ေရလယ္ကုန္းရြာ၌ ဖမ္းဆီးမိသည့္ က်ားေသကို မီးသၿဂၤ ိဳလ္ရန္ စီစဥ္ေန


ေဖေဖာ္ဝါရီ ၂၆ရက္၊ ၂၀၁၆ခုႏွစ္။ ကေဆာဝါး

ေကာ့ကရိတ္ၿမိဳ႕နယ္အတြင္း ယမန္ေန႔က ဖမ္းဆီးရမိခဲ့သည့္ က်ားေသကို မည္သို႔ေဆာင္ရြက္သြားရန္ ေကာ့ကရိတ္ခ႐ိုင္၊ သစ္ ေတာဦးစီးဌာနက အထက္အဆင့္ဌာနသို႔ အေၾကာင္းၾကားထားေနဆဲအခ်ိန္တြင္ ေဒသခံ ဘိုးဘြားလူႀကီးမ်ားက နတ္က်ားဟု ယူဆကာ ေရလယ္ကုန္းရြာ၊ ျမေစတီဘုရားဝင္း၌ ေဖေဖာ္၀ါရီလ ၂၇ရက္(စေနေန႔)တြင္ မီးသၿဂႋဳလ္သြားရန္ စီစဥ္လွ်က္ရွိသည္ဟု သိရသည္။

က်ားေသ မီးသၿဂႋဳလ္ရန္ ဦးေဆာင္သူတစ္ဦးျဖစ္သည့္ ေရလယ္ကုန္းဆရာေတာ္ဦးေကသရက “ဆရာေတာ္ရဲ႕အိပ္မက္အရ ဒီက်ားကို မီးသၿဂႋဳလ္သြားဖို႔ရွိတယ္။ ၿပီးရင္ အ႐ိုးျပာေတြကို ျမေစတီဘုရား႒ာပနာထဲမွာ ထည့္သြားမယ္။ က်ားက ဘုရားကို လာ ဖူးေနတဲ့သ႑ာန္ က်ား႐ုပ္ထုတစ္ခု ဘုရားရင္ျပင္မွာ ထုလုပ္သြားမယ္”ဟု ေျပာသည္။

ယင္းကိစၥအေပၚ ၿမိဳ႕နယ္အုပ္ခ်ဳပ္ေရးမႉး၊ ၿမိဳ႕နယ္သစ္ေတာဦးစီးဌာန၊ KNU/KNLA ၿငိမ္းခ်မ္းေရးေကာင္စီမွ ဗိုလ္ေက်ာ္ဝင္း၊ စကခ (၁၂)မွ တာဝန္ရွိသူမ်ားႏွင့္ တိုင္ပင္သြားကာ ေဖေဖာ္ဝါရီလ ၂၇ရက္ေန႔တြင္ က်ားကို မီးသၿဂႋဳလ္သြားမည္ဟုလည္း ဆရာေတာ္ ဦးေကသရက ဆက္ေျပာသည္။

သို႔ေသာ္ အဆိုပါက်ားကိစၥႏွင့္ပတ္သက္၍ လက္ရွိ ေကာ့ကရိတ္ၿမိဳ႕နယ္ ေရလယ္ကုန္းရြာႏွင့္ အနီးတဝိုက္ရွိ ေဒသခံရြာသားမ်ား က အျမင္အမ်ဳိးမ်ဳိးထြက္ေပၚလွ်က္ရွိၿပီး အခ်ဳိ႕က နတ္က်ားျဖစ္ေၾကာင္းႏွင့္ အခ်ဳိ႕က ႐ိုး႐ိုးက်ားျဖစ္ေၾကာင္း ေျပာဆိုေနၾကသည္။

လတ္တေလာ ေရလယ္ကုန္း ျမေစတီဘုရားဝင္းတြင္ ထားရွိသည့္ က်ားေသကို သြားေရာက္ၾကည့္႐ႈသူ မ်ားျပားလွ်က္ရွိၿပီး က်ား မွာ အစြယ္ႏွင့္ ႏႈတ္ခမ္းေမႊးမ်ား၊ လက္သည္းမ်ား မရွိေတာ့ေၾကာင္း ကိုယ္တိုင္သြားေရာက္ၾကည့္႐ႈခဲ့သည့္ ေဒသခံမ်ားက ေျပာ ဆိုသည္။

ေကာ့ကရိတ္ခ႐ိုင္ သစ္ေတာဦးစီးဌာနမွ ဒုဦးစီးတာဝန္ခံ ေစာကေပၚထူးက “ဒီကိစၥကို က်ေနာ္တို႔ အထက္ဌာန (ျပည္နယ္အဆင့္ သစ္ေတာဦးစီးဌာန)ကို တင္ျပထားတယ္။ အေၾကာင္းျပန္ၾကားတာ မရွိေသးတဲ့အတြက္ က်ေနာ္တို႔ဌာနကေတာ့ ဆက္လက္ၿပီး ခ်ိတ္ဆက္ေဆာင္ရြက္မႈေတြ လုပ္ေနပါတယ္။”ဟု ေကအိုင္စီသို႔ ေျပာသည္။

ထိုသို႔ က်ားေသမီးသၿဂႋဳလ္သည့္ကိစၥ ျဖစ္ေပၚေနခ်ိန္တြင္ ေဖေဖာ္ဝါရီ ၂၅ရက္ေန႔က က်ားကိုက္၍ ဒဏ္ရာရရွိသြားသည့္ အသက္ ၅၁ႏွစ္အရြယ္ ေစာခ်က္ျပဴး(ခ) ထိပ္ျဖဴႏွင့္ အသက္ ၁၈ႏွစ္အရြယ္ ေစာေအာင္ကိုေလးတို႔မွာမူ ခါးေနာက္ေက်ာမွ က်ားကိုက္ခံ ထားရသည့္ ဒဏ္ရာမ်ားျဖင့္ ေဆးကုသမႈ ခံယူလွ်က္ရွိသည္။

ကေဆာဝါး
ေကအုိင္စီ - KIC
http://kicnews.org

................................................


ဖေဖော်ဝါရီ ၂၆ရက်၊ ၂၀၁၆ခုနှစ်။ ကဆောဝါး

ကော့ကရိတ်မြို့နယ်အတွင်း ယမန်နေ့က ဖမ်းဆီးရမိခဲ့သည့် ကျားသေကို မည်သို့ဆောင်ရွက်သွားရန် ကော့ကရိတ်ခရိုင်၊ သစ် တောဦးစီးဌာနက အထက်အဆင့်ဌာနသို့ အကြောင်းကြားထားနေဆဲအချိန်တွင် ဒေသခံ ဘိုးဘွားလူကြီးများက နတ်ကျားဟု ယူဆကာ ရေလယ်ကုန်းရွာ၊ မြစေတီဘုရားဝင်း၌ ဖေဖော်ဝါရီလ ၂၇ရက်(စနေနေ့)တွင် မီးသင်္ဂြိုလ်သွားရန် စီစဉ်လျှက်ရှိသည်ဟု သိရသည်။

ကျားသေ မီးသင်္ဂြိုလ်ရန် ဦးဆောင်သူတစ်ဦးဖြစ်သည့် ရေလယ်ကုန်းဆရာတော်ဦးကေသရက “ဆရာတော်ရဲ့အိပ်မက်အရ ဒီကျားကို မီးသင်္ဂြိုလ်သွားဖို့ရှိတယ်။ ပြီးရင် အရိုးပြာတွေကို မြစေတီဘုရားဋ္ဌာပနာထဲမှာ ထည့်သွားမယ်။ ကျားက ဘုရားကို လာ ဖူးနေတဲ့သဏ္ဍာန် ကျားရုပ်ထုတစ်ခု ဘုရားရင်ပြင်မှာ ထုလုပ်သွားမယ်”ဟု ပြောသည်။

ယင်းကိစ္စအပေါ် မြို့နယ်အုပ်ချုပ်ရေးမှူး၊ မြို့နယ်သစ်တောဦးစီးဌာန၊ KNU/KNLA ငြိမ်းချမ်းရေးကောင်စီမှ ဗိုလ်ကျော်ဝင်း၊ စကခ (၁၂)မှ တာဝန်ရှိသူများနှင့် တိုင်ပင်သွားကာ ဖေဖော်ဝါရီလ ၂၇ရက်နေ့တွင် ကျားကို မီးသင်္ဂြိုလ်သွားမည်ဟုလည်း ဆရာတော် ဦးကေသရက ဆက်ပြောသည်။

သို့သော် အဆိုပါကျားကိစ္စနှင့်ပတ်သက်၍ လက်ရှိ ကော့ကရိတ်မြို့နယ် ရေလယ်ကုန်းရွာနှင့် အနီးတဝိုက်ရှိ ဒေသခံရွာသားများ က အမြင်အမျိုးမျိုးထွက်ပေါ်လျှက်ရှိပြီး အချို့က နတ်ကျားဖြစ်ကြောင်းနှင့် အချို့က ရိုးရိုးကျားဖြစ်ကြောင်း ပြောဆိုနေကြသည်။

လတ်တလော ရေလယ်ကုန်း မြစေတီဘုရားဝင်းတွင် ထားရှိသည့် ကျားသေကို သွားရောက်ကြည့်ရှုသူ များပြားလျှက်ရှိပြီး ကျား မှာ အစွယ်နှင့် နှုတ်ခမ်းမွှေးများ၊ လက်သည်းများ မရှိတော့ကြောင်း ကိုယ်တိုင်သွားရောက်ကြည့်ရှုခဲ့သည့် ဒေသခံများက ပြော ဆိုသည်။

ကော့ကရိတ်ခရိုင် သစ်တောဦးစီးဌာနမှ ဒုဦးစီးတာဝန်ခံ စောကပေါ်ထူးက “ဒီကိစ္စကို ကျနော်တို့ အထက်ဌာန (ပြည်နယ်အဆင့် သစ်တောဦးစီးဌာန)ကို တင်ပြထားတယ်။ အကြောင်းပြန်ကြားတာ မရှိသေးတဲ့အတွက် ကျနော်တို့ဌာနကတော့ ဆက်လက်ပြီး ချိတ်ဆက်ဆောင်ရွက်မှုတွေ လုပ်နေပါတယ်။”ဟု ကေအိုင်စီသို့ ပြောသည်။

ထိုသို့ ကျားသေမီးသင်္ဂြိုလ်သည့်ကိစ္စ ဖြစ်ပေါ်နေချိန်တွင် ဖေဖော်ဝါရီ ၂၅ရက်နေ့က ကျားကိုက်၍ ဒဏ်ရာရရှိသွားသည့် အသက် ၅၁နှစ်အရွယ် စောချက်ပြူး(ခ) ထိပ်ဖြူနှင့် အသက် ၁၈နှစ်အရွယ် စောအောင်ကိုလေးတို့မှာမူ ခါးနောက်ကျောမှ ကျားကိုက်ခံ ထားရသည့် ဒဏ်ရာများဖြင့် ဆေးကုသမှု ခံယူလျှက်ရှိသည်။

ကဆောဝါး
ကေအိုင်စီ - KIC
http://kicnews.org
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)