ဗိုလ်ချုပ်အောင်ဆန်း(၁၀၁)နှစ်ပြည့်နေ့ ပြည်သူလူထုထံသို့ ပေးပို့ပန်ကြားချက် (သူရရွှေမန်း)

★★★ ဗိုလ်ချုပ်အောင်ဆန်း(၁၀၁)နှစ်ပြည့်နေ့
------------------------------------------------
ပြည်သူလူထုထံသို့ ပေးပို့ပန်ကြားချက် ★★★
-------------------------------------------------

ချစ်ခင်လေးစားအပ်ပါသော ရဟန်းရှင်လူပြည်သူလူထုအပေါင်းခင်ဗျား -

❖ မြန်မာသက္ကရာဇ် ၁၂၇၆ ခုနှစ်၊ တပေါင်းလဆန်း ၁ ရက်နေ့ (ခရစ်နှစ် ၁၉၁၅ ခုနှစ်၊ ဖေဖော်ဝါရီလ ၁၃ ရက်၊ စနေနေ့) တွင် မကွေးခရိုင် နတ်မောက်မြို့၌ ဖွားမြင်ခဲ့သည့် မြန်မာလွတ်လပ်ရေးဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ မွေးနေ့မှာ ယခု ၂၀၁၆ ခုနှစ်၊ ဖေဖော်ဝါရီလ ၁၃ ရက်နေ့ဆိုလျှင် (၁၀၁)နှစ် တိုင်ခဲ့ပြီ ဖြစ်ပါသည်။

❖ မိမိတို့၏ လွတ်လပ်ရေးဗိသုကာ အမျိုးသားခေါင်းဆောင်ကြီးသည် မြန်မာနိုင်ငံလွတ်လပ်ရေး ကြိုးပမ်းစဉ်ကာလအတွင်း -

✔︎ ❝ ကျုပ်တို့ဟာ ခေတ်နဲ့ညီအောင် လုပ်တက်ရမယ်။ တိုင်းပြည်အကျိုးကို ရှေးရှုရမယ်။ လူတစ်ယောက်တလေ၊ တစ်ဖွဲ့တစ်ပါတီ မုန်းရုံနဲ့ ကိုယ်ထင်တာကို လုပ်လို့ မဖြစ်ဘူး။ တိုင်းပြည်နာမှာကို ကြည့်ရမယ် ❞ ဟူ၍ ၁၉၄၄ ခုနှစ်၊ ဇန်န၀ါရီလ ၆ ရက်နေ့၊ ဂျပန်ခေတ် ဗမာ့လွတ်လပ်ရေး နှစ်ပတ်လည်နေ့မိန့်ခွန်း တွင်လည်းကောင်း၊


✔︎ ❝ ကျွန်တော်တို့ မြန်မာပြည်အရေးဟာ မြန်မာပြည်သူပြည်သားတွေ၊ ခေါင်းဆောင်တဲ့သူတွေ ညီညွတ်စွာနဲ့ လုပ်တတ်မယ်၊ လုပ်မယ်ဆိုရင် အေးအေးဆေးဆေးနဲ့ ပြီးမြောက်နိုင်မယ်လို့ ကျွန်တော် ယုံကြည်တယ် ❞ ဟူ၍ ၁၉၄၅ ခုနှစ်၊ သြဂုတ်လ၌ ပြောကြားခဲ့သည့် မိန့်ခွန်းတွင်လည်းကောင်း၊

✔︎ ❝ အမျိုးသားညီညွတ်ရေးဆိုသည်မှာ ထိပ်ပိုင်းညီညွတ်ရေးကိုသာ ဆိုလိုခြင်းမဟုတ်။ လူမျိုးမရွေး၊ ဘာသာမရွေး၊ ကျား-မ မရွေး၊ ဂိုဏ်းဂဏ ပါတီမရွေး၊ အမျိုးသားတာဝန်နှင့် အမျိုးသား ရည်မှန်းချက်များအတွက် အပြောနှင့်သာမဟုတ်၊ အလုပ်တွင်ပါ ညီညွတ်သော ညီညွတ်ရေးကို ဆိုလိုခြင်းဖြစ်သည် ❞ ဟူ၍ ၁၉၄၆ ခုနှစ်၊ ဇန်နဝါရီလ ၂၀ ရက်တွင် ဖဆပလ ပထမကွန်ဂရက်တွင် ပြောကြားသောမိန့်ခွန်း တွင်လည်းကောင်း၊

✔︎ ❝ ညီညွတ်ရေးဟာ အင်္ဂလိပ်လို ပြောမယ်ဆိုရင်တော့ (Historical Necessity) အချိန်အခါအလိုက် ဒီတိုင်းပြည် ဒီလူမျိုးရဲ့အကျိုးကို အကြီးဆုံးဆောင်ရွက်နိုင်မယ့် လက်နက်ကြီး ဖြစ်နေတယ်။ အဲဒီတော့ ညီညွတ်ရေးမျိုးရအောင်လုပ်ရမယ် ❞ ဟူ၍ ၁၉၄၆ ခုနှစ်၊ ဇန်န၀ါရီ ၂၃ ရက်နေ့၊ ဖ.ဆ.ပ.လ ပြည်လုံးကျွတ်ညီလာခံ၌ပြောကြားခဲ့သည့် မိန့်ခွန်းတွင်လည်းကောင်း၊

✔︎ ❝ တစ်တိုင်းပြည်လုံးကြီးပွားစေချင်ရင် လူအား၊ ငွေအား၊ ပစ္စည်းအားနဲ့ပေါင်းပြီး အင်တိုက်အားတိုက် လုပ်နိုင်မှ အကျိုးခံစားခွင့် ရှိကြမှာပဲ။ ဗမာကတစ်မျိုး၊ ကရင်က တစ်ဖုံ၊ ရှမ်း၊ ကချင်၊ ချင်းတို့က တခြား အကွဲကွဲအပြားပြား လုပ်နေကြရင် အကျိုးရှိမှာ မဟုတ်ဘူး။ စုပေါင်းလုပ်ကြမှသာ အကျိုးရှိနိုင်မယ်။ လုပ်ကြည့်မှလည်း အကျိုးရှိကြောင်း သိနိုင်တယ် ❞ ဟူ၍ ၁၉၄၇ ခုနှစ်၊ ဖေဖော်ဝါရီ ၁၁ ရက်ည၊ ပင်လုံမြို့၊ စော်ဘွားများ ထမင်းစားပွဲ၌ ပြောကြားခဲ့သည့် မိန့်မှာချက်တွင်လည်းကောင်း၊

✔︎ ❝ လူတွေကတင်မြှောက်ပြီး၊ လူတွေရဲ့အကျိုးကိုလုပ်တဲ့.. လူတွေရဲ့အစိုးရသာလျှင် ဒီမိုကရေစီ ဖြစ်နိုင်မယ် ❞ ဟူ၍ ၁၉၄၇ ခုနှစ်၊ မေလ ၁၉ ရက်နေ့ ဂျူဗလီဟော၌ ပြောကြားခဲ့သည့် မိန့်ခွန်းတွင်လည်းကောင်း၊

❖ ယနေ့တိုင် မြန်မာပြည်သူလူထု၏ ရင်တွင်းနှလုံးသား၌ စွဲမြဲစေခဲ့သော လိုက်နာမှတ်သားဖွယ်ရာ ဆိုဆုံးမစကားများပါဝင်သည့် မိန့်ခွန်းပေါင်းများစွာကို ပြောကြားခဲ့ပါသည်။

❖ ကျွန်ုပ်တို့သည် မြန်မာ့လူ့အဖွဲ့အစည်းအတွင်း လွတ်လပ်မှုနှင့် တာဝန်ရှိမှုကို ဟန်ချက်ညီညီ ကျင့်သုံးသည့် ဒီမိုကရေစီကျင့်စဉ်များ ထွန်းကားစေရေးအတွက် ကြိုးပမ်းဆောင်ရွက်လျက်ရှိပြီး၊ ဗိုလ်ချုပ်၏၀ါဒကို ဖော်ဆောင်နေပါသည်။

❖ ကျွန်ုပ်တို့သည် ဗိုလ်ချုပ်ကို ချစ်ခင်လေးစားကြသည်နှင့်အညီ တိုင်းရင်းသားစည်းလုံးညီညွတ်ရေး၊ အမျိုးသားပြန်လည်သင့်မြတ်ရေးနှင့် ဒီမိုကရေစီနိုင်ငံထူထောင်ရေးတွင် ဗိုလ်ချုပ်၏ ကောင်းမြတ်သော မူဝါဒလမ်းစဉ်များကို လေ့လာသုံးသပ်ပြီး၊ ယခုလိုအခွင့်အခါကောင်းနှင့် ကြုံကြိုက်ချိန်တွင် အလေးအနက်ထားပါဝင်ကြကာ အပြောအလုပ် ညီညွတ်သော၊ စေတနာမှန်သော၊ လုပ်နည်းမှန်ကန်သော ဆောင်ရွက်မှုများပြုကြရန် လိုအပ်ပါကြောင်း ဗိုလ်ချုပ် (၁၀၁)နှစ်ပြည့်မွေးနေ့ကို ဂုဏ်ပြုခြင်းနှင့်အတူ ဆန္ဒပြု တိုက်တွန်းရင်း ပန်ကြားအပ်ပါသည်။


▪ သူရဦးရွှေမန်း

-- --

ဓာတ်ပုံ >> နက်မောက်မြို့၊ ဗိုလ်ချုပ်အောင်ဆန်းနေအိမ်သို့ရောက်ရှိစဉ် ဧည့်သည်တော်မှတ်တမ်း၌ သူရဦးရွှေမန်း အမှတ်တရ ရေးသားခဲ့သည့် မှတ်တမ်း။

Share on Google Plus

About MP4 YoU

ကမ္ဘာသတင်း၊မြန်မာ့သတင်း ပေါင်းစုံကိုရောသမမွှေဖော်ပြသွားမည့်
MP4 YoU (The Melting Pot For You)