုတ်-မြန်မာ ဆက်ဆံရေးပါ ထိခိုက်ပွန်းရှ လာနိုင်တဲ့ အနေအထားမျိုး ရှိတယ်လို့ ကျနော်ကတော့ သုံးသပ်ပါတယ်။”

စစ်အစိုးရတွေ လက်ထက်မှာ သဘောတူညီချက် ရရှိခဲ့ကြတဲ့ မြစ်ဆုံစီမံကိန်း အပါအဝင် မြန်မာနိုင်ငံတွင်း တရုတ်နိုင်ငံက ၀င်ရောက် လုပ်ကိုင်နေတဲ့ စီမံကိန်းတွေဟာ ပွင့်လင်းမြင်သာမှုတွေ အားနည်းတယ်လို့လည်း အများက ထောက်ပြနေကြတာပါ။ စစ်ကိုင်းတိုင်း မုံရွာခရိုင်က လက်ပံတောင်းတောင် ကြေးနီစီမံကိန်း၊ ရခိုင်ပြည်နယ် ကျောက်ဖြူဆိပ်ကမ်းကနေ တရုတ်နိုင်ငံ ယူနန်ပြည်နယ်ထဲကို ရေနံနဲ့ ဓာတ်ငွေ့ ပိုက်လိုင်း ဖောက်လုပ်မယ့် စီမံကိန်းတွေမှာလည်း မြေယာသိမ်းဆည်းမှုတွေ၊ ပတ်ဝန်းကျင် ထိခိုက်မှုတွေ ရှိတယ်ဆိုပြီး ဆန့်ကျင်ကန့်ကွက်မှုတွေနဲ့ ကြံုနေရဆဲ ဖြစ်ပါတယ်။

ကိုအောင်လွင်ဦး / ဗွီအိုအေ (မြန်မာပိုင်း)
http://burmese.voanews.com/
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)