ဖြဲ႔စည္းပုံျပင္ဆင္ေရး ညွဳိႏွဳိင္းမႈအေပၚ သုံးသပ္ခ်က္

တပ္မေတာ္ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴး ႀကီးမင္းေအာင္လိႈင္က ေဖေဖာ္၀ါရီလ ၂၂ရက္ ႔နံနက္ပိုင္းက ကေလာတပ္နယ္မွ စစ္ဦးစီးတကၠသိုလ္ သင္တန္းသား အရာရွိႀကီးမ်ားကို ေတြ႔ဆံု အမွာစကား ေျပာၾကားေနစဥ္။ (ဓါတ္ပံု-official publication)
ဗိုလ္ခ်ဳပ္မွဴးႀကီး မင္းေအာင္လႈိင္ နဲ႔ ေဒၚေအာင္ဆန္းစုၾကည္တို႔ႏွစ္ဦး သံုးႀကိမ္ေျမာက္ ေတြ႕ဆံုေဆြးေႏြးခဲ့ေပမယ့္ ေဒၚေအာင္ဆန္းစုၾကည္ သမၼတျဖစ္ေရး စစ္တပ္ရဲ႕ေထာက္ခံမႈ မရေသးတဲ့ အေျခအေနရွိေနတယ္ လို႔ ျမန္မာ ဥပေဒပညာရွင္တခ်ဳိ႕နဲ႔ ႏိုင္ငံေရး အကဲခတ္ေလ့လာသူ ေတြက သံုးသပ္ၾကပါတယ္။ မေန႕က ကေလာတပ္နယ္မွာ တပ္မေတာ္ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီး မင္းေအာင္လိႈင္က ဖြဲ႕စည္းပံုျပင္ေရး သူရဲ႕ သေဘာထား ေျပာၾကားသြားတာနဲ႔ ပတ္သက္လို႔ အခုလိုတုန္႕ျပန္တာျဖစ္ပါတယ္။ မအင္ၾကင္းႏိုင္က အျပည့္အစံုကိုဆက္ၿပီးေျပာျပမွာျဖစ္ပါတယ္။

ကာကြယ္ေရးဦးစီးခ်ဳပ္နဲ႔တတိယအႀကိမ္သီးသန္႔ေတြ႕ဆံုၿပီးေနာက္ ေဒၚေအာင္ဆန္းစုၾကည္အေနနဲ႔ သူသမၼတတာ၀န္ယူႏိုင္ေရးအတြက္ တပ္မေတာ္နဲ႔ သေဘာတူညီခ်က္ တစံုတရာရေနၿပီလားဆိုတဲ့ ခန္႕မွန္းခ်က္တခ်ဳိ႕ရွိေနခ်ိန္မွာ ကာကြယ္ေရးဦးစီးခ်ဳပ္ မိန္႕ခြန္းေပၚထြက္လာတာပါ။ ဖဲြ႕စည္းပံုျပင္ေရးကို သင့္ေတာ္တဲ့အခ်ိန္ေရာက္မွ ဖဲြ႕စည္းပံုအေျခခံဥပေဒ အခန္း (၁၂)အတိုင္း ျပဳျပင္ရမွာျဖစ္တယ္လို႔ ကေလာတပ္နယ္က စစ္ဦးစီးတကၠသိုလ္ သင္တန္းသား အရာရွိေတြကို မေန႔က ဗုိလ္ခ်ဳပ္မွဴးႀကီး မင္းေအာင္လႈိင္ ေျပာၾကားခဲ့တာျဖစ္ပါတယ္။ ဒီေျပာဆိုခ်က္ဟာ ဖဲြ႕စည္းပံုအေျခခံဥပေဒ ပုဒ္မ ၅၉ (စ)ကို ဆိုင္းငံ့ထားဖို႔ ကာကြယ္ေရး ဦးစီးခ်ဳပ္အေနနဲ႕ လက္ခံမွာမဟုတ္ဘူးဆိုတာ ျပလိုက္တာပဲျဖစ္တယ္လို႔ သံုးသပ္ေၾကာင္း ဥပေဒပညာရွင္ တရားလႊတ္ေတာ္ေရွ႕ေနႀကီး ဦးကိုနီက ဗီြအိုေအကိုေျပာပါတယ္။

“ဖြဲ႕စည္းပံု အေျခခံဥပေဒ ၅၉ (စ)ကို ဆိုင္းငံ့ပါ။ ေဒၚေအာင္ဆန္းစုၾကည္ သမၼတ ျဖစ္ႏို္င္ေအာင္ ဆိုၿပီး ေျပာၾကတယ္။ ကၽြန္ေတာ္လည္း ပါပါတယ္။ ျပည္သုူ ေတာ္ေတာ္မ်ားမ်ားကလဲ ေျပာၾကပါတယ္။ သို႕ေသာ္လည္း အဲဒါကိုလက္မခံႏိုင္ဘူး။ ျပင္ပါဆိုရင္ေတာ့ သေဘာကေတာ့ သူ သေဘာတူမွပဲ ျပင္လို႕ ရမယ့္ ကိစၥကို ျပင္ပါလို႕ပဲ ေျပာေနတယ္ ဆိုရင္ေတာ့ ဆိုင္းငံ့တာကို လက္မခံဘူးဆိုတဲ့ အဓိပၸါယ္ပဲ။ ျပင္ဖို႕ ကိစၥလဲ ကၽြန္ေတာ္တို႕ ႀကိဳးစားခဲ့ၿပီးၿပီ။ မေအာင္ျမင္ဘူး။ အဲေတာ့ ျမန္မာႏိုင္ငံရဲ႕ ကံၾကမၼာ ဘယ္သူ႕လက္ထဲမွာရွိသလဲ ဆိုတဲ့ အဓိပၸါယ္။ လူတစ္ေယာက္ရဲ႕ လက္ထဲမွာပဲ ရွိတယ္ဆိုတဲ့ အဓိပၸါယ္ပါပဲ။ အဲေတာ့ ကၽြန္ေတာ္တို႕ တိုင္းျပည္ရဲ႕ ကံၾကမၼာ မေကာင္းေသးဘူးလို႕ပဲ ေျပာရမွာ ေပါ့ဗ်ာ။”

ဖြဲ႕စည္းပံုမွာပါတဲ့ အခန္း(၁၂)အရဆိုရင္ ဖဲြ႕စည္းပံုျပင္ဆင္ဖို႔ ျပည္ေထာင္စု လႊတ္ေတာ္ ကိုယ္စားလွယ္ အားလံုးရဲ႕ (၇၅%) ေက်ာ္ သေဘာတူ ေထာက္ခံမွျဖစ္တာေၾကာင့္ စစ္တပ္ကိုယ္စားလွယ္ (၂၅%) ေထာက္ခံမႈ မရရင္ ျပင္ဆင္ခြင့္ရမွာမဟုတ္ပါဘူး။ ဒီအေတာအတြင္းမွာပဲ ဖဲြ႕စည္းပံုကို ျပင္ဆင္စရာ မလိုပဲ ေဒၚေအာင္ဆန္းစုၾကည္ကိုသမၼတျဖစ္ေစခ်င္ရင္ သူရဲ႕ရင္ေသြးႏွစ္ဦးနဲ႔မိသားစု၀င္ေတြက ျမန္မာႏိုင္ငံသား အျဖစ္ခံယူဖို႔လိုတယ္လို႔ ျပန္ၾကားေရး၀န္ႀကီး ဦးရဲထြဋ္က ဗီြအိုေအနဲ႕ ႔ေတြ႕ဆံုေမးျမန္းခန္းမွာ ေျပာသြားတာပါ။ ဒါနဲ႔ပတ္သက္လို႕ ဦးကိုနီရဲ႕အျမင္ကေတာ့---

“အဲဒီေတာ့ ေဒၚေအာင္ဆန္းစုၾကည္ရဲ႕ သားႏွစ္ေယာက္ ႏိုင္ငံသားအျဖစ္ ေလွ်ာက္ထားတာနဲ႕ ေပးမွာလား။ ေပးမယ္လုိ႕ ဘယ္သူက တာ၀န္ယူတာတံုး။ ဒီကေလးေတြကရဲ႕ ျမန္မာႏိုင္ငံသားအျဖစ္က ဘယ္သူက ရုတ္သိမ္းခဲ့တာလဲ။ ကၽြန္ေတာ္ကေတာ့ အဲဒါေတြက ထမင္ေရပူ လွ်ာလြဲေျပာသလိုပဲ ထင္တယ္။ ျမန္မာႏိုင္ငံရဲ႕ ကံၾကမၼာဟာ ေဒၚေအာင္ဆန္းစုၾကည္ရဲ႕ သားႏွစ္ေယာက္အေပၚမွာ မူတည္ သလိုမ်ိဳးျဖစ္ေနတယ္။ တကယ္ေတာ့ ေဒၚေအာင္ဆန္းစုၾကည္ရဲ႕ သားႏွစ္ေယာက္က သူတို႕ အေမကို သမၼတ ျဖစ္ေစခ်င္တဲ့ သေဘာ ကၽြန္ေတာ္မျမင္ပါဘူး။ သူတုိ႕က သူတို႕ဟာ သူတို႕ ေအးေဆးေနတဲ့ သူေတြပါပဲ။ ေဒၚေအာင္ဆန္း စုၾကည္ကို သမၼတ ျဖစ္ဖို႕ လိုလားတာက ျပည္သူ သန္း၅၀က လိုလားေနတာပါ။”

အလားတူ ၁၉၄၇ခုနွစ္ ဖဲြ႕စည္းပံုအေျခခံဥပေဒပါ ျပဌာန္းခ်က္တခုကို အရင္ဦးႏုအစိုးရလက္ထက္မွာ လႊတ္ေတာ္က ဆိုင္းငံ့တာလား၊ ျပင္ဆင္တာလား ဆိုတဲ့အျငင္းပြားေနတဲ့အခ်က္ကိုလည္း ဦးကိုနီက အခုလိုရွင္းျပပါတယ္။

“ဖြဲ႕စည္းပံုအေျခခံ ဥပေဒ ျပင္ဆင္ေရး အဆိုတင္တဲ့ ဦးေက်ာ္ၿငိမ္း ကိုယ္တိုင္က ေျပာသြားတယ္။ အျမဲတမ္းအတြက္ ရပ္ဆိုင္းတာ မဟုတ္ပါဘူး။ ကၽြန္ေတာ္တို႕က လာမယ့္ေရြးေကာက္ပြဲကေန ၀န္ႀကီးခ်ုဳပ္ တပါး ေရြးျခယ္ၿပီးသည္အထိ အခ်ိန္ကာလ တစ္ခု သတ္မွတ္ၿပီးေတာ့ ရပ္ဆိုင္းတာပါ။ သူကဒီလို ေျပာသြားတယ္။ ဒါက ဦးေက်ာ္ၿငိမ္း ေျပာတဲ့ စကား။ အဲေတာ့ ဒီအခ်ိန္ကာလတစ္ခုအတြက္ ေခတၱ ခဏ ရပ္ဆိုင္းတယ္ ဆိုတာဟာ ဆိုင္းငံ့တာလို႕။ ကၽြန္ေတာ္တို႕ ဒီ ဖြဲ႕စည္းပံု အေျခခံဥပေဒ ပုဒ္မ ၁၁၆ ေပါ့ေလ။ ၁၉၄၇ ဖြဲ႕စည္းပံုအေျခခံဥပေဒ ပုဒ္မ ၁၁၆ကို အခ်ိန္ကာလ တစ္ခုအတြက္ ယာယီ ရပ္ဆိုင္းတယ္ဆိုတဲ့ အဓိပၸါယ္ဟာ ဆိုင္းငံ့တာပဲ။ ဆိုင္းငံ့တယ္ဆိုတာက အျမဲတမ္းအတြက္ ပယ္ဖ်က္လိုက္တဲ့ သေဘာ မဟုတ္ပါဘူး။ ေခတၱ ခဏ ရပ္တယ္ဆိုတာ ဆိုင္းငံ့တာနဲ႕ အဓိပါယ္တူတယ္ဆိုၿပီးေတာ့၊ အတူတူပဲ ဆိုတဲ့ အဓိပၸါယ္ပဲလို႕ကၽြန္ေတာ္ ေျပာတာပါ။တိတိက်က်ေျပာရရင္ ေဒါက္တာ ေမာင္ေမာင္။ တရားသူႀကီးခ်ဳပ္လဲ လုပ္ခဲ့တယ္။ ဖြဲ႕စည္းပံု အေျခခံ ဥပေဒ ပညာရွင္ လည္း ျဖစ္တယ္။ ေဒါက္တာ ေမာင္ေမာင္က ၁၉၈၉ ခုႏွစ္မွာ second edition ထုတ္တဲ့ စာအုပ္ရဲ႕ စာမ်က္ႏွာ ၃၄မွာ ကၽြန္ေတာ္ေစာေစာက ေျပာသလို ၁၉၅၉မွာ ဦးေန၀င္းကို ၀န္ႀကီးခ်ဳပ္ ခန္႕ဖို႕ အတြက္ ဖြဲ႕စည္းပံုကိုျပင္ဖို႕ လႊတ္ေတာ္မွာ တင္တယ္။ လႊတ္ေတာ္က မျပင္ခ်င္ဘူး။ မျပင္လို႕လည္း မျဖစ္တဲ့အတြက္ ယာယီ ဆိုင္းငံ့ခဲ့ရ ဖူးေသးတယ္ဆိုတဲ့ ဟာကို ၈၉ခုႏွစ္ထုတ္ ေဒါက္တာ ေမာင္ေမာင္ေရးတဲ့ ဒို႕ျပည္ေထာင္စု ျမန္မာႏိုင္ငံ ဖြဲ႕စည္းပံု စာအုပ္ စာမ်က္ႏွာ ၃၄ မွာ ေရးခဲ့တယ္။ ဆိုင္းငံ့ ဆိုတဲ့ စကားကို ဥပေဒပညာရွင္ႀကီး ေဒါက္တာ ေမာင္ေမာင္ ကိုယ္တိုင္က သံုးခဲ့တာ။”

မတ္လ (၁၇)ရက္ေန႔မွာေတာ့ ဒုသမၼတေလာင္းအမည္စာရင္းေတြကို NLD က လႊတ္ေတာ္မွာ တင္သြင္းမွာျဖစ္ပါတယ္။ အဲဒီထဲကမွ ေထာက္ခံမဲအမ်ားဆံုး ရတဲ့သူကို သမၼတအျဖစ္ ေရြးခ်ယ္တင္ေျမွာက္မွာျဖစ္ပါတယ္။ အဲဒီေနာက္မွာ သမၼတသစ္ ဦးေဆာင္မယ့္ အစိုးရသစ္အေနနဲ႔ ဧၿပီလ (၁)ရက္ေန႔မွာ အာဏာကို လဲႊေျပာင္းရယူမွာ ျဖစ္ပါတယ္။

အင္ၾကင္းႏိုင္ / ဗြီအုိေအ (ျမန္မာပုိင္း)
http://burmese.voanews.com
..........
 တပ်မတော်ကာကွယ်ရေးဦးစီးချုပ် ဗိုလ်ချုပ်မှူး ကြီးမင်းအောင်လှိုင်က ဖေဖော်ဝါရီလ ၂၂ရက် ့နံနက်ပိုင်းက ကလောတပ်နယ်မှ စစ်ဦးစီးတက္ကသိုလ် သင်တန်းသား အရာရှိကြီးများကို တွေ့ဆုံ အမှာစကား ပြောကြားနေစဉ်။ (ဓါတ်ပုံ-official publication)
ဗိုလ်ချုပ်မှူးကြီး မင်းအောင်လှိုင် နဲ့ ဒေါ်အောင်ဆန်းစုကြည်တို့နှစ်ဦး သုံးကြိမ်မြောက် တွေ့ဆုံဆွေးနွေးခဲ့ပေမယ့် ဒေါ်အောင်ဆန်းစုကြည် သမ္မတဖြစ်ရေး စစ်တပ်ရဲ့ထောက်ခံမှု မရသေးတဲ့ အခြေအနေရှိနေတယ် လို့ မြန်မာ ဥပဒေပညာရှင်တချို့နဲ့ နိုင်ငံရေး အကဲခတ်လေ့လာသူ တွေက သုံးသပ်ကြပါတယ်။ မနေ့က ကလောတပ်နယ်မှာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဖွဲ့စည်းပုံပြင်ရေး သူရဲ့ သဘောထား ပြောကြားသွားတာနဲ့ ပတ်သက်လို့ အခုလိုတုန့်ပြန်တာဖြစ်ပါတယ်။ မအင်ကြင်းနိုင်က အပြည့်အစုံကိုဆက်ပြီးပြောပြမှာဖြစ်ပါတယ်။

ကာကွယ်ရေးဦးစီးချုပ်နဲ့တတိယအကြိမ်သီးသန့်တွေ့ဆုံပြီးနောက် ဒေါ်အောင်ဆန်းစုကြည်အနေနဲ့ သူသမ္မတတာဝန်ယူနိုင်ရေးအတွက် တပ်မတော်နဲ့ သဘောတူညီချက် တစုံတရာရနေပြီလားဆိုတဲ့ ခန့်မှန်းချက်တချို့ရှိနေချိန်မှာ ကာကွယ်ရေးဦးစီးချုပ် မိန့်ခွန်းပေါ်ထွက်လာတာပါ။ ဖွဲ့စည်းပုံပြင်ရေးကို သင့်တော်တဲ့အချိန်ရောက်မှ ဖွဲ့စည်းပုံအခြေခံဥပဒေ အခန်း (၁၂)အတိုင်း ပြုပြင်ရမှာဖြစ်တယ်လို့ ကလောတပ်နယ်က စစ်ဦးစီးတက္ကသိုလ် သင်တန်းသား အရာရှိတွေကို မနေ့က ဗိုလ်ချုပ်မှူးကြီး မင်းအောင်လှိုင် ပြောကြားခဲ့တာဖြစ်ပါတယ်။ ဒီပြောဆိုချက်ဟာ ဖွဲ့စည်းပုံအခြေခံဥပဒေ ပုဒ်မ ၅၉ (စ)ကို ဆိုင်းငံ့ထားဖို့ ကာကွယ်ရေး ဦးစီးချုပ်အနေနဲ့ လက်ခံမှာမဟုတ်ဘူးဆိုတာ ပြလိုက်တာပဲဖြစ်တယ်လို့ သုံးသပ်ကြောင်း ဥပဒေပညာရှင် တရားလွှတ်တော်ရှေ့နေကြီး ဦးကိုနီက ဗွီအိုအေကိုပြောပါတယ်။

“ဖွဲ့စည်းပုံ အခြေခံဥပဒေ ၅၉ (စ)ကို ဆိုင်းငံ့ပါ။ ဒေါ်အောင်ဆန်းစုကြည် သမ္မတ ဖြစ်နို်င်အောင် ဆိုပြီး ပြောကြတယ်။ ကျွန်တော်လည်း ပါပါတယ်။ ပြည်သုူ တော်တော်များများကလဲ ပြောကြပါတယ်။ သို့သော်လည်း အဲဒါကိုလက်မခံနိုင်ဘူး။ ပြင်ပါဆိုရင်တော့ သဘောကတော့ သူ သဘောတူမှပဲ ပြင်လို့ ရမယ့် ကိစ္စကို ပြင်ပါလို့ပဲ ပြောနေတယ် ဆိုရင်တော့ ဆိုင်းငံ့တာကို လက်မခံဘူးဆိုတဲ့ အဓိပ္ပါယ်ပဲ။ ပြင်ဖို့ ကိစ္စလဲ ကျွန်တော်တို့ ကြိုးစားခဲ့ပြီးပြီ။ မအောင်မြင်ဘူး။ အဲတော့ မြန်မာနိုင်ငံရဲ့ ကံကြမ္မာ ဘယ်သူ့လက်ထဲမှာရှိသလဲ ဆိုတဲ့ အဓိပ္ပါယ်။ လူတစ်ယောက်ရဲ့ လက်ထဲမှာပဲ ရှိတယ်ဆိုတဲ့ အဓိပ္ပါယ်ပါပဲ။ အဲတော့ ကျွန်တော်တို့ တိုင်းပြည်ရဲ့ ကံကြမ္မာ မကောင်းသေးဘူးလို့ပဲ ပြောရမှာ ပေါ့ဗျာ။”

ဖွဲ့စည်းပုံမှာပါတဲ့ အခန်း(၁၂)အရဆိုရင် ဖွဲ့စည်းပုံပြင်ဆင်ဖို့ ပြည်ထောင်စု လွှတ်တော် ကိုယ်စားလှယ် အားလုံးရဲ့ (၇၅%) ကျော် သဘောတူ ထောက်ခံမှဖြစ်တာကြောင့် စစ်တပ်ကိုယ်စားလှယ် (၂၅%) ထောက်ခံမှု မရရင် ပြင်ဆင်ခွင့်ရမှာမဟုတ်ပါဘူး။ ဒီအတောအတွင်းမှာပဲ ဖွဲ့စည်းပုံကို ပြင်ဆင်စရာ မလိုပဲ ဒေါ်အောင်ဆန်းစုကြည်ကိုသမ္မတဖြစ်စေချင်ရင် သူရဲ့ရင်သွေးနှစ်ဦးနဲ့မိသားစုဝင်တွေက မြန်မာနိုင်ငံသား အဖြစ်ခံယူဖို့လိုတယ်လို့ ပြန်ကြားရေးဝန်ကြီး ဦးရဲထွဋ်က ဗွီအိုအေနဲ့ ့တွေ့ဆုံမေးမြန်းခန်းမှာ ပြောသွားတာပါ။ ဒါနဲ့ပတ်သက်လို့ ဦးကိုနီရဲ့အမြင်ကတော့---

“အဲဒီတော့ ဒေါ်အောင်ဆန်းစုကြည်ရဲ့ သားနှစ်ယောက် နိုင်ငံသားအဖြစ် လျှောက်ထားတာနဲ့ ပေးမှာလား။ ပေးမယ်လို့ ဘယ်သူက တာဝန်ယူတာတုံး။ ဒီကလေးတွေကရဲ့ မြန်မာနိုင်ငံသားအဖြစ်က ဘယ်သူက ရုတ်သိမ်းခဲ့တာလဲ။ ကျွန်တော်ကတော့ အဲဒါတွေက ထမင်ရေပူ လျှာလွဲပြောသလိုပဲ ထင်တယ်။ မြန်မာနိုင်ငံရဲ့ ကံကြမ္မာဟာ ဒေါ်အောင်ဆန်းစုကြည်ရဲ့ သားနှစ်ယောက်အပေါ်မှာ မူတည် သလိုမျိုးဖြစ်နေတယ်။ တကယ်တော့ ဒေါ်အောင်ဆန်းစုကြည်ရဲ့ သားနှစ်ယောက်က သူတို့ အမေကို သမ္မတ ဖြစ်စေချင်တဲ့ သဘော ကျွန်တော်မမြင်ပါဘူး။ သူတို့က သူတို့ဟာ သူတို့ အေးဆေးနေတဲ့ သူတွေပါပဲ။ ဒေါ်အောင်ဆန်း စုကြည်ကို သမ္မတ ဖြစ်ဖို့ လိုလားတာက ပြည်သူ သန်း၅၀က လိုလားနေတာပါ။”

အလားတူ ၁၉၄၇ခုနှစ် ဖွဲ့စည်းပုံအခြေခံဥပဒေပါ ပြဌာန်းချက်တခုကို အရင်ဦးနုအစိုးရလက်ထက်မှာ လွှတ်တော်က ဆိုင်းငံ့တာလား၊ ပြင်ဆင်တာလား ဆိုတဲ့အငြင်းပွားနေတဲ့အချက်ကိုလည်း ဦးကိုနီက အခုလိုရှင်းပြပါတယ်။

“ဖွဲ့စည်းပုံအခြေခံ ဥပဒေ ပြင်ဆင်ရေး အဆိုတင်တဲ့ ဦးကျော်ငြိမ်း ကိုယ်တိုင်က ပြောသွားတယ်။ အမြဲတမ်းအတွက် ရပ်ဆိုင်းတာ မဟုတ်ပါဘူး။ ကျွန်တော်တို့က လာမယ့်ရွေးကောက်ပွဲကနေ ၀န်ကြီးချုုပ် တပါး ရွေးခြယ်ပြီးသည်အထိ အချိန်ကာလ တစ်ခု သတ်မှတ်ပြီးတော့ ရပ်ဆိုင်းတာပါ။ သူကဒီလို ပြောသွားတယ်။ ဒါက ဦးကျော်ငြိမ်း ပြောတဲ့ စကား။ အဲတော့ ဒီအချိန်ကာလတစ်ခုအတွက် ခေတ္တ ခဏ ရပ်ဆိုင်းတယ် ဆိုတာဟာ ဆိုင်းငံ့တာလို့။ ကျွန်တော်တို့ ဒီ ဖွဲ့စည်းပုံ အခြေခံဥပဒေ ပုဒ်မ ၁၁၆ ပေါ့လေ။ ၁၉၄၇ ဖွဲ့စည်းပုံအခြေခံဥပဒေ ပုဒ်မ ၁၁၆ကို အချိန်ကာလ တစ်ခုအတွက် ယာယီ ရပ်ဆိုင်းတယ်ဆိုတဲ့ အဓိပ္ပါယ်ဟာ ဆိုင်းငံ့တာပဲ။ ဆိုင်းငံ့တယ်ဆိုတာက အမြဲတမ်းအတွက် ပယ်ဖျက်လိုက်တဲ့ သဘော မဟုတ်ပါဘူး။ ခေတ္တ ခဏ ရပ်တယ်ဆိုတာ ဆိုင်းငံ့တာနဲ့ အဓိပါယ်တူတယ်ဆိုပြီးတော့၊ အတူတူပဲ ဆိုတဲ့ အဓိပ္ပါယ်ပဲလို့ကျွန်တော် ပြောတာပါ။တိတိကျကျပြောရရင် ဒေါက်တာ မောင်မောင်။ တရားသူကြီးချုပ်လဲ လုပ်ခဲ့တယ်။ ဖွဲ့စည်းပုံ အခြေခံ ဥပဒေ ပညာရှင် လည်း ဖြစ်တယ်။ ဒေါက်တာ မောင်မောင်က ၁၉၈၉ ခုနှစ်မှာ second edition ထုတ်တဲ့ စာအုပ်ရဲ့ စာမျက်နှာ ၃၄မှာ ကျွန်တော်စောစောက ပြောသလို ၁၉၅၉မှာ ဦးနေဝင်းကို ၀န်ကြီးချုပ် ခန့်ဖို့ အတွက် ဖွဲ့စည်းပုံကိုပြင်ဖို့ လွှတ်တော်မှာ တင်တယ်။ လွှတ်တော်က မပြင်ချင်ဘူး။ မပြင်လို့လည်း မဖြစ်တဲ့အတွက် ယာယီ ဆိုင်းငံ့ခဲ့ရ ဖူးသေးတယ်ဆိုတဲ့ ဟာကို ၈၉ခုနှစ်ထုတ် ဒေါက်တာ မောင်မောင်ရေးတဲ့ ဒို့ပြည်ထောင်စု မြန်မာနိုင်ငံ ဖွဲ့စည်းပုံ စာအုပ် စာမျက်နှာ ၃၄ မှာ ရေးခဲ့တယ်။ ဆိုင်းငံ့ ဆိုတဲ့ စကားကို ဥပဒေပညာရှင်ကြီး ဒေါက်တာ မောင်မောင် ကိုယ်တိုင်က သုံးခဲ့တာ။”

မတ်လ (၁၇)ရက်နေ့မှာတော့ ဒုသမ္မတလောင်းအမည်စာရင်းတွေကို NLD က လွှတ်တော်မှာ တင်သွင်းမှာဖြစ်ပါတယ်။ အဲဒီထဲကမှ ထောက်ခံမဲအများဆုံး ရတဲ့သူကို သမ္မတအဖြစ် ရွေးချယ်တင်မြှောက်မှာဖြစ်ပါတယ်။ အဲဒီနောက်မှာ သမ္မတသစ် ဦးဆောင်မယ့် အစိုးရသစ်အနေနဲ့ ဧပြီလ (၁)ရက်နေ့မှာ အာဏာကို လွှဲပြောင်းရယူမှာ ဖြစ်ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)