ဘိန္းစုိက္ခင္း ၆ ခုကုိ သြားေရာက္ စစ္ေဆးဖုိ႔ သေဘာတူဆံုးျဖတ္

ကခ်င္ျပည္နယ္ ဝိုင္းေမာ္ၿမိဳ႕နယ္ ေဝမိုးေက်းရြာအုပ္စု တရုတ္မဂါေက်းရြာအနီးမွာ စိုက္ပ်ိဳးထားတဲ့ ဘိန္းစိုက္ခင္းေတြကို ၂၀၁၆ ခုႏွစ္ ဇန္နဝါရီ ၉ ရက္ေန႔က တပ္မေတာ္၊ ရဲတပ္ဖြဲ႕နဲ႔ ႒ာနဆိုင္ရာဝန္ထမ္းေတြ စုေပါင္းဖ်က္ဆီးစဥ္။ Photo: Kyaw Myo Min/RFA
ကခ်င္ျပည္နယ္ ဆဒံုးနဲ႔ ကန္ပိုက္တီ ေဒသတစ္ဝိုက္မွာ ဘိန္းခင္းေတြ သြားေရာက္ဖ်က္ဆီးမယ့္အဖြဲ႔ ဟာ မေန႔က ျပည္နယ္လံုၿခံဳေရးနဲ႔ နယ္စပ္ေရးရာဝန္ႀကီးနဲ႔ ေတြ႔ဆံုခဲ့ၿပီး ဘိန္းစိုက္ခင္းေတြရွိႏိုင္တဲ႔ ေနရာ ၆ ခုကို အရင္ဆံုးသြားေရာက္ ကြင္းဆင္းစစ္ေဆးဖို႔ ဆံုးျဖတ္ခဲ့ၾကပါတယ္။

ဘိန္းစိုက္ခင္းေတြရွိႏိုင္တဲ့ေနရာ ၆ ခုထဲမွာ ေဝမိုး၊ စင္ႀကိဳင္၊ ေမာ္စီတံုး၊ တာၾကားေဟာ့ စတဲ့ ရြာေပါင္း သံုးဆယ္ေလာက္ပါဝင္တယ္လို႔ ဝိုင္းေမာ္ၿမိဳ႕နယ္ ကခ်င္လူမႈအေျချပဳ မူးယစ္ေဆးဝါး တိုက္ဖ်က္ေရး အဖြဲ႔ ေခါင္းေဆာင္တစ္ဦးျဖစ္တဲ႔ ဦးဘရန္ေရွာင္က ေျပာပါတယ္။

"က်ေနာ္တို႔အေနနဲ႔ေတာ့ လူစုခြဲၿပီးေတာ့ ေလ့လာတဲ့ဒီအစီအစဥ္လုပ္ေပမယ့္ လုပ္ရင္းနဲ႔ လူထုအားလံုး ၿငိမ္းေဆးၾကဖို႔ အဲ့ဒါအဓိကျဖစ္တယ္၊ လူထုအားလံုး မထြက္ခင္ေလးမွာ လုပ္လို႔ရတဲ့အစီအစဥ္တစ္ခု ေပၚ လာတဲ့အတြက္ေၾကာင့္ အဲ့ဒါလည္း လုပ္သင့္မယ္လို႔ ေကာ္မတီအေနနဲ႔ အဲ့လိုသံုးသပ္ၿပီးေတာ့ နယ္လံုနဲ႔ ျပန္ညွိၿပီးဖို႔ အဲ့လိုစီစဥ္ေနတာ"

ကခ်င္လူမႈအေျချပဳ မူးယစ္ေဆးဝါးတိုက္ဖ်က္ေရးအဖြဲ႔က ကြင္းဆင္းစစ္ေဆး သြားေရာက္ဖို႔ လူစာရင္းတင္ျပလာရင္ အစိုးရဘက္က လံုၿခံဳေရးယူေပးဖို႔ အဆင္သင့္ျဖစ္ေနၿပီလို႔ ကခ်င္ျပည္နယ္ ရဲတပ္ဖြဲ႔ရံုးက ေျပာပါတယ္။

အခုရက္ပိုင္းအတြင္းမွာ လုၾကည္၊ လဖိုင္၊ ထန္းမိုခမ္း စတဲ့ ေက်းရြာေတြနဲ႔ မန္ဒံုေခ်ာင္းဖ်ားတစ္ဝိုက္မွာ ေကအိုင္ေအ တပ္ေတြက လႈပ္ရွားမႈေတြရွိလာတဲ့အတြက္ အစိုးရတပ္မေတာ္က နယ္ေျမရွင္းလင္းေရး ေဆာင္ရြက္ရင္ တိုက္ပြဲျဖစ္ပြားမွာကို စိုးရိမ္တယ္လို႔ ေဒသခံေတြက ေျပာပါတယ္။

ကခ်င္ျပည္နယ္မွာ ကခ်င္လြတ္ေျမာက္ေရးတပ္မေတာ္ ေကအိုင္ေအ၊ ကခ်င္အထူးေဒသ ( ၁ ) နဲ႔ ေဂြထုေဒသ ဌာေနျပည္သူ႔စစ္အဖြဲ႔ စတဲ့နယ္ေျမေတြမွာ ဘိန္းစိုက္ပ်ိဳးလုပ္ကိုင္မႈေတြရွိတယ္လို႔ ေဒသခံေတြက ေျပာပါတယ္။

ဒီႏွစ္ ဇန္နဝါရီလဆန္းပိုင္းကစၿပီး အခုအခ်ိန္အထိ ကခ်င္ျပည္နယ္မွာ ဘိန္းစိုက္ခင္းဧက သံုးေထာင္ေက်ာ္ကို ဖ်က္ဆီးႏိုင္ခဲ့ပါတယ္။

RFA Burmese
http://www.rfa.org/burmese

...................................


ကချင်ပြည်နယ် ဝိုင်းမော်မြို့နယ် ဝေမိုးကျေးရွာအုပ်စု တရုတ်မဂါကျေးရွာအနီးမှာ စိုက်ပျိုးထားတဲ့ ဘိန်းစိုက်ခင်းတွေကို ၂၀၁၆ ခုနှစ် ဇန်နဝါရီ ၉ ရက်နေ့က တပ်မတော်၊ ရဲတပ်ဖွဲ့နဲ့ ဋ္ဌာနဆိုင်ရာဝန်ထမ်းတွေ စုပေါင်းဖျက်ဆီးစဉ်။ Photo: Kyaw Myo Min/RFA
ကချင်ပြည်နယ် ဆဒုံးနဲ့ ကန်ပိုက်တီ ဒေသတစ်ဝိုက်မှာ ဘိန်းခင်းတွေ သွားရောက်ဖျက်ဆီးမယ့်အဖွဲ့ ဟာ မနေ့က ပြည်နယ်လုံခြုံရေးနဲ့ နယ်စပ်ရေးရာဝန်ကြီးနဲ့ တွေ့ဆုံခဲ့ပြီး ဘိန်းစိုက်ခင်းတွေရှိနိုင်တဲ့ နေရာ ၆ ခုကို အရင်ဆုံးသွားရောက် ကွင်းဆင်းစစ်ဆေးဖို့ ဆုံးဖြတ်ခဲ့ကြပါတယ်။

ဘိန်းစိုက်ခင်းတွေရှိနိုင်တဲ့နေရာ ၆ ခုထဲမှာ ဝေမိုး၊ စင်ကြိုင်၊ မော်စီတုံး၊ တာကြားဟော့ စတဲ့ ရွာပေါင်း သုံးဆယ်လောက်ပါဝင်တယ်လို့ ဝိုင်းမော်မြို့နယ် ကချင်လူမှုအခြေပြု မူးယစ်ဆေးဝါး တိုက်ဖျက်ရေး အဖွဲ့ ခေါင်းဆောင်တစ်ဦးဖြစ်တဲ့ ဦးဘရန်ရှောင်က ပြောပါတယ်။

"ကျနော်တို့အနေနဲ့တော့ လူစုခွဲပြီးတော့ လေ့လာတဲ့ဒီအစီအစဉ်လုပ်ပေမယ့် လုပ်ရင်းနဲ့ လူထုအားလုံး ငြိမ်းဆေးကြဖို့ အဲ့ဒါအဓိကဖြစ်တယ်၊ လူထုအားလုံး မထွက်ခင်လေးမှာ လုပ်လို့ရတဲ့အစီအစဉ်တစ်ခု ပေါ် လာတဲ့အတွက်ကြောင့် အဲ့ဒါလည်း လုပ်သင့်မယ်လို့ ကော်မတီအနေနဲ့ အဲ့လိုသုံးသပ်ပြီးတော့ နယ်လုံနဲ့ ပြန်ညှိပြီးဖို့ အဲ့လိုစီစဉ်နေတာ"

ကချင်လူမှုအခြေပြု မူးယစ်ဆေးဝါးတိုက်ဖျက်ရေးအဖွဲ့က ကွင်းဆင်းစစ်ဆေး သွားရောက်ဖို့ လူစာရင်းတင်ပြလာရင် အစိုးရဘက်က လုံခြံုရေးယူပေးဖို့ အဆင်သင့်ဖြစ်နေပြီလို့ ကချင်ပြည်နယ် ရဲတပ်ဖွဲ့ရုံးက ပြောပါတယ်။

အခုရက်ပိုင်းအတွင်းမှာ လုကြည်၊ လဖိုင်၊ ထန်းမိုခမ်း စတဲ့ ကျေးရွာတွေနဲ့ မန်ဒုံချောင်းဖျားတစ်ဝိုက်မှာ ကေအိုင်အေ တပ်တွေက လှုပ်ရှားမှုတွေရှိလာတဲ့အတွက် အစိုးရတပ်မတော်က နယ်မြေရှင်းလင်းရေး ဆောင်ရွက်ရင် တိုက်ပွဲဖြစ်ပွားမှာကို စိုးရိမ်တယ်လို့ ဒေသခံတွေက ပြောပါတယ်။

ကချင်ပြည်နယ်မှာ ကချင်လွတ်မြောက်ရေးတပ်မတော် ကေအိုင်အေ၊ ကချင်အထူးဒေသ ( ၁ ) နဲ့ ဂွေထုဒေသ ဌာနေပြည်သူ့စစ်အဖွဲ့ စတဲ့နယ်မြေတွေမှာ ဘိန်းစိုက်ပျိုးလုပ်ကိုင်မှုတွေရှိတယ်လို့ ဒေသခံတွေက ပြောပါတယ်။

ဒီနှစ် ဇန်နဝါရီလဆန်းပိုင်းကစပြီး အခုအချိန်အထိ ကချင်ပြည်နယ်မှာ ဘိန်းစိုက်ခင်းဧက သုံးထောင်ကျော်ကို ဖျက်ဆီးနိုင်ခဲ့ပါတယ်။

RFA Burmese
http://www.rfa.org/burmese
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)