ေက်ာက္ထုတ္ယူေနမႈေၾကာင့္ ပါးေတာ္ေက်ာက္စာ ပ်က္စီးေတာ့မည့္ အေျခအေနႏွင့္ရင္ဆိုင္ေနရ( ကျောက်ထုတ်ယူနေမှုကြောင့် ပါးတော်ကျောက်စာ ပျက်စီးတော့မည့် အခြေအနေနှင့်ရင်ဆိုင်နေရ)


ရခိုင္ျပည္နယ္ ေျမာက္ဦးျမိဳ႕နယ္အတြင္းမွ နွစ္ေပါင္း ၄၀၀ ေက်ာ္သက္တမ္းရိွ ပါးေတာ္ေက်ာက္စာႏွင့္ တေၾကာင္းဆဲြ ပန္းခီ်မ်ားမွာ ေက်ာက္ထုတ္ယူေနမႈေၾကာင့္ ပ်က္စီးေတာ့မည့္အေျခအေနႏွင့္ ရင္ဆိုင္ေနရ ေၾကာင္း ေဒသခံမ်ားကေျပာသည္။ အဆိုပါ ပါးေတာ္ေက်ာက္စာသည္ ေျမာက္ဦးျမိဳ႕၏ ေတာင္ဘက္ ၁၆ မိုင္ ခန္႔အကြာတြင္ရိွျပီး ပါးေတာ္ေတာင္တန္းဟုေခၚေသာ သဘာ၀ေက်ာက္ေတာင္တြင္တည္ရိွျပီး ေက်ာက္တံုးမ်ား ေပၚတြင္ေရးဆဲြထားေသာ တေၾကာင္းေရးပန္းခီ်မ်ားမွာ ေက်ာက္စာနွင့္ မိုင္၀က္ခန္႔အကြာတြင္ တည္ရိွေၾကာင္း သိရသည္။

ေျမာက္ဦးျမိဳ႕နယ္ ပါးေတာ္ေက်းရြာမွ ေဒသခံတဦးျဖစ္သူ ေဒၚမပန္းစိန္က ''ကြ်န္မတို႔ ဒီေက်ာက္စာနဲ႔ ပတ္သက္ျပီး ေျပာခ်င္တာက အျမန္ဆံုးထိန္းသိမ္းေပးေစခ်င္တယ္။ အခုေက်ာက္ေတြကို စည္းကမ္းမဲ့ထုတ္ ယူေနေတာ့ ဒီေက်ာက္စာေတြနဲ႔ တေၾကာင္းပန္းခီ်ပံုပါ ေက်ာက္လံုးေတြ မၾကာမီထိခိုက္ပ်က္စီးရေတာ့မယ္''ဟု ေျပာသည္။ အဆိုပါပါးေတာ္ေက်ာက္စာတြင္ ''သကၠရာဇ္ ၈၈၆ ခု၀ါေခါင္''၊''လဆန္း ၈ ရက္ ၁ နိဥတုနတ္''၊ ''ေလ အသွ်ည္ ၁၀ မင္ေကာစ''၊ ''ပုတိေတခေသ သခၤီကို၀္ဖ်''၊ ''(က္ေသာ)သူကား လုပ္ၾကံရာမေျမာက္စီေသာ''၊ ''အ၀စိငရဲလာစိေသာ ငရဲသစ္ငုပ္ျဖစ္''၊ ''စိေသာ''ဟု ေရးထိုးပါရိွသည္ကို ေတြ႕ရသည္။ ယင္းပါးေတာ္ ေက်ာက္ စာနွင့္တေၾကာင္းေရးပန္းခီ်ပံုတို႔သည္ ေရွးဘုရင္ေခတ္က စစ္ေရးအေျခအေနေၾကာင့္ စစ္ေရွာင္လာခဲ့ရာမွ မင္းညီမင္းသားမ်ားက ေက်ာက္စာမ်ားႏွင့္ ပန္းခီ်ပံုမ်ားကိုေရးဆဲြခဲ့ၾကသည္ဟု ေဒသခံမ်ားက ယူဆၾကသည္။

ေဒသခံတဦးျဖစ္သူ ဦးေမာင္ျဖဴက ''ဒီေနရာဟာ ဘုရင္ေခတ္ေတြက စစ္ေရးေၾကာင့္ မင္းညီမင္းသားေတြ၊ မွဴးမတ္ေတြစစ္ေရွာင္လာတဲ့အရပ္လို႔ သက္ၾကီးရြယ္အိုေတြကေျပာပါတယ္။ အဲဒီလိုတိမ္းေရွာင္ေနတဲ့အခါ အခုလိုေက်ာက္စာေတြေရး၊ တေၾကာင္းဆဲြပန္းခီ်ေတြဆဲြထားခဲ့တာလို႔ ကြ်န္ေတာ္တို႔ အဲ့ဒီလိုပဲသိရပါတယ္''ဟု ေျပာသည္။ ေရွး/သုဌာနအေနျဖင့္ လက္ရိွအခိ်န္တြင္ ေက်ာက္ထုတ္ယူေနမႈမ်ားကို တားဆီးထားျပီး ေက်ာက္ စာမ်ားပ်က္စီးမႈမရိွေစရန္ အမိုးအကာမ်ားျဖင့္ ထိန္းသိမ္းမႈျပဳလုပ္သြားမည္ျဖစ္ေၾကာင္း ေရွးေဟာင္းသုေတသန ေျမာက္ဦးဌာန(ခဲြ)မွ လက္ေထာက္ညႊန္ၾကားေရးမွဴး ဦးဆန္း၀င္းက ေျပာသည္။

ျမတ္ထြန္းဇံ
News Watch(ေစာင့္ၾကည့္သတင္းဂ်ာနယ္)
https://www.facebook.com/NewsWatchJournal
...........


ရခိုင်ပြည်နယ် မြောက်ဦးမြို့နယ်အတွင်းမှ နှစ်ပေါင်း ၄၀၀ ကျော်သက်တမ်းရှိ ပါးတော်ကျောက်စာနှင့် တကြောင်းဆွဲ ပန်းချီများမှာ ကျောက်ထုတ်ယူနေမှုကြောင့် ပျက်စီးတော့မည့်အခြေအနေနှင့် ရင်ဆိုင်နေရ ကြောင်း ဒေသခံများကပြောသည်။ အဆိုပါ ပါးတော်ကျောက်စာသည် မြောက်ဦးမြို့၏ တောင်ဘက် ၁၆ မိုင် ခန့်အကွာတွင်ရှိပြီး ပါးတော်တောင်တန်းဟုခေါ်သော သဘာဝကျောက်တောင်တွင်တည်ရှိပြီး ကျောက်တုံးများ ပေါ်တွင်ရေးဆွဲထားသော တကြောင်းရေးပန်းချီများမှာ ကျောက်စာနှင့် မိုင်ဝက်ခန့်အကွာတွင် တည်ရှိကြောင်း သိရသည်။

မြောက်ဦးမြို့နယ် ပါးတော်ကျေးရွာမှ ဒေသခံတဦးဖြစ်သူ ဒေါ်မပန်းစိန်က ''ကျွန်မတို့ ဒီကျောက်စာနဲ့ ပတ်သက်ပြီး ပြောချင်တာက အမြန်ဆုံးထိန်းသိမ်းပေးစေချင်တယ်။ အခုကျောက်တွေကို စည်းကမ်းမဲ့ထုတ် ယူနေတော့ ဒီကျောက်စာတွေနဲ့ တကြောင်းပန်းချီပုံပါ ကျောက်လုံးတွေ မကြာမီထိခိုက်ပျက်စီးရတော့မယ်''ဟု ပြောသည်။ အဆိုပါပါးတော်ကျောက်စာတွင် ''သက္ကရာဇ် ၈၈၆ ခုဝါခေါင်''၊''လဆန်း ၈ ရက် ၁ နိဥတုနတ်''၊ ''လေ အသျှည် ၁၀ မင်ကောစ''၊ ''ပုတိတေခသေ သင်္ခီကိုဝ်ဖျ''၊ ''(က်သော)သူကား လုပ်ကြံရာမမြောက်စီသော''၊ ''အဝစိငရဲလာစိသော ငရဲသစ်ငုပ်ဖြစ်''၊ ''စိသော''ဟု ရေးထိုးပါရှိသည်ကို တွေ့ရသည်။ ယင်းပါးတော် ကျောက် စာနှင့်တကြောင်းရေးပန်းချီပုံတို့သည် ရှေးဘုရင်ခေတ်က စစ်ရေးအခြေအနေကြောင့် စစ်ရှောင်လာခဲ့ရာမှ မင်းညီမင်းသားများက ကျောက်စာများနှင့် ပန်းချီပုံများကိုရေးဆွဲခဲ့ကြသည်ဟု ဒေသခံများက ယူဆကြသည်။

ဒေသခံတဦးဖြစ်သူ ဦးမောင်ဖြူက ''ဒီနေရာဟာ ဘုရင်ခေတ်တွေက စစ်ရေးကြောင့် မင်းညီမင်းသားတွေ၊ မှူးမတ်တွေစစ်ရှောင်လာတဲ့အရပ်လို့ သက်ကြီးရွယ်အိုတွေကပြောပါတယ်။ အဲဒီလိုတိမ်းရှောင်နေတဲ့အခါ အခုလိုကျောက်စာတွေရေး၊ တကြောင်းဆွဲပန်းချီတွေဆွဲထားခဲ့တာလို့ ကျွန်တော်တို့ အဲ့ဒီလိုပဲသိရပါတယ်''ဟု ပြောသည်။ ရှေး/သုဌာနအနေဖြင့် လက်ရှိအချိန်တွင် ကျောက်ထုတ်ယူနေမှုများကို တားဆီးထားပြီး ကျောက် စာများပျက်စီးမှုမရှိစေရန် အမိုးအကာများဖြင့် ထိန်းသိမ်းမှုပြုလုပ်သွားမည်ဖြစ်ကြောင်း ရှေးဟောင်းသုတေသန မြောက်ဦးဌာန(ခွဲ)မှ လက်ထောက်ညွှန်ကြားရေးမှူး ဦးဆန်းဝင်းက ပြောသည်။

မြတ်ထွန်းဇံ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
Share on Google Plus

About MP4 YoU

ကမၻာသတင္း၊ျမန္မာ့သတင္း ေပါင္းစံုကိုေရာသမေမႊေဖာ္ျပသြားမည့္
MP4 YoU (The Melting Pot For You)